Phalia Press Club Regd Phalia Official

02/12/2024

30/11/2024

پھالیہ ( رپورٹ شجاع بھٹی)معروف سیاسی و سماجی شخصیت حاجی گل نواز تارڑ رائیکہ کے بیٹے ، چوہدری شاھزیب نواز تارڑ اور چوہدری خاور نواز تارڑ کے بھائی چوہدری عامر نواز اچانک تارڑ حرکت قلب بند ہونے کے باعث انتقال کر گئے ، ناگہانی وفات پر علاقہ بھر کی فضا سوگوار، مرحوم کو ہزاروں سوگواروں کی موجودگی سپردِ خاک کر دیا گیا ،تفصیلات کے مطابق گزشتہ روز
تحصیل پھالیہ کی معروف سیاسی و سماجی شخصیت حاجی گل نواز تارڑ کے صاحبزادے ، چوہدری شاھزیب نواز تارڑ صدر ہوپ آف اوورسیز پاکستانیز متحدہ عرب امارات اور چوہدری خاور نواز تارڑ کے بھائی چوہدری عامر نواز تارڑ قضائے الہیٰ سے اچانک حرکت قلب بند ہونے کے باعث انتقال کر گئے ، مرحوم کو ہزاروں سوگواروں کی موجودگی میں رائیکہ قبرستان میں سپردِ خاک کر دیا گیا ،نماز جنازہ قاری محمد افضل رائیکہ نے پڑھائی جبکہ علامہ صاحبزادہ محمد ابوبکر نے فلسفہ موت و حیات پر روشنی ڈالتے ہوئے مرحوم و مغفور چوہدری عامر نواز تارڑ کی زندگی کے پہلوؤں کا احاطہ کرتے ہوئے کہا کہ مرحوم انتہائی غریب پرور اور مثالی حسن اخلاق کے مالک تھے ان کی ناگہانی وفات نے نہ صرف ان کے خاندان بلکہ ان کے عزیز و اقارب میں نہ پر ہونے والا خلا پیدا ہو گیا ہے مرحوم کی نماز جنازہ میں سابق وفاقی وزیر چوہدری نذر محمد گوندل ، سابق ایم پی اے چوہدری محمد طارق تارڑ، چوہدری میجر ذوالفقار علی گوندل سابق ایم پی اے ، چوہدری محن رضا گوندل ڈائریکٹر ، ڈاکٹر پرویز نذیر تارڑ ، چوہدری سیف اللہ مانگٹ ، چوہدری یاسر فاروق گرداسپوری، جی ایم انجم لک، چوہدری سمیع اللہ لک ، جاوید اقبال ، حاجی ظفر اقبال پنجاب جیولرز، حاجی شہنشاہ بابر ، حاجی محمد افضل وڑائچ ، چوہدری معظم وڑائچ ایڈووکیٹ ، چوہدری محمد زمان تارڑ ، چوہدری قمر زمان تارڑ ، کفایت اللہ خان ، محمد عمران خان، شجاع حسین بھٹی صدر پھالیہ پریس کلب رجسٹرڈ ، چوہدری شہباز اختر تارڑ ، راناشان علی، علی اکبر پی کاک ٹیلر اینڈ کلاتھ ،فیاص احمد سابق سیکرٹری پنجاب بار کونسل ، محمد سلیم کمبو سابق مشیر وزیر اعلیٰ پنجاب ،چوہدری اورنگزیب ایڈووکیٹ سابق صدر منڈی بہاوالدین بار،چوہدری سجاد احمد تارڑ ، چوہدری زاہد تارڑ ایڈووکیٹ ،جہانزیب وڑائچ ، عامر محمود بھٹہ ،ٹھیکیدار مہر محمد رفیق ،خاور جاوید بٹ ، ڈویژنل صدر جماعت اہلسنت اشرف جلالی ،حاجی نسیم الحسن شیخو ،چوہدری جہانگیر تارڑ ،مہر ذوالفقار احمد ،سید فخر حسن شاہ ،چوہدری عرفان گوندل چھموانہ میاں خوشنود احمد،ملک شبیر حسین ، واصف زمان بٹ ،مظہر اقبال ذیلدار ، چوہدری معظم علی تارڑ ، چوہدری اظہر اقبال تارڑ ،سعید احمد ذیلدار ،مرزا ریاض احمد ،علی خان پنڈی نورا اور چوہدری ارشد محمود للہ سابق چیئرمین یو سی واسو سمیت پنجاب کے طول وعرض سے ہزاروں افراد نے شرکت کی ،مرحوم کی روح کے ایصال ثواب کے لئے ختم قتل کی تقریب 02 دسمبر بروز سوموار صبح 10:00 بجے دارہ حاجی گل نواز تارڑ رائیکہ میں منعقد ہوگی

20/11/2024

پھالیہ ( بیوروچیف) اسپیشل برانچ کے اہلکار کے گھر چوری کی واردات، نامعلوم چور لاکھوں روپے نقدی اور 19 تولے طلائی زیورات کے علاؤہ سامان الیکٹرانک چوری کر کے فرار، عوامی و سماجی حلقوں کی طرف سے ڈی پی او منڈی بہاوالدین سے ملزمان کی گرفتاری اور چوری شدہ مال کی برآمدگی کا مطالبہ ، تفصیلات کے مطابق گزشتہ دنوں نامعلوم چور پھالیہ میں تعینات اسپیشل برانچ کے اہلکار عبد الرشید خان کی اہل خانہ سمیت گھر میں عدم موجودگی کا فائدہ اٹھاتے گھر کے تالے توڑ کر 2 لاکھ 20 ہزار روپے نقدی 19 تولے طلائی زیوارات ، کیمرے ،گھڑیاں سمیت دیگر سامان چوری کر کے لے گئے ،وقوعہ کی اطلاع ملنے پر تھانہ پھالیہ پولیس نے عبد الرشید خان کی مدعیت میں نامعلوم ملزمان کے خلاف مقدمہ درج کر لیا، عوامی و سماجی حلقوں نے ڈی پی او منڈی بہاوالدین وسیم ریاض سے مطالبہ کیا کہ اسپیشل برانچ کے اہلکار عبد الرشید خان نے انتہائی ایمانداری اور فرض شناسی سے ڈیوٹی کی ہے نامعلوم چوروں نے اس کی زندگی بھر کی جمع پونجی چوری کر کے دیدہ دلیری کر کے پولیس کی رٹ کو چیلنج کیا ہے اور ایسے عناصر کو فوری گرفتار کر کے مال مسروقہ کی برآمدگی کر کے قرار واقعی سزا دی جائے

10/11/2024

پھالیہ ( بیوروچیف) پاہڑیانوالی کے رہائشی معذور شخص کے گھر داخل ہو کر تشدد کرنے والوں کے خلاف ایس ایچ او تھانہ پاہڑیانوالی چوہدری محمد اکرم ہجن کی تین ملزمان کے خلاف فوری کارروائی، تفصیلات کے مطابق پاہڑیانوالی کے رہائشی معذور محمد آصف ولد اصغر قوم مسلم شیخ نے ایس ایچ او تھانہ پاہڑیانوالی چوہدری محمد اکرم ہجن کو درخواست دی کہ مشتاق ولد اقبال ، عبد الرزاق ، اور چاندی ولد محمد اقبال تین افراد نے گھر میں گھس کر نہ صرف اس پر بلکہ اس کی ہمشیرہ پر بھی تشدد کرتے ہوئے اس کا موبائل بھی چھین لیا اور سنگین نتائج کی دھمکیاں بھی دیں، ایس ایچ او تھانہ پاہڑیانوالی چوہدری محمد اکرم ہجن نے اپنی سیٹ سے اٹھ کر معذور محمد آصف کی پوری طرح بات سن کر فوری ایکشن لیتے ہوئے ملزمان کو تھانہ پاہڑیانوالی طلب کر لیا اس موقع پر انہوں نے محمد آصف کو یقین دلایا کہ آپ کے ساتھ پورا انصاف کیا جائے گا اور ایسے ملزمان کا دماغ اچھی طرح ٹھکانے لگائیں گے انہوں نے کہا کہ ہمارا دین ہمیں بالعموم اپنے مسلمانوں بھائیوں اور بالخصوص معذور افراد کے ساتھ صلح رحمی کی ہدایت دیتا ھے معاشرے کے ایسے افراد کے ساتھ زیادتی اور بدمعاشی ہرگز برداشت نہیں کی جائے گی

07/11/2024

پھالیہ (بیوروچیف)چک ظاہر کے دوکاندار سے ڈکیتی کی واردات، جگا ٹیکس نہ دینے پر فائرنگ کر کے زخمی کردیا اور پانچ لاکھ روپے نقدی چھین کر فرار ، چار نامعلوم سمیت چھ کے خلاف تھانہ پاہڑیانوالی میں مقدمہ درج کر لیا گیا، تفصیلات کے مطابق گزشتہ روز ابرار حسین ولد محمد انور ،بلال حسن اور زاہد حسین ناصر کے ہمراہ شام ساڑھے سات بجے پاہڑیانوالی اڈا سے دوکان بند کر کے گھر جارہے تھے جیسے ہی نواز چوک پہنچے تو سامنے اصف علی عاصی مسلح کلاشنکوف ،جمشید مسلح پسٹل 9mm ساکنائے اڈا پاہڑیانوالی پسران خالد محمود مغل ساکنائے اڈا پاہڑیانوالی معہ چار کس نامعلوم ملزمان نے فائرنگ شروع کردی جس سے برادرم بلال حسن زخمی ہو گیا اور ملزمان گاڑی کی ڈگی میں شاپر میں رکھے 5 لاکھ روپے چھین کر فرار ہو گئے تھانہ پاہڑیانوالی پولیس نے 4 نامعلوم سمیت چھ ملزمان کے خلاف مقدمہ درج کر کے ملزمان کی تلاش شروع کردی ہے

07/11/2024

پھالیہ ( بیوروچیف) ماڈل پولیس اسٹیشن کے علاقہ میں جرائم پیشہ عناصر سرگرم ہوگئے، عمر جاوید کوکا کولا ایجنسی کی کولڈ ڈرنکس سپلائی کرنے والی گاڑی کو چک کمال قریب گن پوائنٹ پر لوٹ لیا گیا ، گزشتہ دونوں میں کئی راہگیر بھی نقدی، طلائی زیورات اور موبائل وغیرہ سے محروم ہو چکے ہیں , موضع رک کے قریب لیز چپس کی گاڑی کو روک کر سیل مین سے ہزاروں روپے لوٹ لیے ،نوسر بازوں نے بھی پھالیہ سٹی میں ڈیرے ڈال لیے ، تفصیلات کے مطابق پھالیہ شہر اور گردونواح میں جرائم پیشہ عناصر سرگرم ہو گئے ، گزشتہ روز دن دیہاڑے نامعلوم مسلح موٹر سائیکل سوار ڈاکوؤں نے گن پوائنٹ پر عمر جاوید بٹ کوک ایجنسی پھالیہ کی گاڑی کو چک کمال کے قریب روک کر سیل مین سے ہزاروں روپے نقدی چھین لی اور جاتے ہوئے گاڑی کی چابی بھی نکال کر لے گئے جبکہ گزشتہ دونوں اسی روڈ پر موٹر سائیکل سوار ڈاکوؤں نے تین راہگیروں سے نقدی ،زیورات، اور موبائلز بھی چھین لیئے ،جبکہ گھنیاں روڈ ، لاری اڈا سے بھی نامعلوم چور موٹر سائیکل چرا کر لے گئے اہلیان علاقہ نے ڈی پی او منڈی بہاوالدین سے جرائم پیشہ عناصر کیخلاف سخت کارروائی کا مطالبہ کیا ہے

05/11/2024

05/11/2024

پھالیہ(نامہ نگار) شیعہ علماء کونسل پاکستان منڈی بہائوالدین نے ضلع منڈی بہائوالدین کے عہدیداروں کا اعلان کر دیا، سید کاظم رضا نقوی نمبردار صدر جبکہ چوہدری وجاہت حسین وڑائچ ایڈووکیٹ جنرل سیکرٹری نامزد، تفصیلات کے مطابق گزشتہ روز ضلعی صدر شیعہ علماء کونسل پاکستان منڈی بہائوالدین سید کاظم رضا نقوی نمبردار کی زیر صدارت انکی رہائشگاہ واقع صاحبوال سیداں تحصیل ملکوال ضلع منڈی بہائوالدین میں ایک خصوصی اجلاس منعقد کیا گیا جس میں ضلع بھر سے شیعہ علماء کونسل کے رہنمائوں نے بھرپور شرکت کی۔ اس موقع پر ضلع منڈ ی بہائوالدین کی کابینہ کی تشکیل نو کر دی گئی، جس کا باقاعدہ نوٹیفکیشن جاری کر دیا گیا، نوٹیفکیشن کے مطابق سید اظہر حسین نقوی آف گھوگانوالی چیئرمین، خواجہ فرخ عباس آف منڈی بہائوالدین سینئر نائب صدر، سید ذوالفقار علی نقوی آف پھالیہ، ملک محمد افضل آف ملکوال، سید ندیم عباس بخاری آف بوسال، سید افتخار حسین شاہ آف ٹھٹھی شاہ محمد، مولانا امجد حسین جوادی، چوہدری الیاس احمد گجر نائب صدور، چوہدری وجاہت حسین وڑائچ ایڈووکیٹ آف چک ظاہر جنرل سیکرٹری، سید اشرف حسین رضوی ایڈووکیٹ ایڈیشنل جنرل سیکرٹری، سید اظہر حسین شاہ آف پاہڑیانوالی سیکرٹری انفارمیشن ہوں گے جبکہ سیکرٹری فنانس کا چارج فی الحال سید اشرف حسین رضوی کے پاس ہی رہے گا۔

05/11/2024

پھالیہ ( بیوروچیف) پھالیہ شہر کی معروف سماجی شخصیت ریٹائرڈ کیپٹن نصیر احمد کو پاک انٹرنیشنل میڈیا الائنس (رجسٹرڈ) گوجرانوالہ ڈویژن کا صدر اور صاحبزادہ چن مقصود احمد صدیقی کا بطورِ سر پرست اعلیٰ تحصیل پھالیہ منتخب ہونے کا خیر مقدم کرتے ہوئے ہیں، دونوں شخصیات کی خالصتاً عوامی خدمت کے جذبہ کا ترجمان پاک انٹرنیشنل میڈیا الائنس (رجسٹرڈ) میں شمولیت سے اس تنظیم کے لیئے باعث فخر ثابت ہو گا، ان خیالات کا اظہار پھالیہ پریس کلب رجسٹرڈ کے صدر شجاع حسین بھٹی نے سماجی شخصیت ریٹائرڈ کیپٹن نصیر احمد اور پھالیہ پریس کلب رجسٹرڈ کے چیف آرگنائزر صاحبزادہ چن مقصود احمد صدیقی کو مبارکباد پیش کرتے ہوئے کیا انہوں نے پاک انٹرنیشنل میڈیا الائنس ( رجسٹرڈ) کے بانی و مرکزی صدر گولڈ میڈلسٹ جرنلسٹ پاکستان سید حفیظ سبزواری کے حسن انتخاب پر خراج تحسین پیش کیا ، انہوں نے کہا کہ سید حفیظ سبزواری نے ہمیشہ مثبت اور تعمیری صحافت سے معاشرتی ناہمواری کے خلاف اپنے قلم کو استعمال کر کے ایک خاص مقام حاصل کیا ہے ان کی صحافت کے لیے خدمات کو تادیر یاد رکھا جائے گا

04/11/2024

01/11/2024

پھالیہ (رپورٹ شجاع بھٹی) ویلڈن سب انسپکٹر شاہد محمود تارڑ ماڈل پولیس اسٹیشن پھالیہ پنجاب پولیس کے قابل فخر پولیس آفیسرسب انسپکٹر شاہد محمود تارڑ نے دو ماہ قبل کوٹ ستار کے رہائشی مرزا مدثر بیگ کے قاتل کو گلگت کی مقامی پولیس کے ہمراہ گرفتار کر لیا، قاتل محمد ریاض کے بھائی محمد علی کی مقتول کی بہن سے شادی کے بعد علیحدگی ہوچکی تھی جس کی رنجش پر مرزا مدثر بیگ کو قتل کیا گیا ، تفصیلات کے مطابق ڈی پی او منڈی بہاوالدین کی ہدائیت پر ڈی ایس پی سرکل پھالیہ ضیاء اللّٰہ خان نے پنجاب پولیس کے فرض شناس اور بہادر سب انسپکٹر شاہد محمود تارڑ کی سربراہی میں مدثر اور وسیم اکبر پر مشتمل تین رکنی ٹیم کو دو ماہ قبل ھیلاں نہر پر قتل ہونے والے کوٹ ستار غربی کے رہائشی 26 سالہ مرزا مدثر بیگ کے قاتل کو گرفتار کرنے کا ٹاسک دیا گیا ، جس پر انہوں نے شب و روز کی انتھک کوشش کے ساتھ جدید ترین ٹیکنالوجی کے استعمال اور گلگت پولیس کے تعاون سے ماڈل پولیس اسٹیشن پھالیہ میں درج مقدمہ 833/24 بجرم 302/34 کے ملزم ریاض احمد ولد جہانگیر سکنہ مناور تحصیل و ضلع گلگت کو گرفتار کر لیا، یاد رہے کہ قاتل ریاض احمد کے بھائی محمد علی کی شادی مقتول کی ہمشیرہ سے ہوئی تھی مگر بعد میں آپس میں حالات کشیدہ ہونے پر محمد علی سے علیحدگی اختیار کرنے کے بعد مقتول نے ہمشیرہ کی شادی دوسری جگہ کر دی تھی اس رنجش کی بنا پر ملزمان ریاض احمد اور محمد علی پسران جہانگیر نے مرزا مدثر بیگ کو گھر سے بلا کر ھیلاں نہر کنارے قتل کر کے فرار ہو گئے تھے،

28/10/2024

پھالیہ ( بیوروچیف )ایس ایچ او تھانہ بھاگٹ کی پولیس نفری کے ہمراہ منشیات فروشی کے خلاف کامیاب کارروائی لاکھوں روپے مالیت کی چرس برآمد بدنام زمانہ منشیات فروش رنگے ہاتھوں گرفتار تفصیلات کے مطابق
ڈی پی او ڈسٹرکٹ منڈی بہاوالدین احمد محی الدین کی ہدایات ڈی ایس پی سرکل پھالیہ ضیاء اللّٰہ خان کی زیرنگرانی ایس ایچ او تھانہ بھاگٹ عمیر چٹھہ نے اپنی ٹیم کے ہمراہ منشیات فروشی کے خلاف کریک ڈاؤن کرتے ہوئے جوکالیاں کے رہائشی بدنام زمانہ منشیات فروش شہباز احمد تارڑ کو ریڈ کر کے رنگے ہاتھوں گرفتار کر لیا اور اس کے قبضہ سے لاکھوں روپے مالیت کی 10 کلو 200 گرام چرس برآمد کر لی، اس موقع پر ایس ایچ او تھانہ بھاگٹ عمیر چٹھہ نے کہا کہ منشیات فروش معاشرے کا ناسور ہیں جہنوں نے نوجوان نسل کو اس لعنت میں مبتلا کر کے خاندان کے خاندان تباہ کر دیئے ہیں انہوں نے شہریوں اور میڈیا کے نام پیغام دیتے ہوئے کہا کہ جرائم پیشہ عناصر کسی رعایت کے مستحق نہیں آپ ایسے عناصر کی نشاندہی کریں انشاء اللہ بلا تفریق ان کے خلاف کارروائی کر کے تھانہ بھاگٹ کو جرائم سے پاک کریں گے انہوں نے مزید کہا عوام بلا خوف خطر پنجاب پولیس کا ساتھ دیں نشاندہی کرنے والوں کے جان ومال کا تحفظ پنجاب پولیس کی ذمّہ داری ہے