https://www.facebook.com/627795501196735/

RMCHS Ang Tanglaw

Home
Philippines
Quezon City
RMCHS Ang Tanglaw

Ang opisyal na page ng Ang Tanglaw mula sa Ramon Magsaysay (Cubao) High School.

11/10/2024

Congratulations, RMCHS Ang Tanglaw!
District IV Secondary Schools Press Conference
Theme: 𝑭𝒐𝒔𝒕𝒆𝒓𝒊𝒏𝒈 𝑰𝒏𝒄𝒍𝒖𝒔𝒊𝒗𝒊𝒕𝒚: 𝑪𝒂𝒎𝒑𝒖𝒔 𝑱𝒐𝒖𝒓𝒏𝒂𝒍𝒊𝒔𝒎 𝒇𝒐𝒓 𝒂 𝑫𝒊𝒗𝒆𝒓𝒔𝒆 𝑺𝒄𝒉𝒐𝒐𝒍 𝑪𝒐𝒎𝒎𝒖𝒏𝒊𝒕𝒚
October 5 & 7, 2024
Salamat po sa suporta ma'am Maningas, school heads at mga g**o ng RMCHS

🎨 John Cedrick Buenaflor, Sophia Anne Bernabe, at Stephanie Anne Bernabe

08/10/2024

Monsay, humakot ng parangal sa DSSPC 2024

Nagbunga ang paghihirap ng mga batang mamamahayag ng Ramon Magsaysay (Cubao) High School nang makamit ang ikalawang pwesto sa pangkalahatan sa District Secondary Schools Press Conference 2024 (2nd Top Performing School Overall) sa St. Paul University of Quezon City nitong Oktubre 5 at 7.

Nagwagi ng ikalawang pwesto sa pangkalahatang ranggo sa Filipino (2nd Top Performing School in Filipino) ang RMCHS 'Ang Tanglaw' habang pang-apat (4th Top Performing School in English) ang RMCHS 'The Apprentice' para sa Ingles.

Maliban sa Indibidwal (Individual Category) na panalo sa 10 iba't ibang kategorya ay wagi rin ang 3 grupo na sinalihan kapwa sa English at Filipino- Radio Broadcasting (RB), Online Deskstop Publishing (ODP) at Collaborative Desktop Publishing (CDP).

Gaganapin naman ang Division Secondary Schools Press Conference 2024 sa Disyembre.

✍️ Irish Dueñas
🎨 Lara Antoinette Palma

05/10/2024

D4 Secondary Schools Press Conference 2024
Day 1 Radio Broadcasting, Collaborative Desktop Publishing & Online Publishing
💚Ang Tanglaw

04/10/2024

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗚𝘂𝗿𝗼 𝘀𝗮 𝗮𝗺𝗶𝗻𝗴 𝗚𝘂𝗿𝗼𝗻𝗴 𝗧𝗮𝗴𝗮𝗽𝗮𝘆𝗼, 𝑮𝒏𝒈. 𝑬𝒗𝒂𝒏𝒈𝒆𝒍𝒊𝒏𝒆 𝑮𝒂𝒈𝒂𝒓𝒊𝒏!

Isang karangalan maging batang mamamahayag dahil sa inyo. Maraming salamat po sa walang katumbas na pagmamahal sa amin, sa walang sawang paggabay, at sa pagiging inspirasyon upang patuloy na magsulat—para sa katotohanan. Ang maliit na silid ng Ang Tanglaw ay punong-puno ng aral at pagmamahal dahil sa inyo, Ma'am! Mahal po namin kayo!

𝙄𝙠𝙖𝙬 𝙖𝙣𝙜 𝙩𝙖𝙣𝙜𝙡𝙖𝙬 𝙨𝙖 𝐀𝐧𝐠 𝐓𝐚𝐧𝐠𝐥𝐚𝐰. 💚🌻

03/10/2024

“𝑨𝒏𝒈 𝒎𝒈𝒂 𝒈𝒖𝒓𝒐 𝙖𝙣𝙜 𝙩𝙖𝙣𝙜𝙡𝙖𝙬 𝒏𝒂 𝒈𝒖𝒎𝒂𝒈𝒂𝒃𝒂𝒚 𝒔𝒂 𝒍𝒂𝒏𝒅𝒂𝒔 𝒏𝒈 𝒌𝒂𝒂𝒍𝒂𝒎𝒂𝒏.”

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗚𝘂𝗿𝗼! Ipinagdiriwang namin ang inyong dedikasyon at walang sawang paghahandog ng karunungan at paggabay sa bawat mag-aaral. Maraming salamat sa inyong sipag, tiyaga, at malasakit na humuhubog sa kinabukasan ng kabataan.

Pagbati po sa inyo mula sa amin,
💚Ang Tanglaw

02/10/2024

Tagumpay ang pagtatapos ng Science Month 2024

Opisyal nang winakasan ang pagdiriwang ng Buwan ng Agham na may temang “SIyensiya, Teknolohiya at Inobasyon: Kabalikat sa Matatag at Panatag na Kinabukasan” sa Covered Court kahapon, Setyembre 30.

Sinimulan ang programa sa Pambansang Awit, panalangin na sinundan ng pambungad na pananalita mula sa Puno ng Kagawaran ng Agham na si Gng. Anabel Mejia at mensahe mula sa ating punungg**o, Dr. Josehpine M. Maningas.

Ikinagalak naman ng mga mag-aaral ang paggawad ng parangal sa iba’t ibang patimpalak na STEMazing at School-Based Science and Technology Fair. Bukod pa rito, muling ipinakilala ang mga mahuhusay na Ramonians na nag-uwi ng karangalan sa katatapos na Division Science and Technology Fair 2024.

Bago magtapos ang aktibidad, sabay-sabay ginanap ang Oath of Office ng apat na organisasyon ng Kagawaran ng Agham (Science, Research, Robotics, at YES-O) mga opisyales at tagapayo.

Naghiyawan ang madla nang ipakita ng piling mag-aaral ang kanilang talento sa pagsayaw at pag-awit mula sa 10 - SPA Guerrero at 11 - STEM Eudoxus.

Nagbukas ng exhibit pagkatapos ng programa para sa lahat ng mag-aaral.

Isinulat ni: Mayari

30/09/2024

Day 4 ng AutoCAD training, natapos na

Sa pagpapatuloy ng pagsasanay sa AutoCAD, sinimulan ng mga mag-aaral ang paggawa ng 3D floor plan ng isang bahay noong ikatlo at ikaapat na sesyon. Ibinahagi naman ni Engr. Campullo na sa susunod na sesyon, ituturo niya ang tradisiyonal na paggawa ng floor plan na isa ring mahalagang kasanayan na makatutulong sa paghahanda ng mga mag-aaral para sa kolehiyo.

Credit: Sir Darwin Ballesteros
Ley-Ann Jayme
✍️: Rei

29/09/2024

𝗗𝗨𝗖𝗞, 𝗖𝗢𝗩𝗘𝗥, 𝗔𝗡𝗗 𝗛𝗢𝗟𝗗‼️📢

Nakiisa ang Ramon Magsaysay (Cubao) High School sa isinagawang 3rd Nationwide Simultaneous Earthquake Drill (NSED) para sa taong 2024, noong ika-26 ng Setyembre.

Kuhang Larawan: Pitik ng Tanglaw

28/09/2024

Biyayang Handog ni Congressman Rillo

Buong pusong naghandog ng uniporme, sapatos at bag ang mag-asawang Congressman Marvin Rillo at Councilor Imee Rillo sa mga mag-aaral ng Ramon Magsaysay Cubao High School.

Sinimulan ni G. Reden Juego, g**o sa English at tagapagdaloy ang programa sa ganap na 10:15 n.h.

Pinangunahan naman ni Gng. Anabel Mejia, Head ng Science Department, ang panalangin na sinundan ng pag-awit ng Lupang Hinirang.

Nagbigay ng pambungad na pananalita ang ating punongg**o na si Dr. Josehpine M. Maningas sa mga mag-aaral na tatanggap ng handog ni Cong. Rillo. Nagpasalamat siya sa mga dumalo at binanggit ang kahalagahan ng pagkakaroon at pagsusuot ng uniporme sa loob ng paaralan.

Kasunod nito ang inspirasyonal na mensahe ni SDOQC Division Superintendent, Dr. Carleen S. Sedilla, CESO V. Ayon sa kaniya, ang Ramon Magsaysay (Cubao) High School ay isa sa mga competitive school sa Quezon City. Dagdag pa na nararapat lamang na suklian ng pag-aaral nang mabuti ang bawat biyayang natatanggap.

Kabilang sa nagsidalo sa okasyon ay sina Councilor Raquel Malañgen, SPTA President Noan Siman, mga kapwa opisyales at iba pang mga pinuno ng paaralan.

Pinangunahan ni Cong. Rillo ang oath-taking ni SPTA President Noan Siman at mga opisyales ng SPTA 2024.

Nagbahagi rin ng mensahe si Cong. Rillo na binigyang tuon ang kahalagahan ng edukasyon sa ating bansa at sinabing bitbit niya ang mga hinanaing ng bayan.

“Asahan ninyo na hangga‘t ako ang congressman ng distritong ito ay taon-taon kayong makatatanggap ng mga kagamitan. Tayo ang makikinabang sa pera ng gobyerno.” ani ni Cong. Rillo.

Nabanggit din ang bagong tayong Medical Center sa bandang E. Rodriquez na kung saan ay may libreng check-up at gamot na ipinamimigay.

Ika nga “Serbisyong Rillo, sa atin ang panalo!”

Isinulat ni: Saniya
Kuhang larawan: Pitik ng Tanglaw

26/09/2024

Monsay, muling nanaig sa DSTF 2024

Muling nagpasiklab ang mga mag-aaral ng Ramon Magsaysay (Cubao) High School sa ginanap na 2024 Division Science and Technology Fair (DSTF) noong ika-19 hanggang 20 ng Setyembre sa Quezon City High School.

Dala ang walong proyektong likha, nakamit ng anim na entry ang iba’t ubang parangal, kung saam nasungkit ni Reanna Knixi Rose Sagrado ang ikalawang puwesto sa kategoryang Physical Science Individual.

Inuwi rin ni Francis James Marcelino ang ikalawang puwesto sa kategoryang Science Innovation Expo Individual, na nagpakita ng galing sa nakamit din nitong parangal na Best Display Board.

Hindi pahuhuli sina Julia Sabrina Cledera, Jasmin France Portillo, at Sofia Lenneth Labiaga, na ginawaran ng ikatlong parangal sa kategoryang Physical Science Team.

Bilang mga nagkamit ng unang parangal sa kategoryang Science Innovation Expo Team, muling sasabak sina Yohan Andrei Keisser Umbao at Joangelie Nuñez bilang mga kinatawan ng Quezon City sa darating na 2024 Regional Science and Technology Fair (RSTF), kasama si Janzen Fiel Tan.

Samantala, buong pusong ipinakita ng Monsay ang nagniningas na husay sa larangan ng Life Science, kung saan nakamit ni Margalo Amos Cerro sa ikalawang pagkakataon ang unang gantimpala sa Individual Category at para naman sa Team Category, nasungkit nina Lark Santino Provido, Retteann de Leon, at Cedric Mitchelle Caraig ang unang puwesto at Best Display Board.

Ayon kay Cedric Mitchelle Caraig, isa sa mga miyembro ng Life Science Team, talagang kinabahan siya lalo pa't ito ang unang paligsahan na kaniyang sinalihan mula no'ng siya'y tumuntong ng sekondarya.

"No'ng ia-announce na 'yung winner, nag-pray ako na makaplace kami. Then nung inannounce na 'yung 5th to 2nd place, medyo nawalan na ako ng pag-asa and naiiyak na ako kasi our team wasn't called yet, but nung inannounce na kami ung 1st place, napaluhod ako sa tuwa kasi nagbunga 'yung pagod naming lahat," dagdag pa niya.

Kasama ang Science Innovation Expo Team, kakatawanin ng Life Science Individual at Team ang lungsod sa darating na RSTF 2024.

Kinokomendahan ang determinasyong ipinakita ni Jon Carlo Bornilla na pambato ng paaralan sa kategoryang Robotics and Intelligent Machines Individual at Robotics Team na binubuo nina Bea Bianca Aban, Edwin Junior Daez, at Benegreghory Siman sa kanilang pagsisikap na itaas ang bandera ng paaralan sa larangan ng Robotics.

Lubos na nagpapasalamat ang mga mag-aaral kina Bb. Jeanne Marie Gabrielle C. Tenchavez, G. Abelardo R. Cruz Jr., Ms. Veronica E. Niar, at G. Ryan P. Varona na nagsilbing mga g**ong tagapagsanay, gayundin kina Gng. Lailani N. Cruz, Gng. Anabel B. Mejia, Head Teacher VI ng Science Department, at Dr. Josehpine M. Maningas, Punongg**o IV ng RMCHS.

21/09/2024

“𝑴𝒚 𝒄𝒐𝒖𝒏𝒕𝒓𝒚𝒎𝒆𝒏, 𝒂𝒔 𝒐𝒇 𝒕𝒉𝒆 𝒕𝒘𝒆𝒏𝒕𝒚-𝒇𝒊𝒓𝒔𝒕 𝒐𝒇 𝒕𝒉𝒊𝒔 𝒎𝒐𝒏𝒕𝒉, 𝑰 𝒔𝒊𝒈𝒏𝒆𝒅 𝑷𝒓𝒐𝒄𝒍𝒂𝒎𝒂𝒕𝒊𝒐𝒏 1081 𝒑𝒍𝒂𝒄𝒊𝒏𝒈 𝒕𝒉𝒆 𝒆𝒏𝒕𝒊𝒓𝒆 𝑷𝒉𝒊𝒍𝒊𝒑𝒑𝒊𝒏𝒆𝒔 𝒖𝒏𝒅𝒆𝒓 𝑴𝒂𝒓𝒕𝒊𝒂𝒍 𝑳𝒂𝒘.”
- President Ferdinand Marcos Sr.

Limampu't dalawang taon na ang nakalilipas, sa araw na ito, ika-21 ng Setyembre, nilagdaan ni Pangulong Ferdinand Marcos Sr. ang 𝗣𝗿𝗼𝗰𝗹𝗮𝗺𝗮𝘁𝗶𝗼𝗻 1081, na nagdeklara ng 𝗠𝗮𝗿𝘁𝗶𝗮𝗹 𝗟𝗮𝘄 sa buong Pilipinas.

Ang araw na ito ay tanda ng paghihirap ng mga Pilipino sa ilalim ng isang madilim na yugto ng ating kasaysayan, na nag-iwan ng malalim na sugat at aral para sa mga susunod na henerasyon.

15/09/2024

AutoCAD training na handog ng The Kasama Community Foundation kasama ang Batch '69, Sinimulan

Matagumpay ang handog ng The Kasama Community Foundation at Alumni Batch '69 na kauna-unahang AutoCAD training sa RMCHS noong ika-7 ng Setyembre, alas-9 ng umaga sa HOPE center ng paaralan.

Naisakatuparan ang training sa tulong ng Alumni Batch '69 Engr. Jose Talusan, Leader ng HOPE Center Project, Dr. Roman Manalang, Dr. Teresita Perez, Gng. Edna Zaragoza, Founder of the Kasama Community Foundation, G. Darwin Ballesteros, OIC ng T.L.E., G. Jerryco Navida, team leader ng ICT HOPE Center Project, at Dr. Florian Ruiz, Puno ng Kagawaran ng Filipino.

Sa pakikipagtulungan nila kay Dr. Josehpine Maningas, punongg**o ng RMCHS, pinahintulutan ang training na ito na gaganapin tuwing Sabado sa loob ng 15 linggo, mula 9:00 n.u. hanggang 4:00 n.h..

Sinimulan ang unang araw sa pagbubukas at maikling mensahe ng mga sponsors mula sa Batch '69 at trainor na si Eng. Henry Campullo kung saan nagbigay siya ng buod ng aaralin sa mga susunod na linggo, kabilang ang paggamit ng 2D at 3D modeling at iba pang gamit ng software.

Natapos ang unang araw ng training sa pagkatuto ng mga pangunahing ideya tungkol sa AutoCAD.

Sa ikalawang sesyon ng training, nitong Setyembre 14, sinimulang pag-aralan ang 3D modeling gamit ang software.

Ipinakilala rin sa ikalawang sesyon ang mga opisyal ng RMCHS Alumni Association Incorporated (RMCHSAAI) na nakatuwang din sa pagsasagawa ng training.

Inihayag naman ng Batch '69 na ito ay isang paraan ng kanilang pagbabalik-pasasalamat sa RMCHS at inaasahan nila ang mga mag-aaral ay susunod sa kanilang nasimulan.

Naisakatuparan din ang pinangakong libreng pagkain at allowance para sa mga mag-aaral.

Ayon kay Engr. Talusan ay may pinaplano pang gawain ang Batch '69 na susunod pagkatapos ng AutoCAD training at ito ay maaaring tungkol sa animation, programming, o visual graphic design.

14/09/2024

Oryentasyon sa AutoCAD training, Isinagawa

Naisakatuparan nitong Agosto 22, ganap na 11:30 ng umaga sa Audio Visual Room (AVR) ang oryentasyon ng mga mag-aaral sa gaganaping AutoCAD training.

Tagumpay ang naging pagpaplano ng mga Batch '69 sponsors, at Dr. Josehpine M. Maningas, punongg**o ng Ramon Magsaysay Cubao High School, para sa gawain.

Pinangunahan naman ni G. Darwin Ballesteros, puno ng Kagawaran ng T.L.E., ang programa at pinakilala ang ilan sa mga sponsors.

Inihandog ng Batch '69 sa pangunguna nina Gng. Edna Zaragoza at Eng. Jose Talusan, at sa pakikipagtulungan sa KASAMA Community Foundation, ang libreng AutoCAD training at TESDA assessment para sa 50 mag-aaral na nagnanais matuto.

Naglalayon itong maihanda ang mga mag-aaral para sa kolehiyo at magkaroon ng kasanayan sa paggamit ng AutoCAD, isang software na ginagamit sa engineering, arkitektura, at design.

Bukod sa libreng pagsasanay, inihayag din ng alumni na magbibigay sila ng allowance para sa pamasahe ng mga kalahok na mag-aaral at libre rin ang magiging pagkain ng mga mag-aaral sa mga araw ng pagsasanay.

Ipinakilala rin ang magiging g**o sa training na si Eng. Henry Campullo, isang propesor sa kolehiyo at eksperto sa paggamit ng AutoCAD.

Pinasalamatan naman ni Dr. Maningas ang Batch '69 sa tulong na kanilang binibigay sa paaralan, at dagdag niya pa na talagang makatutulong ang gawaing ito sa mga mag-aaral dahil magagamit nila ang kasanayang kanilang matutuhan sa iba't ibang oportunidad sa hinaharap.

Nagtapos ang oryentasyon sa pagbibigay pasasalamat sa mga dumalo at nagkaroon ng picture-taking kasama ang mga mag-aaral.

Isinulat ni: Rei
Photo Credits: Sir Darwin Ballesteros

02/09/2024

𝐏𝐚𝐦𝐩𝐢𝐧𝐢𝐝 𝐧𝐚 𝐏𝐚𝐥𝐚𝐭𝐮𝐧𝐭𝐮𝐧𝐚𝐧; 𝐏𝐢𝐧𝐚𝐧𝐠𝐚𝐬𝐢𝐰𝐚𝐚𝐧

Monsayang tinapos ang pampinid na palatuntunan para sa Buwan ng Wika sa pangunguna ng Kagawaran ng Pilipino nitong ika-30 ng Agosto, 6:00 n.u sa Ramon Magsaysay (Cubao) High School.

Sinimulan ang programa sa pamumuno ng mga tagapagdaloy na sina G. Louise Gabriel Gonzales at Bb. Naomi Gaile Distajo, opisyales ng Diwa‘t Panitik Club.

Sinundan naman ito ng pagpasok ng mga kulay sa pangunguna ng mga Senior Scout at pagkanta ng Pambansang Awit. Pinangunahan naman ni Maureen Frondozo ang panalangin.

Inanyayahan ang lahat ng mga mag-aaral at g**o na umindak para sa pampasiglang bilang na sinimulan ng SPA Dance Performing Arts.

Nagbigay ng pambungad na pananalita si Dr. Florian L. Ruiz—Puno ng Kagawaran ng Filipino. Saad niya, "Kaugnay ng ating tema na ang ating wika ay tunay ngang mapagpalaya, kung kaya‘t hindi rito matatapos ang ating pagmamahal sa ating wika." Nagpasalamat din siya sa mga g**o na nagtulong-tulong upang maisakatuparan ang mga patimpalak na inihanda para sa Buwan ng Wika.

Ipinakita naman ang mga kuhang larawan mula sa iba‘t ibang patimpalak na muling sinundan ng pampasiglang bilang ni Krisha Camille Balais, 10- Quisumbing na nagkamit ng Unang Gantimpala sa larangan ng pag-awit.

Ginawaran ng mga sertipiko at medalya ang mga nagwaging Ramonian sa mga patimpalak ng nasabing kagawaran.

Muling nagpakita ng husay ang mga nagkamit ng Una at Ikalawang Gantimpala sa larangan ng Spoken Poetry na sina Paulo Manahan Jr, 10-Alfredo Santos at John Lexther Bahinting, baitang 12.

Muling nagpakitang gilas ang SPA Dance Performing Arts na sinundan ng pampinid na pananalita ni G. Dan Mark V. Bias, tagapayo ng Diwa‘t Panitik.

Bago magtapos ang palatuntunan, muling nagkaroon paligsahan 'Tagisan Trivia' na muling nagbigay ng rechargeable fan sa dalawang mag-aaral.

Katulad ng sinabi ni Paulo Manahan— "𝙄𝙥𝙖𝙜𝙮𝙖𝙗𝙖𝙣𝙜 𝙢𝙤 𝙖𝙣𝙜 𝙬𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤, 𝙙𝙖𝙝𝙞𝙡 𝙖𝙣𝙜 𝙬𝙞𝙠𝙖 𝙖𝙮 𝙝𝙞𝙣𝙙𝙞 𝙢𝙖𝙜𝙡𝙖𝙡𝙖𝙝𝙤."

01/09/2024

𝐂𝐥𝐮𝐛 𝐃𝐚𝐲 𝐬𝐚 𝐑𝐌𝐂𝐇𝐒, 𝐈𝐬𝐢𝐧𝐚𝐠𝐚𝐰𝐚

Ginanap ang Club Day sa Ramon Magsaysay (Cubao) High School ng 12:45 n.h. noong Agosto 29.

Pinangunahan ni Gng. Jennifer Fajardo, g**o sa MAPEH, ang programa sa pamamagitan ng pagpapapila ng mga mag-aaral at pagpapakilala ng mga club na maaaring salihan.

Narito ang listahan ng mga club: BizAp, MAPEH Club, BSP, GSP, Science Club, YES-O, Robotics Club, SSLG Committee, English Club, Diwa‘t Panitik, NDEP, AP Club, CIC, Values Club, TLE Club, at Mathematics Club.

Bukas sa lahat ng mga mag-aaral ang nasabing aktibidad mula ikapitong hanggang ika-12 na baitang.

31/08/2024

Sa araw na ito, Agosto 31, 2024, ay ipinagdiriwang natin ang 𝗶𝗸𝗮-𝟭𝟭𝟳 𝗮𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗸𝗮𝗽𝗮𝗻𝗴𝗮𝗻𝗮𝗸𝗮𝗻 ni dating 𝙋𝙖𝙣𝙜𝙪𝙡𝙤𝙣𝙜 𝙍𝙖𝙢𝙤𝙣 𝙈𝙖𝙜𝙨𝙖𝙮𝙨𝙖𝙮. Sa kaniyang termino, pinatunayan niyang ang tunay na lider ay nakaugat sa tunay na pagmamalasakit at dedikasyon sa nasasakupan. Siya ay nagbigay daan sa isang makatarungan at inklusibong lipunan.

Sa espesyal na araw na ito, patuloy na mabuhay nawa ang iyong naiwang nag-aalab na pagmamahal sa bayan sa puso ng bawat Pilipino, dating Pangulong Ramon Magsaysay!

30/08/2024

𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟒
Wikang Mapagpalaya

📷: Diwa't Panitik ng Filipino Department

29/08/2024

𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟒
Wikang Mapagpalaya
Pagbati G. Reden Juego na nagkamit ng unang pwesto! 👏😊

📷: Diwa't Panitik ng Filipino Department

25/08/2024

𝑴𝒂𝒍𝒊𝒈𝒂𝒚𝒂𝒏𝒈 𝑨𝒓𝒂𝒘 𝒏𝒈 𝒎𝒈𝒂 𝑩𝒂𝒚𝒂𝒏𝒊! ✊🏻🇵🇭

Sa pagsikat ng liwanag ngayong ik𝒂-26 𝒏𝒈 𝑨𝒈𝒐𝒔𝒕𝒐, muli nating gisingin sa ating puso’t isipan ang alaala ng mga bayaning ibinuwis ang kanilang buhay at nagbigay-daan sa pagsibol ng bagong pag-asa. Sa bawat malayang pagtapak ng mga paa sa lupa, dugo’t pawis nila’y nakaukit sa bawat sulok ng bansa. Sa bawat pagsilip ng umaga, itaguyod natin ang kanilang mga pamana at ipagpatuloy ang kanilang ipinaglaban – para sa tunay na kapayapaan at kalayaan.

25/08/2024

𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟒

Wikang Mapagpalaya
📷: Diwa't Panitik ng Filipino Department

Address

Quezon City
1111

Website

facebook.com

Alerts

Be the first to know and let us send you an email when RMCHS Ang Tanglaw posts news and promotions. Your email address will not be used for any other purpose, and you can unsubscribe at any time.

Videos

RMCHS Buwan ng Wika 2024 FILIPINO Wikang Mapagpalaya 🎤 Hannah Faye A. Razon

Sa gitna ng malamig na simoy ng hangin, nawa ay dumaloy sa ating mga puso ang diwa ng Pasko . Ang bawat kislap ng ilaw at tibok ng puso ay maging daan upang magbigay aliw sa atin. Sa harap ng pag-asa at pagmamahalan, naglalakbay ang mga titik ng kantang Pasko, nagdadala ng ligaya at mainit na pagmamahal sa bawat isa. Sa oras na ito ng taon, ang kahulugan ng Pasko ay mas lalong tumitindi sa diwa ng pagbibigayan at pagkakaisa. Maligayang Pasko mga ka-Monsay! Isinulat ni: Job Andrae G. Suan

Mayor Joy Belmonte, Naghandog Pamasko sa Monsay Nagbigay ng handog pamasko si Quezon City Mayor Ma. Josefina "Joy" Belmonte sa mga guro at kawani ng Ramon Magsaysay (Cubao) High School nitong Nobyembre 21, 2023 sa Audio-Visual Room ng paaralan. Sinimulan ang programa ng pambungad na mensahe ni Gng. Gina A. Anama, Puno ng Kagawaran ng English. Nagpasalamat naman si Dr. Arliana A. Arboleda, Punongguro ng RMCHS, sa lokal na pamahalaan ng Lungsod Quezon para sa kanilang patuloy na serbisyo sa Department of Education (DepEd). Sinimulan ang opisyal na turnover ng mga pamasko matapos magbigay ng mensahe ni Kap. Alberto C. Flores, Puno ng Opisinang Pandistrito, at Audio-Visual Presentation (AVP) ng mensahe ni Mayor Joy Belmonte para sa mga tatanggap ng pamaskong handog. Isinulat nina : Knights V. Malacad Ma. Fatima Q. Bautista Kuha nina: Andrea Isabel R. Salazar Luishane A. Dahonog

✨ Nagningning ang mga bituin ✨ Sa bawat kumpas ng musika'y kasabay ang malayang indayog sa mga gabing kay tingkad ng sinag ng bawat tala. Tunghayan ang pagningning ng mga Ramonian sa RMCHS Seniors' Ball at Juniors' Night. Hannah Faye A. Razon | Ang Tanglaw #rmchsseniorsball #rmchsjuniorsnight

NAGBABALIK TANGLAW! Mga batang mamamahayag ng Ramon Magsaysay (Cubao) High School, nagkamit ng ikalimang pwesto sa idinaos na Division Secondary Schools Press Conference! Tunghayan ang resulta ng mainit na patimpalak sa pagbabalita ni Hannah Faye A. Razon.

RMCHS BRIGADA ESKWELA 2022: ANG TANGLAW COVERAGE BaliTanglaw 2022

Brigada Eskwela 2022 Tema: Tugon sa Hamon ng Ligtas na Balik-Aral. Sama-sama, Tulong-tulong, Responsableng mga Organisasyong Nagkakaisang Gumagawa para sa MONSAY. Ka-indakan na!! Shirley Palanquit bilang Zumba Instructor

Agosto 8, 2022 Kasalukuyang ginaganap sa RMCHS Covered Court ang panimulang pag-eehersisyo para sa pagbubukas ng Brigada Eskwela: Tugon sa Hamon ng Ligtas na Balik-Aral. Sama-sama, Tulong-tulong, Responsableng mga Organisasyong Nagkakaisang Gumagawa para sa MONSAY. Halina at makibrigada na! Bayanihan na, STRONG MONSAY! Zumba instructor: Shirley Palanquit

Pagbati sa inyo mga ka-Monsay!

Malugod naming binabati ang mga nagsipagtapos at nagkamit ng karangalan sa ating sintang paaralan, Ramon Magsaysay Cubao High School. Hangad naming mabigyan kayo ng parangal dahil sa inyong ipinamalas na angking galing sa larangan ng akademiko ngayong taong panunuran 2021-2022. Ganumpaman, hindi rito natatapos ang lahat, sapagkat alam nating ito'y simula pa lamang ng panibagong kabanata sa ating buhay bilang isang mag-aaral. Kaya naman, inyong ipagpatuloy ang pagsusumikap at pagbibigay dedikasyon sa inyong pag-aaral. Sabay-sabay tayong tumindig at magsumikap tungo sa kinabukasang ating hinahangad. Muli, pagbati sa inyo, mga ka-Monsay!

Sabay-sabay nating ipagdiwang ang pagsapit ng Pasko! Aming inihahandog sa inyo ang isang munting awitin, na sana'y magbigay ligaya at ningning sa inyong kapaskuhan. Mula sa mga bumubuo ng Ang Tanglaw, Maligayang Pasko mga ka-Monsay!