XFM Cebu 88.3

10/12/2024

𝐁𝐀𝐆𝐘𝐎 𝐏𝐎𝐒𝐈𝐁𝐋𝐄𝐍𝐆 𝐌𝐔𝐒𝐔𝐋𝐎𝐃 𝐒𝐀 𝐍𝐀𝐒𝐔𝐃 𝐒𝐀 𝐓𝐀𝐋𝐈 𝐒𝐀 𝐃𝐄𝐂. 𝟏𝟔 𝐇𝐀𝐍𝐆𝐓𝐎𝐃 𝐃𝐄𝐂. 𝟐𝟐

Posibleng adunay bagyo nga musulod sa Philippine area of responsibility (PAR) tali sa Disyembre 16 hangtod 22, matod sa Philippine Atmospheric, Geophysical and Astronomical Services Administration.

Base sa typhoon cyclone threat potential forecast nga gi-isyu sa PAGASA, ang bagyo posibling makaapekto sa Visayas ug Southern Luzon.

Sa higayon nga adunay bag-ong bagyo nga mosulod sa PAR, nganlan kini og Querubin ug mao na kini ang ika-17 nga bagyo nga makaapekto sa nasod karong tuiga.

Ang weather specialist sa PAGASA nga si Benison Estareja niingon nga tulo ka weather systems ang nakaapekto karon sa nasud, apan walay bagyo nga gilauman nga ma-develop sa mosunod nga upat ka adlaw.

Dugang ni Estareja nga ang northeast monsoon o amihan magdala og pag-ulan sa Northern Luzon, samtang ang shear line kasamtangang nakaapekto sa silangang bahin sa Luzon ug ang intertropical convergence zone (ITCZ) maka-apekto sa Mindanao, Palawan ug Visayas.

via | Almie Mata

10/12/2024

𝐏𝐈𝐏𝐈𝐋𝐀 𝐊𝐀 𝐌𝐆𝐀 𝐓𝐀𝐗𝐈 𝐃𝐑𝐈𝐕𝐄𝐑 𝐌𝐔𝐊𝐀𝐋𝐈𝐓 𝐎𝐆 𝐁𝐑𝐀𝐊𝐄 𝐀𝐑𝐎𝐍 𝐌𝐔𝐃𝐀𝐊𝐎 𝐀𝐍𝐆 𝐏𝐋𝐄𝐓𝐈𝐇𝐀𝐍?

Nagpagawas sa iyang sentimento ang usa ka facebook user nga adunay account name nga Brigitte Shane nga taga Cebu, diin giingong base sa iyang nabantayan mukalit og brake ang mga taxi drivers aron mudako ang meter.

Kamo mga katropa, unsay komento ninyo maylabot niini?

via | Almie Mata
📷: CTTO

10/12/2024

𝐉𝐎𝐇𝐍 𝐀𝐌𝐎𝐑𝐄𝐒 𝐌𝐈𝐃𝐔𝐖𝐀 𝐒𝐀 𝐁𝐎𝐇𝐎𝐋 𝐓𝐀𝐋𝐈𝐖𝐀 𝐒𝐀 𝐒𝐔𝐒𝐏𝐄𝐍𝐒𝐈𝐎𝐍 𝐒𝐀 𝐏𝐁𝐀 𝐇𝐔𝐌𝐀𝐍 𝐍𝐀𝐌𝐔𝐒𝐈𝐋

Miduwa si John Amores sa liga sa Bohol bisan pa sa pagkasuspenso sa Philippine Basketball Association (PBA).

Si Amores, kasamtangang nagsilbi sa usa ka conference-long suspension gikan sa PBA tungod sa iyang pagkalambigit sa insidente sa pagpamusil sa Lumban, Laguna.

Apan spotted kini nga miduwa sa GMGD Aqua Farm sa Duero, Bohol Open Commercial 2024.

Ang iyang kauban sa roster sa GMGD mao si kanhi PBA player Paul Desiderio. Bisan og gidid-an si Amores sa umaabot nga PBA Commissioner’s Cup, gitugotan gihapon siya nga makapraktis sa NorthPort Batang Pier ug makaapil sa mga kalihokan sa gawas sa korte./

via | Jovelyn Satinitigan-Padin

10/12/2024

𝐉𝐎𝐔𝐑𝐍𝐀𝐋𝐈𝐒𝐓 𝐒𝐀 𝐆𝐇𝐀𝐍𝐀 𝐆𝐈𝐆𝐀𝐊𝐎𝐒 𝐀𝐍𝐆 𝐏𝐔𝐍𝐎𝐀𝐍 𝐒𝐀 𝐊𝐀𝐇𝐎𝐘 𝐒𝐔𝐋𝐎𝐃 𝐒𝐀 𝟐𝟒-𝐎𝐑𝐀𝐒

Usa ka 23-anyos nga journalist gikan sa Kumasi, Ghana, nakakuha sa world record sa labing taas nga panahon sa paggakos og punoan sa kahoy.

Ang “tree-hug-a-thon” ni Abdul Hakim Awal, nga nahitabo sa gawas sa Kumasi Cultural Center, milungtad og 24 oras 21 minutos.

Samtang sa miaging rekord mao ang 16 ka oras gitakda sa Ugandan environmental activist nga si Faith Patricia Ariokot sayo ning tuiga.

Gikuha ni Abdul kini nga hagit aron ipasiugda ang kamahinungdanon sa pagpreserbar sa kinaiyahan sa Ghana.

Nagsaad siya nga magtanum og bag-ong kahoy matag minuto kung mudaog siya sa Guinness World of Record.

Si Abdul, nga nakasaksi sa mga epekto sa climate change sa lungsod nga natawhan sa iyang pamilya sa Garu, karon naglaum nga magtukod og usa ka inisyatibo sa pagpananom og kahoy sa tibuuk nasud.

via | Almie Mata

10/12/2024

𝐁𝐑𝐀𝐍𝐃 𝐍𝐆𝐀 𝐆𝐈-𝐄𝐍𝐃𝐎𝐑𝐒𝐄 𝐍𝐈 𝐌𝐀𝐑𝐈𝐒 𝐑𝐀𝐂𝐀𝐋, 𝐌𝐈𝐒𝐔𝐏𝐎𝐑𝐓𝐀 𝐆𝐈𝐇𝐀𝐏𝐎𝐍 𝐒𝐀 𝐀𝐊𝐓𝐑𝐄𝐒

Mipadayag og suporta kang Maris Racal ang usa sa beauty brand nga iyang gi-endorse.

Taliwa kini sa mga balitang nawad-an og pipila ka mga endorsement deals ang aktres tungod sa cheating issue.

Base sa post sa brand, “To err is human, to forgive is divine, keep glowing!"

via | Jovelyn Satinitigan-Padin

10/12/2024

𝐃𝐈𝐖𝐀𝐓𝐀 𝐍𝐀𝐆𝐏𝐀𝐊𝐀-𝐍𝐀𝐃𝐈𝐍𝐄 𝐋𝐔𝐒𝐓𝐑𝐄
🦌

Gibida sa Internet personality nga si Diwata ang iyang "reindeer look" sa usa ka event.

Kumento sa netizens nga gisuon niini ang style ni Nadine Lustre.

Duna pud niingon nga angayan nang kuyawan si Mariah Carey./

via | Jovelyn Satinitigan-Padin
📷: Diwata Pares Overload

10/12/2024

𝗠𝗮𝗴𝗸𝗮𝗿𝗼𝗼𝗻 𝗻𝗴 𝗰𝗵𝗮𝗻𝗰𝗲 𝗺𝗮𝗻𝗮𝗹𝗼 𝗻𝗴 𝟭 𝗯𝗼𝘅 𝗻𝗴 𝗫𝗮𝗻𝘁𝗵𝗼𝗻𝗲 𝗣𝗹𝘂𝘀 𝗚𝗼𝗹𝗱 𝗻𝗴𝗮𝘆𝗼𝗻𝗴 𝗗𝗲𝗰𝗲𝗺𝗯𝗲𝗿!

Ano ang kwento mo sa Xanthone Plus Gold?

Step 1: Mag-record ng maikling video o magsulat ng isang taos-pusong testimonial tungkol sa iyong karanasan sa paggamit ng Xanthone Plus Gold, at i-komento ang iyong entry sa post na ito 𝘂𝗻𝘁𝗶𝗹 𝗗𝗲𝗰𝗲𝗺𝗯𝗲𝗿 𝟭𝟵, 𝟮𝟬𝟮𝟰.

* Ibahagi ang mga partikular na benepisyo o pagpapabuti na naranasan mo mula nang isama ang Xanthone Plus Gold sa iyong routine.
* Magbigay ng mga tips o advice na makakatulong sa mga bagong gumagamit ng Xanthone Plus Gold.

Step 2: I-follow at i-like ang Xanthone Plus Gold page, mag invite ng friends at mag-join sa aming official Facebook group.

page: Xanthone Plus Gold
Official Facebook Group: Xanthone Plus Gold Official

𝗞𝗮𝗺𝗶 𝗮𝘆 𝗽𝗶𝗽𝗶𝗹𝗶 𝗻𝗴 𝗔𝗡𝗜𝗠 𝗻𝗮 𝗺𝗮𝗻𝗮𝗻𝗮𝗹𝗼 𝗮𝘁 𝗮𝗯𝗮𝗻𝗴𝗮𝗻 𝗮𝗻𝗴 𝗿𝗲𝘀𝘂𝗹𝘁𝗮 𝗻𝗶𝘁𝗼 𝘀𝗮 𝗗𝗲𝗰𝗲𝗺𝗯𝗲𝗿 𝟮𝟬, 𝟮𝟬𝟮𝟰.

10/12/2024

10/12/2024

MGA SAKOP SA PROGRESIBONG GRUPO NIPAHIGAYON OG LIHOK PROTESTA SA MAY OSMEÑA BLVD., CEBU CITY

via| Eric Amaro

10/12/2024

𝐏𝐀𝐆𝐁𝐀𝐍 𝐒𝐀 𝐄-𝐁𝐈𝐊𝐄𝐒 𝐒𝐀 𝐌𝐀𝐍𝐃𝐀𝐔𝐄, 𝐆𝐈𝐋𝐈𝐁𝐊𝐀𝐒 𝐍𝐀

Gikanselar sa Mandaue City Government ang pagpatuman sa total ban sa electric bikes (e-bikes).

Si City Councilor Jimmy Lumapas, chairman sa Committee on Transportation, kagahapon nga gilibkas na ang pagdili sa e-bike nga gipatuman sa Traffic Enforcement Agency of Mandaue (TEAM).

Gipasabot ni Lumapas nga ang desisyon gihimo isip konsiderasyon sa mga drayber ug pasahero sa e-bike nga nagsalig sa maong mga sakyanan. Imbes ipatuman ang total ban, iyang gipahayag nga i-regulate ang paggamit sa e-bikes.

Kagahapon sa buntag, usa ka grupo sa mga drayber sa e-bike kansang mga sakyanan gi-impound sa TEAM mibisita sa opisina ni Mayor Glenn Bercede aron mangayo pag-usab sa pagdili.

Niadtong Sabado, gi-impound sa TEAM ang mga 18 ka e-bikes gikan sa Barangay Paknaan. Human sa pakigtagbo sa mayor, nadesisyonan nga buhian ang mga sakyanan nga dili na kinahanglan nga pahamtangan og bayad ang mga drayber ug bisan unsang silot.

Ang kinatibuk-ang pagdili sa mga e-bikes, nga una nga gipahibalo kaniadtong Nobyembre 27, gituyo aron matubag ang nagpadayon nga mga kabalaka sa kaluwasan ug trapiko. Namatikdan sa TEAM nga daghang mga e-bikes ang wala marehistro ug ang ilang mga drayber kulang sa saktong lisensya.

Samtang si Konsehal Lumapas miingon nga siya ug si Mayor Bercede mipili sa pagpadayon sa regulasyon sa usa ka direkta nga pagdili aron mapanalipdan ang panginabuhian sa mga tiggamit sa e-bike.

via | Almie Mata

10/12/2024

𝐌𝐀𝐘𝐎𝐑 𝐑𝐀𝐘𝐌𝐎𝐍𝐃 𝐀𝐋𝐕𝐈𝐍 𝐆𝐀𝐑𝐂𝐈𝐀 ‘𝐖𝐀𝐋𝐀 𝐌𝐀𝐇𝐀𝐃𝐋𝐎𝐊’ 𝐒𝐀 𝐌𝐆𝐀 𝐊𝐀𝐒𝐎𝐍𝐆 𝐆𝐈𝐏𝐀𝐒𝐀𝐊𝐀 𝐁𝐀𝐓𝐎𝐊 𝐊𝐀𝐍𝐈𝐘𝐀

Wala mahadlok si Cebu City Mayor Raymond Alvin Garcia sa mga kaso nga gipasaka batok kaniya human siya gipasakaan og kaso sa Ombudsman ni Atty. Mikel Rama, anak ni kanhi mayor Mike Rama, maylabot sa iyang paglingkod pagka-mayor sa dakbayan.

Matud ni Mayor Garcia nga dili na siya mahibulong maylabot niini hilabi na nga nagsingabot na ang eleksyon ug giingong iya kining dawaton kay matud pa ang tanan adunay katungod nga mupasaka og kaso ni bisan kinsa.

Kahinumdoman, nanumpa si Mayor Garcia isip mayor niadtong Oktubre 9, 2024 human nga nahukman ang kanhi mayor sa Ombudsman niadtong Septiyembre 25 sa pagka dismissed ug perpetual disqualification sa paghupot og posisyon sa serbisyo tungod sa kasong nepotismo.

Apan gikwestiyon kini ni former mayor Rama kay matud pa niya nga wala kini mando gikan sa Department of Interior and Local Government (DILG) nga ipatuman kini sa daling panahon.

Samtang si Mayor Garcia niingon nga igo ra siya sa nisunod sa mando ug direktiba ngadto kaniya.

via | Almie Mata

09/12/2024

DIRE SA T.PADILLA MARKET ADUNA NAPOD TAY NASAKPANG MGA NAMINAW SA XFM CEBU 88.3

WINNER KA KATROPA!😍😊👏🏻🩷💚💛

09/12/2024

𝐓𝐑𝐈𝐕𝐈𝐀: 𝐁𝐔𝐋𝐊𝐀𝐍𝐆 𝐊𝐀𝐍𝐋𝐀𝐎𝐍 𝐌𝐈𝐁𝐔𝐓𝐎 𝐒𝐀 𝐒𝐔𝐒𝐀𝐌𝐀 𝐍𝐆𝐀 𝐏𝐄𝐓𝐒𝐀

Nasayod ba kamo nga ang bulkang Kanlaon mibuto sa susama nga petsa niadtong December 9, 2017 ug December 9, 2024.

Ang mga pagbuto sa bulkan nga mahitabo sa samang buwan ug adlaw apan sa lain-laing mga tuig dili pormal nga giklasipikar ubos sa usa ka espesipikong ngalan.

Anniversary Eruption: Kini nga termino nagpasiugda sa sulagma nga mga pagbuto nga nahitabo sa samang adlaw sa kalendaryo.

December 9, 2017 - (9:47 AM) Photos of the Kanlaon Volcano phreatic eruption as seen from Brgy. Manghanoy, La Castellana, Negros Occ. Courtesy of Ms. Ritchel Demerin Villanueva.

December 9, 2024 - (3:03PM) An explosive eruption occurred at the summit vent of Kanlaon Volcano.

Ang pagbuto nagdala og plumes nga miabot sa 3,000 metros ibabaw sa buho ug naanod sa kasadpan-habagatan-kasadpan.///

Source: PHIVOLCS

via | Jove

09/12/2024

𝐀𝐔𝐍𝐓𝐈𝐄 𝐍𝐈 𝐀𝐍𝐓𝐇𝐎𝐍𝐘 𝐉𝐄𝐍𝐍𝐈𝐍𝐆𝐒, 𝐌𝐈𝐈𝐍𝐆𝐎𝐍 𝐍𝐆𝐀 𝐊𝐎𝐍𝐓𝐑𝐎𝐋𝐀𝐃𝐎 𝐍𝐈 𝐉𝐀𝐌 𝐕𝐈𝐋𝐋𝐀𝐍𝐄𝐔𝐕𝐀 𝐀𝐍𝐆 𝐊𝐖𝐀𝐑𝐓𝐀 𝐒𝐀 𝐄𝐗 𝐁𝐎𝐘𝐅𝐑𝐈𝐄𝐍𝐃

Nagpakita ug suporta ang iyaan ni Anthony Jennings nga si Merilyn Olofsson sa isyu nga gi-atubang sa aktor.

Unang gi-share ni Jam Villanueva ang convo ni Anthony ug aktres nga si Maris Racal nga miani og pagsaway og nakaapekto sa duha.

Apan matud ni Merilyn, dugay nang wala gitrato og tarong ni Jam si Anthony.

"Dinamay nya si Maris dahel sa selos. Lahat ng i partner Ky Anthony pinagseselosan ni J. at Pag dating sa pera ni Anthony sya ang nag control mag kano lng ang ibigay sa mamma ni Anthony. si Anthony bata pa matanda na si Jam. kung mag ka gsto man si Anthony Ky Maris. wlang pnloloko doon hinde p sila kasal ni Jam. Ikaw ba ay pastor at parang napa napakalinis mo mag salita?

"naniwala ako dahel alm ko kung gaano ka gahaman sa pera si J. mismo mamma ni Anthony tinitipid nya. minsan hindi mkakain papasol nalang sa school mga kapatid ni Ant, dahel si J ang nag control magkano lang ibigay sa mama ni Anthony. bata pa si Ant matnda na si Jam naka daming bf na sya bago nakilala ni Anthony."

via | Jove

09/12/2024

“ PATAY NGA LAWAS NAPALGAN “

Paminawa si PLt. Danny Boy Saunil, deputy station commander sa Opao Police Station-5, Mandaue City Police Office (MCPO) kalabot na sa impormasyon may labot na patay nga lawas nga napalgan ubos sa taytayan sa Marcelo Fernan sa Barangay Umapad sa Dakbayan sa Mandaue.| BBT

09/12/2024

𝐌𝐀𝐂𝐇𝐎 𝐍𝐆𝐀 𝐃𝐔𝐑𝐔𝐆𝐈𝐒𝐓𝐀, 𝐌𝐀𝐀𝐍𝐘𝐀𝐆 𝐍𝐆𝐀 𝐊𝐀𝐈𝐏𝐎𝐍 𝐍𝐈𝐈𝐍𝐈 𝐒𝐈𝐊𝐎𝐏 𝐒𝐀 𝐂𝐀𝐑𝐁𝐎𝐍 𝐏𝐎𝐋𝐈𝐂𝐄 𝐀𝐓𝐎𝐋 𝐒𝐀 𝐁𝐔𝐘-𝐁𝐔𝐒𝐓 𝐎𝐏𝐄𝐑𝐀𝐓𝐈𝐎𝐍 𝐊𝐀𝐆𝐀𝐁𝐄𝐈

Igo nalang sa pagmahay kining usa ka 32 anyos nga lalaking masahista ingon man 36 anyos nga kaipon niini human nga nasikop sa buy-bust operation kagabei sa mga operatiba sa Carbon Police Station.

Ang mga dinakpan nailhan nga silang;
1.) Charles Tobias, 32 anyos, naay kaipon masahista, taga Dakbayan sa Sugbo.
2.) Generose Cabatingan, 36 anyos, dunay kaipon, Brgy. Guadalupe, Cebu City.

Nakuha gikan sa posisyon sa maong mag live-in partner mao ang 8 small, 2 medium size sa gituohang shabu nga mobalor sa P68,000. Nabawi usab gikan sa mga suspek ang P200 nga gigamit nga buy-bust money.

Kasong kalapasan sa Section 5(selling), Section 11(posession), Article II RA 9165 o Comprehensive Dangerous Drugs Act of 2002 ang gihikay na karon batok sa mga suspek.

via| Eric Amaro