Fulfulde 24

Home
Nigeria
Yola
Fulfulde 24

Min ɗo gaddante kubaruuji goongaraaji, Yelaango amin ɓamtango pinal fulɓe. Ɗemgal fulfulde yaara yeeso. On jaɓɓaama be warugo hello amin mawnde
(22)

14/03/2024

Jam hirti e moon?

20/09/2023

Ɓaawo Joode Hitorndu e ton Diiwal Kano Ɗum Anndini Yusuf Gawuna dow Darnde Gomnaajo Diwal Kano labɗo.

Ɗume woni miijo mon?

15/09/2023

Horeejo Lesdi Najeriya Bola Ahmed Tinubu suɓi Olayemi Cardoso dow Darnde Gomnaajo CBN Keso
Iga Alameen Gidado Jadaa

04/06/2023

Pullo MO leddi Chad 🇹🇩

14/12/2022

Hukuuma Fiiji njamu lesdi Nigeria anndini wii'ugo iga jonta wala haaje say to kala waɗowo jahangal fu holli ɗarewol foondo Corona virus.

Hukuuma hakkilanki jaharle piiroje lesdi ndin wii ɓe hocci jabruɗen dalila ngam ŋaw korona timmi ha Nigeria e duniya fu.

Hukuuma kan wii iga jonta kala mo waɗata jahangal fu yahan ha yiɗi na e biɗitol ɗarewol korona.

To ɗum yenjitay ni fe'i no to ha waɗan jahangal iga Nigeria faago lesde yaasi say to ɗum tabbiti ɗareeji foondo Corona virus.

14/12/2022

Nigerian'ko en Filooɓe Motaaji Holli Mettam Ɓeram Maɓɓe dow No Hukuuma Custom Ɓillata Ɓe.

Nastinooɓe mootaaji iga lesɗe yaasi wii Hukuuma Custom ɗon nanga Motaaji Maɓɓe e jaɓugo ce'ede haa Maɓɓe ɓarawo ɓe tokki kala diidaangol haadi ɓe tokka fu.

Soodooɓe Motaaji ɗin e laaŋoɓe fuf wii ɓilla ɓe yiidata ɓuri duuɗugo dow Nastinooɓe hedi wayla lesdi ndii.

Say ni nde ɓe jaaɓanno Hukuuma Custom en wii Motaaji ɗi ɓe nangata man wala ɗareeji ɗii haadi.

Laaŋoɓe Motaaji man tuumi Hukuuma Custom man e futtingo diidaɗi godɗi ɗii wala nder leydi ngam ngam ŋaamugo ɓe neɗɗaku.

Laaŋoɓe ɓen besdi e wii'ugo bɓillaji ɗin ɓuri ɗuɗugo dow buuwol Lagos faago wayla lesdi ndii, ngam ko ɓe lari ɗareeji mootaaji man fu hatta ɓe jaɓugo ce'ede haa Maɓɓe.

To ɗum numtan ni Gomnati lesdi Nigeria harmini nastingo mootaaji dow keerol towndire bana keerol Benin, Nijer, Chadi e kamaru.

Say ni haɗaaka ɗum nastina mootaaji ɗin hedi keerol Ndiyam e nanta ɗareeji kewɗi, amma to sotti bannin ɗum yewi diidaaɗi lesdi ndiin.

14/12/2022

Sifakare Gomnati Mobngal Leydi Nigeria Fewni Tuumayere Ɗum Sanata Kazaure waɗanta Gomnajo CBN.

Nder jumɓaare saalinde on ɓiɗɗo Majalisa Mobngal leydi Nigeria Gudaji Kazaure tuumi Gomnajo Sigorndu mawdu ndu Nigeria CBN e mosle ko hewti naira Biliyon 89.

Say ni fina alat Wolwowo e ɗemngal Gomnati leydi Nigeria Malam Garba Shehu wii Ko Kazaure wolwanta ɗo ɗum Tuumayere on o wala hujja nden na ɗum ngonga.

Shehu besdi e wii'ugo sam ɗiiɗangol lesdi harmini biɗɗo majalisa latta sakatarejo komitiru nɗe mawɓe nder Huuwanoɓe Gomnati woni nder.

Nder Hirde nde o hirdi e BBC yebre Hawsare, Kazaure wii hanko woni sakatarejo komitiru heftugo Jomorngol lesdi ( Stamp duty ) e turankoore je Horeejo lesdi.

Kazaure besdi e wii'ugo "Ofisru Sakatarejo Mobngal lesdi ndin e mawɓe nder Gomnati lesdi ndin haɗimo yiidugo e Muhammadu Buhari, sakko o anndina mo ko komitiru man hefti.

O besdi e wii'ugo komitiru man hefti wodi mosle ko Hewti naira Biliyon 89 on majji nder ce'ede stamp duty ɗii bankiji itta ta.

Sai ni na e wonnugo wakkati Garba Shehu jabiti Kazaure ha o wii neɓi ko Gomnati sankiti komitiru ndun.

14/12/2022

Horeejo Leydi Ukraine Tammi Woldago E Dental G7.

Jonta kam wo'ene Njoonde Ngam Heditiggo Kubaruuji ɗin ɗii fuu maaji.

Aardiiɓe lesɗe jeeweɗiɗon marɓe Sembe filu ( G7) ɓe Yiidan bee Arɗiiɗo lesdi Ukraine Mr. Volodymyr Zelenskiy hedi laabi matotiral Zamanu dow no lesdi Ukraine wontiri.

Aardiɗo Gomnati lesdi Jamus Olaf Schols, on watta jawabu laarugo hanko on timminta Aardago Huɓɓirde nden.

Nde ɗum waɗi mobre jaydiyanko'en Hukuuma en wii wala habar hokku go Ukraine balmi nder giidal ngal.

Sai ni giidal ngal wari on ɓaawo balɗe go'o nde Aardiiɗo Zelenskiy fotti e Horeejo leydi America Mr. Joe Biden, Takanas dow no Lesdi Rasha Yaaratanta Ukraine konu.

25/10/2022

Hol Noy on wontiri e Dental Whatsapp Mon?❓

24/10/2022

‘‘ Foti a halka (mbara) Goɗɗo‚ amma a fotay a halka Anndal maako.’’👌🏻

Alameen Giɗaɗo Jada

15/10/2022

Kala mo Wii wo’’ingo Nigeria‚ ɗum koyngal fuu o fewi‚ malla o annda no Lesdi ndin wontiri.

Hooreejo Dental Tabital Pulaku leddi e Lesdi SANUSI LAAMIƊO SANUSI

14/10/2022

Huɓɓirde Dental Mallum’en Jami’aji (ASUU) wallini tikkere kuuɗe ko hewtani lebbi Jewetati 8.

Iwii Iga Alameen Giɗaɗo Jada

19/09/2022

FACCAM: No Ummaatoore findiri e Faccam Nder Hukuuma pamara Demsa Diiwal Adamawa

18/09/2022

LUWAL FUUFAAMA

Iwii Iga Dr. Aliyu U. Tilde

1. A yettaama Jooman an Arandeejo Fuɗɗuɗo
A ɓeeda salaati dow Naboojo Muhammada.

2. Luwal fuufaama, non leydi laatake dimbake
Di iirtii ubaaɓe, non a lildi Muhammada.

3. To Dargal warii Moɓgal tagaaɓe ɓe kauritii
Du’are amin fuu juulɓe jippo to Ahmada.

4. To mooytii koode, asama seekama laatake
Walaa on mo hisna sai mo tokki Muhammada.

5. Yi’aa naage suddaama, nyibre suddake leydi fuu
Fa geese e balwi sai ɗe tokkoɓe Ahmada.

6. To kooseeje fiiri koode caami ɗe ɗoppake
Walaa to jeyaaɓe doggirta sai faago Ahmada.

7. Musinoowo fuu jaangai biɗɗo maako o sakkina
Ɓe deeɗi dimai fuu, non o bolbi Muhammada.

8. Yi’aa torra waati himbe wartii bo wuykuɓe
Wala wuyku ngooga kamɓe geddiɓe Ahmada.

9. Ɓe Maɓɓita defte sirru himɓe e sankitaa
A yiittaa jalooɓe sai mo ɓaade Muhammada.

10. To laabka huwoyɗaa taanidiiɗa to duniya
A fottai e hairu yende fottirde Ahmada.

11. To kuuɗe ɓaleeje taskitirɗa e kalluɗe
Ko halli tawaitaa an e ngaƴnɓe Muhammada.

12. Mi noddii lenyol am Fulɓe ngam Allah keetidee
Dabaare wala men sai ni tokken Muhammada.

13. To ilmu heɓaama ngikku laaɓi to duuniya
Fa laahira booɗai ɓadditoo ɗen Muhammada.

14. To on subti bumɗaaku haa suudu duuniya
A ummoto Dargal bumɗo o yiitaa Muhammada.

15. Mala’ika’en nangai faana hiite ɓe sakkina
Walaa ngoɗɗo balloo haa ngayooɗo Muhammada.

16. Mo nder hiite, andaa, yeeɗataako o maayataa
O siikai o muuyai daa o tokki Muhammada.

17. O tuubai, o bi: “Ya Ceneeɗo mi anditii
To ɗum soƴƴitii yam min mi tokkai Muhammada.

18. Mi juulai, mi suumai, zakka, faa ma mi hijjoto
Mi nanta ka goɗɗo sai ka biiɗaa Muhammada.

19. Mi accai ka guika ko mi teetana himbe fuu
Wala ko gaɗai mi sai ko lilɗaa to Ahmada.

20. Fa jooman e inde maaɗa noddaimi jaabo yam
Waɗan men risƙu en tokka laawol Muhammada.

21. To maayde warii men maaya nuɗɗooɓe diina ma
Jaɓaa yonki meeɗen jippina men to Ahmada.

22. To Dargal warii men haade maako mo subtuɗa
Walaa ɗoogi yenden sai ni ɗoogi Muhammada.

23. Mo ardoo e men tokka faa nasta jannata
E Alkausara, huuru, non e yeeso Muhammada.

24. Fa salli alaihi, ahlu maako, sahaabo’en
E mumini’en fuka yiidɓe Annabi Ahmada.

14/09/2022

Jooɗiiɓe labbaje haa Pakistan yiidan be Be masibo faccam.

Iwii Alameen Giɗaɗo Jada.

Hukuuma’en lesdi Pakistan fooɗi noppi jooɗiiɓe labbaje haa nokkuje maaje‚ dow ɓe hakkila ngam ɓe yiidan be faccam Sabbu iyende toɓata ko salni keerol.

Ɓoymani Hukuuma’en wurtini laabi ila-ngol ɗam‚ fa’ata Mayo Manchar.

Wakiliijo BBC Wii ɗum ɗon Nder kultorol taa faccam man nasta Nder ci’e yi’ite lantarki lesdi ndin.

To ɗum hakkilay Ni iyende toɓata Nder balaɗe nden futtinan faccam Nder lesdi Pakistan‚ Ummatore ko heetanta 1‚400 on soyi yonki maɓɓe fahin ɓe Soyi ci’e e Jawle maɓɓe Dalila faccam.

12/09/2022

Noy ɗum noddirte e Fulfulde mon?

Winde miijooji mon e nanta lesɗe mon

01/08/2022

Noy ɗum noddete e Fulfulde moon?

29/07/2022

Noy ɗum noddete e Fulfulde moon?

Winnde miijooji mon e nokkuuje mon

07/07/2022

Ekkitite Fulfulde e Modibbo Surajo Teete

On njaɓɓaama!!!

Coftal ɓalli: Sport
Celluka: Grammar
Daartol/Taariiha: History
Caakal: Prose
Caakital: Publication
Caltuka: Dialect

06/07/2022

Hukuuma lesdi Saudiyya tabbitini besndari wakkati jaharle hijjooɓe Nigeria faango Leydi ceniiɗi.

Iwii. Al-ameen Giɗaɗo Jada

Bannin man ɗon wara on nder Anndinore hukuuma hakkilanki hijju lesdi Nigeria wanngini, anndinore nden wii jabruɗe nɗen wallinan Hakkilo hujjoɓe ko hewta ta ujuuneje tati (3) ɗagguɓe haa babe piirooje.

Fahin anndinore man wii ɗum hosi jabruɗe nɗen on ɓaawo joonde Hakkunde lesdi Nigeria e leydi Saudiyya, les ardungal horeejo hukuma kaan Zikrullah Hassan.

01/07/2022

Ekkite no on windata e Fulfulde

Iga Modibbo

Pulaar ✅ pular ❌
ɗemngal ✅ demngal ❌
Suudu ✅ sudu ❌

01/07/2022

Ekkitite binndi Fulfulde e Modibbo

Oumarou Ɓi Hooɗi

Ɓernde✔️/ɓerde✖️
Ɓirdungel✔️/ɓirdugel✖️

01/07/2022

Soja'en Nigeria Holli Mettam Ɓeram Maɓɓe Dow No Ummaatoore E Sankitta A Nate Maɓɓe.

Iga. Raihanatu Isa

Aagal Soja'en Nigeria nodditiri ummaatoore leydi Nigeria, dow ɓe dayta sankitiggo nate Soja'en soytuɓe dow laabi maatotiral zamanu (internet) wakkati haure.

Bannin man ɗon wara on yaake nde saggarle'en yaarani Soja'en kippe nde ɓe yaaranno wallinnde njawka dow nasara'en leydi China, nder hukuuma pamara Shiroro Diiwal Neja.

Anndinore nde wurti iga horeejo huwooɓe ɓe yimɓe je aagal Soja'en, Birgediya general Onyema Nwachukwu wurtini, o wii ɗum anndin kaa ɓiɓɓe Nigeria woodi dalila Nafturugo e laabi maatotiral zamanu (Internet), hanndi ɓe dayta sankitiggo nate Soja'en soytiɓe Saito ɗum anndin iyalu maɓɓe.

Non bo o besdi be torugo yimɓe Nigeria ta soma ɓe tokkoki bawo Aagal Soja'en a man do haure hakkunde maɓɓe e yimɓe bindigaji, ganyoɓe leydi Nigeria.

Laabi lildoygo miijooji mon dow laawol email address amin.Fulfulde24@gmail.comTa woyte windugo innɗe mon

30/06/2022

Laabi lildoygo miijooji mon dow laawol email address amin.

[email protected]

Ta woyte windugo innɗe mon

30/06/2022

Shehu Usman Bauchi Modibbo diina islama mo leydi Bauch Nijeeria.

Yo Allah fooɗu balɗe e Ɓesdu sabbungol.

📸 Abdullahi Sow

29/06/2022

Hannde Alarba Majalisa Ndotti'en Nigeria Subti Minista'en.

Iga. Raihanatu Isa

Hannde alarba wonta ñyalomare kaa majalisa ndoti'en leydi Nigeria sufti minister en je ɗiɗi, Hoorejo Leydi leydi Nigerian Muhammadu Buhari, hokki inɗe maɓɓe Asaawere salinnde.

Hoorejo majalisaru ndoti'en Nigeria Ahmad Lawan on suuɗiti Kaa keɲya salasa, o wii njoonde nde ɓe watta haanɗe fuu lattan dow suɓaago minister en mai on.

Nder Subtaaɓe ɓen man hawti e Ibrahim El-yakub iga Diiwal Kano, Umana Okon Umana iga Akwa-Ibom, Henry Ikechukwu Iko Iga Diiwal Abia, Ademola Adegoroye mo Diiwal Ondo, Odum Odi mo. Diiwal Rivers, e luttuɓe.

To ni ɗum yenjitay ni nder asaweeje caaliɗi on woɓɓe nder minister en man on jo''ini kuuɗe maɓɓe dow anniya daraaki cuuɓi hitannde 2023.

27/06/2022

Wamkoore maɓɓe do tefruki ngomnati wo'inanaɓe laabi e luuɓe nder wuro Maroua leydi Cameroon 🇨🇲

27/06/2022

Jam hirti e mon?
Noy ɗum noddete e Fulfulde moon?

27/06/2022

LAIHA. Noy luuɓe Ndabbaji latti e nokkuuje mon? Laarugo no ɗum habda ta e saɗirmaaji?

Winnde miijooji mon e nokkuuje mon.

27/06/2022

Fulfulde 24 dow hello Twitter tokke amin ngam hebugo hubaruuji duniyaru

Address

Yola

Telephone

+2348132007347

Website

http://www.fulfulde24.com/

Alerts

Be the first to know and let us send you an email when Fulfulde 24 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Fulfulde 24:

Videos

Dr fridonig nke windani frank biya ɓii hooreejo lesdi camerun Paul biya doo tefruki'mo o daroo soɓol ardungal lesdi garoowol hitaande ujine ɗiɗii e noogas e jowi