https://www.facebook.com/116969511327508/

GIDAN YANCI, Nasarawa LGA, Kano (2024)

07/03/2023

Gwamnatin Najeriya na nuna damuwa kan rashin isassun kuɗin aikin ƙidayar jama'a
Clem Agba

Clem Agba/TwitterCopyright: Clem Agba/Twitter
Ƙaramin ministan kasafin kuɗi da tsare-tsare na Najeriya Clem Agba, ya bayyana damuwa kan tasirin da rashin isassun kuɗi da matsalar tsaro da kuma bambance-bambancen al'adu za su yi wa aikin ƙidayar jama'a da za a yi a ƙasar cikin wannan shakara.

An dai tsara gudanar da ƙidayar ne tsakanin ranakun 29 ga watan Maris zuwa biyu ga watan Afrilun wannan shekara.

Mista Agba ya bayyana hakan ne ranar Litinin a wata ganawa da ya yi da ƙungiyoyi masu zaman kansu da da sauran masu ruwa-da-tsaki a Abuja da nufin tattauna ɓangarorin da za su iya kawo tarnaƙi ga aikin ƙidayar.

Ministan ya ƙara da cewa gwamnati ta fitar da fiye da kashi 60 na kuɗaɗen da ake buƙata domin aikin, inda ya ƙara da cewa yanzu ana jiran masu ruwa-da-tsaki da ƙungiyoyi masu zaman kansu da su bayar da nasu kason.

Ganawar dai ita ce ta biyu da jami'an hukumar ƙidaya ta ƙasar ke yi da ƙungiyoyin da za su taimaka wajen gudanar da shirin a shirye-shiryen gabatar daƙidayar jama'ar.

Ɗaya daga cikin maƙasudin ganawar shi ne yadda za a samara kudin gabatar da ƙidayar, inda hukumar ya yi alƙawarin gudanar da komai a bayyane.

Duk da cewa an samu matsalolin tsaro a lokacin aikin gwajin da aka yi a wasu ƙananna hukumomin ƙasar, shugaban hukumar ƙidayar ya kawar da fargabar da wasu ke yi na cewa ba za a yi aikin a wasu sasan ƙasar nan.

07/03/2023

INEC ta cire sunan Doguwa daga jerin zaɓaɓɓun 'yan majalisun tarayya
Alhasan Ado Doguwa

FacebookCopyright: Facebook

Hukumar zaɓen Najeriya ta cire sunan shugaban masu rinjaye na majalisar wakilan Najeriya Alhassan Ado Doguwa daga cikin jerin sunayen zaɓaɓɓeun 'yan majalisar wakilan ƙasar da s**a yi nasara a zaɓen da aka gudanar cikin watan Fabrairu.

Hukumar zaɓen ƙasar ce dai tun da farko ta ayyana shi a matsayin wanda ya yi nasara a zaɓen ɗan majalisar wakilai ta tarayya mai wakiltar mazaɓar Doguwa da Tudunwada a jihar Kano da ke arewacin Najeriya.

Jami'in tattara sak**akon zaɓen Farfesa Ibrahim Adamu Yakasai ya bayyana cewa Doguwa na jam'iyyar APC ya samu ƙuri'a 39,732, inda abokin takararsa na jam'iyyar NNPP Yushau Salisu Abdullahi ya samu ƙuri'a 34,798.

To sai dai a jerin sunayen zaɓaɓɓun 'yan majalisun da hukumar zaɓen ta fitar a shafinta na Twitter, babu sunan Alhassan Ado Doguwa a cikin jerin 'yan majalisun.

INEC ɗin ta ce an tilasta wa jami'in tattara sak**akon zaɓen wajen bayyana sak**akon da ya bai wa Doguwa nasara a zaɓen da aka gudanar.

06/03/2023

Gwamnatin Yobe ta ɗage haramcin hawa babura a wasu yankunan jihar bayan shekara 11
Okada Riders

Gwamna Mai Mala Buni na jihar Yobe, ya sanar da ɗage haramcin amfani da babura a faɗin ƙananan hukumomi bakwai na jihar.

Wannan na kunshe ne cikin wata sanarwa da mai bai wa gwamnan shawara kan harkokin tsaro Birgediya-Janar Dahiru Abdulsalam ya fitar wadda kuma aka raba wa manema labarai a Damaturu a yau Litinin.

A cewarsa, baburan za su yi aiki daga karfe 6 na safe zuwa 6 na yamma a kowace rana. Ya ce baburan ba za su ɗauki mutum fiye da ɗaya ba ko yin achaba.

Ya kuma yi kira ga dukkan waɗanda ke da babura a ƙananan hukumomin da abin ya shafa, da su tabbatar da cewa sun yi musu rajista.

Gwamnatin jihar ta kuma bai wa masu baburan umarnin cewa su yi aiki a iya ƙananan hukumomi da suke ba tare da shiga wasu wurare ba, inda ta ce duk wanda aka samu da laifin take umarnin, zai fuskanci hukuncin da ya k**ata.

A shekara ta 2012 ne dai lokacin gwamnatin Ibrahim Gaidam, aka sanya haramci kan amfani da babura a faɗin jihar ko achaba da nufin dakile yunkurin amfani da su wajen aikata muggan ayyuka, musamman lokacin da rikicin Boko Haram ya yi k**ari a jihar.

Sai dai gwamna Mai Mala Buni ya ɗage haramcin a kan wasu ƙananan hukumomi 10 cikin 17 na jihar a watan Janairun 2022.

06/03/2023

Ana ci gaba da fuskantar ƙarancin man fetur a sassan Najeriya da dama

Petrol Scarcity
Getty ImagesCopyright: Getty Images
A Najeriya, 'yan ƙasar na ci gaba da nuna takaicinsu dangane da matsalar ƙarancin mai da ta ki ta ki cinyewa a sassa da dama, ciki har da Abuja, babban birnin ƙasar.

Mahukunta na danganta matsalar da dakatar da zirga-zirga da aka yi a lokacin zaɓen shugaban ƙasar da aka kammala a makon jiya.

Amma wasu kungiyoyin farar-hula na zargin cewa matsalar cin hanci da sakacin gwamnati ne s**a haddasa matsalar.

Gwamnati dai ta daɗe tana alwashin magance matsalar amma babu abin da ya sauya a birane da kauyakun ƙasar.

Abin da ke ɗaure kan `yan ƙasar game da wannan ƙarancin man shi ne iƙirarin da gwamnatin ke yi cewa a kowane wata tana kashe naira biliyan ɗari huɗu a kan tallafin man fetur.

Amma Mallam Awwal Musa Rafsanjani, wakilin kungiyar da ke yaki da rashawa ta Transparency International a Najeriya ya yi zargin akwai rashin gaskiya a cikin lamarin saboda wasu ne ke sama da faɗi da dukiyar kasa kuma an kasa hukuntasu.

Sai dai hukumar da ke kula da sarrafawa da tacewa da sufurin man fetur ta Najeriya, cikin wata sanarwar da ta fitar ta ce dakatar da zirga-zirgar da aka yi a lokacin zaben shugaban kasa da aka k**ala a makon jiya, shi ne babban dalilin da ya janyo jinkirin wajen kai man wasu sassan kasar.

Amma masanin ya ce wannan ba hujja bane saboda tun kafin lokacin zaɓe ake samun matsalar ƙarancin man fetur.

Gwamnatin shugaba Buhari dai na tutiya da dokar man da aka zartar a zamaninta, tana saka dokar a cikin gadon da za ta bar wa `yan Najeriya, amma masu lura da al`amura na cewa wannan matsala ta rashin man fetur idan ba a magance ta ba, tana iya dusashe nasarori da dama da gwamnatin ke alfahari ta samu.

06/03/2023

INA ZA KA SAMU KUDIN DA ZA KA SIYA MANA GIDA DA MOTA SANNNAN KA KAI MU LANDAN.

KAR KI DAMU YANZU TA JUYO MANA, JAM,IYUN LP DA PDP ZA SU JE KOTU.

06/03/2023

ZABEN NAJERIYA YA GAZA CIMMA TSAMMANIN AL,UMMAR KASAR,AMERIKA.

Biden

Sama da mako guda bayan gudanar da zaɓen shugaban ƙasa a Najeriya, Amurka ta ce zaɓen ya ya gaza cimma yadda 'yan ƙasar s**a yi tsammani.

Hukumar zaɓen ƙasar ta ayyana Bola Ahmed Tinubu na jam'iyyar APC a matsayin wadda ya lashe zaɓen da adadin ƙuri'u 8,794,726, tazarar ƙuri'a kusan miliyan biyu tsakaninsa da Atiku Abubakar na jam'iyyar PDP.

Atiku mai shekara 76, ya samu ƙuri'a 6,984,520, yayin da Peter Obi na LP - wanda a ƙasa da shekara guda ya tara matasan mabiya- ya bayar da mamaki a takarar inda ya samu ƙuri'a 6,101,533.

To sai dai Atiku da Obi dukkansu sun yi zargin maguɗi a zaɓen, inda s**a sha alwashin ƙalubalantar nasarar Tinubu a kotu.

A wata sanarwa da Amurkan da fitar ta hannun jakadiyar ƙasar a Najeriya Mary Beth Leonard, ta ce 'yan Najeriya da dama sun fusata game da sak**akon, inda wasu s**a riƙa murna kan nasarar da s**a samu.

Sanarwar ta ƙara da cewa “A bayyane take cewa tsarin zaɓen Najeriya da aka gudanarar ranar 25 ga watan Fabrairu ya gaza cimma yadda 'yan ƙasar s**a yi tsammani,''

“Kamar yadda na sha faɗa a baya gabanin zaɓen, Najeriya ta cimma abubuwa masu yawa a tsawon shekaru sama da 20 da ta yi bayan komawa tafarkin dimoraɗiyya, kuma ci gaban da aka samu a fannin zaɓukan ƙasar na daga cikin nasarorin da ƙasar ta cimma''

“Yan Najeriya sun nuna sadaukarwarsu ga dimokraɗiyya ranar 25 ga watan fabrairu, to sai dai da yawa sun nuna fusata, yayin da wasu da dama s**a nuna murna bayan nasarar da s**a samu''.

06/03/2023

Hukumar kula da kafofin yaɗa labaran Najeriya ta haramta sanya batutuwan addini da na ƙabilanci a shirye-shiryen siyasa

NBC
NBCCopyright: NBC
Hukumar kula da kafofin yaɗa labarai ta Najeriya ta ce ta lura da yadda ake sanya abubuwan da s**a shafi addini da ƙabilanci da kuma kalaman tunzura jama'a a shirye-shiryen siyasa da yaƙin neman zaɓe a yayin da ake fuskantar zaɓen gwamnoni a ƙasar.

A wata sanarwa da hukumar ta fitar, ta ce yin hakan ba zai zame wa ƙasar alkairi ba.

Hukumar ta ce doka ta tanadar da cewa dole kafofin yaɗa labarai su taimaka wajen jaddada hadin kan ƙasa tare da taimaka wa wajen inganta dimokradiyya.

Haka kuma sanarwar ta yi kira ga kafofin yaɗa labaran ƙasar da su yi amfani da kafofin nasu wajen daƙile wannan aƙida, da kuma kalaman tunzura jama'a da za su iya kawo barazana ga haɗin kai da dimokraɗiyyar ƙasar.

A cewar sanawar duk da cewa ana ƙarfafa wa kafofin yaɗa labarai gwiwwa wajen bai wa 'yan ƙasa damar bayyana ra'ayoyinsu, waɗanda ba kalaman ƙiyayya ko na cin zarafin juna ko na tunzura jama'a ba, ya k**ata kafofin yaɗa labaran su san cewa za su yi hakan ne kawai ta hanyar da ta dace.

Article share tools

06/03/2023

YAN SIYASA NA SHIRIN AMFANI DA YANBANGAR SIYASA DOMIN TADA HARGITSI A ZABEN GWAMNONI A KANO.

Kano Police to prosecute thugs

Kano PoliceCopyright: Kano Police
Rundunar 'yan sanda a jihar Kano ta ce ta samu bayanai da ke nuna cewa wasu 'yan siyasa na shirin shigo da 'yan bangar siyasa zuwa jihar domin tayar da hatsaniya a zaɓen gwamnoni da na 'yan majalisar dokoki da ke tafe.

Kwamishinan 'yan sandan jihar, Mamman Dauda shi ya bayyana haka a cikin wata sanarwa da rundunar ta fitar, inda ya ce 'yan siyasa da ke ganin za su fadi, tuni s**a shirya tayar da tarzoma a zaɓen da ke tafe a ranar Asabar.

Sai dai, Mamman Dauda, ya gargaɗi dukkan 'yan bangar siyasa da wasu ɓata gari cewa kada su kuskura su ta da fitina saboda a shirye 'yan sanda suke wajen hukunta duk wanda aka k**a da laifi.

CP Dauda ya kuma ce rundunar tare da haɗin gwiwar wasu jami'an tsaro a jihar za su tabbatar da cewa an k**a dukkan waɗanda ake zargi, inda ya ce duk ɗan bangar siyasa da aka k**a, za a tura shi zuwa kotu tare da waɗanda s**a saka su aikin.

06/03/2023

Mun yi wa abokan hamayya kwanton-ɓauna muka ci zabe - Sanata Abdullahi Adamu
Shugaban jam'iyyar APC na Najeriya, Sanata Abdullahi Adamu.

Sa'o'i 3 da s**a wuce,

Shugaban jam'iyyar APC mai mulki a Najeriya, Sanata Abdullahi Adamu, ya ce kayin da wasu jiga-jigan jam'iyyar s**a sha a mazabu ko jihohinsu na asali a zaben shugaban kasar da aka kammala na cikin salo ko dabarar zabe da jam'iyyar ta yi wajen samun nasara.

Ƴan Najeriya da dama sun yi mamakin yadda jiga-jigan APC s**a kasa cin mazabu da jihohin nasu, ciki har da shugaban kasa Muhammadu Buhari, wanda jam'iyyar PDP ta masa kayi a Katsina da shugaba mai jiran gado, Bola Ahmed Tinubu, da kuma Sanata Abdullahi Adamu wadanda jam'iyyar Labour ta kayar a jihar Lagos da Nasarawa.

Hakazalika jam'iyyar Labour ta cinye jihar Filato, wadda gwamnan jihar Simon Lalong shi ne darakta-janar na yaƙin neman zaben ɗan takarar shugaban kasa na jam'iyyar APC.

To sai dai Sanata Abdullahi Adamu, ya ce da sanin su s**a bari abokan hammayar tasu s**a samu galaba a wasu jihohin.

Ya ce "Ai shi abokin adawa a tafiya irin wannan sai ka yi masa kwanciyar Namaledu. Inda yake ganin ci ba a nan cin yake ba, Najeriya tana da fadi, mun faɗi a Legas ba mu so haka ba shi ke nan sai s**a mike kafa."

06/03/2023

MAYAKAN BOKO HARAM DUBU SUN MIKA WUYA.

Sak**akon kazamin harin ramuwar gayya da ISWAP. s**a kaiwa Boko Haram wanda yayi sanadin mutuwar Boko Haram 200 ya tilastawa yan Boko Haram mika wuya ga Jami,an tsaron Najeriya.

Wani kwararre a kan abin da ya shafi yaki da ta’addanci a yankin tafkin Chadi, Zagazola, ya bayyana yadda mayakan ISWAP s**a kaai harin ramuwar gayya a kan ‘yan Boko Haram a ranakun 26 da 27 ga watan Fabrairun wannan shekarar a garuruwan Gaizuwa, Mantari, Gabchari, Kashimiri, da Maimusari a karamar hukumar Bama ta jihar Borno.

05/03/2023

GWAMNAN BABBAN BANKI ZAI ZAMA KAMAR BAREWA A HANNUN DAMISA,INJI SHEHU SANI.

Tsohon sanatan ya ce idan gwamnatin Buhari ta kare za a bar Godwin Emefiele ba kariya.

Shehu Sani yayi wannan bayanin ne a shafinsa na Twitter.

05/03/2023

JAM,IYAR LEBO TA DAUKI LAUYOYI 20.

A madadin dan takarar shugabancin kasa a karkashin jam,iyar Peter Obi, jam,iyar ta dauki wannan mataki.

Sun ce Kowane lauya na dauke da hujjoji akan yarda aka gudanar da zaben da ya gabata a ranar 25 ga wata.

Dama tuni dan takarar Peter Obi ya ce shi ya lashe zaben da a ka yi.

05/03/2023

Yadda aka yi naɗin sarautar Sarkin Dutse Hameem Nuhu Muhammad Sunusi

Gwamnan Jihar Jigawa Alhaji Muhammad Abubakar Badaru, ya miƙa sandar mulki ga sabon Sarkin Dutse Alhaji Hameem Nuhu Muhammad Sunusi.

A wani ƙayataccen biki da ya gudana a filin taro na Aminu Kano da ke garin Dutse a ranar Asabar, dubban mutane sun halarci taro daga ciki da wajen jihar Jigawa domin dai taya sabon sarki murnar naɗin nasa.

Gwamna Badaru ya ce yana fatan sabon sarkin zai ɗora kan irin abubuwan bajintar da mahaifinsa marigayi Alhaji Nuhu Muhammad Sunusi ya yi.

Ga dai yadda bikin ya kasance cikin hotuna.

05/03/2023

JI NA JE KAMAR A ALJANNA NA KE.

INJI MUTUMIN DA YA AURI MATA BIYU RANA DAYA.

Wani matashi mai suna Umar Sani da ya auri mata biyu a rana guda a garin Minna na jihar Neja ya ce ya na ji k**ar ya na aljanna.

Sani, wanda ya auri Safina da Maryam a jiya Juma’a, ya shaida wa wata jarida ta yanar gizo da ke Minna, Tsalle Daya, cewa “Ina jin k**ar an ba ni gida a aljanna, ina godiya ga Allah matuka, kuma farin cikinal da nake ciki ba zai musaltu ba.

“Na gode wa Allah da farin ciki na auri mata biyu a lokaci guda. Dukansu suna da fahimta, kuma ina godiya da hakan.

“Mutane da yawa sun yi tunanin cewa za a sami matsala daga ɗayar su, amma Allah cikin hikimarsa, ya sa abubuwa su ka kasance daidai.”

Umar ya bayyana cewa ya ya yi auren ne saboda shima da ga gidan mata sama da ɗaya ya fito.

“Tun ina dan shekara 10, na ga mahaifina yana da mata hudu kuma na ga yadda suke zaman lafiya. Na yi wa kaina alkawari zan auri mata fiye da daya idan na samu hali, ko in yi aure uku ko hudu a rana guda”.

Ko da yake ya ce iyayensa sun yi mamakin shawarar, amma ba su hana shi cika burinsa ba.

“Iyayena sun yi mamaki domin ko mahaifina bai auri mata biyu a rana daya ba. Amma ba su yi adawa da hakan ba. Abu mafi muhimmanci a gare mu a yanzu shi ne mu samu zaman lafiya,” inji shi.

05/03/2023

Dubban mutane sun ƙara fitowa zanga-zanga a Isra'ila

GIDAN YANCI.

Mutane dubu biyu ne s**a bi sahun zanga-zangar da ake a sassan Israila, wadda zanga-zanga ce mafi girma da ake ta nuna kin amincewa da shirin gwamnati na yi wa bangaren shari'ar kasar garanbawul.

Yawanci zanga-zangar ta lumana ce, to amma wasu bidiyo da aka dauka sun nuna yadda wasu masu zanga zangar a Tel Aviv, ke karya shingayen da 'yan sanda s**a sanya don toshe tituna sannan suna kunna wuta da kuma toshe manyan hanyoyi.

Masu zanga-zangar sun yi ta ihu a wajen,'Yan sanda dai sun yi amfani da ruwan zafi wajen tarwatsa masu zanga-zangar.

An samu 'yar hatsaniya a Birnin Kudus.

Yawanci 'yan adawa sun yi magana a wajen zanga-zangar inda s**a bayyana damuwarsu a kan sauye sauyen da gwamnatin ke shirin yi a bangaren shari'ar kasar.

Sauye sauyen sun hadar da ba wa ministoci damar zabar alkalan kotun kolin kasar da kuma ragewa kotun karfi.

Article share tools

05/03/2023

Dokar hana 'yan cirani shiga Birtaniya ta tayar da ƙura
BBC
BBCCopyright: BBC
Firaiministan Birtaniya, Rishi Sunak, ya ce ya kuduri aniyar tabbatar da cewa babu wani mutum da zai shiga Birtaniya ba bisa ka'ida a kyale shi ya zauna.

Da ya ke rubutu a cikin wata jaridar kasar mai suna The Mail on Sunday, Mr Sunak ya bayyana kokarinsa na dakatar da tsallakawar da 'yan ci rani ke yi ta ruwa a cikin kananan jiragen ruwa.

Ana kyautata tsammanin gwamnatin zata sanar da wata doka nan da wasu makwanni masu zuwa wadda zata rinka mayar da wadanda s**a shiga kasar ta ruwa zuwa Rwanda ko kuma wata kasar.

Wasu kungiyoyi sun bayyana damuwa akan cewa ko wadannan dokoki sun ci karo da tsarin dokokin kare hakkin dan adam.

05/03/2023

Mun tanadi lauyoyinmu tsaf domin tunkarar PDP da LP a kotu'
j
Asuwaju/FacebookCopyright: Asuwaju/Facebook
Kwamitin yaƙin neman zaɓen shugaban ƙasa na jam'iyyar APC ya ce jam'iyyar ta shirya lauyoyinta tsaf waɗanda za su tunkari lauyoyin 'yan takarar shugaban ƙasa na jam'iyyar PDP da LP a kotu.

A ranar Alhamis ne Atiku Abubakar da Peter Obi s**a ƙalubalanci sak**akon zaɓen shugaban ƙasar da aka gudanar a ranar Asabar ɗin da ta gabata suna cewa za su kai kotu, wanda ɗan takarar APC Bola Ahmed Tinubu ya samu nasara a cikinsa , kuma INEC ta bayyan shi a matsayin wanda ya lashe shi.

Da yake tattunawa da manema labari daraktan hulɗa da jama'a kuma kakakin kwamitin Festus Keyamo, ya ce jam'iyyar ta tanadi tawagar manyan lauyoyi na Najeriya wanda suke a shirye domin kare nasarar da Tinubu ya samu lokacin da za su kotu da Atiku da Obi.

Ya ce "tuni mun haɗa tawagarmu ta lauyoyi. muna da waɗanda su kuma s**a zo a raɗin kansu wanda dukkansu za su yi aikin kariyar."

05/03/2023

Shugaba Buhari zai tafi Qatar
presidency

presidencyCopyright: presidency

Shugaban Najeriya muhammadu Buhari zai tafi Qatar a yau Asabar, domin halartar taron Majalisar Dinkin Duniya na biyar game da abin da ya shafi kasashe masu ƙarancin ci gaba wanda za a yi a Doha babban birnin Qatar.

Cikin wata sanarwa da mataimakin shugaban na musamman kan harkokin yaɗa labarai Garba Shehu ya fitar, ya ce wannan ya biyo bayan saƙon gayyatar da Sarkin Qatar Sheik Tamim bin Hamad al Thani ya turo wa shugaban.

Taron wanda za a yi tsakanin 5 zuwa 9 gawatan nan an yi masa take ne da: "daga ƙasa mai yiwuwar ci gaba zuwa mai haɓɓaka" ana yi shi ne sau ɗaya cikin shekara 10.

Wata dama ce ga ƙasashe masu tasowa su samu taimako daga ƙasashen duniya domin samun cimma muraden ƙarni cikin gaggawa kuma su taimaka musu wajen samun ci gaba.

05/03/2023

AN SACE MA,AIKATAN RED CROS.

An sace ma'aikatan kungiyar agaji ta Red Cross a Mali.

Kungiyar ta ce an sace ma'aikatan ne a tsakanin hanyar birnin Gao da Kidal da ke arewacin kasar, wanda yanki ne da ke fama da rikicin masu kishin addinin islama.

Tun shekarar 2012 Mali ke fama da matsalar tsaro, sannan kuma sace sacen mutane don neman kudin fansa da kuma mayarwar gwamnati martani a kan wani, ya zamo ruwan dare a kasar.

Rikicin kasar dai ya fantsama zuwa makwabtanta k**ar Burkina Faso da kuma Nijar, inda aka kashe dubban mutane da kuma raba wasu da dama da muhallansu.

05/03/2023

Mun cire sama da mutum miliyan 100 daga talauci'
MOH
MOHCopyright: MOH
Gwamnatin Tarayya ta ce ta kashe naira biliyan 35.5 kan shirye-shiryen taimakawa al'umma a Jihar Taraba tun lokacin da ta ci mulki.

Ministar Jin-ƙai da kare Afkuwar Bala'i ta Najeriya Hajiya Sadiya Farouq ce ta bayyana haka a Jalingo babban birnin jihar, yayin da take wata tattaunawa da waɗanda s**a ci moriyar shirye-shiryen.

Ministar wadda shugabar shirin a jihar Beatrice Kitchina ta wakilta ta ce mutum sama da miliyan 100 sun fita daga cikin matsanancin talauci dalilin wannan shiri, kuma ciki har da matasa da mata.

Ta bayyana jerin wasu shirye-shirye k**ar su N-Power da CCT da GEEP ga kuma shirin ciyar da 'yan makaranta shi ma.

Sakataren shirin ciyar da 'yan makarantar Idris Goje, yace an yi maganin talauci a ƙasa da wannan shiri, haka kuma ya yi amfani a jihar Taraba.