04/12/2023
Мантуутай хоол ч гоё шүү 😋😋
Мантуутай хуурга
Маш энгийн бөгөөд хурдан, мөн бага зэрэг хуучирсан мантуугаа хэрэглэх амттай арга бол мантуутай хуурга юм.😊 Хөргөгчинд байгаа бүх зүйлийг хэрэглэх сайхан арга.
Өөрт байгаа хүнсний ногоо болон үлдсэн чанасан мах, хиам, сосиск зэргийг хэрэглээрэй.
Илүү амттай болгохын тулд ердийн сармис, сонгино, чинжүү зэргийг нэмээрэй.
Мантуугаа өндөгөөр бүрээд шарвал амт нь бүр ч илүү гоё болдог.
- Хөвсгөр мантуугаа жижиг хэсэг болгон хэрчинэ. 1 ширхэг өндөгийг томхон аяганд хийж сайтар хутгана.
- Хүнсний ногоогоо хурдан болгох үүднээс нимгэн, жижиг хэрчинэ.
- Мах болон хиам, сосискоо жижиглэж хэрчинэ. Цагаан хоолтон бол махыг алгасаад мах орлуулагчаа хийнэ.
Томовтор хэрчсэн сонгино, чинжүү, сармисаа тосонд хуурч амтыг нь тосонд шингээнэ.
Хутгаж бэлтгэсэн өндөгөндөө жижиглэж бэлтгэсэн мантуугаа дүрж бүрээд шаргал болтол хуурна.
Бэлдсэн мах, ногоогоо тогоондоо хийгээд зөөлөн галаар хуурч хутгана. Өөрийн дуртай хоол амтлагч, хар перц, давсаа тааруулж хийснээр таны хоол бэлэн болно.
Таваглахын өмнөхөн жижиглэж хэрчсэн ногоон сонгино цацаж чимэглэснээр мантуутай хуурга маань бэлэн болно.
Ингээд хөвсгөр мантуу хэзээ ч хуучрахгүй, хаягдахгүй боллоо.
АМТАРХАН ЗООГЛООРОЙ
(Хөвсгөрхөний бэлэг: Та коммент хэсэгт өөрийн хийсэн МАНТУУТАЙ хоолны зургийг үлдээснээр ХӨВСГӨРХӨН нэрийн бэлгийн эзэн болох боломжтой. Хөвсгөр мантууны уутны зургийг оруулахаа бүү мартаарай. )