Khit Thit Media

08/12/2024

ထီးလင်းမြို့မှ စစ်တပ်စစ်ကြောင်းကို တိုက်ခိုက်မှု ဗိုလ်ကြီး အောင်စိုးဦး အပါ အဝင် စစ်သား ၈ ဦးသေဆုံးပြီး ၁ ဦး အရှင်ဖမ်းဆီးရရှိခဲ့သည့် စစ်တပ်၏ တိုက်ပွဲ လျှို့ဝှက် အစီရင်ခံစာ ပေါက်ကြား

ရန်ကုန်၊ ဒီဇင်ဘာ ၈

မကွေးတိုင်း၊ ထီးလင်းမြို့အနီး စစ်ကြောင်းမှူး ဗိုလ်ကြီး အောင်စိုးဦး အပါအဝင် အကြမ်းဖက် စစ်သား ၈ ဦးသေဆုံးခဲ့သည့် တိုက်ပွဲဖြစ်စဉ် လျှို့ဝှက် ရုံးအစီရင် ခံစာမှာ တော်လှန်ရေးတပ်များထံသို့ ပေါက်ကြားလာကြောင်း ထီးလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

နိုဝင်ဘာလ ၂၈ ရက်နေ့ နံနက် ၁၀ နာရီ ၁၅ မိနစ်ခန့်တွင် ထီးလင်းမြို့မှ စစ်ကြောင်းမှူး ဗိုလ်ကြီး အောင်စိုးဦး ဦးစီးသော စစ်သားနှင့် ပျူစောထီး ၈၀ ဦးပါ စစ်ကြောင်းသည် တော်လှန်ရေး တပ်ဖွဲ့များ ခြေကုပ်ယူထားသော စခန်းကြီးဘက်ကို တက်လာစဉ် ဂန့်ဂေါခရိုင်တပ်ရင်း ၂ ၊ တပ်ရင်း ၄ ၊ တပ်ရင်း ၁၀ ၊ တပ်ရင်း ၁၅ ၊ တပ်ရင်း ၁၈ နှင့် ထီးလင်းမြို့နယ် ဒရုန်းတပ်ဖွဲ့တို့က ပူးပေါင်း တိုက်ခိုက်ခဲ့ခြင်းဖြစ်သည်။

ယင်း တိုက်ပွဲအတွင်း အကြမ်းဖက် စစ်တပ်ဘက်မှ Mi-35 ဖြင့် လေကြောင်းပစ်ကူ ၂ ကြိမ် လာရောက် ပစ်ခတ် တိုက်ခိုက်ခဲ့ကြောင်း၊ သို့ရာတွင် ဗိုလ်ကြီး အောင်စိုးဦး အပါအဝင် အလောင်း ၈ လောင်း သိမ်းဆည်းရရှိပြီး ပျူစောထီး ၁ ဦး အရှင်ဖမ်းမိခဲ့ကြောင်း၊ အကြမ်းဖက် စစ်ကောင်စီ တပ်သားများထံမှ လက်နက် ၃ လက်နှင့် ဖုန်း ၁ လုံး တို့ သိမ်းဆည်းရခဲ့ပြီး စစ်ကြောင်းသည် ထီးလင်းမြို့ကို ပြန်လည်ဆုတ်ခွာသွားကြောင်း သိရှိရသည်။

တော်လှန်ရေး တပ်ဖွဲ့များဘက်မှ အမှတ် ၂ တပ်ရင်း၊ တပ်ခွဲ ၁ ၊ဒု-စုမှူး ရဲဘော်နေလင်းအောင် တိုင်းပြည်နှင့်လူမျိုးအတွက် မြင့်မြတ်စွာအသက်ပေးလှူခဲ့ကြောင်း သိရသည်။

အဆိုပါ တိုက်ပွဲဖြစ်စဉ်နှင့် ပတ်သက်ပြီး အကြမ်းဖက် စစ်ကောင်စီတပ်သားများ အထက်အရာရှိကို တင်ပြသည့် လျှို့ဝှက် အစီရင်ခံစာ ကို တော်လှန်ရေး တပ်ဖွဲ့များက ရရှိခဲ့ခြင်းဖြစ်ကြောင်း သိရှိရသည်။

အလားတူ ဒီဇင်ဘာလ ၅ ရက်နေ့၊ ညနေ ၄ နာရီ ၃၀ မိနစ်ခန့်တွင် ထီးလင်းမြို့တောင်ရဲစခန်းမှ ရဲတပ်သားတစ်ဦးသည်နောက် ချန် ကင်းပုန်းများဖြင့် ထီးလင်းမြို့‌တောင်ဘက်မှ ပြည်သူတစ်ဦးနှင့်ချိတ်ဆက်၍ ရိက္ခာယူရန် ထွက်လာစဉ် ဂန့်ဂေါခရိုင်အမှတ် ၂ ၊ ၄ ၊ ၁၀ တပ်ရင်းများ နှင့် ဗျူဟာ-၈၁ (ယောဗျူဟာ) ပူးပေါင်းတပ်ဖွဲ့တို့ကို စောင့်ကြိုတိုက်ခိုက်ခဲ့ကြောင်း ထီးလင်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယင်းထိတွေ့ တိုက်ပွဲသည် ၁၀ မိနစ်ခန့် ကြာမြင့်ခဲ့ပြီး အကြမ်းဖက် စစ်တပ်ဘက်မှ ရဲတပ်သား ၁ ဦး ပြင်းထန် ဒဏ်ရာရရှိကာ တော်လှန်ရေး တပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။

08/12/2024

အနောက်ပိုင်းတိုင်းစစ်ဌာနချုပ်တွင် ပိတ်မိနေသော ဒဏ်ရာရစစ်သားများ၊ တပ်မိသားစုနှင့် စစ်သားအများစုက လက်နက်ချ အလင်းဝင်ပြီး အသက်ရှင်လျက်ဖြင့် လိုရာသွားခွင့်ရရန် လိုလား၊ သို့သော် တပ်မှူးများက AA က ဖမ်းမိလျှင် သတ်ဖြတ်မည်ဖြစ်၍ အသေခံ တိုက်ပွဲဝင်ကြရန်သာ အမိန့်ပေးခြိမ်းခြောက်

ရန်ကုန်၊ ဒီဇင်ဘာ ၈

ရခိုင်ပြည်၊ အမ်းမြို့နယ်အခြေစိုက် အနောက်ပိုင်းတိုင်းစစ်ဌာနချုပ်မှာ AA တပ်များ၏ ဝိုင်းရံပိတ်ဆို့ခြင်းခံထားရပြီး ခုခံနေသော်လည်း စစ်သားအများစုမှာ အလင်း ဝင်လိုပြီး အသက်ရှင်ခွင့်ရရန် လိုလားနေကြကြောင်း ရန်ကုန်နှင့် နေပြည်တော်တွင် နေထိုင်ကြသော အနောက်ပိုင်းတိုင်းစစ်ဌာနချုပ်အတွင်းမှ စစ်သားများ၏ မိသားစုများက ရန်ကုန်ခေတ်သစ်သတင်းဌာနထံသို့ ဆက်သွယ်ပြောဆိုသည်။

နိုဝင်ဘာလအတွင်းမှစတင်ပြီး အနောက်ပိုင်းတိုင်းစစ်ဌာနချုပ်အတွင်းသို့ ဒဏ် ရာရ စစ်သားအများအပြား ရောက်ရှိလာပြီး စစ်ကောင်စီက ဒဏ်ရာရ စစ်သားများကို ခေါ်ထုတ်ခြင်းမရှိဘဲ ထပ်မံ၍သာ ရဟတ်ယာဉ်ဖြင့် လူအင်အားများစွာ ချပေးခဲ့ကြောင်း၊ အနောက်ပိုင်းတိုင်းစစ်ဌာနချုပ်အတွင်းသို့ စစ်ရဟတ်ယာဉ်များဖြင့် ရိက္ခာများ၊ လက်နက်အင်အားများစွာ ချထားပေးသော်လည်း တပ်မိသားစုများနှင့် ဒဏ်ရာရ စစ်သားများကို လာရောက်​ ခေါ်ဆောင်ခဲ့ခြင်းမရှိကြောင်း၊ ဒီဇင်ဘာလဆန်းပိုင်းတွင် နပခအတွင်းသို့ ရောက်ရှိလာသော ဒဏ်ရာရ စစ်သား အရေအတွက်မှာ ရာချီရှိလာပြီး ဆေးဝါးကိုလည်း လုံလောက်စွာ ကုသပေးနိုင်တော့ခြင်းမရှိကြောင်း၊ ဒဏ်ရာရစစ်သားများ၊ တပ်မိသားစုဝင်များနှင့် ပိတ်မိနေသော စစ်သားများမှာ အလင်းဝင်လိုပြီး လက်နက်ချလိုသည်ဟု အဝေးမှ မိသားစုများထံသို့ တိုင်ပင်လာကြောင်း၊ သို့ရာတွင် နပခအတွင်းရှိ ဗိုလ်မှူးချုပ်နှင့် ဗိုလ်မှူးကြီးများက အလင်းဝင်လျှင်လည်း AA က ကလေးပါ မကျန် သတ်ဖြတ်မည်ဖြစ်ကြောင်း၊ ထို့ကြောင့် အသေခံ၍ သာ တိုက်ပွဲဝင်ရမည်ဟု အမိန့်ပေးခြိမ်းခြောက်ကြောင်း သိရှိရသည်။

"ပင်မ တပ်ဌာနချုပ်ထဲမှာ ဒဏ်ရာရ စစ်သားတွေ အရမ်းကိုများပါတယ်။ ဒီလူနာတွေကို စစ်ရဟတ်ယာဉ်နဲ့ ပြန်ခေါ်တာမျိုးလည်းမရှိဘူး။ အထဲမှာလည်း ဆေးဝါးနဲ့ ဆရာဝန်လည်း အလုံအလောက်မရှိဘူး။ တချို့ဆို ခြေပြတ်လက် ပြတ် တွေက ဆေးမကုရတော့ ပုတ်စော်တောင်နံနေပြီလို့ ပြောတယ်။ အထဲမှာ ခံတိုက်နေရတဲ့ ကျမရဲ့ ခင်ပွန်းနဲ့ အပေါင်းအသင်းတွေကလည်း အလင်းဝင်ချင်တယ်။ လက်နက်ချချင်တယ်။ တပ်မှူးက လက် နက်ချလည်း AA က မင်းတို့ကို သတ်မှာပဲ။ အဲဒီတော့ အသေခံချဆိုပြီး ပြောတယ်။ ဒီဇင်ဘာ ၄ ရက်နေ့အထိ အဆက်အသွယ်ရတယ်။ အထဲက အခြေအနေတွေကို ။ အခုတော့ ဆက်သွယ်မရတော့ပြန်ဘူး" ဟု အနောက်ပိုင်းတိုင်းစစ်ဌာနချုပ်အတွင်း တာဝန်ထမ်းဆောင်နေသော တပ်ရေးဗိုလ်ကြီး၏ ဇနီးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ရန်ကုန်ခေတ်သစ်သတင်းဌာနထံသို့ ဆက်သွယ်ပြောဆိုကြသော တပ်မိသားစုများမှာ နေပြည်တော်နှင့် ရန်ကုန်တွင် နေထိုင်ကြခြင်းဖြစ်သည်။

အနောက်ပိုင်းတိုင်းစစ်ဌာနချုပ်အတွင်းရှိ စစ်အရာရှိကြီးတချို့မှာလည်း လက် အောက်ငယ်သားများ၊ ဒဏ်ရာရစစ်သည်များနှင့် တပ်မိသားစုဝင်တချို့ အပေါ် စာနာပြီး ၎င်းတို့ကိုယ်တိုင်လည်း စစ်ဆက်လက် မတိုက်တော့ဘဲ လက်နက်ချ အလင်းဝင်ကာ လိုလားသော နေရာများသို့ ထွက်ခွာလိုကြကြောင်း၊ သို့ရာတွင် နေပြည်တော်မှ စစ်ဗိုလ်ချုပ်များနှင့် တိုင်းမှူး ဗိုလ်ချုပ်ကျော်စွာဦးကို သစ္စာခံသော ထိပ်ပိုင်း တပ်ဦးဆောင်သူများကြောင့် အခက်တွေ့နေရကြောင်း သိရှိရသည်။

"အခုက ခက်နေတာက တိုင်းမှူးကလည်း စစ်တွေကနေ လုံး၀ နောက်မဆုတ်ရဘူး အမိန့်ပေးတယ်။ အထဲမှာ ဦးဆောင်နေတဲ့ တပ်မှူး ဗိုလ်မှူးချုပ်ကလည်း အလင်းမဝင်ရဘူး ဆိုတာမျိုး အမိန့်ပေးတယ်။ အထဲမှာ တပ်ရင်းမှူးလို ဒုဗိုလ်မှူးကြီးတချို့လည်း အလင်းဝင် လက်နက်ချ၊ ကိုယ်လိုရာ ခရီးသွားခွင့်ပေးရင်ကောင်းမယ်ဆိုတာမျိုး ညဉ်းကြတယ်။ ဒါပေမယ့် ခက်နေတာက ထိပ်ပိုင်းက ငြင်းနေတော့ အောက်က ဘာမှ လုပ်မရဘူး" ဟု နပခ တပ်ရေးဗိုလ်ကြီး၏ ဇနီးက ရှင်းပြသည်။

အနောက်ပိုင်းတိုင်းစစ်ဌာနချုပ်မှ တပ်ကြပ်တစ်ဦး၏ ဇနီးကမူ " အခုလက်ရှိ အမ်းဘက်မှာ ပင်မတပ်ဌာနချုပ်မှာရှိတဲ့ တပ်သားတွေက အသက်ရှင်ခွင့်ပေးပြီး ထွက်ပေါက်လမ်းလေးဖွင့်ဖို့။ ဒဏ်ရာလူနာများကိုပဲသယ်ထုတ်သွားပြီး နောက်ဆုတ်ခွင့်ပြုပေးဖို့၊ လက်နက်ချမယ်၊အလင်းဝင်မယ်။ ပြီးရင် ထွက်ခွာခွင့်ပေးတာမျိုး လိုလားနေကြတယ်။ AAက မိတာနဲ့သတ်ပစ်မှာဆိုပြီး ပြော ထားတာတော့ အားလုံး လန့်နေကြတယ်။ လက်နက်ချမယ်ဆိုရင် အသက်ရှင်ခွင့်ပေးပြီး ထွက်ပေါက်လမ်းလေးဖွင့်ပေးတာမျိုးလိုချင်ကြတယ်။ စစ်သုံ့ပန်းအဖြစ်နဲ့ အဖမ်းမခံလိုကြဘူး" ဟု ပြောဆိုသည်။

AA ၏ ဒီဇင်ဘာလ ၆ ရက်နေ့ သတင်းထုတ်ပြန်ချက်တွင် ရခိုင်ပြည်၊ အနောက်ပိုင်းတိုင်းစစ်ဌာနချုပ်ရှိရာ အမ်းဒေသအတွင်းမှ စစ်ကောင်စီ၏ ဗျူဟာဌာနချုပ်များ၊ ကာကင်းစခန်း ကြီး၊ စခန်းငယ်၊ တပ်ရင်းဌာနချုပ်များ၊ တပ်ခွဲအသီးသီးအပါအဝင် အခြားသောနေရာတို့တွင် တပ်စွဲစခန်းချ၊ ခုခံစစ်ဆင်နွှဲနေကြသော တပ်စခန်းနေရာ ၃၀ ကျော်ရှိသည့်အနက်မှ အမ်း နပခဌာနချုပ် တစ်ခုတည်းသာ ကျန်ရှိတော့ကြောင်း၊ အမ်းမြို့၏ နောက် ဆုံးလက်ကျန် အနောက်ပိုင်းတိုင်း တိုင်းစစ်ဌာနချုပ်အား အပြီးသတ် သိမ်းပိုက်ရရှိနိုင်ရေးအတွက် ဆက်လက် ထိုးစစ်ဆင် တိုက်ခိုက်လျက် ရှိကြောင်း သိရှိရသည်။

ဓာတ်ပုံ- ယမန်နှစ် ကျင်းပခဲ့သည့် အနောက်ပိုင်းတိုင်းစစ်ဌာနချုပ် ၅၁ နှစ်ပြည့် နှစ်ပတ်လည် အခမ်းအနား။

08/12/2024

Khit Thit သတင်းဌာန၏ ဒီဇင်ဘာ ၈ ရက်နေ့ ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ ဒီဇင်ဘာ ၈ ရက်နေ့မှာ ရန်ကုန်ခေတ်သစ်သတင်းဌာရဲ့ This Week ရုပ်သံအစီအစဉ်ကို ထုတ်လွှင့်သွား မှာဖြစ်ပါတယ်။ဒီအစီအစဉ် မှာတစ်ပတ်အ တွင်း မြန်မာနိုင်ငံမှာ ဖြစ်ပေါ်ခဲ့တဲ့ သတင်းတွေထဲကမှထူးခြားတဲ့ သတင်းတွေကို ရွေးချယ်ကောက်နုတ်သုံးသပ် တင်ဆက်ပေးထားတာလည်း ဖြစ်ပါတယ်။

Khit Thit သတင်းဌာန ဒီဇင်ဘာ ၈ ရက်နေ့ ရုပ်သံသတင်းအစီအစဉ် By ရန်ကုန်ခေတ်သစ်ဒီကနေ့ ဒီဇင်ဘာ ၈ ရက်နေ့မှာ ရန်ကုန်ခေတ်သစ်သ.....

07/12/2024

Today Top Stories-ယနေ့ ထိပ်တန်းသတင်းများ

By ရန်ကုန်ခေတ်သစ်

ရန်ကုန်ခေတ်သစ်သတင်းဌာနက ဒီဇင်ဘာ ၇ ရက်နေ့ ရရှိထားသည့် ယနေ့ ထိပ်တန်း (Today Top Stories) သတင်းများကို စီစဉ်တင်ဆက်လိုက်ပါသည်။

07/12/2024

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၂၄၀ ဦးသေဆုံး

ရန်ကုန်၊ ဒီဇင်ဘာ ၇

မြန်မာနိုင်ငံတစ်ဝန်း ဒီဇင်ဘာလ ၇ ရက်နေ့ ရရှိထားသော အချက်အလက် များအရ စစ်ကောင်စီတပ်ဖွဲ့ဝင် ၂၄၀ ဦးသေဆုံးကြောင်း ပြည်သူ့ကာကွယ်ရေး တပ်ဖွဲ့များ၏ ထုတ်ပြန်ချက်နှင့်ပြောဆိုချက်များ အရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

07/12/2024

အုတ်ဖို၊ ရိုးမအစပ်တွင် ကင်းထောက် PDF ရဲဘော် ၁ ဦးကို စစ်တပ်က ဖမ်းဆီးပြီး မျက်စိ ၂ လုံးကို ဖောက်ထုတ်ကာ ဦးခေါင်းကို သေနတ်ဒင်ဖြင့် ထုနှက် သတ်ဖြတ်

ရန်ကုန်၊ ဒီဇင်ဘာလ ၇

ပဲခူးတိုင်း၊ အုတ်ဖိုမြို့နယ်၊ ရိုးမအစပ်တွင် စစ်ကြောင်း လှုပ်ရှားမှုကို စောင့်ကြည့်နေသည့် PDF ရဲဘော် ၁ ဦးကို အကြမ်းဖက် စစ်တပ်က ဖမ်းဆီးပြီး မျက်စိ ၂ လုံးကို ဖောက်ထုတ်၍ ဦးခေါင်းကို သေနတ်ဒင်ဖြင့် ထုကာ ရိုက်နှက် သတ်ဖြတ်ခဲ့ကြောင်း သာယာဝတီခရိုင် ၃၈၀၁၊ တပ်ခွဲ၅ ကြို့ပင်ကောက်Heroပြောက်ကျားတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဒီဇင်ဘာလ ၅ ရက်နေ့တွင် အုတ်ဖိုမြို့နယ်၊ ရိုးမအစပ်၌ အကြမ်းဖက် စစ်တပ် စစ်ကြောင်း လှုပ်ရှားမှုများကို စောင့်ကြည့်ထောက်လှမ်းနေသည့် သာယာဝတီခရိုင် ၃၈၀၁၊ တပ်ခွဲ ၅ ကြို့ပင်ကောက် Hero ပြောက်ကျားတပ်ဖွဲ့မှ ရဲဘော်မွန်ကြီးသည် အင်အား ၁၀၀ ခန့်ပါ အကြမ်းဖက် စစ်တပ် စစ်ကြောင်းနှင့် ထိပ်တိုက်တိုးပြီး ဖမ်းဆီးခံခဲ့ရကြောင်း သိရသည်။

ထိုသို့ ဖမ်းဆီးရပြီးနောက် အကြမ်းဖက် စစ်ကောင်စီ တပ်သားများက PDF ရဲဘော် မွန်ကြီး၏ မျက်စိ ၂ လုံးကို ဖောက်ထုတ်ပြီး ဦးခေါင်းကို သေနတ်ဒင်များဖြင့် ရိုက်နှက် သတ်ဖြတ်ခဲ့ခြင်းဖြစ်ကြောင်း သိရှိရသည်။

"ကျန်တော်တို့ ရဲဘော်က မြေပြင်မှာက စစ်ထောက်လှမ်းရေး တာဝန်ခံပေါ့။ ကျန်တော်တို့ ရဲဘော်က ဆိုင်ကယ်နဲ့ လှမ်းပြီး ကင်းထောက်နေချိန် စစ်ခွေးတွေနဲ့ ထိပ်တိုက်တွေ့ပြီး ရဲဘော်ရဲ့ ပေါင်ကို သေနတ်နဲ့ အရင်ပစ်တာပေါ့။ ရဲဘော်က ကျည်ထိတာတောင် ပြေးဖို့ ဟန်ပြင်သေးတယ်။ စစ်ခွေးတွေက ဝိုင်းမိသွားတော့ သူပြန်ခုခံရင်းနဲ့ ဖမ်းမိသွားတာ စစ်ခွေးတွေ မသေမချင်း ဦးခေါင်းကို သေနတ် ဒင်နဲ့ ထုသတ်သွားတာ ဦးခေါင်းတစ်ခုလုံးဆို ကြေမွနေတာပဲ ဘယ်ဘက်လိုက် သူ့မိန်းမ အမည် ရေးထားတဲ့ တက်တူးကိုလည်း ဓားနဲ့ လှီးထုတ်လိုက်တယ်။ မျက်လုံးတွေပါ ဖောက်ထုတ်ပြီး ရက်ရက်စက်စက် သတ်ဖြတ်သွားတာ" ဟု သာယာဝတီခရိုင် ၃၈၀၁၊ တပ်ခွဲ၅ ကြို့ပင်ကောက်Heroပြောက်ကျားတပ်ဖွဲ့မှ တာဝန်ရှိသူက ရှင်းပြသည်။

အုတ်ဖိုမြို့နယ်တွင် အကြမ်းဖက်စစ်ကောင်စီတပ်များက ပြည်သူများကို ရက်ရက်စက်စက် ဖမ်းဆီးသတ်ဖြတ်ခြင်းများ လုပ်ဆောင်လျက်ရှိရာ ဒီဇင်ဘာလ ၆ ရက်နေ့ ညပိုင်း အုတ်ဖိုမြို့နယ် ချောင်းဂွ(ဂျီ)ရွာ၌ နေထိုင်သော ဦးကုလား၊ ဦးခင်စိုး၊ ဦးမင်းလွင်နှင့် ဦးစိုးကြီး တို့၄ ဦးကို အရပ်ဝတ်ဖြင့် လက်နက်ကိုင်ဆောင်ထားသော အကြမ်းဖက် စစ်ကောင်စီ တပ်သား ၆ ဦးခန့်က ကျေးရွာအတွင်းဝင်ရောက်စီးနင်းပြီး အုတ်ဖိုမြို့ရှိ စစ်ဘက်ရေးရာ လုံခြုံရေးတပ်ဖွဲ့ရုံးကို ဖမ်းဆီးခေါ်ခဲ့ကြောင်း၊ ယင်းနောက် ပစ်ခတ်သတ်ဖြတ်ခဲ့ပြီး အလောင်းများကို လမ်းမပေါ်တွင် စွန့်ပစ်ခဲ့ကြောင်း သိရှိရသည်။

07/12/2024

Oak Aw comeback with Special Episode - ဆရာဇော်ရဲ့ နှစ်လပြည့်အမှတ်တရ "ဆရာဇော်လွမ်းချင်း"

နိုင်ငံရေးလုပ်တယ်ဆိုတာ ခံနိုင်ရည်ရှိရမယ်၊ ဇွဲရှိရမယ်၊ ရည်မှန်းချက်ရှိရမယ်..

နောက်ပြီးတော့ ယုံကြည်ချက်လည်း မဖောက်ပြန်ရဘူး...

တဆင့်ချင်းတက်ရမယ်ဆိုတာလေးတွေကို မျိုးဆက်သစ်တွေကို သိစေချင်ပါတယ်။

ဆရာဒေါက်တာဇော်မြင့်မောင်
(11. Dec 1951 to 7. Oct 2024)

07/12/2024

မြန်မာ့နိုင်ငံရေးကို ဝင်ရောက်စွက်ဖက်နေသော တရုတ်နိုင်ငံကို ဩစတြေးလျရောက် မြန်မာများက တရုတ်ကောင်စစ်ဝန်ရုံးရှေ့တွင် သွားရောက် ဆန္ဒပြ(ရုပ်/သံ)

ရန်ကုန်၊ ဒီဇင်ဘာ ၇

မြန်မာ့နိုင်ငံရေးကို ဝင်ရောက်စွက်ဖက်နေသော တရုတ်နိုင်ငံကို ဩစတြေးလျရောက် မြန်မာများက တရုတ်ကောင်စစ်ဝန်ရုံးရှေ့တွင် သွားရောက် ယနေ့ ဆန္ဒပြကြသည်။

မြန်မာ့ပြည်တွင်းရေးကို ဝင်ရောက်စွက်ဖက်နေသည့် တရုတ်ကွန်မြူနစ်ပါတီကို ဆန့်ကျင်ရူတ်ချသည့် ကမ္ဘာလုံးဆိုင်ရာ ဆန္ဒဖော်ထုတ်ပွဲလှုပ်ရှားမှုကြီးအဖြစ် ဩစတေးလျနိုင်ငံ မဲလ်ဘုန်းမြို့တွင် မြန်မာပြည်ဖွားပြည်သူများက တရုတ်ကောင်စစ်ဝန်ရုံးရှေ့ တွင် ဆန္ဒပြကြခြင်းလည်းဖြစ်သည်။

07/12/2024

မြန်မာ့နိုင်ငံရေးကို ဝင်ရောက်စွက်ဖက်နေသော တရုတ်နိုင်ငံကို ဩစတြေးလျရောက် မြန်မာများက တရုတ်ကောင်စစ်ဝန်ရုံးရှေ့တွင် သွားရောက် ဆန္ဒပြ

ရန်ကုန်၊ ဒီဇင်ဘာ ၇

မြန်မာ့နိုင်ငံရေးကို ဝင်ရောက်စွက်ဖက်နေသော တရုတ်နိုင်ငံကို ဩစတြေးလျရောက် မြန်မာများက တရုတ်ကောင်စစ်ဝန်ရုံးရှေ့တွင် သွားရောက် ယနေ့ ဆန္ဒပြကြသည်။

မြန်မာ့ပြည်တွင်းရေးကို ဝင်ရောက်စွက်ဖက်နေသည့် တရုတ်ကွန်မြူနစ်ပါတီကို ဆန့်ကျင်ရူတ်ချသည့် ကမ္ဘာလုံးဆိုင်ရာ ဆန္ဒဖော်ထုတ်ပွဲလှုပ်ရှားမှုကြီးအဖြစ် ဩစတေးလျနိုင်ငံ မဲလ်ဘုန်းမြို့တွင် မြန်မာပြည်ဖွားပြည်သူများက တရုတ်ကောင်စစ်ဝန်ရုံးရှေ့ တွင် ဆန္ဒပြကြခြင်းလည်းဖြစ်သည်။

07/12/2024

မှော်ဘီလေတပ် ရှော့တိုက်ဒုံးဖြင့် ပစ်ခတ်ခံရပြီးနောက် စစ်တပ်က ကျေးရွာများ ဆက်တိုက် စီးနင်းနေပြီး လေတပ်အနီး ညအချိန် ဖြတ်သွားသည့် ကားများကို ပစ်မိန့်ပေးထား

ရန်ကုန်၊ ဒီဇင်ဘာ ၇

ရန်ကုန်တိုင်း၊ မှော်ဘီမြို့နယ်ရှိ မှော်ဘီလေတပ် ရှော့တိုက်ဒုံးဖြင့် ပစ်ခတ်ခံရပြီးနောက် အကြမ်းဖက် စစ်တပ်က ကျေးရွာများကို ဆက်တိုက် စီးနင်းနေပြီး လေတပ်အနီး ညအချိန် ဖြတ်သွားသည့် ကားများကို ပစ်မိန့်ပေးထားကြောင်း တပ်တွင်း သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဒီဇင်ဘာလ ၆ ရက်နေ့ ည ၉ နာရီ ၄၃ မိနစ်ခန့်တွင် ရန်ကုန်မြို့၊ မှော်ဘီလေတပ်စခန်းအတွင်းရှိ Y -12 တိုက်ခိုက်ရေးစစ်လေယာဥ်များထားရှိရာ လေယာဥ်ရုံ (Hangar) ကို Brave Warriors for Myanmar (BWM) အဖွဲ့က ပစ်မှတ်ထား၍ ၁၀၇ မမ ရှော့ တိုက်ဒုံး ၅ လုံး ဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

ယင်းပစ်ခတ်မှုဖြစ်ပွားပြီးနောက် အကြမ်းဖက် စစ်တပ်က ယနေ့ နံနက်ပိုင်းမှစ၍ အင်အား အလုံးအရင်းဖြင့် လေတပ် အနီးရှိ ကျေးရွာများကို ဆက်တိုက် ဝင်ရောက်စီးနင်းနေခြင်းဖြစ်ပြီး ယနေ့ညပိုင်းတွင် လေတပ်အနီး ကင်းပုန်း အများအပြားချထားကြောင်း သိရှိရသည်။

ထို့ပြင် အကြမ်းဖက် စစ်တပ်က ဒညင်းကုန်းနှင့် ထောက်ကြန့်ဘက်ကို ဈေးတက်ရောင်းမည့် ကားများကိုလည်း ညဘက် ဖြတ်သန်းခွင့် မပေးတော့ဘဲ ဖြတ်သန်းသည့်ကားများကို ပစ်မိန့်ပေးထားကြောင်း၊ ယနေ့ ညပိုင်းတွင်လည်း လေတပ် အနီးရှိ ကျေးရွာများကို ဧည့်စာရင်း စစ်ဆေးရန် လုပ်ဆောင်နေကြောင်း သိရသည်။

"ညက ပစ်ခတ်မှုကြောင့် ဒီမနက်ပိုင်း တပ်ရင်းမှူးဆိုတဲ့ လူက ဒီည‌ ဒညင်းကုန်း-ထောက်ကြန့်ဘက်တွေကို ဈေးတက်ရောင်းမယ့် ကားတွေကို ညမထွက်ရ အမိန့်ထုတ်တဲ့အပြင် အသေပစ်ခတ်မိန့်ပါ ထုတ်ထားတယ်။ ညောင်နှစ်ပင်ရွာမှာလည်း မြေလှန်ပြီးကို ရှာဖွေရေး လုပ်နေတယ်။ အခုဧည့်စာရင်းစစ်မယ်လို့ ကြားတယ် ရွာထဲကို ညကမှော်ဘီက တပ်ရင်းမှူးပါလာပြီး စစ်ဆေးတာတွေ လုပ်နေတယ်လို့ ကြားတယ်။ ဒီည အချိန်မတော် ထွက်မယ့်ကားတွေကိုလည်း အဲ့တပ်ရင်းမှူးကပစ်မိန့်ပေးထားတယ်" ဟု တပ်တွင်း သတင်းရင်းမြစ်က ပြောဆိုသည်။

07/12/2024

ရွှေရေကြည် သပိတ် စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ(ရုပ်/သံ)

ရန်ကုန်၊ ဒီဇင်ဘာ ၇

ယင်းမာပင်မြို့နယ်တွင် ရွာပေါင်းစုံ သပိတ်စစ်ကြောင်းနှင့် အောင်လံလွှင့်မည် ရွှေရေကြည် သပိတ် စစ်ကြောင်းတို့ ဦးဆောင်ကာ ယနေ့ ဒီဇင်ဘာလ ၇ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒပြခဲ့ကြောင်း သိရသည်။

07/12/2024

"ဒုက္ခကိုဆေးဆိုးကြသူများ"
#ဆောင်းဦးရိက္ခာ

#အလယ်ပိုင်းတိုင်းအထူးစစ်ဆင်ရေးတပ်ဖွဲ့

07/12/2024

LIGHTS OF THE FUTURE-GROUP
(အနာဂတ်အလင်းတန်းများအဖွဲ့)မှ အပတ်စဥ်ကျင်းပသော Online တရားပွဲ

"ဓမ္မဖြင့် မှားယွင်းသောအတွေးအခေါ်များကိုတော်လှန်ခြင်း"အပိုင်း (၅၁)
ဆရာတော်မင်းသုည(ဗုဒ္ဓတက္ကသိုလ်)

7.12.2024

Please Like and Share our page

07/12/2024

ရွှေရေကြည် သပိတ် စစ်ကြောင်းက စစ်အာဏာရှင် တော်လှန်ရေး ချီတက် ဆန္ဒပြ

ရန်ကုန်၊ ဒီဇင်ဘာ ၇

ယင်းမာပင်မြို့နယ်တွင် ရွာပေါင်းစုံ သပိတ်စစ်ကြောင်းနှင့် အောင်လံလွှင့်မည် ရွှေရေကြည် သပိတ် စစ်ကြောင်းတို့ ဦးဆောင်ကာ ယနေ့ ဒီဇင်ဘာလ ၇ ရက်နေ့တွင် စစ်အာဏာရှင် တော်လှန်ရေး ချီတက်ဆန္ဒပြခဲ့ကြောင်း သိရသည်။

07/12/2024

လောင်းလုံးမြို့နယ်တွင် စစ်အာဏာရှင် ဆန့်ကျင်ရေး ချီတက် ဆန္ဒပြ

ရန်ကုန်၊ဒီဇင်ဘာ ၇

လောင်းလုံးမြို့နယ်တွင် ဒီမိုကရေစီအရေးလှုပ်ရှားမှုသပိတ်ကော်မတီ(DDMSC)က ဦးဆောင်ပြီး ယနေ့ ဒီဇင်ဘာလ ၇ ရက်နေ့တွင် စစ်အာဏာရှင်စနစ်ဆန့်ကျင်ရေး လူထုသပိတ်လှုပ်ရှားမှုပြုလုပ်ခဲ့ကြကြောင်းသိရှိရသည်။

အဆိုပါ လူထုသပိတ်လှုပ်ရှားမှုကို 'လူထုအာဏာ တည်ဆောက်၊ လွတ်မြောက်ရေးအတွက် ဆက်လျှောက်' ခေါင်းစဥ်နှင့် ပြုလုပ်ခဲ့ကြခြင်း ဖြစ်ပြီး အမျိုးသမီး၊ လူငယ်များနှင့် ဒေသပြည်သူများ ပူးပေါင်းပါဝင်ခဲ့ကြကြောင်း သိရှိရသည်။

07/12/2024

ဆားလင်းကြီးမြို့နယ်တွင် စေတနာ့ဝန်ထမ်း ဆရာ၊ဆရာမများအတွက် စားသောက်ကုန်များ ထောက်ပံ့

ရန်ကုန်၊ ဒီဇင်ဘာ ၇

ဆားလင်းကြီးမြို့နယ်တွင် ပြည်သူ့အခြေပြုစာသင်ကျောင်းများမှ စေတနာ့ဝန်ထမ်း ဆရာ၊ဆရာမများအတွက် စားသောက်ကုန်များ အညာပစ်တိုင်းထောင်လေးများအဖွဲ့က ထောက်ပံ့ပေးခဲ့ကြောင်း သိရှိရသည်။

07/12/2024

(၇၆) ကြိမ်မြောက် အပြည်ပြည်ဆိုင်ရာလူ့အခွင့်အရေးနေ့ အထိမ်းအမှတ် စကားဝိုင်းကို "ကြားကာလအုပ်ချုပ်ရေးယန္တရားတွေမှာ လူ့အခွင့်အရေးကို လေးစားလိုက်နာဖို့ အမှန်တကယ် လွယ်ကူနေပြီလား" ဟူသော ခေါင်းစဉ်ဖြင့် ဆွေးနွေးပွဲ တိုက်ရိုက်ထုတ်လွှင့်မှုအစီအစဉ်ဖြစ်သည်။

07/12/2024

အုတ်ဖိုမြို့နယ်၊ ချောင်းဂွရွာမှ ပြည်သူ ၄ ဦးကို စစ်တပ်က ဖမ်းဆီးပြီးနောက် ညတွင်းချင်း သတ်ဖြတ်ပြီး ရုပ်အလောင်းများကို ကျေးရွာအနီး စွန့်ပစ်ခဲ့

ရန်ကုန်၊ ဒီဇင်ဘာ ၇

ပဲခူးတိုင်း၊ အုတ်ဖိုမြို့နယ်၊ ချောင်းဂွရွာမှ ပြည်သူ ၄ ဦးကို အကြမ်းဖက် စစ်တပ်က ဖမ်းဆီးပြီးနောက် ညတွင်းချင်း သတ်ဖြတ်ပြီး ရုပ်အလောင်းများကို ကျေးရွာအနီး စွန့်ပစ်ခဲ့ကြောင်း သာယာဝတီခရိုင် တပ်ရင်း ၃၈၀၂ သတင်းနှင့် ပြန်ကြားရေးတာဝန်ခံ ရဲဘော်ဒူးယားက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဒီဇင်ဘာလ ၆ ရက်နေ့ ညပိုင်းတွင် အုတ်ဖိုမြို့နယ် ချောင်းဂွ(ဂျီ)ရွာ၌ နေထိုင်သော ဦးကုလား၊ ဦးခင်စိုး၊ ဦးမင်းလွင်နှင့် ဦးစိုးကြီး တို့၄ ဦးကို အရပ်ဝတ်ဖြင့် လက်နက်ကိုင်ဆောင်ထားသော အကြမ်းဖက် စစ်ကောင်စီ တပ်သား ၆ ဦးခန့်က ကျေးရွာအတွင်းဝင်ရောက်စီးနင်းပြီး အုတ်ဖိုမြို့ရှိ စစ်ဘက်ရေးရာ လုံခြုံရေးတပ်ဖွဲ့ရုံးကို ဖမ်းဆီးခေါ်ဆောင်သွားကြောင်း သိရသည်။

ထိုသို့ ဖမ်းဆီးခေါ်ဆောင်သွားပြီးနောက် နံနက်အစောပိုင်း ၂ နာရီခန့်တွင် အုတ်ဖိုမြို့ရှိ စစ်ဘက်ရေးရာ လုံခြုံရေးတပ်ဖွဲ့ရုံးမှ အကြမ်းဖက် စစ်ကောင်စီ တပ်သားများက ကားဖြင့် ပြန်လည် ခေါ်ဆောင်လာပြီး ချောင်းဂွ(ဂျီ)ကျေးရွာ အုပ်စု သဲကုန်းလေး ထန်းရည်ဆိုင် အနောက်ဘက်ကုန်းတွင် ပြည်သူ ၄ ဦးကို သတ်ဖြတ်ပြီး ရုပ်အလောင်းများကို ကားလမ်းမတွင် စွန့်ပစ်ခဲ့ကြောင်း သိရှိရသည်။

အဆိုပါ ဖြစ်စဉ်နှင့် ပတ်သက်ပြီး အကြမ်းဖက် စစ်တပ် လော်ဘီများက ၎င်းတို့ တယ်လီဂရမ်များတွင် PDF များက သတ်ဖြတ်ခြင်းဖြစ်ကြောင်း လိမ်လည် သတင်းထုတ်ပြန်နေကြောင်း သိရသည်။

"ကျန်တော်တို့ PDF တွေက ကိုယ်လုပ်တဲ့ အလုပ်ပေါ်မှာ တာဝန်ယူမှု တာဝန်ခံမှုရှိပါတယ်။ အပြစ်မဲ့ ပြည်သူတွေကို ဘယ်တော့သတ်ဖြတ်တာမလုပ်ဘူး။ ကျန်တော်တို့ စစ်ကောင်စီနဲ့ ပတ်သက်လို့ ပြည်သူလူထုကို ဒုက္ခပေးတဲ့သူတွေ ဆိုရင်တော့ ကျန်တော်တို့ စစ်ကောင်စီ ယန္တရားမှာပါတယ်။ ပျူစောထီး လုပ်ပြီး သတင်းပေးတယ်။ ဒါမျိုးလူကို ကျန်တော်တို့ ရှင်းရင်တောင် တာဝန်ယူမှု တာဝန်ခံမှုနဲ့ သတင်းထုတ်ပြန်ပါတယ်။ အခုလို စစ်ကောင်စီက ကိုယ်လုပ်တာကို တာဝန်မခံတဲ့ PDF လွှဲချတယ်ဆိုတာ သူတို့က ယုတ်မာရိုင်းဆိုင်းတဲ့ ကောင်တွေလို့ မှတ်ချက်ပေးချင်ပါတယ်" ဟု သာယာဝတီခရိုင် တပ်ရင်း ၃၈၀၂ သတင်းနှင့် ပြန်ကြားရေးတာဝန်ခံ ရဲဘော်ဒူးယားက ပြောဆိုသည်။

ဒီဇင်ဘာလ ၄ ရက်နေ့တွင် ခမရ ၆ တပ်ရင်းမှ ကင်းလှည့်ရန် ထွက်လာသော ဗိုလ်ကြီးဝင်းသိန်းနှင့် တပ်ကြပ်တင်အောင်တို့ကို PDF တပ်ဖွဲ့က ပစ်ခတ် တိုက်ခိုက်ပြီးနောက် ပြန်လည်ဆုတ်ခွာသည့် လမ်းပိုင်းတွင် အကြမ်းဖက် စစ်ကောင်စီ တပ်သားများ ဖမ်းဆီးသတ်ဖြတ်ခဲ့သည့် ပြည်သူ ၄ ဦးက လယ်ထဲ၌ အလုပ်လုပ်ကိုင် နေခြင်းဖြစ်ကြောင်း သိရသည်။