Wise Man Property

27/12/2022

1905 ခုနှစ် တွင် ထုတ်ဝေခဲ့ပြီး ယနေ့အထိ ကမ္ဘာစာဖတ်ပရိတ်သတ်များ အကြိုက်တွေနေသည့် ဗြီတိန် စာရေးဆရာကြီး Arthur Winkler Wills ၏ Sunny Days in Burma ဝတ္ထုမှ 1889 ခုနှစ် ရှေးမြန်မာနိုင်ငံ၏ပုံများ။
*********

🟤 ဗြိတိန်၊ ဘာမင်ဂမ်မှ စက်မှုလုပ်ငန်းရှင် Arthur Winkler Wills (1833-1903) သည် 1889 ခုနှစ်တွင် မန္တလေးနှင့် တောင်ငူ တို့တွင် လအတန်ကြာ နေထိုင်ခဲ့သည်။ သူသည် မြန်မာ၊ ဓလေ့ထုံးတမ်းများကို စိတ်အားထက်သန်စွာဖြင့် ပုံအများအပြားကို ရိုက်ယူခဲ့ပါသည်။
🟤 သူသည် မြန်မာပြည်မှ ဘုန်းတော်ကြီးကျောင်းများနှင့် စိတ်ဝင်စားဖွယ် ဓာတ်ပုံများစွာကို ရိုက်ယူခဲ့ပါသည်။ ၁၉၀၁ ခုနှစ်တွင် အငြိမ်းစားယူသောအခါ သူသည် သူ၏ ခရီးမှတ်တမ်းကို ပြန်လည်ရေးသားခဲ့ပြီး သူ၏ စာမူနှင့် ဓာတ်ပုံများကို ပုံနှိပ်မထုတ်ဝေမှီ ကွယ်လွန်သွားခဲ့ပါသည်။ သူ ကွယ်လွန်ပြီးနောက် သားဖြစ်သူ W. Leonard Wills က စာသားကို တည်းဖြတ်ပြီး ထုတ်ဝေခဲ့သည်။

ယခုတိုင် amazon နှင့် တခြား Book store များတွင် ရောင်းချနေသော စာအုပ်ဖြစ်ပါသည်။

စာအုပ် အရောင်း Link
https://www.amazon.sg/Sunny-Burma-Arthur-Winkler-Wills/dp/B0039UUY68
online တွင်ဖတ်ရန်
https://digital.library.cornell.edu/catalog/sea303/

Ref : Internet, Wisuwat Buroot (fb)
Prepare By - Wise Man Property

21/12/2022

ကမ္ဘာ့ဖလား - FIFA World Cup
**************

🔴 ဖီဖာ ကမ္ဘာ့ဖလား သို့မဟုတ် ကမ္ဘာ့ဖလား ဘောလုံးပွဲသည် နိုင်ငံတကာ ဘောလုံးအဖွဲ့ချုပ် (ဖီဖာ) အဖွဲ့ဝင်နိုင်ငံများမှ ပါဝင်ယှဉ်ပြိုင်သည့် နိုင်ငံတကာ ဘောလုံးပွဲ တစ်ရပ်ဖြစ်သည်။ ကမ္ဘာ့ဖလားပွဲကို ၁၉၃၀ ခုနှစ်မှ စတင်၍ လေးနှစ်တစ်ကြိမ် ကျင်းပခဲ့သည်ဆိုသော်လည်း ၁၉၄၂ ခုနှစ်နှင့် ၁၉၄၆ ခုနှစ်တို့တွင် ဒုတိယ ကမ္ဘာစစ်ကြောင့် ရပ်နားခဲ့ရသည်။

🔴 ပထမ ၃ နှစ်ကာလတွင် တိုက်ကြီးများအလိုက် ခြေစစ်ပွဲများ ကျင်းပကြသည်။ နောက်ဆုံး ခြေစစ်ပွဲကို အောင်နိုင်သည့် အသင်းများနှင့် ကမ္ဘာ့ဖလား ကြီးမှူးကျင်းပသည့် အိမ်ရှင်နိုင်ငံအသင်း စုစုပေါင်း ၃၂ သင်း ၁ လသာကြာသည့် ကမ္ဘာ့ဖလားပွဲတွင် ပါဝင် ဗိုလ်လုကြသည်။

🔴 ပြီးခဲ့သည့် ၂၁ ကြိမ်တွင် နိုင်ငံ ၈ နိုင်ငံမှ ဗိုလ်စွဲခဲ့သည်။ ထိုနိုင်ငံများအနက် ဘရာဇီးနိုင်ငံမှာ ၅ ကြိမ်တိုင်တိုင် ချမ်ပီယံဆု ရခဲ့ပြီး အကြိမ်တိုင်းတွင် ပါဝင်ယှဉ်ပြိုင်ခွင့်ရခဲ့သည့် နိုင်ငံလည်းဖြစ်သည်။ အခြားအနိုင်ရရှိအသင်းများမှာ အီတလီနိုင်ငံနှင့် ဂျာမနီတို့ဖြစ်ကြ၍ လေးကြိမ်ဗိုလ်စွဲခဲ့ပြီး၊ ဥရုဂွေးနှင့် အာဂျင်တီးနား၊ ပြင်သစ်တို့မှာ ၂ ကြိမ်စီ၊ အင်္ဂလန်နှင့် စပန်တို့က ၁ ကြိမ်စီ အသီးသီးရခဲ့ဖူးသည်။
🔴 ကမ္ဘာ့ဖလားပွဲသည်လည်း ကမ္ဘာတဝှမ်း လူကြည့်အများဆုံး အားကစားပွဲ တစ်ရပ်ဖြစ်သည်။ ဂျာမနီတွင် ကျင်းပခဲ့သည့် ၂၀၀၆ ဖီဖာ ကမ္ဘာ့ဖလား ဗိုလ်လုပွဲကို ပရိသတ်ပေါင်း ၇၁၅ သန်းခန့် ကြည့်ရှုခဲ့ကြသည်။ ၂၀၁၀ ဖီဖာ ကမ္ဘာ့ဖလားပွဲကို ဇွန်လ ၁၁ ရက်နေ့မှ ဇူလိုင်လ ၁၁ ရက်နေ့အထိ တောင်အာဖရိကနိုင်ငံတွင် ကျင်းပခဲ့ကြသည်။ ၎င်းပွဲစဉ်တွင် စပိန်နိုင်ငံမှ ဗိုလ်စွဲအနိုင်ရရှိခဲ့လေသည်။။ ၂၀၁၄ ဖီဖာ ကမ္ဘာ့ဖလားကိုမူ ဘရာဇီးနိုင်ငံ၌ ကျင်းပခဲ့ပြီး ဂျာမဏီနိုင်ငံက အနိုင်ရဗိုလ်စွဲခဲ့သည်။ ၂၀၁၈ ဖီဖာ ကမ္ဘာ့ဖလားကို ရုရှားနိုင်ငံတွင် ကျင်းပခဲ့ပြီး ပြင်သစ်နိုင်ငံက အနိုင်ရဗိုလ်စွဲခဲ့သည်။ ၂၀၂၀ ဖီဖာ ကမ္ဘာ့ဖလားကို ကာတာနိုင်ငံတွင် ကျင်းပခဲ့ပြီး အာဂျင်တီးနားနိုင်ငံက အနိုင်ရဗိုလ်စွဲခဲ့သည်။

🔴 ယခုအချိန်အထိ ကမ္ဘာ့ဖလားပြိုင်ပွဲများကို နိုင်ငံ ၁၇ နိုင်ငံတို့က အိမ်ရှင်အဖြစ် လက်ခံကျင်းပပေးခဲ့ရာ ဘရာဇီး၊ ပြင်သစ်၊ ဂျာမနီ၊ အီတလီ၊ မက္ကဆီကို တို့က နှစ်ကြိမ်စီ၊ ဥရုဂွေး၊ ဆွစ်ဇာလန်၊ ဆွီဒင်၊ ချီလီ၊ အင်္ဂလန်၊ အာဂျင်တီးနား၊ စပိန်၊ အမေရိကန်ပြည်ထောင်စု၊ ဂျပန်-တောင်ကိုးရီးယား (ပူးတွဲ)၊ တောင်အာဖရိက၊ ရုရှားတို့က တစ်ကြိမ်စီ အသီးသီး လက်ခံကျင်းပခဲ့ကြသည်။ ၂၀၂၂ ကမ္ဘာ့ဖလားကို ကာတာနိုင်ငံက လက်ခံ ကျင်းပပြီး၊ ၂၀၂၆ တွင် ကနေဒါ-အမေရိကန်ပြည်ထောင်စု-မက္ကဆီကို တို့က ပူးတွဲအိမ်ရှင်အဖြစ်ကျင်းပမည်ဖြစ်ရာ မက္ကဆီကိုအသင်းသည် ကမ္ဘာ့ဖလားကို သုံးကြိမ်လက်ခံကျင်းပမည့် ဝိသေသကို ပိုင်ဆိုင်မည်ဖြစ်၏ ။

🔸1 - ခုနှစ် 1930 ကျင်းပသည့်နိုင်ငံ Uruguay ချန်ပီယံ Uruguay
🔸2 - ခုနှစ် 1934 ကျင်းပသည့်နိုင်ငံ Italy ချန်ပီယံ Italy
🔸3 - ခုနှစ် 1938 ကျင်းပသည့်နိုင်ငံ France ချန်ပီယံ Italy
– 1942 (ဒုတိယ ကမ္ဘာစစ်ကြောင့် မကျင်းပ)
– 1946 (ဒုတိယ ကမ္ဘာစစ်ကြောင့် မကျင်းပ)
🔸4 - ခုနှစ် 1950 ကျင်းပသည့်နိုင်ငံ Brazil ချန်ပီယံ Uruguay
🔸5 - ခုနှစ် 1954 ကျင်းပသည့်နိုင်ငံ Switzerland ချန်ပီယံ West Germany
🔸6 - ခုနှစ် 1958 ကျင်းပသည့်နိုင်ငံ Sweden ချန်ပီယံ Brazil
🔸7 - ခုနှစ် 1962 ကျင်းပသည့်နိုင်ငံ Chile ချန်ပီယံ Brazil
🔸8 - ခုနှစ် 1966 ကျင်းပသည့်နိုင်ငံ England ချန်ပီယံ England
🔸9 - ခုနှစ် 1970 ကျင်းပသည့်နိုင်ငံ Mexico ချန်ပီယံ Brazil
🔸10 - ခုနှစ် 1974 ကျင်းပသည့်နိုင်ငံ West Germany ချန်ပီယံ West Germany
🔸11 - ခုနှစ် 1978 ကျင်းပသည့်နိုင်ငံ Argentina ချန်ပီယံ Argentina
🔸12 - ခုနှစ် 1982 ကျင်းပသည့်နိုင်ငံ Spain ချန်ပီယံ Italy
🔸13 - ခုနှစ် 1986 ကျင်းပသည့်နိုင်ငံ Mexico ချန်ပီယံ Argentina
🔸14 - ခုနှစ် 1990 ကျင်းပသည့်နိုင်ငံ Italy ချန်ပီယံ West Germany
🔸15 - ခုနှစ် 1994 ကျင်းပသည့်နိုင်ငံ United States ချန်ပီယံ Brazil
🔸16 - ခုနှစ် 1998 ကျင်းပသည့်နိုင်ငံ France ချန်ပီယံ France
🔸17 - ခုနှစ် 2002 ကျင်းပသည့်နိုင်ငံ South Korea နှင့် Japan ချန်ပီယံ Brazil
🔸18 - ခုနှစ် 2006 ကျင်းပသည့်နိုင်ငံ Germany ချန်ပီယံ Italy
🔸19 - ခုနှစ် 2010 ကျင်းပသည့်နိုင်ငံ South Africa ချန်ပီယံ Spain
🔸20 - ခုနှစ် 2014 ကျင်းပသည့်နိုင်ငံ Brazil ချန်ပီယံ Germany
🔸21 - ခုနှစ် 2018 ကျင်းပသည့်နိုင်ငံ Russia ချန်ပီယံ France
🔸22 - ခုနှစ် 2022 ကျင်းပသည့်နိုင်ငံ Qatar ချန်ပီယံ Argentina

🏆Brazil - 5 ကြိမ် (1958, 1962, 1970, 1994, 2002)
🏆Germany - 4 ကြိမ် (1954, 1974, 1990, 2014)
🏆Italy - 4 ကြိမ် (1934, 1938, 1982, 2006)
🏆Argentina - 3 ကြိမ် (1978, 1986, 2022)
🏆France - 2 ကြိမ် (1998, 2018)
🏆Uruguay - 2 ကြိမ် (1930, 1950)
🏆England - 1 ကြိမ် (1966*)
🏆Spain - 1 ကြိမ် (2010)


Ref : Internet, Wikipedia
Prepare By - Wise Man Property

21/12/2022

ပုဂံ 🔶🔶🔶

ပုဂံ

ပုဂံ (ခေါ်) တမ္ပဒီပ သည် မြန်မာနိုင်ငံ၏ ပထမဆုံးဧကရာဇ်နိုင်ငံ တည်ထောင်ရာ မြို့တော်ဟူ၍ မြန်မာတို့အတွက် အမျိုးသားရေး လက္ခဏာတစ်ရပ်အနေဖြင့်လည်းကောင်း၊ များပြားလှသည့် ရှေးဟောင်းလက်ရာ စေတီပုထိုးများကြောင့်လည်း‌ေကာင်း၊ ကမ္ဘာလှည့်ခရီးသည်တို့ကို ဆွဲဆောင်ရာနေရာအဖြစ်လည်းကောင်း ကမ္ဘာကျော်သည့် နေရာတစ်နေရာ ဖြစ်သည်။ ၂၀၁၉ ခုနှစ်၊ ဇူလိုင်လ ၆ ရက်နေ့တွင် ပုဂံရှေးဟောင်းယဉ်ကျေးမှုဒေသတစ်ခုလုံးကို ယူနက်စကို ကမ္ဘာ့အမွေအနှစ်နေရာအဖြစ် သတ်မှတ်ခဲ့သည်။

🟡 ဝေါဟာရရင်းမြစ်

များသောအားဖြင့် ပျူဂါမမှ ပုဂါမ၊ ပုဂါမ်မှ ပုဂံဖြစ်လာခဲ့သည်ဟု ဖော်ပြလေ့ရှိကြသည်။ ဤကဲ့သို့ ဖော်ပြခြင်းမှာ မှန်နန်းရာဇဝင်ကြီး စသည်များတွင် သရေခေတ္တရာပြည် ပျက်ပြီးနောက် သရေခေတ္တရာမှ ပျူအစုတို့သည် တောင်ညိုအရပ်၊ ၎င်းနောက် ပန်းတောင်းသက်သာအရပ်၊ ထိုမှ မင်းတုန်းအရပ်၊ တဖန် ယုန်လွှတ်ကျွန်းအရပ်သို့ အဆင့်ဆင့် အဆင့်ဆင့် ပြောင်းရွှေ့လာခဲ့ကြပြီးနောက် ထိုယုန်လွှတ်ကျွန်းအရပ် ရွာပေါင်း တစ်ဆယ့်ကိုး ရွာသားတို့နှင့် သမုဒ္ဒရာဇ်မင်းသည် အရိမဒ္ဒနာမည်သော ပုဂံပြည်ကို တည်လေသည်ဟု ပါရှိခြင်းများကို အထောက်အထားပြု၍ ဖော်ပြကြခြင်းပင် ဖြစ်ဟန်ရှိလေသည်။ တုရင်တောင်အရှေ့ ယုန်လွှတ်ကျွန်း ဒေသတွင် လာရောက်တည်ထောင်သော ပျူအမျိုးစုတို့နှင့် ရွာတစ်ဆယ့်ကိုးရွာဟူသော စကားပေါင်းစပ်၍ ပျူဂါမဟူသောအမည် ပေါ်ထွက်လာခြင်း ဖြစ်ပေသည်။

ရှေးပုဂံခေတ် ကျောက်စာများတွင် "'ပုကံ"'ဟူ၍ ရေးသားပြီး ပုဂံဟူသော အရေးအသားမှာ အလွန်နည်းပါးသည်။ ပုဂံခေတ်ကျောက်စာများတွင်သာမက ပင်းယ၊ အင်းဝ ကျောက်စာများတွင်လည်း ပုကံဟူသော အရေးအသားမှာ များပြားပါသည်။
ထီးလှိုင်ရှင် ကျန်စစ်သားမင်းကြီး (၄၄၆-၄၇၅) ရေးထိုးခဲ့သော မွန်ဘာသာ ကျောက်စာများတွင် ပုဂံအမည်ကို ပါဠိဘာသာတွင် "'ပေါကာမ"'ဟု လည်းကောင်း ၊ မွန်ဘာသာတွင် "'ပေါကာမ်"'ဟု လည်းကောင်း ပါရှိသည်။

🟡တည်နေရာ

မန္တလေးတိုင်းအတွင်းရှိ ညောင်ဦးမြို့နယ်အတွင်း ဧရာဝတီမြစ်၏ အရှေ့ဘက်ကမ်းတွင်တည်ရှိသည်။ မန္တလေးမြို့မှ အနောက်တောင်ဘက် မိုင် ၉ဝ အကွာတွင်တည်ရှိသည်။

🟡သမိုင်းကြောင်း

ပျူမြို့ပြနိုင်ငံများခေတ် ကုန်ဆုံးပြီးနောက် တကောင်းနယ်မှတစ်ဆင့် မြန်မာနိုင်ငံအလယ်ပိုင်းဒေသ အတွင်းသို့ အုပ်စုများဖွဲ့ကာ ဝင်ရောက်လာသည့် ဗမာလူမျိုးတို့သည် မူရင်းဌာနေလူမျိုးများဖြစ်သည့် ပျူ တို့ထံမှ စာပေ၊ လယ်ယာစိုက်ပျိုးခြင်း နှင့် ယဉ်ကျေးမှုများကို ဆက်ခံရယူကာ တဖြည်းဖြည်း အင်အားကောင်းသည့် အဆင့်သို့ရောက်လာသည်။ မူလအစက စစ်တိုက်ခိုက်ခြင်းဖြင့် ကျော်ကြားသော လူမျိုးသည် စည်းလုံးခြင်းဖြင့်သာ မိမိတို့၏အသက်အိုးအိမ်စည်းစိမ်များကို ကာကွယ်နိုင်မည်ဟုသော စစ်ရေးအမြင်ဖြင့် မြို့ရွာများကို စုစည်းတည်ထောင်လာကြသည်။ သို့ဖြင့် လမ်းခရီးနှင့်ဆက်သွယ်ရေး လွယ်ကူပြီး မိမိတို့ အခြေချရာ ရပ်ဝန်း၏ ဗဟိုတွင်ရှိသည့် ဒေသမှ ကျေးရွာများကို စုစည်းကာ ပုဂံမြို့အဖြစ် တည်ထောင်လိုက်ကြသည်။

ပုဂံသည် စတုတ္ထပုဂံ မင်းဆက်များ နန်းတည်သွားသော နေရာဖြစ်သည်။ ပျဉ်ပြားမင်း(၈၄၆-၈၇၆)လက်ထက်မှ စောမွန်နစ်မင်း(၁၃၂၅-၁၃၆၈)အထိ စိုးစံခဲ့ကြသည်။

🟡ပုဂံနိုင်ငံတော်

အစောပိုင်း ပုဂံမင်းဆက်များနှင့် ပတ်သက်၍ တိကျသည့် သမိုင်းအထောက်အထားများကို မတွေ့ရပဲ ပါးစပ်ရာဇဝင်များအနေဖြင့်သာ မှတ်သားလာခဲ့ကြပြီး အနော်ရထာမင်းလက်ထက်ရောက်မှသာ တိကျသည့် သမိုင်းအထောက်အထားများကို စတင်တွေ့ရှိလာကြရသည်။ အနော်ရထာ၏ သိမ်းသွင်းမှုကြောင့် ပုဂံနိုင်ငံတော်သည် ပဒေသရာဇ် အဆင့်မှ ဧကရာဇ် (အင်ပါယာ) အဆင့်တို့ တက်လှမ်းလာနိုင်ခဲ့သည်။ သူ့နောက် ဆက်ခံသည့် စောလူးမင်းလက်ထက်တွင် တိုင်းပြည်အခြေအနေဆိုးရွားသွားခဲ့သော်လည်း ကျန်စစ်သား၊ အလောင်းစည်သူ အစရှိသည့် မင်းများလက်ထက်တွင်မူ တိုင်းပြည်အင်အား ပြန်လည်ပြည့်ဝလာပြန်သည်။

🟡ပုဂံနိဂုံး

အလောင်းစည်သူနောက် နန်းတက်သည့် မင်းများလက်ထက်တွင် ပုဂံ၏ဩဇာအာဏာကျဆင်းလာသလို၊ နယ်ခြားမှ ရန်သူများ၏ လုပ်ကြံမှုကြောင့် ထီးဆောင်းမင်းတစ်ပါးကျဆုံးရသည့် အဖြစ်၊ နရသီဟပတေ့ကဲ့သို့ အစားကျူးပြီး အမျက်ဒေါသကြီးသည့်မင်း အစရှိသဖြင့် ပေါ်ပေါက်လာသည်။ ခရစ်နှစ် ၁၂၈၇ တွင် မွန်ဂိုတို့၏ ကျူးကျော်မှုကြောင့် နရသီဟပတေ့ ပုဂံကိုစွန့်ခွာထွက်ပြေးရခြင်းဖြင့် ပုဂံ၏ဩဇာမှာ လုံးဝကျဆင်းတော့သည်။ ရှင်ဒိသာပါမောက်၏ သံတမန်ရေးကျွမ်းကျင်စွာ အရေးဆိုမှုကြောင့် မွန်ဂိုဘုရင် ကူဗလိုင်ခန်က တပ်များကို ပြန်ဆုတ်စေသည်။ ထိုမှစကာ ပုဂံမင်းဆိုသည်မှာ အဆောင်အယောင်မျှသာ ဖြစ်၍ အမှန်ဩဇာကြီးသူများမှာ ရှမ်းညီနောင်သုံးဦး ဖြစ်သည်။

🟡ယနေ့ပုဂံ

ယနေ့ပုဂံမှာ ရှေးဟောင်းလက်ရာများနှင့် ပြည့်နက်နေသည့် မြို့ဟောင်းကြီးအသွင်မျှသာ ကျန်ရှိတော့သည်။ သို့သော် အဆိုပါရှေးဟောင်းလက်ရာများမှာ ပြည်တွင်း၊ ပြည်ပတို့မှ ခရီးသွားများကို ဆွဲဆောင်နိုင်သည်ဖြစ်၍ အတော်ပင်ကျော်ကြားလှပေသည်။ ကမ္ဘာလှည့်ခရီးသည်များ၏ အဓိကလှည်ပတ်ရာ နေရာတစ်ခုအဖြစ် ရပ်တည်လျက်ရှိသည်။ သို့သော် သီးခြားမြို့အဖြစ် ရပ်တည်နိုင်ခြင်းမရှိပဲ ညောင်ဦးမြို့နယ်အတွင်းတွင် ပုဂံရှေးဟောင်းယဉ်ကျေးမှုနယ်မြေ အဖြစ်ထည့်သွင်းထားသဖြင့် အများအခေါ်တွင် ပုဂံ-ညောင်ဦး ဟူ၍ထင်ရှားသည်။ ညောင်ဦးမြို့သည် ယခင်က ရွာကြီး ၁၉ရွာစုစည်း၍ ယုန်လွှတ်ကျွန်းအရပ်၌ နန်းတည်စဉ်က ညောင်ဦးရွာဟူ၍ ယနေ့တိုင်တည်ရှိဆဲဖြစ်သည်။
၂၀၁၆ ခုနှစ်၊ ဩဂုတ်လ (၂၄)ရက်နေ့ မြန်မာစံတော်ချိန် နေ့လယ် (၅)နာရီ (၀၄)မိနစ် (၅၅)စက္ကန့်အချိန်တွင် မန္တလေး မြေငလျင် စခန်းမှ အနောက်တောင်ဘက် (၁၂၃)မိုင်ခန့် ကွာဝေးသော မြန်မာနိုင်ငံပြည်တွင်း (ချောက်မြို့အနောက်ဘက် (၁၂)မိုင်ခန့်အကွာ)ကို ဗဟိုပြု၍ အင်အားရစ်(ခ်)တာ စကေး (၆.၈)အဆင့်ရှိ အင်အားပြင်းထန်သော မြေငလျင် တစ်ခုလှုပ်ရှားသွားသဖြင့် ပုဂံရှိ စေတီပုထိုး ၆၅ဆူခန့် ထိခိုက်ပျက်စီးခဲ့သည်။

🟡မြေမျက်နှာသွင်ပြင်

ပုဂံရှေးဟောင်းယဉ်ကျေးမှုနယ်မြေသည် မြောက်ဘက်တွင် ညောင်ဦး နှင့် တောင်ဘက်တွင် ပုဂံမြို့သစ်တို့ တည်ရှိပြီး ဧရာဝတီမြစ်ဘေး မြန်မာနိုင်ငံအထက်ပိုင်း ကျယ်ပြောလှသော လွင်ပြင်တွင် တည်ရှိသည်။ မန္တလေးမြို့ မှ အနောက်တောင်ဘက် ကီလိုမီတာ ၂၉၀ (မိုင် ၁၈၀) ကွာဝေးပြီး ရန်ကုန်မြို့မှ မြောက်ဘက် ကီလိုမီတာ ၇၀၀ (မိုင် ၄၃၀) အကွာတွင် တည်ရှိသည်။

🟡ရာသီဥတု

ပူပြင်းခြောက်သွေ့သည့် ရာသီဥတုမျိုးဖြစ်သည်။

🟡ယဉ်ကျေးမှု

ပုဂံခေတ်ယဉ်ကျေးမှုသည် မြန်မာနိုင်ငံအတွက် ပျူ နှင့် မွန်တို့ပြီးလျှင် တိုးတက်ဖြစ်တည်လာသည့် ယဉ်ကျေးမှုဟု ဆိုရမည်ဖြစ်သည်။ ပျူတို့ထံမှ ဘာသာ၊ ကိုးကွယ်ယုံကြည်မှု နှင့် မွန်တို့ထံမှ အနုပညာ၊ လယ်ယာစိုက်ပျိုးရေး၊ စာပေအက္ခရာ အစရှိသည်တို့ကို သင်ယူခဲ့ကြသည်။ ထို့ကြောင့် နရပတိစည်သူမတိုင်မီ အထိတည်ဆောက်ခဲ့သည့် ပုဂံရှိ စေတီပုထိုးများမှာ မွန်တို့၏ ဓလေ့၊ လက်ရာနှင့် အယူအဆများလွှမ်းမိုးနေသည်ကိုတွေ့ရသည်။ သို့သော် နရပတိစည်သူမင်းလက်ထက်မှစ၍ လက်တွေ့ကျသည့် မြန်မာတို့သည် စိတ်ကူးယဉ်ဆန်သည့် မွန်တို့ထက် ပို၍တက်ကြွသည့်၊ အရပ်ဒေသနှင့် ပိုမိုကိုက်ညီမည့် လက်ရာများကို တီထွင်သုံးစွဲလာကြသည်။

🟡ပြတိုက်

ပုဂံရှေးဟောင်းသုတေသနပြတိုက်သည် ပုဂံရှေးဟောင်းယဉ်ကျေးမှုနယ်မြေအတွင်း တစ်ခုတည်းသော ရှေးဟောင်းသုတေသနပြတိုက်ဖြစ်သည်။ (၃) ထပ်အဆောက်အဦးဖြစ်ပြီး မြစေတီကျောက်စာမူရင်း အပါအဝင် ရှေးဟောင်းအမွေအနှစ်များကို ပြသထားသည်။ မြန်မာနိုင်ငံ၏ပထမဆုံးသော ပုဂံရှေးဟောင်းသုတေသန ပြတိုက်ကို ၁၉၀၄ ခုနှစ်တွင် ပုဂံမြို့ဟောင်း အာနန္ဒာဘုရား၏မြောက်ဘက်စောင်းတန်းအနီးတွင် စတင်ဖွင့်လှစ်ခဲ့သည်။ ၁၉၇၉ ခုနှစ်အောက်တိုဘာလတွင် ကန်တော့ပလ္လင်ဘုရား တောင်ဘက်၌ ရှစ်မြှောင့်ပုံသဏ္ဌာန်ရှိသော ရှေးဟောင်းသုတေသနပြတိုက်ကို ထပ်မံတည်ဆောက်ဖွင့်လှစ်ခဲ့သည်။ ယခုလက်ရှိကမ္ဘာ့အဆင့်မီ ရှေးဟောင်း သုတေသနပြတိုက်ကြီးကို ၁၉၉၈ ခုနှစ် ဧပြီလ (၁၇) ရက်နေ့တွင်ဖွင့်လှစ်ပြသနိုင်ခဲ့သည်။ ပြတိုက်ကြီးတွင် အထူးပင်မပြခန်း၊ ပုဂံခေတ်ဗိသုကာပြခန်း၊ ပုဂံခေတ်လက်မှုအနုပညာပြခန်း၊ ပုဂံခေတ်နန်းမြို့ပြခန်း၊ ပုဂံခေတ်စာပေပြခန်း၊ ပုဂံခေတ်လူနေမှုဘဝပြခန်း၊ ပုဂံခေတ်ဗုဒ္ဓအနုပညာပြခန်း၊ ပုဂံခေတ်ဗုဒ္ဓဆင်းတုတော်များပြခန်း၊ ပုဂံခေတ်ဘုရားပုထိုးပန်းချီပြခန်းနှင့် ပုဂံခေတ်နံရံဆေးရေးပန်းချီပြခန်းစသည့် ပြခန်း(၁၀)ခန်းဖြင့် ခင်းကျင်းပြသထားသည်။၂၀၁၇ခုနှစ်တွင် ကလေးများပြတိုက်ကို ပြတိုက်ကြီး၏ မြောက်ဘက်ရှိရှစ်မြှောင့်ပုံသဏ္ဌာန်အဆောက်အဦ၌ ခင်းကျင်းပြသထားသည်။

🟡နန်းတော်

အနော်ရထာမင်း နန်းတော် - ၂၀၀၃ ခုနှစ်တွင် ယခင်တည်ရှိခဲ့သော နန်းတော်ပေါ်မူတည်၍ ပြန်လည်တည်ဆောက်ခဲ့သည်။ သို့သော် မြေပြင်အထက်မှာ စိတ်ကူးသက်သက် ပြန်လည်ပုံဖော်တည်ဆောက်ထားခြင်း ဖြစ်သည်။

🟡သယ်ယူပို့ဆောင်ရေး

ပုဂံသို့ လေယာဉ်၊ ရထား၊ ကား တို့အပြင် သင်္ဘောဖြင့်ပါ လာရောက်နိုင်သည်။ လည်ပတ်စရာအနေဖြင့် e-bike ငှားရမ်းအသုံးပြုနိုင်သည်။

🟡လေကြောင်းလိုင်း

နိုင်ငံခြားသားခရီးသွား အများစုသည် လေကြောင်းလိုင်းကို အသုံးပြု၍ ပုဂံသို့ လာရောက်လည်ပတ်ကြသည်။ ညောင်ဦးလေဆိပ်မှာ ပုဂံဒေသ၏ လေကြောင်းဝင်ထွက်သွားလာရာ ဖြစ်သည်။ ပြည်တွင်းလေကြောင်းလိုင်း အများစုမှာ ပုဂံသို့ ဆင်းသက်ကြသည်။ ရန်ကုန်မြို့မှ လာပါက မိနစ် ၈၀ ခန့် ကြာမြင့်ပြီး မန္တလေးမြို့မှ လာပါက မိနစ် ၃၀ ခန့်ကြာမြင့်မည် ဖြစ်သည်။ ညောင်ဦးလေဆိပ်သည် ညောင်ဦးမြို့အပြင်ဘက်တွင် တည်ရှိပြီး ပုဂံသို့ ရောက်ရှိရန် ကားဖြင့် (၁၅) မိနစ် ခန့် ကြာမြင့်မည် ဖြစ်သည်။

🟡ရထား

ပုဂံရထားလမ်းသည် ရန်ကုန် - မန္တလေး ရထားလမ်းမှ ပျဉ်းမနား ဘူတာတွင်လမ်းခွဲပါသည်။ ယခင် ပျဉ်းမနား - ကျောက်ပန်းတောင်းရထားလမ်းမှ ဆက်ဖောက်ထားသောလမ်းဖြစ်ပြီး ယ္ခုအခါ ပခုက္ကူ နှင့် မြင်းခြံတို့ထိဆက်ထားသည်။ မြန်မာ့မီးရထားမှ နေ့စဉ် ရန်ကုန် - ပုဂံ ခရီးစဉ်ကို ပြေးဆွဲပေးလျက် ရှိသည်။ ရန်ကုန် မှ ပုဂံသို့ (၁၈) နာရီခန့် ကြာမြင့်မည် ဖြစ်သည်။ ရထားတွင် အိပ်စဉ်၊ အထက်တန်း နှင့် ရိုးရိုးတန်းတို့ ပါဝင်သည်။]မန္တလေး - ပုဂံ ရထားမှာ ၁ ရက်လျှင် ၂ ကြိမ် ပြေးဆွဲလျက် ရှိပြီး (၈) နာရီခန့် ကြာမြင့်သည်။ သို့သော် အိပ်စဉ်တွဲ မပါဝင်ဘဲ အထက်တန်း နှင့် ရိုးရိုးတန်းသာ ပါဝင်သည်။

🟡ကားလမ်း

ရန်ကုန်မှ ပုဂံသို့ ကားလမ်းမှ လာလျှင် ၉ နာရီ နှင့် ၁၀ နာရီ အသီးသီးကြာမြင့်သည်။ မန္တလေးမှ ပုဂံသို့ ကားလမ်းမှသွားလျှင် ၃ နာရီ နှင့် ၄ နာရီ ကြာမြင့်သည်။
ရေကြောင်း

မန္တလေး - ပုဂံ အသွားအပြန် သင်္ဘောများ ရှိပြီး ဧရာဝတီ မြစ်ကြောင်းတစ်လျှောက် ကီလိုမီတာ ၁၇၀ သွားလာရန် ၉ နာရီခန့် ကြာမြင့်မည် ဖြစ်သည်။ ခရီးသွားရာသီတွင် နေ့စဉ်ခရီးစဉ် ရှိပြီး တစ်ခါတစ်ရံ ညအိပ်ခရီးစဉ်များပါ ရှိသည်။

🟡ထင်ရှားသည့် ပုဂံဘုရားပုထိုးများ

• ရွှေစည်းခုံစေတီ
• အလိုတော်ပြည့်ဂူဘုရား
• ထီးလိုမင်းလိုဘုရား
• အာနန္ဒာဘုရား
• ကန်တော့ပလ္လင်ဘုရား
• သဗ္ဗညုဘုရား
• ဗူးဘုရား
• ရွှေဆံတော်စေတီ
• ဓမ္မရံကြီးဘုရား
• လောကထိပ်ပန်ဘုရား
• မြစေတီ
• မနူဟာဘုရား
• နန်းဘုရားကျောင်း
• လောကနန္ဒာဘုရား
• ပြဿဒါးကြီး (ပြဿဒ်ကြီး)
• သကျမုနိ
• ရှင်ပင်သာလျောင်း
• ဂူပြောက်ကြီး
• ငှက်ပစ်တောင်ဘုရား(ညောင်ဦး)
• စူဠာမဏိဘုရား
• ဘုရားသုံးဆူ(ပုဂံ)
• သမ္ဘူလဘုရား
• တရုတ်ပြေးဘုရားကြီး
• အပယ်ရတနာဘုရား
• ရွှေဂူကြီး( နန်းဦး) ဘုရား

🟡စွယ်တော်လေးဆူ

• ရွှေစည်းခုံစေတီ
• တန့်ကြည့်တောင်စေတီ
• လောကနန္ဒာစေတီ
• တုရင်တောင်စေတီ

🟡ဘုရားပုထိုးများ

• ဂူပြောက်ကြီး (ဝက်ကြီးအင်း)
• ဂူပြောက်ငယ် (ဝက်ကြီးအင်း)
• ဆပဒစေတီ
• ကျောက်ဂူဥမင်ဘုရား
• ကုန်းတော်ကြီးဂူဘုရား
• သကျမုနိဂူဘုရား
• ထီးလိုမင်းလိုဘုရား
• အာနန္ဒာဘုရား
• ရွှေဂူကြီးဘုရား
• သံတော်ကြားဘုရား
• သဗ္ဗညုဘုရား
• ဓမ္မရံကြီးဘုရား
• ရွှေဆံတော်စေတီ
• ရှင်ပင်သာလျောင်း
• မင်္ဂလာစေတီ
• ပုထိုးသားများဂူဘုရား
• ကန်တော့ပလ္လင်ဘုရား
• မဟာဗောဓိစေတီ
• ဗူးဘုရား
• ဂူပြောက်ကြီး (မြင်းကပါ)
• ဂူပြောက်ငယ် (မြင်းကပါ)
• မြင်းကပါစေတီ
• ပေါ်တော်မူဘုရား
• မနူဟာဘုရား
• နန်းဘုရားကျောင်း
• အပယ်ရတနာဘုရား
• နဂါးရုံဂူဘုရား
• စိမ်းညက်အစ်မဘုရား
• စိမ်းညက်ညီမဘုရား
• နန္ဒာမညာဂူဘုရား
• သမ္ဘူလဘုရား
• ဘုရားသုံးဆူ
• လေးမျက်နှာဂူဘုရား
• ဓမ္မရာဇိကဘုရား
• စူဠာမဏိဘုရား
• မြစေတီ
• ပြဿဒါးကြီး (ပြဿဒ်ကြီး)
• အလိုတော်ပြည့်ဂူဘုရား
• ရှင်မထီးဘုရား
• ငကျွဲနားတောင်းစေတီ
• လောကထိပ်ပန်ဘုရား
• စိုးမင်းကြီးစေတီ
• ဖက်လိပ်ဘုရားများ
• စေတနာကြီးဘုရား (စည်စနာ)
• ဂူပြောက် (ဗိုလ်ချိုမိဂူပြောက်)
• တရုတ်ပြေးဘုရားကြီး
• ရပ်စောက်ဂူဘုရား
• တောင်ပုံလောကနာထ ဂူဘုရား
• တိုင်းချွတ်ဂူဘုရား
• ပုတ္တလင်ပုထိုး
• မြင်းပြဂူဘုရား
• ကျဆင်းဂူဘုရား
• အဇ္ဇဂေါဏဂူဘုရား
• ငလူးဂူဘုရား
• စောလှဝန်းဂူဘုရား
• မလာဖြစ်ဂူဘုရား
• မလုံးဖြစ်ဂူဘုရား
• လက်ပွတ်ကန်ဂူဘုရား
• သင်္ကန်းရုံဂူဘုရား
• သမန်းဂူဘုရား
• ဇံသီးဂူဘုရား
• ထောက်လှော်ကားဂူဘုရား
• တပ်ခလေးဂူဘုရား
• ပိန္နဲဂူဘုရား
• ဇေယျသွတ်ဂူဘုရား
• ကဇွန်းအိုဘုရား
• သုံးနယ်ခြားဂူဘုရား
• ဆင်များရှင်ဘုရား
• ရှင်ပင်သက်ရှည်ဘုရား
• သက်တော်ရစေတီတော်
• ထီးတန်ဆောင်ဘုရား
• ငှက်ပစ်တောင်ဘုရား
• နရသီဟပတေ့မင်းကောင်းမှုဘုရား
• အိမ်ရာကျောင်းငါးမျက်နှာ
• တန်ဆောင်းဂူဘုရား
• မြေပုံသာဘုရားလှ(လောကမုနိ)
• တာမနိဘုရား
• ချောက်ဘုရားလှ
• ချောက်ဘုရားလှငယ်
• ဂူနီဘုရား

🟡အထင်ကရ နေရာများ

• ပုဂံမြို့ဟောင်း
• ပုဂံမြို့သစ်
• ပုဂံရှေးဟောင်းသုတေသနပြတိုက်
• ပုဂံနန်းတော်ရာ
• သရပါတံခါး
• ငှက်ပစ်တောင်
• မြင်းကပါ
• ဥပါလိသိမ်
• နတ်လှောင်ကျောင်း
• ရှင်အာနန္ဒာအုတ်ကျောင်း
• ကျန်စစ်သားဥမင်
• မြကန် -ပိဋကတ်တိုက်
• မီးမလောင်ကျောင်း
• စိုးမင်းကြီးကျောင်း
• အာမနာကျောင်း -ဖွားစောရွာ -မင်းနန်သူရွာ
• သူဌေးမုခ်ဂူ
• ကျောက်စာဂူ
• စာသင်ဂူ
• တုရင်တောင်
• မြကန်စက္ကူတိုက်
• တန့်ကြည့်တောင်
• သမီးဝှက်ဥမင်နှင့် မြားသဂူ
• သီရိပစ္စယာ

20/12/2022

Lionel Messi - လီယွန်နယ် မက်ဆီ
*************

🔹🔹 “ ငယ်ဘဝမှာ ကြီးထွားဖွံ့ဖြိုးမှုဟော်မုန်း ချို့တဲ့ရောဂါရှိတဲ့ ကောင်လေးက အခု ဆုတံဆိပ်တွေအများကြီးနဲ့ ကမ္ဘာ့အကောင်းဆုံးဘောလုံးသမားတစ်ယောက်ဖြစ်လာလိမ့်မယ်လို့ ဘယ်သူမှ ထင်မှတ်မထား”
*************

🔵 လီယွန်နယ် အင်ဒရေ မက်ဆီ (Lionel Andrés Messi) ကို ၁၉၈၇ ခုနှစ် ဇွန်လ ၂၄ ရက်က အာဂျင်တီးနား၊ ရိုဆာရီယိုမြို့မှာ သူ့ကို မွေးတယ်။ သူ့အဖေက သံမဏိစက်ရုံဝန်ထမ်း၊ သူ့အမေက သန့်ရှင်းရေးဝန်ထမ်းပါ။ ဘောလုံးမျိုးရိုးမရှိဘူး။ ဒါပေမဲ့ သူက ငယ်ငယ်ကတည်းက ဘောလုံးကန်ကောင်းတယ်။ ပြဿနာက တခြားကလေးတွေလောက် ထွားကျိုင်း ကြံ့ခိုင်မှုမရှိတာပဲ၊ အသက် ၁၀ နှစ်အရွယ်မှာတော့ သူ့မှာ ကြီးထွားဖွံ့ဖြိုးမှုဟော်မုန်း ချို့တဲ့ရောဂါရှိနေမှန်း သိလိုက်ရတယ်။ ဒါဟာ ဘောလုံးသမားဖြစ်ချင်တဲ့ ကလေးတစ်ယောက်ရဲ့ အိပ်မက်တွေကို တစ်စစီ ကျိုးကြေသွားစေတဲ့ ကံကြမ္မာ ထိုးနှက်ချက်ပါ။ ကြီးထွားမှုဟော်မုန်းဆေး အသုံးပြုပြီး ကုသဖို့ကလည်း စရိတ်က ကြီးလွန်းတယ်။

🔵 ၆ နှစ်သားအရွယ်ကတည်းက သူ ကစားခဲ့တဲ့ နယူးဝဲလ်အိုးဘွိုင်းအသင်းကလည်း ဆေးကုသစရိတ်မပေးချင်ဘူး။ တကယ်တော့ မက်ဆီက နယူးဝဲလ်အိုးဘွိုင်းရဲ့ ၈၇ မျိုးဆက် စက်ယန္တယားများအသင်းမှာ ၆ နှစ်ကစားခဲ့ချိန်အတွင်း ဂိုး ၅၀၀ လောက် သွင်းခဲ့သူပါ။ ကလေးဘဝမှာ မက်ဆီ အကြိုက်ဆုံးက ဘရာဇီးတိုက်စစ်မှူး ရော်နယ်ဒိုပဲ။ သူ့ရဲ့စံပြကစားသမားကတော့ အာဂျင်တီးနားကွင်းလယ်ဖန်တီးရှင် ပက်ဘလိုအိုင်းမားပါ။ ပက်ဘလိုအိုင်းမား ကစားနေတဲ့ ရေးဗားပလိတ်အသင်းက သူ့ကို ခေါ်ယူဖို့ စိတ်ဝင်စားပေမဲ့ ဆေးကုသစရိတ် မပေးချင်လို့ လက်ရှောင်သွားတယ်။ တစ်လ အမေရိကန်ဒေါ်လာ ၉၀၀ ကုန်ကျမယ့် ကုသစရိတ်ကို သူ့မိဘတွေကလည်း မတတ်နိုင်ရှာဘူး။ ဒါဟာ ဘာစီလိုနာနဲ့ မက်ဆီတို့ ဆုံတွေ့စေမယ့် အချိုးအကွေ့တစ်ခုပါပဲ။

🔵 ဘာစီလိုနာအသင်း အခြေစိုက်တဲ့ ကာလာလန်ဒေသမှာ မက်ဆီတို့ရဲ့ ဆွေမျိုးတွေရှိတယ်။ သူတို့ကတစ်ဆင့် ဆက်သွယ်ရင်းနဲ့ ၂၀၀၀ ပြည့်နှစ်မှာတော့ ဘာစီလိုနာအသင်းက မက်ဆီရဲ့ခြေစွမ်းကို စမ်းသပ်ကြည့်တယ်။ အဲဒီအချိန်မှာ ဘာစီလိုနာအသင်း အားကစားဒါရိုက်တာ ကားစ်ရီဇက်ချ်က မက်ဆီရဲ့ခြေစွမ်းကို သဘောကျသွားပေမဲ့ ဘာစီလိုနာကတော့ သူ့ကိုစာချုပ်ချုပ်ဖို့ ချီတုံချတုံဖြစ်နေတယ်။ အဲဒီကာလတုန်းက ဥရောပအသင်းတွေဟာ အသက်ငယ်လွန်းတဲ့ ပြည်ပကစားသမားတွေကို ခေါ်လေ့မရှိဘူး။ ဒါပေမဲ့ မက်ဆီကို ခေါ်၊ မခေါ် နောက်ဆုံး ဆုံးဖြတ်ပေးရမယ့် ဒီဇင်ဘာလ ၁၄ ရက်မှာတော့ ကားစ်ရီဇက်ချက်က သူ့ကို စာချုပ်ချုပ်ဖို့လုပ်တယ်။ ဒါပေမဲ့ စာရွက်အလွယ်တကူ ရှာမရလို့ လက်ကိုင်ပဝါအဖြူတစ်ထည်ပေါ်မှာပဲ အချက်အလက်တွေရေးပြီး စာချုပ်ချုပ်လိုက်တယ်။ ဒီလိုနဲ့ပဲ အာဂျင်တီးနားချာတိတ်လေး မက်ဆီဟာ မိသားစုကို ခွဲခွာပြီး လာမာစီယာအကယ်ဒမီကို ရောက်ရှိလာခဲ့ပါတယ်။

🔵 မက်ဆီ ဘောလုံးကစားတဲ့အခါ ပြိုင်ဘက်တွေကို လိမ်ခေါက်ကျော်ဖြတ်ပြီး ဂိုးတွေ တဒိုင်းဒိုင်းသွင်းနေပုံက သူ့အတွက် အရမ်းလွယ်ကူနေပုံပါပဲ။ တကယ်တော့ သူ့အိပ်မက်တွေကို အကောင်အထည်ဖော်ဖို့ ပေးဆပ်ခဲ့ရတာတွေ အများကြီးပါ။ ၁၃ နှစ်သားအရွယ်ကတည်းက မိခင်ရင်ငွေ့နဲ့ဝေးရာ ရေမြေခြားမှာ နေထိုင်ခဲ့ရတဲ့ မက်ဆီဟာ ခံစားချက်တွေကို မြိုသိပ်တတ်လာတယ်။ ဒါကြောင့် လူငယ်အသင်းမှာ အသင်းဖော်တချို့က မက်ဆီကို စကားမပြောတတ်ဘူးလားလို့တောင် ထင်ကြသတဲ့။ အစောပိုင်းမှာ မက်ဆီတို့ မိသားစုတစ်စုလုံး စပိန်ကို လိုက်နေခဲ့ပေမဲ့ မက်ဆီရဲ့ညီအစ်မ၊ မောင်နှစ်မတွေက စပိန်မှာ နေသားမကျတဲ့အတွက် သူ့အမေနဲ့အတူ အာဂျင်တီးနားကို ပြန်သွားလို့ မက်ဆီတို့သားအဖနှစ်ယောက်တည်း စပိန်မှာ ကျန်နေခဲ့ကြတာပါ။

🔵 အဲဒီအချိန်ကဆိုရင် မိခင်ကို လွမ်းနေတဲ့ မက်ဆီက အိပ်ရာဝင်တိုင်း ငိုရတယ်။ ငိုရင်းနဲ့မောပြီး အိပ်သွားရတဲ့ကာလတွေပေါ့။ ပွဲကစားခွင့်ရရင် ဖြေသာပေမဲ့ ပွဲမကစားရတဲ့အချိန်တွေဆိုရင် အိမ်လွမ်းစိတ်က ပိုသိသာတယ်။ ဒဏ်ရာရလို့ နားနေရတဲ့ကာလဆိုရင် ပိုဆိုးတာပေါ့။ အိမ်ပြန်ချင်စိတ်ကို မြိုသိပ်ပြီး သူ့အိပ်မက်တွေကို အကောင်အထည်ဖော်ဖြစ်ခဲ့တာက သူ့ဘဝမှာ အကောင်းဆုံး ဆုံးဖြတ်ချက်ပဲလို့ မက်ဆီက ပြောဖူးပါတယ်။ ၁၄ နှစ်အရွယ်မှာတော့ သူ့ရဲ့ဆေးကုသမှု ပြီးမြောက်အောင်မြင်သွားခဲ့တယ်။ မက်ဆီ ပါဝင်ခဲ့တဲ့ Baby Dream Team အသင်းက ဘာစီလိုနာအသင်းသမိုင်းမှာ အကြီးကျယ်ဆုံး လူငယ်အသင်းပါ။

🔵 ၂၀၀၃ ခုနှစ် နိုဝင်ဘာလ ၁၆ ရက်နေ့မှာ နည်းပြမော်ရင်ဟိုရဲ့ ပေါ်တိုအသင်းနဲ့ ဘာစီလိုနာအသင်း ခြေစမ်းပွဲကစားကြတယ်။ အဲဒီပွဲစဉ်ရဲ့ ပွဲချိန်(၇၅)မိနစ်မှာ မက်ဆီ လူစားဝင်ကစားခွင့်ရပြီး အခွင့်အရေးဖန်တီးမှု ၂ ကြိမ်၊ ဂိုးပေါက်ကန်ချက် တစ်ကြိမ်လုပ်နိုင်ခဲ့တယ်။ အဲဒီအချိန်တုန်းက သူ့အသက် ၁၆ နှစ်၊ ၄ လ၊ ၂၃ ရက်ပါ။ သူ့ခြေစွမ်းကို သဘောကျသွားတဲ့ နည်းပြအဖွဲ့ဝင်တွေက တစ်ပတ်တစ်ခါ အသင်းကြီးနဲ့ လေ့ကျင့်ခန်းဆင်းခွင့်ပေးလိုက်တယ်။ အသင်းကြီးနဲ့အတူ ပထမဆုံး လေ့ကျင့်ခန်းဆင်းချိန်မှာပဲ ရော်နယ်ဒင်ဟိုနဲ့ဆုံတယ်။ အဲဒီအချိန်တုန်းက ရော်နယ်ဒင်ဟို လျှမ်းလျှမ်းတောက်နေချိန်ပေါ့။ မက်ဆီ လေ့ကျင့်ခန်းဆင်းနေတာကို တွေ့သွားတဲ့ ရော်နယ်ဒင်ဟိုက ”တချိန်ကျရင် ဒီကောင်လေးက ငါ့ထက် ပိုကောင်းလာလိမ့်မယ်”လို့ သူ့အသင်းဖော်တွေကို ပြောခဲ့ဖူးတယ်။ ရော်နယ်ဒင်ဟိုက မက်ဆီကို ”ညီလေး”လို့ခေါ်ပြီး ဖော်ဖော်ရွှေရွှေ ဆက်ဆံတယ်။ ဒါကြောင့်လည်း မက်ဆီရဲ့ အသင်းကြီးထံ ကူးပြောင်းမှုက အဆင်ပြေချောမွေ့ခဲ့ပါတယ်။ ဒါပေမဲ့ ပွဲကစားချိန် ပိုရဖို့ ဘာစီလိုနာ(C)အသင်းနဲ့ (B)အသင်းတွေမှာပဲ ကျင်လည်ခဲ့ရပါတယ်။

🔵 ဒါပေမဲ့ ၂၀၀၄ ခုနှစ် အောက်တိုဘာလမှာတော့ စီနီယာကစားသမားတွေရဲ့ တိုက်တွန်းချက်အရ နည်းပြ ဖရန့်ရစ်ကတ်က မက်ဆီကို အသင်းကြီးမှာ ခေါ်ယူခဲ့ပြီး ညာတောင်ပံမှာ ကစားခိုင်းတယ်။ မက်ဆီက ပုံမှန်အတိုင်းဆိုရင် ဘယ်တောင်ပံမှာ ကစားပေမဲ့ အဲဒီအချိန်တုန်းက ဘာစီလိုနာအသင်း ဘယ်တောင်ပံမှာ ရော်နယ်ဒင်ဟို ကစားနေလို့ မက်ဆီကို နေရာပြောင်းပြီး ကစားခိုင်းခဲ့တာပါ။ မက်ဆီဟာ သူ့ရဲ့ ၁၈ နှစ်ပြည့် မွေးနေ့ဖြစ်တဲ့ ၂၀၀၅ ခုနှစ်၊ ဇွန်လ ၂၄ ရက်မှာတော့ ဘာစီလိုနာအသင်းကြီးနဲ့ ပရော်ဖက်ရှင်နယ်စာချုပ် ချုပ်ဆိုခဲ့ပါတယ်။

🔵 ကမ္ဘာ့အကောင်းဆုံးကစားသမား တစ်ဦးအဖြစ် သတ်မှတ်ခံထားရသော မက်ဆီသည် Ballon d'Or ဆု ခုနစ်ဆု၊ စံချိန်တင်ဥရောပရွှေဖိနပ် ခြောက်ဆုနှင့် 2020 ခုနှစ်တွင် Ballon d'Or Dream Team မှ စံချိန်တင်ခဲ့သည်။ 2021 ခုနှစ်တွင် အသင်းမှထွက်ခွာချိန်အထိ သူသည် ဘာစီလိုနာအသင်းနှင့်အတူ ပရော်ဖက်ရှင်နယ်ကစားသမားဘဝတစ်ခုလုံးကို ဖြတ်သန်းခဲ့ပြီး လာလီဂါဖလား 10 ကြိမ်၊ ကိုပါဒယ်ရေးဖလား 7 ကြိမ်နှင့် UEFA Champions League လေးကြိမ်အပါအဝင် ကလပ်စံချိန်တင်ဆုဖလား 35 ခု ရရှိခဲ့သည်။ သူ့နိုင်ငံနဲ့အတူ 2021 Copa América နဲ့ 2022 FIFA World Cup တို့ကို ဆွတ်ခူးနိုင်ခဲ့ပါတယ်။ မက်ဆီဟာ လာလီဂါမှာ ဂိုးအများဆုံးသွင်းသူ (၄၇၄)ဂိုး၊ လာလီဂါမှာ ဟက်ထရစ်အများဆုံး (၃၆)ဂိုးနဲ့ ချန်ပီယံလိဂ် (၈)ကြိမ်၊ လာလီဂါမှာ ဂိုးဖန်တီးမှုအများဆုံး (၁၉၂)ကြိမ်၊ ကိုပါအမေရိက (၁၇)။ တောင်အမေရိက အမျိုးသား (၉၈) ဂိုးဖြင့် နိုင်ငံတကာ ဂိုးအများဆုံးသွင်းထားသူလည်း ဖြစ်သည်။ မက်ဆီသည် ကလပ်အသင်းနှင့် နိုင်ငံအတွက် စီနီယာကစားသမားဘ၀ ဂိုးပေါင်း (၇၅၀)ကျော် သွင်းယူခဲ့ပြီး ကလပ်အသင်းတစ်ခုအတွက် ကစားသမားတစ်ဦးမှ (၆၇၂)ဂိုးအထိ သွင်းယူနိုင်ခဲ့သည်။

🔵 2022 တွင် 2022 ဖီဖာကမ္ဘာ့ဖလားပြိုင်ပွဲတွင် နိုင်ငံအသင်းခေါင်းဆောင်အဖြစ် မှတ်တမ်းဝင်ခဲ့ပြီး ရွှေဘောလုံးကို ဒုတိယအကြိမ်အဖြစ် စံချိန်တင်ရရှိခဲ့ကာ အများဆုံးစံချိန်ကို ချိုးဖျက်ခဲ့သည်။

အသက် 22 နှစ်အရွယ် မက်ဆီက သူ့ရဲ့ ပထမဆုံး Ballon d'Or ကို ဆွတ်ခူးခဲ့ပါတယ်။ အောင်မြင်သော ရာသီ ၃ ခု အပြီးတွင် မက်ဆီသည် Ballons d'Or လေးကြိမ်ဆက်တိုက် ဆွတ်ခူးနိုင်ခဲ့ပြီး လေးကြိမ်တိုင်တိုင် ဆွတ်ခူးနိုင်သော ပထမဆုံး ကစားသမား ဖြစ်လာခဲ့သည်။

🔵 အာဂျင်တီးနားလက်ရွေးစင်တစ်ဦးဖြစ်တဲ့ မက်ဆီဟာ နိုင်ငံ့သမိုင်းမှာ ပွဲထွက်ကစားခွင့်ရရှိထားတဲ့ စံချိန်ကို ပိုင်ဆိုင်ထားပြီး နိုင်ငံရဲ့ ထာဝရဂိုးသွင်းအများဆုံးကစားသမားလည်း ဖြစ်ပါတယ်။ လူငယ်အဆင့်တွင် သူသည် ၂၀၀၅ ခုနှစ် ဖီဖာကမ္ဘာ့လူငယ်ချန်ပီယံရှစ်ပြိုင်ပွဲတွင် ရွှေဘောလုံးနှင့် ရွှေဖိနပ်နှစ်ရပ်စလုံးဖြင့် ပြိုင်ပွဲပြီးဆုံးကာ ၂၀၀၈ နွေရာသီအိုလံပစ်တွင် အိုလံပစ်ရွှေတံဆိပ်တစ်ခု ရရှိခဲ့သည်။ သူ့ရဲ့ကစားဟန်က သေးသေးလေး၊ ဘယ်ခြေနဲ့ မျှော့ကစားနေတဲ့သူဖြစ်ပြီး မက်ဆီကို သူ့နေရာကို ဆက်ခံသူအဖြစ် ဖော်ပြခဲ့တဲ့ သူ့ရဲ့ဖော်မာရာဒိုနာနဲ့ နှိုင်းယှဉ်ပြခဲ့ပါတယ်။ 2005 ခုနှစ် သြဂုတ်လတွင် ၎င်း၏အကြီးတန်းပွဲဦးထွက်ပြီးနောက် မက်ဆီသည် 2006 ခုနှစ်တွင် FIFA World Cup တွင်ကစားကာဂိုးသွင်းနိုင်သည့်အသက်အငယ်ဆုံးအာဂျင်တီးနားဖြစ်လာခဲ့ပြီး 2007 Copa América ၏နောက်ဆုံးအဆင့်သို့ရောက်ရှိခဲ့ပြီး ပြိုင်ပွဲ၏လူငယ်ကစားသမားအဖြစ် သတ်မှတ်ခံခဲ့ရသည်။ 2011 ခုနှစ် သြဂုတ်လမှ အသင်းခေါင်းဆောင်အဖြစ် အာဂျင်တီးနားကို 3 နှစ်ဆက်တိုက် ဖိုင်နယ်သို့ ပို့ဆောင်ပေးခဲ့ပြီး 2014 ဖီဖာကမ္ဘာ့ဖလား၊ ရွှေဘောလုံးဆုနှင့် 2015 နှင့် 2016 Copa América နှင့် 2015 edition တွင် ရွှေဘောလုံးကို ဆွတ်ခူးနိုင်ခဲ့သည်။ 2016 ခုနှစ်တွင်သူ၏နိုင်ငံတကာအနားယူကြောင်းကြေငြာပြီးနောက်၎င်း၏ဆုံးဖြတ်ချက်ကိုပြောင်းပြန်လှန်ပြီးသူ၏နိုင်ငံကို 2018 ဖီဖာကမ္ဘာ့ဖလားပြိုင်ပွဲအတွက်အရည်အချင်းပြည့်မီသော 2019 Copa América တွင်တတိယနေရာရရှိကာ 2021 Copa América ၊ ရွှေဘောလုံးနှင့်ရွှေတံဆိပ်များရယူခဲ့သည်။

🔵 နောက်တန်းအတွက် ဖိနပ်ဆု။ ဤအောင်မြင်မှုသည် 2021 ခုနှစ်တွင် သတ္တမမြောက် Ballon d'Or စံချိန်ကို ရရှိစေမည်ဖြစ်သည်။ 2022 တွင် 2022 ဖီဖာကမ္ဘာ့ဖလားပြိုင်ပွဲတွင် နိုင်ငံအသင်းခေါင်းဆောင်အဖြစ် မှတ်တမ်းဝင်ခဲ့ပြီး ရွှေဘောလုံးကို ဒုတိယအကြိမ်အဖြစ် စံချိန်တင်ရရှိခဲ့ကာ အများဆုံးစံချိန်ကို ချိုးဖျက်ခဲ့သည်။ ကမ္ဘာ့ဖလားပြိုင်ပွဲတွေမှာ 26 ပွဲ ပါဝင်ကစားထားပါတယ်။

🔵 သူ၏ မျိုးဆက်တွင် အကောင်းဆုံးသော ဘောလုံးသမား တစ်ယောက်အဖြစ် သတ်မှတ်ကြသည်။ သူ၏ ကစားဟန်နှင့် စွမ်းရည်တို့မှာ အာဂျင်တီးနား ဘောလုံးအကျော်အမော် မာရာဒိုနာ ကိုပင် ယှဉ်နိုင်ပြီး မာရာဒိုနာ ကိုယ်တိုင်က သူ့နေရာကို ဆက်ခံမည့်သူတစ်ဦးဟု ဖော်ထုတ်ပြောဆိုခဲ့သည်။ ရွှေဘောလုံးဆု 7 ကြိမ်နှင့် ဥရောပ ရွှေဖိနပ်ဆု ခြောက်ကြိမ်လည်း ရရှိထားသည်။ အလိမ်အခေါက်စွမ်းရည် ပြိုင်ဘက်ကင်း ထူးချွန်၍ ဖန်တီးမှုစွမ်းရည်၊ ဂိုးသွင်းစွမ်းရည် အင်မတန် ကောင်းမွန်သောကြောင့် အခြားကမ္ဘာမှလာသော ဂြိုဟ်သားဟုပင် အများစုက တင်စားကြသည်။

ကိုးကား - Internet
Prepare By - Wise Man Property

25/08/2022

အချိန်ပေးဖို့တော့ လိုနေပါပြီ။
************************
ကျွန်တော့် အဓိကဝါသနာကိုပြောပါဆိုရင် စာဖတ်ရတာပါဘဲ။ စာအုပ်ကောင်းကောင်းဖတ်ရတဲ့ အရသာဟာ အခုထိဘာနဲ့မှ လဲလို့မရပါဘူး။ နောက်ဝါသနာ တစ်ခုကတော့ ရုပ်ရှင်ကြည့်တာပါ(ပြည်ပရုပ်ရှင်တွေပါ)၊ လွန်ခဲ့တဲ့ 10 နှစ်ကျော် လောက်ဆို မအိပ်ခင် တစ်ရက်တစ်ကားလောက်ကြည့်ဖြစ်ပါတယ်။

စာဖတ်တာကိုတော့ ကျောင်းပြီးလို့ လုပ်ငန်းခွင်ဝင်ကတည်းက သေချာမဖတ်ရတော့ပါဘူး။ ရှပ်ရှင်တွေကတော့ လွန်ခဲ့တဲ့ 5နှစ်လောက်က စပြီးမကြည့်ဖစ်တော့ပါဘူး။ ဖုန်းဘဲ ပိုသုံးဖြစ်လာလို့ပါ။

အခုဆိုရင် ပိုဆိုးလာပါပြီ ဖုန်းကြည့်တာတောင် အချိန်တွေလုနေရလို့ ဘာဘဲဖြစ်ဖြစ် အတိုလေးတွေ ပိုကြိုက်လာပါပြီ။ Social media မှာ စာဆိုရင် အတိုလေးတွေဘဲ ဖတ်ဖြစ်ပြီး၊ Video တွေဆိုလဲ အတိုလေးတွေဘဲ ကြည့်ဖြစ်လာပါတယ်။ စာတို၊ Video အတိုလေးတွေက ကိုယ်တစ်ယောက်တည်းကြိုက်လာတာ မဟုတ်ပါဘူး အားလုံးက အတိုလေးတွေကို သဘောကျလာတာပါ။

TikTok က ခေတ်စားတဲ့ video တွေဆို စက္ကန့် အနည်းငယ်ဖြင့် ပြည့်စုံအောင် ဖေါ်ပြကျသလို၊ YouTube က shorts vertical videos ဆိုရင်လဲ စက္ကန့် နဲနဲနှင့် တင်နေကြတာပါ။ Facebook ကလဲ pages တွေမှာဆိုရင် video အတိုလေးတွေတင်ဖို့ကိုဘဲ Recommend ပေးတာပါ။

အဲလိုအတိုလေးတွေဘဲ အားလုံးကြည့်လာ၊ ကြိုက်လာမယ်ဆိုရင် နောင်မှာ ဘယ်လိုတွေဖြစ်လာနိုင်လဲလို့ တွေးမီရင် အမြဲရင်လေးရပါတယ်။

စာတိုးတိုးလေးတွေးဘဲ အမြဲဖတ်လာတဲ့မျိုးဆက်ဟာ ဟိုးအရင်က တစ်ခေတ်ဆန်းခဲ့တဲ့ မြန်မာစာပေဘိုးအေးကြီးတွေရဲ့ စာပေကောင်းတွေကို ဖတ်ပါတော့မလား၊ တမြတ်တနိုးနဲ့ လက်ဆင့်ကမ်းသယ်ယူနိုင်ဦးမှာလား။
သူတို့ခေတ်ကိုထင်ဟပ်ပြီး မြင်သာအောင်ရော ဘယ်လိုတွေ ရေးသားပုံဖေါ်ခဲ့ကြမှာလဲ။

ဘဝက တိုတယ်လိုသာပြောကြတာ တကယ်တော့ သက်တမ်းကအရှည်ကြီးပါ။ အဲဒီသက်တမ်းမှာ အကျိုးအကြောင်း အဆိုးအကောင်းတွေကို ဝေဖန်ပိုင်ခြားနိုင်ဖို့ စာရှည်တွေဖတ်ဖို့ အရေးကြီးပါတယ်။ စာပေမြင့်မှ လူမျိုးမြင့်တာပါ။ စာပေဖတ်တာ စာရေးတာကို ပြန်ပြီးအကျင့်လုပ်ရတော့မှာပါ။

မိတ်ဆွေတို့အနေဖြင့်လဲ အခုမျိုးဆက် နောက်မျိုးဆက်အတွက် အချိန်ပေးပြီး စာရှည်ရှည်ရေးပါ စာရှည်ရှည်ဖတ်ခိုင်းကြပါ။ စာတိုလေးတွေရေးပြီး လူကြိုက်များအောင် လုပ်နေတာတွေကို အားမပေးစေချင်တော့ပါဘူး။

စာရှည်ရှည်ရေးပြီး အများကြီးပြောပြချင်ပေမဲ့ စာအရမ်းရှည်ရင်မဖတ်ကြလို့ ဒီလောက်ဘဲ ဖေါ်ပြလိုက်ရပါသည်။

ကိုရေချမ်း ( wise man property )

24/08/2022

မင်္ဂလာပါ။
*********

🔴 မင်္ဂလာပါ သည် မြန်မာလူမျိုးတို့၏ ပုံမှန်နှုတ်ဆက်စကားတစ်ခု ဖြစ်သည်။ ဤနှုတ်ဆက်စကားပြောရာတွင် ကိုယ်ကိုဦးအနည်းငယ်ညွတ်ကာ သို့မဟုတ် ပုံမှန်အားဖြင့် လက်အုပ်ချီကာ ပြောကြသည်။

🔴 "မင်္ဂလာပါ" ဟူသည့် နှုတ်ဆက်စကားသည်လည်း ခေတ်သစ်ကာလမှ ဖန်တီးဖြစ်ပေါ်လာသည့် နှုတ်ဆက်စကား ဖြစ်သည်။ မြန်မာနိုင်ငံကို ဗြိတိသျှတို့ အုပ်ချုပ်စဉ်အခါ ၁၉ ရာစုနှင့် ၂၀ ရာစုတွင် ဤစကားသည် ထွက်ပေါ်လာခဲ့သည်။ ၁၉၆၀ ခုနှစ်နောက်ပိုင်းတွင် မြန်မာနိုင်ငံအစိုးရက စာသင်ကျောင်းများတွင် နှုတ်ဆက်စားအနေနှင့် အသုံးပြုစေခဲ့သည်။ မြန်မာနိုင်ငံရှိ စာသင်ကျောင်းများတွင် ယခုအခါတွင် ကျောင်းသားများသည် ဆရာများနှင့် နေ့စဉ် ပထမဆုံးအကြိမ်တွေ့သည့်အခါတွင် "မင်္ဂလာပါ" ဟူ၍ နှုတ်ဆက်ကြသည်။

🔴 မင်္ဂလာပါ သည် စကားစုတစ်ခု ဖြစ်သည်။ မင်္ဂလာ နှင့် ပါ ကို ပေါင်းစပ်ထားသည်။ မင်္ဂလာ ဆိုသည်မှာ "မင်္ဂလ" ဟူသည့် ပါဠိစကားလုံးမှ ဆင်းသက်လာသည်။ မင်္ဂလ၏ အဓိပ္ပာယ်မှာ "မကောင်းမှုသဘောတရားများကို ပယ်ဖျက်နိုင်သည့် သဘော" ဟု အဓိပ္ပာယ်ရသည်။ဒုတိယစကားလုံး ဖြစ်သည့် "ပါ" ဆိုသည်မှာ မြန်မာဘာသာစကား၌ ယဉ်ကျေးလိုသည့်အသုံးအနှုန်းအနေဖြင့် သဒ္ဒါသဘောတရားအရ ထည့်သည့် စကားလုံးဖြစ်သည်။ မဟုတ်တာ၊မမှန်တာမလုပ်မိကြစေဖို့၊မကြံစည်မိကြစေဖို့ အပြန်အလှန်သတိပေးကြသည့်သဘော သက်ရောက်စေသည့် မြန်မာတို့၏ နှုတ်ဆက်စကား မင်္ဂလာပါ ။

# မင်္ဂလာပါ
Man Property

23/08/2022

ကရဝိက်
********

🟡 ကရဝိက် (သို့) ကရဝိက် ဖောင်သည် ကန်တော်ကြီး၏ အရှေ့ဘက်ကမ်းနားတွင် တည်ရှိသည်။ ၎င်းဖောင်အား ဗိသုကာပညာရှင် ဦးငွေလှိုင် သည် တော်ဝင်ပြည်ကြီးမွန် ဖောင်အားအခြေခံ၍ ဆောက်လုပ်ခဲ့ခြင်းဖြစ်သည်။ ၁၉၇၂ ခုနှစ်၊ ဇွန်လတွင် စတင် ဆောက်လုပ်ခဲ့ခြင်း ဖြစ်ပြီး ၁၉၇၄ ခုနှစ်၊ အောက်တိုဘာလတွင် ပြီးစီးခဲ့သည်။ ဤဖောင်သည် ကွန်ကရစ် နှစ်ထပ်အမျိုးအစားဖြစ်ပြီး သံချောင်းများဖြင့် ပိုမိုခိုင်ခံ့အောင် ပြုလုပ်ပြီး အမိုးကိုပြာသာဒ် အမိုးဖြင့် တည်ဆောက်ထားသည်။

ရန်ကုန်မြို့ မင်္ဂလာတောင်ညွန့်မြို့နယ် ကန်တော်ကြီးပတ်လမ်းတွင် တည်ရှိသည့် ကရဝိတ်နန်းတော်စားသောက်ဆိုင် သည် ရွှေရောင်တောက်ပသော ကရဝိက်ငှက်နှစ်ကောင် ကန်တော်ကြီးဥယျာဉ်၏ ရေမျက်နှာပြင်ပေါ်တွင် တူယှဉ်တွဲနေ သည့်ပုံစံဖြင့် ခမ်းနားစွာ တည်ရှိပါသည်။ မြန်မာတိုင်းရင်းသားတို့၏ ခမ်းနားထည်ဝါလှသော ရိုးရာဝတ်စားဆင်ယင်ထုံးဖွဲ့ မှုနှင့် ပေါင်းစပ်၍ ရင်သပ်ရှုမောဖွယ် အကအလှများဖြင့် မြန်မာ့ရိုးရာအစားအသောက်များကို တည်ခင်းဧည့်ခံလေ့ရှိသည့် နေရာဖြစ်ပါသည်။

🟡 ဝေါဟာရဗေဒ
မြန်မာစာလုံးပေါင်း သတ်ပုံကျမ်းတွင် ကရဝိက်ဟု ရေးသည်။ ကရဝိက်ဟုသော စကားလုံးသည် ပါဠိဘာသာ "ကရဝိက"မှ ဆင်းသက်လာပြီး သာယာသော အသံရှိသော ဒဏ္ဍာရီလာ ဆန်းကြယ်သော ငှက်ဖြစ်သည်။

🟡 ကရဝိက်အယူအဆ
ကရဝိက် ဆိုတာ ဆက်ရက်ငှက်ပါကွာလို့ ပြောသည့် လူများရှိကြရာ ထိုကဲ့သို့ပြောသူများကို မှားတယ်ဟု ငြင်းရန်ခက်ပေသည်။ အဘယ့်ကြောင့်ဆိုသော် ကရဝိက် အစပြုသော ကိန္နရာ၊ ကိန္နရီ၊ ဂဠုန်၊ ဟင်္သာ၊ ခြင်္သေ့၊ စာမရီ၊ နဂါး၊ နရား တို့မှာ ဆန်းကြယ်သော သတ္တဝါများအဖြစ် ပန်းချီဆရာ လက်စွမ်းရှိသလောက် ခြယ်လှယ်ထားသော အရာများ ဖြစ်သည်။ ကိန္နရာရုပ်ရေးသည့်အခါတွင် ငှက်၏ကိုယ်လုံးပေါ်၌ လူခန္ဓာကိုယ်တစ်ခု ထပ်ဆင့်တင်ပေးထားသော်လည်း ဆန်းကြယ်လှပသော သတ္တဝါတစ်ခုအဖြစ် လူအများ၏အမြင်တွင် မေးခွန်းမရှိပဲ လက်ခံလိုက်ကြခြင်း ဖြစ်သည်။ ပန်းချီဆရာက ဉာဏ်ရှိသလို ခြယ်လှယ်သည် ဆိုရာတွင် ပဒေသရာဇ်ခေတ်တွင်မှ စတင်သည်ဟု ဆိုသင့်သည်။

🟡 ကရဝိက်ငှက်သည် ဟိမဝန္တာ ဥဩ တစ်မျိုး ဖြစ်သည်ဟု ဆိုသည်။ အလွန်သာယာသော အသံများကို ကရဝိက်သံ၊ ကြိုးကြာသံများနှင့် နှိုင်းယှဉ်လေ့ရှိခြင်းကို ထောက်သော် ကရဝိတ် ငှက်သည် အလွန်အသံသာယာသော ငှက်မျိုးဖြစ်ဟန်တူပေသည်။

🟡 ကရဝိက်ဖေါင်ဟုခေါ်သော ရေယာဉ်တွင် ကရဝိက်ငှက်၏ သဏ္ဌာန် တည်ဆောက်လေ့ ရှိကြသော်လည်း၊ နှုတ်သီးရင်အုပ် အတောင်နှစ်ဖက်နှင့် ငှက်တစ်ကောင်အဖြစ်ကိုသာ သာမန် အားဖြင့် သိကြရ၍ အမှတ်အသား အတိအကျ မရှိချေ။ ဤ ငှက်၏ဥ၊ အသိုက်နှင့် အလေ့အထများကိုလည်း တိကျစွာ ဖော်ပြထားခြင်း မရှိပါ။
#ကရဝိက််
Man Propert

22/08/2022

ပတ္တမြား - (အရည်အသွေးများ)
****************************

🔴 ပတ္တမြားသည် တွင်းထွက်ကျောက် တစ်မျိုးဖြစ်သည်။ ပတ္တမြား၏ အရောင်သည် အများအားဖြင့် အနီရောင်ဖြစ်သည်။ တွင်းထွက်ကျောက်ထဲတွင် အရည်အသွေးကောင်းပါက တန်ဖိုးကြီးလေသည်။ မြန်မာနိုင်ငံတွင် မိုးကုတ်ဒေသမှ အများဆုံး ထွက်ရှိသည်။ ထို့ကြောင့် မိုးကုတ်ဒေသကို ပတ္တမြားမြေဟုလည်း တင်စားခေါ်ဝေါ်ကြသည်။ ပြဒါးဓာတ်များ ကိန်းအောင်းရာမှ ဖြစ်လာသည်ဟု ရှေးအယူရှိသောကြောင့် ပြဒါးများဟု ခေါ်ရာမှနေပြီး နောင်တွင် ပတ္တမြားဟု အမည်တွင်လာသည်ဟု ပြောဆိုကြသည်။

🔴 ဓာတုဗေဒဖွဲ့စည်းမှု

ဓာတုဗေဒအရ ပတ္တမြားနှင့် နီလာသည် အလူမီနီယံအက်တမ် ၃ခုနှင့် အောက်စီဂျင်အက်တမ်၂ခုတို့ဖြင့် ဖွဲ့စည်းထားသည့် ကိုရမ်ဒမ် (Al2O3) ဒြပ်ပေါင်းသာဖြစ်သည်။ ထိုဒြပ်ပေါင်းအတွင်းသို့ ခရိုမီယံ ဒြပ်စင်အနည်းငယ်ပါဝင်သောကြောင့် အနီရောင်အဖြစ် အရောင်ရှိနေရခြင်း ဖြစ်သည်။ ပုံဆောင်စနစ်မှာ တြိဂုဏ်စနစ်ဖြစ်ပြီး ရောင်လက်အားဖြင့် ဖန်ရောင်လက်ဖြစ်သည်။ မာဆင့်မှာ ၉ ရှိပြီး သဘာဝတွင်းထွက်များအနက် စိန်ပြီးလျှင် အမာဆုံးတွင်းထွက်ဖြစ်သည်။

🔴 ပတ္တမြား အရည်အသွေးများ

1. လည်သီးရည် ကြက်ဖလည်ပင်းမှထွက်သော သွေးအရောင်၊ အနီရောင်အပြည့်ရှိသည့် ပတ္တမြားကျောက်ကို ခေါ်ခြင်းဖြစ်သည်။
2. ငရှဉ်သွေးရည် ငရှဉ်သွေးကဲ့သို့ အနီရောင်ရှိသည့် ပတ္တမြားကျောက်ကို ခေါ်ခြင်းဖြစ်သည်။
3. ခိုသွေးရည် ပတ္တမြားကျောက် အနီရောင်တွင် အပြာရည်စွက်သော အရောင်ကို ခေါ်ခြင်းဖြစ်သည်။
4. ယုန်သွေးရည် ပတ္တမြားကျောက် အနီရောင်တွင် အဝါရည်စွက်သောအရောင်ကို ခေါ်ခြင်းဖြစ်သည်။
5. သပြေသီးရည် ပတ္တမြားကျောက် အနီတွင် အပြာ၊ အညို ရောယှက်နေသည့် သပြေသီးမှည့် အရောင်ကို ခေါ်ခြင်းဖြစ်သည်။
6. ဘုံဘိုင်ညွန့်ရည် နှင်းဆီပန်းအရောင်ရင့်၏ စိုပြေသော နီနီရဲရဲ အရောင်မျိုးကို ခေါ်ခြင်းဖြစ်သည်။
7. ဘုံဘိုင်ရည် လူငယ်၏အသွေးအရောင်ကဲ့သို့ အနီရောင်သက်သက်မျိုးကို ခေါ်ခြင်းဖြစ်သည်။
8. ကျောက်တိမ်းရည် အနီတွင် အပြာရည်လွန်သော အရောင်မျိုးကို ခေါ်ခြင်းဖြစ်သည်။
9. အရည်ကျ အနီရောင် ဖျော့သောအရောင်မျိုးကို ခေါ်ခြင်းဖြစ်သည်။
10. ပန်းရည် နှင်းဆီပန်းရောင်ကဲ့သို့ အရောင်မျိုးကို ခေါ်ခြင်းဖြစ်သည်။
11. ကြက်သည်းရောင်အရည် ညိုပုပ်ပုပ်နှင့် မည်းသယောင်ယောင်နီသော အနီပုပ်ရောင်မျိုးကို ခေါ်ခြင်းဖြစ်သည်။
12. ကြက်သွန်ဥခွံအရည် အနီရောင်ဖျော့လျှက် ဖြူသယောင် အရောင်မျိုးကို ခေါ်ခြင်းဖြစ်သည်။
13. ထုံးခြောက်ရည် နီသော်လည်း ဖြူပြီး ခြောက်တောက်တောက် ဖြစ်နေသော အရောင်မျိုးကို ခေါ်ခြင်းဖြစ်သည်။
14. ကတ္တီပါရည် ကတ္တီပါအပြာစ ကဲ့သို့ အပြာရောင်ရှိသော နီလာကျောက်ကို ခေါ်ခြင်းဖြစ်သည်။ (နီလာတွင်သာ ခေါ်ခြင်းဖြစ်သည်။)

🔴 ပတ္တမြား ဂေါ်ကြိုး(Star Ruby )

ပတ္တမြား၏ ထူးခြားမှုတစ်ခုမှာ ကြိုးခေါ် ဂေါ်ကြိုးများတွေ့ရှိရတတ်ခြင်းပင်ဖြစ်သည်။ ထိုကဲ့သို့ကြိုးများပေါ်ရခြင်းမှာ ပတ္တမြားနှင့်နီလာတို့၏အတွင်းတွင်ရှိသည့် ပိုးကြိုးကဲ့သို့သော ရူတိုင်းအောင်းဝင်များကြောင့်ဖြစ်သည်။

🔴 ပတ္တမြားအတု

တန်ဖိုးကြီးလူကြိုက်များသောကြောင့် ပတ္တမြားကို အတုဖန်တီးကာ လိမ်လည်ရောင်းချခြင်းမှာလည်း ပေါ်ပေါက်လာရသည်။ ပတ္တမြားအတုပုံစံနှစ်မျိုးရှိသည်။ ပထမတစ်မျိုးမှာ:ပတ္တမြားနှင့်ဆင်တူသော အခြားတွင်းထွက်ကျောက်မျက် (ဥပမာ- ပတ္တမြားနီးပါးလှပသည့် အညံ့ပန်း)ဖြစ်ပြီး၊ ထိုကဲ့သို့သော ကျောက်မျက်များကို ဆင်တူရိုးမှားဟုသတ်မှတ်ပြီး ကျောက်မျက် ရတနာတို့၏ ရုပ်ပိုင်းဆိုင်ရာ ဂုဏ်သတ္တိများဖြင့် ခွဲခြားနိုင်ပေသည်။

ဒုတိယတစ်မျိုးမှာ : လူတို့၏အားထုတ်မှုဖြင့် ပတ္တမြား၏ ဓာတုဒြပ်ပေါင်းဖြစ်သည့် ကိုရိုဒမ်ဒြပ်ပေါင်းအား ကျိုချက်ကာ တစ်စက်ခြင်းပုံလောင်းအအေးခံခြင်းအားဖြင့် ရရှိလာသည့် ချက်ကျောက်အမျိုးအစားဖြစ်ပေသည်။ ၎င်းကို ဈေးကွက်အတွင်းတွင် ချက်ကျောက် ဟုသတ်မှတ်ခေါ်ဝေါ်ကြသည်။ အဆိုပါ ချက်ကျောက်များအား ဆယ်ဆချဲ့မှန်ဘီလူးဖြင့်သော်လည်းကောင်း ဓာတ်ခွဲခန်းသုံး အဏုကြည့်မှန်ဘီလူးဖြင့်သော်လည်းကောင်း ကောင်းစွာစစ်ဆေးကြည့်လျှင် အအေးခံအစက်ချသည့် အလွှာအလိုက် လိုင်းကြောင်း(မျဉ်းကွေး)များအထပ်ထပ်တွေ့ရှိခြင်းဖြင့် ချက်ကျောက်(အတု) ဖြစ်ကြောင်းကို သိရှိနိုင်သည်။


Man Property