The Nation Voice

Home
Myanmar
Yangon
The Nation Voice

သတင်းများနှင့် သတင်းဆောင်းပါးများ

09/12/2024

ညနေခင်းသတင်း
==============

ဒီဇင်ဘာ ၉၊ The Nation Voice

⭕ အာဏာသိမ်းစစ်တပ်ရဲ့လက်နက်ကြီးပစ်ခတ်မှုကြောင့် ဂန့်ဂေါမှာ ပြည်သူတစ်ဦးသေဆုံး

⭕ အာဏာသိမ်းစစ်တပ်ရဲ့ စစ်ကြောင်းကြောင့် ကန့်ဘလူမြို့နယ်မှာ စပါးရိတ်ဖို့အခက်ခဲဖြစ်

⭕ ချောင်းဦးမြို့ပေါ်မှာ ပြည်သူငါးဆယ်ကျော်ဖမ်းဆီးခံရ

⭕ မတ္တရာမှာ တော်လှန်ရေးတပ်ဖွဲ့တွေ ခဏလက်လွှတ်ခဲ့ရတဲ့ ကျေးရွာတွေကို ပြန်လည်သိမ်းပိုက်

09/12/2024

စပ်မိစပ်ရာ ဗန်းစကား၊ လူမှုအသိုက်အဝန်းများ

ဒီဇင်ဘာ ၉၊ The Nation Voice

The Nation Voice မှစီစဉ်တင်ဆက်သည်။

09/12/2024

"မိုင်းနဲ့ အန္တရာယ်ရှိတဲ့ စစ်ကျန်လက်နက်ပစ္စည်းတွေကို ဘယ်လိုနေရာတွေမှာ တွေ့ရတတ်လဲ"

ဒီဇင်ဘာ ၉၊ The Nation Voice

09/12/2024

အာဏာသိမ်းစစ်တပ်ရဲ့လက်နက်ကြီးပစ်ခတ်မှုကြောင့် ဂန့်ဂေါမှာ ပြည်သူတစ်ဦးသေဆုံး

ဒီဇင်ဘာ ၉၊ The Nation Voice
သတင်း- 668

မကွေးတိုင်း၊ ဂန့်ဂေါမြို့နယ်မှာ အာဏာသိမ်းစစ်တပ်ရဲ့ လက်နက်ကြီး ပစ်ခတ်မှုကြောင့် ပြည်သူတစ်ဦးသေဆုံးခဲ့တယ်လို့ ဒေသခံတွေက The Nation Voice ကို ပြောပါတယ်။

ဒီဇင်ဘာ ၉ရက် ဒီနေ့မနက် ၁၀နာရီခွဲဝန်းကျင်လောက်က ဂန့်ဂေါမြို့ပြည့်ဝအမြှောက်တပ်က လက်နက်ကြီးနှစ်ချက်ပစ်ခတ်လိုက်တာလို့သိရပါတယ်။

အဲဒီပစ်ခတ်မှုကြောင့် ဂန့်ဂေါမြို့တောင်ဘက် ၁၆မိုင်ခန့်မှာရှိတဲ့ မင်းရွာကျေးရွာထဲကို တစ်လုံးနဲ့ မင်းရွာမြောက်နားက တောထဲကိုတစ်လုံးကျရောက်ခဲ့တယ်လို့ဆိုပါတယ်။

တောထဲကို လက်နက်ကြီးကျရောက်ခဲ့တာကြောင့် တောင်ယာလုပ်နေတဲ့ ပြည်သူတစ်ဦးသေတယ်လို့ ကနဦးသိရပြီး အသေးစိတ်ကို ဆက်လက်စုံစမ်းနေတယ်လို့ ဒေသခံတစ်ဦးက The Nation Voice ကိုပြောပါတယ်။

09/12/2024

ချောင်းဦးမြို့ပေါ်မှာ ပြည်သူငါးဆယ်ကျော်ဖမ်းဆီးခံရ

ဒီဇင်ဘာ ၉၊ The Nation Voice
သတင်း - TNV စစ်ကိုင်းရုံးခွဲ

စစ်ကိုင်းတိုင်း၊ ချောင်းဦးမြို့ပေါ်မှာ ပြည်သူငါးဆယ်ကျော်ဖမ်းဆီးခံခဲ့ရတယ်လို့ ဒေသခံတွေက The Nation Voice ကို ပြောပါတယ်။

မနေ့က ဒီဇင်ဘာ ၈ရက်က ချောင်းဦးမြို့ပေါ် စထာပါနာ ငွေစုငွေကြေးရုံးရှေ့မှာ ပြည်သူအယောက်ငါးဆယ်ကျော်ဖမ်းခံရပြီး မုံရွာ-မန္တလေးအမြန်လမ်းပေါ်မှာလည်း Express ကားပေါ်တွေအထိ ဆွဲခေါ်ဖမ်းဆီးနေတာလို့သိရပါတယ်။

“ချောင်းဦးမြို့ပေါ်မှာ မနေ့ညကအထိ ပြည်သူပေါ့လေ။ လူငယ်ပိုင်းနဲ့ လူလတ်ပိုင်းယောင်္ကျားလေးရော မိန်းကလေးရော ငါးဆယ်ကျော်ပေါ့လေ။ ဒီနေ့မနက်လည်း ဆက်ဆွဲနေတယ်လို့သတင်းရတယ်။ နောက်ပြီးကျတော့ မုံရွာ- မန္တလေးလမ်းပိုင်းမှာဆိုရင် မနေ့ကတုန်းကပေါ်တာဆွဲတာတွေလည်းရှိတယ်” လို့ ဒေသခံအမျိုးသားတစ်ဦးက The Nation Voice ကို ပြောပါတယ်။

အခုလိုဖမ်းဆီးတာဟာ အာဏာသိမ်းစစ်တပ်က စစ်ကြောင်းထိုးဖို့ ဓားစာခံအဖြစ် ဖမ်းဆီးတာဖြစ်နိုင်သလို၊ စစ်မှုထမ်းဖို့ပေါ်တာဆွဲတာလည်း ဖြစ်နိုင်တယ်လို့ ချောင်းဦးမြို့နယ် ပြည်သူ့ကာကွယ်ရေးအဖွဲ့ရဲ့ သတင်းတာဝန်ခံအမျိုးသားတစ်ဦးက The Nation Voice ကို ပြောပါတယ်။

“ ဖမ်းတယ် ဘာအကြောင်းကြောင့် ဖမ်းလဲဆို‌တော့ စစ်ကြောင်းလည်းဖြစ်နိုင်ချေရှိသလို စစ်မှုထမ်းခေါ်တာလည်းဖြစ်နိုင်ချေရှိတယ်။ နှစ်ခုလုံးဖြစ်နိုင်ချေရှိတယ်။ စစ်ကြောင်းကလည်းနီးနေပြီ။ ဒီကောင်တွေကလည်း စစ်ကြောင်းရှိရင်တော့ ဓားစာခံခေါ်တာများတယ်။ စစ်ကြောင်းရှိရင် ကျွန်တော်တို့ဂွင်ထဲကို ဓားစာခံမပါရင်မလာရဲတဲ့အနေအထား၊ ကျွန်တော်တို့ ကင်းထောက်တစ်ယောက်သိထားတာကတော့ သူ့ရှေ့မှာတင်မျက်မြင်က နှစ်ဆယ်ကျော်လောက်ပါတယ်။ အဓိကတော့ ခရီးသွားတွေလည်း ပါတယ်ကြားတယ်။ Express တွေပေါ်က ဆွဲချတာ” လို့ အဲဒီအမျိုးသားက ဆက်ပြောပါတယ်။

အာဏာသိမ်းစစ်တပ်က ပေါ်တာဆွဲဖမ်းဆီးနေတာကြောင့် ဒီနေ့မှာ ကာကွယ်ရေးတပ်ဖွဲ့တွေက မုံရွာ-မန္တလေးလမ်းပိုင်းကို ပြည်သူတွေအသုံးမပြုကြဖို့၊ မသွားလာကြဖို့ ကာကွယ်ရေးတပ်ဖွဲ့တွေက သတိပေးတာတွေလည်း ရှိတယ်လို့ဒေသခံတွေဆီကသိရပါတယ်။

09/12/2024

ကလေးမြို့ပေါ်မှာ တရုတ်အစိုးရ ဆန့်ကျင် ကန့်ကွက် လှုပ်ရှားမှု ပြုလုပ်( ဓာတ်ပုံသတင်း)

ဒီဇင်ဘာ ၉၊ The Nation Voice
သတင်း- TNV စစ်ကိုင်းရုံးခွဲ

ဒီဇင်ဘာ ၉ရက်ဒီနေ့မနက်မှာ ကလေးမြို့ ပေါ် တစ်နေရာမှာ ကလေးမြို့ တော်လှန် ပြည်သူတွေက တရုတ်အစိုးရ ဆန့်ကျင် ကန့်ကွက် လှုပ်ရှားမှု ပြုလုပ်ခဲ့ကြတယ်လို့ ပါဝင်သူတွေက The Nation Voice ကိုပြောပါတယ်။

09/12/2024

မတ္တရာမှာ တော်လှန်ရေးတပ်ဖွဲ့တွေ ခဏလက်လွှတ်ခဲ့ရတဲ့ ကျေးရွာတွေကို ပြန်လည်သိမ်းပိုက်

ဒီဇင်ဘာ ၉၊ The Nation Voice
သတင်း - 668

မန္တလေးတိုင်း၊ မတ္တရာမြို့နယ်မှာ တော်လှန်ရေးအဖွဲ့တွေ ခဏလက်လွှတ်ခဲ့ရတဲ့ ကျေးရွာတွေကို ပြန်လည်သိမ်းပိုက်ရရှိတယ်လို့ ပြည်သူ့ကာကွယ်ရေးတပ်မတော်-မန္တလေးက ဒီဇင်ဘာ ၉ရက်မနက်ပိုင်းမှာ ထုတ်ပြန်ထားပါတယ်။

တော်လှန်ရေးတပ်ဖွဲ့တွေ ခဏလက်လွှတ်ခဲ့ရတဲ့ မတ္တရာမြို့နယ်အနောက်ဖက်ခြမ်းမှာရှိတဲ့ကျေးရွာသုံးရွာကို ဒီဇင်ဘာ ၆ရက်နေ့မှာ ပြည်သူ့ကာကွယ်ရေးတပ်မတော် (မန္တလေး) က ပြန်လည်ထိုးစစ်ဆင်တိုက်ခိုက်ခဲ့တယ်လို့သိရပါတယ်။

အခုအခါ မတ္တရာမြို့နယ်အနောက်ဖက်ခြမ်းမှာရှိတဲ့ ရွာသစ်ရွာ၊ ဝန်စုရွာနဲ့ ထိန်ပင်စောက်ကျေးရွာတွေကို အပြီးသတ်ပြန်လည်သိမ်းပိုက်ရရှိပြီးဖြစ်တယ်လို့ ဒီနေ့မှာ ထုတ်ပြန်ထားပါတယ်။

ထိုးစစ်ဆင်တိုက်ခိုက်ခဲ့တဲ့ တိုက်ပွဲတွေအတွင်း အာဏာသိမ်းစစ်တပ်ရဲ့လက်နက်ခဲယမ်းတချို့ကို ရရှိထားတယ်လို့ ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်ချက်အရသိရပါတယ်။

09/12/2024

အာဏာသိမ်းစစ်တပ်ရဲ့ စစ်ကြောင်းကြောင့် ကန့်ဘလူမြို့နယ်မှာ စပါးရိတ်ဖို့အခက်ခဲဖြစ်

ဒီဇင်ဘာ ၉၊ The Nation Voice
သတင်း - TNV စစ်ကိုင်းရုံးခွဲ

စစ်ကိုင်းတိုင်း၊ ကန့်ဘလူမြို့နယ်မှာ အာဏာသိမ်းစစ်တပ်ရဲ့ စစ်ကြောင်းကြောင့် စပါးရိတ်ဖို့အခက်ခဲဖြစ်နေတယ်လို့ဒေသခံတွေက The Nation Voice ကိုပြောပါတယ်။

ဒီဇင်ဘာ ၉ရက် ဒီနေ့မနက် ၆နာရီခွဲဝန်းကျင်လောက်မှာ ကန့်ဘလူမြို့နယ်၊ ဇီးကုန်မြို့က ကားနှစ်စီးနဲ့ အာဏာသိမ်းစစ်တပ်အဖွဲ့ဝင် ခြေလျင်အင်အား တစ်ရာဝန်းကျင်လောက်က ကာဘိုးဘက်ကနေ ကာဘိုးဇီးကုန်းလမ်းပိုင်းမှာ တော်လှန်ရေးအဖွဲ့တွေရှိနိုင်တယ်ထင်တဲ့ နေရာတွေကို ဒရုန်းနဲ့ဗုံးကြဲတာတွေလုပ်နေတာလို့သိရပါတယ်။

အာဏာသိမ်းစစ်တပ်က အခုလိုစစ်ကြောင်းထိုးပြီး ဒရုန်းနဲ့ ဗုံးချနေတာကြောင့် ဒေသခံတွေစပါးမရိတ်သိမ်းနိုင်ဖြစ်နေတယ်လို့ဆိုပါတယ်။

“ အဲဒီလိုစစ်ကြောင်းက လှုပ်ရှားနေတဲ့အခါကျတော့ လက်ရှိစပါးရိတ်သိမ်းနေကြတဲ့ ကျွန်တော်တို့ဒေသခံ အထူးသဖြင့် ဇီးကုန်းမြို့ လက်ဆည်ရပ်ကွက်တောင်သူတွေ၊ ဟိုတလောက မီးရှို့ခံရတဲ့ ဝက်တိုးကျေးရွာ၊ မတရားလူတွေဖမ်းဆီးခံရတဲ့ ဘူးကြီးကျေးရွာ စတဲ့တောင်သူတွေဟာ စပါးရိတ်သိမ်းဖို့တောင်မှ အခက်အခဲတွေဖြစ်နေကြပါပြီ။ အခုဆိုရင်လည်း ရိတ်သိမ်းဆဲစပါးတွေ ဒီနေ့မနက်စောစော ဗုံးသံတွေ၊ စစ်ကြောင်းထိုးတယ်ဆိုတဲ့ အသံတွေကြားတာနဲ့ တောင်သူတွေဟာ ရိတ်သိမ်းဖို့တွေကို လုံးဝမဆောင်ရွက်နိုင်တော့ပါဘူး။ ဒီလိုသာ စစ်ကြောင်းက ကာဘိုး - ဇီးကုန်းလမ်းကြောင်းမှာထိုင်ပြီး ဒီလိုသာ လုပ်နေမယ်ဆိုရင် ကျွန်တော်တို့ တစ်နှစ်စာစိုက်ပျိုးထားကြတဲ့ စပါးသီးနှံတွေဟာ ရိတ်သိမ်းဖို့တောင်မှ အခက်ခဲရှိနိုင်ပါတယ်” လို့ ဒေသခံအမျိုးသားတစ်ဦးက The Nation Voice ကိုပြောပါတယ်။

ကန့်ဘလူမြို့နယ်၊ ဝက်တိုးရွာ၊ ဘူးကြီးရွာနဲ့ ဇီးကုန်းမြို့က လက်ဆည်ရပ် စတဲ့နေရာတွေ လယ်မြေဧကပေါင်း ၁,၂၀၀ ကနေ ၁,၅၀၀ကြားရှိပြီး စပါးတင်းပေါင်း ငါးသောင်းကနေ ခုနှစ်သောင်းဝန်းကျင်အထိ ရိတ်သိမ်းရမယ့်စပါးတွေရှိနေတာကြောင့် အာဏာသိမ်းစစ်တပ်က အခုလိုဆက်လုပ်နေမယ်ဆိုရင် ဒေသခံတောင်သူတွေ ဆုံးရှုံးနစ်နာမယ့်အခြေအနေနဲ့ ကြုံတွေ့နေရတယ်လို့သိရပါတယ်။

“ဒါတွေသာမရိတ်သိမ်းရဘူးဆိုရင်ဒေသခံတောင်သူတွေအနေနဲ့ သိန်းပေါင်း သိန်းချီပြီး သိန်းပေါင်း တစ်သိန်းခွဲကျော် နှစ်သိန်းပတ်ဝန်းကျင်ထိအောင် ဆုံးရှုံးနစ်နာမယ့်အခြေအနေမှာ ကြုံတွေ့ခံစားနေကြရပါတယ်။ ဒီတွေသာမသိမ်းရဘူးဆိုရင် ဒေသခံတောင်သူတွေအနေနဲ့ စားဝတ်နေရေးကအစ ရပ်တည်နိုင်ဖို့တောင်မှ ခက်ခဲမယ့်အခြေအနေမျိူးတွေကို ရင်ဆိုင်ရမယ့်အခြေအနေကို ကြုံတွေ့နေရပါတယ်” လို့ အဆိုပါဒေသခံအမျိုးသားကဆက်ပြောပါတယ်။

အာဏာသိမ်းစစ်တပ်ဟာ ပြီးခဲ့တဲ့ နိုဝင်ဘာ ၂၃ရက်က ဇီးကုန်းမြို့ လက်ဆည်ရပ်ကွက်က ပြည်သူတွေနဲ့ ရဟန်းသံဃာတွေကို ရပ်ကွက်ထဲကမောင်းထုတ်ပြီး လူတွေ့ရင်သေနတ်နဲ့ ပစ်မယ်လို့ခြိမ်းခြောက်တာကြောင့် ရပ်ကွက်ကထွက်ပေးလိုက်ရတဲ့ ဖြစ်စဉ်လည်းရှိခဲ့ပါတယ်။
အာဏာသိမ်းစစ်တပ်ရဲ့ မီးရှို့ဖျက်ဆီးမှုကြောင့် ပြီးခဲ့တဲ့ နိုဝင်ဘာလ ၁ရက်က ဝက်တိုး(တောင်)ရွာက နေအိမ် ၈၃လုံး၊ နိုဝင်ဘာ ၉ရက် မနက်က သပြေသာရွာက နေအိမ် ၆၇လုံး၊ ကျောင်းကုန်းရွာက နေအိမ် ၄၃လုံးနဲ့ ဖိုကုန်းရွာက နေအိမ်၂၃လုံး မီးလောင်ပျက်စီးခဲ့ပါတယ်။

09/12/2024

"မိုင်းအန္တရာယ်သတိပေးအမှတ်အသားနဲ့ သဲလွန်စတွေက ဘာတွေလဲ"

ဒီဇင်ဘာ ၉၊ The Nation Voice

08/12/2024

"မိုင်းနဲ့အန္တရာယ်ရှိတဲ့ စစ်ကျန်လက်နက်ပစ္စည်းတွေကို ဘယ်လိုနေရာတွေမှာ တွေ့ရတတ်လဲ"

ဒီဇင်ဘာ ၈၊ The Nation Voice

08/12/2024

တောင်ပိုင်းစစ်ဒေသမှာ တစ်ပတ်အတွင်း တိုက်ပွဲ ၄၂ကြိမ်ဖြစ်ပွားခဲ့ပြီး အာဏာသိမ်းစစ်တပ်အဖွဲ့ဝင် ၆၁ဦးသေဆုံးခဲ့

ဒီဇင်ဘာ ၈၊ The Nation Voice
သတင်း- 668

တောင်ပိုင်းစစ်ဒေသမှာ တစ်ပတ်အတွင်း တိုက်ပွဲ ၄၂ကြိမ်ဖြစ်ပွားခဲ့ပြီး အာဏာသိမ်းစစ်တပ်အဖွဲ့ဝင် ၆၁ဦးသေဆုံးခဲ့ကာ ပြည်သူ့ကာကွယ်ရေးအဖွဲ့ဝင် နှစ်ဦးသေဆုံးခဲ့တယ်လို့ တောင်ပိုင်းစစ်ဒေသက ဒီဇင်ဘာ ၈ရက် ဒီနေ့မနက်ပိုင်းမှာထုတ်ပြန်ထားပါတယ်။

နိုဝင်ဘာ ၃၀ရက်ကနေ ဒီဇင်ဘာ ၆ရက်အထိ တစ်ပတ်အတွင်း တောင်ပိုင်းစစ်ဒေသ၊ ပြည်သူ့ကာကွယ်ရေးတပ်မတော်(PDF)နဲ့ ပူးပေါင်းအဖွဲ့က အာဏာသိမ်းစစ်တပ် တပ်စခန်းနဲ့ စစ်ကြောင်းတွေကို သွားရောက်တိုက်ခိုက်ခဲ့မှု ၄၂ကြိမ်ရှိခဲ့တယ်လို့ သိရပါတယ်။

ဒီဇင်ဘာ ၃ရက်နဲ့ ဒီဇင်ဘာ ၄ရက်နေ့တို့မှာ ဖာပွန်- ကမမောင်းလမ်းပေါ်မှာရှိတဲ့ ဗျူဟာအရအရေးပါပြီး လမ်းပန်းဆက်သွယ်ရေးကိုထိန်းချုပ်ထားတဲ့စခန်းတွေဖြစ်တဲ့ တောင်သုံးလုံးနဲ့ ဆင်စွယ်စခန်းတို့ကို ပြည်သူ့ကာကွယ်ရေးတပ်ဖွဲ့၊ KNLAနဲ့ မဟာမိတ်တပ်တွေပူးပေါင်းတိုက်ခိုက်သိမ်းပိုက်ခဲ့တယ်လို့ဆိုပါတယ်။

စခန်းသိမ်းရာမှာ လက်နက်၊ ခဲယမ်း သိမ်းဆည်းရမိမှုတွေရှိပြီး ထွက်ပြေးလွတ်မြောက်သွားသူတွေလည်းရှိကာ လက်ရှိအချိန်ထိ နယ်မြေရှင်းလင်းရေး ဆက်လက်လုပ်ဆောင်နေဆဲဖြစ်တယ်လို့ထုတ်ပြန်ချက်အရသိရပါတယ်။

08/12/2024

ဗန်းမော်မှာစစ်ပွဲစလာလို့ ဗန်းမော်ကိုပြေးလာတဲ့စစ်ရှောင်တွေ နောက်တစ်နေရာကို ထပ်မံစစ်ရှောင်ရ

ဒီဇင်ဘာ ၈၊ The Nation Voice
သတင်း - 231

မိုးမောက်နဲ့ မံစီမြို့တွေက တိုက်ပွဲတွေကြောင့် ဗန်းမော်မြို့ကို ထွက်ပြေးလာကြတဲ့ ဒေသခံတွေဟာ အခုတခါ ဗန်းမော်မြို့မှာပါတိုက်ပွဲဖြစ်လာတာကြောင့် ဗန်းမော်ဒေသခံတွေနဲ့အတူ ဒုတိယအကြိမ် ထပ်ပြီး စစ်ဘေးရှောင်ကြရပြန်တယ်လို့ မံစီဒေသခံတွေဆီက သိရပါတယ်။

ကချင်ပြည်နယ်၊ ဗန်းမော်မြို့မှာ ဒီဇင်ဘာ ၅ ရက်ကစပြီး KIA နဲ့ပူးပေါင်းအဖွဲ့တွေက ဖန်းခါးကုန်း၊ ညောင်ပင်သာ နဲ့ ဗန်းမော်တက္ကသိုလ်နေရာတွေက တပ်မတော် ကာကင်းစခန်းတွေကို အချိန်တိုအတွင်း တိုက်ခိုက်သိမ်းပိုက်ခဲ့ပြီး အာဏာသိမ်းစစ်တပ်နဲ့ အပြန်အလှန်တိုက်ပွဲတွေ ပြင်းထန်လာတာကြောင့် ဗန်းမော်ဒေသခံ ထောင်နဲ့ချီ တိုက်ပွဲနဲ့လွတ်ရာတွေဆီ ထွက်ပြေးတိမ်းရှောင်နေကြရတာလို့ မြို့ခံတွေက ပြောပါတယ်။

ဗန်းမော်မြို့မှာ ဒီဇင်ဘာ ၆ ရက်အထိ ဖုန်းလိုင်းတွေရရှိခဲ့ပြီး မနေ့က ဒီဇင်ဘာ ၇ရက်မှာတော့ ဖုန်းအဆက်အသွယ်တွေ မရတော့ဘူးလို့လည်း မြို့ပြင်ရောက်နေသူတွေဆီက သိရပါတယ်။

တိုက်ပွဲတွေအတွင်း ပိတ်မိနေတဲ့ ပြည်သူတွေရှိနေပြီး လက်နက်ကြီးကျရောက်တာတွေကြောင့် ‌အရပ်သားသေဆုံးမှုတွေလည်း တစ်ရက်ထက်တစ်ရက် ပိုတိုးလာတယ်လို့ ဒေသခံတွေဆီက သိရပါတယ်။

" တို့ဘက်မှာ တိုက်ပွဲဖြစ်လို့ ဗန်းမော်က အမျိုးတွေဆီ မိသားစုလိုက် ပြေးလာကြတာ တစ်နှစ်တောင်မပြည့်သေးဘူး။ ရှာဖွေစားသောက်ရတာ အဆင်ပြေမယ်ရှိသေး ထပ်ပြီး စစ်ရှောင်ရပြန်ပြီ။ လက်ထဲလည်း ရှိစုမဲ့စုလေးတွေနဲ့ ထပ်ပြေးရတာပေါ့။ ဘယ်ကိုပြေးရမှန်းလည်း မသိဘူး။ တချို့က ရေလမ်းဘက်သွားကြတယ်။ မြို့ထဲမှာ ကျန်းမာရေးမကောင်းတဲ့သူတွေ ကျန်ခဲ့ရှာတယ်"လို့ ဘုန်းကြီးကျောင်းမှာ စစ်ဘေးရှောင်နေတဲ့ မံစီမြို့ခံတစ်ဦးက The Nation Voice ကို ပြောပါတယ်။

ပြီးခဲ့တဲ့ ဖေဖော်ဝါရီလက KIAနဲ့ ပူးပေါင်းတပ်ဖွဲ့တွေဟာ အောက်ချောင်းဒေသအပြင် မိုးမောက် နဲ့ မံစီမြို့တို့ကိုပါ တိုက်ခိုက်သိမ်းပိုက်လာတဲ့အတွက် ဗန်းမော်မြို့ကို တိုက်ပွဲရှောင်ရောက်ရှိမှီခိုနေကြရတဲ့မိုးမောက်၊ မံစီနဲ့ အောက်ချောင်းဒေသခံတွေဟာ အခုတစ်ခါ ဗန်းမော်မှာပါ တိုက်ပွဲဆက်ဖြစ်လာတာကြောင့် ဗန်းမော်မြို့ခံတွေနဲ့အတူ ထပ်မံထွက်ပြေးတိမ်းရှောင်ကြရတာ ဖြစ်တယ်လို့ စုံစမ်းသိရပါတယ်။

" လူတွေအရမ်းများတော့ ရေလမ်းက မော်တော် မလောက်ဘူး ဖြစ်နေတယ်။ အချိန်အကြာကြီး စောင့်နေရတာ အဆင်မပြေပြန်ဘူး၊ ကလေးတွေကလည်း ဗိုက်ဆာလို့ အော်နေကြတယ်။ မန္တလေးက အမျိုးတွေကို အကူညီလှမ်းတောင်းထားတယ် ။ ဘယ်လမ်းကပဲ ဖြစ်ဖြစ် အမြန်ဆုံး ထွက်မှ ဖြစ်မယ်" လို့ ဗန်းမော်မြို့ခံ စစ်ဘေးရှောင် ကလေးသုံးယောက် မိခင်တစ်ဦးက ဆိုပါတယ်။

တိုက်ပွဲစတင်တဲ့ ဒီဇင်ဘာ ၄ရက် နဲ့ ၅ရက်တုန်း က ဧရာဝတီမြစ်ကိုဖြတ်ပြီး စစ်ရှောင်ကြသူတွေကတော့ လွတ်မြောက်သွားကြပြီး ဒီဇင်ဘာ ၆ရက် ၇ရက် ထွက်လာသူတွေကတော့ ရေလမ်းခရီးမှာ အခက်အခဲဖြစ်နေကြတာလို့ စုံစမ်း သိရပါတယ်။

08/12/2024

မင်းအောင်လှိုင်လာမယ်ဆိုတဲ့သတင်းကြောင့် ရေနံချောင်းက ဝန်ထမ်းတွေကို ခွင့်ရက်မပေး

ဒီဇင်ဘာ ၈၊ The Nation Voice
သတင်း - 668

မကွေးတိုင်း၊ ရေနံချောင်းမြို့ကို အာဏာသိမ်းစစ်ခေါင်းဆောင် မင်းအောင်လှိုင်လာမယ်ဆိုတဲ့ သတင်းပျံ့နှံ့နေပြီး ဌာနဆိုင်ရာဝန်ထမ်းတွေကို ခွင့်ရက်မပေးတော့ဘူးလို့ အာဏာသိမ်းစစ်တပ်လက်အောက်ခံ ဝန်ထမ်းအချို့က The Nation Voice ကိုပြောပါတယ်။

ဒါ့အပြင် ရေနံချောင်းမြို့က ကားကြီးကွင်းကိုလည်း ရဟတ်ယာဉ်ဆင်းလို့ရနိုင်ဖို့ ပြင်ဆင်နေတယ်လို့ ဒေသခံတစ်ဦးကဆိုပါတယ်။

“ဒီရက်ပိုင်းမှာ ကျောင်းက ဆရာ၊ ဆရာမတွေကို ခွင့်မပေးဘူး၊ လူကြီးလမ်းကြောင်းရှိတယ်၊ အချိန်မရွေးလာနိုင်တယ်ဆိုပြီး ပြောထားတာရှိတယ်” လို့ အမည်မဖော်လိုတဲ့ ပညာရေးဝန်ထမ်း တစ်ဦးက The Nation Voice ကိုပြောပါတယ်။

ရေနံချောင်းမြို့ကို စစ်ခေါင်းဆောင်မင်းအောင်လှိုင်လာမယ်ဆိုတဲ့ သတင်းတွေထွက်ပေါ်နေပေမယ့် ဘယ်အချိန်ရောက်မယ်ဆိုတာနဲ့ ဘာကြောင့်လာမယ်ဆိုတာကိုတော့ မသိရသေးပါဘူး။

08/12/2024

ဗန်းမော်မှာစစ်ပွဲစလာလို့ ဗန်းမော်ကိုပြေးလာတဲ့စစ်ရှောင်တွေ နောက်တစ်နေရာကို ထပ်မံစစ်ရှောင်ရ

ဒီဇင်ဘာ ၈၊ The Nation Voice
သတင်း - 231

08/12/2024

နွေဦးပလက်ဖောင်းမြေပုံများ

(The Nation Voice Journal ၊ အတွဲ ၁၊ စာစဉ် ၁)

တူမီးသိမ်းမောင်

၁။ နွေဦးပလက်ဖောင်းများ

နွေဦးပလက်ဖောင်းတွေဆိုတာ ၂၀၂၁ ဖေဖော်ဝါရီလ ၁ ရက်နေ့နောက်ပိုင်းအာဏသိမ်းမှုအကြောင်းပြုလို့ စတင်ခဲ့တဲ့ နွေဦးတော်လှန်ရေးတိုက်ပွဲတွေအတွင်းမှာ ပေါ်ထွန်းလာတဲ့ ပလက်ဖောင်းတွေဖြစ်ပါတယ်။ ဒီပလက်ဖောင်းတွေဟာ သီးခြားဆီဖြစ်ထွန်းလာတာတွေရှိသလို ပလက်ဖောင်းအသေးတွေ စုပေါင်းပြီး ပလက်ဖောင်းအကြီးတွေဖြစ်သွားတာလည်းရှိပါတယ်။ တချို့ပလက်ဖောင်းတွေဟာ အပြန်အလှန်ရောယှက်ထိစပ်နေတာမျိုးတွေလည်းရှိပါတယ်။ ဒီပလက်ဖောင်းတွေကို မှတ်တမ်းတင်မယ်ဆိုရင် လက်ရှိအခြေအနေကပဲ စပြီးမှတ်တမ်းတင်မှရပါမယ်။ ဘာလို့လဲဆိုတော့ အတိတ်မှာ ပုံစံအမျိုးမျိုးပြောင်းခဲ့ကြသလို အနာဂတ်မှာလည်း ပြောင်းလဲမှုတွေရှိလာဦးမှာဖြစ်လို့ပါ။ လက်ရှိအနေအထားအရ NUCC ပလက်ဖောင်း၊ K2C( K3C) + NUG ++ ပလက်ဖောင်း၊ မြောက်ပိုင်းလက်နက်ကိုင်တပ်ဖွဲ့များပလက်ဖောင်း၊ မြေပြန့် ဖက်ဒရယ်ယူနစ်ပလက်ဖောင်းများနဲ့ ပြည်တွင်းနိုင်ငံရေးအင်အားစုများ ပလက်ဖောင်းဆိုပြီး ခွဲလို့ရပါတယ်။ ဒီနွေဦးပလက်ဖောင်းတခုချင်းစီကို သူတို့သမိုင်းဖြစ်စဉ်တွေအလိုက် မြေပုံညွှန်းစာမျက်နှာပေါ်ကိုတင်ကြည့်ရင် ဘာတွေဖြစ်လာမလဲ။

၂။ မြေပုံပေါ်တင်ကြည့်ခြင်း

ပထမဆုံးထွက်ပေါ်လာတဲ့ပလက်ဖောင်းကတော့ NUCC လို့ခေါ်တဲ့ အမျိုးသားညီညွတ်ရေးအတိုင်ပင်ခံကောင်စီ ပလက်ဖောင်းပါပဲ ၂၀၂၁ မတ်လကစတင်စုစည်းခဲ့တဲ့ ဒီပလက်ဖောင်းဟာ ဖွဲ့စည်းပုံဖျက်သိမ်းရေး အမျိုးသားညီညွတ်ရေးအစိုးရပေါ်ပေါက်ရေးစတဲ့ လုပ်ငန်းစဉ်တွေ ဆောင်ရွက်အပြီးမှာတော့ သီးခြားပလက်ဖောင်းတခုအဖြစ်ရောက်သွားပြီး အခက်အခဲပေါင်းများစွာနဲ့ လည်ပတ်မှုရပ်ဆိုင်းသွားပါတယ်။ NUCC ပလက်ဖောင်းဟာ သမိုင်းတလျှောက် အစုံလင်ဆုံးအင်အားစုတွေ စုစည်းမိတဲ့ပလက်ဖောင်းဖြစ်ခဲ့ပေမဲ့ အဲဒီလို အစုံလင်ဆုံးဖြစ်တာကပဲ အရာရာ ဆုံးဖြတ်ချက်ချဖို့ ခဲယဉ်းသွားပြီး မအောင်မြင်ဖြစ်သွားရပါတယ်။ NUCC ရဲ့ မူဝါဒရေးရာ ထစ်ငေါ့မှုတွေကြောင့် အလုပ်မဖြစ်တော့တဲ့ NUG ဟာ ပလက်ဖောင်းအသစ်ကို ကူးပြောင်းဖို့ကြိုးစားရင်း NUCC ထဲမှာပါတဲ့ EROs တချို့နဲ့ သီးသန့်ပလက်ဖောင်းတခုဖော်ဆောင်ဖို့ကြိုးစားပါတယ်။ အဲဒါကတော့ K2C+NUG ပလက်ဖောင်းပါပဲ။ ဒီပလက်ဖောင်းမှာ အစကတုန်းက NLD နဲ့ CRPH ပါ ပါဝင်ပေမဲ့ ၂၀၂၄ ဘုံသဘောထားထုတ်ပြန်ချက်နောက်မှာတော့မပါဝင်တော့ဘဲ တခြားပြည်တွင်းပြည်ပ တော်လှန်ရေးအင်အားစုတွေတော့ အမည်မဖော်ဘဲ ပူးပေါင်းပါဝင်လာကြတာတွေ ရှိပါတယ်။ အဲဒီပလက်ဖောင်းထဲမှာ KIO/KIA ကလည်း ပါဝင်သလား မပါဝင်သလားယတိပြတ်ပြောမထားပါဘူး။ ဒီပလက်ဖောင်းဟာလည်း နိုင်ငံရေးဘုံသဘောတူညီချက်တရပ်ထုတ်နိုင်တာကလွဲလို့ အားကောင်းလာတာမျိုးမရှိဘဲ ပုံမှန်ပဲရှိနေပါတယ်။ အဲဒီပလက်ဖောင်းတွေနဲ့အပြိုင် စစ်ရေးအရှိန်မြှင့်ပြီး ထင်ရှားလာတဲ့ပလက်ဖောင်းကတော့ 3BHA ဦးဆောင်တဲ့ မြောက်ပိုင်းအင်အားစုများ စစ်ရေးပလက်ဖောင်းပဲဖြစ်ပါတယ်။ တခြားအင်အားစုတွေလည်း စစ်ရေးနဲ့ ထောက်ပို့အရ နောက်ကွယ်က ပါဝင်ကြတဲ့ပလက်ဖောင်းတခုပါ။ ဒီပလက်ဖောင်းဟာ စစ်ရေးအောင်မြင်မှုတွေနဲ့အတူ ပြည်သူလူထုထောက်ခံမှုတွေအားကောင်းလာပေမဲ့ ယခုအချိန်မှာတော့ တရုတ်ရဲ့ မဟာဗျူဟာမြောက်ဟန့်တားမှုကို ရင်ဆိုင်နေရပြီး စိန်ခေါ်မှုတချို့တွေ့နေပါတယ်။ ဒီဖြစ်စဉ်နဲ့အပြိုင်ပဲ ပြည်နယ်နဲ့ လူမျိုးစုအတိုင်ပင်ခံကောင်စီတွေပူးပေါင်းထားတဲ့ Bottom up approach ကို အပြည့်အဝကျင့်သုံးမယ်ဆိုတဲ့ ကြေညာချက်နဲ့အတွက် ပြည်နယ်/လူမျိုးစုပလက်ဖောင်းတခုထပ်မံပေါ်ထွန်းလာပြန်ပါတယ်။ ဒါဟာလည်း ဒေသအလိုက် နယ်မြေသိမ်းစစ်ပွဲတွေနဲ့အပြိုင်ဖြစ်တည်လာတဲ့ နိုင်ငံရေး မျှော်ရည်ချက်ပလက်ဖောင်းတခုလို့ ယူဆရပါတယ်။ ဒီလိုပဲ ပလက်ဖောင်းတိုင်းနဲ့ အဆင်မပြေဖြစ်နေတဲ့ NLD အင်အားစုတွေကလည်း မြေပြန့် ဖက်ဒရယ်ယူနစ်လွှတ်တော်အင်အားစုတွေနဲ့ပေါင်းစည်းပြီး ဖက်ဒရယ်ယူနစ် အခြေခံဥပဒေ ရေးဆွဲရေးလုပ်ငန်းစဉ်တွေကို ဦးစားပေးဆောင်ရွက်လာတာမျိုးတွေရှိပါတယ်။ အထူးသဖြင့် စစ်ကိုင်းတိုင်းမှာ ဒီလုပ်ငန်းစဉ်ဟာ အကြီးအကျယ်ဆွေးနွေးနေရတဲ့ ပလက်ဖောင်းတခုအသွင်းဆောင်လာပါတယ်။ တဖက်မှာလည်း တော်လှန်ရေးအင်အားစုတွေ၊ အရပ်ဖက်အင်အားစုတွေဟာ လူထုဖိုရမ်တွေလို ပလက်ဖောင်းတွေတည်ဆောက်ပြီး မြေပြန်ဖက်ဒရယ်ယူနစ်အခင်းအကျင်းကို ဖန်တီးဖို့ကြိုးစားနေပါတယ်။ နောက်ဆုံးတခုကတော့ နောက်ဆုံးမှပေါ်လာတဲ့ စစ်ကောင်စီထိန်းချုပ်နယ်မြေက နိုင်ငံရေးသမားတွေရဲ့ ပလက်ဖောင်းပါ။ သူတို့ဟာလည်း လက်ရှိနိုင်ငံရေးအကြပ်အတည်းကိုပြေလည်ဖို့ တွေ့ဆုံမှုတွေလုပ်ဆောင်ခဲ့ကြပြီး ငွေဆောင်တွေ့ဆုံပွဲကနေ ကြေညာချက်တရပ်ထုတ်ပြန်ခဲ့တာရှိပါတယ်။ ဒီပလက်ဖောင်းတွေကို မြေပုံပေါ်တင်ပြီး ကြည့်လိုက်ရင် တခုနဲ့တခု ဆက်စပ်နေတာ ရောထွေးနေတာ ရောယှက်နေတာ စတဲ့ အညွှန်းမြားတွေကိုမြင်ရမှာပါ။

၃။ အညွှန်းမြားများ

တချို့ပလက်ဖောင်းတွေရဲ့ အလုပ်မဖြစ်မှုဟာ တချို့ပလက်ဖောင်းတွေကို ဖြစ်ပေါ်လာစေပြီး တချို့ပလက်ဖောင်းတွေကတော့ ရှိပြီးသားပလက်ဖောင်းတွေကို အားဖြည့်ဖို့ထွက်ပေါ်လာတာဖြစ်ပါတယ်။ ဥပမာ NUCC နဲ့ K2C + NUG ++ ပလက်ဖောင်းဟာ တခုအလုပ်မဖြစ်လို့ ခွဲထွက်ပေါ်ထွန်းလာတာဖြစ်ပြီး ပြည်နယ်နဲ့ လူမျိုးစုတွေရဲ့ Bottom up approach ပလက်ဖောင်းကတော့ ရှိပြီးသား ပလက်ဖောင်းတွေကို အားဖြည့်ဖို့ထွက်ပေါ်လာတာပါ။ ဒါကြောင့် အညွှန်းမြားတွေအပြင် အပေါင်းလက္ခဏာတွေပါတွေ့ရမှာဖြစ်ပါတယ်။ တချို့ပလက်ဖောင်းတွေဟာ တခုနဲ့တခု အမှီသဟဲဖြစ်နေကြပြီး တခုမရှိရင် တခုပေါ်လာစရာမရှိတာတွေလည်းတွေ့ရပါတယ်။ ဥပမာအားဖြင့် 3BHA ပလက်ဖောင်းနဲ့ လူမျိုးစုယူနစ်များပလက်ဖောင်းဖြစ်ပါတယ်။ တချို့ပလက်ဖောင်းတွေကတော့ ဆန့်ကျင်ဘက်အသွင်ဆောင်တဲ့ ပလက်ဖောင်းတွေဖြစ်ပါတယ်။ NLD ဦးဆောင်တဲ့ မြေပြန့်ဖက်ဒရယ်ယူနစ်ပလက်ဖောင်းနဲ့ တိုင်းရင်းသား/လူမျိုးစုတွေရဲ့ Bottom up ပလက်ဖောင်းတွေဖြစ်ပါတယ်။ NUG ဟာ ပါဝါကို ဗဟိုကချုပ်ကိုင်ဖို့ ကြိုးစားနေရင်း တချို့ မြေပြန့်ယူနစ်ပလက်ဖောင်းတွေနဲ့ ဆန့်ကျင်ဘက်သဘောဆောင်သွားတာတွေလည်း တွေ့ရပါတယ်။ ဒါကြောင့် ပလက်ဖောင်းတွေစုစည်းထားတဲ့မြေပုံတွေမှာ မြားတွေ အပေါင်းလက္ခဏာတွေသာမက ကြက်ခြေခတ်တွေလည်းပေါ်ပေါက်လာရပါတယ်။ ဒီပလက်ဖောင်းအားလုံးမှာ ကွဲပြားမှုတွေရှိနေလင့်ကစား ဒီပလကဖောင်းတွေအားလုံးဟာ စစ်ကောင်စီဆိုတဲ့ ဘုံရန်သူတော့ ရှိနေတာတူပါတယ်။

၄။ တခုတည်းသော ပလက်ဖောင်း

ဒီပလက်ဖောင်တွေကို မြေပုံပေါ်တင်ကြည့်ချိန် အညွှန်းမြားတွေ၊ အပေါင်းလက္ခဏာတွေ အနုတ်လက္ခဏာတွေနဲ့ မျဉ်းပြိုင်တွေတွေ့လာရပြီး နောက်ထပ်တွေ့ရတဲ့အချက်ကတော့ တခုတည်းသော ပလက်ဖောင်းတခု ဒီပလက်ဖောင်းတွေထဲက ထွက်ပေါ်လာဖို့ဆိုတာ လုံးဝမလွယ်တော့ဘူးဆိုတဲ့အချက်ဖြစ်ပါတယ်။ ဒါဟာ အလုပ်မဖြစ်ဘူးလို့တော့မဆိုလိုပါဘူး မာတီပလက်ဖောင်းလို့ခေါ်တဲ့ ပလက်ဖောင်းများစွာနဲ့ တိုးတိုက်တဲ့ စနစ်တခု ဖြစ်လာဖွယ်ရှိတယ်ဆိုတဲ့ ဖြစ်တန်ရာခြေရှိပါတယ်။ အချုပ်အားဖြင့်ပြောရရင် နွေဦးပလက်ဖောင်းတွေကို မြေပုံထဲမှာ တင်ကြည့်တဲ့အခါ ကြီးတဲ့အရာကနေ သေးသွားတာမျိုး၊ သေးတဲ့အရာကနေ စုစည်းပြီးကြီးသွားတာမျိုးထက် အင်အားတူမျှခြေတွေကနေ ပြန်လည်ပေါင်းစည်းမှု သို့မဟုတ် ပြိုင်တူတွန်းတိုက်မှုအားကိုပဲ စနစ်တကျ ဖော်ဆောင်ရမယ်ဆိုတဲ့အချက်ကို ရရှိပါတယ်။

08/12/2024

"မိုင်းအန္တရာယ်သတိပေးအမှတ်အသားနဲ့ သဲလွန်စတွေက ဘာတွေလဲ"

ဒီဇင်ဘာ ၈၊ The Nation Voice

07/12/2024

ရဲဘော် ၁၄ဦး ကျဆုံးခြင်း ၃နှစ်ပြည့်အလေးပြုအခမ်းအနားပြုလုပ် (ဓာတ်ပုံသတင်း)

ဒီဇင်ဘာ ၇၊ The Nation Voice
သတင်း- TNV စစ်ကိုင်းရုံးခွဲ

စစ်ကိုင်းတိုင်း၊ ယင်းမာပင်မြို့နယ်နဲ့ ဆားလင်းကြီးမြို့နယ်မှာ အာဏာသိမ်းစစ်တပ်ရဲ့ သတ်ဖြတ်မှုကြောင့် ကျဆုံးသွားတဲ့ ရဲဘော် ၁၄ဦး ကျဆုံးခြင်း သုံးနှစ်ပြည့်အတွက် ယင်းမာပင်နဲ့ ဆားလင်းကြီးဒေသတွင်းမှာရှိတဲ့ သပိတ်အင်အားစုတွေပူးပေါင်းပြီး အလေးပြုအခမ်းအနားပြုလုပ်ခဲ့တယ်လို့ သပိတ်အင်အားစုတွေဆီက သိရပါတယ်။

Address

Yangon

Website

https://thenationvoicemm.com/, http://t.me/nationvoice

Alerts

Be the first to know and let us send you an email when The Nation Voice posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Nation Voice:

Videos

ညနေခင်းသတင်း

ညနေခင်းသတင်း ============== ဒီဇင်ဘာ ၉၊ The Nation Voice ⭕ အာဏာသိမ်းစစ်တပ်ရဲ့လက်နက်ကြီးပစ်ခတ်မှုကြောင့် ဂန့်ဂေါမှာ ပြည်သူတစ်ဦးသေဆုံး ⭕ အာဏာသိမ်းစစ်တပ်ရဲ့ စစ်ကြောင်းကြောင့် ကန့်ဘလူမြို့နယ်မှာ စပါးရိတ်ဖို့အခက်ခဲဖြစ် ⭕ ချောင်းဦးမြို့ပေါ်မှာ ပြည်သူငါးဆယ်ကျော်ဖမ်းဆီးခံရ ⭕ မတ္တရာမှာ တော်လှန်ရေးတပ်ဖွဲ့တွေ ခဏလက်လွှတ်ခဲ့ရတဲ့ ကျေးရွာတွေကို ပြန်လည်သိမ်းပိုက်