https://www.facebook.com/111194433690472/

မန္တလေးသတင်းကွန်ရက်, Mandalay (2024)

09/12/2024

ဘိုးမင်းခေါင်၏ခိုင်းစေမှုကြောင့်ဟုဆိုကာ ဈေးချိုထဲလာရောက်အလှူခံသည့်အဖွဲ့ ခံဝန်ကတိလက်မှတ်ရေးထိုးလိုက်ရ

Dec 9, 10:18 PM

ဘိုးမင်းခေါင်၏ခိုင်းစေမှုကြောင့်ဟုဆိုကာ ယနေ့ဒီဇင်ဘာ၉ရက်နံနက်ပိုင်းက မန္တလေးဈေးချိုထဲ လာရောက်အလှူခံသည့်အဖွဲ့ကို နောင်ထပ်မလာရန် သတိပေးခဲ့ရကြောင်း ချမ်းအေးသာစံမြို့နယ်၊ သာသနာတော်ထိန်းသိမ်းရေးအဖွဲ့မှ သိရသည်။

ဖြစ်စဉ်မှာ ယနေ့နံနက်ပိုင်းက မန္တလေး၊ ၂၉-လမ်း၊ ၈၅လမ်း×၈၆လမ်းကြား ဈေးတွင် ဘုန်းကြီးတပါးနှင့် လူပုဂ္ဂိုလ်များ အလှူခံနေကြကြောင်း မြို့နယ်သံဃနာယကအဖွဲ့ ဥက္ကဋ္ဌဆရာတော်ထံ လျှောက်ထား တိုင်ကြားချက်အရ (မနက)ဥက္ကဋ္ဌဆရာတော်ဦးဆောင်၍ သာ/ထိန်းအဖွဲ့ဆရာတော်များ ကြွရောက်ကြကာ အလှူခံများကို အဖွဲ့ရုံးသို့ ခေါ်ဆောင်စစ်ဆေးခဲ့ကြသည်။

အလှူခံဘုန်းကြီးသည် သင်္ကန်းဝတ်သည်မှာ (၈)ရက်သာရှိသေးပြီး အောင်မြေသာစံမြို့နယ်၊ -----ကျောင်း၌ (၉)တောင်ပြည့် စေတီတည်နေခြင်းဖြစ်ကြောင်း၊ စေတီတည်ရန်အတွက် ဘိုးမင်းခေါင်က ခိုင်း၍ ယခုလို အလှူခံ ထွက်လာရခြင်းဖြစ်သည်ဟု ဆိုပါသည်။

အဆိုပါအလှူခံအဖွဲ့တွင် ဘုန်းကြီးသည် သပိတ်နှင့် ရှေ့ကနေကြွ၊ ယောဂီအညိုရောင်ဝတ်လူပုဂ္ဂိုလ်နှင့် လူ(၁၀)ယောက်ခန့်က နောက်ကလိုက်ကြပြီး ပိုက်ဆံများ လှူဒါန်းလျှင် အဆောင်လက်ဖွဲ့များ ပြန်ပေးကြသည်။

ယခုအလှူခံအဖွဲ့ကို ပထမအကြိမ်စစ်ဆေးတွေ့ရှိရခြင်းဖြစ်သောကြောင့် နောက်တကြိမ် မပြုလုပ်ဖို့ ခံဝန်ကတိ လက်မှတ် ရေးထိုးစေခဲ့ကြောင်း သိရသည်။

#မန္တလေးသတင်းကွန်ရက်
ဓာတ်ပုံ အရှင်ကဝိန်

09/12/2024

ပုပ္ပါးတောင်မကြီးခရီးစဉ်ကို တောင်တက်ဝါသနာပါသူလူငယ်များ စိတ်ဝင်စားမှုများလာပြီး နတ်တော်လပြည့်တွင် ညအိပ်တက်ရောက်မည့်သူ အများအပြားရှိ

Dec 9, 11:30 AM

မြန်မာနိုင်ငံအလယ်ပိုင်း၏ အမြင့်ဆုံးတောင်ထိပ်၊ အညာမြေ၏ အိုအေစစ် ပုပ္ပါးတောင်မကြီးပေါ်ခရီးစဉ်ကို တောင်တက်ဝါသနာပါသည့်လူငယ်များ အထူးစိတ်ဝင်စားမှုမြင့်တက်လျက်ရှိပြီး လာမည့် နတ်‌တော်လပြည့်နေ့ (ဒီဇင်ဘာ၁၅ ရက်)တွင် တက်ရောက်မည့်သူအများအပြားရှိနေကြောင်း ဒေသခံခရီးသွားလုပ်ငန်းများထံမှ သိရသည်။

ယခုလိုအချိန်သည် ပုပ္ပါးတောင်မကြီးတွင် တောနေကြာရိုင်းပန်းများ လှပစွာ ဖူးပွင့်ဝေဆာနေသည့်ကာလဖြစ်သဖြင့် တက်ရောက်လေ့လာလိုသူ အများအပြားရှိနေခြင်းဖြစ်သည်။

ယခုနှစ်တောင်တက်ရာသီ၌ ပုပ္ပါးတောင်မကြီးသို့ တက်ရောက်ကြသည့်အရေအတွက်သည် ပြီးခဲ့သည့်နှစ်ကထက် ပိုမိုများပြားလာခြင်းဖြစ်ပြီး ပုဂံခရီးစဉ်မှတဆင့်လည်း လာရောက်ကြသူများရှိသည်။

“ပုပ္ပါးတောင်မကြီးကို ပုံမှန် ခရီးသွားတွေထက် သဘာ၀ပတ်ဝန်းကျင်လေ့လာသူတွေ၊ ငှက်ကြည့်သူတွေ၊ လိပ်ပြာမျိုးစိတ်၊အပင်မျိုးစိတ်တွေကို‌လေ့လာသူတွေ၊ ဆေးမြစ်ရှာသူတွေနဲ့ တောင်တက်ဝါသနာပါသူတွေ လာရောက်ကြတာများပါတယ်။ တောင်တက်ခရီးစဉ်အတွက်ကတော့ ဝန်ဆောင်မှုပေးနေတဲ့ ဒေသခံခရီးသွားအဖွဲ့တွေလည်း ရှိပါတယ်”ဟု ပုပ္ပါးဒေသမှ ဧည့်လမ်းညွှန် ကိုမျိုးက ယနေ့ ဒီဇင်ဘာ၉ရက် နံနက်ပိုင်းတွင် မန္တလေးသတင်းကွန်ရက်သို့ ပြောသည်။

ပုပ္ပါးတောင်မကြီးပေါ် တက်ရောက်မည့်
ရပ်နီးရပ်ဝေးမှ ဧည့်သည်များအနေဖြင့် နံနက်လေးနာရီမှ ညရှစ်နာရီအတွင်းသာလျှင် အတက်အဆင်းပြုလုပ်ရသည်။

တောင်မကြီးပေါ်တွင်ညအိပ်ပါက
မှတ်ပုံတင်မူရင်း(သို့)စမတ်ကဒ်တို့
ယူဆောင်လာခဲ့ရမည်ဖြစ်ပြီး သက်ဆိုင်ရာကို ဧည့်စာရင်းတိုင်ကြားရန်လိုအပ်သည်ဟု ဆိုပါသည်။

တောင်တက်ခရီးစဉ်၌ အမှိုက်ကိုစနစ်တကျ စွန့်ပစ်ရန်၊ သဘာဝသစ်ပင်၊ပန်းပင် များကိုနှုတ်ယူခြင်း၊ ခိုး၍ ယူဆောင်ခြင်းများ လုံးဝမလုပ်ဆောင်ရန် မေတ္တာရပ်ခံထားကြောင်း သိရသည်။

ပုပ္ပါးတောင်မကြီးသည် အမြင့်ပေ (၄၉၈၁) ပေရှိပြီး မီးတောင်သေ(မီးငြိမ်းတောင်)ဖြစ်သည်။ လူအများစုသည် ပုပ္ပါးတောင်ဟုဆိုလျှင် ဘုရားပုထိုးများ၊အဆောက်အဦးများရှိသည့် ပုပ္ပါးတောင်ကလပ်ကိုသာ အလွယ်မှတ်ယူလေ့ရှိသည်။ သို့သော် ပုပ္ပါးတောင်ကလပ်မှာ ပုပ္ပါးတောင်မကြီးပေါက်ကွဲရာမှ ပဲ့ကျလာသည့် အစိတ်အပိုင်းမျှသာဖြစ်သည်။

#မန္တလေးသတင်းကွန်ရက်
#ပုပ္ပါးတောင်
ဓာတ်ပုံ Natures Of Mount Popa

08/12/2024

ပန်းမန္တလာအဖွဲ့၏ ပန်းချီပြပွဲ မန္တလေးတောင်ပန်းချီအရောင်းပြခန်းတွင် ၅ရက်တိုင် ပြုလုပ်မည်(ရုပ်သံ)

Dec 8, 8:01 PM

ပန်းမန္တလာပန်းချီအဖွဲ့၏ ပရော်ဖက်ရှင်နယ်ပန်းချီပြပွဲအကြို မီဒီယာများနှင့် တွေ့ဆုံပွဲကို ယနေ့ဒီဇင်ဘာ၈ရက် နံနက်ပိုင်းက မန္တလေးတောင်ပန်းချီအရောင်းပြခန်း၌ ကျင်းပပြုလုပ်ခဲ့ကြောင်း ရိုက်ကူးတင်ဆက်မှုဖြစ်သည်။

အဆိုပါ ပန်းချီပြပွဲကို လာမည့် ဒီဇင်ဘာ၁၅ရက်မှ ဒီဇင်ဘာ၁၉ရက်အထိ မန္တလေးတောင်ပန်းချီအရောင်းပြခန်း၌ ကျင်းပမည်ဖြစ်ရာ ပန်းချီပညာရှင်၁၄ဦး၏ ရေဆေး၊ ဆီဆေး၊ အခရိုင်းလစ်အမျိုးအစား ပန်းချီကားများကို ချိတ်ဆွဲပြသမည်ဖြစ်၍ ပန်းချီချစ်မြတ်နိုးသူများ မည်သူမဆို လာရောက်ကြည့်ရှုဝယ်ယူအားပေးနိုင်သည်။

#မန္တလေးသတင်းကွန်ရက်
#ပန်းချီ
#ပန်းမန္တလာ

06/12/2024

Dec 6, 1:06 PM

မန္တလေးမြို့၊ ပြည်ကြီးတံခွန်မြို့နယ်၊ တံခွန်တိုင်ဈေးအရှေ့ဘက်၊ မြောက်ဥယျာဉ်ရပ်ကွက်ရှိ အမှတ်(၂၅)ဘက၊ YEC ရတနာပန်းခင်း ပရဟိတမိဘမဲ့ကျောင်းတိုက်ကြီးသို့ အကြောင်းအမျိုးမျိုးကြောင့် သွားရေးလာရေး အခက်အခဲရှိပါလျှင် တာဝန်ခံဆရာတော် အရှင်သောဘနထံ AYA Pay, KBZ Pay တို့ဖြင့် အုတ်တချပ်သဲတပွင့်ဖြစ်စေ တိုက်ရိုက်ပါဝင်လှူဒါန်းနိုင်သည်။

YEC ရတနာပန်းခင်း ပရဟိတမိဘမဲ့ကျောင်းတွင် သုံးလသားနို့စို့ကလေးအရွယ်မှ တက္ကသိုလ်ဝင်တန်းအရွယ်အထိ အရွယ်စုံ ကလေးဦးရေ ၅၀၀ကျော်ကို စောင့်ရှောက်ထားသည်။

#မန္တလေးသတင်းကွန်ရက်
ာပန်းခင်း
#မိဘမဲ့ကျောင်း

06/12/2024

မန္တလေးမြို့ လမ်းဘေး၌ ပိုင်ရှင်မဲ့အလောင်း ၂ရက်ဆက် တွေ့ရှိရ

Dec 6, 9:08 AM

မန္တလေးမြို့တွင် နံနက်အစောပိုင်း အအေးဓာတ်သိသာစွာမြင့်မားလာချိန် လမ်းဘေး၌ ပိုင်ရှင်မဲ့ရုပ်အလောင်း နှစ်ရက်ဆက်တိုက် တွေ့ရှိရကြောင်း မဟာအောင်မြေမြို့နယ်ရှိ မဏီစလလူမှုကူညီရေးအသင်း၏ သတင်းထုတ်ပြန်မှုအရ သိရသည်။

ယနေ့ ဒီဇင်ဘာ၆ရက် နံနက်ပိုင်းက ချမ်းအေးသာစံမြို့နယ်၊ ၃၄ လမ်း၊ ၈၅လမ်းနှင့် ၈၆ လမ်းကြားတွင် အမျိုးသမီးတဦး သေဆုံးနေကြောင်း အနီးနားမှပြည်သူတဦး၏ သတင်းပေးမှုကြောင့် အဆိုပါ ရုပ်အလောင်းအားမန္တလေးအထွေထွေရောဂါကုဆေးရုံကြီးသို့ ပို့ဆောင်ပြီး ထိုမှတဆင့် ရင်ခွဲရုံသို့ ပို့ဆောင်ကူညီပေးခဲ့ကြောင်း အသင်းကထုတ်ပြန်သည်။

ထို့အတူ မနေ့က(ဒီဇင်ဘာ၅ရက်) နံနက်ပိုင်းကလည်း ချမ်းအေးသာစံမြို့နယ်
လမ်း၉၀၊ ၂၇လမ်းနှင့် ၂၈လမ်းကြား၌ အမျိုးသားတဦး သေဆုံးနေကြောင်း အနီးနားမှပြည်သူတဦး၏ သတင်းပေးမှုကြောင့် ထိုရုပ်အလောင်းအား မန္တလေးအထွေထွေရောဂါကုဆေးရုံကြီးသို့ ပို့ဆောင်ပြီး ထိုမှတဆင့် ရင်ခွဲရုံသို့ ပို့ဆောင်ကူညီပေးခဲ့ရသည်ဟု ဆိုပါသည်။

ယခုလို လမ်းဘေး၌ သေဆုံးနေကြသူနှစ်ဦး၏ သက်ဆိုင်ရာမိသားစုနှင့်အဆက်အသွယ်မရရှိသဖြင့် ပိုင်ရှင်မဲ့ရုပ်အလောင်းများအဖြစ် သတ်မှတ်ခြင်းဖြစ်ပြီး ဆောင်းတွင်း၌ အိပ်ပျော်နေစဉ် အအေးပတ်၍ ကွယ်လွန်သွားခြင်းဖြစ်သည်ဟု ယူဆရပါသည်။

#မန္တလေးသတင်းကွန်ရက်
ဓာတ်ပုံ"မဏီစလ"လူမှုကူညီရေးအသင်း(မန္တလေး)

04/12/2024

(၁၇)ကြိမ်မြောက် ပန်းပွဲတော်ကာလနှင့် နှစ်သစ်ကူးကာလတို့အတွက် ပြင်ဦးလွင်ရှိ ဟိုတယ်၊တည်းခိုခန်းများတွင် အခန်းနေရာ ကြိုတင်ဘွတ်ကင်ပြုလုပ်မှု များပြား

Dec 4, 7:14 PM

အချိန်အားဖြင့် တလကြာ ကျင်းပမည့် ပန်းပွဲတော်နှင့် နှစ်သစ်ကူးကာလတို့တွင် လာရောက်လည်ပတ်အပန်းဖြေမည့်သူများကြောင့် ယခုရက်ပိုင်း ပြင်ဦးလွင်ရှိ ဟိုတယ်၊မိုတယ်၊ တည်းခိုခန်းများ၌ အခန်းနေရာအတွက် ကြိုတင်ဘွတ်ကင်ပြုလုပ်မှု များပြားလျက်ရှိကြောင်း သိရသည်။

“ပန်းပွဲတော်က ဒီနှစ်မှာ အရင်နှစ်တွေနဲ့မတူပဲ တမူထူးထူးခြားခြားပြုလုပ်မှာဖြစ်တဲ့အတွက် လည်ပတ်မယ့်သူတွေ အထူးစိတ်ဝင်စားနေကြတယ်။ အမျိုးသားကန်တော်ကြီးဥယျာဥ်နဲ့အနီးပတ်ဝန်းကျင်က ဟိုတယ်မိုတယ်တွေကို ကြိုတင်ဘွတ်ကင်လုပ်ဖို့စုံစမ်းကြတာ ပိုများပါတယ်။ အခန်းဈေးနှုန်းတွေကတော့ ဝန်ဆောင်မှုပိုင်းနဲ့အမျိုးအစားပေါ်မူတည်ပြီး ကွာခြားပါတယ်။ တခြားဒေသတွေကနေ မိသားစုလိုက်လာတဲ့သူတွေကတော့ ဟိုတယ်တွေမှာပဲ ရက်ရှည်တည်းခိုနေထိုင်ကြတာများပါတယ်”ဟု ပြင်ဦးလွင်မြို့မှ ဟိုတယ်မန်နေဂျာတဦးက မန္တလေးသတင်းကွန်ရက်သို့ ယနေ့ဒီဇင်ဘာ၄ရက် ညနေပိုင်းတွင် ပြောသည်။

ပြင်ဦးလွင်မြို့၊ အမျိုးသားကန်တော်ကြီးဥယျာဉ်၏ နှစ်(၁၀၀)ပြည့် အထိမ်းအမှတ် (၁၇)ကြိမ်မြောက်ပန်းပွဲတော် (Floral Fantasia)ကို ယခုနှစ် ဒီဇင်ဘာ၁၄ရက်မှ ၂၀၂၅ ခုနှစ်၊ ဇန်နဝါရီ ၁၂ရက်အထိ တလကြာ ကျင်းပမည်ဖြစ်သည်။

ပန်းပွဲတော်၌ ဈေးရောင်းပွဲတော် အရောင်းပြခန်းများအပြင် ဂီတဖျော်ဖြေပွဲများ၊ မျက်လှည့်ပွဲများပါထည့်သွင်း၍ ယခင်နှစ်များနှင့်မတူ တမူထူးခြားစွာ ကျင်းပသွားမည်ဟု ဆိုထားသည်။

ပန်းပွဲတော်တွင် ပြည်နယ်အရပ်ရပ်မှ
ပန်းပေါင်းစုံ မျိုးစိတ်များ၊ နိုင်ငံခြား ပန်းမျိုးစိတ်များ၊ ရှားပါးတန်းဝင် ပန်းမျိုးစိတ်များ စသည်တို့ကို စုံလင်စွာ ပြသပေးသွားမည်ဖြစ်ကြောင်း သိရသည်။

#မန္တလေးသတင်းကွန်ရက်
ဓာတ်ပုံ အမျိုးသားကန်တော်ကြီးဥယျာဉ်

04/12/2024

ပထမဆု ငွေကျပ်ဆယ်သိန်းချီးမြှင့်မည့် ရန်ကုန်/မန္တလေးသူ‌ဌေးကျွန်း Welcome Song သီချင်းပြိုင်ပွဲ ပြုလုပ်မည်

Dec 4, 11:27 AM

ရန်ကုန်သူဌေးကျွန်းနှင့် မန္တ‌လေးသူဌေးကျွန်းတို့၏ Welcome Song အတွက် သီချင်းပြိုင်ပွဲတရပ်ကို ပြုလုပ်မည်ဖြစ်သောကြောင့် ဂီတချစ်မြတ်နိုးသူမည်သူမဆို ဝင်ရောက်ယှဉ်ပြိုင်နိုင်ပြီဖြစ်ကြောင်း သိရသည်။

မြန်မာသံနှင့် ခေတ်ပေါ်စတီရီယိုသီချင်းဖြင့် မည်သည့်ပုံစံမဆို ဝင်ရောက်ယှဉ်ပြိုင်နိုင်ရာ ပြိုင်ပွဲဝင်သည် မိမိရေးသားထားသောသီချင်းကို ကြိုက်နှစ်သက်သောတူရိယာတမျိုးမျိုး(သို့) Band အစုံ တီးခတ်သီဆိုရမည်ဖြစ်ပြီး တူရိယာဟုဆိုရာတွင် acapella and beatboxing မြန်မာ့ဆိုင်းဝိုင်းလည်း ပါဝင်သည်။

ပြိုင်ပွဲဝင်သီချင်းသည် မိမိကိုယ်တိုင်ဖြစ်စေ အဖွဲ့ လိုက်ဖြစ်စေ ရေးစပ်ထားသော ကိုယ်ပိုင်သီချင်းဖြစ်ရပါမည်။တစုံတရာ ငြင်းပွားမှုပေါ်ပေါက်လာပါက ပြိုင်ပွဲဝင်သီချင်းအဖြစ်မှ ထုတ်ပယ်မည်ဖြစ်ပါသည်။

အဆိုပါ သီချင်းပြိုင်ပွဲတွင် ပထမဆု ကျပ်၁၀သိန်းနှင့်အတူ ဒုတိယဆု၊ တတိယဆု၊ Popular Award ဆုနှင့်
နှစ်သိမ့်ဆုများစွာကိုလည်း ထိုက်တန်စွာ ချီးမြှင့်မည်ဖြစ်သည်။

ပြိုင်ပွဲဝင်မည့်သီချင်းများကို ၂၀၂၅ခုနှစ်၊ ဖေဖော်ဝါရီ၂၈ရက် မွန်းတည့်၁၂နာရီနောက်ဆုံးထား၍ ပေးပို့ရမည်ဖြစ်သည်။

ပြိုင်ပွဲနှင့်ပတ်သက်၍ စည်ကမ်းချက်အပြည့်အစံကို သိရှိလိုပါက https://www.facebook.com/share/p/18FNTem3vv/ တွင် ဝင်ရောက်ကြည့်ရှုနိုင်သလို ဖုန်း 09 950 050 005
09 950 050 006၊ 09 950 050 004 တို့ကို အသေးစိတ်မေးမြန်းစုံစမ်းနိုင်ပါသည်။

#မန္တလေးသတင်းကွန်ရက်
#မန္တလေးသူဌေးကျွန်း
#သီချင်းပြိုင်ပွဲ

29/11/2024

(ကြော်ငြာကဏ္ဍ)

Nov 29, 1:56 PM

မြကမ္ဘာစိုးရဲ့ကိုယ်ပိုင်ဒီဇိုင်းလေးဖြစ်တဲ့
"ရခိုင်ပန်းစင်္ကြာချိတ်"လေး

ပွဲတက်ဝတ်လို့လည်းအဆင်ပြေ/ Daily၀တ်လဲအဆင်ပြေတဲ့ ဒီဇိုင်းလေးပါ။

ဒီဇိုင်းဆန်းဆန်းချုပ်ချင်လည်းရ 🥰ရိုးရိုးလေးချုပ်ရင်လည်းလှ

🍂ချည်သားလေးမို့ အသားမပူပါ💯🍂

‼️Camera Resolution ကြောင့် အရောင်ထွက် အနုအရင့် အနည်းငယ်မျှ ကွဲနိုင်ပါ
✅လက်လီ/လက်ကား ဝယ်ယူအားပေးလို့ရပါတယ်။

နယ်Cusများ ကားဂိတ်ထိပို့ပေးပါတယ်။တန်ဆာခကိုတော့ customer ဘက်က
ရှင်းပေးရပါမယ်😘(ငွေလွှဲဝင်မှ ပစ္စည်းပို့ပါတယ်)

မြကမ္ဘာစိုးပိုးထည်ချည်ထည်ပင်ရင်း 📌📌📌
မိုင်တိုင်၃၅၈/၆ဖာလုံ စစ်ကိုင်းအဝိုင်း
Denkoဆီဆိုင်အတွင်း
☎️09-449555577

28/11/2024

ယနေ့ညပိုင်း မန္တလေးမြို့ပေါ် တိမ်ထူထပ်နေ၊ မုန်တိုင်းအရှိန်ကြောင့်လည်း မိုးရွာနိုင်ဖွယ်ရှိဟု မိုးဇလထုတ်ပြန်ထား

Nov 28, 7:44 PM

ယနေ့ နိုဝင်ဘာ၂၈ရက် ညပိုင်းအချိန် မန္တလေးမြို့ပေါ်၌ တိမ်ထူထပ်လျက်ရှိပြီး ဘင်္ဂလား ပင်လယ်အော်အနောက်တောင်ပိုင်းတွင် ဖြစ်ပေါ်နေသော အားကောင်းသော မုန်တိုင်းငယ်၏အရှိန်ကြောင့် ယနေ့ညမှ နိုဝင်ဘာ၃၀ရက်နေ့အတွင်း မန္တလေးတိုင်းဒေသကြီးအပါအဝင် နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်နှင့် ကယား ပြည်နယ်တို့တွင် နေရာကွက်ကျားမှ နေရာကျဲကျဲ မိုးရွာနိုင်ကာ အချို့ဒေသများတွင် နေရာကွက်၍ မိုးကြီးနိုင်‌ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ ည၇နာရီအချိန် ထုတ်ပြန်အသိပေးထားသည်။

လက်ရှိ အဆိုပါ မုန်တိုင်းငယ်သည် မြန်မာနိုင်ငံ၊ ကိုကိုးကျွန်းမြို့(Coco Island)၏ အနောက်-အနောက် တောင်ဘက် ရေမိုင် ၇၁၅ မိုင်ခန့်၊ အိန္ဒိယနိုင်ငံ၊ ချင်းနိုင်မြို့(Chennai)၏ တောင်- အရှေ့တောင်ဘက် ရေမိုင် ၂၅၅ မိုင်ခန့်အကွာ ပင်လယ်ပြင်ကို ဗဟိုပြုနေပါသည်။ ဗဟိုချက်လေဖိအား ၉၉၉ ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တနာရီလျှင် ၃၅ မိုင်မှ ၄၀ မိုင်နှုန်းခန့် ဖြစ်သည်။

မြန်မာနိုင်ငံဘက်သို့ ဦးတည်ရွေ့လျားမည့် အခြေအနေမရှိပါသဖြင့် အဝါရောင်အဆင့်ဟု သတ်မှတ်သည်ဟု ဆိုပါသည်။

ခန့်မှန်းချက်အဖြစ် အဆိုပါ အားကောင်းသောမုန်တိုင်းငယ်သည် နောက် ၁၂နာရီအတွင်း မြောက် ယွန်းယွန်းသို့ ရွေ့လျားနိုင်ပြီး၊ သီရိလင်္ကာနိုင်ငံကမ်းခြေအနီးမှ ဖြတ်ကျော်ကာ ဆိုင်ကလုန်းမုန်တိုင်း (Cyclonic Storm)အဖြစ်သို့ ပိုမိုအားကောင်းလာနိုင်သည်။

ထိုမှတဆင့် မြောက်-အနောက်မြောက်ဘက်သို့ ဆက်လက် ရွေ့လျားနိုင်ပြီး၊ ၃၀-၁၁-၂၀၂၄ ရက်နေ့တွင် အိန္ဒိယနိုင်ငံ၊ တမီးလ်နာဒူးမြောက်ပိုင်း- ပူဒူချယ်ရီကမ်းခြေတို့ကို အားကောင်းသောမုန်တိုင်းငယ်အဆင့်ဖြင့် ဖြတ်ကျော်နိုင်သည်ဟု ခန့်မှန်းထားသည်။

#မန္တလေးသတင်းကွန်ရက်

27/11/2024

မင်္ဂလာပါ သူဌေးမင်းတို့ခင်ဗျာ

Nov 27, 4:52 PM

မြို့ပြနဲ့ ခေတ္တအဝေးမှာ အပန်းဖြေစရာ
နေ့စဥ်ဘဝရဲ့ပင်ပန်းမွန်းကျပ်မှုတွေကို ခဏတာရှောင်လွှဲနိုင်ဖို့၊ မိသားစု၊သူငယ်ချင်းတွေနဲ့ တရက်တာ အပန်းဖြေ 𝗣𝗶𝗰𝗻𝗶𝗰 သွားချင်သူများ၊ Company အဖွဲ့အစည်း ဝန်ထမ်းမိသားစုတွေအတွက် 𝗗𝗮𝘆 𝗧𝗿𝗶𝗽 စီစဥ်ဖို့ စဥ်းစားနေတဲ့ မိတ်ဆွေအတွက် အပန်းဖြေစရာနေရာကောင်းတခုကိုညွှန်းပေးချင်ပါတယ်။

အဲဒါကတော့ သူဌေးကျွန်း🏖️
𝗠𝗶𝗹𝗹𝗶𝗼𝗻𝗮𝗶𝗿𝗲 𝗜𝘀𝗹𝗮𝗻𝗱 ပဲဖြစ်ပါတယ်ခင်ဗျာ။

အဖွဲ့အစည်းနှင့် မိသားစုများ အတွက်လည်း“𝗠𝗶𝗹𝗹𝗶𝗼𝗻𝗮𝗶𝗿𝗲 𝗣𝗮𝗰𝗸𝗮𝗴𝗲” လည်း ရှိပါတယ်၊ 🤩

ဒါဆို Millionaire Package မှာရော ဘာတွေပါမှာလဲ 🤔❓

ဒီ Package မှာတော့
💁‍♂️ Tent + မနက်စာ+ နေ့လည်စာ+ Tea break စားဖွယ်အစုံပြင်ဆင်ထားပြီး မိမိကြိုက်နှစ်သက်တဲ့အစားအစာကိုသုံးဆောင်နိင်မှာဖြစ်ပါတယ်။😱

💁‍♀️ ဒါတင်မကသေးပဲ သူဌေးကျွန်းရဲ့ ပျော်ရွှင်စရာ 𝗠𝗶𝗹𝗹𝗶𝗼𝗮𝗻𝗶𝗿𝗲 𝗔𝗰𝘁𝗶𝘃𝗶𝘁𝗶𝗲𝘀 တွေဖြစ်တဲ့

🔹ဘက်ထ္ထရီ ဆိုင်ကယ်စီးနှင်းခွင့်
🔹 စက်ဘီးစီး
🔹 ကြက်တောင်ရိုက် 🏸
🔹စက်လှေစီး 🚤
🔹 ငါးမျှား 🎏

🔸️🅼🅸 🆃🅴🅰🅼 က စီစဥ်ပေးမယ့် Teambuilding Game များ ကိုလည်း အခမဲ့ ဆော့ကစားနိုင်ဦးမှာပဲ ဖြစ်ပါတယ်။

ဒီ ”Millionaire Package” ကိုတော့

💢 အနည်းဆုံး လူ (၅) ယောက် 💢

မှစတင်ဝယ်ယူနိုင်ပြီဖြစ်ပါတယ်။

---------------------------------------------------------------------

ခုလို ပြီးပြည့်စုံတဲ့ service တွေနဲ့အတူ အလုပ်ပင်ပန်းသမျှ အပြည့်အဝအနားယူချင်တယ်ဆိုရင်တော့လှမ်းလာရမယ့် လိပ်စာလေးက ရန်ကုန်-မန္တလေးအမြန်လမ်း ၃၅၈မိုင် ၅ဖာလုံ၊ ဖရဲကျွန်းအနောက်ရွာ၊မန္တလေးမြို့ထဲမှာဖြစ်ပါတယ်။

စနေ, တနင်္ဂနွေ 𝗪𝗲𝗲𝗸𝗲𝗻𝗱 မှာ လာရောက်လည်ပတ်အနားယူမည့် ဧည့်သည်များအနေနှင့် အောက်ပါ Ph no တွေကနေတဆင့် ကြိုတင်booking ယူထားလို့ရပါပြီခင်ဗျာ။

Booking Now ☎️

09 950 050 005
09 950 050 006
09 950 050 004

Booking အပြည့်မြန်တာမို့ လက်မနှေးဘဲ မြန်မြန်လေးဆက်သွယ်လိုက်တော့နော်...

အနားယူအပန်ဖြေရင်း ပျော်ရွှင်စရာအခိုက်အတန့်တွေကို အတူဖန်တီးဖို့ ကျွန်တော်တို့ 𝗠𝗶𝗹𝗹𝗶𝗼𝗻𝗮𝗶𝗿𝗲 𝗜𝘀𝗹𝗮𝗻𝗱 က စောင့်ကြိုနေလျှက်ခင်ဗျာ။ 😍

#သူဌေးကျွန်း

27/11/2024

YEC ရတနာပန်းခင်း မိဘမဲ့ကျောင်းတိုက်တွင် ဒုတိယအကြိမ် မဟာပဌာန်းရွတ်ဖတ်ပူဇော်ပွဲ ကျင်းပမည်ဖြစ်၍ ကုသိုလ်ရှင်များ ဆက်သွယ်လှူဒါန်းနိုင်

Nov 27, 10:19 AM

မန္တလေးမြို့၊ အမှတ်(၂၅)ဘက၊ YEC ရတနာပန်းခင်း ပရဟိတမိဘမဲ့ကျောင်းတိုက်ကြီးတွင် ဒုတိယ
အကြိမ်မြောက် အသံမစဲမဟာပဌာန်းရွတ်ပူဇော်ပွဲ အခမ်းအနားကို လာမည့်ဒီဇင်ဘာ၈ရက်မှ ဒီဇင်ဘာ၁၂ရက်အထိ ငါးရက်တိုင် ကျင်းပပြုလုပ်မည်ဖြစ်သောကြောင့် အလှူရှင်များ ဆက်သွယ်လှူဒါန်းနိုင်ကြောင်း တာဝန်ခံဆရာတော် အရှင်သောဘနက မိန့်ကြားသည်။

မဟာပဌာန်းရွတ်ဖတ်ပူ‌ဇော်နေစဉ်ရက်များအတွင်း ဆရာတော်သံဃာတော်များ အာရုဏ်ဆွမ်းအတွက် ကျပ်ငါးသိန်းနှင့်
အချိုပွဲအတွက် ကျပ်တသိန်းငါးသောင်း၊ နေ့ဆွမ်းအတွက် ကျပ်၇သိန်းနှင့် အချိုပွဲအတွက် ကျပ်တသိန်းငါးသောင်း၊ ညပိုင်း ဂျင်းသုပ်၊ လက်ဖက်သုပ်နှင့် အချိုရည်တို့အတွက် ကျပ်တသိန်းငါးသောင်းနှုန်း သတ်မှတ်ထားပြီး ‌ပဌာန်းရည် ရေသန့်ဘူးများကိုလည်း လာရောက်လှူဒါန်းနိုင်သည်။

YEC ရတနာပန်းခင်း ပရဟိတမိဘမဲ့ကျောင်းသည် မန္တလေးမြို့၊ ပြည်ကြီးတံခွန်မြို့နယ်၊ တံခွန်တိုင်ဈေးအရှေ့ဘက်၊ မြောက်ဥယျာဉ်ရပ်ကွက်၌ တည်ရှိပြီး သုံးလသားနို့စို့ကလေးအရွယ်မှ တက္ကသိုလ်ဝင်တန်းအရွယ်အထိ အရွယ်စုံ ကလေးဦးရေ ၅၀၀ကျော်ရှိကာ ယခု မဟာပဌာန်းရွတ်ဖတ်ပူဇော်ပွဲအတွက်ဖြစ်စေ၊ ကလေးများ၏ နံနက်စာ၊ နေ့လယ်စာ၊ အဆာပြေစာ၊ ညစာတို့အတွက်ဖြစ်‌စေ လှူဒါန်းလိုပါက တာဝန်ခံဆရာတော် ဖုန်း09256 500211,09775544255 သို့ တိုက်ရိုက်ဆက်သွယ်နိုင်ပါသည်။

#မန္တလေးသတင်းကွန်ရက်
ာပန်းခင်း
#မိဘမဲ့ကျောင်း

25/11/2024

Nov 25, 10:20 PM

ယနေ့ နိုဝင်ဘာ၂၅ရက်၊ တန်ဆောင်မုန်း လပြည့်ကျော် (၁၀)ရက်နေ့တွင် ကျရောက်သော (၁၀၄)နှစ်မြောက် အမျိုးသားအောင်ပွဲနေ့အား ကြိုဆိုဂုဏ်ပြုရင်း မြန်မာပြည်သူ/ပြည်သားများအားလုံး စိတ်၏ချမ်းသာခြင်း၊ ကိုယ်၏ ကျန်းမာခြင်းများနှင့်ပြည့်စုံပြီး စီးပွားလာဘ်လာဘများ ဒီရေအလားတိုးတက်ပါစေကြောင်း မန္တလေးသတင်းကွန်ရက်မှ ဆုမွန်ကောင်းတောင်းအပ်ပါသည် ခင်ဗျာ

#မန္တလေးသတင်းကွန်ရက်
#အမျိုးသားနေ့

23/11/2024

ဒုံးကျည်အသစ်ကို အမေရိကန်အပါအဝင် အနောက်နိုင်ငံများ၏ လေကြောင်းကာကွယ်ရေးစနစ်များက တားဆီးနိုင်သည့် အစွမ်းအစမရှိဟု ရုရှားသမ္မတပူတင်က ပြောဆို

Nov 23, 8:22 PM

ယူကရိန်းနိုင်ငံရှိ ဒီနီပရိုမြို့သို့ ပစ်လွှတ်ခဲ့သည့် အသံထက်မြန်စနစ်အမျိုးအစား ဒုံးကျည်အသစ်ကို အမေရိကန်အပါအဝင် အနောက်နိုင်ငံများ၏ လေကြောင်းကာကွယ်ရေးစနစ်များက တားဆီးနိုင်သည့် အစွမ်းအစမရှိဟု ရုရှားသမ္မတပူတင်က နိုင်ငံတော်ရုပ်သံမိန့်ခွန်းမှတဆင့် ပြောဆိုခဲ့ကြောင်း ယနေ့နိုဝင်ဘာ၂၃ရက်ညပိုင်း AP သတင်းတရပ်က ဖော်ပြထားသည်။

ပြီးခဲ့သည့် ကြာသပတေးနေ့တွင် ဒီနီပရိုမြို့ရှိ စစ်ဘက်အဆောက်အအုံကို တိုက်ခိုက်ခဲ့သည့် ဒုံးကျည်သည် မြန်နှုန်း(တနာရီ ကီလိုမီတာ ၁၃၀၀၀ ကျော်) ဖြင့် ပျံသန်းခဲ့သည်။

နိုင်ငံတော်ရုပ်သံမိန့်ခွန်းတွင် အနောက်နိုင်ငံများအပေါ် ပြတ်သားသော သတိပေးမှုအနေဖြင့် တာလတ်ပစ် Oreshnik ဒုံးကျည်သုံး တိုက်ခိုက်ခဲ့မှုသည် ယူကရိန်းဘက်က အမေရိကနှင့် ဗြိတိန်တို့ပံ့ပိုးသော တာဝေးပစ်ဒုံးကျည်များသုံး၍ ရုရှားပိုင်နက်အတွင်းပိုင်းအထိ တိုက်ခိုက်ခဲ့ခြင်းအား လက်တုန့်ပြန်မှုဖြစ်သည်ဟုလည်း ရုရှားသမ္မတ ဗလာဒီမာပူတင်က ပြောဆိုသွားခဲ့သည်။

ထိုသို့ ရုရှားက စမ်းသပ်ဆဲ အသံထက်မြန်သော ဟိုက်ပါဆောနစ်ဒုံးကျည်သုံး တိုက်ခိုက်လာမှုကြောင့် နေတိုးအဖွဲ့နှင့် ယူကရိန်းတို့အကြား လာမည့် အင်္ဂါနေ့ (နိုဝင်ဘာ၂၆)တွင် အရေးပေါ် ဆွေးနွေးမှု ပြုလုပ်သွားမည်ဖြစ်သည်။

#မန္တလေးသတင်းကွန်ရက်
ကိုးကား အေပီသတင်း

23/11/2024

အိန္ဒိယနိုင်ငံ အပိုလိုဆေးရုံကြီးမှ အထူးကုဆရာဝန်ကြီးများ၏ ကျန်းမာရေးဟောပြောပွဲကြီး ကျင်းပပြီးစီး

Nov 23, 6:19 PM

အိန္ဒိယနိုင်ငံ အပိုလိုဆေးရုံကြီးမှ အထူးကုဆရာဝန်ကြီးများ၏ ကျန်းမာရေးဟောပြောပွဲကြီးကို ရန်ကုန်မြို့၊ ကမ်းနားလမ်းရှိ Zealax Hotel, Ballroom တွင် ယနေ့ နိုဝင်ဘာ ၂၃ရက် နံနက်ပိုင်းက ကျင်းပပြုလုပ်ခဲ့သည်။

အဆိုပါဟောပြောပွဲကို အပိုလိုဆေးရုံကြီးမှ အထူးကုဆရာဝန်ကြီးများဖြစ်သည့် 𝐃𝐫 𝐓𝐚𝐦𝐚𝐬𝐡𝐢𝐬 𝐌𝐮𝐤𝐡𝐞𝐫𝐣𝐞𝐞 (နှလုံးခွဲစိတ်အထူးကုဆရာဝန်ကြီး)Consultant Cardiothoracic, Vascular and Robotic Surgeon M.B.B.S, DNB (Cardiothoracic surgery) ၊ 𝐃𝐫 𝐒𝐚𝐧𝐝𝐢𝐩 𝐆𝐚𝐧𝐠𝐮𝐥𝐲 (ကင်ဆာအထူးကုဆရာဝန်ကြီး)M.B.B.S, MD (General medicine)DM (Medical oncology)Kidwai, Bangalore နဲ့ 𝐃𝐫 𝐒𝐨𝐮𝐦𝐞𝐧 𝐊𝐚𝐫 (အရိုးအထူးကုဆရာဝန်ကြီး)Consultant Robotic Joint Replacement Arthroplasty and Trauma Surgeon MS (Orthopedics), Mch (Ortho) USAIM တို့က ဟောပြောပေးပါသည်။

အထက်ပါ အထူးကုဆရာဝန်ကြီးများက နှလုံးသွေးကြောကျဉ်းရောဂါ၊ နှလုံးအဆို့ရှင်ရောဂါ၊ မွေးရာပါ နှလုံးရောဂါနှင့်
နှလုံးအစားထိုးကုသမှုများအကြောင်း၊ သွေး‌ကြောရောဂါ၊ အစာအိမ်နှင့် အူလမ်းကြောင်းကင်ဆာ၊ ရင်သားကင်ဆာ၊ အဆုတ်နဲ့ရင်ခေါင်းပိုင်းကင်ဆာရောဂါ၊ မီးယပ်နှင့် အရိုးအဆစ်ရောဂါများ၊ ဒူးဆစ်ဝေဒနာများအကြောင်းကို ဟောပြောပေး၍ စိတ်ပါဝင်စားသူများစွာတက်ရောက်ခဲ့သည်။

အိန္ဒိယနိုင်ငံအပိုလိုဆေးရုံကြီးသို့ သွားရောက်ကုသမှုခံယူလိုပါကယုံကြည်စိတ်ချရသော အပိုလိုဆေးရုံမြန်မာပြည်ကိုယ်စားလှယ်ရုံး https://m.me/ApolloHospitalMyanmar တွင် ဆက်သွယ် စုံစမ်းမေးမြန်းနိုင်ပါသည်။

“ကရုဏာရှေ့ထား ကုသပေးတာ အပိုလိုပါ၊ ကျန်းမာပျော်ရွှင်သော ဘဝကို ရရှိစေဖို့ အပိုလိုဆေးရုံနှင့် ဆက်သွယ်လိုက်ကြပါစို့။”
🔴WeCare Health Care Services Co.,Ltd.
📪အမှတ် ၇၃၊ အုန်းပင်လမ်း၊ ကြည့်မြင်တိုင်၊ ရန်ကုန်မြို့။
☎️📞 09 5373256 ,09 970 716 074
, 09 779 825 852
📪 အမှတ် ၁၈၅ ၊ ၃၅ လမ်း ၊၇၇ * ၇၈ ကြား ၊ မန္တလေးမြို့။
📞 09 451 922 992

#မန္တလေးသတင်းကွန်ရက်

23/11/2024

“သဲရဲ့နောက်မှာ အမြဲရပ်တည်ပြီး Supporting လုပ်နေတဲ့ Fan တွေကြောင့် ဒီလိုနေရာကို ရောက်လာတာပါ”လို့ ပရိသတ်ကို အသိအမှတ်ပြုစကားပြောတဲ့ အလှမယ် သဲသဲ(ခ)သဲစုညိမ်း

Nov 23, 11:57 AM

ယခု အင်တာဗျူးကို နိုဝင်ဘာ၂၂ရက်နံနက်ပိုင်းက မန္တလေးမြို့၊ ၈၁လမ်း၊ ၃၃လမ်းနှင့်၃၄လမ်းကြားတွင် ပြုလုပ်သည့် HAIR HEAVEN Beauty Salon Grand Opening သို့ သဲသဲ တက်ရောက်စဉ် မေးမြန်းထားခြင်းဖြစ်သည်။

#မန္တလေးသတင်းကွန်ရက်
#သဲသဲ

23/11/2024

မန္တလေးမှာ 🌊ရေလှိုင်းစီးချင် လာခဲ့ဗျာ

Nov 23, 11:37 AM

ရင်ထဲက အပူမီးတွေ စိတ်ရှုပ်စရာတွေ
ခဏထားပြီး နားရက်လေးမှာ

အပန်းဖြေ ✨Relax လုပ်ရင်းနဲ့
တန်ဖိုးထားရတဲ့သူလေးတွေနဲ့ အချိန်တွေ
❣️ကုန်ဆုံးလိုက်ရအောင်…

✨✨✨✨✨✨✨✨✨✨✨✨✨✨✨

မြို့တော်ဥယျာဥ်ခေတ်မီကစားကွင်း က
မိတ်ဆွေတို့ကို 💖အချစ်တွေနဲ့ အမြဲကြိုဆိုနေပါတယ်...

ပျော်စရာတွေနဲ့ ပြည့်နေတဲ့ မြို့တော်ဥယျာဥ်ကို မိသားစုနဲ့လာလာ ချစ်သူလေးနဲ့ လာလာ

သူငယ်ချင်းတွေနဲ့ လာလာ😍 မိတ်ဆွေတို့ ပျော်ရွှင်ရရင် ကျွန်တော်တို့လည်း ပျော်ရပါတယ်... 🥰

ပျော်ရမယ့် ‌နေရာလေးကိုတော့ သိတယ်ဟုတ် 😍

📌၂၆ (B) လမ်း နှင့် ကမ်းနားလမ်းထောင့် ပိုက်ကျုံး, ချမ်းအေးသာစံမြို့နယ်, မန္တလေးမြို့‌။
☎ 09 772 383 328 , 09 441 056 007 , 09 200 9189

22/11/2024

ပရိသတ်ရဲ့အချစ်တော် သဲသဲ တက်ရောက်ခဲ့သည့် မန္တလေးက HAIR HEAVEN Beauty Salon ဖွင့်ပွဲ(ရုပ်သံ)

Nov 22, 1:22 PM

မန္တလေးမြို့ရှိ HAIR HEAVEN Beauty Salon ဖွင့်ပွဲကို ယနေ့ နိုဝင်ဘာ၂၂ရက် နံနက်ပိုင်းက ၈၁လမ်း၊ ၃၃လမ်းနှင့် ၃၄လမ်းကြားတွင် ကျင်းပရာ အလှမယ် သဲသဲ(ခ)သဲစုညိမ်း တက်ရောက်၍ ဖဲကြိုးဖြတ်ပေးခဲ့ကာ သဲသဲ၏ ပရိသတ်(Fan) များနှင့် အထူးစည်ကားခဲ့သည့်မှတ်တမ်းကို ရိုက်ကူးတင်ဆက်ထားသည်။

#မန္တလေးသတင်းကွန်ရက်

#သဲသဲ
#သဲစုညိမ်း

21/11/2024

𝐏𝐨𝐫𝐭𝐚𝐛𝐥𝐞 𝐆𝐚𝐬 𝐒𝐭𝐨𝐯𝐞 တွေ ဝယ်ယူရင်း 𝟓% 𝐎𝐟𝐟 ရယူလိုက်ပါ(ကြော်ငြာကဏ္ဍ)

မင်္ဂလာပါ မိတ်ဆွေတို့ရေ

Nov 21, 1:33 PM

မိတ်ဆွေတို့ရဲ့ လူနေမှုဘဝကို တစ်ဖက်တစ်လမ်းကနေ အကောင်းဆုံးပါဝင်မြှင့်တင်ပေးမယ့် 𝐏𝐨𝐫𝐭𝐚𝐛𝐥𝐞 𝐆𝐚𝐬 𝐒𝐭𝐨𝐯𝐞 တွေကို ဟိန်းသစ်မှာ အမျိုးအစားအစုံ၊ အရည်အသွေးအစုံ၊ ဈေးနှုန်းအစားစားဖြင့် မှာယူနိုင်ပါပြီနော်

ဒါတင်သာမက မိတ်ဆွေတို့အနေနဲ့ 𝐍𝐨𝐯𝐞𝐦𝐛𝐞𝐫 လကုန်ထိ ကျွန်မတို့ ဟိန်းသစ်ရဲ့ 𝐏𝐨𝐫𝐭𝐚𝐛𝐥𝐞 𝐆𝐚𝐬 𝐒𝐭𝐨𝐯𝐞 တွေကို ဝယ်ယူပါက 𝟓% 𝐎𝐟𝐟 𝐏𝐫𝐨𝐦𝐨𝐭𝐢𝐨𝐧 ကိုပါ ရရှိနိုင်ဦးမှာပါရှင့်

𝐏𝐨𝐫𝐭𝐚𝐛𝐥𝐞 𝐆𝐚𝐬 𝐒𝐭𝐨𝐯𝐞 တွေကို အသုံးပြုခြင်းက အိမ်သုံးအတွက် အဆင်ပြေရုံသာမက၊ 𝐂𝐚𝐦𝐩𝐢𝐧𝐠 𝐓𝐫𝐢𝐩, 𝐒𝐡𝐨𝐫𝐭 𝐓𝐫𝐢𝐩 တွေအထိ သယ်ဆောင်ရလွယ်ကူတာမို့ အသပ်ရပ်ဆုံးနဲ့ အလွယ်တကူ ချက်ပြုတ်စားသုံးနိုင်မှာပါ

𝐍𝐨𝐯𝐞𝐦𝐛𝐞𝐫 လကုန်ထိ 𝟓% 𝐎𝐟𝐟 𝐏𝐫𝐨𝐦𝐨𝐭𝐢𝐨𝐧 လေးက ဆက်လက်ရှိနေဦးမှာမို့ 𝐏𝐨𝐫𝐭𝐚𝐛𝐥𝐞 𝐆𝐚𝐬 𝐒𝐭𝐨𝐯𝐞 တွေလိုအပ်ပါက အခွင့်ထူးကြုံတုန်း အမိအရသာ ဝယ်ယူအားပေးလိုက်ပါ မိတ်ဆွေတို့ရေ 📣✨

ဟိန်းသစ် ~ ဂက်စ် (လက်လီ၊လက်ကား)ဖြန့်ချိရေး

🏠လိပ်စာ : ၅၄ (𝐀) လမ်း၊ ၁၃၁ × ၁၃၂ လမ်းကြား၊
ပြည်ကြီးတံခွန်မြို့နယ်၊ မန္တလေးမြို့။

📱𝟎𝟗-𝟕𝟗𝟕𝟑𝟔𝟓𝟗𝟑𝟖📱𝟎𝟗-𝟒𝟐𝟔𝟗𝟕𝟕𝟕𝟗𝟒
📱𝟎𝟗-𝟕𝟕𝟎𝟒𝟏𝟔𝟎𝟗𝟏 📱𝟎𝟗-𝟗𝟕𝟕𝟗𝟐𝟏𝟓𝟖𝟔

🏠လိပ်စာ : (၆၂)လမ်း၊ ၁၃၀ × ၁၃၁ လမ်းကြား၊
ပြည်ကြီးတံခွန်မြို့နယ်၊ မန္တလေးမြို့။

📱𝟎𝟗-𝟖𝟖𝟐𝟖𝟔𝟑𝟗𝟔𝟎 📱𝟎𝟗-𝟕𝟖𝟏𝟒𝟖𝟔𝟑𝟎𝟐

🏠လိပ်စာ : 𝟓𝟓*𝟏𝟏𝟏ထောင့်၊ ချမ်းမြသာစည်မြို့နယ်၊ မန္တလေးမြို့။

📱𝟎𝟗-𝟕𝟔𝟑𝟒𝟓𝟕𝟗𝟕𝟗📱𝟎𝟗-𝟒𝟒𝟐𝟎𝟒𝟐𝟐𝟎𝟒

#ဟိန်းသစ် #𝐏𝐨𝐫𝐭𝐚𝐛𝐥𝐞𝐆𝐚𝐬𝐒𝐭𝐨𝐯𝐞 #𝐩𝐫𝐨𝐦𝐨𝐭𝐢𝐨𝐧𝐬𝐚𝐥𝐞
#မန္တလေးမြို့ #ပြည်ကြီးတံခွန် #ချမ်းမြသာစည် #𝐠𝐚𝐬𝐚𝐜𝐜𝐞𝐬𝐬𝐨𝐫𝐲