Myanmr People's Defence Force News

01/06/2022

လက်နက်ကြီးပစ်ခတ်လေ့ကျင့်မှု LDF ဖက်ဆွတ်တပ်ရင်း ထုတ်ပြန်

မဲခေါင်၊ ဇွန် ၁

စစ်ကိုင်းနှင့် ကချင်နယ်စပ်များတွင် စစ်အာဏာရှင်ကို လက်နက်ကိုင်တိုက်ပွဲဝင်နေသည့် LDF ဖက်ဆွတ်တပ်ရင်းမှ လက်နက်ကြီးပစ်ခတ်လေ့ကျင့်ပုံများအား ယနေ့တွင် ထုတ်ပြန်အသိပေးထားသည်။

30/05/2022

ရန်သူက နှစ်ပေါင်း ၃၀ကျော်သိမ်းပိုက်ထားသည့် သေ့ဘော့ဘိုးတပ်စခန်းအား ပြန်လည်သိမ်းယူနိုင်မှုအပေါ် NUG ကာကွယ်ရေးဝန်ကြီးဌာန ဂုဏ်ပြု

▪️KNU တပ်မဟာ(၆)နယ်မြေတွင် ၅လအတွင်း စစ်ကောင်စီတပ်စခန်းသုံးခုကို တိုက်ခိုက်သိမ်းပိုက်နိုင်ခဲ့

သက်ဝေ/People’s Spring

ရန်သူက နှစ်ပေါင်း ၃၀ကျော်သိမ်းပိုက်ထားသော ကရင်ပြည်နယ် မြ၀တီမြို့နယ် သေ့ဘော့ဘိုးစစ်ကောင်စီ တပ်စခန်းကို သိမ်းယူနိုင်ခဲ့သည့် မဟာမိတ် ပူးပေါင်းအဖွဲ့ ထံ ဂုဏ်ပြုသဝဏ်လွှာပေးပို့ခဲ့ကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက ထုတ်ပြန်သည်။

စစ်အာဏာရှင်ဆန့်ကျင်တိုက်ဖျက်ရေး ပြည်သူ့ခုခံတွန်းလှန်စစ်ကို ရွတ်ရွတ်ချွံချွံ ဆင်နွှဲလျက်ရှိသော KNU၊ KNLA၊ KNDO၊ PDF နှင့် အခြားမဟာမိတ်အင်အားစုများပါဝင်သော ပူးပေါင်းအဖွဲ့၏ ထူးချွန်ပြောင်မြောက်သည့် စစ်ရေးစွမ်းဆောင်မှုကို ဂုဏ်ပြုကြောင်း သဝဏ် လွှာ၌ ရေးသားထားသည်။

ကရင်အမျိုးသားအစည်းအရုံး(KNU) တပ်မဟာ(၆) တည်ရှိရာ ဒူးပလာယာခရိုင်၊ တောင်ပိုင်းစစ်ဒေသတွင် KNU၊ KNLA၊ KNDO၊ PDF နှင့် အခြားမဟာမိတ်အင်အားစုများပါဝင်သော တော်လှန်ရေးပူးပေါင်းအဖွဲ့သည် ၂၀၂၁ ဒီဇင်ဘာ ၁၅ရက် လေးကေ့ကော်တိုက်ပွဲ မှစ၍ ခုခံတွန်းလှန် စစ်ဆင်နွှဲလာရာ ရန်သူ့စခန်းသုံးခုနှင့် ရန်သူ့လက်နက် အမြောက်အများကို လက်ရသိမ်းပိုက်နိုင်ခဲ့ကြောင်း ဖော်ပြထားသည်။

မေလ ၁၈ရက်တွင် ရန်သူကအနှစ်(၃၀)ကျော် သိမ်းပိုက်ထားခဲ့သော သေဘောဘိုးစခန်းကို ပြန်လည်သိမ်းယူနိုင်ခဲ့သည်မက ရန်သူလက်နက်မျိုးစုံ (၁၅)လက်၊ ကျည်မျိုးစုံ ၇,၀၀၀ကျော်ကိုပါ လက်ရသိမ်းဆည်းနိုင်ခဲ့သည်ဟုဆိုသည်။

သေ့ဘော့ဘိုး စခန်းသိမ်းတိုက်ပွဲတွင် စစ်ကောင်စီတပ်မှ ဒုတပ်ရင်းမှူးအပါအဝင် ငါးဦးထက်မနည်း သေဆုံးခဲ့ပြီး အရှင်ဖမ်းမိသူ ၇ဦးထက်မနည်းရှိခဲ့သည်။ အဆိုပါ တိုက်ပွဲတွင် စစ်ကောင်စီတပ်မှ လေကြောင်း တိုက်ခိုက်မှု အကြိမ်ကြိမ်ပြုလုပ်ခဲ့သော်လည်း KNU ပူးပေါင်းတပ်၏ ထိုးစစ်ကို မကာကွယ်နိုင်ဘဲ စခန်းကိုစွန့်လွှတ်ခဲ့ရသည်။ စစ်ကောင်စီတပ်များသည် ထိုင်းနိုင်ငံဘက်သို့ ထွက်ပြေးတိမ်းရှောင်သွားခဲ့သည်။

#လူထုနွေဦး

'sSpring

https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/

30/05/2022

ထောက်ပို့တဲများကို စစ်​ကောင်စီတပ်ဖြိုးခွဲရန်ချဥ်းကပ်လာစဥ်တိုက်မိုင်းအသုံးပြု​ဖောက်ခွဲ၍ ​အောင်မြင်စွာဆုတ်ခွာဟုPDF(က​လေး)​ပြော

​စော​နွေဦး/People's Spring

အင်အား ၁၅၀ခန့်ပါသည့် စစ်ကောင်စီစစ်ကြောင်းက PDF(ကလေး) တပ်ရင်း-၂၏ ​ထောက်ပို့တဲများကို ဖြိုခွင်းရန်ကြိုးစားခဲ့သောကြောင့် တိုက်မိုင်းသုံး တိုက်ခိုက်ခဲ့ပြီး လူသူလက်နက် ဆုံးရှုံးခြင်းမရှိဘဲ ဆုတ်ခွာနိုင်ခဲ့ကြောင်း PDF(ကလေး)က သတင်းထုတ်ပြန်သည်။

တိုက်မိုင်းသည် ပေါက်ကွဲအားပြင်းထန်ခြင်းကြောင့် စစ်ကောင်စီတပ်သား ၅ဦးခန့် ထိခိုက်ခဲ့သည်ဟုလည်း ထုတ်ပြန်ထားသည်။

စစ်ကောင်စီတပ်သည့် ယမန့်နေ့( မေ ၂၉ ရက်)တွင် PDF(ကလေး)တပ်ရင်း ၂ ၏ ထောက်ပို့တဲသုံးလုံးနှင့် ထောက်ကြန့်ရွာသစ်ကျေးရွာမှာ ပြည်သူနေအိမ် လေးလုံးကို မီးရှို့ဖျက်ဆီးခဲ့သည်ဟု ဆသည်။

“PDF-Kalay ( B02 )၊ CDF - KKG၊ ပ.က.ဖ နှင့် ရွာခံများပူးပေါင်းကာ မီးငြိမ်းပေးခဲ့ပါတယ်”ဟုPDF(ကလေး)တပ်ရင်း-၂ က တာဝန်ရှိသူက​ပြောသည်။

စစ်ကောင်စီတပ်၏ထိုးစစ်ကို ကြိုတင်ပြင်ဆင်ထားခြင်းကြောင့် ပြည်သူ့ကာကွယ်ရေးတပ်ဘက်မှ ထိခိုက်ဒဏ်ရာရရှိခြင်းမရှိသလို လက်နက်ခဲယမ်း ဆုံးရှုံးခြင်းလည်းမရှိဟုလည်း သိရသည်။

စခန်းပြောင်းရွှေ့ရခြင်းကြောင်း ရဲဘော်များကို အကူအညီပေးရန်လည်း PDF(ကလေး)တပ်ရင်း-၂ က မေတ္တာရပ်ခံထားသည်။

“မရွှေ့ပြောင်းနိုင်တဲ့ ပစ္စည်းတချို့ ဆုံးရှုံးတယ်လို့ကြားရပါတယ်၊ လူကော၊ လက်နက်ကော ဆုံးရှုံးတာမကြားမိသေးဘူး”ဟု ကလေးမြို့ခံတစ်ဦးကပြောသည်။

စစ်ကောင်စီတပ် ဝါဒဖြန့်မီဒီယာများက PDF(ကလေး) တပ်ရင်း ၂ နှင့် တပ်ရင်း ၆ စခန်းများကို သိမ်းဆီးရပြီး PDF နှစ်ဦးသေဆုံးသည်ဟု ဆိုထားသည်။ AK သေနတ်တစ်လက်နှင့် စိန်ပြောင်း ၄လက်ရရှိခဲ့သည်ဟုစစ်​ကောင်စီကဝါဒဖြန့်ထားသည်။

(စစ်​ကောင်စီတပ်က ​ထောက်ပို့တဲအချို့နှင့် ပြည်သူ့​နေအိမ်များကို မီးရှို့ခဲ့သည်။ ။ဓါတ်ပုံ-CJ)

#လူထုနွေဦး

'sSpring

https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/

30/05/2022

ပြည်သူ့ကာကွယ်ရေးတပ်မတော်(PDF) စစ်သည်ရဲ‌ဘော် တွေရှိတဲ့ ရှေ့တန်းစခန်းတစ်နေရာကိုအမျိုးသားညီညွတ် ရေးအစိုးရ၊ ယာယီသမ္မတဒူဝါလရှီးလသွားရောက်တဲ့မြင် ကွင်းတွေဖြစ်ပါတယ်။

ယာယီသမ္မတက စစ်သည်ရဲဘော်တွေကို အားပေးစကားနဲ့
ဂုဏ်ပြုစကားတွေပြောခဲ့သလို PDF စစ်သည်ရဲဘော်တွေကလည်း ပြန်လည်ဆွေးနွေးတာ နဲ့ မေးခွန်း‌မေးတာတွေ
လုပ်ခဲ့တယ်လို့ ယာယီသမ္မတရဲ့လူမှုကွန်ရက်ကထုတ်ပြန်ပါတယ်။

ယာယီသမ္မတနဲ့အဖွဲ့က သူတို့သွားရောက်ခဲ့တဲ့ စစ်စခန်း
တွင်းရဲ့အခြေအနေတွေ၊ PDF စစ်သည်တွေရဲ့လိုအပ်ချက် နဲ့ စားဝတ်နေရေး အခြေအနေတွေကိုလည်း ဖြည့်ဆည်းပေးခဲ့တယ်လို့ ဆိုပါတယ်။

ဓာတ်ပုံ - Acting President Duwa Lashi La's Facebook

30/05/2022

နမ္မတူနယ်တွင် စစ်ကောင်စီထုတ်ကုန် ပစ္စည်းများကို TNLA လိုက်လံဖျက်ဆီး

▪️စစ်ကောင်စီထုတ်ကုန် မရောင်းရန်တားမြစ်ချက်အား မလိုက်နာသည့် ဆိုင်ရှင်ကိုအရေးယူမည်ဟုအသိ​ပေး

သက်ဝေ/People’s Spring

ရှမ်းပြည်နယ်မြောက်ပိုင်း နမ္မတူမြို့နယ် မန်စံကျေးရွာရှိ စျေးဆိုင်များတွင် ရောင်းချနေသည့် စစ်ကောင်စီထုတ်ကုန်ပစ္စည်းများကို လိုက်လံဖျက်ဆီးခဲ့ကြောင်း တအာင်းအမျိုးသားလွတ်မြောက်ရေးတပ်မတော်(TNLA) သတင်းနှင့် ပြန်ကြားရေးဌာနက ယမန်နေ့တွင် ဖော်ပြ သည်။

မေလ ၂၈ရက်က TNLA တပ်မဟာ(၄)စစ်ဒေသ နမ္မတူမြို့နယ် မံစံကျေးရွာတွင် TNLA နမ္မတူမြို့နယ်အုပ်ချုပ်ရေးဌာနနှင့် တပ်ရင်း(၉၁၉)တို့ ပူးပေါင်းပြီး ကျေးရွာထဲရှိ စျေးဆိုင်များကို လိုက်လံစစ်ဆေးခဲ့သည်ဟု ဆိုသည်။

ထိုသို့ စစ်ဆေးရာ စစ်ကောင်စီထုတ်ကုန်များဖြစ်သည့် Myanmar Beer ၊ Speed ချိုရည်၊ Horn ချိုရည် နှင့် အခြားစားသုံးကုန်ပစ္စည်းများ တွေ့ရှိရ၍ တန်ဖိုးစုစုပေါင်း (၁၀) သိန်းဝန်းကျင် ဖျက်ဆီးခဲ့ပြီး ဆိုင်ရှင်ကို စစ်ကောင်စီထုတ်ကုန်ပစ္စည်းများ ရှောင်းချမှုဖြင့် အရေးယူသွားမည်ဟု ဖော်ပြထားသည်။

TNLA အနေဖြင့် စစ်ကောင်စီထုတ်ကုန်ပစ္စည်းများစာရင်းနှင့် ရောင်းချခြင်း မပြုလုပ်ရန်တားမြစ်စာကို မံစံကျေးရွာရှိ ဈေးဆိုင်တိုင်းတွင် ဖြန့်ဝေကပ်ထားပြီးဆိုင်ရှင်များကိုလည်း အသိပေးထားသည့်အပေါ် ဆက်လက်ရောင်းချနေ၍ အဆိုပါ စစ်ကောင်စီထုတ်ကုန်များကို ဖျက်ဆီးခဲ့ခြင်းဖြစ်သည်။

#လူထုနွေဦး

'sSpring

https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/

29/05/2022

အမျိုးသားညီညွတ်​ရေးအစိုးရ ကာကွယ်​ရေးဝန်ကြီးဌာန အလယ်ပိုင်းတိုင်းစစ်ဌာနချုပ် ပြည်သူ့ကာကွယ်​ရေးတပ်မ​တော်(​နေပြည်​တော်)တိုက်ခိုက်​ရေး အထူးကွန်မန်ဒို သင်တန်း အပတ်စဥ် (၂/၂၀၂၂ ) သင်တန်း ဆင်းပွဲ မေလ (၂၉)ရက် မြင်ကွင်း။
Photos - Nay Pyi Taw PDF

16/05/2022

ရေစကြိုတွင် စစ်တပ်က ကျေးရွာ ၁၁ ရွာကို မီးတင်ရှို့ခဲ့သဖြင့် ပြည်သူပိုင် နေအိမ် ၁၄၅ လုံး မီးလောင် ပြာကျ ၊ စစ်ရှောင်ပြည်သူများ အရေးပေါ် အကူ အညီလိုအပ်နေ

ရန်ကုန်၊ မေ ၁၆

မကွေးတိုင်း ရေစကြိုမြို့နယ် ရေလယ်ကျွန်းဒေသရှိ ကျေးရွာ ၁၁ ရွာကို စစ်တပ်က မေလ ၇ ရက်နေ့မှ မေလ ၁၆ ရက်နေ့အထိ ၁၀ ရက်တာကာလ ဆက်တိုက် မီးရှို့ ဖျက်ဆီးခဲ့သဖြင့် ပြည်သူပိုင်နေအိမ် ၁၄၅ လုံး မီးလောင်ပြာကျခဲ့ကြောင်း ဒေသခံ ကာကွယ်ရေး ပြောက်ကျား တပ်ဖွဲ့ ဖြစ်သည့် သိမ်းငှက် အဖွဲ့ထံမှ သိရသည်။

စစ်တပ်က ရွှေလှံ ရွာမှ ပြည်သူပိုင်နေအိမ် ၃ လုံး၊ သာဂေါင်ရွာမှ ပြည်သူပိုင်နေအိမ် ၁ လုံး၊ ဖြုံဘူးရွာမှ ပြည်သူပိုင်နေအိမ် ၂ လုံး၊ မိဖုရားရွာမှ ပြည်သူပိုင် နေအိမ် ၁၁ လုံး၊ မဲကုန်း ရွာမှ ပြည်သူပိုင်နေအိမ် ၂ဝ လုံး၊ ကျွဲကုန်းရွာမှ ပြည်သူပိုင် နေအိမ် ၇ လုံး၊ ဆည်သည့်ရွာမှ ပြည်သူပိုင် နေအိမ် ၈ လုံး၊ မြေစွန်းရွာမှ ပြည်သူပိုင် နေအိမ် ၁၁ လုံး၊ ငတရော်ရွာမှ ပြည်သူပိုင် နေအိမ် ၇ လုံး၊ မိုးကွဲရွာမှ ပြည်သူပိုင်နေအိမ် ၁၇ လုံး၊ တောင်ကုန်းရွာမှ ပြည်သူပိုင် နေအိမ် ၉ လုံး၊ ကိုင်းရွာမှ ပြည်သူပိုင် နေအိမ် ၅ လုံး၊ လှေခုတ်ရွာမှ ပြည်သူပိုင် နေအိမ် ၁၈ လုံး၊ သောင်ရှေ့ရွာမှ ပြည်သူပိုင် နေအိမ် ၁ လုံး၊ မင်းရွာမှ ပြည်သူပိုင် နေအိမ် ၁ လုံး၊ ဘိုကုန်းရွာမှ ပြည်သူပိုင် နေအိမ် ၁ လုံးနှင့် ကံဦးရွာမှ ပြည်သူပိုင် နေအိမ် ၂၃ လုံး စုစုပေါင်း နေအိမ် ၁၄၅ လုံးကို စစ်တပ်က မီးရှို့ဖျက်ဆီးကြောင်း သိရှိရသည်။

လက်ရှိချိန်တွင် အဆိုပါ ကျေးရွာများရှိ ပြည်သူများလည်း ဘေးလွတ်ရာသို့ ထွက် ပြေးနေရပြီး အနီးကျေးရွာများရှိ ပြည်သူများလည်း ထွက်ပြေးတိမ်းရှောင်နေရကြောင်း၊ စစ်ရှောင်ပြည်သူများအတွက် အရေးပေါ် စားဝတ်နေရေး ကယ်ဆယ်ရေး ပစ္စည်းများ လိုအပ်လျက်ရှိကြောင်း သိရသည်။

Photo - ယနေ့ မေလ ၁၆ ရက်နေ့တွင် အကြမ်းဖက် စစ်တပ် ဝင်ရောက် စီးနင်း မီးရှို့သောကြောင့် ပြည်သူပိုင် နေအိမ် ၂၃ လုံး မီးလောင်ပြာကျခဲ့သည့် ကံဦးရွာ

12/05/2022

ထီးလင်းမြို့နယ်၌ လာမည့်တစ်လအတွင်း အင်တာနက်နှင့်ဖုန်းလိုင်းပြန်ဖွင့်မ​ပေးပါက တာဝါတိုင်အားလုံး ဖြိုချမည်ဟု သတိ​ပေး

ရဲခေါင်၊ကြည်သာ/People's Spring

ထီးလင်းမြို့နယ်အတွင်း ကာလကြာရှည်စွာ ဖြတ်တောက်ထားသည့် အင်တာနက်လိုင်းနှင့် ဖုန်းလိုင်းများ တစ်လအတွင်း လိုင်းပြန်ဖွင့်ပေးရန် ထီးလင်းပြည်သူ့ကာကွယ်ရေးတပ်(PDF)နှင့် ထီးလင်း ယောဒေသကာကွယ်ရေးတပ်(YDF)တို့က တောင်းဆိုခဲ့ပြီး ပြန်မရပါက ဆက်သွယ်ရေး တာဝါတိုင်များအားလုံးကို ဖြိုချသွားမည်ဟု ထုတ်ပြန်သည်။

စစ်တပ်၏ အာဏာသိမ်းပြီးနောက်ပိုင်း ထီးလင်းမြို့နယ်တွင် အင်တာနက်ကိုအချိန်အကန့်အသတ်ဖြင့်သာရရှိခဲ့ပြီးနောက် ယမန်နှစ် စက်တင်ဘာကစ၍ အင်တာနက်လုံးဝဖြတ်တောက်ခြင်းခံခဲ့ရသည်ဟု ဆိုသည်။

ထို့ကြောင့် ယခုအချိန်တွင် အင်တာနက်လုံးဝမရရှိသည်မှာ ရှစ်လကျော်ကြာမြင့်ခဲ့ပြီဟု အသိပေးသည်။

"အခုထီးလင်းက ဖုန်းကိုခေါ်ရင်တောင် ဝင်ချင်မှ ဝင်တာ။ဆက်သွယ်ရေးက တအားခက်ခဲနေတယ်။ဒါကြောင့် အများပြည်သူအကျိုးကို ရှေးရှုပြီးတောင်းဆိုတာ ဖြစ်တယ်။ဒါကို မဖြည့်ဆည်းပေးနိုင်ရင် တာဝါတိုင်တွေရှိလည်း ဘာမှ မထူးတော့ဘူး"ဟု YDF ထီးလင်း တာဝန်ရှိသူက People's Springသို့ ပြောသည်။

ပြည်သူ့ကာကွယ်ရေးရဲဘော်တစ်ဦးကလည်း" ကျွန်တော်တို့ လူငယ်တွေနဲ့ ချတာ။ ချကြစမ်း။ ယောကျ်ား ယောကျ်ားချင်းချတာ။ အခုတော့ ဆက်သွယ်ရေးကုမ္ပဏီတွေက စစ်ကောင်စီ သူရဲဘောကြောင်သမျှ ခိုင်းတာလိုက်လုပ်ပေးနေတယ်။ လိုင်းတွေ ပိတ်ထားတာဟာ ညွှန်ကြားသူရော လိုက်နာသူရော အောက်တန်းကျတာ"ဟု ပြော သည်။

ထို့အပြင် ထီးလင်းမြို့နယ်ဧရိယာ ၅၀ ရာခိုင်နှုန်းခန့်သာပုံမှန်ဖုန်းလိုင်းရရှိပြီး စစ်ကြောင်းများထိုးသည့်အချိန်တိုင်း ထိုဖုန်းလိုင်းများကိုဖြတ်တောက်ပစ်သဖြင့် ပြည်သူအများသတင်းမရရှိပဲ အခက်အခဲကြုံနေရသည်ဟုလည်း ဖော်ပြသည်။

ထို့ကြောင့် ဆက်သွယ်ရေးကုမ္ပဏီများအနေဖြင့် ထမင်းရှင် ပြည်သူများ၏မျက်နှာကိုမကြည့်ပဲ စစ်ကောင် စီအလိုကျ အင်တာနက်ဖြတ်တောက်ခြင်း၊ဖုန်းလိုင်းဖြတ်တောက်ခြင်းများပြုလုပ်နေပြီး (Comsumer Rights) ချိုးဖောက်နေခြင်းများကို ယခုချက်ခြင်းရပ်တန့်၍ ထီးလင်းတစ်မြို့နယ်လုံးအား အင်တာနက်ပြန်ဖွင့်ပေးရန် တောင်းဆိုသည်။

ယခု တောင်းဆိုချက်ကို ယနေ့(မေ ၁၂ရက်)မှ နောက်တစ်လအတွင်း အကောင်အထည်ဖော်ရန်နှင့် တစ်လပြည့်ချိန်ထိ အင်တာနက်လိုင်းနှင့်ဖုန်းလိုင်းများ ပြန်လည်မရရှိပါက ထီးလင်းမြို့နယ်တွင်းရှိဆက်သွယ်ရေးတာဝါတိုင်များအားလုံးကို တစ်စစီဖြိုချကာ တော်လှန်ရေးအတွက်အသုံးချသွားမည်ဟု အသိပေးသည်။

(People Defence Force Htilin (Yaw Region)မှ ရဲဘော်များအား တွေ့ရစဥ်)

10/05/2022

မူရင်း post ပျက်သွား၍ ပြန်လည်တင်ခြင်းဖြစ်ပါသည်။
9/5/2022
ဒီမနက် 06:30 ဝန်းကျင် သန်းတောင်စျေးနေ့ ပြည်သူ့စစ်ခေါင်းဆောင် (စည်းရုံးရေးမှူး)၊ ဒလန် သတင်းကေး၊ ရပခ နဲ့ ၉၄ တပ်ကိုဝင်ထွက် သတင်းပေးနေတဲ့ သူ ၊ ရဲမြင့် (ရွာမ ကလေးငယ်ရပ် ) နှင့် သူ့သားမက် ကျော်စွာ ( ရဲမြင့်ရဲ့လက်ကိုင်တုတ်၊ လောက်ကောင် ၊ ရခ ၊ စခ တို့ရဲ့ ကျေးကျွန်) တို့ကို တချိန်ထဲ တပြိုင်ထဲ G*n ဖြင့်ရှင်းလင်းသုတ်သင်လိုက်သည်။ ပြီးခဲ့တဲ့ 3/5/2022 ရပခ အစည်းအဝေးကိုတက်ရောက်စဥ် အခွင့်အခါမသင့်ခဲ့လို့ ဒီမနက်မှ ရှင်းလိုက်သည်ဟု AFJ က ထုတ်ပြန်လိုက်သည်။

ယနေ့ဖြစ်ပွားမှုတွင် Gun ဖြင့်လေးချက်ပစ်ဖောက်ခဲ့ရာဒလန်အား သုံးချက်ပစ်၍ ရှင်းလင်းခဲ့ပြီး ကျန်တစ်ချက်မှာမူ မိုးပေါ်ထောင်ပစ်ခဲ့မိရာမှာ ပြည်သူတို့အားခြိမ်းခြောက်ခြင်းမဟုတ်ဘဲ ပြေးလွှာရန်အခက်အခဲကြောင့် သာပစ်ခဲ့မိ၍ ကျွန်တော်တို့ AFJ အဖွဲ့သားများအားလုံး ပြည်သူလူထုအား တောင်းပန်အပ်ပါသည်။

​ ပြည်သူ့ဘက်တော်သား
AssassinFor Justice-AFJ ပြောက်ကျား

03/05/2022

ညောင်ဦး - ကျောက်ပန်းတောင်း ကားလမ်းမှာ ခလရ(၅၅) တပ်မှူးပါတဲ့ စစ်ကား မိုင်းဆွဲ၊ ပစ်ခတ်တိုက်ခိုက်ခံရ၊
ကားပျက်စီးသလို စစ်အုပ်စု ထိခိုက်ဒဏ်ရာရသူ ရှိပြီး အပြန်အလှန် ပစ်ခတ်မှုဖြစ်၊

MFP ၊ မေ - ၃

မန္တလေးတိုင်း ညောင်ဦးခရိုင် ညောင်ဦး - ကျောက်ပန်းတောင်း ကားလမ်းမှာ ဒီကနေ့ မနက်(၈)နာရီခွဲလောက်က စစ်ကားအကြီးတစ်စီး မိုင်းထောင်ဖောက်ခွဲ၊ ပစ်ခတ်တိုက်ခိုက်ခံရပြီး ကားထိခိုက်ပျက်စီးမှု ရှိသလို ကားပေါ်ပါလာတဲ့ စကစတချို့ ထိခိုက်ဒဏ်ရာရတယ်လို့ MFP ရဲ့ သတင်းရင်းမြစ်တွေက ပြောပါတယ်။

ရခိုင်ပြည်နယ် သံတွဲမြို့အခြေစိုက် အကြမ်းဖက် စစ်အုပ်စု အနောက်ပိုင်းတိုင်း စစ်ဌာနချုပ်အခြေစိုက် ခြေလျှင်တပ်ရင်း (၅၅)က တပ်မှူးနှင့်အဖွဲ့ဟာ လွိုင်ကော်ဘက်ကို သွားဖို့အတွက် ညောင်ဦး - ကျောက်ပန်းတောင်း လမ်းအတိုင်း မောင်းနှင်လာချိန်မှာ ဒီကနေ့ မေ(၃)ရက် မနက်(၈)နာရီခွဲက မိုင်းဆွဲခံရပြီး ပစ်ခတ်တိုက်ခိုက် ခံရတာလို့ ဆိုပါတယ်။

အဲ့ဒီလို မိုင်းထောင်ဖောက်ခွဲ ပစ်ခတ်တိုက်ခိုက် ခံရတာကြောင့် ခလရ(၅၅) တပ်မှူးနှင့် အကြမ်းဖက် စစ်အုပ်စု စီးနင်းလာတဲ့ ခြောက်တန်၊ ဖောအမျိုးအစား စစ်ကား (ဗ)…. မှာ ကားခေါင်းပိုင်းက မှန်နှင့်တံခါးချပ်တွေ ထိခိုက်ပျက်စီးသလို ရေတိုင်ကီ မိုင်းစထိမှန် ပျက်စီးခဲ့တယ်လို့ ဆိုပါတယ်။

အဲ့ဒီ ဖြစ်စဉ်မှာ စစ်ကားပေါ်ပါတဲ့ ခလရ(၂၅၉)က တပ်ကြပ်ကြီးစာရေးအဆင့် စကစ တစ်ဦး မျက်နှာမှာ မိုင်းစထိမှန် ဒဏ်ရာရတယ်လို့လည်း ဆိုပါတယ်။ မိုင်းဆွဲခံရပြီးနောက် နှစ်ဖက် အပြန်အလှန် ပစ်ခတ်မှု ဖြစ်ပွားခဲ့ပေမယ့် ထိခိုက်သေဆုံးတာ မရှိဘူးလို့လည်း MFP ရဲ့ သတင်းရင်းမြစ်က ပြောပါတယ်။

အဲ့ဒီ မိုင်းထောင်ဖောက်ခွဲ တိုက်ခိုက်မှုနှင့် ပတ်သက်ပြီး အသေးစိတ် အခြေအနေတွေ မသိရသေးသလို ဘယ်အဖွဲ့က ဖောက်ခွဲတိုက်ခိုက်တယ်ဆိုတာလည်း မသိရသေးပါဘူး။

ကျောက်ပန်းတောင်းမြို့ခံ တချို့ကတော့ ဖြစ်စဉ် မသိရပေမယ့် မြို့ပေါ်မှာ စစ်ကားနှစ်စီး ပတ်နေတာ တွေ့ရတယ်လို့ ဆိုပါတယ်။

အကြမ်းဖက်စစ်အုပ်စု အသုံးပြုနေတဲ့ ဖောကားတချို့(ပုံဟောင်း)

( Mandalay Free Press – MFP က တင်ဆက်တဲ့ ရုပ်သံ သတင်းတွေကို ယူကျူ့ https://www.youtube.com/c/MandalayFreePressMFP မှာလည်း ကြည့်ရှုနိုင်ပါတယ်။)

#မန္တလေး #စစ်ကိုင်း #ညောင်ဦး #ကျောက်ပန်းတောင်း #မိုင်းဆွဲ

Source: https://www.facebook.com/101398252213669/posts/187984993554994/

Mandalay Free Press - MFP သည် လွတ်လပ်ပြီး အမှီအခိုကင်းသော သတင်းဌာနဖြစ်သည်။မန္တလေးနှင့် စစ်ကိုင်းတိုင်းအတွင်းက သတင်းများက.....

02/05/2022

ကျောက်ပန်းတောင်းတွင် စစ်ကောင်စီခန့်အုပ်ချုပ်ရေးမှူး ပစ်သတ်ခံရ
===================

OAK

မန္တလေးတိုင်း၊ညောင်ဦးခရိုင်၊ကျောက်ပန်းတောင်းမြို့နယ်၊စံပြရပ်ကွက်ရှိ စစ်ကောင်စီခန့် အုပ်ချုပ်ရေးမှူး ဦးနေဝင်းကို မေလ၂ရက်နေ့ ယနေ့နေ့လယ် ၁၂နာရီ၃၀ မိနစ်တွင် Kyaukpadaung Defense Force-KNDF အဖွဲ့က သေနတ်ဖြင့် ရှစ်ချက် ပစ်ခတ်ခဲ့ကြောင်းသိရသည်။

အုပ်ချုပ်ရေးမှူး ဦးနေဝင်းသည် စစ်ကောင်စီတပ်စွဲထားသည့် လေးရွာ အ.ထ.က(၃) ကျောင်းနားတွင် သေနတ်ဖြင့် ရှစ် ချက်ပစ်ခတ်ခံခဲ့ရပြီး ခြောက်ချက်ထိမှန်ကာ သေဆုံးခဲ့ကြောင်း Kyaukpadaung Defense Force-KNDF အဖွဲ့ထံက သိရသည်။

"သူကပျူစောထီးအဖွဲ့ရဲ့ခေါင်းဆောင်လည်းလုပ်တယ်။ အရင်က ဂျာကင်ဝတ်ပြီး အပြင်ထွက်ရင်အတိုတစ်လက်ပါတယ်။ အခုကတော့မပါလာဘူး။ မြို့ပေါ်က လိုက်လံ ဖမ်းဆီးမှုတွေမှာ စစ်ကောင်စီကို သူကပဲလိုက်ပြပေးတာဗျ" ဟု Kyaukpadaung Defense Force-KNDF အဖွဲ့ကပြောသည်။

သေနတ်ဖြင့် ပစ်ခတ်ခံရသည့် အုပ်ချုပ်ရေးမှူး ဦးနေဝင်းသည် အသက်၆၀ နီးပါးရှိပြီဖြစ်ကာ အဆိုပါ သေနတ်ဒဏ်ရာများဖြင့် အခင်းဖြစ်ပွားရာ နေရာတွင် ပွဲချင်းပြီး သေဆုံးခဲ့ကြောင်း Kyaukpadaung Defense Force-KNDF တာဝန်ရှိသူထံက သိရသည်။

#ကျောက်ပန်းတောင်းမြို့နယ်
#စံပြရပ်ကွက်
#စစ်ကောင်စီခန့်အုပ်ချုပ်ရေးမှူး
#ပစ်သတ်ခံရ

Source: Mizzima

02/05/2022

မင်းအောင်လှိုင် ဦးဆောင်တဲ့ စစ်ကောင်စီရဲ့ တပ်စခန်းတွေမှာ ခုခံစစ်အတွက် ကြိုတင်ပြင်ဆင်ကြဖို့ ညွှန်ကြားချက် ၈၁ ချက် ထုတ်ပြန်၊ ကျည်တစ်တောင့် ၊ လူတစ်ဦးကျန်သည်အထိ စခန်းမကျအောင် ခုခံရန် အမိန့်ပေး၊ ထိုင်းစစ်စခန်းနှင့် UWSA "၀" တပ်ဖွဲ့ စခန်းတွေကို မြေပုံထုတ်ပြင်ထားဖို့ ညွှန်ကြား

ရန်ကုန်၊ မေ ၁

မင်းအောင်လှိုင် ဦးဆောင်တဲ့ စစ်ကောင်စီရဲ့ တပ်စခန်းတွေမှာ ခုခံစစ်အတွက် ကြို တင်ပြင်ဆင်ကြဖို့ ညွှန်ကြားချက် ၈၁ ချက် ထုတ်ပြန်ထားတယ်လို့ စစ်ဘက်သတင်းအချက်အလက်တွေကို ကိုးကားပြီး Fortify Rights အဖွဲ့ရဲ့ ဘုတ်အဖွဲ့ဝင် ကိုနစ်ကီဒိုင်းမွန်းက လူမှုကွန်ရက်တစ်ဆင့် သတင်းထုတ်ပြန်ပါတယ်။

ရန်ကုန်ခေတ်သစ်က ကိုနစ်ကီဒိုင်းမွန်းကို ဆက်သွယ်မေးမြန်းတဲ့အခါ ဒီအချက်အလက်တွေဟာသေချာ စိစစ်ပြီးမှ ထုတ်ပြန်တာတွေဖြစ်ပြီး စစ်တပ်နဲ့ပတ်သက်တဲ့ အချက်အလက်တွေကို ဆက်လက် စိစစ် ထုတ်ပြန်သွားမယ်လို့ ဆိုပါတယ်။

ရန်ကုန်ခေတ်သစ်သတင်းဌာနရဲ့ စစ်တပ်သတင်းရင်းမြစ်တစ်ခုကလည်း ခုခံစစ်နဲ့ပတ်သက်ပြီး စစ်ကောင်စီက အမိန့်ညွှန်ကြားချက်တွေ ထုတ်ပြန်နေတာ မှန်ကန်တယ်လို့ အတည်ပြုပါတယ်။

ခုခံစစ်နဲ့ပတ်သက်လို့ စစ်တပ်ရဲ့ ထုတ်ပြန်တဲ့ အမိန့်ညွှန်ကြားချက် ၈၁ ချက်မှာ စိတ်ဝင်စားစရာ အချက်အလက်တွေ ပါဝင်နေပြီး အဓိကအားဖြင့်တော့ ရန်သူအင်အား ၁၀ ဆဖြစ်နေရင်တောင်မှ ခုခံတိုက်ခိုက်နိုင်တဲ့ စိတ်ဓာတ်မွေးမြူပြီး ခံစစ်ပြင်ကြဖို့လည်းပါဝင်ပါတယ်။

ထူးခြားတာကတော့ ထိုင်းနိုင်ငံအတွင်းမှာရှိတဲ့ စစ်စခန်းတွေ၊ နယ်စပ်ကျေးရွာတွေနဲ့ ဆက်သွယ်ရေး လမ်းကြောင်းတွေကို ပစ်မှတ်အဖြစ် ထားရှိဖို့နဲ့ ပစ်မှတ်တွေကို ပစ်ခတ်နိုင်ဖို့ လေ့ကျင့်ထားဖို့ လည်း ညွှန်ကြားပါတယ်။ ထိုင်းစခန်းတွေကို ၁၂၀ မမ ပစ်ခတ်နိုင်ဖို့ကိုလည်း အမိန့်ပေးထားပါတယ်။

ဒါ့အပြင် UWSA "၀" တပ်ဖွဲ့ရဲ့ တပ်စခန်းနဲ့ထိုင်းစစ်စခန်းတွေရဲ့ မြေပုံတွေ တင်ထားကြဖို့လည်း ညွှန်ကြားပါတယ်။

မင်းအောင်လှိုင် ဦးဆောင်တဲ့ စစ်ကောင်စီ ရဲ့ တပ်စခန်းတွေမှာ ခုခံစစ်ကို အဓိက ထားနေပြီး တိုက်စစ်ထက် စခန်းမကျဖို့ အဓိက ထားညွှန်ကြားနေတာလည်းဖြစ်ပါတယ်။

01/05/2022

ဒီးမော့ဆိုမှာ စစ်ကောင်စီနဲ့ PDF တိုက်ပွဲဖြစ်ပြီး စစ်သား ၃ ဦး သေဆုံး

ဒီးမော့ဆို၊ မေ ၁၊ ၂၀၂၂။

ကရင်နီပြည်နယ်၊ ဒီမော့ဆိုမြို့နယ်အတွင်းမှာ ဧပြီ ၃၀ ရက် မနေ့ကနေ့လည်ပိုင်းက စစ်ကောင်စီတပ်သားတွေနဲ့ နယ်မြေရှင်းလင်းရေးပြုလုပ်နေတဲ့ ဒေသခံကာကွယ်ရေးတပ်တို့ တိုက်ပွဲဖြစ်ပွားခဲ့ပါတယ်။

စစ်တပ်က မကြာခဏဝင်စီးပြီး မီးရှို့ဖျက်ဆီးတာတွေခံနေရတဲ့ ဒီမော့ဆိုမြို့နယ်၊ ဒေါငံခါးရွာမှာ နေ့လည် ၂ နာရီလောက်က စတင်တိုက်ပွဲဖြစ်ပွားခဲ့ပြီး၊ ဒီတိုက်ခိုက်မှုအတွင်း စစ်သား ၃ ဦးသေဆုံးပြီး၊ ၅ ဦး ဒဏ်ရာပြင်းထန်ရရှိခဲ့တယ်လို့ ပြည်သူ့ကာကွယ်ရေးတပ်ဖွဲ့ - ဒီမော့ဆိုမြို့နယ် တာဝန်ခံက ပြောပါတယ်။

“ဒေါငံခါးကျေးရွာမှာ စစ်ကောင်စီအဖွဲ့နဲ့ထိပ်တိုက်တိုက်ပွဲဖြစ်တာ၊ သူတို့က မိုင်းတွေထောင်လိုက် အိမ်တွေမီးရှို့လိုက် လုပ်နေတာ၊ ကျနော်တို့နယ်မြေရှင်းလင်းရေးပုံစံနဲ့ စစ်ကြောင်းသွားတာ၊ ဒေါငံခါးရွာ မူကြိုကျောင်းနဲ့ စာသင်ကျောင်းအကြားမှာ ထိပ်တိုက်တိုက်ပွဲဖြစ်တယ်ပေါ့၊ သူတို့ဘက်ကျတာတော့ တော်များတယ်၊ လက်ရှိသိရတာက သူတို့ဘက်က ၃ ယောက်သေပြီး ၅ ယောက်ဒဏ်ရာပြင်းထန်ရရှိတယ်၊ “ လို့ သူကပြောပါတယ်။

တိုက်ပွဲဖြစ်ပြီးနောက်ပိုင်းမှာလည်း ဒေါငံခါးရွာသားတွေရဲ့ အိမ်ထောင်ပရိဘောဂပစ္စည်းတွေကို ကားနဲ့သယ်သွားတဲ့အပြင် နေအိမ် ၃ လုံးကိုပါ မိးရှို့သွားသွားတယ်လို့ ပြည်သူ့ကာကွယ်ရေးတပ်ဖွဲ့ - ဒီမော့ဆိုမြို့နယ် တာဝန်ခံက ဆက်ပြောပါတယ်။

“ သူတို့နဲ့တိုက်ပွဲ့ဖြစ်ပြီး စစ်တပ်က ဒေါငံခါးရွာက အိမ် ၃ လုံးမီးရှို့သွားတယ်၊ သူတို့မီးမရှို့ခင်မှာ မိသားစုတွေခေါ်လာတယ်၊ စစ်ကောင်စီက တပ်ရင်း ၁၀၂ နဲ့ တပ်ရင်း ၄၂၆ က ကားနဲ့လာကြတာ၊ ရွာမှာရှိတဲ့ စယ်တီခုံ၊ ရေခဲသေတ္တာ၊ အိမ်ဆောက်တဲ့ပရိဘောကတွေ ပစ္စည်းတွေခိုးတယ်၊ သူတို့ခိုးပြီးရင် အိမ်တွေကိုမီးရှို့တယ်၊ နေတိုင်းလိုလိုစစ်တပ်ကလုပ်နေတာ၊ “ လို့ ဆို့ပါတယ်။

ကရင်နီနယ်အတွင်း စစ်ကောင်စီနဲ့ ဒေသခံကာကွယ်ရေးတပ်တို့ မကြာခဏတိုက်ပွဲဖြစ်နေပြီး၊ အဲ့ဒိနယ်အတွင်းက ကျေးရွာတွေကိုလည်း စစ်တပ်က မီးရှို့ဖျက်ဆီးတာတွေနဲ့ စစ်ကြောင်းထိုးဝင်ရောက်တာတွေရှိတာကြောင့် သောင်းနဲ့ချီတဲ့ ဒေသခံတွေလည်း ရွာကနေ ထွက်ပြေးတိမ်းရှောင်နေရပါတယ်။

၂၀၂၁ ခုနှစ်၊ ဖေဖော်ဝါရီ ၁ ရက်နေ့ကနေ ဧပြီ ၃၀ ရက် မနေ့ကအထိ ကရင်နီပြည်နယ်အတွင်း တိုက်ပွဲ ၂၇၄ ကြိမ်ဖြစ်ပွားခဲ့ပြီး၊ တိုက်ပွဲအတွင်းလက်နက်ကြီးထိမှန်မှုနဲ့ စစ်ကောင်စီဘက်က အကြောင်းမဲ့ဖျက်ဆီးခဲ့တဲ့ ဘာသာရေးအဆောက်အအုံး ၁၇ လုံး၊ နေအိမ် ၁၀၁၀ လုံးရှိသလို စစ်ကောင်စီဘက်က သေဆုံးသူဦးရေ ၁၀၆၅ ဦးရှိခဲ့တယ်လို့လည်း တိုးတက်သောကရင်နီပြည်သူ့အင်အားစု - PNPF ရဲ့ သုသေသနပြုချက်တွေအရ သိရပါတယ်။

#မြေလတ်အသံ

01/05/2022

လောပိတ ရေလျှံထိန်း လုံခြုံရေးရဲကင်းကို ကရင်နီတပ်မတော် (KA)နဲ့ KNDF တို့က အလစ်အငိုက် ဝင်ရောက်စီးနင်း ၇ ဦးအရှင်ဖမ်းမိ........................
ခမ်းသားငေါဝ်း
မေလ ၁ ၊၂၀၂၂

https://www.facebook.com/612819968887929/posts/2037751803061398/

လွိုင်ကော်မြို့နယ် လောပိတ ရေလျှံထိန်း လုံခြုံရေးရဲကင်းကို ဧပြီလ ၂၉ ရက် ညသန်းခေါင်အချိန် ကရင်နီတပ်မတော် (KA)နဲ့ KNDF တို့က အလစ်အငိုက် ဝင်ရောက်စီးနင်းခဲ့ရာ သေနတ်သံမပေါက်ဘဲ လုံခြုံရေးရဲ ၇ ဦးကို ဖမ်းဆီးရမိခဲ့ပြီး သေနတ် ၇ လက်အပြင် ကျည်အချို့ကို သိမ်းဆည်းရမိခဲ့ကြောင်းသိရသည်။

ကရင်နီပြည် ဒီးမော့ဆိုနဲ့ ဖရူဆိုမြို့နယ်ထဲ ဧပြီလ နောက်ဆုံးအပတ် တိုက်ပွဲအတွင်း စစ်ကောင်စီတပ်ဘက်မှ (၂၄)ဦး သေဆုံးခဲ့သည်ဟု KNDF က ဒီနေ့လယ်ပိုင်းတွင် ထုတ်ပြန်လာသည်။

KNDF မှ ရေလျှံထိန်း လုံခြုံရေးရဲ ၇ ဦးကို လူ့ဂုဏ်သိက္ခာနဲ့အညီ ဖမ်းဆီးထိန်းသိမ်းထားပြီး အရေးယူဆောင်ရွက်နိုင်ရန်အတွက် ကရင်နီပြည်ရဲဌာန (KSP)သို့ လွှဲအပ်ထားကြောင်းထုတ်ပြန်ချက်တွင် ဖော်ပြထားသည်။

ဒီးမော့ဆိုမြို့နယ် ဒေါခမီးတိုက်ပွဲအတွင်း စစ်ကောင်စီတပ်ကို ခုခံတိုက်ခိုက်ရင်း KNDF ဘက်မှ ရဲဘော် ၂ ဦး ကျဆုံးခဲ့သည်ဟုလည်း ဖော်ပြထားသည်။

https://t.me/ppv21/361

#တိုက်ပွဲသတင်း
#ကရင်နီ

01/05/2022

ရွှေဘိုနဲ့ ခင်ဦးမြို့နယ်အကြား ဖြတ်သန်းတဲ့ မော်တော်ယာဉ်တွေကို PDF တွေစစ်ဆေး

#စစ်ကိုင်းတိုင်း
#ရွှေဘိုမြို့



စစ်ကိုင်းတိုင်း ရွှေဘိုမြို့နဲ့ ခင်ဦးမြို့နယ်အကြား ဖြတ်သန်းသွားလာတဲ့ မော်တော်ယာဉ်တွေမှာ စစ်အုပ်စုနဲ့ ပတ်သတ်တဲ့ ကုန်ပစ္စည်းတွေကို မသယ်ဆောင်ဖို့နဲ့ နယ်မြေစိုးမိုးနိုင်ရေးအတွက် ပြည်သူ့ကာကွယ်ရေး ပူးပေါင်းတပ်ဖွဲ့တွေက စစ်ဆေးဆောင်ရွက်နေပြီး စစ်အုပ်စုပိုင် Mytel Sim Card အသုံးပြုသူတွေကိုပါ အပြစ်ပေးတာတွေ ဆောင်ရွက်ခဲ့တယ်လို့ Khin U Local Guerrilla Force (KUGF) က သတင်းထုတ်ပြန်လာပါတယ်။

ဒီကနေ့ မေလ ၁ ရက်နေ့မှာ Khin U Local Guerrilla Force (KUGF) ၊နတ်ဆိုးပြောက်ကျား (ပ.က.ဖ)/ ၅/မဟူရာကျွဲရိုင်းအဖွဲ့တွေ ပူးပေါင်းပြီးတော့ စစ်ဆေးဆောင်ရွက်ခဲ့တာပါ။

အကြမ်းဖက်စစ်အုပ်စု ထုတ်ကုန်တွေကို သိမ်းဆည်းဖျက်ဆီးတာနဲ့ Mytel Sim Card အသုံးပြုသူတွေကို အပြစ်ဒဏ်ပေးတဲ့ လုပ်ငန်းတွေကိုပါ ဆောင်ရွက်ခဲ့တယ်လို့ KUGF က ဆိုပါတယ်။

ဓာတ်ပုံ- KUGF

Delta News Agency YouTube Link - https://youtube.com/c/DeltaNewsAgency
Delta News Agency Website Link - https://deltanewsagency.com/

01/05/2022

ပြည်သူများ လှူဒါန်း​ပေးပို့သည့် တပ်ဖွဲ့ယူနီ​ဖောင်းကို က​လေး PDF တပ်ရင်း(၁) ဝတ်ဆင်ပြသ

ကြည်သာ/People's Spring

ပြည်သူများက လှူဒါန်း​ပေးပို့သည့် တပ်ဖွဲ့ယူနီဖောင်းအပြည့်အစုံကို ကလေးမြို့နယ်ပြည်သူ့ကာကွယ်ရေးတပ်ဖွဲ့ တပ်ရင်း(၁)က ဝတ်ဆင်ပြသလိုက်ပြီး အလှူရှင်ပြည်သူများအား ကျေးဇူးတင်စကားပြောကြားလိုက်သည်။

လွယ်အိတ်၊လည်စီး၊ဖိနပ်နှင့် ခါးပတ်အပါအဝင် ယူနီဖောင်းအပြည့်အစုံကို တပ်ဖွဲ့ဝင်များ ဝတ်ဆင်ရင်း စစ်ရေးလေ့ကျင့်နေသည့် မှတ်တမ်းဓာတ်ပုံများကို ကလေးမြို့နယ်ပြည်သူ့ကာကွယ်ရေးတပ်ဖွဲ့ တပ်ရင်း(၁) က ယနေ့(မေ ၁ရက်) ထုတ်ပြန်ခြင်းဖြစ်သည်။

"PDF (Kalay) တပ်ရင်း(၁)အတွက် လှူဒါန်းပေးကြတဲ့ဝတ်စုံ၊ဘူး၊ဖိနပ်၊ခါးပတ်၊ဦးထုပ်၊လွယ်အိတ်၊လည်စည်း၊စသည်တို့ရောက်ပါပြီဗျ။ ဝတ်စုံတွက် ခုလို တစ်ထောင်ကျပ်ကနေစပြီးပါဝင်ပေးကြတဲ့ အလှူရှင်များကို ကျေးဇူးအထူးတင်ရှိပါတယ်ဗျ"ဟု ကလေးမြို့နယ်ပြည်သူ့ကာ ကွယ်ရေးတပ်ဖွဲ့ တပ်ရင်း(၁)က ထုတ်ပြန်သည်။

စစ်အာဏာရှင်တော်လှန်ရေး အလွန်ကောင်းသည့် ချင်းတောင်တန်းဒေသနှင့် ယောနယ်ကြားတွင် ရှိနေသော ကလေးမြို့နယ်ကို စစ်ကောင်စီက ​ခြေကုတ်ယူနိုင်ရန်ကြိုးစားနေသော်လည်း ပြည်သူ့ကာကွယ်ရေးအဖွဲ့များ၏ တုန့်ပြန်တိုက်ခိုက်မှုကြောင့် စစ်ကောင်စီတပ်မှာ အထိနာနေသည်။

ဒေသတွင်း မဟာမိတ်များနှင့်အတူ စစ်ကောင်စီအမြစ်ပြတ်သည်အထိ တိုက်ခိုက်သွားမည်ဟုလည်း ကလေးမြို့နယ်ပြည်သူ့ကာကွယ်ရေးတပ်ဖွဲ့မှ ရဲဘော်တစ်ဦးကပြော သည်။

01/05/2022

မိုးဗြဲ PDF တပ်ခွဲနှစ်ခုပူးပေါင်းပြီး ၁၁ရက်ကြာ မွန်းမံ သင်တန်းပြုလုပ်

ရဲခေါင်/People's Spring

ရှမ်း-ကယားပြည်နယ်ဒေသအစပ်ရှိ မိုးဗြဲမြို့ ပြည်သူ့ကာကွယ်ရေးတပ်၏ တပ်ခွဲ နှစ်ခုပူးပေါင်းပြီး ၁၁ ရက်ကြာ မွန်းမံသင်တန်းပြုလုပ်ခဲ့ကြောင်း မိုးဗြဲ PDFက ထုတ်ပြန်သည်။

ဧပြီ ၁၉ ရက်ကစ၍ ၂၉ ရက်အထိ ၁၁ရက်ကြာ မွန်းမံ သင်တန်းကိုပြုလုပ်ခဲ့ပြီး ဧပြီ ၃၀ရက်တွင် သင်တန်း ဆင်းပွဲ ပြုလုပ်ခဲ့သည်ဟု ဆိုသည်။

"ပြည်သူအတွက်အသက်ကိုစတေးဖို့ ဝန်မလေးတဲ့ ပြည်သူ့ရဲဘော်ကို ပြည်သူများအနေဖြင့် ထောက်ပံ့ပေးကြဖို့လိုပါတယ်ဗျာ"ဟု မိုးဗြဲPDF က ပြောသည်။

ယခုနှစ် ဖေဖော်ဝါရီလဝက်ကစ၍ အကြမ်းဖက်စစ်ကောင်စီ၏ ထိုးစစ်ကြောင့် မိုးဗြဲ မြို့နယ်တွင် တိုက်ပွဲ များပြင်းထန်ခဲ့ပြီး နှစ်ဘက်ထိခိုက် ကျဆုံးမှုများစွာရှိခဲ့သည်။

ထို့အပြင် မိုးဗြဲမြို့နယ်ဝါရီဆူးပလိုင်ဒေသတွင် အကြမ်းဖက်စစ်ကောင်စီတပ်မှ တပ်အင်အားဖြည့်တင်းလျက်ရှိသောကြောင့် ဧပြီအတွင်း ထိတွေ့တိုက်ပွဲများ ဖြစ်ပွားခဲ့သည်။

#လူထုနွေဦး

'sSpring

https://www.ludunwayoo.com
https://www.facebook.com/LuduNwayOo
https://www.instagram.com/ludunwayoo/

01/05/2022

ငိုစမ်း ဆုတောင်းနေကြ လင်ကောင်းကောင်းလေးနဲ့ကျအောင်လို့ မဲနှိုက်ရင် 😁😁😁
👇👇👇
စစ်ကောင်စီ ခလရ ၈၇ ခြေမြန်တပ်ရင်းရဲ့ ရှေ့တန်းပြန်မြင်ကွင်း
News Now သတင်းဌာန