https://www.facebook.com/103496228792298/

Sports Culture

Home
Myanmar
Mandalay
Sports Culture

$ ရမ်းလန်းတဲ့ သတင်းတေဖတ်ဖို့ Sport Culture Page https://t.me/SportsCulture789 ကို join လုပ်ထားပါ �
(1)

20/05/2024

ရီးရဲလ်မက်ဒရင်္စအတွက် နောက်ဆုံးပွဲတွေမှာ အာဒါဂူလာက တော်တော်လေးခြေစွမ်းပြနေပါတယ်။ အန်ဆယ်လော့တီက သူ့ကို အခွင့်အရေးပေးတဲ့အနေနဲ့ ပွဲထွက်ကစားခွင့်ပေးနေပြီး အာဒါဂူလာက အားကိုးရမယ့် ခြေစွမ်းကို ပြသနေပါတယ်။ ဒီပွဲတွေက ရီးရဲလ်အတွက် အရေးမကြီးတော့ပါဘူး။ ဒါပေမယ့် အာဒါဂူလာလို ကစားသမားအတွက်တော့ အရေးကြီးပါတယ်။

သူသာ ခြေစွမ်းပြနိုင်ရင် ပွဲထွက်ခွင့်တနေရာရမယ်ဆိုတာကို နားလည်ထားလို့ တော်တော်လေးအားထည့်ကစားနေတယ်။ နောက်ဆုံး ၆ ကြိမ် ဂိုးပေါက်တည့်ကန်ချက်မှာ ၆ ဂိုးရအောင်သွင်းခဲ့တာကိုကြည့်ရင် သူ့အားထုတ်မှုနဲ့ ခြေစွမ်းက သိသာပါတယ်။ လာမယ့်ရာသီမှာ သူ ပိုပြီးအခွင့်အရေးရလာမှာပါ။

ရီးရဲလ်အတွက်လည်း ဒါက သတင်းကောင်းပါ။ လူငယ်အစုအဖွဲ့တွေက ပိုပိုအားကောင်းလာပြီး အကုန်လုံးကလည်း ခြေစွမ်းပြနေလို့ သူတို့ရဲ့ တည်ဆောက်ထားမှုက အလုပ်ဖြစ်နေပါတယ်။ နောက် ဆယ်စုနှစ်တခုစာလောက် သူတို့မပူပန်ရတော့ပါဘူး။

20/05/2024

"အာဆင်နယ်က အမှတ်ပေးဖလားကို ရမှာမဟုတ်ပါဘူး၊ ဘာလို့လဲဆိုတော့ အီတီဟတ်ကို လာကစားတော့ သူတို့က ကျနော်တို့ကို အနိုင်ကစားဖို့ထက် သရေကျရင်ပြီးရောဆိုပြီး ဘတ်စ်ကားကွက်သုံးသွားတယ်၊ အဲဒီမှာတင် စိတ်ဓာတ်ချင်းက ကွာနေပါပြီ၊ ကျနော်တို့က အဲလိုစိတ်ဓာတ်မျိုးမဟုတ်ဘူး"

- ရိုဒရီ

20/05/2024

ဗီလာရီးရဲလ်တိုက်စစ်မှူး ဆိုလော့ချ်ဟာ ညက ရီးရဲလ်မက်ဒရစ်နဲ့ပွဲမှာ တဦးတည်း ၄ဂိုးအထိသွင်းပြီး ခြေစွမ်းပြခဲ့ပါတယ်။ ရီးရဲလ်တို့ ၄-၁ နဲ့ အပြတ်အသတ်ကို ဦးဆောင်ထားပြီးမှ ဆိုလော့ချ်ရဲ့ ဂိုးတွေကြောင့် ၄-၄ ဖြစ်သွားခဲ့ပါတယ်။

နော်ဝေတိုက်စစ်မှူးက နှစ်ပေါင်းများစွာကြာအပြီး လာလီဂါမှာ ရီးရဲလ်ဘက်ကို တပွဲတည်း ၄ဂိုးသွင်းနိုင်တဲ့သူဖြစ်လာခဲ့တာပါ။ ရီးရဲလ်လိုအသင်းကို ၄ဂိုးသွင်းဖို့ဆိုတာက မလွယ်လှပါဘူး။ နောက်ဆုံး အဲလိုသွင်းခဲ့တဲ့သူက လီဝန်ဒေါစကီးပါ။ အဲဒါတောင် သူ ဒေါ့မွန်မှာ ကစားနေတုန်းကဖြင်္စလို့ နှစ်က တော်တော်ကြာနေပါပြီ။ အခု ဆိုလော့ချ်အလှည့်ရောက်လာပါတယ်။

ဗီလာရီးရဲလ်အတွက် သူက လိဂ်ဂိုး ၂၀ ကျော်သွင်းပေးထားပြီး လာလီဂါရွှေဖိနပ်ဆုရဖို့လည်း အခြေအနေကောင်းနေပါပြိ။ အခုလောက်ဆိုရင် သူ့ကို အသင်းကြီးတွေလည်း စောင့်ကြည့်နေမှာ သေချာပါတယ်။

20/05/2024

အာဆင်နယ်အတွက်တော့ ဒုတိယလူအဖြစ်နဲ့ နာကျင်ရတာတွေက များလာပါပြီ။ ဒီလိုနဲ့ပဲ သူတို့ နောက်ကောက်ကျန်နေရစ်တာက ပိုပိုများလာတယ်။ တနှစ်ပြီးတနှစ် ဒီအတိုင်းပဲ ရှိနေပြီး အကောင်းဆုံးအချိန်မှာတောင် ဆုဖလားမရယူနိုင်တာကတော့ ပိုပြီးနာာကျင်ရပါတယ်။

ဒီရာသီဆိုရင် အကောင်းဆုံးခြေစွမ်းပြခဲ့ပြီး သူတို့မျှော်လင့်ချက်တော်တော်ရှိခဲ့တာပါ။ နောက်ဆုံးအချိန်အထိ အခွင့်အရေးရှိခဲ့ပြီး ဒါမျိုးအနေအထားကပဲ ကျေနပ်သင့်တယ်လို့ ပြောမယ်ဆိုလည်း ရပါတယ်။ ဒါပေမယ့် ဘယ်လိုပဲဖြစ်ဖြစ် ဒုတိယပဲရတယ်ဆိုရင်တော့ ကြေကွဲရတာပါပဲ။

အာဆင်နယ်ကစားသမားတွေလည်း ပရိသတ်တွေနဲ့ထပ်တူ ဖြစ်နေခဲ့တာပါ။ မနေ့ညကတော့ အမ်းမရိတ်စ်ဟာ ပျော်စရာမကောင်းခဲ့ပါဘူး။ နာကျင်မှုတွေ၊ ကြေကွဲမှုတွေလွှမ်းမိုးနေခဲ့ပါတယ်။ လာမယ့်ရာသီမှာ သူတို့ ဘယ်လိုမျိုး ပြန်လာနိုင်မလဲဆိုတာကိုပဲ မျှော်ရပါဦးမယ်။

20/05/2024

ဖိုဒန်တယောက် အသက် ၂၄ တောင်မပြည့်ခင် အမှတ်ပေးဖလား ၆ လုံးအထိ ရသွားပါပြီ။ မန်စီးတီးနဲ့အတူ ရနိုင်သမျှ ဖလားအားလုံးကို သူ ရယူထားနိုင်ပြီးပါပြီ။ ရွန်နီ၊ တယ်ရီတို့ထက်တောင် အမှတ်ပေးဖလားရတဲ့အရေအတွက် များသွားပါပြီ။

မန်စီးတီးအကယ်ဒမီကနေ သူ အသင်းကြီးဆီကို‌ ရောက်လာပြီးတဲ့နောက် ဖလားနဲ့လက် ပြတ်တယ်ဆိုတာမရှိတော့ဘူး။ နှစ်တိုင်းကိုရနေတော့တာ။ ဖလားသုံးလုံးချန်ပီယံလည်း ဖြစ်ခဲ့ပြီးပြီ။ ကမ္ဘာ့ကလပ်ဖလားလည်းရပြီးပြီ။ အောင်မြင်မှုတွေမျိုးစုံအောင်ကို ရထားတာပါ။

လူငယ်ကစားသမားဘ၀မှာ ဒီလောက်အောင်မြင်မှုရဖို့ဆိုတာ မလွယ်ပါဘူး။ ပြိးတော့ အရန်ကစားသမားအနေနဲ့လည်း ရခဲ့တာမဟုတ်ဘူး။ သူကိုယ်တိုင် အဓိကကစားသမားအနေနဲ့ ဝင်ကစားပြီး ရယူခဲ့တာပါ။ ဒါမို့ ပိုပြီးတော့လည်း တန်ဖိုးရှိပါတယ်။

20/05/2024

အာတီတာကို ဂွါက ပညာပြသွားတယ်ဘာညာဆိုတာာထက် သူ့အလုပ်သူလုပ်ပြသွားတယ်ပဲ ခံစားရတယ်။ ပွဲတပွဲကို ဘယ်လိုအနိုင်ကစားမလဲ၊ ပြိုင်ဘက်ကို အမီလိုက်ရမယ့်အချိန်မှာ ဘာလုပ်ရမလဲဆုတာကို ပိုင်ပိုင်နိုင်နိုင်သိထားတဲ့ ဂွါက ဒါကိုလုပ်သွားခဲ့တာပါ။

ဆိုတော့ ဆရာဖြစ်သူကို အာတီတာမယှဉ်နိုင်ခဲ့တာ မဆန်းပါဘူး။ ဖိအားပေးနိုင်တာကပဲ တော်လှပြီလို့ ပြောရမယ်။ မန်စီးတီးကို မယှဉ်နိုင်တာက အာဆင်နယ်မှမဟုတ်ပါဘူး။ ကမ္ဘာပေါ်မှာတောင် လက်ချိုးရေတွက်လို့ရတဲ့ အရေအတွက်ပဲ ရှိတယ်။

ဒါတောင်မှ အာဆင်နယ်က ဗီလာကို အိမ်ကွင်းမှာရှုံးခဲ့လို့နော်။ မဟုတ်ရင် မန်စီးတီးလည်း တော်တော်လေးဖိအားများပြီး ပိုရုန်းကန်ခဲ့ရမှာ။ အာဆင်နယ်အတွက် အဲဒီရှုံးပွဲက အနာကျင်ရဆုံးစြဖ်နေမှာပါ။ ပြန်တွေးတိုင်းလည်း နောင်တရနေလောက်တယ်။

19/05/2024

မနေ့က သူ့ရဲ့ နှုတ်ဆက်ပွဲကို တက်ရောက်ဂုဏ်ပြုခဲ့တဲ့ ဒေါ့မွန်ပရိသတ်အားလုံးကို မာကိုရူးစ်က ဘီယာဝယ်တိုက်ခဲ့တာပါ။ သူ့ကို အခုလိုမျိုးအသိအမှတ်ပြုပေးတဲ့အတွက် ကျေးဇူးတင်ကြောင်းနဲ့ အားလုံးအတွက် သူ ဘီယာဖိုးတွေ ရှင်းပေးမှာဖြစ်လို့် သောက်နိုင်တယ်ဆိုပြီး ဆိုင်အတွင်းမှာ ရေးသားပြီး ကပ်ထားတာပါ။

19/05/2024

"ကျနော် နောက်ရာသီအကြောင်း တစက္ကန့်လေးတောင် မတွေးရသေးဘူး၊ ဘာလို့လဲဆိုတော့ ပြိုင်ဘက်က ဝက်စ်ဟမ်းဖြစ်နေလို့ပါ၊ တခုခုလုပ်ပြနိုင်တဲ့ ကစားသမား ၄ ဦးအထိ သူတို့တိုက်စစ်မှာရှိပါတယ်၊ ကူဒူးစ်ဆိုရင်လည်း ထူးချွန်တဲ့ ကစားသမားပါ"

"ဘိုဝင်နဲ့ အန်တိုနီယိုက သူတို့သာ ကြံ့ခိုင်မှုအပြည့်နဲ့ကစားနိုင်ရင် မယုံနိုင်စရာကောင်းပါတယ်၊ ပါကွေတာက ထိပ်တန်းကစားသမားဖြစ်ပြီးတော့ သူလုပ်နိုင်တာတွေ အများကြီးပါ"

"ဒါကြောင့် သူတို့ ၄ ယောက်ပေါင်းလိုက်ရင် ထူးခြားတာတခုခုကို လုပ်ပြနိုင်လိမ့်မယ်၊ အခုချိန်မှာ ကျနော် အဲဒါကို စိတ်ပူနေရတယ်"

- ဂွါဒီယိုလာ

19/05/2024

ညက ရာသီပိတ်ပွဲမှာလည်း ၂ဂိုးသွင်းသွားတယ်။ ချန်ပီယံဖြစ်ပြီးသားဆိုပေမယ့် စပို့တင်းက လုံး၀မလျှော့သွားဘဲ အိမ်ကွင်းမှာ ပရိသတ်အကြိုက်ကစားသွားတယ်။ သူတို့ရဲ့ အဓိကတိုက်စစ်မှူး Viktor Gyökeres ကလည်း ၂ ဂိုးထပ်သွင်းပြီး ခြေစွမ်းပြသွားတယ်။

ကိုဗင်ထရီကနေ ရောက်လာတဲ့ ဒီတိုက်စစ်မှူးက လိဂ်မှာ ၂၉ ဂိုးသွင်း၊ ၁၀ ကြိမ်ဖန်တီးပေးသွားတယ်။ နည်းနည်းနောနောမဟုတ်ဘူး။ ဂိုးသွင်းဘုရင်ဆုလည်းရ၊ ချန်ပီယံလည်းဖြစ်လာတယ်။ သူ ဒီလိုလုပ်ပြနိုင်မယ်လို့ ဘယ်သူကမှ ထင်ခဲ့တာမဟုတ်ပါဘူး။

တကယ်တမ်းမှာ သူက အသင်းရဲ့ အားအကိုးရဆုံးထဲက တဦးဖြစ်လာခဲ့တယ်။ ဂိုးသွင်းကြမ်းချက်ကတော့ ပြောမနေနဲ့။ စပို့တင်းက သူ့အတွက် အောင်မြေဖြစ်နေခဲ့တာပါ။ နေနရာမှန်ဒေသမှန်ကို အချိန်မှန်မှာ ရောက်သွားခဲ့ပြီး သူလည်း မထင်မရှားဘ၀ကနေ နာမည်ကျော်ကြားခဲ့ပါပြိ။

19/05/2024

ဖိနပ်စီးစရာမရှိလို့ ၂ ရံကို တရံလုပ်စီးခဲ့ရတဲ့ ဘိုနီဖေ့စ်က လေဗာကူဆင်နဲ့အတူ ရှုံးပွဲမရှိချန်ပီယံအသင်းသား ဖြစ်လာခဲ့ပါပြီ။ နိုင်ဂျီးရီးယားသားဟာ သူ့ရဲ့ ကစားသမားဘ၀အတွက် အကောင်းဆုံးသောာ အောင်မြင်မှုကို ရယူနိုင်ခဲ့တာပါ။ ပြီးတော့ သူဟာ လေဗာကူဆင်နဲ့အတူ သမိုင်းတင်ကျန်ရစ်တေ့ာမှာလည်း ဖြစ်ပါတယ်။

မထင်မရှားကစားသမားတဦးအဖြစ်နဲ့သာ သူက ဘယ်လ်ဂျီယံလိဂ်မှာ ကစားနေတာပါ။ ဒါပေမယ့် သူ့အရည်အသွေးကို ယုံကြည်ခဲ့တဲ့ အလွန်ဆိုက လေဗာကူဆင်အတွက် ခေါ်ယူခဲ့ပြီး သူကလည်း ခြေစွမ်းပြနိုင်ခဲ့ပါတယ်။ လေဗာကူဆင်ရဲ့ သွင်းဂိုးတွေမှာ သူ့နာမည်က ခဏခဏပါလာခဲ့ပြီး ပရိသတ်တွေ သတိထားမိလာခဲ့ပါတယ်။ ဒဏ်ရာမရခင်အထိကို သူက ဂိုးသွင်းစက်ကြီးပါပဲ။

ညက ရာသီနောက်ဆုံးပွဲမှာလည်း သူ တဂိုးသွင်းယူနိုင်ခဲ့ပါတယ်။ လိဂ်ဂိုး ၁၄ ဂိုးအထိ သူရခဲ့ပြီး ဒဏ်ရာကြောင့် အနားမယူခဲ့ရရင် ဒိထက်တောင်များပြားခဲ့မှာပါ။ ဘယ်လိုပဲဖြစ်ဖြစ် သူ့ရဲ့ ခက်ခဲကြမ်းတမ်းတဲ့ ဘ၀ကို အောင်မြင်မှုတွေနဲ့ အစားထိုးတည်ဆောက်နိုင်ခဲ့တာက ချီးကျူးစရာပါပဲ။

19/05/2024

မနေ့က ဘွန်ဒက်လီဂါနောက်ဆုံးပွဲအပြီးမှာ ဒေါ့မွန်အသင်းသားတွေက မာကိုရူးစ်ကို Guard of Honor လုပ်ခဲ့ပါတယ်။ ပရိသတ်တွေကလည်း မတ်တပ်ရပ်ကာ လက်ခုပ်တီးဂုဏ်ပြုခဲ့ပြီး သူတို့ရဲ့ ဂန္ထဝင်ကြီးအတွက် အကောင်းဆုံးဂုဏ်ပြုနှုတ်ဆက်ခဲ့ကြပါတယ်။

ရာသီကုန်ရင် ဒေါ့မွန်ကနေ ထွက်တော့မယ့် ရူးစ်က ချန်ပီယံလိဂ်ဗိုလ်လုပွဲပဲ ကစားပေးဖို့ ရှိပါတော့တယ်။ ဒေါ့မွန်အတွက် သူ့ရဲ့ ဘွန်ဒက်လီဂါနောက်ဆုံးပွဲကို ကစားပေးခဲ့ပြီးပါပြီ။ ဒါကြောင့်မို့လည်း အားလုံးက သူ့ကို ဂုဏ်ပြုခဲ့ကြပြီး နှုတ်ဆက်ခဲ့တာပါ။

ဒေါ့မွန်ရဲ့ သစ္စာအရှိဆုံးကစားသမားကြီးအတွက် ပုံမှန်ဆိုရင် ဒါက ဝမ်းနည်းဖို့ကောင်းနေမှာပါ။ ဒါပေမယ့် ချန်ပီယံလိဂ်ဗိုလ်လုပွဲကစားရဖို့ရှိနေတာမို့ ဒီအချက်နဲ့တင်ပဲ ရူးစ်ရဲ့ နှုတ်ဆက်ခန်းဟာ ဝမ်းနည်းစရာမကောင်းဘဲ ပျော်ရွှင်အားတက်စရာဖြစ်နေခဲ့ပါတယ်။ ဒီပွဲကို ကစားရဦးမယ်ဆိုတဲ့ အသိနဲ့ ခံစားချက်တွေက ဝမ်းနည်းမှုတွေကို ဖုံးလွှမ်းထားနိုင်ခဲ့ပါတယ်။

19/05/2024

- ၂၈ ပွဲနိုင်
- ၆ ပွဲသရေ
- ရှုံးပွဲမရှိ
- ၈၉ ဂိုးသွင်း
- ၂၄ ဂိုးသာပေး

ဒီအသင်းက ရှုံးပွဲမရှိစံချိန်နဲ့ ချန်ပီယံဖြစ်တာ မဆန်းပါဘူး။ သူတို့လုပ်ခဲ့တဲ့ စွမ်းဆောင်ရည်တွေကိုသာ ကြည့်လိုက်တော့။ ခံစစ်၊ တိုက်စစ်မှာ ဘာမှပြောစရာကို မရှိအောင် ပြည့်စုံခဲ့တယ်။ ပွဲတိုင်းလိုလို နောက်ဆုံးအချိန်အထိ သူတို့က ဂိုးရဖို့ရာ ကြိုးစားခဲ့တယ်။ ဒီသွင်းဂိုးတွေနဲ့ အကြိမ်ကြိမ်ပြန်လာနိုင်ခဲ့တယ်။

အခု ရှုံးပွဲမရှိချန်ပီယံဖြစ်ပြီ။ ဘိုင်ယန်မြူးနစ်လိုအသင်းတောင်မှ မလုပ်နိုင်ခဲ့တဲ့ မှတ်တမ်းကို သူတို့က ယူပြသွားတာပါ။ လေဗာကူဆင်က အမှတ်ပေးဖလားကို တခါမှမရဖူးပါဘူး။ ဒါပေမယ့် ရမယ့်ရတော့လည်း ရှုံးပွဲမရှိစံချိန်လေးနဲ့ဗျာ။ ဂျာမန်ဘောလုံးသမိုင်းမှာပါ သမိုင်းသစ်ရေးထိုးပစ်ခဲ့တာပါ။

18/05/2024

ချန်ပီယံဆုအတွက် အသင်းနှစ်သင်း အပြိုင်ဖြစ်နေတာမို့ ပရီးမီးယားလိဂ်အဖွဲ့ချုပ်ဟာ မန်စီးတီးကွင်းမှာရော၊ အာဆင်နယ်ကွင်းမှာပါ အမှတ်ပေးဖလားတွေကို ကိုယ်စီထားရှိသွားမှာဖြစ်ပါတယ်။ ဒါ့အပြင် ချီးမြှင့်မယ့် ဆုတံဆိပ်တွေအတွက်ကိုပါ ကြိုတင်ပြင်ဆင်ထားပြီး ဆုပေးပွဲကို တခါတည်းကျင်းပနိုင်အောင်အထိ လုပ်ဆောင်ထားရပါတယ်။

မန်စီးတီးကွင်းမှာ ထားရှိမယ့် ဆုဖလားနဲ့ ဆုတံဆိပ်တွေကတော့ အစစ်တွေဖြစ်ပြီး အာဆင်နယ်ကွင်းမှာတော့ ပုံတူပွားထားတဲ့ ဖလားနဲ့ ဆုတံဆိပ်တွေဖြစ်တယ်လို့ ဆိုပါတယ်။ ဒါကြောင့် အာဆင်နယ်ဟာ ချန်ပီယံဖြစ်ခဲ့ရင်တောင်မှ အစစ်တွေနဲ့ အောင်ပွဲခံနိုင်မှာမဟုတ်သေးပါဘူး။

မန်စီးတီးက ချန်ပီယံဖြစ်မယ့်အလားအလာ ပိုကောင်းတာမို့ အခုလိုမျိုးဦးစားပေးခဲ့တာလို့လည်း သိရပါတယ်။ ဘယ်လိုပဲဖြစ်ဖြစ် ချန်ပီယံက ဘယ်အသင်းလဲဆိုတာ ပွဲကစားမှသာ အဖြေထွက်လာမှာမို့ မနက်ဖြန်အတွက် ရင်ခုန်နေရမှာပါပဲ။

18/05/2024

ဒေါ့မွန်နောက်ခံလူ နစ်ကလပ်ဆူးလ်ကတော့ သူ့ရဲ့ ခန္ဓာကိုယ်ကြောင့် ဝေဖန်ခံနေရပါတယ်။ ရီးရဲလ်နဲ့ ကစားရမယ့် ချန်ပီယံလိဂ်ဗိုလ်လုပွဲမတိုင်ခင် ၂ပတ်အလိုမှာ အသင်းနဲ့ လေ့ကျင့်ခန်းဆင်းနေတဲ့ ဆူးလ်က ကိုယ်အလေးချိန်အရမ်းတက်နေတာ ထင်ရှားခဲ့ပါတယ်။

နဂိုကတည်းကမှ သူက ခန္ဓာကိုယ်အရွယ်အစားကြီးမားသူပါ။ ကိုယ်အလေးချိန်တက်လာချိန်မှာတော့ လူထွားကြီးတဦးလိုဖြစ်သွားပြီး ဘောလုံးသမားတဦးနဲ့တောင် မတူတော့ပါဘူး။ ဒိလိုပုံစံနဲ့ သူ ဘောလုံးကစားဖို့ရာ အဆင်ပြေမှာမဟုတ်ဘူးလို့ ပရိသတ်တွေက ပြောနေကြပါတယ်။

ဂျာမနီလက်ရွေးစင်လူစာရင်းမှာလည်း မပါဝင်ခဲ့ဘဲ ယူရိုနဲ့ လွဲချော်ခဲ့တဲ့ ဆူးလ်ဟာ ချန်ပီယံလိဂ်ဗိုလ်လုပွဲမှာ ပါဝင်ချင်ရင်တော့ ၂ပတ်အတွင်း ကိုယ်အလေးချိန်လျှော့မှရပါလိမ့်မယ်။ ဒါတောင်မှ သူ ပွဲထွက်ခွင့်ရဖို့ဆိုတာ မသေချာတော့ပါဘူး။ ပရိသတ်တချိုကတော့ အားလပ်ရက်မှာ ဟာဇက်နဲ့အတူ အချိန်ကုန်ဆုံးခဲ့တာလားဆိုပြီး နောက်ပြောင်နေကြပါတယ်။

18/05/2024

လွန်ခဲ့တဲ့ ၁၁ နှစ်က ဒီလိုနေ့မျိုးမှာ ဒေးဗစ်ဘက်ခမ်းက ပီအက်စ်ဂျီအတွက် နောက်ဆုံးပွဲကို ကစားခဲ့ပါတယ်။ ဒါ့အပြင် သူ့ရဲ့ ကစားသမားဘ၀ နောက်ဆုံးပွဲလည်းဖြစ်ပြီး ဘက်ခမ်းဟာ ပွဲအပြီးမှာ မျက်ရည်မိုးတွေသွန်းဖြိုးကာ သူ့ရဲ့ ကစားသမားဘ၀ကို နှုတ်ဆက်ခဲ့ရပါတယ်။

ဘောလုံးမင်းသားလို့ ကျော်ကြားခဲ့ပြီး နာမည်ကျော်အသင်းတွေမှာ ကစားခဲ့တဲ့ အင်္ဂလန်သားဟာ သူ့ရဲ့ နောက်ဆုံးပွဲအတွက် ဟန်မဆောင်နိုင်ခဲ့ပါဘူး။ အသင်းဖော်တွေက ဝိုင်းနှစ်သိမ့်ပေးခဲ့ရပြီး သူ့ကို ဝိုင်းမြှောက်ကာ ဂုဏ်ပြုခဲ့ပါတယ်။

မန်ချက်စတာယူနိုက်တက်၊ ရီးရဲလ်မက်ဒရစ်၊ အယ်လ်အေဂလက်ဇီ၊ အေစီမီလန်၊ ပီအက်စ်ဂျီတို့မှာ သူကစားခဲ့ပြီး အောင်မြင်ကျော်ကြားတဲ့ ကစားသမားဘ၀ကို ပိုင်ဆိုင်ခဲ့ပါတယ်။ နာမည်ကျော်ဖရီးကစ်တွေနဲ့ ပရိသတ်တွေကို သူက ဆွဲဆောင်နိုင်ခဲ့ပြီး အောင်မြင်မှုအများအပြားလည်း ရယူနိုင်ခဲ့ပါတယ်။

18/05/2024

လိဒ်နဲ့ ဆောက်သမ်တန်တို့ ပလေးအော့ဖိုင်နယ်မှာ တွေ့ပါပြီ။ ချန်ပီယံရှစ်ပလေးအော့ဖိုင်နယ်ကနေ ပရီးမီးယားလိဂ်ကို တန်းတက်နိုင်ဖို့ သူတို့ အပြိုင်အဆိုင်အားထုတ်ရတော့မှာပါ။ ညက ဆောက်သမ်တန်က ဝက်ဘရွန်းကို ၃-၁ နဲ့ အနိုင်ရပြီး ဖိုင်နယ်တက်ခဲ့တာပါ။

လိဒ်ကတော့ အရင်ရက်မှာ နော်ဝှစ်ချ်ကို ၄ ဂိုးအထိ သွင်းပြီး နိုင်ပွဲယူခဲ့ပါတယ်။ တိုက်ရိုက်တန်းတက်ဖို့အတွက် နိးစပ်ခဲ့ပြီးမှ ရာသီကုန်ခါနီး ခြေစွမ်းကျသွားတဲ့ ဒီနှစ်သင်းက အခု အခွင့်အရေးတွေ ပြန်ရနေပါပြီ။ ဘယ်သူက အနိုင်ကစားပြီး ပရီးမီးယားလိဂ်ဆီ ပြန်သွားမလဲဆိုတာ ကြည့်ရပါတော့မယ်။

ဒီပွဲကိုအနိုင်ရတဲ့အသင်းက ပေါင်သန်းရာနဲ့ချီပြီးတော့ ပိုင်ဆိုင်မှာပါ။ တန်းတက်တဲ့အတွက် ဆုကြေး၊ ပြီးတော့ သတ်မှတ်ထားတဲ့ ထောက်ပံ့ကြေးနဲ့ စပွန်ဆာကြေးတွေကြောင့် ပိုင်ဆိုင်မယ့် ပမာဏက များလွန်းပါတယ်။ မက်မောစရာကောင်းလွန်းပြီး ကမ္ဘာပေါ်မှာ စျေးအကြီးဆုံးပွဲလို့တောင် သတ်မှတ်ခံထားရပါတယ်။

18/05/2024

ရော်နယ်ဒိုတော့ ဆော်ဒီလိဂ်မှာ စံချိန်သစ်တင်လိုက်ပါပြီ။ အဲဒါကတော့ လိဂ်သမိုင်းမှာ တရာသီအတွင်း ဂိုးပါဝင်ပတ်သက်မှု အများဆုံးကစားသမားဖြစ်လာတာပါ။ စုစုပေါင်း ၄၄ ဂိုးအထိ သူက တိုက်ရိုက်ပါဝင်ပတ်သက်ထားခဲ့တာပါ။

ညက အယ်လ်ဟီလယ်နဲ့ တဂိုးစီသရေကျခဲ့တဲ့ပွဲမှာ သူက ဂိုးဖန်တီးမှုလုပ်ပေးနိုင်ခဲ့ပါတယ်။ ပွဲအစတမိနစ်မှာပဲ လုပ်ပေးခဲ့တာပါ။ ဒါတောင်မှ သူ အပိုင်အလုံးကို လွဲခဲ့လို့သာပါ။ မဟုတ်ရင် ဂိုးပါဝင်ပတ်သက်မှုက ဒီထက်တောင်မှ များခဲ့မှာပါ။

အသက် ၄၀ အရွယ်မှာ သူက ဒီလိုစံချိန်ကို ရခဲ့တာဖြစ်ပြီး ချီးကျူးရမယ့် အနေအထားပါပဲ။ သူမို့လို့သာ ဒီလိုလုပ်နိုင်ခဲ့တာပါ။ တခြားကစားသမားတဦးဆို သူ့ရဲ့ ဒီလိုအသက်အရွယ်မျိုးမှာ ဒါမျိုးလုပ်ပြဖို့ဆိုတာက မဖြစ်နိုင်သလောက်ပါပဲ။

17/05/2024

နယူးကာဆယ်နဲ့ပွဲမတိုင်ခင် သွေးပူလေ့ကျင့်ခန်းဆင်းနေတဲ့ ရက်ရှ်ဖို့ဒ်ကို ယူနိုက်တက်ပရိသတ်တဦးက "မင်းအသင်းကနေ ဘာလို့မထွက်သေးတာလဲ" ဆိုပြီး အော်ဟစ်ပြောဆိုခဲ့ပါတယ်။

ဒီလိုအော်ပြောခံရချိန်မှာ ရက်ရှ်ဖို့ဒ်လည်း ဒေါသထွက်ခဲ့ပြီး ပြန်လှည့်ကာ အော်ဟစ်မှုတွေလုပ်ခဲ့လို့ အသင်းဖော်တွေက ဆွဲခေါ်ထုတ်ခဲ့ရပါတယ်။ ယူနိုက်တက်အတွက် ခြေစွမ်းမပြနိုင်ဖြစ်နေတဲ့ အင်္ဂလန်တိုက်စစ်မှူးကို အဆိုပါပရိသတ်က မျက်မုန်းကျိုးနေပုံရပါတယ်။

ရက်ရှ်ဖို့ဒ်ဟာ အဲဒီပွဲမှာလည်း ပွဲထွက်ခွင့်မရခဲ့ဘဲ ပွဲပြီးခါနီးမှ မိုင်နူးနေရာကို အစားထိုးဝင်ကစားခဲ့ရတာပါ။ ဒီရာသီမှာ သူက လိဂ်ဂိုး ၇ ဂိုးတည်းသာ ရရှိထားသေးတာပါ။

Address

67x68x 62
Mandalay

Website

facebook.com

Alerts

Be the first to know and let us send you an email when Sports Culture posts news and promotions. Your email address will not be used for any other purpose, and you can unsubscribe at any time.

Videos

ရော်နယ်ဒို-မက်ဆီတို့ ပထမဆုံးအကြိမ် တွေ့ခဲ့တဲ့ပွဲ။ ဆရာကြီးနှစ်ပါး ပထမဆုံးစီးချင်းထိုးခဲ့တဲ့ပွဲပါ။ Video Credit Original Uploader

ဘွန်ဒက်ရှ်လီဂါမှာ အသင်းတိုင်းကို ဂိုးသွင်းရင်သွင်း မသွင်းရင် ဖန်တီးမှုပြုလုပ်ထားနိုင်တဲ့ ဟာရီကိန်း...

လီပါပူးလ် နည်းပြသစ်ဖြစ်လာဖို့နီးစပ်နေတဲ့ အာနီစလော့က ဘယ်လိုနည်းပြလဲ...

ကစားသမားဟောင်း '' Kai ''ရဲ့နာမည်ကို သိသိသာသာဖျောက်ထားခဲ့တဲ့ ချယ်ဆီး..

ကစားသမားဟောင်း '' Kai ''ရဲ့နာမည်ကို သိသိသာသာဖျောက်ထားခဲ့တဲ့ ချယ်ဆီး.. ဘာကြောင့်လဲ?

လေ့ကျင့်ခန်းဆင်းဖို့ ထွက်လာတဲ့ ရီးရဲလ်ကစားသမားတွေဟာ မန်စီးတီးအသင်း အမှတ်တံဆိပ်ကို တက်မနင်းဘဲနဲ့ ရှောင်ရှားခဲ့ကြတာပါ။ ပြိုင်ဘက်အသင်းအပေါ်ထားတဲ့ Respect ဆိုတာ ဒါမျိုးပါပဲ။