#DNM 1 NOVAMBRA 2023-22H45
MIVANTANA AVY ETY ANTSAHADINTA
RANJAKAVOLOLONA CELINE, TARANAK'I RABODOZAFIMANJAKA, MITANTARA NY ZAVA-NITRANGA
#DNM 15 MAI 2023-8h38
JIRAMA-ANGOVO : Misy olana ara-pitantanana matoa tsy mbola mandeha ny tetik'asa Sahofika sy tonga amin'izao ny olan'ny angovo, hoy Hery Rajaonarimampianina ny asabotsy teo. Raha mbola izaho no nitantana, efa hafa mihintsy ny zava-nisy, hoy ny nambarany.
#DNM 14 MAI 2023-18H30
🔴 TETEZAMITA : Nandritra ny famelabelaran-kevitra nataony ny asabotsy 13 mai teo teny Andraharo no nilazan'i Hery Rajaonarimampianina fa tsy misy idirany ny resaka tetezamita. Fionganam-panjakana fa tsy fanonganam-panjakana no mety hampisy izany hoy ny nambarany.
#DNM 18 Avril 2023-18h14
AMBODITSIRY : NIFANDONA NY SAMY MPOMBA NY FITONDRANA
⭕ Disadisa tsy tako-nafenina. Minitra vitsy talohan'ny nahatongavan'ny filoham-pirenena dia raikitra ny korontana teo ivelan'ny Mozea izay vao notokanana anio 18 Aprily tetsy Amboditsiry teo amin'ny trano fonenan'i Rainilaiarivony taloha. Tsy navelan'ny avy ao amin'ny ministeran'ny Serasera sy kolontsiana hiditra tao an-toerana i Naivo Raholdina sy ny ekipany izay samy nanao akanjo volombaosary ka nitarika fifamaliana izany.
‼️ "Nisy mpikambana vitsivitsy tao amin'ny Freedom, izay marihiko fa tsy ramatoa Minisitra [ndlr : Lalatiana Rakotondrazafy] niteny ahy fa tsy ho azoko hanaovana ao anatiny ny loko volomboasary. Izany loko izany dia matanjaka ato amin'ny boriborintany faha 5" hoy Naivo Raholdina, solombavam-bahoaka voafidy tao amin'ny boriborintany faha V izay misy an'Amboditsiry, raha nanao fanambarana taorian'ny lanonana.
📌 Fotoana lehibe izay natrehin' ireo tompon'andraikitra isan-tsokajiny eto amin'ny firenena, miaraka amin'ireo solontenan'ny masoivoho samihafa moa io fotoana io. Raha ny arofenitra narahina nandritry ny fotoana dia tokony nahazo fanasana avokoa ireo izay niditra tao nandritry ny lanonana ofisialy ny maraina teo. Betsaka ireo olona izay nanao akanjo niloko volomboasary izay tsy navela niditra tao ivelany ka antony nahatonga ny fiakaram-peo. Marihina vetivety ihany dia niverina ny fitoniana teny an-toerana ary navela niditra ihany ny solombavam-bahoaka sy ireo ekipany. Tsy tazana niaraka tamin'ireo manam-pahefana nanapaka ny "ruban" kosa i Naivo Raholdina.
#DNM 24 Mars 2023-14h50
MARC RAVALOMANANA : MBOLA HO HITA EO RAHA TENA HANAO NY CENI.
✅ Taorian'ny fivoriana izay nokarakarain'ny Vaomieram-pirenena mahaleo tena misahana ny fifidianana na ny CENI tetsy amin'ny Novotel Alarobia dia nilaza ny heviny Andriamatoa Marc Ravalomanana, filoha teo aloha no sady lehiben'ny Antoko Tiako I Madagasikara na ny TIM. Aminy manokana dia nanatanteraka ny adidiny ny CENI amin'izao fampanantsoana ny hery velona eto amin'ny firenena izao, miaraka amin'ireo mpanao Politika saingy mbola tsy maintsy jerena ny fizotry ny asa.
📌 Mazava tsara moa ny tanjon'ny CENI tao anatin'izao fampanantsoana voalohany izay natao ny maraina teo izao. "Hikarakara fifidianana mangarahara sy eken'ny rehetra ary hametraka zotram-pifidianana iarahana amin'ny ankolafin-kery eto amin'ny firenena, araky ny voalazan'ny lalàna mifehy azy no tanjona" hoy Andriamatoa Dama Andrianarisedo, lehiben'ny CENI.
#DNM 6 Mars 2023-16h41
FANDALOVAN'I FREDDY: MISY TANÀNA SY OLONA VOADIDIN'NY RANO
⭕ Misy ireo olona izay taraiky ary mitoka-monina tanteraka vokatry ny rotsak'orana izay nateraky ny rivo-doza Freddy any amin'ny faritra Atsimo Andrefan'ny Nosy iny ao amin'ny distrikan' i Manja. "Maro izy ireo no voafandrika noho ny fiakaran'ny rano" hoy ny Jeneraly Elack Olivier izay talen'ny Birao Nasionaly misahana ny loza na ny BNGRC io tolak'andro io.
🚁🏚️ Efa miomana amin'ny famonjena ireo olona ireo moa ny BNGRC miaraka amin'ny fitaovana eo am-pelatanana toy ny angindim-by iray izay mahazaka 3 hatramin'ny 4 Taonina sy ny Angidim-by avy amin'ny Tafika Malagasy saingy "mbola tsy misy azo atao aloha hatreto manoloana ny haratsian'ny toetry ny andro" raha ny nambaran'ny BNGRC hatrany.
⭕ Isan'ny mety hahazo ireto olona mitoka-monina ireto ny aretina sy ny tsy fahampian'ny sakafo saingy tsy maintsy miandry ny toetry ny andro mba hihiratra kely ahafahana manetsika ireo fitaovana eo am-pelatanana raha ny nantitranterin'ny Jeneraly Elack Olivier hatrany.
#DNM 6 Mars 2023-10h37
TOLIARY: NIRODANA NY FEFIN'NY FONJA.
🔏 Tsy nahazaka ny rivotra mahery sy ny rotsak'orana noentin'ny rivo-doza Freddy ny mandben'ny fonja ao Toliary (Bazar Be) ka nirodana.
⭕ Eo amin'ny 50metatra eo ny velaran'ny fefy izay nirodana ka nanao antso avo amin'ny fanarenana ny manda izay nirodana ny Lehiben'ny fonja ao Toliary.
✅ Noraisina ihany koa ny fepetra tsy ahafahan'ireo voafonja mivoaka ny efitrano misy azy ireo ankehitriny ary tonga nanatevindaharana ny mpiambina ny fonja ny mpitandro ny filaminana ankehitriny.
Mbola tsy nisy kosa ny voafonja tafaporitsaka hatreto araky ny vaovao farany.
#DNM 4 Mars 2023.
HOLAFITRY NY VADINTANY : HIARA-HIASA AMIN'NY "ORDRE DES EXPERTS COMPTABLES"
⚖️ Tanteraka io herinandro io ny fihaonana nataon'ny holafitry ny Mpiraki-teny sy ny mpanato soratra na ny Notaires eto Madagasikara. Nofaranana ny zoma 3 Martsa teo ny zaika ka nisy tamin'izany ny fanaovana sonia ny fifanaraham-piarahamiasa eo amin'ny Chambre nationale des Notaires de Madagascar sy ny holafitry ny "Experts Comptables" izay mahakasika ny fikirakirana ireo sora-bola izay tsy maintsy ataon'ny Mpiraki-teny sy mpanato soratra Hanampy ireo Notaires amin'ny fanatanterahana ny asan'izy ireo.
✅ Nandritry ny famaranana tamin'ny fomba ofisialy ny fihaonana dia nisy ihany koa ny fanavaozana ny fifanaraham-piarahamiasa teo amin'ny Chambre Nationale des Notaires de Madagascar sy ny Conseil Supérieur du Notariat frantsay.
#DNM 4 Mars 2023-14h10
RETARD DU PROJET VOLOBE II : LE PROMOTEUR COMMENCE À S'INQUIÉTER .
Les négociations se poursuivent toujours entre l'Etat et la Compagnie Générale d'Hydroélectricité de Volobe (CGHV). Depuis presque 6 ans, le démarrage du projet Volobe 2 n'est pas encore amorcé. Le contrat de concession n'a pas encore été signé en vue de permettre de faire décoller les travaux de constructions du barrage.
Les responsables de la CGHV se montrent toutefois confiants et optimistes quant au fait de pouvoir boucler les discussions. Il ne reste plus que quelques points à régler qui portent notamment sur les plans technique et financier. Confie Remy Hubert, Directeur Général du consortium CGHV au cours d'une rencontre avec la presse hier à Andraharo.
#DNM 27 février 2023-17h53
MPIANATRA TSY NETY NIHIRA NY HIRAM-PIRENENA : TSY MANAIKY NY TSINDRY AVY AMIN'NY ANTOKOM-PIVAVAHANA NY SEKOLY.
❌ Tsy mbola vita ny momba ny raharaha Alakamisy Itenina raha ny fampitam-baovao avy any an-toerana. Nampiakatra ny raharaha teny anivon'ny fitsarana ny antokom-pivavahana izay misy ireo ankizy mpianatra 5 tsy nety nihira ny hiram-pirenena.
⭕ Raha ny fantatra dia nandefa "demande de surcis" miaraka amin'ny taratasy mangataka ny hanafoanana ny fandroahana ireo mpianatra ireo ny antokom-pinoana misy azy ireo ary mitaky ihany koa onitra 3 Tapitrisa Ariary amin'ny Sekoly (CEG sy Lisea).
📌 Tsy nanaiky izany anefa ny mpampianatra ka namoaka fanambarana io atoandro io. Efa namoaka naoty ihany koa ny Distrika any an-toerana milaza fa tsy tokony hianatra ny ankizy tsy mety miventy ny hiram-pirenena.
📷 Randriamihaja Tolojanajary Dany.
#DNM 21 Février 2023-21h
VIDÉO MANANJARY :ROMOTRA TANTERAKA I FREDDY
📷 : AURORE WILSON