10/08/2022
Politika : Ajanony ny politikan'ataka
Ity sary ity izany mampatsiahy ilay kilalao fahiny hoe :
- Avy mangataka izahay a, izahay
- Iza ré no alainareo, alainareo
Tena tsy azoko ilay hoe ny Filoham-pirenena, ny praiminisitra, ny Governemanta manontolo, no hanao tatitra sy ho bedesina ary omena moraly avy amin'ny solotena vahiny.
Ny Lalampanorenana mazava tsara fa ny filan-kevitry ny Minisitra no manapa-kevitra, ary ny Parlemanta no anaovana tatitra.
Raha misy findramam-bola na tetik'asa iarahana amin'ireo vahiny, dia ny Minisitra sy ireo departemanta voakasik'izany no miatrika azy ireo.
Ny Filoham-pirenena izany mihaona amin'ny Filoha mitovy laharana aminy hatrany, na eto an-toerana na any ivelany.
Mety misy fihaonana manokana, fa tsy ny andrim-pajakana iray manontolo no hiondrika angataka lava izao, ka na ny vola anaovana fifidianana ho Filoham-pirenena aza mbola ry zareo no iantoka azy, sy hilaza ny tsy maintsy atao.
Manana ny ampy isika fa ajanony ity politikan'ataka ity e. Aza tia tena ka giazana daholo sy amidy ambongadiny ny harem-pirenena.
Avelao alalaka, ary mandoa hetra ambany ireo mpitrandraka volamena sy vatosoa, amidio ny bois de rose efa tapaka, fa iray volana dia miditra ny 4 milliards de dollars.
Aleo alalaka ny famarotana ireo voly fanondrana, lavanila, kafe, jirofo, poivre, lojy, litchi...
Aza asiana teritery fampodiana vola vahiny izany, tsy misy mpandraharaha ametraka ny volany lavitra izany raha azony antoka fa tsy misy mikasika ny volany.
Vola inona koa moa no avelany any ivelany any, ny eo an-tanana aza tsy ampy iasany.
Foano ny MID, fametrahana ny vola Malagasy hitsingevana hifamatotra amin'ny vola vahiny.
Sahia mahaleo tena amin'ny fifehezana ny vola Malagasy.
Tsy misorona.
Patrick
(Sary présidence)
[email protected]
www.gasypatriote.com
Copyright © GasyPatriote
Portail internet Numéro UN à Madagascar. Les informations à la portée de vos mains, au cœur des événements, en temps réel.