11/04/2024
මේ දිනවල දැඩි කතා බහට ලක් වී ඇති මාතෘකාවක් වන්නේ අනුර - සජිත් රටේ ආර්ථිකය පිළිබද සිදුකිරීමට නියමිත විවාදයයි. අනුර 2023 ජනවාරි මාසයේ හිරු සලකුණ වැඩ සටහනේදී විවාදයකට සජිත්ට විවෘත අරාධනාවක් සිදුකරයි.
මේ වන විට එ් සදහා වසරකුත් මාස හතරක් ඉකුත්ව ගොස් ඇතත් විවාදය නම් මෙ වන තෙක් සිදුවී නැත. කෙසේ වුවත් මේ කඩිමුඩියේ මෙය නැවත කරලියට පැමිණියේ ඇයි? එසේ වූයේ කෙසේද?
මේ පිළිබද අප ගැඹුරින් සොයා බැලු කල්හී ඉතාමත් විශ්වාසනී සහ රහසිගත තොරතුරු රැසක් සොයා ගැනිමට හැකි විය. එහෙත් එයින් අපට වෙන හානියක් නොවන හෙයින් ඒ පිළිබද නිශ්ශබ්ද වීමට අප තිරණය කර සිටියෙමු.
කෙසේ වුවත් දිගින් දිගටම, මඩ නාගත් සූකරයින්, අඩෝ වරෙන් මාත් එක්ක හැප්පෙන්න, උඹ කවුද මට, මෙවැනි ගෝරනාඩු නිදා ඉන්න සිංහයාට කරන විට සිංහයා ආපසු හැරිලා යනවා, ඇයි, ඒ නුසුදුස්සා, දුර්වලයා, නොගැලපෙන්නා සමග ගනුදෙනුවකට නොයාම බුද්ධිමත් ශක්තිවන්තයගේ සිරිතවන හෙයිනි.
මෙහි සැබෑ කියමන මෙමගින් ගම්‍ය වෙයි. අනෙක් අතට මෙහි සත්‍ය කතාව අපට නොකියා සිටීමට නොහැක.
2023 වර්ෂයේ අනුර - සජිත්ට සංවාදයකට ආරාධනා කරන විට අනුර අද තරම් භූමියේ ශක්තිමත් වී සිටියේ නැත.
එහෙත් ඒ වන විට සජීත් විපක්ෂනායක මෙන්ම ශක්තිමත් දේශපාලන භූමිකාවක නිරත වි සිටියේය. එහෙයින් ඒ වන විට සජිත් - අනුර ගැන තැකුවේ නැත. එමෙන්ම අනුර මේතරම් ශක්තිමත්ව ඉදිරියට පැමිනේ වී යැයි සජිත්ලා හෝ එක්සත් ජාතික පක්ෂය මෙන්ම බහුතරයත් රටේ ක්‍රියාකාරි දේශපාලකයින් ද සිතුවේ නැත.
එහෙත් මේවන විට එය සිදුවී නැවත ආපසු හැරවිය නොහැකි ලෙසින්ම ශක්තිමත් වී ඇත.අනෙක් අතට රනිල් වික්‍රමසිංහ 2023 මාර්තු වේ ප්‍රදේශීය සභා මැතිරණය කල් දැමුවේ ඔහුට ශක්තිමත් වීමට මිස වෙන කිසිවකට නොවේ.
ඔහු සිතුවේ 2024 වර්ෂය වන විට රට යථාතත්වය පත් කිරීම තුළින් ඔහුට කිසියම් ජනප්‍රසාදයක් රට තුල ඇති වේ යැයි කියාය. එහෙත් මේ වන විට එය සිදු වී ද නැත. තවද මේ කාලය තුල රට සන්සුන් කිරීම හරහා පොහොට්ටුවේ අනුගාමිකයින් සහ මන්ත්‍රි කණ්ඩායම රනිල් වටා එකතු වේවි යැයි ඔහු සිතුවා විය හැක.
මෙම තත්වය මත සජබ සිටින රනිල් හිතවාදී මන්ත්‍රිවරු ඔහුට සහයෝගය දීම සහ සජිත් නම්මවා ගැනිමට හැකි වනු ඇතැයි ද ඉන්පසු ඇතිවන තත්වය මත යලි එක්සත් ජාතික පක්ෂය ශක්තිමත් කර ගැනීමට හැකි වනු ඇතැයි මේ අය සිතුවා විය හැක.
කෙසේ වුවත් වසරක් ගොස් මේ කිසිවක් සිදු වුයේ නැත. එහෙත් ඒ වෙනුවට සිදුවුයේ NPPය. ශක්තිමත් වීම මෙන්ම අනුරගේ ජනප්‍රියත්වය සීග්‍රයෙන් ඉහළ යාමයි.
එමෙන්ම රනිල්ට පොහොට්ටුවේ සහයෝගය ක්‍රමයෙන් අඩුවන්නට ද විය . ඒ පිලිබදව වාද විවාද පවතී. කෙසේ වුවත් ඔවුන් එලිපිට සහයෝගය දීම නවතා දැමීමට තිරණය කර ඇත.
රට බංකොලොත් කිරීමට වඩා ඒ අවස්ථාවේදී මහින්ද පාර්ෂයව සිදුකරගත් දේශපාලන අවාසිය නම් රනිල් ජනාධිපති කිරීමයි. මේ සියල්ල දැන් සිදු වී හමාරයි.
දැන් තත්වය ඊට හත්පපින්ම වෙනස් වී ඇත්තතේය.UNPයට 1994 සිට ජානාධිපති මැතිවරණයක් ජයග්‍රහණය කිරීමට නොහැකි වූයේය. කෙසේ වුවත් රනිල්ගේ පෙර වාසනාවකට ජනාධිපති තනතුරක කොටයක් ඇදීමට අවස්ථාවත් ලැබූණේය.
පැහැදිලිවම මෙය රනිල් කියන චරිතයේ පුද්ගලික ජයග්‍රහණයක් මිස පාක්ෂිකයින්ගේ හෝ අනුගාමිකයින්ගේ ජයක් නොවන්නේය.
2019 මැතිවරණයෙන් කැපුවත් කොළ එක්සත් ජාතික පක්ෂයේ ඉහල පෙලේ නායකයින්ද රනිල් අතහැර සජිත්ව සමග වෙනම ටෙලිපෝනයෙන් ඡන්දයට ගියේ රනිල් කුණු තූඩයය දාමාය .
එහෙත් දැන් ඒ කල් ඉකුත් වූ රනිල්ම ඒ අයට ඇස් දෙක තරම් වටින්නේය.
කෙසේ වුවත් ප්‍රශ්නය ඇත්තේ එතැන නෙවෙයි.වර්තමානයේ රටේ පවතින තත්වය පිලිබදයි. මේ වන විට රටේ බහුතරයක් අනුර, බලයට ගෙන එ්ම සුදුසු බව තීරණය කර අවසන්ය.
එයට හේතු කාරණා බොහෝ තිබේ.
එයින් සැමට එකග විය හැකි පොදු කාරණය නම්, රට විනාශ කරන්න හෝ රට හදන්න අනුරටත් එක සැරයක් දිය යුතුයි යන්නයි? මේ පාක්ෂිකයින්ගේ මතය නොවෙයි. මධ්‍යස්ත මිනිසුන්ගේ මතයයි.
මෙය තමයි ඡන්දයේ තීරණාත්මක සාධකය වන්නේ. මෙම තත්වය හොදින්ම වැටහී ඇති රනිල් ගිලිහී යමින් පතින අවස්ථාව කෙසේ හෝ අවසන් මොහොත දක්වාම සටන් කර, වාසිය තමන් වෙත දිනා ගැනීමේ මෙහෙයුමක් අරඹා ඇත.
මන්ද මේ අවසන් අවස්ථාව ගිළිහුන හොත් එක්සත් ජාතික පක්ෂයක් හෝ සමගි ජන බලවේගයක් මේ රටේ ඉතිරිවෙන එකක් නැති බවත්, වැඩිම තර්ජනය ඇත්තේ මේ අයට බව හොදින්ම දන්නා කෙනා රනිල් වන්නේය . මේ පිළිබද ගැඹුරු වැටහීමක් සජිත්ට නොමැති බව හොදින්ම දන්නා කෙනා ද වන්නේ රනිල්ය.
අනෙක් අතට මේවන විට සජිත් - රනිල්ට හිතවත්, එහෙත් මේ මොහොතේ සජබ පර්ෂවයේ සිටින රනිල් - සජිත් එක් විය යුතු යයි සිතන මන්ත්‍රිවරුන්ගේ එකම අපේක්ෂාව වන්නේ ඇතිවෙන්න හෝ නැතිවෙන්න ජනාධිපතිවරණ අවසන් සටනට රනිල්ව දැමීම සුදුසු බවයි.
එහෙත් සජිත් වටේ සිටිමින් ඔහුට උපදෙස් දෙස සහ පොහාට්ටුවෙන් කැඩි ගිය පිරිස් ඔහුට පවසන්නේ අනුරට කැඩුණු පොහාට්ටුවේ ඡන්ද වලින් භාගයක් අපත් සමග සිටින හෙයින් ඔබේ ජයග්‍රහණය ස්තීර බවයි.
කෙසේ වුවත් මෙම තත්වය මත මේ වන විට සැබෑ එක්සත් ජාතික පක්ෂයේ ශක්තිමත්ම බල කණූ වූ මන්ත්‍රීවරුන් කසල ගොඩට විසි වී ඇත. එහෙයින් ඔවුන් අදහස් කරනුයේ අනුර ඉදිරියේ සජිත්ගේ නොහැකියාව පෙන්වා, ඔහුව දෙවැනි තැනට ඇද දමා රනිල් කරළියට ගෙන ඒමයි.
රුපවාහිනි විවාද කිසිදිනක නොකල සජිත් මේ මොහොතේ ගැඹුරැ දියේ පිහිනීම සදහා ජලයට පැනීමට සුදානම් වන්නේය. ඔල්වරසන් දීම උද්වේගයයේ උච්චතම අවස්ථාවට පැමිණ ඇත
සජිත් මේ දියට පනින බව ස්තීරයි.ඔහුට තරගයක් දීමට කිසිවෙක් දෙවනුව ජලයට නොපනින බව මේ මොහොතේ ඔහුට අවබෝද වන්නේ නැත.ඔහුගේම පිරිසක් විසින් මේ ජලයට මිනිකන කිඔුලෙක් බස්සවා ඇති වග දන්නේ කිහිප දෙනෙක් පමණි.
කෙසේ හෝ වේවා, ස්තීර වශයෙන්ම සජිත් කුමන අකාරයේ දේශපාලන ප්‍රවර්ධන වැඩසටහන් කලත් ග්‍රාමීය මට්ටමේ ඔහුට සැලකිය යුතු ජන ප්‍රසාදයක් තිබුනත්, එය ඔහුට ජනාධිපතිවරණය ජයග්‍රහණය කිරීමට ප්‍රමාණවත් වන්නේ නැත.
රනිල් අපේක්ෂකයා වී සජිත් ඔහුට සහයෝගය දීමට කැමැති වුවහොත් අනුරට තරගයක් ඇතිවනු ඇත. එ් ගැන අප දෙවනුව සිතමු .
එහෙයින් මේ මොහොහොත් සජිත් පුහුණු තරගයට එවා ජයග්‍රහණය කිරීමට සුදුකම් එක් කර ගැනීමට සැරසෙන්නේය.එහෙත් ඔලිම්පික් සුදුසුකම් ලැබුවන් ජාතික මට්ටමේ ක්‍රිඩකයින් සමග පුහුණු තරග වලට සහභාගි නොවන බව නම් අපට සහතික වශයෙන්ම කිව හැක.
චමින්ද ප්‍රීති කුමාර
