ခေတ်မျက်လုံး - Era's Eye

ホーム
日本
Minato, Tokyo
ခေတ်မျက်လုံး - Era's Eye

ခေတ်မျက်လုံး - Era's Eye, ニュース・メディアのウェブサイト, 2-5-19 Shiba, Minatoの連絡先情報、マップ、方向、お問い合わせフォーム、営業時間、サービス、評価、写真、動画、お知らせ。

ပြည်သူများဘက်မှ ရပ်တည်ပြီး ဘက်မလိုက်ဘဲ တင်ပြနေတဲ့ သတင်းဌာန ဖြစ်ပါတယ်။ နစ်နာသူ ပြည်သူများဘက်က ကာကွယ်ပြီး ပြစ်မှုကျူးလွန်သူများကို ထုတ်ဖော်တင်ပြသွားပါမယ်။ အဲ့ဒီအတွက် ပြစ်မှုကျူးလွန်သူတွေဘက်က တိုက်ခိုက်မှုတွေ ရှိပေမယ့် ယုံကြည်ချက်အတိုင်း ရပ်တည်သွားပါမယ်။

22/10/2024

အနောက်ငံနိုင်ငံများက ပူတင်ကိုအထီးကျန် ဖြစ်စေချင်သော်လည်း အဓိက ဆွေးနွေးပွဲတွင် သူသည် ယင်းအ‌ခြေအနေမှ ကွာခြားစွာ ရှိနေသည်။
++++++++++++++++++++++++++++++++++++++++++++++++++++

ယူကရိန်းကို ရုရှားကျူးကျော်မှုအပြီး သုံးနှစ်နီးပါးအကြာတွင် တစ်ကမ္ဘာလုံးမှနိုင်ငံများက မော်စကိုအား ပြစ်တင်ရှုတ်ချသည်ကို မြင်တွေ့ခဲ့ရပြီးနောက် ရုရှားခေါင်းဆောင် ဗလာဒီမာပူတင်သည် ကမ္ဘာ့ခေါင်းဆောင်တစ်ဒါဇင်ကျော်နှင့် ထိပ်သီးဆွေးနွေးပွဲတစ်ရပ်ကို ကြီးမှူးကျင်းပနေပါသည်။ သက်ဦးဆံပိုင်အာဏာရှင်တဦးက သူသည် တစ်နိုင်ငံတည်း အထီးကျန်အဖြစ်ရောက်ရန် ဝေးကွာစွာ တည်ရှိနေပြီးသူနှင့်အတူ သူ့နောက်တွင် ပေါ်ထွန်းလာသည့် ညွန့်ပေါင်းနိုင်ငံများက သူ့ဘက်မှာ ရပ်တည်နေကြောင်းပြသခဲ့ပါသည်။

ရုရှားနိုင်ငံ အနောက်တောင်ပိုင်း ကာဇန် (Kazan) မြို့မှာ အင်္ဂါနေ့က စတင်ခဲ့သည့် သုံးရက်ကြာ ကျင်းပနေသည့် BRICS ထိပ်သီးဆွေးနွေးပွဲသည် ထွန်းသစ်စ နိုင်ငံကြီးများဖြစ်သော ဘရာဇီး၊ အိန္ဒိယ၊ တရုတ်နဲ့ တောင်အာဖရိကတို့ ပူးပေါင်းပြီး ယခုနှစ်အစောပိုင်းတွင် အီဂျစ်၊ အာရပ်၊ အီမရိတ်၊ အီသီယိုးပီးယားနှင့် အီရန်တို့ ပါဝင်ပူးပေါင်းလာသည့် ပထမဆုံး အစည်းအဝေး ဖြစ်သည်။
တက်ရောက်မည့် ခေါင်းဆောင်များမှာ တရုတ်သမ္မတရှီကျင့်ဖျင်၊ အိန္ဒိယမှ နာရင်ဒရာမိုဒီ၊ အီရန်မှ မာဆွတ် ပဲဇက်ရှီကန် (Masoud Pezeshkian)၊ တောင်အာဖရိကမှ ဆီရယ် ရမ်ဖိုဆာ (Cyril Ramaphosa) နှင့် တူရကီသမ္မတ ရေရှပ်တာယစ်အာဒိုဝန် (Recep Tayyip Erdogan) တို့ကဲ့သို့ အဖွဲ့ပြင်ပမှ ကိုယ်စားလှယ်များ ပါဝင်မည်ဖြစ်သည်။ ဘရာဇီးသမ္မတ လူဝစ်အင်နာစီယိုလူလာဒယ်ဆေးလ်ဗား (Luiz Inacio Lula da Silva) သည် ဒဏ်ရာရရှိနေသည့်အတွက် သူ၏ခရီးစဉ်ကို ဖျက်သိမ်းခဲ့ပါသည်။

၂၀၂၂ ခုနှစ် ဖေဖော်ဝါရီလတွင် ယူကရိန်းနှင့် စစ်ပွဲစတင်ကတည်းက ရုရှားသမ္မတက အိမ်ရှင်အဖြစ် လက်ခံကျင်းပခဲ့သည့် အကြီးမားဆုံးသော နိုင်ငံတကာ အစုအဝေးပွဲ ဖြစ်လာမည့် BRICS နှင့် အခြားနိုင်ငံများပါဝင်သည့် စည်းဝေးပွဲသည် ကမ္ဘာလုံးဆိုင်ရာ အာဏာ ချိန်ခွင်လျှာ အပြောင်းအလဲကို မြင်တွေ့လိုသော နိုင်ငံများ၏ တိုးပွားလာသော ပေါင်းစည်းမှုကို မီးမောင်းထိုးပြနေခဲ့သည်။ အချို့ကိစ္စများတွင် အမေရိကန် ဦးဆောင်သော အနောက်အုပ်စုကို တိုက်ရိုက်ဆန့်ကျင်နေသည့် မော်စကို၊ ပေကျင်းနှင့် တီဟီရန်ကဲ့သို့သော နိုင်ငံများလည်း ပါဝင်နေခဲ့သည်။

ပူတင်နှင့် အရင်းနှီးဆုံး မိတ်ဖက်နှင့် အင်အားအကြီးဆုံး BRICS နိုင်ငံခေါင်းဆောင် တဦးဖြစ်သူ ရှီကျင်ဖျင့်သည် လာမည့်ရက်များအတွင်း ဦးဆောင်ဆွေး‌နွေးမည်ဟု ဆိုသည်။ အနောက်နိုင်ငံများက သူတို့၏မဟာမိတ်များနှင့် ပိတ်ဆို့မှုများပြုလုပ်ခြင်းဖြင့် ကမ္ဘာတွင်အထီးကျန်ရပ်တည်လျက်ရှိပြီး တဖက်မှာလည်း ကမ္ဘာ့လူဦးရေအများဆုံးရှိသောနိုင်ငံများက သူတို့၏ရည်မှန်းချက်ဖြစ်သော အမေရိကန်၏ကမ္ဘာလုံးဆိုင်ရာ ခေါင်းဆောင်မှုကို စိန်ခေါ်ရန် ကြိုးစားနေခဲ့သည်။

သောကြာနေ့က သတင်းထောက်များအား မှတ်ချက်ပြုရာတွင် ပူတင်က BRICS နိုင်ငံများ၏ စီးပွားရေးနှင့် နိုင်ငံရေး သြဇာလွှမ်းမိုးမှု ကြီးထွားလာမှုသည် ငြင်းမရနိုင်သော အမှန်တရားတစ်ခုအဖြစ် ချီးကျူးခဲ့ပြီး BRICS နှင့် စိတ်ဝင်စားသောနိုင်ငံများ လက်တွဲလုပ်ဆောင်ပါက ၎င်းတို့သည် "ကမ္ဘာ့အာဏာစဥ်အစီအစဉ်သစ်၏ အဓိကအစိတ်အပိုင်းတစ်ခုဖြစ်လိမ့်မည်" ဟု ပြောကြားခဲ့သည်။ အဖွဲ့သည် အနောက်တိုင်း ဆန့်ကျင်ရေး မဟာမိတ်အဖွဲ့မဟုတ်ကြောင်း သူက ငြင်းဆိုခဲ့သည်။

အမေရိကန်‌ရွေးကောက်ပွဲ ကျင်းပရန် ရက်ပိုင်းသာ လိုတော့သည့်အချိန်တွင် ပူတင်၏ပြောဆိုချက်သည် ထိထိမိမိဖြစ်လာနိုင်ပြီး ယခင်သမတဟောင်းဒေါ်နယ်ထရန့် ပြန်လည်အရွေးခံရနိုင်မှုအပေါ် အမေရိကန်သည် ယူကရိန်းအပေါ် ထောက်ပံ့အားပေးမှုကို ပြောင်းလဲသွားစေနိုင်ပြီး ဝါရှင်တန်၏ မိရိုးဖလာသွေးစည်းထားသည့်မဟာမိတ်များနှင့် ကျယ်ပြန့်စွာ သွေးစည်းထားမှုကိုလည်း စွန်းထင်းသွားစေနိုင်သည်။

ဘာလင်မြို့ရှိ ကာနေဂီ ရုရှာ-ဥရောပ စင်တာ (Carnegie Russia Eurasia Center) မှ ဒါရိုက်တာ အဲလက်ဇန်ဒါ ဂါဗီယာ (Alex Gabuev) က "ဒီ BRICS ထိပ်သီးအစည်းအဝေးဟာ (ပူတင်အတွက်) တကယ့်လက်ဆောင်တစ်ခုပါပဲ" ဟု ပြောကြားခဲ့သည်။ "သတင်းစကားကတော့ - ခင်ဗျားတို့က ပူတင်ကို အထီးကျန်အောင် လုပ်မယ်ဆို အခုကမ္ဘာ့ခေါင်းဆောင်တွေ ကာဇန် (Kazan) ကို ရောက်လာတာကို ဘယ်လိုပြောမလဲ။" ဟု ဆိုခဲ့သည်။

"ရုရှားနိုင်ငံဟာ BRICS ၏ ဦးဆောင်ဦးရွက်ပြုမှုအဖြစ်၊ ကျွန်တော်တို့ အားလုံးကို ကမ္ဘာလုံးဆိုင်ရာအသိုက်အဝန်းအဖြစ် ပိုမိုတရားမျှတအောင် ဦးဆောင်ပေးတဲ့ အဖွဲ့အစည်းသစ်အဖြစ် ပုံဖော်လိုတယ်" ဟု ဂါဗီယာ (Gabuev) က ပြောကြားခဲ့သည်။

သို့သော် ရုရှား၏ ကျယ်ပြောလှသော စကားလုံးများ ရှိနေသော်လည်း ကာဇန်တွင် တွေ့ဆုံသော ခေါင်းဆောင်များတွင် ကျယ်ပြန့်သော ရှုထောင့်မျိုးစုံနှင့် မတူညီသော အကျိုးစီးပွားများ ရှိနေခဲ့သည်။ BRICS တွင် အထူးသဖြင့် ပူတင်လိုလားသည့် "တစ်စည်းတလုံးတည်းသော သတင်းစကားပေးပို့နိုင်မှုတွင် အကန့်အသတ်များရှိနေခဲ့သည်" ဟု အကဲခတ်သူများက ဆိုကြသည်။

ကမ္ဘာလုံးဆိုင်ရာ အကျပ်အတည်းများ
+++++++++++++++++++++++++
ရုရှားနိုင်ငံက အိမ်ရှင်အဖြစ် လက်ခံကျင်းပသည့် အစည်းဝေးပွဲသည် ပြီးခဲ့သည့်နှစ်က တောင်အာဖရိကနိုင်ငံ ဂျိုဟန်နက်စ်ဘတ်မှာ ကျင်းပခဲ့သည်။ မနှစ်က BRICS ထိပ်သီးအစည်းအဝေးတွင် ပူတင်က ဗွီဒီယိုဖန်သားပြင်တစ်ဖက်ကနေသာ ပါဝင်နိုင်ခဲ့သည်။ ယူကရိန်းနိုင်ငံအပေါ် ကျူးလွန်ထားသည့် စစ်ရာဇ၀တ်မှုများအတွက် နိုင်ငံတကာရာဇဝတ်မှုတရားရုံးက သူ့အား ဖမ်းဝရမ်း အမိန့်ထုတ်ထားတာကြောင့် လူကိုယ်တိုင် မတက်ရောက်နိုင်ခဲ့ပါ။

ယခုနှစ်တွင် ရုရှားသမ္မတသည် အဖွဲ့အစည်း၏ အရွယ်အစားနှစ်ဆနီးပါး တိုးလာပြီးနောက် ပထမဆုံး ထိပ်သီးအစည်းအဝေးကို ဦးဆောင်ကျင်းပနေပြီး အဆိုပါ စည်းဝေးပွဲသည် အလွန်ကွဲပြားသည့် ကမ္ဘာ့အခင်းအကျင်းတစ်ခုအဖြစ် စည်းဝေး ပြုလုပ်လျက်ရှိသည်။

BRICS သည် စီးပွားရေးပူးပေါင်းဆောင်ရွက်မှုဆီသို့ အဓိက ဦးတည်နေသော်လည်း ၎င်း၏အစည်းအဝေးကို ယမန်နှစ်က ယူကရိန်းစစ်ပွဲ၏ အရိပ်အောက်တွင် ကျင်းပခဲ့သည်။ ယခုအခါ စစ်ပွဲ အရှိန်ပြင်းလာသလို အရှေ့အလယ်ပိုင်းတွင် ကျယ်ပြန့်လာသော ပဋိပက္ခတွင် အစ္စရေးသည် အီရန်၏ လက်ဝေခံအင်အားစုများနှင့် တိုက်ခိုက်နေသည့် အကြောင်းအရာများကို ခေါင်းဆောင်များ၏ ပြောဆိုမှုများတွင် လွှမ်းမိုးနိုင်ဖွယ်ရှိသည်။

ပါလက်စတိုင်းခေါင်းဆောင် မာမွတ် အဘတ်စ် (Mahmoud Abbas) သည် အဆိုပါပွဲသို့ ပါလက်စတိုင်းခေါင်းဆောင်အဖြစ် ပါဝင်မည်ဟု ပူတင်က ပြီးခဲ့သည့် သီတင်းပတ်က အတည်ပြုခဲ့သည်။ ရုရှားခေါင်းဆောင်နှင့် ၎င်း၏တာဝန်ရှိသူများသည် ထိုပဋိပက္ခကို အသုံးပြုကာ အမေရိကန်ကအစ္စရေးကို ထောက်ခံသည့် အတွက် ကမ္ဘာလုံးဆိုင်ရာ တောင်ကမ္ဘာ (Global South ) ၏ ဒေါသထွက်နေမှုကို အသုံးချကာ အမေရိကန်၏ ဦးဆောင်ကြိုးကိုင်မှု မပါဘဲ ကမ္ဘာ့အာဏာစဥ်သစ်တရပ် ထူထောင်ရန် လိုသည်ဟု ဖိအားပေးကြိုးစားမည်ဟု လေ့လာသူများက ဆိုခဲ့သည်။

တရုတ်နှင့် ရုရှားတို့သည် ပြင်းထန်သော ပဋိပက္ခများတွင် အပစ်အခတ် ရပ်စဲရန် တောင်းဆိုထားပြီး အစ္စရေး၏ လုပ်ရပ်များကို ဝေဖန်ခဲ့ကြသော်လည်း အမေရိကန်က ဂါဇာရှိ ဟားမတ်စ်စစ်သွေးကြွများနှင့် လက်ဘနွန်ရှိ ဟစ်ဇ်ဘိုလာတို့ကို လက်တုံ့ပြန်ရန် အစ္စရေးကို ထောက်ခံထားသည်။

ထိပ်သီးစည်းဝေးပွဲသို့ တက်ရောက်သူ အများအပြားသည် အရှေ့အလယ်ပိုင်းရှိ ပဋိပက္ခများသည် အဘယ့်ကြောင့် ဤအုပ်စုအနေနှင့် ပိုမိုသြဇာလွှမ်းမိုးမှု ရှိသင့်သည်ဆိုသည့် အဓိက နမူနာယူရမည့်သင်္ခန်းစာအဖြစ် မြင်နေကြသည်ဟု “အဘူဒါဘီအခြေစိုက် အတ္တလန်တိတ်ကောင်စီရှိ အကြီးတန်းလေ့လာသူ ဂျိုနသန် ဖူလ်တန် (Jonathan Fulton) က ပြောကြားခဲ့သည်။ သို့သော်လည်း နိုင်ငံများသည် သူတို့၏ဆုံးဖြတ်ချက်ကို ဦးဆောင်ချမှတ်ရန် စိတ်ပါဝင်စားကြောင်း ပြသရမည့်အစား ၎င်းတို့ မကြိုက်သောအရာများကို ဝေဖန်ရန် စကားလုံးအသုံးအနှုန်းများအဖြစ်နှင့် သာ အများအားဖြင့် ပြောဆိုနေခဲ့ကြသည်။

ပြီးခဲ့သည့်လကကျင်းပသည့် ကုလသမဂ္ဂအထွေထွေညီလာခံတွင် ၎င်းတို့ ပြုလုပ်ခဲ့သည့်အတိုင်း ယူကရိန်းစစ်ပွဲအတွက် ပူးတွဲငြိမ်းချမ်းရေးအဆိုပြုချက် (၆) ချက်ကို တရုတ်နှင့် ဘရာဇီးလ်တို့က စုဝေးသည့် ပလက်ဖောင်းအဖြစ် အသုံးပြုခြင်း ရှိမရှိ စောင့်ကြည့်လေ့လာနေမည်ဖြစ်သည်။ ထို့နောက်တွင် ယူကရိန်းခေါင်းဆောင် ဗလာဒီမာ ဇလန်းစကီးက အဆိုပါအစီအစဉ်များသည် မော်စကိုအား အထောက်အကူဖြစ်စေမည်ဟု ပြောကြားကာ ဘေဂျင်းနှင့် ဘရာဇီးတို့အား “ယူကရိန်း၏ နစ်နာကုန်ကျမှုများကို အသုံးချပြီး သင်တို့ရဲ့ အာဏာကို မြှင့်တင်ရန် မလုပ်ပါနဲ့” ဟု သတိပေးခဲ့သည်။
ဇလန်းစကီးအတွက် စစ်ပွဲကိုအဆုံးသတ်ရန် သူ၏ “အောင်ပွဲအစီအစဉ်” ကို တင်ပြခြင်းနှင့် မကြာမီ ဖြစ်လာမည့် အမေရိကန် ရွေးကောက်ပွဲများသည် သူ့အတွက် စိန်ခေါ်မှုများ ဖြစ်နေခဲ့သည်။ ယခုအချိန်တွင် တရုတ်သည် “၎င်း၏ ယူကရိန်းအတွက် ငြိမ်းချမ်းရေး အဆိုပြုထားသည့် တရုတ်၏ ကိုယ်ပိုင်ပုံစံ တင်ပြမှုကို ငြင်းခုံခံရမှု မရှိဘဲ တိုက်တွန်းလုပ်ဆောင်နိုင်ရန် အလွန်အမင်း အခွင့်အရေး ရှိနေသည်” ဟု ဘာလင်ရှိ ဂါဗီယာ (Gabuev) က ပြောကြားခဲ့သည်။

ကာဇန်တွင် စုဝေးခြင်းသည် ပူတင်အား ၎င်း၏ BRICS ခေါင်းဆောင်များနှင့် အခြားဖော်ရွေသော ဂုဏ်သရေရှိ ပုဂ္ဂိုလ်များနှင့်အတူ တဦးချင်းတွေ့ဆုံရန် အခွင့်အလမ်းများစွာကို ပေးခဲ့သည်။
မကြာသေးမီက CNN မှဖော်ပြခဲ့သည့် အီရန်၏ BRICS တွင် ပါဝင်မှုသည် ရုရှားသို့ ဒရုန်းရာပေါင်းများစွာအပြင် တာတိုပစ်ပဲ့ထိန်း ဒုံးကျည်များ (အီရန်ကလွှဲပြောင်းပေးမှုကို ငြင်းဆိုထားသည်) ကိုလည်း ရုရှားအား ထောက်ပံ့ပေးခဲ့ပြီး ရင်းနှီးသော ရုရှားလုပ်ဖော်ကိုင်ဖက်တစ်ဦးအဖြစ် မော်စကို၏ အသိုက်ထဲသို့ ဝင်ရောက်ခဲ့သည်။ တရုတ်သည်လည်း စက်ကိရိယာများနှင့် မိုက်ခရို အီလက်ထရောနစ် ပစ္စည်းများကဲ့သို့သော စစ်ရေးနှင့် အရပ်သုံး နှစ်မျိုးသုံးနိုင်သော ကုန်ပစ္စည်းများကို ရုရှားသို့ ပံ့ပိုးပေးခြင်းဖြင့် ရုရှား၏စစ်ပွဲအား အားကောင်းစေသည်ဟု အမေရိကန်နှင့် ၎င်း၏မဟာမိတ်များက စွပ်စွဲခံထားရသော်လည်း ရုရှားနှင့် ၎င်းသည် "သာမန်ကုန်သွယ်မှု" သာရှိပြီး စစ်ပွဲတွင် "ကြားနေကြောင်း" ပေကျင်းက ငြင်းဆိုထားသည်။

ကိုယ်ပိုင်လက္ခဏာ အကျပ်အတည်း
++++++++++++++++++++++++
လာမည့်ရက်အနည်းငယ်အတွင်း ခေါင်းဆောင်များသည် အမေရိကန်ဒေါ်လာဖြင့် သတ်မှတ်ထားသောစနစ်အပြင်ဘက်တွင် ငွေပေးချေမှုများကို BRICS ငွေကြေးများနှင့် ဘဏ်လုပ်ငန်းကွန်ရက်များကို အစားထိုး အသုံးပြုသည့်စနစ်သည် စီးပွားရေးအကျိုးအမြတ်များကို ရရှိလာနိုင်သည့်အပြင် ရုရှားကဲ့သို့ အနောက်တိုင်းစီးပွားရေးပိတ်ဆို့မှုများကြောင့် ငွေကြေးလှည့်ပတ်ရှာဖွေနေရမှုကိုလည်း အကူအညီဖြစ်စေနိုင်မည်ဖြစ်သည်။ နိုင်ငံများသည် စွမ်းအင်မှသည် ဂြိုလ်တုဒေတာမျှဝေခြင်းအထိ နယ်ပယ်အမျိုးမျိုးတွင် စီးပွားရေး၊ နည်းပညာနှင့် ဘဏ္ဍာရေး ပူးပေါင်းဆောင်ရွက်မှုကို မြှင့်တင်ရန် နည်းလမ်းများကို ရှာဖွေနိုင်ဖွယ်ရှိသည်။

သို့သော်လည်း တစ်ချိန်တည်းတွင် ၎င်းတို့သည် အုပ်စုအတွင်းရှိ နိုင်ငံများအကြား ကွဲလွဲမှုများနှင့် ကွဲပြားသည့် အစီအစဉ်များကြားတွင် ရုန်းကန်နေရပြီး BRICS မည်မျှ အောင်မြင်နိုင်သည်မှာအကန့်အသတ်ရှိသည်ဟု လေ့လာသူများက ဆိုသည်။

တောင်အာဖရိကကို အဖွဲ့ဝင်အဖြစ် မတိုးချဲ့မီ အဓိက ထွန်းသစ်စဈေးကွက်များ ပေါင်းစည်းမှုအဖြစ်၂၀၀၉ ခုနှစ်တွင် ဘရာဇီး၊ ရုရှား၊ အိန္ဒိယနှင့် တရုတ်တို့၏ ပထမဆုံး ထိပ်သီးအစည်းအဝေးကို ကျင်းပခဲ့ဖူးခြင်းကြောင့် အဆိုပါအဖွဲ့အတွက် အသစ်အဆန်း မဟုတ်ပါ။ ၂၀၁၅ ခုနှစ်တွင် BRICS သည် ကမ္ဘာ့ဘဏ်နှင့် အပြည်ပြည်ဆိုင်ရာ ငွေကြေးရန်ပုံငွေအဖွဲ့တို့မှ အခြားရွေးချယ်စရာ သို့မဟုတ် ဖြည့်စွက်သည့်ဘဏ်အဖြစ် ရှုမြင်နိုင်သော ၎င်း၏ ဖွံ့ဖြိုးတိုးတက်ရေးဘဏ်သစ်ကို စတင်ဖွဲ့စည်းခဲ့သည်။

တူညီသောစိတ်ပါဝင်စားမှုဖြင့် BRICS သည် ၎င်းတို့၏အသံများကို ကိုယ်စားပြုနိုင်စေရန် နိုင်ငံတကာစနစ်တခုအား ပြုပြင်ပြောင်းလဲရေး အတွက် ဖွဲ့စည်းရာတွင် ၎င်းတို့၏အစကတည်းကရှိနေသော နိုင်ငံရေးနှင့် စီးပွားရေးစနစ်များတွင် နက်ရှိုင်းစွာ ကွဲပြားမှုများရှိသည့် နိုင်ငံများကို ပေါင်းစပ်ဖွဲ့စည်းထားသည့်အပြင် အခြားသော သဘောထားကွဲလွဲမှုများလည်း ရှိနေသေးသည်။
ဥပမာအားဖြင့် အိန္ဒိယနှင့် တရုတ်တို့သည် ကာလကြာရှည်စွာ နယ်နိမိတ်ချင်းထိစပ်နေသော ပဋိပက္ခများ ရှိသော်လည်း အဖွဲ့အစည်း၏ အဓိက မဏ္ဍိုင်နှစ်ရပ်အဖြစ်ရှိနေခဲ့သည်။ မကြာသေးမီနှစ်များအတွင်း အိန္ဒိယနှင့် အမေရိကန်တို့သည် ပိုမိုရင်းနှီးသောမိတ်ဖက်များ ဖြစ်လာချိန်တွင် တရုတ်-အမေရိကန်သည် ပိုမိုတင်းမာလာသောကြောင့် ၎င်းတို့၏ သဘောထားကွဲလွဲမှုသည် ပိုမိုထင်ရှားလာခဲ့သည်။

ယနေ့တွင် BRICS သည် တစ်ဖန်ပြန်လည်ချဲ့ထွင်လာသည်နှင့်အမျှ နောက်ထပ်နိုင်ငံ ၃၀ ကျော်က ၎င်းနှင့်ပူးပေါင်းရန် စိတ်ဝင်စားနေကြသည်ဟု ကရင်မလင်က ပြောသည်။ ပထဝီဝင်နိုင်ငံရေး ပြတ်ရွေ့လမ်းကြောင်းများ နက်ရှိုင်းလာခြင်းသည် BRICS ၏ ဝိသေသ လက္ခဏာနှင့် ဦးတည်ချက်ကို ပိုမိုရှုပ်ထွေးစေသည်ဟု လေ့လာသူများကဆိုသည်။

“(တရုတ်နဲ့ ရုရှားတို့) ဟာ BRICS ရဲ့ ထွန်းသစ်စစီးပွားရေးအရ ပေါ်ထွက်လာတဲ့ နိုင်ငံတွေဖြစ်တယ်ဆိုတဲ့ ခံယူချက်ကနေ အနောက်နိုင်ငံတွေရဲ့ လွှမ်းမိုးချုပ်ကိုင်မှုအပေါ် ဒေါသတကြီး အသွင်ပြောင်းဖို့ အဓိကအားဖြင့် ကြိုးစားနေပါတယ်” ဟု အင်ဒို-ပစိဖိတ်ဒေသဆိုင်ရာ လေ့လာမှုများကို ဦးဆောင်သူ မန်နို့ဂျ် ကီဝါလ်ရာမဏီ (Manoj Kewalramani) က ပြောကြားခဲ့သည်။

အဖွဲ့ဝင်အသစ်များနှင့် ဆန္ဒပြင်းပြသော အဖွဲ့ဝင်များသည် ထိုအမြင် သို့မဟုတ် အနောက်အုပ်စု မည်သည့်ကိုမျှ ရွေးချယ်လိုခြင်း မရှိကြပါ။ ယင်းအစား၊ ၎င်းတို့သည် ၎င်းတို့၏ စီးပွားရေးကို မြှင့်တင်ရန်နှင့် “အယူဝါဒနှင့် လက်တွေ့ကျကျသော ဆက်ဆံမှုများ” ကိုသာ လုပ်လိုကြသည်ဟု ၎င်းက ဆိုသည်။

31/08/2024

ဒီမိုကရက်တစ်ညီလာခံမှာ သြဘာသံအများဆုံး ရရှိခဲ့တဲ့ အရင်သမတဟောင်း အိုဘားမားရဲ့ ဇနီး မီရှယ်အိုဘားမားရဲ့ မိန့်ခွန်း

ကျမတို့အနားမှာ တစုံတခုသောဆန်းကြယ်အံ့သြဖွယ်အရာက တိုင်းပြည်အနှံ့အပြားမှာ ပြန့်နှံလာနေတယ်။ ဒါဟာကူးစက်လာနေတဲ့ မျှော်လင့်ချက်စွမ်းအားကြီး ဖြစ်ပါတယ်။ ပူးပေါင်းပါဝင်လာမှု၊ စွမ်းအားတွေ၊ မြူးကြွရွှင်လန်းလာမှုတွေ၊ ပြန်လည်စုရုံး ရောက်ရှိလာခဲ့ပါတယ်။ မျှော်လင့်ချက်ရောင်ခြည် ထွန်းတောက်လာမယ့်နေ့အတွက် အမေရိကားက ပြန်လည် ရောက်ရှိလို့ လာပါပြီ။ ကြောက်ရွံ့စေခြင်း၊ ကွဲပြဲစေခြင်း၊နဲ့ မုန်းတီးမှုတွေကို ဖြစ်စေတဲ့ မကောင်းဆိုးဝါးစိတ်တွေဟာ ကျမတို့ကို ဝါးမြိုနေခဲ့ပြီး ဆက်လက်ပြီး ဒီနေ့အထိ ရှိနေခဲ့ပါတယ်။ ဒါတွေကို ပျောက်ကွယ်စေဖို့ ကြီးကျယ်ခန်းနားတဲ့ နိုင်ငံရဲ့ မပြီးဆုံးသေးတဲ့ ဂတိကဝတ်တွေကို ဖြည့်ဆည်းပေးဖို့ ဆက်လက်ဆောင်ရွက်ပေးဖို့ အခွင့်အရေးရှိနေပါတယ်။ ကျမတို့ရဲ့အဖိုးအဖွားတွေ၊ အဖေအမေတွေက အနစ်နာခံ အသေခံ စွန့်စားတိုက်ပွဲဝင်ခဲ့ပြီး မျှော်မှန်းချက်အိပ်မက်တွေကို အကောင်အထည်ဖော်ဖို့ လုပ်ဆောင်ခဲ့ကြတယ်။

အမေရိကားရေ……..မျှော်လင့်ချက်ဟာ ဒီနိုင်ငံမှာ ပြန်လည်ရောက်ရှိလို့လာပါပြီ။ အမှန်အတိုင်းဝန်ခံရရင် ကျမဟာ ကျမရဲ့ ပူဆွေးနေရတဲ့ ဝေဒနာကြောင့် ဒီနေရာကိုလာရောက် ပြောကြားနိုင်လိမ့်မယ်လို့ မထင်မှတ်မိခဲ့ပါဘူး။ ကျမချစ်မြတ်နိုးရတဲ့ မိခင်ကြီးကွယ်လွန်သွားတာ မကြာလှသေးတဲ့အချိန်မှာ ပူဆွေးဝမ်းနည်းမှုတွေနဲ့ ပြည့်နေတဲ့ ကျမအနေနဲ့ ဒီနေရာကို မလာဖို့ ဆုံးဖြတ်ထားခဲ့ပါတယ်။ ဒါပေမဲ့ ဒီနိုင်ငံရဲ့အကြွေးတွေ ကျမအပေါ်တင်ရှိ နေမှုကြောင့် ဒီကျေးဇူးတွေကို ဆပ်သင့်တယ်ဆိုတဲ့ ယုံကြည်ချက်ကြောင့် အမေကို သတိရဂုဏ်ပြုရင်း ကျမတို့အားလုံးကို ပြန်လည်သတိရစေဖို့ ကျမတို့အားလုံးကို ကောင်းမွန်တဲ့ အနာဂါတ်ကို ပိုင်ဆိုင်ရရှိဖို့အတွက် သူတို့အနစ်နာခံခဲ့မှုတွေကို အလဟဿ ပျက်စီးဆုံးရှုံးအောင် မလုပ်မိဖို့ သတိပေးခဲ့ပါတယ်။

ကျမရဲ့ရင်ထဲမှာ နက်နက်ရှိုင်းရှိုင်း အနာဂါတ်အတွက် စိုးရိမ်ထိတ်လန့်မှုတွေကို ခံစားနေရပြီး ကျမအတွက်၊ အဲဒီ ငိုကြွေးခြင်းဟာ ကျမရဲ့ ကိုယ်ရေးကိုယ်တာ ဝမ်းနည်းမှုတွေနဲ့ ရောထွေးနေခဲ့တယ်။ အမေ့ကို အမှတ်တရအဖြစ် ကျွန်မမွေးရပ်မြေကို နောက်ဆုံးသွားရောက်ခဲ့တဲ့ အချိန်မှာ ကျွန်မရဲ့ ကိုယ်ကျင့်တရား သံလိုက်အိမ်မြှောင်ကို မြင့်မားစေပြီး အသံပါဝါကို ပြသပေးတဲ့အမေ၊ ကျွန်မကို အလုပ်ကြိုးစားမှု၊ နှိမ့်ချမှုနဲ့ ရည်မွန်မှုရဲ့ အဓိပ္ပာယ်ကို သွန်သင်ခဲ့တဲ့ အမေ့ကို အောက်မေ့ သတိတရ ဖြစ်စေခဲ့ပါတယ်။ အမေ့ကို ဆုံးရှုံးလိုက်ရလို့ နက်နက်ရှိုင်းရှိုင်း ခံစားနေရတဲ့အတွက် ဒီည ဒီပရိတ်ဿတ်ရှေ့မှာ မတ်တပ်ရပ် နိုင်လောက်တဲ့အထိ တည်ငြိမ်နေနိုင်ပါ့ မလားတောင် မသေချာပေမယ့် ကျမနှလုံးသားက သူ့ကို အမှတ်ရနေအောင် ဂုဏ်ပြုရမယ်လို့ ပြောနေတာကိုခံစားမိတဲ့ တာဝန်ဝတ္တရားကြောင့် ကျမနှလုံးသားက ကျမကို ဒီနေရာမှာ ရှိနေခိုင်းခဲ့တာဖြစ်တယ်၊ ကျမတို့ရဲ့ ပိုမိုကောင်းမွန်တဲ့အနာဂတ် ရရှိဖို့အတွက် ကျမတို့ရဲ့ အကြီးအကဲတွေရဲ့ အနစ်နာခံခဲ့မှုတွေကို ချေမှုန်းမပစ်မိဖို့ အရေးကြီးပါတယ်။

အမေ့ဘဝရဲ့ နေ့ရက်တိုင်းမှာ မျှော်လင့်ချက်အပြည့်နဲ့ အေးအေးဆေးဆေးပုံစံနဲ့ ရှင်သန်နေတဲ့အမေ့ကို မြင်ရတယ်၊ သူက ကလေးတိုင်းနဲ့ လူတိုင်းမှာ တန်ဖိုးရှိတယ်၊ အခွင့်အရေးပေးရင် ဘယ်သူမဆို အောင်မြင်နိုင်တယ်ဆိုတာကို သူယုံကြည်ခဲ့တယ်။ သူနဲ့ အဖေက အလွန်ချမ်းသာဖို့ စိတ်ဆန္ဒ ပြင်းပြခဲ့တာ မရှိကြဘူး။ ချမ်းသာတဲ့သူတွေက သူတို့လိုအပ်တာထက် ပိုယူနေတဲ့လူတွေလို့ သူတို့က သံသယဖြစ်ကြတယ်။ ငါတို့ပတ်ဝန်းကျင်က လူတွေအားလုံး ဆင်းရဲတွင်းမှာ မွန်းနစ်နေရင် သူတို့ကလေးတွေလည်း ရှင်သန်ဖို့ မလုံလောက်ဘူး ဆိုတာကို သူတို့ နားလည်တယ်။

ဒါကြောင့် အမေက ဒေသခံကျောင်းမှာ စေတနာ့ဝန်ထမ်း လုပ်တယ်။ သူမဟာ သူမပတ်ဝန်းကျင်ရှိ အခြားကလေးတွေကို အမြဲစောင့်ကြည့်ပြီး အကူအညီပေးခဲ့တယ်။ မျိုးဆက်ပေါင်းများစွာက ဒီနိုင်ငံတော်ရဲ့ စည်းစိမ်ကို ခိုင်ခံ့စေတဲ့ အကျိုးကျေးဇူးကို မမျှော်မှန်းဘဲ အောက်ခြေ အလုပ်ကို လုပ်ရခြင်းအတွက် သူမက ဝမ်းမြောက်မိပါတယ်။ ကိုယ့်အိမ်နီးနားချင်းကို ချစ်သလို သူတစ်ပါးကို ကူညီပါဆိုတဲ့ ယုံကြည်ချက်ပါပဲ။ အလုပ်လုပ်ပီး ခြိုးခြံနေထိုင်ပြီး အနစ်နာခံရင် အဲ့ဒီလုပ်ဆောင်ချက်က တနေ့ အကျိုးပေးပါလိမ့်မယ်။ အဲ့ဒီအကျိုးခံစားမှုက မင်းအတွက် ဖဖြစ်ချင်မှ ဖြစ်မယ်၊ မင်းရဲ့ သားသမီးတွေအတွက် ဒါမှမဟုတ် မင်းရဲ့မြေးတွေအတွက် ဖြစ်လာနိုင်ပါတယ်။

အဲဒီတန်ဖိုးတွေကို မိသားစုကနေတဆင့် လက်ဆင့်ကမ်းသယ်ဆောင်ပြီး မိသားစုလယ်ယာနဲ့ စက်ရုံတည်ရှိတဲ့ မြို့တွေ၊ သစ်ပင်တန်းရှိတဲ့ လမ်းတွေနဲ့ လူစည်ကားတဲ့ အိမ်ငှားတိုက်တန်းတွေ၊ ဆုတောင်းရေးအဖွဲ့တွေ၊ နိုင်ငံတော်အစောင့်တပ်တွေနဲ့ လူမှုလေ့လာရေး စာသင်ခန်းတွေကနေ တဆင့်ပျံ့နှံသွားတယ် အဲဒီတန်ဖိုးတွေကို အမေ့ရဲ့နောက်ဆုံး ထွက်သက်အထိ အမေက ပေးခဲ့တဲ့ တန်ဖိုးတွေပါ။ ကာမလာနဲ့ ကျမတို့မှာ ကျမတို့ရဲ့မိခင်များက ဒီနိုင်ငံတော်ရဲ့ကတိကို သမုဒ္ဒရာခြားနားစွာ ကြီးပြင်းလာသော်လည်း ယုံကြည်ချက် တူညီတဲ့ အခြေခံတန်ဖိုးများပေါ်မှာ ကျမတို့ရဲ့ဘဝကို တည်ဆောက်ခဲ့ပါတယ်။

သူ့အမေက အိန္ဒိယကနေ ၁၉ နှစ်သမီးအရွယ်မှာ ဒီကို ပြောင်းလာတယ်၊ အဲဒါကြောင့် တခြားသူတွေကို မြှင့်တင်ပေးရမယ့် တာဝန်၊ တရားမျှတမှု အကြောင်းတွေကို သူက သမီးဖြစ်သူ ကာမလာကို မကြာခဏ သင်ပေးခဲ့တယ်၊ ကိုယ်က ယူတာထက် ကိုယ်က ပိုပေးရမဲ့ တာဝန်ရှိတယ်လို့ သူ့သမီးကို သင်ပေးခဲ့သလို တနေရာမှာ ထိုင်နေပြီး ညည်းညူတာမျိုး မလုပ်ပါနဲ့၊ တစ်ခုခုကို လုပ်ပါလို့ သင်ပေးတယ်။ ဒါ့ကြောင့် သူမခေါင်းထဲမှာ အဲ့ဒီမိခင်ရဲ့ဆုံးမမှုကို ဦးထိပ်ထားပြီး ကာမလာဟာ ကျောင်းမှာ စာကိုကြိုးစားသင်ကြားခဲ့တဲ့အတွက် HBCU တက္ကသိုလ်ကနေ ဥပဒေဘွဲ့ရခဲ့ပါတယ်။ ဥပဒေချိုးဖောက်သူတွေကို အရေးယူပြီး ဥပဒေကို တောင့်တင်းခိုင်မာစေဖို့ ဆောင်ရွက်တဲ့ အစိုးရရှေ့နေတယောက် ဖြစ်လာခဲ့တယ်။ ပြည်သူတွေအတွက် ကောင်းမွန်တဲ့လစာ ရရှိရေး၊ ဆေးဝါးတွေကို ဈေးနှုန်းးချိုသာစွာရရှိရေး၊ ကောင်းမွန်တဲ့ပညာရေး ရရှိရေး သင့်တင့်မျှတတဲ့ ကျန်းမာရေးစောင့်ရှောက်မှု ရရှိရေး၊ ကလေးစောင့်ရှောက်မှု ရရှိရေး၊ လူလတ်တန်းစား အိမ်ထောင်စုတွေအတွက် သက်ကြီးရွယ်အို စောင့်ရှောက်မှု ရရှိရေးတို့ကို ဆက်လက်လုပ်ဆောင်ခဲ့ပါတယ်။ ကာမလာဟာ အဲဒီအလုပ်တွေ လုပ်နေရင်းကနေ သူ့ကြိုးပမ်းချက်ကြောင့် အမေရိကန်ပြည်ထောင်စုရဲ့ ဒုတိယ သမ္မတအဖြစ် အထက်ကို တက်လှမ်းလာနိုင်ခဲ့တယ်။

ကျမတို့ရဲ့ အမျိုးသမီး ကာမလာဟဲရစ်ဟာ အခုအချိန်အခါမှာ အဆင်သင့် ဖြစ်နေပြီဖြစ်ပါတယ်။ သူမဟာ သမ္မတရာထူးအတွက် အရည်အချင်း အထိုက်တန်သူတွေထဲက အရည်အချင်းအရှိဆုံးသူတယောက် ဖြစ်ပါတယ်။ သူမဟာ သူ့အမေ၊ ကျမအမေနဲ့ သင်တို့အမေတွေကို ဂုဏ်ပြုနိုင်တဲ့ ဂုဏ်အသရေ အရှိဆုံးသူ တစ်ယောက်လည်း ဖြစ်ပါတယ်။

ဒီနိုင်ငံအကြောင်း ကျမတို့ကိုယ်တိုင်ပြောပြတဲ့ ဇာတ်လမ်းတွေကို ရုပ်လုံးဖော်လိုက်ရင် အမေ့ဇာတ်လမ်းက မင်းရဲ့ဇာတ်လမ်းလည်း ဖြစ်သလို ငါ့ရဲ့ဇာတ်လမ်းပဲ၊ ပိုမိုကောင်းမွန်တဲ့ဘဝတစ်ခုကို တည်ဆောက်ဖို့ ကြိုးစားနေတဲ့ အမေရိကန်လူမျိုးအများစုရဲ့ ဇာတ်လမ်းပါပဲ။ ကြည့်လိုက်ပါ၊ မင်းဘယ်နေရာကလာတယ်၊ မင်းရဲ့အသွင်သဏ္ဍာန် ဘယ်လိုရှိတယ်၊ မင်းဘယ်သူ့ကို ချစ်တယ်၊ ဘယ်လို ကိုးကွယ်ယုံကြည်မှု ရှိတယ်၊ ဒါမှမဟုတ် မင်းဘဏ်အကောင့်ထဲမှာ ဘယ်လောက်ရှိတယ် ဘယ်လို မတူညီမှုတွေ ရှိရှိ ကျမတို့အားလုံးက သင့်တင့်လျောက်ပတ်တဲ့ဘဝတစ်ခုကို တည်ဆောက်ဖို့ အခွင့်အရေး ရှိတယ်ဆိုတာကို ကာမလာ သိပါတယ်၊ ကျမတို့ ပံ့ပိုးလုပ်ကိုင်ဆောင်ရွက်မှုတွေအားလုံးကို တန်ဖိုးထား လက်ခံဖို့ ထိုက်တန်ပါတယ်။ ဘာကြောင့်လဲဆိုတော့ အမေရိကန်နိုင်ငံသား ဖြစ်တယ်ဆိုတာ ဘယ်သူမှ လက်ဝါးကြီးအုပ်ထားခွင့် မရှိပါဘူး။

ကာမလာဟာ နိုင်ငံတော်ရဲ့သစ္စာကို စောင့်သိရိုသေသူအဖြစ် ဒေါသနဲ့ ခါးသီးမှုကို ရှေးရှူလုပ်ဆောင်တာ မလုပ်ဘဲ ပြည်သူတွေကို ဝန်ဆောင်မှုပေးပြီး အဲ့ဒီသူတွေအတွက် အခွင့်အလမ်းတံခါးတွေကို တွန်းဖွင့်ပေးနေသူ ဖြစ်ပါတယ်။ ကျမတို့ အများစုဟာ တဖြည်းဖြည်း ကျရှုံးနေတာ ဘဘယ်လိုမှ ခံနိုင်ရည်ရှိမှာ မဟုတ်ကြောင်းနဲ့ ဆွေစဉ်မျိုးဆက် ကြွယ်ဝချမ်းသာမှုကို အခိုင်အမာ တည်ဆောက်နေမှုကလည်း ကျမတို့ဟာ ဘဘယ်လို အကျိုးဖြစ်ထွန်းမှုမျိုးမှရမှာ မဟုတ်တာကို ကာမလာက နားလည်သဘောပေါက်ပါတယ်။ ကျမတို့ လုပ်ငန်းတစ်ခု ဒေဝါလီခံရတာ ဒါမှမဟုတ် အကျပ်အတည်းတစ်ခုမှာ ကျဆုံးနေရင် ကျမတို့မှာ ဒုတိယ တတိယ ဒါမှမဟုတ် စတုတ္ထအခွင့်အရေးကို ရရှိနိုင်မှာ မဟုတ်ပါဘူး။ တကယ်လို့ ကျမတို့ လိုချင်သလို အခြေအနေတွေက ဖြစ်မလာရင် ကျမတို့မှာ ဒီကိစ္စအတွက် လှည့်ပတ်နိုင်ဖို့ ဒါမှမဟုတ် ကိုယ်က သူများရှေ့က သွားနိုင်အောင် အခြားသူတွေကို လိမ်ညာနိုင်ဖို့ ၊ ကျမတို့က အမြဲအနိုင်ရနေအောင် စည်းကမ်းတွေကို မပြောင်းရဖို့အတွက် ကျမတို့မှာ စည်းစိမ်ဥစ္စာမရှိပါဘူး။ ကျမတို့ရှေ့မှာ တောင်ကြီး ကာဆီးနေရင် တောင်ထိပ်ရောက်ဖို့ ဓါတ်လှေကားက ကျမတို့ကို စောင့်မျှော်နေမယ်လို့ မမျှော်မှန်းနိုင်ပါဘူး၊ ကျမတို့ ခေါင်းတွေကို ငုံ့ထားရမယ်၊ ကျမတို့အနေနဲ့ အမေရိကားမှာ တခုခုလုပ်နိုင်ပါတယ်၊ ကာမလာဟဲရစ်ဟာ သူမဘဝတလျှောက် သူဘယ်လို လုပ်လာခဲ့တယ်ဆိုတာ ကျမတို့ တွေ့ခဲ့ရပါတယ်။

သူမရဲ့ သံမဏိ ကျောရိုး သူမရဲ့တည်တည်ငြိမ် ကြီးပြင်းလာမှု၊ သူမရဲ့ စံနမူနာပြထားတဲ့ ရိုးသားမှုနဲ့။ မှန်ပါတယ်၊ သူမရဲ့ပျော်ရွှင်စွာ ရယ်မောသံနဲ့ သူမရဲ့ အလင်းရောင်တို့ဟာ အားတက်ရွှင်လန်းစေပါတယ်။ ဒီပြိုင်ပွဲမှာ အဓိက ကိုယ်စားလှယ်လောင်း နှစ်ဦးအနက် ကာမလာဟဲရစ်ကသာ မမြင်ရတဲ့ ကြိုးစားအားထုတ်မှုနဲ့ မယိမ်းယိုင်သော ကတိကဝတ်တွေကို အမှန်တကယ် နားလည်သဘောပေါက်နိုင်ပြီး အမေရိကန်ကို အမြဲတမ်း ကြီးကျယ်ခမ်းနားစေခဲ့တယ်။ ဒါပေမယ့် ကံမကောင်းစွာပဲ၊ နောက်ဘာတွေ ဆက်ဖြစ်လာမလဲဆိုတာကတော့ လူတွေက သူမရဲ့ အမှန်တရားကို လိမ်လည်လှည့်ဖြားဖို့ တတ်နိုင်သမျှ လုပ်ကြမယ်ဆိုတာပါပဲ။

ဝမ်းနည်းစရာကောင်းတာက ကျွန်မခင်ပွန်းနဲ့ ကျွန်မက ဒီအကြောင်း နည်းနည်းသိခဲ့ရလို့ပါ။ ဒေါ်နယ်ထရန့်က ကျမတို့လင်မယားကို လူတွေက ကြောက်လန့်နေအောင် သူ့စွမ်းအားရှိသမျှနဲ့ အရာရာကို လုပ်ဆောင်ခဲ့တယ်။ သူ့ရဲ့ကျဉ်းမြောင်းပြီး အကန့်အသတ်သာရှိတဲ့ ကမ္ဘာ့အမြင်က ကျမတို့ လင်မယားလို အလုပ်အရမ်းကြိုးစားတဲ့ မြင့်မားတဲ့ပညာအရည်အချင်းရှိပြီး အောင်မြင်နေတဲ့သူနှစ်ဦးက သူ့ကို ခြိမ်းခြောက်နေတယ်လို့ မြင်စေခဲ့တယ်။ ဖြစ်ချင်တော့ ကျမတို့ဟာ လူမဲတွေ ဖြစ်နေတာပါပဲ၊ ကျမသိချင်နေမိတယ်။ ကျမသိချင်နေမိတယ်၊ ဘယ်သူက သူ့ကိုသွားပြောမလဲပေါ့။ အခုလက်ရှိ သူလုပ်ချင်နေတဲ့အလုပ်က လူမဲတွေရဲ့ အလုပ်ထဲက (သမတအလုပ်) အလုပ်တခု ဖြစ်တယ်ဆိုတာကို ဘယ်သူက သူ့ကို သွားပြောမလဲလို့ ကျမသိချင်နေမိတယ်။

ကြည့်ပါ၊ တကယ်ဘဝ အတွေးအခေါ် နဲ့ ဖြေရှင်းချက်တွေ၊ လူတွေရဲ့ဘဝကို အမှန်တကယ် ကောင်းစေမယ့်အလုပ်နဲ့ သူ့ရဲ့တူညီတဲ့ လိမ်လည်တဲ့ပုံစံဟောင်းနဲ့ သူ့ရဲ့မိန်းမ မုန်းတီးနှိမ်ချရေးနဲ့ လူမျိုးရေး ခွဲခြားတဲ့ဘဝကို အစားထိုးလိမ်လည်ဖို့ သူက လုပ်မှာဖြစ်တယ်။ ဘာကြောင့်လဲဆိုတော့ ကျမတို့ရဲ့ ကျန်းမာရေးစောင့်ရှောက်မှုကို ဖြတ်တောက်တာ၊ ကျမတို့ရဲ့ ခန္ဓာကိုယ်တွေကို လွတ်လပ်စွာ ထိန်းသိမ်းနိုင်ခွင့်ကို ရုတ်သိမ်းတာ၊ ကျမလိုမျိုး IVF ကတဆင့် မိခင်တစ်ဦး ဖြစ်လာဖို့ လွတ်လပ်စွာ လုပ်ဆောင်ခွင့်တို့ကို ပိတ်ပင်တာတွေဟာ ကျမတို့ရဲ့ အမေ၊ သမီးတွေရဲ့ ကျန်းမာရေး ရလဒ်တွေ တိုးတက်ကောင်းမွန်လာမှာ မဟုတ်ပါဘူး။ ပညာရေးဌာနကို ပိတ်ပစ်တာနဲ့ ကျမတို့ရဲ့ ကလေးတွေအတွက် စာအုပ်မတွေကို ပိတ်ပင်တာဟာ အနာဂတ်အတွက် ပြင်ဆင်ပေးတာ မဟုတ်ပါဘူး။

ကျမတို့ရဲ့ ကလေးတွေဟာ သူတို့ ဘယ်သူဖြစ်တယ်ဆိုတာကို မကောင်းဆိုးဝါးအဖြစ် သတ်မှတ်တာနဲ့ သူတို့သဘောကျတဲ့သူကို သူတို့ ချစ်ခြင်းကို မကောင်းဆိုးဝါးအဖြစ် သတ်မှတ်တာဟာ ဘယ်သူတစ်ဦးတစ်ယောက်ရဲ့ဘဝကို ပိုမိုကောင်းမွန်စေမှာ မဟုတ်ပါဘူး။ အဲ့ဒီလုပ်ဆောင်မှုက ကျမတို့ကို သိမ်ငယ်စေတယ်။ အားလုံးကို ပြောချင်ပါတယ်။ ဒီလိုသိမ်ငယ်စွာနေရမှုက ဘယ်တော့မှ အဖြေမဟုတ်ဘူးလို့ ပြောပါရစေ။ သိမ်ငယ်သွားစေတာမှာ ကျမတို့ရဲ့ ကလေးတွေကို သင်ပေးတဲ့အရာနဲ့ ဆန့်ကျင်ဘက်ဖြစ်ပြီး သိမ်ငယ်သွားတာဟာ သနားစရာကောင်းပြီး ကောင်းမွန်တဲ့အချက် မဟုတ်ပါ။ မညီညွတ်သလို ပွင့်ပွင့်လင်းလင်းပြောရရင် တရားမျှတမှု မရှိပါဘူး။ အဲဒီလိုလူတွေကို နှိမ့်ချပြီး သေးသိမ်အောင်လုပ်ပြီး အမြင့်ဆုံးရာထူးကို ရယူဖို့ ကြိုးစားနေသူကို ကျမတို့က ဘာကြောင့်လက်သင့်ခံနေရမှာလဲ? ဒီလိုနောက်ပြန်သွားနေတဲ့ခေါင်းဆောင်မှုကနေ ကျမတို့က ပုံမှန်အခြေအနေ ပြန်ရအောင် လုပ်ယူရပါမယ်။

ဒါကြောင့် ကျမတို့မှာ စိတ်ကောင်းရှိတဲ့ ကာမလာဟဲရစ်နဲ့ တင်မ်ဝါ့ဇ် တို့ကလွဲပြီး တခြားရွေးချယ်စရာ မရှိပါဘူး။ ကျမတို့ ခံစားရတဲ့ စိတ်ပျက်အားငယ်မှုကို မမေ့မလျော့ဘဲ ဒီမျှော်လင့်ချက် ခံစားချက်ကို ဆုပ်ကိုင်ထားလိုက်ကြရအောင်၊ ကျမတို့ ဆန့်ကျင်ရင်ဆိုင်ရမယ့်သူတွေ ရှိနေတာကိုလည်း မမေ့လိုက်ပါနဲ့။ အခုအချိန်မှာ ကာမလာနဲ့ တင်မ်တို့ဟာ အလုပ်ကိုကောင်းမွန်စွာ လုပ်နေကြပြီး နိုင်ငံတဝှမ်းက စည်းရုံးဟောပြောရေးကွင်းတွေမှာ လူတွေက စုစည်းနေကြပြီး ပြည်သူတွေဟာ အားတက်နေကြပြီ ဖြစ်ပါတယ်။

ကျမတို့ဟာ စိတ်ခံစားနေရတာကောင်းပေမဲ့ ကျမတို့နဲ့ မတူတဲ့ ရလဒ်ရဖို့အတွက် စိတ်အားထက်သန်သူတွေ အများကြီး ရှိနေသေးတာကို သတိရပြီး ကာမလာရဲ့ လှုပ်ရှားမှုတိုင်းကို ဝေဖန်ဖို့ အဆင်သင့်ဖြစ်နေတဲ့ မိန်းမတွေကို မဲမပေးချင်တဲ့၊ မုသားတွေကို ဖြန့်ဖို့ စိတ်အားထက်သန်နေသူတွေ၊ ရှိနေသေးတယ်၊ သူတို့ရဲ့ စည်းစိမ်ဥစ္စာကို လုံလုံလောက်လောက် ရှိဖို့အတွက် ဦးစားပေး တည်ဆောက်နေသူတွေ ရှိနေတဲ့အတွက် ဒီနေ့ညမှာ ဘယ်လောက် စိတ်ခံစားမှု ကောင်းနေပါစေ ဒါမှမဟုတ် မနက်ဖြန် ဒါမှမဟုတ် နောက်နေ့တွေ ဘယ်လောက်ပဲ ကောင်းနေပါစေ ဒီတိုက်ပွဲက အထက်ကို လှန်တက်တိုက်ရမဲ့တိုက်ပွဲ ဖြစ်တာကြောင့် ပရိတ်သတ်တို့ ကျမတို့ဟာ ကျမတို့ရဲ့ ရန်သူ မဖြစ်နိုင်ပါဘူး၊ မိနစ်ပိုင်းအတွင်းမှာ အမှားအယွင်းတခု ဖြစ်နိုင်ပါတယ်။ အဲဒီလိုဖြစ်တာနဲ့ လိမ်ညာမှုက ပေါ်လာနိုင်တယ် ပရိတ်သတ်တို့ လိမ်ညာတဲ့လူတွေကို မျက်ကွယ်ပြုလွှတ်ထားလို့ မဖြစ်နိုင်သလို ဒီနိုင်ငံအတွက် တစ်စုံတစ်ယောက်ရဖို့ ကာမလာလို လူကို ရွေးကောက်ခံရဖို့ကို ကြိုးစားကြရမယ်။

သူတို့ဟာ လူသားတွေသာဖြစ်ပြီး ပြီးပြည့်စုံခြင်း ရှိမှာမဟုတ်ပါဘူး။ ကျမတို့အားလုံးလိုပဲ အမှားတွေ လုပ်မိတာတွေ ရှိကြဦးမှာ ဖြစ်ပေမယ့် အဲ့ဒီ အရာအားလုံးဟာ သူတို့အပေါ်မှာ မတည်ရှိပါဘူး။ အဲ့ဒီအရာရဲ့အဖြေမှာ ကျမတို့အားလုံးအပေါ်မှာ မူတည်နေပါတယ်၊ ဒါဟာ ကျမတို့အားလုံးက အမှောင်ထုနဲ့ သွေးခွဲတာကို ကုစားနိုင်တဲ့ဖြေဆေး ဖြစ်ဖို့သာ ဦးတည်ပါတယ်။ သင်ဟာ ဒီမိုကရက်ဖြစ်ဖြစ် ရီပတ်ဘလစ်ကန်ဖြစ်ဖြစ် ပါတီစွဲကင်းသူဖြစ်စေ ဒါတွေအားလုံးနဲ့မဆိုင်သူဖြစ်စေ နိုင်ငံရေးအရ ဘယ်လိုကွဲပြားနေနေ ကျမ ဂရုမစိုက်ပါဘူး။ ဒီအချိန်ဟာ ကျမတို့ရဲ့နှလုံးသားထဲမှာ ကျမတို့မှန်တယ်လို့ ခံစားသိရှိတဲ့အရာအတွက် ရပ်တည်ဖို့၊ ကျမတို့ရဲ့ အခြေခံလွတ်လပ်ခွင့်အတွက်သာမကဘဲ ယဉ်ကျေးသိမ်မွေ့မှုနဲ့ လူသားဆန်မှုအတွက်၊ ရပ်တည်ဖို့၊ ဒီမိုကရေစီရဲ့ အခြေခံအုတ်မြစ်ဖြစ်တဲ့ ဂုဏ်သိက္ခာအတွက် အခြေခံလေးစားမှုနဲ့ စာနာမှုတို့အတွက် ရပ်တည်ဖို့၊ ၊ ကာမလာကို သူ့အမေကပြောသလို ထိုင်ပြီး မညည်းညူနေပါနဲ့ တစ်ခုခုကိုလုပ်လို့ ကမာလာကို ပြောခဲ့တာကို သတိရကြပါ။

ကျမတို့ရဲ့ ကံကြမ္မာက ကျမတို့ရဲ့လက်ထဲမှာပဲ ရှိပါတယ်။ ၇၇ ရက်အတွင်း ကျမတို့တိုင်းပြည်ကို အကြောက်တရားနဲ့ သိမ်ငယ်မှုကနေ ရုန်းထွက်နိုင်အောင် လုပ်နိုင်စွမ်းအား ကျမတို့မှာ ရှိတယ်။ အတိတ်ကရှိခဲ့တဲ့ ကျမတို့ရဲ့မျှော်လင့်ချက်တွေကို ကျမတို့ရဲ့ လုပ်ဆောင်မှုတွေနဲ့ အကောင်အထည်ဖော်နိုင်တဲ့ စွမ်းအား ကျမတို့မှာ ရှိပါတယ်၊ ကျမတို့ရဲ့အမိအဖတွေပေးခဲ့တဲ့ မေတ္တာတွေ သူတို့ ချွေးတွေကို ပြန်လည် ပေးဆပ်ဖို့၊ ကျမတို့ အရင်ရှိနေခဲ့သူတွေအားလုံးရဲ့ အနစ်နာခံမှုတွေကို ပြန်လည်ပေးဆပ်ဖို့ ကျမတို့ လုပ်ရမှာပါ၊ အခုနောက်တဖန် ကျမတို့သေချာပေါက်လုပ်နိုင်ပါတယ်၊ ကျမတို့ဘဝတွေ ဒီအပေါ်မှာ မှီတည်နေတယ်ဆိုတဲ့စိတ်ထားနဲ့ ကျမတို့နိုင်ငံကို ရှေ့ကိုချီတက်နိုင်အောင် ကြိုးစားကြပါစို့။ တခါမှမရဘူးတဲ့မြင့်မားတဲ့ အခြေအနေ ရောက်အောင် လုပ်ဆောင်ကြပါစို့။ ကျမတို့ ကာမလာဟဲရစ်နဲ့ တင်မ်ဝ့ါဇ်တို့ကို လာမယ့်သမတနဲ့ ဒုသမတအဖြစ် ရွေးကောက်တင်မြှောက်ကြပါစို့။