08/06/2024
08.06.2024
திமுக இளைஞர் அணி சார்பில் கால்பந்து போட்டி
எதிர்க்கட்சித் தலைவர் இரா. சிவா தொடங்கி வைத்தார் !
புதுச்சேரி மாநில திராவிட முன்னேற்றக் கழக இளைஞர் அணி நடத்தும் முத்தமிழறிஞர் கலைஞர் நூற்றாண்டு நிறைவு விழா கால்பந்து விளையாட்டுப் போட்டி, இன்று காலை உப்பளம் இந்திராகாந்தி விளையாட்டு அரங்கில் தொடங்கியது.
மாநில இளைஞர் அணி துணை அமைப்பாளர் டாக்டர் ரோ. நித்திஷ் அவர்கள் ஏற்பாட்டில் நடைபெற்ற விளையாட்டுப் போட்டிக்கு மாநில துணை அமைப்பாளர் வி. அனிபால் கென்னடி, எம்.எல்.ஏ., மாநில இளைஞர் அணி அமைப்பாளர் எல். சம்பத், எம்.எல்.ஏ., ஆகியோர் முன்னிலை வகித்தனர்.
முன்னாள் சட்டமன்ற உறுப்பினர் பூ. மூர்த்தி வரவேற்று பேசினார்.
இந்த நிகழ்ச்சிக்கு, மாநில கழக அமைப்பாளர், சட்டமன்ற எதிர்க்கட்சித் தலைவர் இரா. சிவா அவர்கள் தலைமை தாங்கி, கால்பந்து போட்டியை ஒலிம்பிக் ஜோதி ஏற்றி தொடங்கி வைத்தார். முன்னதாக அலங்கரித்து வைக்கப்பட்டிருந்து முத்தமிழறிஞர் கலைஞரின் திருவுருவப் படத்திற்கு மலர் தூவி மரியாதை செலுத்தப்பட்டது. தொடர்ந்து கால்பந்து அணியின் கொடியேற்றி வைக்கப்பட்டது. போட்டியில் பங்கேற்கும் கால்பந்து வீரர்களுக்கு இளைஞர் அணி சார்பில் சீருடை வழங்கப்பட்டது.
இன்றும் நாளையும் நடைபெறும் ஐவர் கால்பந்து விளையாட்டுப் போட்டியில் புதுச்சேரி, கேரளா, தமிழகத்தின் சென்னை, தின்டிவனம், கடலூர், எண்டியூர், கோவளம், சேலம் உள்ளிட்ட இடங்களில் இருந்து 52 அணிகள் பங்கேற்கின்றன.
நிகழ்ச்சியை மாநில இளைஞர் அணி துணை அமைப்பாளர்கள் தாமரைக்கண்ணன், ரெமிஎட்வின், தமிழ்ப்பிரியன், மாநில அயலக அணி துணை அமைப்பாளர் சிவா, உப்பளம் தொகுதி துணைச் செயலாளர் ஆரோக்கியராஜ், நிர்வாகிகள் ராஜா, ராஜி, ரமேஷ், கல்யாணசுந்தரம், சுரேஷ் ஆகியோர் செய்திருந்தனர்.
இந்த நிகழ்ச்சியில், மாநில துணை அமைப்பாளர் தைரியநாதன், தலைமைச் செயற்குழு உறுப்பினர் டி. அருட்செல்வி, பொதுக்குழு உறுப்பினர்கள் பா. செ. சக்திவேல், ரவீந்திரன், வேலவன், கோபாலகிருஷ்ணன், அமுதாகுமார், நர்கீஸ், தொகுதி செயலாளர்கள் இரா. சக்திவேல், செ. நடராஜன், எம்.ஆர். திராவிடமணி, கோ. தியாகராஜன் என்கிற ராஜா, சிவக்குமார், து. சக்திவேல், எல். மணிகண்டன், கலியகார்த்திகேயன், சத்தியவேல், அணிகளின் அமைப்பாளர்கள் எஸ்.பி. மணிமாறன், சீனு. மோகன்தாசு, செந்தில்முருகன், முகம்மது ஹாலிது, வீரய்யன், மதிமாறன், செல்வநாதன், டாக்டர் ஆனந்த் ஆரோக்கியராஜ், கோதண்டபாணி, காயத்ரி ஸ்ரீகாந்த், மாநில துணை அமைப்பாளர்கள் அகஸ்டீன் சித்து, விஜி என்கிற வெங்கடேசன், கலிமுல்லா, ரபேல், கலிவரதன், சந்தோஷ், அன்பழகன், தேவேந்திரன், பிரியதர்ஷினி, முன்னாள் பொதுக்குழு உறுப்பினர் வேலன், உருளையன்பேட்டை தொகுதி பொருளாளர் சசிகுமார் உள்ளிட்ட பலரும் கலந்து கொண்டனர்.
போட்டியில் முதல் மூன்று இடங்களை பிடிக்கும் அணிக்கு நாளை மாலை 05.00 மணிக்கு நடைபெறும் பரிசளிப்பு விழாவில், கழக கொள்கைப் பரப்புச் செயலாளர், முன்னாள் துணைவேந்தர் முனைவர் சபாபதிமோகன் அவர்கள் கலந்து கொண்டு முதல் பரிசாக ரூ. 25 ஆயிரம், இரண்டாம் பரிசாக ரூ. 15 ஆயிரம், மூன்றாம் பரிசாக ரூ. 10 ஆயிரம் மற்றும் கேடயம், சான்றிதழ் வழங்கி சிறப்பிக்க உள்ளார்கள்.
