PB Breaking News

22/01/2024

🔳২২ ফেব্ৰুৱাৰীত ৰাম মন্দিৰ দৰ্শন কৰিবলৈ
অযোধ্যালৈ যাব অসমৰ সকলো মন্ত্ৰী।
🔳🟥অসম কেবিনেটত আৰু কি গুৰুত্বপূৰ্ণ সিদ্ধান্ত গ্ৰহণ?👇👇



▶️অহা ২২ ফেব্ৰুৱাৰীত অসম কেবিনেট সদস্যৰ অযোধ্যা ভ্রমণ।

▶️অযোধ্যাত পুণ্য ৰাম বিগ্রহৰ প্ৰাণ প্রতিষ্ঠা উপলক্ষে অসম কেবিনেটে প্রধানমন্ত্রীলৈ আন্তৰিক কৃতজ্ঞতা আৰু দেশৰ জনতাক আন্তৰিক শুভেচ্ছা জ্ঞাপন কৰে।

▶️কেবিনেটৰ সমূহ সদস্যই ২০২৪ চনৰ ২২ ফেব্ৰুৱাৰীত ৰাম মন্দিৰ দৰ্শনৰ বাবে অযোধ্যালৈ ভ্ৰমণ কৰিব।

▶️গহপুৰত নতুন ৰাজ্যিক বিশ্ববিদ্যালয় 'শ্বহীদ কনকলতা বৰুৱা বিশ্ববিদ্যালয়' স্থাপন কৰা হ'ব

▶️পৰৱৰ্তী বিধান সভাৰ অধিবেশনত এখন খচৰা বিধেয়ক 'শ্বহীদ কনকলতা বিশ্ববিদ্যালয় বিধেয়ক' দাখিল কৰা হ'ব।

▶️গোলাঘাটত ভি জি আৰ/পি জি আৰ ভূমি মুক্তকৰণ।

▶️গোলাঘাট জিলাত গাঁৱৰ চৰণীয়া পথাৰ সংৰক্ষিত বনাঞ্চল/ পেছাদাৰী চৰণীয়া পথাৰ সংৰক্ষিত বনাঞ্চলৰ ভূমি মুক্তকৰণ কৰা হ'ব আৰু সমতুল্য পৰিমাণৰ ভূমি গাঁৱৰ চৰণীয়া পথাৰ সংৰক্ষিত বনাঞ্চল/ পেছাদাৰী চৰণীয়া পথাৰ সংৰক্ষিত বনাঞ্চল হিচাপে সংৰক্ষণ কৰা হ'ব।

▶️সাতটা ভূমিহীন খিলঞ্জীয়া পৰিয়ালক সংৰক্ষণমুক্ত গাঁৱৰ চৰণীয়া পথাৰ সংৰক্ষিত প্ৰস্তাৱিত ভি জি আৰ/পি জি আৰ ভূমিত বসতি প্ৰদান কৰা হ'ব।

▶️প্রস্তাবিত ভি জি আৰ/পি জি আৰ ভূমি ১ জানুৱাৰী ২০১১ চনৰ আগতেই খিলঞ্জীয়া ভূমিহীন পৰিয়ালসমূহৰ দখলত আছে।

▶️১০খন জিলাত ভূমি নিষ্পত্তি।

▶️মিছন বসুন্ধৰা ২.০ৰ অধীনত শোণিতপুৰ, তিনিচুকীয়া, ধেমাজি, নগাঁও, বিশ্বনাথ, কামৰূপ (ম), কামৰূপ, বঙাইগাঁও, গোৱালপাৰা আৰু ধুবুৰী জিলাত ভূমিহীন খিলঞ্জীয়া পৰিয়ালৰ বসতি স্থাপন কৰা হ'ব।

▶️সমগ্র ১০খন জিলাত (নগৰ আৰু গ্ৰাম্য অঞ্চল উভয়তে) ৪১৮টা ভূমিহীন খিলঞ্জীয়া পৰিয়ালৰ বাবে ভূমি নিষ্পত্তিৰ অনুমোদন।

▶️মিছন বসুন্ধৰা ২.০ৰ অধীনত নিষ্পত্তিৰ মুঠ অনুমোদিত অফাৰৰ ভিতৰত ৮৪% অনুসূচিত জাতি/ অনুসূচিত জনজাতি/ অন্যান্য পিছপৰা শ্রেণী/ অধিক অন্যান্য পিছপৰা শ্রেণীৰ আবেদনকাৰীক দিয়া হৈছে।

▶️বি টি চিৰ বাবে ৰাজ্যিক স্ব-অগ্রাধিকাৰ উন্নয়ন পুঁজি।

▶️বড়োলেণ্ড ক্ষেত্রীয় অঞ্চলৰ সর্বাংগীণ উন্নয়নৰ বাবে গ্রান্ট নং ৭৮ৰ অধীনত ২০২৩-২৪ বিত্তীয় বৰ্ষৰ বাবে বড়োলেণ্ড ক্ষেত্রীয় পৰিষদ (বিটিচি)ক দ্বিতীয় কিস্তি হিচাপে ৪০০ কোটি টকাৰ ৰাজ্যিক স্ব- অগ্রাধিকাৰ উন্নয়ন - গ্রাম্য পুঁজি (স্বাভাবিক কাম) মুকলি কৰা হ'ব।

▶️পৰীক্ষাত নীতিবহির্ভূত কার্যকলাপ ৰোধৰ বাবে বিধেয়কত অনুমোদন।

▶️পৰীক্ষাৰ সময়ত প্রশ্নকাকত ফাদিল হোৱা আৰু নীতিবহির্ভূত কার্যকলাপ ৰোধ কৰিবলৈ আছাম পাব্লিক এগজেমিনেশ্যন (নিযুক্তিৰ ক্ষেত্রত নীতিবহির্ভূত কার্যকলাপ প্রতিৰোধৰ ব্যৱস্থা) বিল, ২০২৪ত অনুমোদন।

▶️এই বিধেয়ক ৫ ফেব্ৰুৱাৰী ২০২৪ তাৰিখৰ পৰা আৰম্ভ হ'বলগীয়া অসম বিধান সভাৰ আগন্তুক বাজেট অধিৱেশনত উত্থাপন কৰা হ'ব।

▶️সহকাৰী অধ্যাপকসকলৰ নিৰৱচ্ছিন্ন পদোন্নতি নিশ্চিতকৰণ।

▶️প্রাদেশীক মহাবিদ্যালয়ৰ সহকাৰী অধ্যাপকসকলৰ নিৰৱচ্ছিন্ন পদোন্নতিৰ বাবে চৰকাৰী বিধান অনুসৰি প্ৰাৰ্থীসকলক পদোন্নতিৰ পৰামৰ্শ দিয়া হৈছে। এই ক্ষেত্রত ২০২৩ চনৰ ৮ নৱেম্বৰ যোগ্যতা নির্ধাৰণৰ শেষ তাৰিখ হিচাপে ধার্য কৰা হৈছে।

▶️আই পি আৰ আৰু এম পি আৰ বিবৃতি দাখিল কৰাৰ প্রয়োজনীয়তা নোহোৱা কৰাৰ লগতে পদোন্নতি কার্যকৰী হ'বলৈ সকলো পদোন্নতিপ্রাপ্ত প্রার্থীয়ে ২০২৪ চনৰ ৩১ মাৰ্চৰ ভিতৰত একেখিনি দাখিল কৰিব লাগিব।

▶️ই প্রাদেশীক মহাবিদ্যালয়সমূহৰ সহকাৰী অধ্যাপকসকলৰ সময়মতে পদোন্নতি নিশ্চিত কৰাৰ লগতে শিক্ষা আৰু গৱেষণাৰ মান বজাই ৰাখিব।

22/01/2024

▶️ৰাম মন্দিৰৰ প্ৰাণ প্ৰতিষ্ঠা।
⭕বলীউদৰ নামী-দামী তাৰকাৰে ভৰি পৰিল ৰাম নগৰী অযোধ্যা।

22/01/2024

🔸ৰাম মন্দিৰৰ প্ৰাণ প্ৰতিষ্ঠা কাৰ্যসূচীৰ কেইখনমান বিশেষ আলোকচিত্ৰ.......

22/01/2024

15/07/2023

▶️পুনৰ অসম আৰক্ষীক কলংকিত কৰিলে আন এগৰাকী আৰক্ষী বিষয়াই।
▶️এইবাৰ নিশা সুৰাসক্ত অৱস্থাত লক্ষীমপুৰ সদৰ থানাৰ এগৰাকী এছ আইয়ে এজনী ছোৱালীক এনেকৈ ডিঙিত ধৰি বলপূৰ্বকভাবে লখিমপুৰৰ সদৰ থানাৰ নিজা আৱাসলৈ লৈ যোৱাৰ দৃশ্য চচিয়েল মিডিয়াত ভাইৰেল হৈ পৰিছে।

21/06/2023

▶️অম্বুবাচী উপলক্ষে যান-বাহন চলাচলৰ পথ নিৰ্দেশনা।
▶️২২-২৬ জুনলৈ বাহাল থাকিব এই নিষেধাজ্ঞা।



👉২২জুনৰ পৰা ২৬ জুনলৈকে কামাখ্যা পাদদেশৰ পৰা কামাখ্যা মন্দিৰ অভিমুখে কোনো বাহন প্ৰৱেশ কৰিবলৈ অনুমতি দিয়া নহ’ব৷

👉অত্যাৱশ্যকীয় সেৱাৰ সৈতে সম্পৰ্কিত ফেৰী কাৰ বাহন আৰু কামাখ্যা মন্দিৰৰ কেইখনমান বাহন আৰু জিলা প্ৰশাসনৰ দ্বাৰা কৰ্তৃত্বপ্ৰাপ্ত স্থানীয় বাসিন্দাসকলৰ বাহনহে প্ৰৱেশ কৰিব পাৰিব৷

👉সামগ্ৰী পৰিবহন কৰা গধুৰ, মজলীয়া আৰু সৰু বাণিজ্যিক বাহনবোৰ ডিজি ৰোড, এমজি ৰোড আৰু এটি ৰোডত চলাবলৈ অনুমতি দিয়া নহ’ব৷

👉অৱশ্যে তিনিচকীয়া বাণিজ্যিক বাহনসমূহক মাজনিশা ১২ বজাৰ পৰা পুৱা ৬ বজালৈ চলাচল কৰিবলৈ অনুমতি দিয়া হ’ব৷

👉ডিজি ৰোড, এমজি ৰোড আৰু এটি ৰোডত কোনো আন্তঃজিলা আৰু দীঘলীয়া দূৰত্বৰ বাছ (এ এছ টি চি)ৰ অধীনত চলি থকা বাছ চলাচল কৰিবলৈ অনুমতি দিয়া নহ’ব৷

👉মালিগাঁওৰ ফালৰ পৰা কামাখ্যা গেট অভিমুখে অহা বাহনসমূহে ভক্তসকলক কামাখ্যা গেটৰ ওচৰত নমাই দিব আৰু ভৰলুমুখ অভিমুখে যাব লাগিব৷সেই বাহনবোৰ সোণাৰাম ফিল্ডত পাৰ্কিং কৰিব৷

👉ভৰলুমুখৰ ফালৰ পৰা কামাখ্যা গেট অভিমুখে অহা বাহনসমূহে ভক্তসকলক কামাখ্যা গেটৰ ওচৰত নমাই থৈ আদাবাৰী অভিমুখে আগবাঢ়িব আৰু বৰিপাৰা ফিল্ড বা আদাবাৰী বাছ ষ্টেণ্ডত পাৰ্কিং কৰিব পাৰিব৷

👉পাণ্ডু মন্দিৰ ঘাটৰ পৰা কামাখ্যা ত্ৰিনাথ মন্দিৰলৈকে নতুনকৈ নিৰ্মাণ কৰা পথটো ব্যৱহাৰ কৰিব নোৱাৰিব।

20/06/2023

▶️ধুবুৰীৰ গোলকগঞ্জৰ গংগাধৰ নদীৰ ওপৰত নিৰ্মাণ কৰা ৭০০ মিটাৰ দৈৰ্ঘৰ দলংখন আজি উদ্বোধন কৰিলে মুখ্যমন্ত্ৰী ডঃ হিমন্ত বিশ্ব শৰ্মাই।৭৫ কোটি টকা ব্যয়ৰে নিৰ্মাণ কৰা হৈছে দলংখন।

20/06/2023

⭕এইবাৰ গুৱাহাটী কমাৰ্চ কলেজৰ আজব কাণ্ড৷ নামভৰ্তিৰ নামত কলেজ কৰ্তৃপক্ষই শিক্ষাৰ্থীক চলাইছে লুণ্ঠন।

⭕নামভৰ্তিৰ সময়ত নামঘোষাৰ বাবদ প্ৰতিগৰাকী শিক্ষাৰ্থীৰ পৰা আদায় লোৱা হৈছে ৭০০ টকাকৈ মাচুল৷ ইতিমধ্যে পাঠ্যক্ৰমত বাধ্যতামূলক কৰা হৈছে নামঘোষা৷গুৱাহাটী কমাৰ্চ কলেজৰ এনে কাণ্ডত চৌদিশে সৃষ্টি হৈছে প্ৰতিক্ৰিয়া।

20/06/2023

▶️২২ জুনৰ পৰা শক্তিপীঠ কামাখ্যাত অম্বুবাচী মেলা৷ অম্বুবাচী উপলক্ষে ২৩ জুনৰ পৰা ২৫ জুনলৈকৈ বন্ধ থাকিব কামাখ্যা মন্দিৰৰ দ্বাৰ৷ ২২ জুনৰ নিশা ২-৩০ বাজি ৪২ ছেকেণ্ডৰ পৰা আৰম্ভ হ’ব প্ৰবৃত্তি৷
▶️২৬ জুনত হ’ব নিবৃত্তি৷ ২৬ জুনত ৰাতিপুৱা দেৱীক স্নান আৰু নিত্য পূজা সমাপনৰ পাছত মন্দিৰৰ দুৱাৰ ভক্তৰ বাবে মুকলি কৰা হ’ব৷

🟥ভক্তসকলৰ বাবে গুৰুত্বপূৰ্ণ নিৰ্দেশনা👇👇

🔳২৬ আৰু ২৭ জুনত কামাখ্যাত বিশেষ দৰ্শনৰ ৫০১ টকাৰ ব্যৱস্থা বন্ধ থাকিব৷ তেনেদৰে সেই দিন দুটাত ভি আই পি আৰু ভি ভি আই পিৰ দৰ্শনৰো ব্যৱস্থা নাথাকিব৷

🔳নীলাচল পাহাৰৰ আশে-পাশে তীৰ্থযাত্ৰীৰ থকা-খোৱাৰ ব্যৱস্থা নাথাকিব৷ কোনোধৰণৰ খাদ্য-সামগ্ৰী বিতৰণ কৰিব নোৱাৰিব৷

🔳কামাখ্যাৰ নামনিৰ পৰা অহা পদপথসমূহৰ লগতে মটৰ পথছোৱাত মাজে মাজে চিকিৎসা সেৱা, খোৱাপানী, জিৰণিচ’ৰা, জোতা-ছেণ্ডেল ৰখাৰ ব্যৱস্থা থাকিব৷

🔳অম্বুবাচীৰ সময়ত যাত্ৰীসকলে মন্দিৰ পৰিক্ৰমাৰ পাছত পূব আৰু পশ্চিম দুৱাৰ হৈ গমন কৰাৰ ব্যৱস্থা থাকিব৷

🔳আইন-শৃংখলা আৰু তীৰ্থযাত্ৰীৰ সুৰক্ষাৰ ব্যৱস্থাৰ বাবে দেৱালয়ৰ নিজা ১২০জন স্থায়ী সুৰক্ষা কম¹, ৫০০জন স্কাউট-গাইড, ৪০০জন সেচ্ছাসেৱক, ১০০জন অস্থায়ী সুৰক্ষা কম¹ নিয়োগ কৰা হ’ব৷ ইয়াৰ উপৰি দেৱালয়ৰ চৌপাশে ৪০০ চিচি টি ভি কেমেৰা স্থাপন কৰা হৈছে৷

🔳দেৱালয়ৰ নিজা ২০০জন চাফাই কম¹ৰ উপৰি ১০০জন অস্থায়ী চাফাই কম¹ নিয়োগ কৰা হ’ব৷

🔳২৬ জুন তাৰিখে দেৱীৰ দৰ্শনৰ বাবে সমবেত হোৱা দৰ্শনাৰ্থীৰ সুবিধাৰ্থে বংশীবাগানত অস্থায়ী জিৰণিচ’ৰা, চিকিৎসা সেৱা, প্ৰস্ৰাৱগাৰ, খোৱাপানীৰ ব্যৱস্থা কৰা হৈছে৷

🔳অম্বুবাচী উপলক্ষে সেৱা আগবঢ়োৱা সংস্থাৰ সদস্য সকলৰ বাবে দেৱালয়ৰ তৰফৰ পৰা খাদ্যৰ ব্যৱস্থা কৰা হৈছে৷

🔳এইবছৰ মালিগাঁৱৰ নিৰ্মীয়মাণ উৰণীয়া সেতুৰ বাবে হোৱা তীব্ৰ যান-জঁট সুৰক্ষা ব্যৱস্থা আদিৰ প্ৰতি লক্ষ্য ৰাখি ৰাতি ৯ বজা পৰ্যন্তহে ভক্তসকলে নীলাচল পাহাৰত প্ৰৱেশ কৰিব পাৰিব৷

🔳দেৱালয়ৰ আশে-পাশে জোতা-ছেণ্ডেল ৰখাৰ ব্যৱস্থা নাই৷ সেয়েহে পৰাপক্ষত সকলোৱে জোতা-ছেণ্ডেল নামনিত ৰাখিহে পাহাৰত প্ৰৱেশ কৰিব পাৰিব৷ অন্যথা জোতা-ছেণ্ডেল ঘূৰাই নোপোৱাৰ বাবে দেৱালয় কৰ্তৃপক্ষ বা প্ৰশাসন জগৰীয়া নহ’ব৷

🔳অম্বুবাচীৰ কেইদিনত কামাখ্যাত সমাগম হোৱা প্ৰচণ্ড ভিৰৰ প্ৰতি লক্ষ্য ৰাখি কণ কণ শিশু, বৃদ্ধ বা অসুস্থ ব্যক্তিক পৰাপক্ষত অহাৰ পৰা বিৰত থাকিবলৈ অনুৰোধ জনোৱা হৈছে৷

🔳নীলাচল পাহাৰ এক ধঁপাতযুক্ত অঞ্চল, সেয়েহে এইক্ষেত্ৰত সকলো পক্ষৰ সহায়-সহযোগিতা কামনা কৰা হ’ল৷ মাদক দ্ৰব্য সেৱন কৰি যাতে কোনোৱে দেৱালয়ত প্ৰৱেশ নকৰে তাৰ বাবে বিশেষভাৱে অনুৰোধ জনোৱা হৈছে৷

04/02/2023

⭕'ডক্তৰ বেজবৰুৱা-২'ই ভংগ কৰিলে ৰত্নাকৰৰ উপাৰ্জনৰ ৰেকৰ্ড।👇👇

🌀ছবিগৃহত মুক্তিলাভ কৰিলে নতুন অসমীয়া ছবি ড০ বেজবৰুৱা ২।ভাৰতৰ বিভিন্ন চহৰৰ আঠটা পেক্ষাগৃহ আৰু ১৪২খন পৰ্দাত মুক্তি লাভ কৰিলে ড০ বেজবৰুৱা ২ ছবিখনে।

🌀ছবিখন প্ৰযোজনা কৰিছে ৰাষ্ট্ৰীয় বঁটা বিজয়ী প্ৰযোজক ড° সঞ্জীৱ নাৰায়ণে৷সহযোগী প্ৰযোজক হ’ল ডা° অক্ষতা নাৰায়ণ৷ছবিখনৰ সংগীত জুবিন গাৰ্গৰ।

🌀উল্লেখযোগ্য যে,সমগ্ৰ অসমৰ ১৪২ খন স্ক্ৰিণৰ লগতে দেশৰ ৮ টা ছবি গৃহত (দিল্লী, বাংগালুৰু, নয়দা,চেন্নাই, হায়দৰাবাদ আদিত) চলচ্চিত্ৰখন প্ৰদৰ্শন কৰা হৈছে।

🌀মুক্তিৰ পিচতেই চলচ্চিত্ৰখন ৰাইজৰ মাজত বিশেষভাৱে সমাদৃত হৈছে৷এতিয়া উজনিৰ পৰা নামনিলৈ দৰ্শকৰ মাজত চলচ্চিত্ৰখন চাবলৈ বৃদ্ধি হৈছে উৎসুকতা।

🌀ইফালে মুক্তিৰ দিনাই 'ড° বেজবৰুৱা ২' চলচ্চিত্ৰখনে দৰ্শকৰ অভূতপূৰ্ব সঁহাৰি লাভ কৰিছে।ডক্তৰ বেজবৰুৱা-২ ই ভংগ কৰিলে ৰত্নাকৰৰ উপাৰ্জনৰ ৰেকৰ্ড।মুক্তিৰ প্ৰথম দিনাই চলচ্চিত্ৰখনে ৪১.২ লাখ টকা উপাৰ্জন কৰিবলৈ সক্ষম হৈছে।

04/02/2023

🟦বাল্য বিবাহৰ বিৰুদ্ধে আৰক্ষীৰ অভিযানৰ মাজতে সংঘটিত হ’ল মৰ্মান্তিক ঘটনা।👇👇


⏩বাল্য বিবাহৰ বিৰুদ্ধে আৰক্ষীৰ মাৰাথন অভিযানৰ মাজতে সংঘটিত হৈছে এক কৰুণ ঘটনা।পিতৃ–মাতৃ জে’ললৈ যোৱাৰ আশংকাত চৰম সিদ্ধান্ত ল’লে এগৰাকী মহিলাই।

⏩এই মৰ্মান্তিক ঘটনা সংঘটিত হৈছে মানকাচৰত।ঘটনা সন্দৰ্ভত জানিব পৰা অনুসৰি ২০১২ চনতে মনোজ মিঞাৰ সৈতে বিবাহপাশত আবদ্ধ হৈছিল খুচবু বেগম।

⏩বিবাহপাশত আ‍দ্ধ হোৱাৰ সময়ত খুচবুৰ বয়স আছিল ১২ বছৰ।কিন্তু দুৰ্ভাগ্যজনকভাৱে কোভিডত মৃত্যু হৈছিল খুচবুৰ স্বামীৰ।এতিয়া খুচবুৰ বয়স ২৩ বছৰ আৰু ২ সন্তানৰ মাতৃ।

⏩কিন্তু শেহতীয়াকৈ ৰাজ্যজুৰি বাল্য বিবাহৰ বিৰুদ্ধে চলা অভিযানৰ সময়তে খুচবুৱে ল’লে চৰম সিদ্ধান্ত।অবৈধ স্বামীক ধৰাৰ অভিযান দেখি শংকিত হৈ পৰিছিল বোৱাৰীগৰাকী।

⏩চৰকাৰৰ অভিযানত পিতৃ-মাতৃ গ্ৰেপ্তাৰ হোৱাৰ আশংকাত আত্মহননৰ পথ বাচি লয় দুই সন্তানৰ মাতৃ খুচবুৱে।খচবুৰ চৰম সিদ্ধান্তৰ পিছত এতিয়া পিতৃগৃহত হাহাকাৰ লাগিছে।

03/02/2023

⭕⭕▶️মুছলমানৰ প্ৰাৰ্থনা, গোঁফ আৰু পায়জামাৰ ওপৰত যোগ গুৰু ৰামদেৱৰ বিতৰ্কিত মন্তব্য।👇👇

🔳ৰাজস্থানৰ বাৰমেৰত অনুষ্ঠিত এখন ধৰ্ম সভাত ভাষণ দি বাবা ৰামদেৱে মুছলমান সম্প্ৰদায়ৰ বিৰুদ্ধে বিতৰ্কিত মন্তব্য কৰিছে।যোগ গুৰুজনৰ বিতৰ্কিত মন্তব্যৰ ভিডিঅ' ছচিয়েল মিডিয়াত ভাইৰেল হৈ পৰিছে।

🔳বাৰমেৰত এক সমাৱেশক সম্বোধন কৰি বাবা ৰামদেৱে কয়,ইছলামত, এইটো শিকোৱা হয় যে পাঁচবাৰ প্ৰাৰ্থনা কৰক আৰু তাৰ পিছত আপুনি যি পাপ কৰিব বিচাৰে সেয়া কৰক।ৰামদেৱে মুছলমানসকলৰ গোঁফ, পায়জামা সম্পৰ্কেও আপত্তিজনক মন্তব্য কৰিছে।

🔳তেওঁ কয়,মুছলিম ভাতৃসকলে পাপ কৰে আৰু তাৰ পিছত নামাজ আগবঢ়ায়।মোৰ মুছলমান ভাতৃসকলে বহুত পাপ কৰে কিন্তু নিশ্চিতভাৱে প্ৰাৰ্থনা কৰে।তেওঁলোকক কেৱল প্ৰাৰ্থনা কৰিবলৈ শিকোৱা হয় আৰু তাৰ পিছত আপুনি যি বিচাৰে সেয়া কৰা।

🔳কিছুমান সন্ত্ৰাসবাদী হৈ পৰিছিল, কিছুমান অপৰাধী হৈ পৰিছিল কিন্তু তেওঁলোক সকলোৱে নামাজ আগবঢ়াইছিল।তেওঁলোকৰ বাবে স্বৰ্গ আছে - গোৰোহাৰ ওপৰত পায়জামা পিন্ধিব,গোঁফ আঁতৰাব আৰু টুপী পিন্ধিব... এইটো ইছলাম বা কোৰাণত লিখা হোৱা নাই কিন্তু এই লোকসকলে এইটোৱেই কৰি আছে।

🔳বাতৰি অনুসৰি, বৰেলীৰ দৰগাহ আলা হজৰতৰ সৈতে সম্পৰ্কিত সংগঠন অল ইণ্ডিয়া মুছলিম জামাতৰ ৰাষ্ট্ৰীয় সভাপতি মৌলানা শ্বাহবুদ্দিন ৰাজৱী বাৰেলভিয়ে ইছলাম সম্পৰ্কে যোগ গুৰুৰ মতামতৰ বিৰোধিতা কৰিছে।

🔳মৌলানাই কয় যে, বাবা ৰামদেৱে প্ৰথমে ইছলাম অধ্যয়ন কৰা উচিত আৰু তাৰ পিছত কথা কোৱা উচিত।যিসকলে ইছলাম পঢ়া নাই তেওঁলোকৰ ইছলামৰ বিষয়ে কোৱাৰ অধিকাৰ নাই।পঢ়া অবিহনে কাৰোবাৰ বিষয়ে কোৱাটো ভুল পথত গৈ আছে।

03/02/2023

🌐আৰক্ষী সঞ্চালক প্রধান জি পি সিঙৰ নির্দেশ।🌐আৰক্ষীৰ লোকসকলে লগাব লাগিব স্থানীয় ভাষাৰ নামফলক।👇👇

🔴অসম আৰক্ষীৰ বিষয়া-জোৱানৰ পোছাকৰ নামফলক'ত এতিয়াৰে পৰা বাধ্যতামূলক হ'ব অসমীয়া তথা স্থানীয় ভাষা।

🔴আৰক্ষীৰ লোকসকলে ৰাইজে স্পষ্টকৈ দেখাকৈ স্থানীয় ভাষাত অথবা দ্বি-ভাষীক নামফলক লগাব লাগিব।

🔴বিষয়া-জোৱানসকলে প্ৰয়োজনত অসমীয়া তথা স্থানীয় ভাষাৰ উপৰি দ্বি-ভাষিক 'নাম ফলক' লিখিব লাগিব।

🔴অসম আৰক্ষীৰ সকলো বিষয়া-জোৱানলৈ এই নির্দেশ জাৰি কৰিছে নৱ নিযুক্ত আৰক্ষী সঞ্চালক প্রধান জি পি সিঙে।

03/02/2023

🟦আমুলৰ প্ৰতি লিটাৰ গাখীৰত ৩ টকা দাম বৃদ্ধি।👇👇

▶️পুনৰ আমূলে বৃদ্ধি কৰিলে গাখীৰৰ মূল্য।মাদাৰ ডেইৰীয়ে গাখীৰৰ দাম বৃদ্ধি কৰাৰ পিছত এতিয়া আমূলে গাখীৰৰ দামও বৃদ্ধি কৰিছে।

▶️এইবাৰ আমূলে গাখীৰৰ মূল্য প্ৰতি লিটাৰত ৩ টকাকৈ বৃদ্ধি কৰিছে।গুজৰাটৰ দুগ্ধ সমবায় আমুলে আজিৰ পৰা সতেজ গাখীৰত প্ৰতি লিটাৰত ৩ টকালৈকে বৃদ্ধি কৰাৰ কথা ঘোষণা কৰিছে।

▶️৩ ফেব্ৰুৱাৰীৰ পৰা আমুল পাউচ গাখীৰৰ সকলো প্ৰকাৰত মূল্য বৃদ্ধি কৰা হৈছে।এই বৃদ্ধিৰ পিছত আমুল গোল্ডৰ মূল্য প্ৰতি লিটাৰত ৬৩ টকাৰ পৰা ৬৬ টকালৈ বৃদ্ধি পাইছে।

▶️একেদৰে ১ লিটাৰ আমূল তাজাৰ বাবে এতিয়া ৫৪ টকা দিব লাগিব।একে সময়তে আমূলৰ গৰুৰ গাখীৰৰ বাবে ৫৬ লৈ বৃদ্ধি পাইছে।

▶️কোম্পানীটোৱে জনোৱা মতে, বৃদ্ধি পোৱা খৰচৰ পৰিপ্ৰেক্ষিতত গাখীৰৰ মূল্য বৃদ্ধি কৰা হৈছে।

03/02/2023

🔴গ্ৰেপ্তাৰ হ'ব বাল্যবিবাহ কৰোৱা প্ৰতিগৰাকী স্বামী।পুনৰ হুংকাৰ মুখ্যমন্ত্ৰীৰ।👇👇

⬛মুখ্যমন্ত্ৰীৰ নিৰ্দেশৰ পাছতেই সষ্টম আৰক্ষী।মুখ্যমন্ত্ৰী ড০ হিমন্ত বিশ্ব শৰ্মাৰ কঠোৰ নিৰ্দেশৰ পিছতে ৰাজ্যজুৰি বাল্য বিবাহৰ বিৰুদ্ধে চলিছে আৰক্ষীৰ মাৰাথন অভিযান।

⬛বাল্যবিবাহত জড়িত স্বামীৰ সন্ধানত চলিছে মাৰাথন অভিযান৷নাবালিকাক বিয়া কৰাই বৰ্তমানলৈ গ্ৰেপ্তাৰ ১৮০০ অবৈধ স্বামী।

⬛আজি পুৱা ৮ বজালৈকে ১৮০০জন লোক আৰক্ষীৰ জালত পৰিছে বুলি সদৰি কৰিছে মুখ্যমন্ত্ৰী হিমন্ত বিশ্ব শৰ্মাই।

⬛ইয়াৰে ভালে সংখ্যক বাল্য বিবাহ কৰা লোকৰ আত্মীয়কো আটক কৰিছে আৰক্ষীয়ে৷

⬛প্ৰণিধানযোগ্য যে, মুখ্যমন্ত্ৰীয়ে বাল্য বিবাহৰ বিৰুদ্ধে অভিযানৰ কথা ৰাজহুৱা কৰাৰ পিছতে বহু লোক পলাই যোৱা বুলিও জনা গৈছে৷

02/02/2023

🌐আই পি এছ বিষয়া প্ৰশান্ত কুমাৰ ভূঞাক অসম আৰক্ষীৰ নতুন মুখপাত্ৰ নিযুক্তি।👇👇

⭕অসম আৰক্ষীৰ নতুন মুখপাত্ৰ নিযুক্তি দিয়া হৈছে।আই পি এছ বিষয়া প্ৰশান্ত কুমাৰ ভূঞাক দিয়া হৈছে মুখপাত্ৰৰ দায়িত্ব।

⭕নতুন আৰক্ষী সঞ্চালক প্ৰধান জি পি সিঙে এক নিৰ্দেশনাৰ জৰিয়তে তেওঁক এই দায়িত্ব অৰ্পন কৰিছে।

⭕এইগৰাকী বিষয়াই অসম আৰক্ষীৰ সকলো ধৰণৰ তথ্য যোগান ধৰিব।ডিজিপিৰ সৈতে সম্পৰ্কিত সকলো বিষয়ৰো তথ্য তথা মতামত দিয়াৰ দায়িত্ব আই পি এছ বিষয়া ভূঞাক।

⭕অসম আৰক্ষীৰে জড়িত সংবাদ বা কোনো বিষয়ত সাংবাদিকৰ আগত মতামত দিয়াৰো দায়িত্ব প্ৰশান্ত কুমাৰ ভূঞাক দিয়া হৈছে।

02/02/2023

🟦মুখ্যমন্ত্ৰীৰ এইবাৰ লক্ষ্য অবৈধ স্বামী।
🟦শুকুৰবাৰে গ্ৰেপ্তাৰ হ’ব ৪ হাজাৰৰো অধিক স্বামী।👇👇

🔳মুখ্যমন্ত্ৰী হিমন্ত বিশ্ব শৰ্মাৰ এইবাৰ লক্ষ্য অবৈধ স্বামী।বাল্য বিবাহ ৰোধ কৰাৰ বাবে মুখ্যমন্ত্ৰী ড০ হিমন্ত বিশ্ব শৰ্মাই শেহতীয়াকৈ কঠোৰ পদক্ষেপ গ্ৰহণ কৰাৰ কথা ঘোষণা কৰিছিল।

🔳শুকুৰবাৰে গ্ৰেপ্তাৰ হ'ব ৪০০৪ গৰাকী অবৈধ স্বামী।মুখ্যমন্ত্ৰী হিমন্ত বিশ্ব শৰ্মাই আজি টুইটাৰ হেণ্ডেলৰ জৰিয়তে কোন জিলাত কিমান অবৈধ স্বামীক গ্ৰেপ্তাৰ কৰা হ’ব তাৰ এখন তালিকাও প্ৰকাশ কৰিছে।

🔳ৰাজ্যৰ আৰক্ষী থানাসমূহত ৪ হাজাৰৰো অধিক বাল্য বিবাহৰ গোচৰ পঞ্জীয়ন হৈ আছে।এই গোচৰৰ বিৰুদ্ধে শুকুৰবাৰৰ পৰা অসম আৰক্ষীয়ে ব্যৱস্থা গ্ৰহণ কৰিব।

🔳ইয়াৰ বাবে তেওঁ সকলোকে সহযোগিতাও আগবঢ়াবলৈ আহ্বান জনাইছে।মুখ্যমন্ত্ৰী ড০ হিমন্ত বিশ্ব শৰ্মাই টুইটাৰ হেণ্ডেলত উল্লেখ কৰা অনুসৰি ৰাজ্যৰ ৩৬ খন জিলাত ৪০০৪ টা তেনে গোচৰ ৰুজু হৈ আছে।

🔳ইয়াৰ ভিতৰত সৰ্বাধিক গোচৰ ৰুজু হৈ আছে ধুবুৰীত।জিলাখনত মুঠ ৩৭০ টা বাল্য বিবাহৰ গোচৰ ৰুজু হৈ আছে।

🔳উল্লেখযোগ্য যে,কাইলৈ পুৱাৰে পৰা চলিব অবৈধ স্বামীক গ্ৰেপ্তাৰ কৰা অভিযান।যিসকলৰ সন্তান জন্ম পাইছে সেইসকল অবৈধ স্বামীৰ শাস্তি কঠোৰ হ'ব।

02/02/2023

⭕সকলোৰে মৰমৰ কলিজা আইতা আৰু নাই..........👇👇

▶️অৱশেষত মৃত্যুৰ ওচৰত হাৰ মানিলে সকলোৰে কলিজা আইতাই।কলিজা আইতাৰ প্ৰকৃত নাম আছিল শুভ্ৰদা দেৱী।

▶️গুৱাহাটী চিকিৎসা মহাবিদ্যালয়ৰ হাস্পতালৰ আই চি ইউত বৃহস্পতিবাৰে প্ৰায় ১০-৩০ বজাত তেওঁ শেষ নিশ্বাস ত্যাগ কৰে।

▶️উল্লেখযোগ্য যে,১০৭ বছৰীয়া এই আইতাগৰাকী সকলোৰে মাজত জনপ্ৰিয় আছিল।হাঁহি, ফুৰ্তি কৰি থকা আইতাই এসময়ত স্বাধীনতা আন্দোলনতো অংশ লৈছিল।

▶️ডাঙৰ পুত্ৰৰ মৃত্যুৰ পিছত স্বইচ্ছাই তেওঁ বৃদ্ধাশ্ৰমৰ আৱাসী হৈছিলহি।কলিজা আইতা প্ৰথমে মাডাৰ অল্ড এজ হোমৰ আৱাসী হলেও পৰৱৰ্তী সময়ত প্ৰমোদ তালুকদাৰৰ অল্ড এজ হোমত বাস কৰিছিল।

01/02/2023

🟦২০২৩-২৪ বিত্তীয় বৰ্ষৰ কেন্দ্ৰীয় বাজেটত কি কি সামগ্ৰীৰ দাম বাঢ়িল?দাম কমিল?
🟦এতিয়াৰে পৰা ব্যয়বহুল হ’ব চিগাৰেট।👇👇

🔴কেন্দ্ৰীয় বিত্তমন্ত্ৰী নীৰ্মলা সীতাৰমণে দাখিল কৰিলে ২০২৩-২৪ বিত্তীয় বৰ্ষৰ কেন্দ্ৰীয় বাজেট।কেন্দ্ৰীয় বাজেটত বিত্তমন্ত্ৰীয়ে বহু অভিলাষী আঁচনিৰ কথা ঘোষণা কৰিছে।

🔴বাজেট দাখিল কৰাৰ পাছত কেইবাবিধো সামগ্ৰীৰ মূল্য বৃদ্ধি পাব।লক্ষ্যণীয় ভাৱে নিৰ্মলা সীতাৰমণে বাজেটৰ ভাষণ আৰম্ভ কৰাৰ পাছতেই বৃদ্ধি পাইছে নিফটি আৰু ছেনচেক্স।একেদৰে কেইবাবিধো সামগ্ৰীৰ দাম হ্ৰাস হ'ব।

🔴বাজেটত চিগাৰেটৰ ওপৰত ৰাষ্ট্ৰীয় দুৰ্যোগ আকস্মিক শুল্ক (এনচিচিডি) ১৬ শতাংশলৈ বৃদ্ধি কৰা হৈছে। ইয়াৰ অৰ্থ হৈছে যে এতিয়াৰে পৰা চিগাৰেট ব্যয়বহুল হ’ব।বিগত ২ বছৰ ধৰি চিগাৰেটৰ শুল্কত কোনো পৰিৱৰ্তন হোৱা নাছিল।

🟩কি কি সামগ্ৰীৰ দাম বাঢ়িল?

১. আমদানি কৰা ৰূপৰ সামগ্ৰী
২. বিদেশী পাকঘৰৰ চিমনি
৩.এক্স-ৰে মেচিন
৪. প্লেটিনাম
৫. চিগাৰেট
৬. সুৰা
৭. ছাতি
৮. সোণ
৯. হীৰা

🟩কি কি সামগ্ৰীৰ দাম কমিল?

১. চাইকেল
২.খেলৰ সামগ্ৰী
৩.মোবাইল কেমেৰাৰ লেঞ্চ
৪.ইলেক্ট্ৰনিক সামগ্ৰী
৫.টেলিভিছনৰ সামগ্ৰী
৬.চিমনী
৭.কাপোৰ
৮.সীমা শুল্ক

01/02/2023

⬛আয়কৰ ৰেহাইৰ সীমা ৫ লাখৰ পৰা ৭ লাখ টকালৈ বৃদ্ধি।👇👇

🌐আয়কৰ ৰেহাইক লৈ বাজেটত বিত্তমন্ত্ৰী নিৰ্মলা সীতাৰমণৰ ডাঙৰ ঘোষণা।এতিয়াৰে পৰা আপুনি ৭ লাখ টকা পৰ্যন্ত দিব নালাগে আয়কৰ।

🌐কেন্দ্ৰীয় বিত্তীয় মন্ত্ৰীয়ে আয়কৰৰ ক্ষেত্ৰত বাজেট ঘোষণাত উল্লেখ কৰি কয় যে, বছৰি ৭ লাখ টকালৈকে উপাৰ্জন কৰা লোকে আয়কৰ দিব নালাগে।

🌐পূৰ্বতে এই সীমা আছিল ৫ লাখ টকা।বছৰি ৩ লাখ টকা উপাৰ্জন কৰাসকলে দিব নালাগে কৰ।

🌐আয়কৰৰ বাবে বাজেটত ৬টা শ্লেব নিৰ্ধাৰণ কৰা হৈছে।৯-১২ লাখ টকা উপাৰ্জন হ'লে দিব লাগিব ১৫ শতাংশ কৰ।

🌐১২-১৫ লাখ টকা উপাৰ্জন হ'লে দিব লাগিব ২০ শতাংশ কৰ।আনহাতে ১৫ লাখৰ অধিক উপাৰ্জন কৰাসকলে ভৰিব লাগিব ৩০ শতাংশ আয়কৰ।

01/02/2023

🟦মুখ্যমন্ত্ৰীৰ সফলতাৰ চিত্ৰৰে জন্মদিনত তৈয়াৰ হ'ল এটি আকৰ্ষণীয় কেক।👇👇

⭕আজি মুখ্যমন্ত্ৰী হিমন্ত বিশ্ব শৰ্মাৰ জন্মদিন।

⭕মুখ্যমন্ত্ৰী গৰাকীক জন্মদিনৰ শুভেচ্ছা জ্ঞাপন কৰিবলৈ তেখেতৰ দিশপুৰৰ বাসভৱনত ভিৰ কৰিলেহি অজস্ৰ অনুৰাগীয়ে৷

⭕নিশাই কেক কাটি মুখ্যমন্ত্ৰীক ওপজা দিনৰ শুভেচ্ছা জ্ঞাপন কৰে অনুৰাগীয়ে।

⭕উল্লেখযোগ্য যে,মুখ্যমন্ত্ৰী ড০ হিমন্ত বিশ্ব শৰ্মাৰ জন্মদিনৰ বাবে এটি আকৰ্ষণীয় কেক প্ৰস্তুত কৰিছে কলিতা স্প্ৰেকটাম ডাইনে।

⭕য’ত দেখা গ’ল মুখ্যমন্ত্ৰীৰ সফলতাৰ কেইবাখনো সুন্দৰ আলোকচিত্ৰ।

01/02/2023

🔴নতুন ৰূপত 'দৈনিক জনমভূমি'ৰ যাত্ৰা আৰম্ভ।👇👇

▶️দৈনিক জনমভূমি কাকতখন সকলোৰে মৰমৰ আৰু বিশ্বাসৰ, সেই কথা আজি হাজাৰ হাজাৰ মানুহৰ আগমনতে প্রতীয়মান হৈছে।জনতাৰ আদৰৰ-সন্মানীয় জনমভূমি গোষ্ঠীৰ লগত সম্পৰ্ক কৰাৰ বাবে মোক সুবিধা দিয়াৰ বাবে জনমভূমি গোষ্ঠীৰ স্বত্বাধিকাৰ সুব্ৰত শৰ্মাক ধন্যবাদ জনাইছোঁ।

▶️আমাৰ যৌথ প্রচেষ্টাত দৈনিক জনমভূমি কাকতখনক শ্ৰেষ্ঠ কাকত হিচাপে গঢ়ি তুলিম।প্ৰাগ নিউজ আৰু জনমভূমি গোষ্ঠীৰ যৌথ উদ্যোগত দৈনিক জনমভূমিৰ নতুন ৰূপত প্ৰকাশৰ উদ্বোধনী অনুষ্ঠানত ভাষণ প্ৰসংগত এইদৰে কয় প্ৰাগ নিউজৰ স্বত্বাধিকাৰ ড° সঞ্জীৱ নাৰায়ণে।

▶️আমি সদায় সকলোৰে আগত থাকোঁ বুলি সদৰী কৰি ডঃ নাৰায়ণে কয় যে কাকতখনৰ শ্ৰেষ্ঠতাৰ দিশত আগুৱাই যাবলৈ আমি যৌথভাৱে সকলো প্রচেষ্টা গ্ৰহণ কৰিছোঁ।ইতিমধ্যে কাইলৈৰ পৰাই নতুনত্ব প্ৰদান কৰি টেগলাইনো সলনি কৰা হৈছে।

▶️বৰাক উপত্যকাকে ধৰি উজনি-নামনি সকলো স্থানতে কাকতখন উপলব্ধ কৰা হ'ব।বন্ধ হৈ থকা তিনিচুকীয়া সংস্কৰণটোও কাইলৈৰ পৰা প্ৰকাশ পাব।অৰুণাচল প্ৰদেশৰ সীমান্তৱৰ্তী অঞ্চলতো যাতে কাকতখন পায়, সেই উদ্দেশ্যেৰে বিতৰণৰ ব্যৱস্থা কৰা হ'ব।

▶️জনমভূমিক শ্ৰেষ্ঠ কাকত হিচাপে ৰাইজৰ হাতত তুলি দিয়া হ'ব।জনমভূমি যোৰহাটৰ মানুহৰ কলিজা বুলি উল্লেখ কৰি প্ৰাগ নিউজৰ চি এম ডিগৰাকীয়ে কয় যে মই জানো যে মই ডাঙৰ দায়িত্ব লৈছোঁ।এই দায়িত্ব মই পালন কৰিম।

▶️উদ্বোধনী অনুষ্ঠানটোত দৈনিক জনমভূমিৰ পৰিচালন অংশীদাৰ সুব্ৰত শৰ্মাই ৰাইজক উদ্দেশ্যি কয় যে,দৈনিক জনমভূমি বিক্ৰী হোৱা নাই,নতুন অংশীদাৰহে সংযুক্ত হৈছে।কাকতখন নতুন উদ্যমেৰে আগবাঢ়িছে।আপোনালোকৰ সহায়- সহযোগ আমাৰ যাত্ৰাপথৰ পাথেয় হ'ব।

▶️জনমভূমিৰ জাতীয়তাবাদী ইচ্ছা সদায়ে অটুট থাকিব বুলি সদৰী কৰি তেওঁ কয় যে বাতৰি কাকত এখন কেতিয়াও মৰি নাযায়। বহু মানুহে মোক সুধি আছে যে কাকতখন বিক্ৰী কৰিলোঁ বুলি। কিন্তু কাকতখন বিক্ৰী কৰা নাই৷প্ৰাগ নিউজৰ স্বত্বাধিকাৰী ড° সঞ্জীৱ নাৰায়ণ অংশীদাৰ হৈছে।

▶️ড° সঞ্জীৱ নাৰায়ণৰ সম্পৰ্কত তেওঁ কয় যে,কেবল টিভি, ছেটেলাইট টিভিকে ধৰি অন্যান্য ব্যৱসায়ৰ এক স্থান ইতিমধ্যে লাভ কৰিছে।আমি সকলোৰে আশীৰ্বাদত যৌথভাৱে এখন নতুন কাকত দেখুৱাব পাৰিম।

▶️উদ্বোধনী অনুষ্ঠানটোত প্ৰাগ নিউজৰ সঞ্চালক তথা ড° সঞ্জীৱ নাৰায়ণৰ সহধর্মিণী মেঘালী নাৰায়ণে কয় যে,জনমভূমি গোষ্ঠী আৰু প্ৰাগ নিউজৰ নতুন যাত্ৰাৰ সংকল্প লৈছে।আশা কৰিছোঁ নতুন যাত্রাই নতুন পথৰ সন্ধান দিব।সংবাদ জগতৰ এই যাত্ৰাত অংশীদাৰ হ'বলৈ পাই ম‍ই ধন্য মানিছোঁ।

31/01/2023

🔴অসম আৰক্ষীয়ে কেৱল চাকৰি নকৰে,এয়া সেৱা।
🔴অসম আৰক্ষীক সদায় মই ছেল্যুট জনাই যাম।🔴অৱসৰ গ্ৰহণ কৰি কি ক'লে ডিজিপি ভাস্কৰজ্যোতি মহন্তই?👇👇

▶️আজি অৱসৰ ল'লে ডিজিপি ভাস্কৰজ্যোতি মহন্তই।ভাস্কৰজ্যোতি মহন্তৰ পিছত অসম আৰক্ষীৰ সঞ্চালকপ্ৰধান হিচাপে কাৰ্যভাৰ গ্ৰহণ কৰিব আই পি এছ বিষয়া জি পি সিঙে।

▶️এই উপলক্ষত চতুৰ্থ অসম আৰক্ষীৰ বেটেলিয়ানত বিশেষ কাৰ্যসূচীৰ আয়োজন কৰা হয়।চতুৰ্থ অসম আৰক্ষী বেটেলিয়নত আয়োজন কৰা হয় এক বিদায়ী পেৰেডৰ।অনুষ্ঠানত পেৰেডত অংশ লোৱা প্ৰতিগৰাকী আৰক্ষীলৈ অভিনন্দন জ্ঞাপন কৰে ভাস্কৰজ্যোতি মহন্তই।

▶️সাংবাদিক তথা অসমৰ ৰাইজক ভাস্কৰজ্যোতি মহন্তই কৃতজ্ঞতা জ্ঞাপন কৰি বিদায়ী পেৰেড অনুষ্ঠানত নিজৰ ভাষণত মহন্তই কয়,'অসম আৰক্ষীত কাম কৰাটো চাকৰি হিচাপে ভবাই নহ'ল।চাকৰিত জইন কৰা আৰু অৱসৰ লোৱা এইটোৱে নিয়ম।

▶️চাকৰি নাথাকিলেও মই অসম আৰক্ষীৰ এক অংশ হিচাবেই থাকিবলৈ ভাল পাম।অসম আৰক্ষীয়ে কেৱল চাকৰি নকৰে,এয়া সেৱা।চাকৰি শেষ হোৱাৰ পিছতো অসম আৰক্ষীৰ অংশ হৈ থাকিম।অসম আৰক্ষীক সদায় মই ছেল্যুট জনাই যাম।

▶️সমগ্ৰ ভাৰতত তেলেংগানাৰ দৰে আমাৰ আৰক্ষীও নম্বৰ ১ আৰক্ষী হ'ব৷কোনেও ৰোধিব নোৱাৰে৷কাৰিকৰী দিশত আমাৰ আৰক্ষীক আগবঢ়াই নিবলৈ যৎপৰোনাস্তি চেষ্টা চলাই আছো।

31/01/2023

⭕৪ বছৰ পিছত বলীউডক পুনৰুজ্জীৱিত কৰিলে শ্বাহৰুখ খানে।👇👇

🔳৪ বছৰ পিছত বলীউডত কিং খানৰ যাদু।শ্বাহৰুখ খানৰ ‘পাঠান' নামৰ চলচ্চিত্ৰখনে বিপুল জনপ্রিয়তা অৰ্জন কৰিছে।

🔳চলচ্চিত্ৰখনে মুক্তিৰ প্রথম সপ্তাহতে বিশ্বজুৰি ৫০০ কোটিতকৈ অধিক টকা সংগ্ৰহ কৰিছে।২৯ জানুৱাৰী দেওবাৰে চিনেমাখনে ভাৰতত সংগ্ৰহ কৰিছে ৭০ কোটি টকা।

🔳শ্বাহৰুখ খানৰ ‘পাঠান’খন ২৫ জানুৱাৰীত চিত্ৰগৃহত মুক্তি পাইছিল।এই স্পাই থ্রিলাৰখনৰ প্ৰধান চৰিত্ৰত দীপিকা পাণ্ডুকন আৰু জন আব্রাহামো আছে।

🔳ব্যৱসায় বিশ্লেষক ৰমেশ বালাৰ মতে, ‘পাঠান'-এ মুক্তিৰ প্রথম সপ্তাহটোত প্রায় ৫৫০ কোটি টকা উপাৰ্জন কৰিছে।

🔳উল্লেখযোগ্য যে,ছবিখনে প্ৰথম দিনাই ৫৫ কোটিতকৈ অধিক উপাৰ্জন কৰি সকলোকে আচৰিত কৰিছিল।এই ছবিখনৰ উপাৰ্জনে বলীউডক পুনৰুজ্জীৱিত কৰিছে।

31/01/2023

🌐প্ৰথমবাৰলৈ প্ৰিয়ংকা চোপ্ৰাই ৰাজহুৱাকৈ দেখুৱালে কন্যা মালতী মেৰী চোপ্ৰা জোনাছৰ মুখ। 🌐চাওঁক প্ৰিয়ংকা-নিকৰ কন্যাৰ ফটো।👇👇

▶️▶️প্ৰথমবাৰলৈ কন্যাৰ ফটো ৰাজহুৱা কৰিলে মোহময়ী অভিনেত্ৰী প্ৰিয়ংকা চোপ্ৰাই।প্ৰিয়ংকা চোপ্ৰাই লছ এঞ্জেলছত জোনাছ ব্ৰাদাৰ্ছৰ ‘ৱাক অফ ফেম’ তাৰকা উন্মোচন অনুষ্ঠানত কন্যা মালতী মেৰীৰ মুখ প্ৰকাশ কৰে।

▶️▶️পৰিয়াল হিচাপে প্ৰিয়ংকা,নিক আৰু তেওঁলোকৰ কন্যা তিনিওজনৰ এইটো প্ৰথম ৰাজহুৱা উপস্থিতি।বৰ্তমান জোনাছ ব্ৰাদাৰ্ছৰ এই অনুষ্ঠানটো প্ৰিয়ংকা চোপ্ৰা আৰু নিক জোনাছৰ কন্যা মালতীৰ মুখ প্ৰকাশৰ অনুষ্ঠান হিচাপে পৰিগণিত হৈছে।

▶️▶️এই অনুষ্ঠানটোত প্ৰিয়ংকাৰ জীয়ৰী মালতি মেৰীক তেওঁৰ কোলাত দেখা গৈছিল। এই বিশেষ অনুষ্ঠানত মালতীৰ সৈতে তেওঁৰ গোটেই পৰিয়াল,অৰ্থাৎ খুৰাক আৰু খুড়ী,সম্পৰ্কীয় ভাই ছফি টাৰ্ণাৰ,ডেনিয়েল জোনাছ আৰু তেওঁৰ ছোৱালীও আছিল।

▶️▶️প্ৰিয়ংকাই অনুষ্ঠানটোৰ এখন ফটো আৰু এটা ভিডিঅ’ ইনষ্টাগ্ৰামত শ্বেয়াৰ কৰিছিল য’ত মালতীৰ মুখখন স্পষ্টভাৱে দেখা গৈছে।ছবিখন আৰু ভিডিঅ'টো ইনষ্টাগ্ৰামত শ্বেয়াৰ কৰি প্ৰিয়ংকাই লিখিছিল, ‘‘মোৰ প্ৰেম আপোনাক লৈ গৌৰৱান্বিত! জোনাছ ব্ৰাদাৰ্ছ অভিনন্দন।’’

▶️▶️উল্লেখযোগ্য যে,প্ৰিয়ংকা চোপ্ৰা আৰু নিক জোনাছে ১ আৰু ২ ডিচেম্বৰ,২০১৮ তাৰিখে যোধপুৰৰ উমেদ ভৱন প্ৰাসাদত এক খ্ৰীষ্টান আৰু হিন্দু ৰীতি নীতিৰে বিবাহ পাশত আৱদ্ধ হৈছিল।

▶️▶️আনহাতে যোৱা বছৰৰ আৰম্ভণিতে,দম্পতীহালে তেওঁলোকৰ জীয়েক মালতি মেৰী চোপ্ৰা জোনাছক চাৰোগেচীৰ জৰিয়তে আদৰণি জনাইছিল।

31/01/2023

🔴আজি ৰাজ্যৰ আৰক্ষী সঞ্চালক প্ৰধানৰ দ্বায়িত্ব গ্ৰহণ কৰিব জি পি সিঙে।👇👇

⬛আজি অন্ত পৰিব আৰক্ষী সঞ্চালক প্ৰধান ভাস্কৰ জ্যোতি মহন্তৰ কাৰ্যকাল৷আজিৰ পৰা দ্বায়িত্ব গ্ৰহণ কৰিব নৱ নিযুক্ত আৰক্ষী সঞ্চালক প্ৰধান জি পি সিঙে৷

⬛বিদায়ী আৰক্ষী সঞ্চালক প্ৰধান ভাস্কৰ জ্যোতি মহন্তৰ পৰা অসম আৰক্ষীৰ উলুবাৰীস্থিত মুখ্য কাৰ্যালয়ত জি পি সিঙে আবেলি ৪-৩০ বজাত দ্বায়িত্ব গ্ৰহণ কৰিব৷

⬛উল্লেখযোগ্য যে, ১৯৯১ চনৰ আই পি এছ বিষয়া জি পি সিঙক অসমত কা- বিৰোধী আন্দোলন তীব্ৰতৰ হৈ থকাৰ সময়ত দিল্লীস্থিত নিয়াৰ পৰা ঘূৰাই অনা হৈছিল৷

⬛অসম-মেঘালয় কেডাৰৰ আই পি এছ বিষয়াজনে ডেপুটেশ্যনত নিয়াত আছিল৷

⬛তেওঁক ঘূৰাই অনাৰ পাছত ৰাজ্যত তীব্ৰতৰ ৰূপ ধাৰণ কৰা কা-বিৰোধী আন্দোলন নিয়ন্ত্ৰণলৈ আনিবলৈ সক্ষম হৈছিল৷

⬛আনহাতে ৰাজ্যৰ আইন-শৃংখলাজনিত সমস্যা তৎপৰতাৰে নিয়ন্ত্ৰণ কৰাতো দক্ষ বুলি জনাজাত জি পি সিং৷

30/01/2023

🟦ৰাজ্য চৰকাৰৰ কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ।
🟦ডিব্ৰুগড়ৰ বাবে আছে কেইবাটাও ভাল খবৰ। সবিশেষ জানিবলৈ পঢ়ক.....👇👇

🌐আজি মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত ডিব্ৰুগড় জিলা উপায়ুক্ত কাৰ্যালয়ত অনুষ্ঠিত হয় ৰাজ্য চৰকাৰৰ কেবিনেট বৈঠক।ৰাজ্যিক কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হৈছে।

🌐বৈঠকৰ অন্তত মুখ্যমন্ত্ৰী ড০ শৰ্মাই নিজেই সংবাদ মেল সম্বোধন কৰি ইয়াৰ সিদ্ধান্ত সমূহ ৰাজহুৱা কৰে।আজিৰ কেবিনেটে ডিব্ৰুগড়ৰ বাবে কেইবাটাও ভাল খবৰ কঢ়িয়াই আনিছে।

🔴কেবিনেট বৈঠকৰ গুৰুত্বপূৰ্ণ সিদ্ধান্তসমূহ--------

▶কৃষি খণ্ডক সামৰি গ্ৰহণ কৰা হৈছে বিশেষ সিদ্ধান্ত।বৈঠকত ৰাজ্যৰ ফুলৰ বজাৰখনত গুৰুত্ব আৰোপ কৰা হয়।ৰাজ্যত থকা ফুলৰ বজাৰখনৰ চাহিদালৈ লক্ষ্য কৰি অসমত প্ৰায় ২০,০০০ কৃষকক এই জড়িত কৰিব।আৰম্ভণি অৱস্থাত চৰকাৰে ১৫০ কোটি টকা ৰাজ্য চৰকাৰে ইয়াৰ বাবে খৰচ কৰিব।

▶অহা ১৪ এপ্ৰিলত ব'হাগ বিহু উপলক্ষে অসমলৈ আহিব প্ৰধানমন্ত্ৰী নৰেন্দ্ৰ মোদী।প্ৰধানমন্ত্ৰীগৰাকীৰ উপস্থিতিতে প্ৰায় ১৫ হাজাৰ যুৱক-যুৱতীৰ বিহু নৃত্যৰে গীনিজ ৱৰ্ল্ড ৰেকৰ্ডত নাম সন্নিৱিষ্টকৰণৰ চেষ্টা চলোৱা হ'ব।বৈঠকত ইয়াৰ বাবে চাৰিজনীয়া কেবিনেট কমিটী গঠন কৰা হয়।

▶কেবিনেটত ৰাজ্যৰ নতুন উদ্যোগ নীতিকলৈও আলোচনা।পৰৱৰ্তী কেবিনেটত নতুন উদ্যোগ নীতিৰ গ্রহণ কৰা হ’ব।

▶জিলা নিয়োগ বিনিময় কেন্দ্রসমূহ জিলা যুৱ কল্যাণ কেন্দ্রলৈ ৰূপান্তৰিত হ’ব।

▶দিছপুৰৰ মুখ্যমন্ত্রী কাৰ্যালয় ডিব্রুগড়ৰ পৰাও কাৰ্যকৰী হ’ব।ডিব্রুগড়ত স্থাপন হ’ব মুখ্যমন্ত্রীৰ কাৰ্যালয়।

▶তেজপুৰত ৰাজভৱন স্থাপন কৰাৰ সিদ্ধান্ত গ্ৰহণ।

▶জিলা প্ৰশাসনৰ কৰ্মচাৰীসকলৰ পদবীৰ নতুনকৈ নামাকৰণ।সেই অনুসৰি জিলা প্রশাসনৰ কৰ্মচাৰীসকলক জুনিয়ৰ ডিচট্রিক এচিছটেণ্ট আৰু ছিনিয়ৰ ডিচট্রিক এচিছটেণ্ট হিচাপে নামাকৰণ কৰা হৈছে।

▶ডিব্রুগড় মেডিকেল কলেজৰ সকলো আৱাস একত্রিত কৰি নতুন অট্টালিকা নিৰ্মাণ কৰা হ'ব। প্ৰায় ৩০০ কোটি টকা খৰচ কৰি নিৰ্মাণ কৰিব ৮ মহলীয়া অট্টালিকা।

▶ডিব্রুগড়ত ১৫০০ মানুহ বহিব পৰা অত্যাধুনিক আন্তঃৰাষ্ট্রীয় প্রেক্ষাগৃহ নিৰ্মাণৰ সিদ্ধান্ত গ্ৰহণ। ৫০০ মানুহ বহিব পৰা আন এটা প্রেক্ষাগৃহও ডিব্রুগড়ত নিৰ্মাণ হ’ব।

▶ডিব্রুগড়ত ১৫ হাজাৰ দৰ্শক একেলগে বহিব পৰাকৈ নিৰ্মাণ কৰা হ'ব এখন ষ্টেডিয়াম।

▶ডিব্রুগড়ৰ আৰক্ষী নিৱেশৰ খেলপথাৰখনত নতুনকৈ ষ্টেডিয়াম নিৰ্মাণ কৰা হ’ব।চৌকিডিঙি খেলপথাৰত ফ্লাড লাইটৰ ব্যৱস্থা গ্রহণ কৰাৰ সিদ্ধান্ত।

▶ডিব্রুগড়ত ৩খন উৰণ সেতু নিৰ্মাণ কৰা হ’ব। আমোলাপট্টি ৰে’ল ক্রছিং, লাহোৱাল আৰু মানকটাত নিৰ্মাণ কৰা হ'ব উৰণীয়া সেতু তিনিখন। নাহৰকটীয়াত এখন হকী ষ্টেডিয়াম নিৰ্মাণৰো পৰিকল্পনা গ্ৰহণ।

▶ডিব্ৰুগড়ত নতুনকৈ ৫খন দলং নিৰ্মাণতো অনুমোদন জনোৱা হৈছে।আঘোনাবাৰীৰ পৰা তেলপানী সংযোগী পথত এখন, বৰুৱানগৰ-মাহমৰাৰ মাজত দিচাং নৈৰ ওপৰত এখন দলং নিৰ্মাণৰ পৰিকল্পনা।

▶চেঁচাৰ পৰা ইটাখুলিলৈ ডাবল লেন পথ নিৰ্মাণৰ আৰু আঘোনীবাৰীৰ পৰা খোৱাঙলৈ মথাউৰি পথ নিৰ্মাণৰো সিদ্ধান্ত গ্ৰহণ।

▶ৰাজ্যৰ অগ্ৰণী উচ্চ শিক্ষাৰ প্ৰতিষ্ঠান ডিব্রুগড় বিশ্ববিদ্যালয়ত দুটা নতুন বিষয়ত অনুমোদন।এতিয়াৰে পৰা বিশ্ববিদ্যালয়খনৰ পাঠ্যক্ৰমত এপ্লাইড জিঅ’গ্রাফী আৰু জিঅ’গ্রাফী বিষয় অন্তৰ্ভুক্ত হ'ব।

30/01/2023

⬛আৰক্ষীৰ জেৰাত ফাইজুদ্দিনে দিছে বিস্ফোৰক স্বীকাৰোক্তি।👇👇

⭕২৫ জানুৱাৰীত মহানগৰৰ মাজমজিয়াত ফাঁচীবজাৰৰ হোটেল ৰাজহংসত দিনদুপৰতে উদ্ধাৰ হৈছিল এগৰাকী মহিলাৰ মৃতদেহ৷

⭕ইতিমধ্যে দেওবাৰে পশ্চিমবংগ আৰক্ষীৰ সহযোগত মহানগৰ আৰক্ষীয়ে হত্যাকাৰী ফাইজুদ্দিনক গ্ৰেপ্তাৰ কৰিলে৷

⭕আৰক্ষীৰ সঠিক তদন্তত পোহৰলৈ আহিছিল ফাইজুদ্দিনে হত্যা কৰিছিল মহিলাগৰাকীক।তাজনিমা খাতুন নামৰ মহিলাগৰাকী হত্যাকাৰী ফাইজুদ্দিনৰ পত্নী নাছিল।

⭕হোটেল কৰ্তৃপক্ষক তাজনিমাৰ স্বামী হিচাপে পৰিচয় দিছিল ফাইজুদ্দিনে।তাজনিমাক তেওঁৰ পত্নী বুলি চিনাকী দিয়া ফাইজুদ্দিনৰ প্ৰকৃত পত্নী আছে গোৱালপাৰাৰ বড়ো পাহাৰত।প্ৰকৃত পত্নীগৰাকীৰ নাম আছমা বেগম।

⭕আৰক্ষীৰ সঠিক তদন্তত পোহৰলৈ আহিছে যে,ফাইজুদ্দিনে হত্যা কৰা তাজনিমা খাতুন এগৰাকী দেহোপজীৱনী।ইফালে আৰক্ষীৰ জেৰাত ফাইজুদ্দিনে দিছে বিস্ফোৰক স্বীকাৰোক্তি।

⭕১০০০ৰ পৰিৱৰ্তে ৫০০০ টকা দাবী কৰিছিল দেহোপজীৱনী গৰাকীয়ে।এই সন্দৰ্ভত হোৱা কাজিয়াৰ পাছতেই হোটেলৰ বন্ধ কোঠাত হত্যা কৰিছিল তাজনিমা খাতুনক।

⭕ আৰক্ষীৰ সঠিক তদন্তৰ পাছত আৰু অধিক তথ্য পোহৰলৈ আহিব।

30/01/2023

🟦ৰংঘৰৰ বাকৰিৰ পৰা ঘোষণা মুখ্যমন্ত্ৰী হিমন্ত বিশ্ব শৰ্মাৰ।👇👇

🔳ৰংঘৰৰ বাকৰিৰ পৰা ঘোষণা মুখ্যমন্ত্ৰী ড০ হিমন্ত বিশ্ব শৰ্মাৰ।ঐতিহাসিক ৰংঘৰক কেন্দ্ৰ কৰি নিৰ্মাণ হ’ব ব্যয়বহুল প্ৰকল্প।

🔳ৰংঘৰৰ সমীপত নিৰ্মাণ হ'ব মুকলি প্ৰেক্ষাগৃহ, লাইট এণ্ড চাউণ্ড শ্ব', জিৰণি চ'ৰা,টাই আহোম মিউজিয়ামৰ সৌন্দৰ্যবৰ্ধনৰ অভিলাষী প্ৰকল্প।

🔳শিৱসাগৰৰ যুৱদল প্ৰেক্ষাগৃহত বিশিষ্ট নাগৰিক,জাতীয় সংগঠনৰ প্ৰতিনিধি বৰ্গৰে হোৱা আলোচনাৰ অন্তত এই কথা সদৰি কৰে মুখ্যমন্ত্ৰী ড° হিমন্ত বিশ্ব শৰ্মাই।

🔳প্ৰকল্পটোৰ সন্দৰ্ভত মূখ্যমন্ত্ৰী গৰাকীয়ে কয় যে, প্ৰকল্পটোত ৫ হাজাৰ লোকে একেলগে বহি বিহু চাব পৰাকৈ এম পি থিয়েটাৰ হ'ব।২ হাজাৰ লোক বহিব পৰা এম পি থিয়েটাৰ হ'ব।

🔳পৰম্পৰাগত সাজ-পাৰ প্ৰদৰ্শনৰ ব্যৱস্থা থাকিব।ইতিমধ্যে ৮৩ বিঘা ভূমি অধিগ্ৰহণ কৰা হৈছে।নক্সা তৈয়াৰ কৰা হৈছে।অহা দুমাহৰ ভিতৰত শিৱসাগৰৰ টাই যাদুঘৰ উন্নত কৰা হ'ব।

🔳উল্লেখযোগ্য যে, বিশিষ্ট নাগৰিকসকলে আগবঢ়োৱা পৰামৰ্শ চালি–জাৰি চোৱা পিছত সকলো চূড়ান্ত কৰা হ'ব বুলি মুখ্যমন্ত্ৰীয়ে উল্লেখ কৰে।

30/01/2023

🔴তলতীয়া কৰ্মচাৰীক শাৰীৰিকভাৱে অপদস্থ কৰা কোকৰাঝাৰ উপায়ুক্ত বৰ্ণালী ডেকাৰ ক্ষমা প্ৰাৰ্থনা।👇👇

▶️তলতীয়া কৰ্মচাৰীক শাৰীৰিকভাৱে অপদস্থ কৰাৰ লগতে অৱশিষ্ট খাদ্য শৰীৰৰ ওপৰত ঢালি দি বিতৰ্কৰ মাজত সোমাই পৰা কোকৰাঝাৰৰ উপায়ুক্ত বৰ্ণালী ডেকাই অৱশেষত ক্ষমা খুজিবলৈ বাধ্য হ’ল৷

▶️উপায়ুক্তগৰাকীয়ে নিজৰ কাৰ্যালয়ৰ এজন চতুৰ্থ বৰ্গৰ কৰ্মচাৰীক চৰ শোধোৱাৰ অভিযোগ উঠিছিল।

▶️দীপক দাস নামৰ ভুক্তভোগী কৰ্মচাৰীজনে উপায়ুক্ত গৰাকীৰ আক্ৰমণত আঘাতপ্ৰাপ্ত হোৱাৰ পিছত কোকৰাঝাৰ আৰএনবি চিকিৎসালয়ত ৰখা হয়।

▶️ঘটনাটোৰ পিছত, ভুক্তভোগী দীপক দাসৰ কন্যাই আৰক্ষীৰ ওচৰত এটা অভিযোগ পঞ্জীয়ন কৰে।

▶️আনহাতে এই ঘটনাৰ পাছতে তীব্ৰ প্ৰতিক্ৰিয়া সৃষ্টি হোৱাত উপায়ুক্তগৰাকীয়ে কোকৰাঝাৰ আৰ এন বি অসামৰিক চিকিৎসালয়লৈ গৈ চিকিৎসাধীন দীপক দাসক আৰু তেওঁৰ পৰিয়ালৰ ওচৰত নিজৰ ভুল স্বীকাৰ কৰি ক্ষমা বিচাৰে।