Rengtlang

Home
India
Aizawl
Rengtlang

An independent bi-lingual (Mizo & English) online newspaper.

06/04/2024

Lunglei April 6, 2024: Zoram Decentralisation Front (ZDF) President Pu Lawmthanga chuan vawiin khan Lunglei Press Club-ah thuthar thehdarhtute kawmin, Lok Sabha MP inthlan lo awm tur chu Kristian Sakhua dotute nen indona a ni a ti.

ZDF President Pu Lawmthanga chuan ZDF chu Political Party an nilo chungin ram rorel danah, India danpui siam that vawi 73-na behchhana India hmarchhak state te inrelbawl dan tur a siam zingah Mizoram inrelbawl dan tur a duan, Thuneihna leh mawhphurhna neia mipuiin khawtin leh district tinah ro an rel ve theihna chu a hlawhtlin theihna tura a hre lo hnena puanzar a nih thu a sawi a, tun tum Mizoram aiawh Lok Sabha MP thlan tur chu k*m danga inthlan nen a danglam thu leh BJP chuan Democracy nihna tiderthawng zawnga hma an la nia an hriat avang leh Kristian te nekchepa an awm mek avangin BJP kaihhruai NDA sorkar chu sorkar tir a hima an hriat tawh loh thu an sawi a ni.

06/04/2024

𝗧𝗕𝗖 𝗟𝗔𝗟𝗩𝗘𝗡𝗖𝗛𝗛𝗨𝗡𝗚𝗔 𝗠𝗟𝗔 𝗔𝗧𝗔𝗡𝗚𝗔 𝗕𝗔𝗡𝗚 𝗧𝗨𝗥𝗜𝗡 𝗔𝗡 𝗣𝗛𝗨𝗧

Adviser to Chief Minister (MoS rank) a awm mek TBC Lalvenchhunga MLA chu diklo taka a unaute duhsak a puhin All Mizoram Car Rental Association (AMCRA) chuan MLA atanga bang turin an phut.

AMCRA chuan thuchhuah siamin, Mizorama sorkar kal tawh zingah Election Official te tana Car Rental hman chungchangah thil fel lo tunhmain a la awm ngai lo a. Tun ṭuma heti taka kan buaina chhan chu TBC Car Rental neitu TBC Lalthatluanga unaupa Adviser to Chief Minister Pu TBC Lalvenchhunga MLA hian diklo taka a chhungkua a duhsakna avang niin an sawi.

ZPM sorkarna hnuaia an MLA, Adviser to Chief Minister ngeiin ama mimal vua leh vang te vulh nana a thuneihna dik lo taka a hmang sual duh hi kan dem tak zet a, Tbc Lalvenchhunga hi MLA ni tlakah kan ngai lova, ZPM sorkar hian a Ministry timualphotu TBC Lalvenchhunga hi ban a nih theih nan chak takin hma la nghal rawh se, an ti a ni.

TBC Lalvenchhunga hian Adviser to CM office a thawktu lak danah a chhungkhat laina hnai hlir a thun niin sawi a lo awm tawh a ni.

04/04/2024

: Mizo Zirlai Pawl - MZP chuan MPSC Civil Service combined examination hnalak hnuhnung berah thil fello tam tak a awm ngei niin an hria tih sawiin thalai hna zawng mek ten MPSC-ah rinna an nghah zel theih nan, MPSC Chairman JC Ramthanga chu bang turin an ngen tih an sawi.

MZP thuchhuah chuan MPSC Civil Service combined exam paper thenkhatah correcting fluid-te hman niin, mark pek tawhsa thaichhiatna leh mark tihdanglamna hnuhma thahnem tak a awmin an hria tih sawiin MPSC hnuaiah hetiang sulhnu mak tak tak a awm chu MZP in pawi a ti takzet a ti a, thil diklo tak thleng chu MPSC Chairman thiam loh anih avangin, MPSC zahawmna humhim a nih zel theih nan leh thalai hna zawng mek ten MPSC-ah rinna an nghah zel theih nan, MPSC Chairman JC Ramthanga chu bang turin an ngen tih an sawi.

03/04/2024

Excise & Narcotics Department chuan vawiin chawhma dar 10:30 khan Aizawl View, Falkland Veng-ah He**in Kg 5 & Gram 427 (Hawng 440) leh a neitu nia puh mi pahnih – Lalnunmawia aka Puia (38) Teidu, Tripura (tuna Edenthar Venga khawsa mek) leh Lalchawiliana (34) Khampat Kanaan, Myanmar (tuna Vairengte Kawngthar venga khawsa mek) nia inchhalte chu an man.

Heng He**in te hi Myanmar atanga rawn lak, Second Hand Bale kara thuhruk an ni. He**in phurh kualna atana hman, TATA YODHA truck (MZ01 V-2018) pawh hrensak nghal an ni.

He**in vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. He thubuaiah hian thiam loh chantir an nih chuan K*m 10 atanga K*m 20 thleng Jail tan leh pawisa ` 1,00,000 atanga ` 2,00,000 thleng chawi bawk tura hrem theih an ni ang.

03/04/2024

Lawngtlai April 2, 2024: MNF Adviser leh Hachhek Bialtu MLA ni bawk Pu Robert Romawia Royte chuan LADC sorkar suspend ngaia a awm chu pawi a tih thu leh Lai hnam leh LADC zahawm nan MNF Party chuan hma ala mek tih a sawi.

Nimina MNF Dist. Hqrs Lawngtlai party chhung inkhawmah thusawiin Pu Robert Romawia Royte chuan LADC ah sorkar nghet tak a din leh thuai theihnan MNF chuan Plan C thlengin a nei a ti a, MDC 24 awm meknaah MNF in MDC 19 nei mahse MDC te thawhho theihloh avangin LADC sorkar suspend a ni a, MNF Gen Hqrs chuan MNF MDC zawng zawngte zaikhata luang turin a duhin a beisei a, chu chu Lairam mipuiin MDC te an vote tlin chhan pawh a ni, a ti a, Lai hnam leh LADC zahawm nan MNF Party chuan hma ala mek a, mipui rintlak sorkar tha a pian thuai beisei a ni a ti.

Hetihlai hian Lawngtlai District Students' Association chuan LADC Sorkar CEM Pu V.Zirsanga'n CEM atanga a ban hma deuh lawk ah Sorkar in hna thar 19 lai a la tih Governor hnen ah nimin khan thlenin, heng hna thar lakte hi sut turin Governor an ngen a ni.

02/04/2024

2nd April 2024

Nimin April 1 kha sorkar k*m tia sawi mai ṭhin, financial year thar inṭanna a ni a, financial year 2024-25 kan hmang ṭan ta tihna a ni. Sorkar k*m liam ta 2023-24 sum zingah hman hman loha liam ta (lapse) a awm loh turah ngai ila, a lo awm palh a nih chuan sorkar tan mualphona lian tak a ni ang.

Financial year thar a inṭan a, sum chungchangah pawh budget session hnuhnung ber tàwp ni, March 13, 2024-a Assembly House-a pawm tâk hman ṭan a ni tawh ang.

Tuna sorkarna chelh mektu ZPM party kaihhruai sorkar hnuaia budget hmasa ber a ni a. Department hrang hrangte sum chan zat tur ruahman a nih laiin; ZPM hian sorkar an la siam hman lo a ni mai thei a, chuvang chuan sum bithliah danah an duhthusam ang tak a la ni lo mai thei bawk. Mahse, an sorkar hnuaia budget siam leh pawm a nih avangin ZPM ministry k*tchhuak budget ngei a ni a; an duh ang tak leh an duhna taka an hman theih sum ruahman a ni. Budget-a sum ruahmante hman dan leh a nghawng chhuahte pawh sorkarna chelh mektute dinhmun hriltu a ni dawn. Chuvangin, dik tak leh ṭha tak sum an enkawl a, an hman a, Mizoram hi hmasawnna kawng min zawhpui ngei mipuiin an beisei a, an lo thlir reng dawn a ni.

K*m 2024-25 Mizoram budget pumpui hi cheng vbc. 14,412.12 a ni a, chu'ng zinga 80% chuang chu sorkar inrelbawlna leh hlawh hrang hrang atana hman tur niin, hmasawnna hna thawhna tur chu 20% pawh tling lo a ni. Hmasawnna hna thawhna tur sum hi a tam tawk loin a rinawm a; chutih chung chuan, eirukna tel loin, dik takin sum hman ni phawt mai se, ramin hma a sawn phahna khawp erawh a ni ngei ang.

01/04/2024

PRESS RELEASE

*ZPM-IN MP (LOK SABHA) ELECTION, 2024 CAMPAIGN KICK OFF-NA HUN AN HMANG*

Dated Aizawl: 1st April, 2024 : Vawiin chhun dar 12:00 Noon khan ZPM Party chuan Lok Sabha MP Election Campaign bul tan inkhawm Vanapa Hall ah an hmanga, Pu Lalliansawta ZPM Party President chuan MP Election Campaign hi a Kick-Off a, thahnemngai tak leh felfai taka Campaign theuh turin Party Mi lehsa a sawm a ni.

Vawiin Campaign Kick-Off inkhawm ah hian Pu Lalduhoma, Chief Minister chuan thu thusawiin, “MP kan inthlang dawn a ni a, India-ah chuan NDA leh INDIA tiin central-ah thuang hnih lian tak a awm a, chutah chuan mizorama party lian dangte chu telna nei vek an ni a, ZPM Party hi inbarh lut lo awm chhun kan ni. Kan Party chuan Delhi tlangah zawmpui kan nei lo va, hei hi kan danglamna a ni. Issue based-in Parliament thurel pawh kan thlawpin kan thlawp lo mai dawn a, hei hi kan tan chuan a him ber a ni, "a ti.
Pu Lalduhoma chuan sorkar laipuiah tu pawh sorkar se țha taka thawhpui an tum thu sawiin, "Central nena tha taka thawh dun hi kan duh a, amaherawhchu kan ram, kan hnam leh sakhaw tana him lo thilah chuan huai takin kan dodal mai dawn a ni. ZPM chu tualto party kan nih avangin tuna kan dinhmunah hian kan chiang a, kan awm reng dawn a ni. He kan dinhmun hi chiang taka min hriatsak turin mipute pawh ka ngen duh a, MP hi State leh Central Sorkar in kara palai hna thawktu tur a ni a, a tirtu Mizoram sawrkar nena thawk dun thei tur MP kan mamawh a ni, project um zui ngai a tam hle thin a, hetiang bawhzui tur atan hian MP tha kan mamawh hle dawn a ni,” a ti.

Pu Duha chuan, ”Zofate hi hmun hrang hrangah kan inzar pharh nasa ta hle a, hengte tana mi tangkai tur MP tha kan mamawh em em a, MP tawng lama harsatna nei lo hnam dang kara lo khawsa reng tawh leh an mizia hre em em mai MP Candidate kan nei hi kan vannei hle a, hmasawnna kawng tinrengah nasa takin kan tangkaipui ngeiin ka ring. kan ramin a mamawh tak MP min thlan tlin sak turin Mipuite ka sawm a ni,” a ti a, MP ni turin tunlaiah chuan Hindi țawng thiam a pawimawh thu a sawi lang bawk.

Pu Richard Vanlalhmangaiha MP Candidate pawhin thu sawiin, “Zoram mipui hian ZPM hi enchhin min tum lova, en tak tak min tum a ni. Mipui ten min beisei anga hna pawh kan thawh ngei ngei a ngai a, kan ram enkawl hna hi Pathianin kan k*tah a dah a, a malsawm tlaka enkawl pawh kan tum tur a ni. MP te hi central leh state inkar palai tur an ni a, Pathian zara ka lo tling a nih chuan he hna hi rinawm tak leh tha taka thawh ka tum a ni. Central atanga project leh scheme hrang hrang a tam thei ang ber hai chhuah kan tum dawn a , Pawisa hi dik taka hman atan chuan central hian a ui reng reng lova, rinawm taka hna thawh chuan project hai chhuah leh hmasawnna thilah harsatna a awm dawn lo a ni,”a ti bawk.

Pu Richard-a chuan,“Prime Minister emaw, Chief Minister emaw thu nilovin Pathian thu ka ngai pawimawh dawn a, Pathian thu ang zelin ka kal dawn a ni. House chhungah a ni emaw House pawnah a ni emaw kan ram, kan hnam leh kan sakhua tan theihtawp ka chhuah dawn a, ka thisen far tawp thlengin ka ding dawn a ni. ZPM policy Hand Holding policy tihlawhtling turin theihtawp ka chhuah dawn bawk a, kan state hian Emporium kan mamwh hle mai a, kan thil thar chhuahte pho chhuahna tur Emporium tha tak kan neih theih nan hma ka la dawn a ni. MP inthlanah hian vote a tla tlem thin a, tun tum inthlanah chuan mipuite vote thlak vek turin kan in sawm a ni,” a ti bawk.

He hun hi Pu W. Chhuanawma, MLA, Vice President, ZPM General Headquarters, MP (LS) Campaign Committee Chairman ni bawk in a kaihruai a, Pu H. Lalchhawntluanga, Secretary, MP (LS)in report pein Rev. Lalrinmawia, Ex-Moderator,PCI-in hunserh a hmanga a, zaithiam zai ngaihthlak a ni bawk.

Sd/-
(ZORAMSANGZELA)
Secretary
Media, IT & Publicity Department
ZPM General Headquarters

No. ZPM – 02/22/A/24-25/09
Dated Aizawl, the 1st April, 2024

31/03/2024

THLIPUIIN BIAK-IN CHUNG A LA
31.3.2024

Tukina thlipui tlehin Sialsuk Hmunchung Presbyterian Kohhran biak-in chung a lèn khawk a, vawiin Easter Sunday hian an inkhawm thei lo.

30/03/2024

VANHLUPUII A LIAM TA

ZALEN : Mizo zinga All India Radio Top Grade Artist awmchhun Vanhlupuii (77) D/o Vankhama (L), Dawrpui South chu tukin dar 2 (30.1.24) inrinni khan a thi.

Vanhlupuii hi k*m 1946 July ni 2 khan Hla phuah thiam Vankhama leh Laldengi te inkarah Dawrpui, Aizawlah a lo piang a. K*m 1973 March ni 14 ah S. Lalthlamuana nen inneiin fapa 1 leh fanu 2 an nei a. Dawrpui Veng, Aizawl, Vankhama builiding-ah an cheng a ni.

Vanhlupuii hi k*m 1950 vel aṭangin a zai ṭan a. Zaithiam avanga ram hrang hrang fang kual tawh, zai intihsiakah pawh lawmman pakhatna vawi tam lo la tawh a ni. K*m 1957 aṭangin Radio-ah hla a record ṭan a, k*m 1969 ah Grade ‘A’ ah a kai chho a. Mizo zaithiam kan neih zingah All India Radio (AIR) Top Grade Artiste kan neih chhun a ni zui a. A khawvel zinkawng a zawh tawp thlengin Mizo zinga Top Grade Artiste kan neihchhun a ni ta a ni.

Vawiin chawhnu dar 1:00 ah Dawrpui Multipurpose Hall, Pipu Tlangah vui a ni ang.

27/03/2024

Arvind Kejriwal-a'n man a nihna Delhi High Court-ah a khing
26th March 2024

Enforcement Directorate (ED)-in Delhi excise policy thubuai kaihhnawiha an man hnuah Delhi chief minister, Arvind Kejriwal chuan Delhi High Court-ah a khin letna a theh lut.
Kar liam ta Ningani zan khan Kejriwal hi Delhi-a zu zawrh dan phung siam thar kaihhnawiha pawisa chheprelhah puhin man a ni a, a chungchang hi Zirtawpni khan trial court-in a ngaihtuah nghal a ni. Zirtawpnia thubuai ngaihtuahnaah hian ED chuan Kejriwal hi thu zawh fiah chhunzawm tura ni 10 chhung kawl an dil a, hei hi trial court hian ni ruk chhung kawl phalsakin, ED hian March 28 thleng an kawl dawn a ni.
Trial court-in a chungthu a rel hnu hian, Kejriwal leh, a aiawha dan hre mi ding, Singhvi leh a pawlte chuan man a nihna hi Delhi High Court-ah khing let ve lehin, high court hnenah hian nimin khan ngaihtuah nghal turin an thlen. Mahse Delhi high court hi Holi denchhena an chawlh avangin Kejriwal-a'n man a nih a khinna hi March 27 hma chuan ngaihtuah a nih a rinawm loh.
ED hian Arvind Kejriwal hi Delhi excise policy-a sum chheprelh leh dik lo taka thil tih kawngah a bul tumtu niin an puh a, policy zam kawngah amah ngeiin ruahmanna siamin, a thil sual tih aṭanga sum tihchengpen leh chheprelh chu, Rs. vbc. 600 aia a tam an rin thu an sawi a ni. Kejriwal hian ED-in thu zawh fiah tura inlan turin vawi kua an hriattirna zawm loin, high court-ah venhimna a dil a, hei hi high court hian a hnawlsak hnuah ED-te hian Ningani zan khan an man ta a ni.
Tan in aṭangin Kejriwal-a'n thupek a chhuah

Tan ina awm mek Arvind Kejriwal chuan a tanna hmun aṭangin sorkar hmalakna tur thupek a chhuah thu AAP hruaitu, Atishi chuan a sawi.
Man ni mah se, Delhi Chief Minister a nihna a la kenkawh reng tur thu AAP-in an sawi hnuah, Arvind Kejriwal hian state sorkara water department chu Delhi-a tui harsatna sukiang tura tui phur motor tir chhuak turin hriattirna a chhuah a ni. Delhi water minister ni lai, Atishi chuan Kejriwal-a'n thupek a chhuahna hi tarlangin, Delhi-a tui harsatna an tawhna hmunahte tui hnianghnar taka an neih chhunzawm theih nana hma la tura a chah thu a sawi a ni.
"Delhi hmun ṭhenkhatah tui harsatna in tawh thu leh, tui chhe paihna avanga harsatna a thlen thu ka lo hria a, tan ina ka awm avang hian mipuiten harsatna in tawh ka duh lo a ni. Hei vang hian tui phur motor tirh chhuah a nih theih nan leh, tui harsatna sutkian a nih theih nan thuneitute'n an lo bawhzui atan ruahmanna ka siam a ni," tiin tan in aṭanga thupekah chuan tarlan a nih thu Atishi hian a sawi lang bawk.

Vanglaini Ramchhung

26/03/2024

Mon khuaah Military council-ten Thlawhnaa an bomb avangin tualchhung mi sing hnih chuang an tlanchhia
The Tahan Post
26th March, 2024

Bago region, Kyaukgyi (Chauh Chi) township, Mon khuaah Military council-ten Thlawhnaa an bomb avangin tualchhung mi sing hnih chuang an tlanchhiat thu March ni 23 khan KNU-ten an thuchhuahah an tar lang.

March chawhma khan Military council sipai te leh KNU hnuaia KNLA tang rual te an inkap nasa hle a, Military council sipaiten khawchhung an luh chilh a, Thlawhna leh ralthuam lianain an bomb thu hriat a ni.

He inkahna avangin khaw 6-a tualchhung mihring 18422 an tlanchhiat thu KNU-ten an thuchhuahah an tar lang.

Raltlan mipui te hi ei leh in tanpui an ngaih thu, raltlan tanpuitu zing thuneitu pakhat chuan RFA media a hrilh.

“Ei leh in bakah damdawi chhawmdawl an tul hle a, an tlan chhuah thut avangin leilet hmun velah Thlam sain an la awm nawk nawk”

March ni 24 pawh khan, Military council sipaiten SaWin leh Kyundaw (Chun Taw) khuaah chenna in 42 an hal chhe bawk a.

He buaina chungchangah Bago region, thu puangtu ecomomy Minister U Tin Oo, RFA media-in, phone hmanga a biaknaah chhanna a awm lo.

Myanmar ram pumah March ni 18 thlenga an lan danin, inkah buaina avanga mipui raltlan mi maktaduai 2 leh nuai 8 chuang an awm tawh thu, March 20 khan UNOCHA-ten an thuchhuahah an tar lan.

25/03/2024

Kolasib March 25, 2024: Lok Sabha inthlan lo awm tur atana MNF Party Candidate Pu K. Vanlalvena chuan vawiin khan Press Club Kolasib ah Kolasib District MJA te kawmin Lok Sabha MP atan’a a in Candidate chhan a sawifiah.

Pu K Vanlalvena chuan April Ni 19-a Lok Sabha MP thlanna neih turah MNF Party Official Candidate atana an thlang chhuak hi Pathian rawn chungin lawm takin a pawm thu a sawi a, MNF Party Candidate ni mahse Parliament House-ah Zoram chhung mai nilo, Zo hnahthlak te tan theih tawp a lo chhuah tawh thin avangin 'Mipui Candidate' a in tih thu a sawi.

Pu K Vanlalvena chuan Rajya Sabha MP a nih chhunga hma a lakna hrang hrang, Thuthar Lakhawmtute hmaa a sawi zingah; Man man zawka Sawhthing hralh a nih theih nan China atanga sawhthing lak luh ti tawp tura a ngen avangin Sawhthing Rate a san thute, Oil Palm hralhna man tih san a nih theihna tura a ngenna a hlawhtlin thu te, Parliament Session-ah Mizorama Ayush Hospital cm Training Centre din tura a ngenna Central sorkar hotute thinlungah rah tha a chhuah mek tih a sawi bakah, Mizorama rawn tlan lut, raltlan unau te lo kuangkuah tura a ngenna te pawhin rah tha a chhuah tih a sawi a; Kan ram kan hnam a him theihna turin MP ka nih zui hi a tul niin ka hria' a ti a ni.

25/03/2024

New Delhi March 25, 2024: Bharat Biotech International Ltd chuan ngawr hri danna, Tuberculosis Vaccine MTBVAC mihringa enchhinna chu India ah an tan.

Bharat Biotech hian Spanish bio-pharmaceutical company Biofabri chu thawhpuiin, uluk takin ngawr hri danna hi mihringah enchhinna annei a, puitling HIV kailovah enchhin hmasak a ni a, HIV kai ah a him dawn em tih en chhin leh a ni dawn a ni.

25/03/2024

Aizawl March 24, 2024: Mizoramah tun hnai k*m 4 chhungin naupang chunga hleilenna leh pawikhawihna kaihhnawih, POCSO Act hmanga thubuai ziah luah a pun laiin, pawngsual kaihhnawih thubuai erawh a tlahniam hret.

CID (Crime branch) chhinchhiah danin, k*m 2020 atanga 2023 chhung khan Mizoramah naupang chunga hleilenna leh thil danga naupang laka pawikhawihna, POCSO Act hmanga thubuai ziahluh chu a vaiin 439 a awm a, k*m 2020-ah POCSO thubuai 110 a awm a, k*m 2021-ah 113 awmin, k*m 2022-ah 97 leh 2023-ah 119 a kai chho leh a, Pawngsual thubuai ah k*m 2020-ah thubuai 36 a awm a, k*m 2021-ah 25, k*m 2022-ah 16 tlahniam in, k*m 2023-ah 28 a awm leh a, k*m 4 chhunga pawngsual thubuai ziahluh hi 105 a tling a ni.

Protection of Children from Sexual Offences, POCSO Act hi rampumah k*m 2012 atang khan hman tan a ni a, k*m tling lote humhimna atana dan siam niin, k*m 18 hnuai lamte laka pawi khawihna thubuai chu he dan hmangin na zawka hrem theih a ni.

25/03/2024

Aizawl March 23, 2024: State Transport Authority chuan man chawia mipui phur lirthei chuan man thar siamin, rate thar hman tan nghal a nih tih a tarlang.

STA chuan tunkar khan thuchhuah siamin, k*min February thla ni 19-a STA thukhawmin a rel angin, man chawi a mipui phur lirthei service, taxi, Autorickshaw leh Maxicab te chuan man a bithliah thar a, 2-Wheeler taxi chu kilometre 1 ah cheng 30 niin, kilometre khat hnuah erawh KM tinah cheng 20 zel a ni ang a, Taxi pangai ah KM 1 ah cheng 55 niin, hemi hnuah KM tinah cheng 45 zel a ni ang a, Autorickshaw chuan man chu Km khar ah cheng 35 niin, a hnu KM tinah cheng 25 zel a ni ang a, Maxicab chu metal road a a tlanin, KM 1 ah cheng 3.50 leh metal road lo ah cheng 4 a ni dawn a ni.

21/03/2024

AMC HNUAIA HNALAK SUT TURA MZP NGENNA HLAWHTLING

MZP chuan ni 12 March, 2024 (Thawhlehni) khan Aizawl Municipal Coorporation (AMC) hnuaia Geologist-3 leh Urban Animal Husbandry & Veterinary Officer, Junior Engineer leh Asst Account Officer pakhat theuh lak danah dan kalha thiltih a awm ngeiin a hria a. Dan angin Advertisment chhuah a nih loh bakah, State sawrkar phalna an lak hriat a ni lova, danin a sawi angin MPSC emaw MSSSB kaltlanga lak a ni lo bawk. Chuvangin, heng hnalak dan diklo hi MZP chuan March ni 15 ral hma ngeia sut turin AMC hotute a lo ngen tawh a.

MZP ngenna leh duhdan angin AMC Executive Council Meeting ni 15 March, 2024 (Zirtawpni) a thukhawm chuan, AMC hnuaia hnalak hrang hrangte a sut (revoke) a. Ni 18 March, 2024 (Thawhṭanni) khan sutna lehkha (order) hi tihchhuah a ni ta a ni.

MZP ngenna ngaipawimawh a Aizawl Municipal Corporation (AMC) in, an hnuaia hna lak post 6 an cancel chu MZP chuan lawmawm a ti a. Mizoram-ah eng hna pawh dan ang zela lak a nih a, a thiam leh ting apiangte lak an nih hi MZP duhdan a ni. MZP chuan hna lak hrang hrangte hi uluk takin a enzui zel dawn a ni.

19/03/2024

Chinland inawpna dan leh hrai kalh zawng titute chu, chin fel zel an nih dawn thu CNF-ten an sawi
The Tahan Post
19th March, 2024

Chinland inawpna chungchanga hma a lak laia, dan leh hrai kalh zawng titute chu, chin fel zel an nih dawn thu CNF-ten an sawi.

March ni 20-a Chin revolution k*m 36-na champha hman tura CNF-ten March ni 18-a an thuchhuahah heti hian an tar lang a,

“Chinland inawpna chungchanga hma a lak laia, dan leh hrai kalh zawng titute chu, Chin mipuite nen chin fel zel an ni ang” tiin an tar lang.

Heng bakah hian Chin sorkar, NGO leh mipuite nen tang kawpin hman an lak zel dawn thu CNF-ten an sawi bawk a.

Spring revolution-a ram leh hnam tan an hmachhawn laia Military council-ten, sipai tan loh awih loh, tihluihna dan an tihchhuah avangin tangho turin CNF-ten an sawm bawk a ni.

Heng bakah hian Chinland atanga ral lehlam Mizoram-a ruihhlo tawlh ru lo turin pawl hrang hrangte nen an thawhho dawn thu CNF-ten an thuchhuahah an tar lang bawk.

March ni 20 hi, thuneihna pawk lak Military council-te a zung chawpa kar phawng a, Chinland tung ding a, rual khai taka mipuiten ro a rel theiha, Union Federal a nih theih nan CNF/CNA-ten he ni hi a ruat a ni.

CNF/CNA te ni bik, March ni 20 hi, Chin revolution Day tia nemngheh a ni a, k*min hi a k*m 36-na champha a ni.

He revolution chhunga, ram tana nunna hlan martar te, taksa peng hrang hrang hlantu pasaltha te, zahna chibai kan buk che u a, Chin ram leh mipui tana nun thapa in inpekna hi kan chhuang tak zet che u a ni tiin CNF-ten an thuchhuahah an tar lang bawk a ni.

19/03/2024

MAMIT-AH EXCISE LEH KOHHRAN THALAI HRUAITUTE'N RUIHLO DO BEIHPUI THLAK DAWN
4253/2023-2024

Mamit 19th March, 2024 : Vawiin khan Excise & Narcotics Department Mamit District huaihawtin Kohhran hrang hranga thalai hruaitute nen ruihhlo do chungchang sawihona Pu Lalsangzuala Ralte, Assistant Commissioner hovin a Office Chamber-ah neih a ni.

Pu Lalsangzuala Ralte chuan Mamit District chhungah ruihhlo do beihpui thlak turin kohhran thalai hruaitute puihna an mamawh thu a sawi a, kalkhawmte chu an mahni kohhran theuhah uar taka puangzar turin a ngen bawk. Excise & Narcotics Department atanga ngenna siamin, thawktute tana tawngtai sak, thalaite hnena ruihhlo nghawng thalo hrilhhriat, ruihhlo bawiha tang mek te chhanchhuahna kawnga hmalak, sual lak atanga thalaite dah hran, thalaite eizawnna nghet nei tura inzirtir, chhungkaw tha (kristian chhungkua) din ngei tura thalaite inzirtir leh kohhran atanga thalaite inzirtirna chu an beiseina lian ber a nih thu a sawi.

Vawiin thutkhawmah hian Excise & Narcotics Department leh Mamit khawpui chhunga kohhran hrang hrang thalaite chuan resolution siamin nasa zawk a ruihhlo do tura thawh ho nise tih a ni.

He hunah hian Mamit khawpui chhunga Kohhran hrang hrang thalai hruaitute, Excise & Narcotics Department Officers leh Staff te an tel a ni.
https://dipr.mizoram.gov.in/post/mamit-ah-excise-leh-kohhran-thalai-hruaituten-ruihlo-do-beihpui-thlak-dawn
DIPR

18/03/2024

Aizawl khawpui a eizawng duhte tan ram ruahman sak turin Revenue Department in hmalakna kalpui tum
4197/2023-2024

Aizawl, the 16th March 2024: Pu. B. Lalchhanzova Land Revenue & Settlement Minister chuan tukin zingkarah khan Bawngklawn Brigade Pig Producers Cooperative Society ten eizawnna tura ram an bawh mek Brigade Field mawng lam ami chu a tlawh a. Society member 23 ten an lo dawngsawng a, hmalak ho dan tur te an sawiho. Helai ram hi Land Lease pe in kalpui tum a ni a, Municipal dan siam bawhchhe lo thei ang ber tura kalpui tum a ni dawn a ni.

Pu B. Lalchhanzova chuan Aizawl khawpuia cheng mi tam tak te hian eizawnna hrang hrang kalpui turin ram kan neilo a, ran vulh te, huan siam te, puantah te leh a dangte kalpui turin ram awl hman tur avang hle a, hetiang harsatna sukiang tur hian Urban Livelihood Multipurpose Camp (ULMIC) ruahman turin Land Revenue & Settlement Department chuan ngaihtuahna a seng mek a, a puitlin ngei ka beisei a ti.

Aizawl khawpuia cheng eizawnna tur ram nei si lo ten an mamawh dan anga an hman hawh theih tur ram awl la awm te zawn ani anga, ram awl nei midangte eizawnna atana hawhtir phalte pawh thawhpui ah sawm an ni anga, chutiang ULMIC hmun chu sawrkarin thumrawn (Convergence) hmangin kawngte, electric te, tui te leh ṭul dangte a ruahman anga, eizawnna mamawh ten inhnangfak nan ṭangkai takin an hmang thei dawn a ni a ti bawk.

ULMIC hi mimal ta tur ni lovin, zau tinah society din zel ani anga, eizawnna mamawh ten society kaltlangin an hmang ṭangkai thei dawn a ni.

Hetiang camp din tur hian department mal anga kalpui theih ani dawn lova, department hrang hrangte, Municipality te, Local Council te, Kohhran leh YMA leh adangte thawhhona tur a ni dawn a. Eizawng duhten awlsam zawka an eizawnna an kalpui theihnan zau tin mamawh te sawrkar chuan a theih anga angin a ngaihtuahpui dawn ani.

Minister chuan, ULMIC hi thalai zingah pawh vawkvulh, ar vulh leh eizawna dang kalpui duh te tan hman ṭangkai theih ani anga, ruihhloa harsatna tawkte tan nunkawng dik zawhna atan pawh a ṭangkai theih a beiseiawm hle ani a ti. Sawrkar department hrang leh midang ṭanpuina kawnga luangchhuak thin mimal leh company te tan pawh kawnghmang nei zawka midang ṭanpui theihna tur ani dawn a, he ULMIC hmalakna hi Israel ram dinchhuahna atana model pawimawh tak k*m 1910 a bul an lo ṭan Kibbutz-Farming community kalphung nen pawh a inzul thei ang a ti.
https://dipr.mizoram.gov.in/post/aizawl-khawpui-a-eizawng-duhte-tan-ram-ruahman-sak-turin-revenue-department-in-hmalakna-kalpui-tum
DIPR

18/03/2024

*YOUNG LAI ASSOCIATION*
*BUNGTLANG SOUTH-II BRANCH*
🇦🇪🇦🇪🇦🇪🇦🇪🇦🇪🇦🇪🇦🇪🇦🇪🇦🇪🇦🇪--------------------------------------------------------
*Address,*
*YLA Office* *.*
*BTS-II, LTI District : *796891*
*============================*
*_Dated BTS-II, the 16th March 2024_*

*1. Tahrik ni 16 March 2024(Innrinni) khan Bungtlang S-II atangin Refugee Mi Pali(4) hnawh chhuah an ni:* Bungtlang S-II huam chhunga Bangladesh Refugee a awm tlangval pahnih(2), Parva Refugee pakhat(1) leh Samang refugee pakhat(1) ten Pu Lalbuatsaiha an sual rawn a, tin, Pu Lalbuatsaiha nupui Pi Jasmini'n in sual athelhna lamah Refugee lam k*t a atuar a, a k*t a hliam phah a ni, tin, hmun dang refugee buaina rawn nei te hi Bungtlang South a in hlawhfaa rawn awmte an ni a, an ni mi pali(4) te hi Bungtlang South II a an awm reng a him tawk lo a alan avangin vawiin khan hnawhchhuah an ni.

1. Asawm S/o Lalrualkhum(Bts Refugee)
2. Ramchhanlian S/o Hmunthar(Bts Refugee)
3. Vanlalhruai S/o Laltuahsang(Samang Refugee)
4. Nunsangzuala S/o Lalomega(Parva refugee)

*2. YLA ten Streetlight chhi:* Bungtlang South II huam chhunga hmun thim zual laiah Streetlight 12(Led Bulb Water proof, 100W) dah fel a ni. Hmun thim tak la tih en chak tam tak a awm a, amaherawhchu Mipuite Sum thawh khawm leh YLA sum ringawt chuan a Bulb tam kan lei thei lova, mipuiten kan ngaih pawimawh lai pawh a éng kim thei lo ang tih kan hria, mipuiten dah belh kan la duh anih chuan engtik lai pawhin YLA chuan hmalak a in huam reng a ni. Bungtlang S-II mipuite kan sum leh pai ui lo va khawtlang tan in hmang phal hi kan lawm em em a ni, YLA BTS-II hmingin lawmthu ka rawn sawi mawlh mawlh e. Bungtlang South-II vul zel rawh se......

_Sd/-_
_(JOEL ZAIHMINGTHANGA)_
*Secretary*
*Young Lai Association*
*Bungtlang 'S'-II Branch*

18/03/2024

Military council sipaite innghahna hmunpui Halkha khawpui lak a nih theih nan, Rung peration hmalakna turah ralthuam leina thawhho turin CDF-Hakha-ten an sawm
The Tahan Post
18th March, 2024

Chin State, Military council sipaite innghahna hmunpui Halkha khawpui, Rung operation-ten an lak theihna turah ralthuam leina thawhho turin CDF-Hakha-ten an ngen.

CDF-Hakha battalion te hian Halkha township 70% an thunun mek a, a dang 30% thunun leh tumin Run operation pawlten an hmalakna turah ralthuam leina tur thawhho turin CDF-Hakha battalion 4, Brigade commander chuan a sawi.

“Keini CDF-Hakha operation turah hian Halkha khawpuiah chauh a bang tawh a. Halkha hmun dang leh township hrang hrang chu kan thunun vek tawh a, inawpna, hriselna, zirna lam pawh theih tawp chhuah kan tum a. Hnehna kan chang tep tawh, 70% kan thunun tawh a, 30% chaung a bang tawh a, chumi hmachhawn tur chuan nu leh paten ralthuam leina tur theih tawp chhuaha sum pai thawhho turin kan sawm a che u” tiin Brigade commander chuan a sawi.

CDF-Hakha battalion te hian Halkhapui tih loh hmun dang zawng chu an thunun vek tawh a, Halkha khawpui, Rung tlanga Military council sipaite buk khuar mek te chu, laksak a nih theih nan tiin Run operation pawl an din a.

Run operation pawlte hian a tumna atan k*m 2023 November ni 26 atang khan Halkha khawpuiah an che tan a, CDF-Hakha-ten Myanmar sipai 5 an man tawh bawk a ni.

Tunah hian CDF-Hakha Support Team North America-ten Rung- Operation tan, US Dollar 1 Million Project tiin sum an zawng mek a, ralthuam lei nan hian $ nuai 8 an mamawh thu CDF-Hakha-a thuneituten an sawi.

“He revolution k*m 3 chhung hian kan inkhawl ve nual tawh a, $ nuai 8, kan hmuh theih chuan awlsam tein kan laksak thei mai ang tiin CDF-Hakha-ten an sawi” tiin Brigade commander chuan a sawi.

Revolution k*m 3 chhunga Halkha khawpuia revolution pawl te tan hian ram pawna pawl 8 ten an tanpui thin a, US-a NA supporting Team-te an thawh hlawk ber a. Rung operation tana CDF-Hakha Support Team North America pawlten an sum zawn nan lucky draw tur a hralh chhuah thu hriat a ni.

Tunah hian Myanmar sipaite hi Halkha khawpuiah chauh an awm a, thingtlang khuaah an awm loh thu Halkha khawpuia tualchhung mi pakhat chuan a sawi.

“Khuaah haw mah ila, CDF te chauh an duty a, a zalen tawh khawp mai. Halkha khawpuiah chuan Myanmar sipaiten kawnga kal an check fo mai” tiin k*m 30 mi Halkha khawpuia tualchhung mi pakhat chuan a sawi.

February ni 25 pawh khan Rung operation pawlten Rung tlanga Military council sipai te an beihnaah Myanmar sipai 4 an thi a, mi 5 aia tlem lo an hliam thu hriat a ni.

17/03/2024

Aizawl March 17, 2024: Pi V Lalhmingthangi, k*m 52, Pu C Zothanmawia nupui Tuikual South chu vawiin chawhma dar 10 vel khan Aizawl New Market-a a dawrah thi a chhar a ni a, mi k*t tuar ni ngeia hriat niin Police ten an chhui zui nghal.

Doordarshan thudawn danin Pi V Lalhmingthangi hi bazar-a dawr nei a nih angin haw tlai chang a nei thin a. Tukin thlenga a haw tak loh avang leh biak pawh theih a nih loh avangin a chhungten a dawr an enfiah hnuah thi a hmuh ani.

Pi V Lalhmingthangi hi mi k*t tuar ni ngeia hriat a ni a. Police ten rinhleh an man a, thu an zawtfiah mek a ni.

Address

Aizawl

Website

https://rengtlangnews.wordpress.com/

Alerts

Be the first to know and let us send you an email when Rengtlang posts news and promotions. Your email address will not be used for any other purpose, and you can unsubscribe at any time.