ZORAM TIMES

04/06/2024

AMC ward no.XIX by election lo awm turah MNF chuan an candidate atan Dr.Lalrinzuali Hrahsel, Kulikawn a nih tur thu an puang.

Dr. Rinzuali hi Upa Dr.ZR Thiamsanga leh Pi Helen Zaithankungi (Hranghlui zaithiam) te fanu a ni.

Kulikawn Pastor Bial Zaipawl member term 2-na hmang zo chiah in, kohhran leh khawtlanga in hmang tak mi a ni.

03/06/2024

ZPM Party chuan AMC Ward-XIX by election neih tura an candidate turin C Malsawmtluangi, Hlimen an puang.

June 25, 2024 hian by election neih a ni dawn a, Ward-XIX hian Kulikawn, Tlangnuam, Tlangnuam Vengthar, Saikhamakawn, Melthum leh Hlimen te a huam a ni.

30/05/2024

RUANG ZAWN BUAI LAI A MITTHI RALNA SUM LO HLAN HI

Mizoram ah hian chhiatna chi hrang hrang a lo thleng tawh thin a, mipuiin ruang kan zawn mup mup lai, ruang senghawi lai leh ruang zawn mek lai te in ralna sumfai mitthi chhungte pek an ni ngai lo.

Heng hunlai hi mitthi chhungte boruak tawn hrehawm lai leh mumal an neih loh lai a ni a. Heng hunah hi chuan sawrkar hotute'n chhiat tawk chhungte an thlamuan a, tlawmngai a hnatlang thingpui lumna tur leh hnatlang te mamawh an buaipui sak thin.

Chief Minister emaw DM&R Minister ten tanpuina leh ralna sawrkar in a pek tur zat an puang thin a, tanpuina sumfai hlan hi sawrkar kalphung pangngai angin District Disaster Management Authority i/c DC te kaltlangin hlan thin a ni.

Ruang zawn buai lai leh ruang hmuh hlimchhawn a mitthi ralna sum hlan hi Mizo chin dan phung a ni lova, a zahthlak hle a ni.

Sawrkar hmasa lamah chhiat tawkte ex-gratia hlan hi a lo awm fo tawh a, chhiat an tawh hun atanga thla 1 ral hmain hlan fel vek an ni thin.

K*m 2019 a BSUP Durtlang leimin avanga nunna chante pawh kha thla 1 ral hmain sawrkarin Nuai 4 in a ral a, hliam tuarte Nuai 2 in a tanpui a ni.

27/05/2024

Hei hi North Chaltlang Primary School - l Building ZPM Unit ten Rs 4,50,000/- seng a an repair a ni.

27/05/2024

ZPM MLA pakhat Baryl Vanneihsangi chuan sorkar Bunglow ah 'Baryl's Family' tih signboard lian takin a tar hmiah mai 😂

Minister leh MLA ten Designation plate an tar ve dawn lo, Motor 1 bak Minister in an kawl ve dawn lo, MLA fund hi party inhlawhnan kan hmang dawn lo, tih sawitute pawl bawk kha an ni e.

26/05/2024

MIZORAM AH POLITICS DRAMA

India ram a lemchanna hmunpui hmasa ber (Film Industry) chu Bombay tuna Mumbai kan tih tak hi a ni.

K*m 1913 khan, 'Raja Harishchandra' tih hming; India vaiho film siam hmasa ber chu chhuah a ni a.

Hemi hnu hian India ram politics ah India politician ten lemchanna (Bollywood film drama) chu an la lut chho ta zel a, Minister ten an Department chan buaipui aiin mipui hmuh a thangthat lak leh lemchan mawi na chu Democratic society ah hlawk zawk ni a an hriat avangin mipui hmuhah politics drama an rawn khel ta thin a ni.

Hei hi tuna Mizoram dinhmun diktak pawh niin a lang.

Mizo mipuite hian ngaihtuahna fim tak nen, ram hruaitu ṭha, Mizote ram leh hnam himna ngaihtuahtu, corruption laka fihlim, sustainable development siam theitu kan thlir a pawimawh ta ni.

https://www.instagram.com/reel/C7bz1d4yvdy/?igsh=MTZwaG9wMWMyMjJ0dA==

26/05/2024

𝗖𝗵𝗵𝗶𝗽𝗽ui 𝗣𝗿𝗶𝗺𝗮𝗿𝘆 𝗦𝗰𝗵𝗼𝗼𝗹 𝗠𝗮𝗷𝗼𝗿 𝗿𝗲𝗽𝗮𝗶𝗿 𝗮 𝗿𝘂𝗵𝗹𝗮𝗻𝗴 𝗹𝗼 𝗱𝗲𝘂𝗵 𝗶𝗻.

1. He hna hi Dampa bial ZPM candidate Vanlalsailova pek a ni.

2. Vanlalsailova chuan midang k*tah pawisa hauh lawk neiin a pe chhawng.

3. A hna neitu ber Vanlalsailova chuan pawisa a dawn hnuah foreign ah a zin san.

4. Vanlalsailova pawisa petu te chuan hlep tam tumin hna chhe takin an thawk.

5. Department in hnathawktu te chu ZPM mi an nih avangin an thu an zawm duhlo niin an sawi.

6. Zirtirtu leh khawtlang hruaitute lungawilo in Department ah an thlen.

7. Department in siamtha leh tura an hrilh pawhin Vanlalsailova naute chuan an siam duh tawh lo.

8. Supply Minister B.Lalchhanvoza chuan he School Headmaster i/c chu misual ah a puh let.

9. Ram siamthat tum aia ZPM atchilh tu ten diklo pawh sawi mam an rawn tum.

10. Hei hi Mizoram in kalphungthar kan hmuh chu a ni.

26/05/2024

Dan lova kuhva rah sumdawnna hi ZPM sawrkarin eng vanga CBI chhuitir ngamlo nge a nih.

Ni 25/5/2024 (Inrinni) Zan Dar 8:30 pm bawr vel khan Vairengte Kawngthar Veng @ (Silchar Road) ah Motor Ke 16 nei NL 01 AG 1239 chu a accident a. He truck hian Burma Kuhva rah khat tlat in a phur a ni.

Motor accident na hi Vairengte Police Check Gate thlen hma Km 1.5 bawr vel ah a ni a. Motor hi accident lo ta se he Motor ke 16 nei hian Vairengte Police Check Gate hi smuggling thil a phurhnen hian tlang a inring hle tihna a ni.

Zokhawthar - Champhai - Khawzawl - Seling - Aizawl - Kolasib Police check gate zawng zawng paltlang a Burma Kuhva rahphur an la tlang thei reng mai hi engvang nge ni ang.

High Court chuan Dan lo a kuhva sumdawnna hi CBI chhuitir turin a ti a. Hetihlai hian ZPM sorkar chuan CBI chhuitir lo turin High Court a ngen ve thung a ni.

26/05/2024

ZPM Candidate Vanlalsailova hnathawh ni a sawi Chhippui Primary School.

Sawrkar dan pawh zah lo, khawtlang mipui pawh zah lo, sikul naupang hmakhua pawh ngailo tu te ngaihsanna ram a ni.

23/05/2024

Lei dawhna hmanrua te hi mihring tana ruk mai mai chi a ni lo.

- Mizoram Police

Rel kawng atana b**graw hmante chu a lianin a rit hlawm lutuk, mihring tan ruk mai mai chi a ni lo. Tin, a bulah camp neiin thawktute’n an awm chilh vek a, bo mai mai thei a ni lo niin Police hotute’n an sawi.

Thir te chu mihring thaa laksawn theih ziazang a ni lo a, a neitute hriat loha a ruk a rala tih tur phei chu theih loh hiala ngaih a ni.

Thir pakhat hi 407 truck pawhin a phur zo kher lo ang, phur zo pawh ni se tu nge 407 truck-ah chuan a rukin load (hlang) ang. Ruk ni lo in, mihring tha in laksawn tur pawh ni se thil harsa tak kha, a ruka thawm dim taka 407 truck-a hlangkai tur chuan a ngaihna a awm lo, tiin police officer pakhat chuan The Frontier Despatch (TDF) a hrilh.

Hetihlai hian Rel kawng siamtute chuan tunhnai khan CM Lalduhoma hmuin, rel kawng siamna b**gruate chu a bo nasat thu an thlen ve thung a ni.

21/05/2024

HIGH COURT KHAK NGAIIN MIZORAM SORKAR A AWM

Home Minister a lakluh anih hnu lawk ah Pu K.Sapdanga hian, "thla 1 chhungin dan lova sumdawnna kan titawp ang", tih thu ring takin a lo sawi tawh a.

ZPM in sawrkarna a siam hnuah dan lova sumdawnna nasa takin a la kal zel a, High Court inrawlh ngai hial khawpin a awm ta.

Champhai Police station ah dan lova Kuhva tawlh ruk chungchangah FIR thehluh a ni a, case register a ni lo.

Hemi chungchang ah hian High Court rawn inrawlhin, Mizoram Sorkar chu FIR an register loh chhan a zawh mai bakah, chhui tha leh ngei turin a hriattir.

20/05/2024

ANTHURIUM FESTIVAL TIHTAWP A NI DAWN

Lunglei East bial atanga thlan tlin Lalrinpuii, Tourism Minister ni bawk chuan vawiin khan ZPM office ah Anthurium Festival titawp a nih tur thu leh, a aiah "Lunglei Music Festival" buatsaih a nih tur thu a sawi.

Mizo thalai leh mipui ngaihhlut tak, 'Anthurium Festival' hi Reiek Tourist Resort ah k*m 2006 atang khan k*mtin hman tan a ni a, ram pawn khualzin te pawhin an ngaihhlu chho viau tawh a ni.

Lunglei East bialtu MLA in thalaite ngaihhlut tak Anthurium Festival tihtawp a Lunglei Music Festival siam zawk a nih tur thu a rawn sawita mai hian mipui t**i a ti tam chho dawnin a lang.

11/05/2024

ZPM LEGISLATURE PARTY SAWMNA MNF MLA TEN AN CHHANG

ZPM Legislature party ten SASCI sum LAPSE chungchang a MNF Legislature party te Media kaltlang a common platform neihpui tura an sawmna kha an address ber MNF Legislature Secretary hnenah Whatsapp kaltlangin soft copy a thawn a ni a, hei hi official a insawmna kalhmang tur niin a lang lo.

Social media a lehkha tihdarh a nih hnuah MNF Legislature party Leader Office ah a hard copy hi dah a ni a, nimin chawhnu lam khan MNF Legislature te hian lehkha hi an hmu ve chauh a ni.

MNF MLA te chuan ZPM MLA te sawmna hi ZPM Legislature party Secretary k*t ah ngei hlan tha an ti a. Er Rohmingliana MLA, MNF Legislature party Secretary chuan whatsapp hmang a sawmna thawntu ZPM Legislature Party chu a chenna In ah kal chilh in lehkha a va hlan a ni.

MNF Legislature Party te chhanna hi a dawng tur dik tak k*tah a luh hmain social media site ah hmuh lawk tur a awm lo.

ZPM sawrkar inthlahdah avanga Mizoram hmasawnna hna thawhna tur sum nuai 23331 zet lapse chungchang ah, special Assembly session ko ngei tur leh May thla chhung ngei a an sawmna hi tihhlawhtling turin ZPM Legislature party te an hriattir ve thung a ni.

Assembly session hi Live telecast a pek chhuah thin a ni.

11/05/2024

ZPM HRUAITUTE SCHOOL SAK A CHHIA, SIAMTHAT LEH THUAI MZP IN A PHUT

ZPM hruaituten Tlab**g Primary School –ii Office an sak chhe lutuk leh School Building chhe lutuk chungchanga hma la turin MZP Hqrs Lunglei leh MZP Sub Hqrs Tlab**g te chuan thuneitute an ngen.

MZP chuan thuchhuah siamin Tlab**g Primary School II office Building satu te hian a bang atana thingphek hman te chu nawh mam loh a nih thu te, a tukverh atana thing phek hman te pawh kalh theihloh khawpa chhia a nih thute sawiin mak an ti hle tih an sawi a.

A Veranda pawh chartin pahnih chauh hmanga an siam sak avangin zirtirtuten an mahni pawisa sengin an siam tha tih sawiin, zahthlak an ti hle tih an sawi a.

Tukverh kamna atan thing b**g hmangin, rawng eng an hnawih pawh coat nawn awm miahloh a nih thu leh electric wiring engmah khawih loha tawp san a nih thu sawiin; MZP Hqrs: Lunglei chuan hriatthiam har an tih thu an sawi a ni.

School office building sak thar chhe lutuk leh, school main building chhe lutuk avanga pawl hnih leh pawl thum zirlai te room pakhata khung an ngai chu MZP Hqrs: Lunglei chuan pawi a ti tih sawiin; Blackboard hmantlak mumal a awm loh thu leh; celing chhiat lutuk avanga, ruahsur laia class lak theih a ni lo chu pawi an tih thu an sawi a ni.

10/05/2024

MNF Legislature Party-te'n an hmuh hmain ZPM Legislature Party-in an sawmna ZPM worker ten social media-ah an thehdarh.

ZPM MLA te hian social media a in pose dan tur ringawt ngaihtuah lovin ram hmasawnna turin ngaihtuahna seng zawk rawh se.

Bengvarna thudawn danin, ZPM Legislature Party-te'n SASCI sum chungchang common platform neihpui

10/05/2024

ZPM SAWRKAR IN NUAI 23331 A TI LAPSE

Mizoram hmasawnna thawhna tur cheng Nuai 23331 zet atam chu ZPM sawrkar chuan a ti Lapse a, hemi chungchang a mawhphurtu ber chu Chief Minister leh Finance Minister ni kawp Lalduhoma a ni.

1. Chief Minister atana lakluh a nih hma in Lalduhoma hian PWD Commissioner & Secretary leh Engineer in Chief te chu SASCI hna tan tirlo turin order a pe a ni.

2. February ni 16 khan hnathawk lai zawng zawngte chu an hnathawh chawlhsan tura hriattirna PWD atanga pek chhuah a ni.

3. Financial Year tawpni ah Lalduhoma hian Treasury a tlawh kual a, sum lapse a awm lo tih mipui hma ah a puang.

4. Lalduhoma'n sum lapse a awmlo tih thu a sawi hnu lawkah SASCI sum tam tak a lapse tih a lo lang chhuak leh ta a. Hemi hnu hian Lalduhoma chuan sawrkar sum nuai 23331 lapse chhan chu 'MNF vang a ni' tiin sorkar hmasa a puh leh ta a ni.

5. CM thusawi hi a dik loh zia MNF Legislature Party chuan Press Conference ah an sawifiah ve nghal a. ZPM sorkarin contractor hna thawk thei lova a dan beh tlat thu te, hnathawhna sum first installment pawh pe chhuak lova an hren luihsak tlat thu te, Dan ang taka contract agreement ziahfel pui vek tawh Contractor te mangang High Court a an zualko mek thute an sawifiah ve ta a ni.

6. ZPM sawrkarin a sum enkawl a tih lapse avanga sawrkar hmasa a mawhpuh ta daih hi Mizoram a thil la thleng ngailo a ni.

Sorkar mualphona hliah khuh tuma ZPM Legislature Party in MNF Legislature Party te media platform a an cho ta mai hi han ngaihtuah mai pawhin a kalpunglo tak zet a ni.

MLA te debate na hmun tur chu Assembly House a ni.

Democracy, mipui rorelna kalphung pangngai ni lo lutuka, mipui laka an mualphona hliah khuh tuma ZPM sawrkat hmalak dan hi Mizoram leh hmun dangah pawh la thleng ngai lo a nih a rinawm a, ZPM sawrkar hian mipui rorelna zahawm taka kalpui lam aiin, Pressure Group emaw an inti a nih hmel hle.

#𝙕𝙤𝙧𝙖𝙢 𝙏𝙞𝙢𝙚𝙨

18/04/2024

ZPM hruaitu Mizoram State Commission for Women Chairperson a ruatin pian k*m pathum a nei.

MSU in chairperson a ruatna cancel turin sorkar an phut.

https://youtu.be/kjoYr0Rrvv8?si=iol_GkqbLcs3li

18/04/2024

ZPM candidate hi Vai zinga khawsa tam, vai zeizia hria a ni a, a tha em em a ni.

- Lalduhoma

18/04/2024

THU BELHCHIAN DAWL LO
DAVID SAILO

Ka Account ah hian ka lut leh hlei thei tlat lo. Nik*m December aṭanga k*min April thla chanve inkar chhungin vawihnih ka tawhna a ni ta !! Theih tawp chhuah hnu ah ngai kan awh leh thei hram e.

KAN AIAH KA :
Mi engngemaw zat ṭhu tlar te khan thubuai an thehlut dawn emaw tia, an in vaupung nasat nen. "Criminal Complaint KAN thehlut dawn" an ti a, an theh lut leh si lo. A tawpah MP Candidate ah an nawr liam thei ta a ni ang. "A tling emaw, a tla emaw, amah hian buaipui zui mai mai teh se" ti ni awm takin Pu Richard Vanlalhmangaiha chuan a mimalin Complain chu a theh lut ta pur pur a. Thehluh tuma invaupungte chu an awl ta phian a.

Youtuber ṭhenkhat chuah tur duh laileng ho lahin CHAW ṬHA an hmu fuh emaw tih turin an Video en hlawh nan ti ni awm fahranin maksak tak takin an Video kâwm an phuah a, ka lo thlir ve zeuh zeuh a, nuih tur a tam ve hrim hrim e.

THU BELHCHIAN DAWL :
Belhchian dawl lo mipui hnena vawrh darh ti a sawi chu belhchian a lo dawl viau e.

1. Hnahlan Grape chingtute pawisa dawn tur Nuai 100 chuang Richard Lalhmangaiha, MP Candidate in a lo lak chu a dik zia a fiah chho zel a, a buaipuitu tak tak zawk ten "Ṭhâm ṭhen a awm dawn lo maw?" ti a an zawh thlap pawhin "Keima Pocket in hnawhkhah ngai a awm pawhin ka hnawh khat ang" ti hialin a lo insawi awihawm a ni awm a. A tak ramah chuan a buaipuitu tak tak te hriat lohin Nuai 100 chuang a lo ak hmak chu niin. A insawi thiamna berah chuan "Hnahlan ho nen inremna kan nei" tih a ni. An inremna ah hian a buaipuitu, khatih laia Sorkar thiltitheite BUMNA a tel chiang tih hailan a ni ta bawk.

EILANG pawh sawi mawi a sawi mam zel, kan Candidate a nih chuan a PAMHAMNA hi heti zawng hian a sawi fiah theih ang tih buaipui zui reng tum kan nih chuan EIRUTE hrem chu kan la hlat viau ang !!

'Prima Facie' rawng a kai lek lek a, DAWT pakhatin dawt dang tam tak a hring tih ang maiin Hnahlan chungchanga insawifiahna chuan CBI leh ACB ah FIR a dawn tir ta hial a nih hi. He Grape chungchang tarlan hi thu BELHCHIAN DAWL tak a lo ni a, Zoram mipui hriat loh thu dik kan hriat belh deuh deuh zawk a lo ni.

2. "Case nei lai" tih kha kan la na hle a, mahse PAWISA ṬHÎNNA CASE (Money Suit) a lo nei reng si. Hei pawh hi belhchian dawl tak a ni. He Case hi chinfel a nih hma chuan Richard Vanlalhmangaiha hming hi a chuang chiang em em a ni. He pawisa in ṭhinna Case hian belhchian a dawl a, Mipuiin kan hriat chian phah ta bawk.

3. "Case nei lai, miin leiba an ṭhîn lai zalen taka a leng a, MP Candidate hiala kan dah hi" tih pawh kha kan la na khawp a. Party dang Candidate nise kan chhuahchhiat em em tur tih lang reng chu kan Party Candidate a nih avangin a sahimna tur, a hralh tlakna tur dap khawm sak a ṭul a, kan dap kim hleithei lova, kan fihlim zo manglo chu a ni e. Asst.Manager lai ni theiin pawisa kalna tur hre hauh lova a lo dawng a, Authorised Signatory a ṭang thei tlat mai te, hna lem chungchanga ngaihṭha tawh lote lo hrilhfiah veltu nih ṭhin te hi CBI in a bul aṭanga an chhui ṭha leh a nih ngawt loh chuan MAMCO ah hi chuan ringhlelhna mitin kan thlir zui reng dawn a nih hi. Unaute pawisa kawl pawh ṭap ṭuaua awih a ngaih ve tho kha !!

HLAWKNA A AWM LO :
Richard Vanlalhmangaiha chungchang tarlan hian mimalah hlawkna a awm lo. Huat hrim hrimna a ni hek lo. Zoram mipui aiawh tur hian Party pakhat hian Candidate an thlan uluk loh zia leh an Candidate dinhmun felhlel chu mipuiah phak tawkin zirtirna kan pe mai a ni. Insawifiahna a fiah zo ta si lo. 35% chungchanga a pamham zia phei hi chu sawi pawh an sawi ṭha ngam lo a nih hi.

TLIPNA :
Thu belhchian dawl lo vawrhdarh kan tih chu khawi lai ber nge belhchian han dawl lo ta em em chu ka la hre fiah ve tlat lo.

ZPM hian an inhmeh loh ber hun an tawng mek a, tute emaw rorel leh duh dan fel tawk lo vang pawh a ni maithei. Insawifiah bakah inhrosak k*k k*kna ṭul tak ni !!

https://www.facebook.com/share/EKKKTpHRTbof4iw4/?

17/04/2024

Parliament-a Mizoram aiawhtu atan chuan eiruk na lak a fihlim, Mizo diktak ni thei ngei se.

YMA in 'Ram leh hnam humhalh' k*mpuan a a hmanlai a, hnamdang (Vai) thisen kai kan aiawhtu atana kan thlan chuan a hnam ang pawhin a zahthlak ngawt ang.

16/04/2024

𝗧𝗵𝗮𝘄𝗻𝘁𝗵𝘂 𝗺𝗮𝗸 𝘁𝗮𝗸 𝗰𝗵𝘂

Tuna ZPM candidate Richie Vanlalhmangaiha hi Wing Commander Lalzawma (rtd) fapa ani a, a pa hi Mizoram a Congress party in sorkarna a chan hunlai 2008 - 2018 chhunga Congress Bhavan-a an hotupa leh khatihlai a CM nena in ngheng hnai tak, "India sorkarin Mizoram thawhna hmangin a Bomb lo", tih sawitu kha a ni.

Congress sorkar lai khan Mizoram Agricultural Marketing Corporation (MAMCO) a thawk turin Richiea hi thun/lak a ni a. Hemi hnu hian k*thnathawktute tanpuina central sorkar atanga rawn kal cheng nuai 100 chuang laksak thu leh contractor te pawisa cheng nuai 268 khawihchingpen thubuai ah a hming a chher ta viau a ni.

MAMCO Ltd hnuaia thawk mi pahnih ten k*m 2012 a contractor te atanga pawisa fai nuai 268 an dawnsak hnu hian thubuai ziahluh a ni a, Anti Currouption Bureau (ACB) chuan k*m 2015 atangin he thubuai hi a chhui tan a, ACB in thubuai a chhui tan k*m 2015 hian tuna ZPM candidate Richard Vanlalhmangaiha hian MAMCO a hnathawhlai chu hmanhmawh takin 'early Retairement' in a bansan ta rum rum a ni.

Hnathawktute chanvo chuhsakna rapthlak.

Congress sawrkar a Chief Minister Pu Lal Thanhawla chuan Hnahlan Grape chingtute tanpuina tur Market Intervention Scheme (MIS) atangin Ministry of Agriculture hnuai ah a dilsak a, hetih hunlai a Rajya Sabha MP Pu Ronald Sapa Tlau pawhin nasa taka a bawhzui thu a sawi tawh a ni.

Mizoram sawrkar dil ang hian sorkar laipui chuan k*m 2018 December ni 14 khan Chief Secretary hnenah Rs.3,70,35,141/- an rawn pek thu a rawn hrilh a, tanpuina sum hi state sorkar kaltlanga engkim buaipui leh chinfel niin, Hnahlan Grape chingtute k*tah pawh tanpuina sum hi sawrkar chuan kim takin a hlan a ni.

Mizoram sorkarin Hnahlan Grape chingtute tanpuina sum a pek chhuah atang hian cheng nuai 100 chuang zet chu tuna ZPM candidate nita hian lo ṭham sak in, k*thnathawktute hian an chanvo tur atangin 75% bak an hnen thleng zo ta lova, 35% zet chu chuhsakin an awm ta a ni.

Market Intervention Scheme (MIS) guideline ah hian sawrkar ni lo, pawn lam mi lo inrawlh vena tur provision a awmlo a. Tunhma zawng a kan hriat ngai loh, k*thnathawktute chanvo inchuhsakna rapthlak tak chu a lo chhuak ta a ni.

14/04/2024

Diklo taka sum laksak zinga mi pakhat chuan Civil Case( money suit) Court ah a thehlut a, hetah hian ZPM candidate Richie pawh case ah a tel, he case hi Court ah pending mek a ni.

ZPM Legal Cell hian Court Judgement hi an bih chiang lo deuh a ang. Richie hi he Criminal case ah hian Approver (prosecution witness) atan hman a nih avangin accused zingah a tel lova, thiam a chang tihna a ni lo, a case hi Court in a ngaihtuah tello a ni tih hi an hmu hmaih a ni.

Criminal case ah case a hlawhtlin nan Prosecution lam hian thil tisual zinga mi ngei Approver ah an hmang thin a, Richiea pawh hi Criminal case ah hian approver ah atan avangin a case ngaihtuah tel a ni lo a, thiam a chang tihna a ni lo.

Special Court in Richie chungchang a rel tel loh avangin David Sailo leh Nightmare-i hian an thuchhuahah Special Court judgement an kalh lova, an lakah Contempt case siam sakna tur point a awm lo.

Dik lo taka sum laksak zinga mi pakhat chuan Civil case( money suit) Court ah a thehlut a, hetah hian ZPM candidate Richie pawh case ah a tel ve, an eiruk thubuai hi court in a la pending mek a ni.

He sum laksak chungchangah hian khati hunlai a MAMCO Manager leh Asst Manager, Richie te hian MAMCO bye Law kalin Contract pek tiamin mimal sum nuai 260 chuang an laksak a. MAMCO Board of Directors pawmpuina a awm bawk lo.

MAMCO tan tia lantir siin an sum laksak hi mimal account ah an thun lut a, MAMCO hminga thil ti a nih chuan MAMCO account ah sum a lut tur a ni.

MAMCO hi marketing leh a kaihhnawih thil buaipui tura din a ni a, Civil works contract pe tura din a ni lo, MAMCO aims & objects kalhin he thil hi an ti a ni. MAMCO dan an bawhchhiat bakah sawrkar dan an bawhchhia a ni.

12/04/2024

𝗠𝗜 𝗜𝗡𝗛𝗡𝗨𝗔𝗜 𝗟𝗨𝗔𝗛

David Sailo
12th April 2024

"Mihlun a ni lova, mi inhnuai luah a ni" ti a ZPM Legal Dept. ho Press Statement ah khan ka lo ner sawk pek a. Hetiang hi Party pakhat DAN HRE MI pawl thuchhuah duh dan a nih chuan a hnuai pangper fe fe a awm te ṭawngkam hman tuitang lo zet zet hi chu thil âwm tak a lo ni dawn a nih hi.

MI HAUSA PARTY :
A hausakna chu eng lam nge thluk teh chiam lova pâk huam huam anga lang thei Party, Opposition an nih laia MLA fan fan te dah awl a, vawikhat tlinna, thiamna lamah pawh sawi viau tur awm lo, Sum lamah erawh sawi tur neiten hmun sang an chan zat zat dan en hian mi inhnuai luah ve bawk Baryl-i te tan Ministry ah dinhmun sang chelh hi a lo har dawn a nih hi. Mi inhnuai luah an hmusit e mai. Mihlun an ngaisang hle bawk a nih hi mawle. Mihlun, mahni in leh lo nei ngei te lansarhna Party ah an Legal Dept. ho hian an chhuah der chu a nih hi.

THLA 5 LEKAH FIR/COMPLAINT :
A tir berah Tv.U Hranga an man chhuak a, hahipin an sawi a, midang pawh man thei zelin an in sawi BAWRA chho a, "Next ah David Sailo" an han ti tak bawng bawng a! Pu Duhoma ṭhianpa ka nih hi aw?!!

Chumi hnu ah Rental Car ho leh Adviser pakhat an in chaltauh deuh a, an MLA chu Ṭhalai emaw eng Committee Level in emaw a sawifiahna an nei mai dawn emaw tih laiin a MLA zawk chuan a LETTER HEAD ah deuh ngat a rawn insawifiah zuah zuah a, vauna rawng kai lek lekin..a ṭhianpa MLA bawkin a rawn chhan a, "Jail ah an lut maithei" a la rawn ti ta deuh deuh !! Letter Head hmanga mahni han in vaupung vel te, MLA bawkin na taka han chhan vel te kha ropui viaua an ngaih laiin DIPLOMACY an neih chhiat zia tarlanna mai a ni. K*m 5 bawr vel lo awm leh tur chhung hian Jail a khung tur leh FIR/Complaint tur hi an kuh ṭul anga, Court a inlan reng reng leh insawifiah reng reng hian an hun ṭha an khawhliam ang tih ka hlau hlel love.

Mi eng lutuk ni lo te, mi engngemaw kan nih tak hian kan zia a chiang duh khawp mai. Tunah MAMCO Issue a lo chhuak a, min diriam nasa khawp mai. He mi huam hian ka ti reng a ni. Kei chuan Mizoram ka thlir ṭhin a, min nêktu tam zawk hi chuan ZPM chiah an thlir !! Kan tluang chho viau ange maw..

A Issue kan chaih ngam loh chinah "Midum.." tih angreng, sawi chhawn pawh nuam ka tih loh thil thlengin RAM leh Issue chaih pha lova pathîan neite awmze nei lovin an râk nasa hle. Khawlbawm Pahnih neitu Channel hi ka han bih ve chhin a, ZPM inti dawt lova ruihchilh a ang ber. Subscriber neih tam duh vanga sumdawng rilru pu pawh a ni ve thei tho. "Cheaters" vel buaipui chhunzawm zel se a ti fuhin ka ring. Thil Technical lutuk, hriat chian phak loh hi chu chaih chaih ve loh a ṭha. Nimin lama Legal Dept. inhmuam ûp tak tak te Chairman pawhin a Wall ah Social Media Press Meet (Insawifiahna) a chhuah nawn leh awn awn phah saw !!

MAMCO ah chuan Richie Vanlalhmangaiha chuan Civil Court ah pawisa ṭhingtu a la neih zia tarlan a ni ta zel a, Audio pakhat ah chuan a Victim te mangangin "MP a tlin chuan a Fund hmangin tih dan dan a awm dawn a ni awm e" ti a sawi chu Victim pakhat chuan "A tling dawn tih pawh chiang hlei lova a MP Fund lo beisei te chu a.." tiin beidawng takin a sawi bawk. MP ba ṭhin zui ngai tur a nih chuan a ngaihtuahawm hle ang. Chutih laiin "Hetiang teh hrep hi kan Candidate a nih chuan..." ti a ka sawisel ṭantirh aṭang khan insiam ṭhat aiin inchhan tum lutuk naah a kangkai thui zel a, a tarlangtute zawk archuk tuilo in min chhuah ta a, FIR/Complaint an ti leh a..

ZPM Ṭhalai in "We Shall kill them all" ah chuan PR chhuah meuha a sawitu an chhuan zia hahipa an sawi hnu ah CM berin "We Shall kill them all" han tih ngawt te chu miin min nuihzat tlat" a tih rualin ZPM ṭhalaite chu an nui ve nghal hluah hluah leh ringawt ni awm a ni !! Ṭhenkhatin heti deuh ṭhak tur hi a ni an han ti a, nuih loh a har chang a tam ta.

DAVID SAILO NGE RICHIE :
David Sailo hi MLA Candidate a la ni ngai lova, MP Candidate pawh a ni lo, Party vawn pawh a nei ve lo. Richie a chu ZPM MP Candidate a ni. Kan lepse thiang a, a kawih pawh kan kuai kak huau anga, duh leh kan bih ang chu!! Kan aiawh tur a lawm le.

David Sailo mantir hian Mizoram tan hmasawnna pen khat pawh a thlen dawn lova, ZPM Candidate duh tawka lepse a, a fel lohna, duh khawp lohna te a aiawh tur mipui hnena zirtirna pek erawh chuan k*m 5 lo awm tur a hril daih a sin. Hetiang huama pen chhuak a ni a, duh aiin sum menin a meng a, hei lo deuh hi kan tih lawm lawm laiin buarchuar taka chhan reng ngai an thehchhuak lui a, midang puh puh kual lo leh man tur zawng khu ruai lo hian "Kan Set fuh vak lo a ni" ti a zan mut hmun, k*tsuih lukham meuha in rilru a awm kha a takin aupui ngam ula, Zoram hi kan chhan tlang ni mai tur.

Mi inhnuai luah ve lo, a pa, a pu aṭanga MI HLUN tih vel aṭanga bul in ṭanpui danah leh Legal Dept. awka ah hian mirethei hmuhsitna rawng a kai a, chumi tlukpui chiah chu MP Candidate ah mi awmthei, mihlun ngaihsanna a lo langchhuak leh ta a ni hi. Vai zeize hre em em a kan zawrh kual kha "Vaiin a bum a lawm mawle" kan tih ṭhat leh a ngai bawk si !! Avbt.

HNAHLAN GRAPE AH ZIR FING ANG U :
Hei hi ka hnual rawihna inṭanna a ni. A tirah pâwr em emin "Hnahlan Grape chingtute ṭanpuiin sum tam tak a sawi chhuah sak" an ti tak phiar phiar a, kan han keu thuk zel a, ṭanpui rawng a kai lo chiang a sin!! Ṭanpui ngaite changchawia lo ei lan lawihna a ni ber.

Nuai 370 vel sawi hmuhsak inti khan nuai 240 vel a pe a, Nuai 130 vel ama mimal Pocket ah a dah hmak. Grape chingtute nen inremsiamna awmsa vek tiin sawi mam eng ang mah ila, a sum duh zia a hun taka tarlan ni maiah ka ngai. Mi harsa te, mangang te ṭanchhana VAIBELCHHIA neih tum ran, nei zui ta hi ṬANPUITU viauah ngaih a har tlat nia !!

Kan han keu thuk zel a, a tak rama Central Ministry/Secretariat a a nâk zen meuha ṭan khawhtu, insawi thei ve ngai miah lo, Pu Ronald Sapa Tlau (Congress) MP ten an lo bawhzui nasat zia te, khatih laia CM, Pu Hawla meuh pawhin ngaipawimawh a a DO (Demi Official) Letter nena ṭan a khawhpui dan te kan hre zel a, khatih hun lai khan kan MP leh CM hian 35% (Nuai 100 chuang) hi Richard Vanlalhmangaiha chanpual tur tih hria se, a ni ngawt hi chu Delhi tlangah a hawi lawl lawl ngei ang. Chutiang mi, sum lama khaw hmu lo tak mai chu mi tak cheibawlin kan lo cheibawl a, ṭhenkhatin dan hmanga BA an ṭhin tlawt tlawt mek chu awrphiarin buarchuar takin sawimawi/sawimam hna kan thawk ta dah a. ZPM hi a ti CHEAP ngawih ngawih a ni !!

TLIPNA :
Mizona tuipui rût mai, hausak em em tum lo a lang, Pu Lalmuanpuia Punte te, a vanglai aṭanga vawiin thlenga lar tlin leh inzir peih, Pu Vanlalsailova te, mithiam valai tak Dr.C.Lalrammawia te leh midang, hetiang teh nek lo hi ZPM kan lo thlir ve pawh hian Candidate âwm tak tak an tam tih a lang reng.

Mihlun lo leh mi inhnuai luahah hian mi tak tak tam tak an awm ve tho a nia !!

10/04/2024

Lalpa'n min pui ang a, ka thlaphang reng reng lo. Politics kan khelh chhan hi sum leh pai, ther hlo lam a ni lo. Kan hnam damna tur atan a ni zawk.

Kan hnam damna tura politics khel ngam lo chuan khel lo mai rawh se, tih hi ka ngaihdan a ni.

- K.VANLALVENA

10/04/2024

THU BENGVERH
David Sailo
10th April 2024

K*m 2012 a ni a, khatih laia MAMCO Managing Director, Lalremthanga leh Asst. Manager, Richard Vanlalhmangaiha te chuan Contract hna hmuhsak tîamin Contractor mi 8 leh mimal ṭhenkhatah Nuai 268 lai mai laksakin an bum a ni.

K*m 2022 ah Court chuan Lalremthanga hi Nuai 15 chawi tur leh k*m 5 tang turin a Convict ta a ni. Hetih laia Lalremthanga nena pawisa, pawisa fai ngata dawng dun thlap thlap, Affidavit ah pawh hming Sign meuha mi tam tak bumtu zinga mi, Richard Vanlalhmangaiha vawiin thlenga zalen taka a la khawsa mai ni lo, MP Candidate hial a ni thei hi a Candidate tuten sawifiah a ṭha khawp mai. A thubuai a la tawp lo !!

Kuthnathawktute hmuhtur 35% (nuai 100 in chuhsakna) a rîk mek laia SUM ah bawk thawm ngaihnawm lo awm zui leh hi chiang zawkin vawiin hian Tuesday Nightmare-in a rawn puang dawn a, ka rawn ziah chhunzawm ve ang.

MP a tlin hlauh chuan MP Fund hmanga leiba ṭhîn tum an awm hial em !!

https://www.facebook.com/profile.php?id=100076053713245&mibextid=ZbWKwL

05/04/2024

𝗧𝗕𝗖 𝗟𝗔𝗟𝗩𝗘𝗡𝗖𝗛𝗛𝗨𝗡𝗚𝗔 𝗠𝗟𝗔 𝗔𝗧𝗔𝗡𝗚𝗔 𝗕𝗔𝗡𝗚 𝗧𝗨𝗥𝗜𝗡 𝗔𝗡 𝗣𝗛𝗨𝗧

Adviser to Chief Minister (MoS rank) a awm mek TBC Lalvenchhunga MLA chu diklo taka a unaute duhsak a puhin All Mizoram Car Rental Association (AMCRA) chuan MLA atanga bang turin an phut.

AMCRA chuan thuchhuah siamin, Mizorama sorkar kal tawh zingah Election Official te tana Car Rental hman chungchangah thil fel lo tunhmain a la awm ngai lo a. Tun ṭuma heti taka kan buaina chhan chu TBC Car Rental neitu TBC Lalthatluanga unaupa Adviser to Chief Minister Pu TBC Lalvenchhunga MLA hian diklo taka a chhungkua a duhsakna avang niin an sawi.

ZPM sorkarna hnuaia an MLA, Adviser to Chief Minister ngeiin ama mimal vua leh vang te vulh nana a thuneihna dik lo taka a hmang sual duh hi kan dem tak zet a, Tbc Lalvenchhunga hi MLA ni tlakah kan ngai lova, ZPM sorkar hian a Ministry timualphotu TBC Lalvenchhunga hi ban a nih theih nan chak takin hma la nghal rawh se, an ti a ni.

TBC Lalvenchhunga hian Adviser to CM office a thawktu lak danah a chhungkhat laina hnai hlir a thun niin sawi a lo awm tawh a ni.

28/03/2024

KALPHUNG THAR AH RESTRICTED TENDER A LAR.

Aizawl - 28, March 2024

RTI zawhna chhan-na a alan danin Pu Laltlanmawia, ZPM Gen Hqrs General Secretary chuan Women& Child Development Directorate & Centre of Excellence - Training Centre Amount Nuai 80 chu tender chhuah lovin a thawk dawn a. ZPM Kamrula a che chho tan dawn niin a lang.

Campaign laiin ZPM ten kalphung tharah chuan restricted tender kan ti ve lovang ti a campaign auhla ah nasa takin an hmang, sawrkar-na an siam hnuah restricted tender chu CM kal tlang chauhin a ni ang a ti leh, chutianga CM kal tlanga restricted tender an in pek tawhsa chu ZPM chhung ah leh a support tute atangin na taka do leh sut tura nawrna a awm vangin sut leh a nih kha.

Tun ah hian restricted tender a an in pek ngam tak loh avangin kawng dang an zawng leh ta a, cheng nuai 80 zet chu department te thawh tur angin departmental work a tih chhuah a ni a,(Departmental work hi nuai tling mang lo leh nuai 2/3 vel amount ang chi ah hi chuan hman thin chu a ni), ti chuan departmental work ang a kal tirin cheng nuai 80 zet man chu work supervisor ah an mi duh zawng Pu Laltlanmawia, GS ZPM chu dah in, a ni hi Contructor/ he hna thawktu tur chu a ni ta a ni.

Hetiang a mipui bum tum reng renga khawsa kalphungthar ten, tactic chi hrang hrang min play kual khum vel hi mipui te hian kan ngaihdam loh hun a la thleng ngei ang.