06/06/2020
TRUMP’S WORLD : Part – LX (60).
Ricky L. Colney
Kan Post khat bawk a, Post hi a thui
hle dawn a ni.
Inthlanpui a hnai telh telh a,
Democrats lam duhthusam thil thleng
a tam tual tual a, Democrats leh
Hollywood celebrities te chuan zep lem
lovin Donald Trump a a tlak theihna
tur anih chuan USA ah chhiatna
thleng se an economy thlengin
tlachhe vek mahse pawi an tih loh thu
an sawi chamchi a, an duhthusam chu
a thleng ta em ni?!
1) Coronavirus :
Hriat theuh angin CHINA hripui
Coronavirus chuan USA a luh chilh
hnu ah chak takin USA dinhmun a tha
zawng zawng a phet thlu a, K*m thum
chhung a President Trump an a lo siam
that chhoh tawh US Economy techu ni
reilo te chhungin a tla chhe vek ti ila
kan sawisual lovang. Covid19 laka US
an him theih nan Trump a khan
January thla daih tawh ah CHINA nen
an in tlawhpawhna a khar tawh a,
chutih hun lai chuan Democrats
hruaitute chuan Trump a chet dan chu
Chi leh chi in huatna ani tiin an sawisel
nasa hle a ni. Trump a sorkar in mipui
fimkhur tura thurawn a pekchhuah
hnu ah pawh Democrats hruaitute
chuan Mipui te lengchhuak vak turin
an la fuihpawrh leh zel a nih
kha..Tichuan VIRUS chuan an nuai
taktak a.,chu veleh Democrats lamin
VIRUS chu TRUMP a beihna remchang
ani tih an hre thar a ni chek ang, Covid
avanga nunphung a buai a, Economy a
chhiat zelin November a daih thleng
anih chuan Inthlanna ah Trump a
chuan a tuar hle dawn tih an hria a
ni..an tanhmun an thlak ta hlawk a,
nasa takin Mipui an sawithaih chho leh
ta a, Lockdown pawh khirh takin an
kalpui chho a, Inkhawm leh pawn
chhuak te an man a, MEDIA techuan
Social Distance pawimawhzia an
tlangau pui reng bawk a, USA a natna
khirh taktak a thi te pawh chu Covid
vanga thi anga record chho zelin
Khawvel a Covid avanga thi tamna ber
hial te anni chho a, US economy chuan
namen lovin a tuar ta reng a ni.
Hun a lo rei deuh a, US republican
State techuan pawngpaw Lockdown
extreme taka kalpui chu tha an tilo a,
nasa taka an zirchian hnu in Covid chu
an in sawithaih ang em em a
hlauhawm nilovin an hria a, Tichuan
Republican State techuan Fimkhur tak
siin an nunphung pangai an kalpui leh
ta a, MEDIA techuan chutiang State
techu New York aia thi tam tur anni
tiin an puang dur dur bawk a, mahse
Fimkhur chunga nunphung pangai a
kalpui tute State ah techuan Covid kai
thar chu sawiloh a case a tlahniam
char char a, Strict taka an kalpui na
Democrats state techu thi an pung zel
tih hmuhchhuah a ni leh a..USA mipui
zingah inkhung chawt duhtu an
tlahniam a, US Economy chu hawng
vek nise ti a duhtu an pung chak hle a,
Democrats hruaitu te rorel dan sawisel
tu an pung chho ta..chutih lai tak
chuan CHHIATNA DANG a rawn thleng
leh ta a ni.
2) George Floyd thah leh a nghawng :
25th May ah Democrats State
Minnesota ah Mihang George Floyd a
chu pawisa lem hman a tum avangin
Police in an man a, a mantu zinga
Police chuan a khup hmangin a hrawk
ah nem betin chu chu Floyd a chuan a
thihpui ta a ni. George Floyd a hi k*m
2007 khan silai nen mi a rawk avanga
man tawk tawh a ni a, tin 2009 ah k*m
5 tang tur a a chungthu rel tawh a ni
nghe nghe a, mahse a mah hrechiang
tu techuan pa zaidam leh fel tak a ni
an ti. George Floyd a thah a nih dan hi
engzawng mahin sawimawi emaw
chhuanlam siam theih a nilo a, rawng
taka thah a nih dan hian Khawvel a
nghawng chhuak nghal a.. US midum
zingah Police huatna nasa tak lo awm
sa tawh chu chhem alhin Buaina a
chhuak ta a ni.
George Floyd a thah a nih lai Video
chuan hmun tin a dengchhuak a, Mipui
an thinrim a, Mingo leh Mihang inkar
inhuatna a ti zual a, US thunei tu ten
Police inhnamhnawih 4 techu an hna
atangin rang takin an ban nghal
a.,chumai nilovin an man zui nghal
a..Authority te, President Trump a
thlengin chu tualthah na an demzia an
sawichhuak a, Police in hnamhnawih
techu chhui chiang a, an phu tawk
hremna na tak pek annih tur thu
thlengin USA President leh Police
hotutte chuan an sawi a, mahse
chutiang zawng zawng pawh chuan
Boruak sa a chhem dai zo tawh lo. USA
a alh ta hluah hluah mai a ni.
3) Anarchy in USA :
Diklo leh Rawng taka George Floyd a
thah a nih vang chuan USA khawpui
hrang hrang ah kawng an zawh a,
kawngzawh tu te chu an che na tual
tual a, Peaceful Protest tur a lang kha
Tharum thawhna in a khat chho ta a,
USA dawr leh In techu kawngzawh
tute chuan an vawm chhia a,a chhung
a bungrua te an rawk vek a, an Hal zui
thin a..Car leh an hmuh remchang a
piang techu an Hal alh dur dur mai a ni.
Dan leh dun in awmzia a nei ta
lo..POLICE Station thlengin an hal chim
vek a..Pathian Biakin thlengin an hal a,
WHITE HOUSE pawh namen lova ven
that a ngai zui ta! George Floyd a thah
anih vanga Lungawilohna lantir anih
dan ah hian nasa takin DEMOCRATS
rorel tute an in rawlh ngei ni a lan
theihna tamtak a awm chho bawk.
Tharum hmanga Protest tu te hi US
Media CNN leh a dang te chuan a fak lo
zawngin emaw vawi khatmah an
puang lova, Democrats Politician
techuan an chet dan rawva lutuk
techu an dem duh miahlo a, hmun
thenkhat ah chuan inchhung a,
chhungkua awm lai techu hal hlum
tumin an in an Hal sak a, meialh thelh
a inchhung a tang te chhanchhuak
tura kal Kangthelh pawl te pawh
Protester techuan BRICK in an lo
tawng chiam chiam a,(US a, Protest na
hmun tinah tu tih hriat loh ten Truck
leh Motor in Zan reh laiin BRICK trip
tamtak Protester te hman tur an lo
chhawp sak thin) mahse MEDIA ten
heng an thil tih tehi an zep sak a, a
fuihpawrh zawng hlir a an puan thin
avang chuan Protester te chet dan raw
va lutuk chuan zual lam a pan zel a,
Mihang thlavang hauh a lungawilohna
lantir nisi tekhan an mihang pui
tepawh an zuah ta reng reng lo mai a,
Mihang sumdawnna tam tak an
tihchhiat sak a, theihtawp a
khawngaihna dil a an dawr leh In
zuahsak tura lo ngen tute tap lawm
lawm tepawh chuan awmzia a neilo. A
tawp ah chuan Mihring nunna hial lak
ani ta a ni. Protester techuan an thil
tih thelh tum emaw tilo tur a lo dan
tum techu an mihang pui pawh nise an
dim lo a, chutia an chet na ah chuan
an mahni ngei hian Mihang 5 an that a,
tin USA Civil War hun laia Mihang sipai
Regiment hmasaber Hriatrengna hmun
techu hmusit taktakin an chei
chhiatsak vek bawk a ni. Heti taka
nunrawng leh pawikhawih nasa hi
MEDIA techuan an thil tih an thupsak
emaw tih mai tur a ni a, a chhe
zawngin an puangzar duhlo a, an
mithah tepawh an puan sak duh lo zel
a.Peacedul Protester anga lan tir an
tum ngar ngar a ni. Protester te chet
dan chu George Floyd a fate leh Unau
te takngial pawhin em em tiin an dem
thu leh Tharum hmanglo tura an
duhthu an sawichhuak a ,tin Pawi
nasa tak khawih tute chu Trump a
chuan Misual (Thugs) anni tiin hetiang
mi te hian George Floyd a kha an ngai
pawimawh taktak lo, tiin Floyd a thih
na chu hmanrua maiah an hmang niin
a sawi a..chu veleh MEDIA techuan
Trump a chu Protester te sawi nan
“Thugs” tih a hman avang chuan
Mihang hmusit ah puhin an dem rawn
leh ta chiam a, OBAMA khan 2015
khan Baltimore Protester tekha
“Criminals leh Thugs” tiin a lo sawi ve
tawh tho a, mahse MEDIA te chuan an
sawisel ve miah lo tih erawh hre tel ila.
Tin George Floyd a that tu Police pawh
kha Donald Trump a supporter angin
Photo Edit chawp Twitter ah pho
chhuah a ni leh zel bawk a,Twitter leh
FB leh IG te, Youtube leh Google nen
lam hian TRUMP a diriam na leh
sawisel na chu dawt pawh nise an
remove mawh khop mai a, Democrats
lam sel na chu thutak pawh nise
remove emaw lo censor sak an ching
leh tlat si hian MEDIA ten Trump a an
huat zia a sawifiah chiang viau awm e.
Protester che na taktak tehi mi pangai
nilovin Antifa pawl anni deuh zel
a..Antifa hi Democrats lam tang anni a,
a dum in an intuam thin a, hmai an
tuam bawk a, tiang leh Bottle te an
keng fo thin a, an chet tawh na ah
chuan Tharum an hmang ngei ngei ti
ila kan sawi sual lovang. K*m 2017
khan Trump a sorkar ti buai zawng
bawkin Tharum nen an che vak tawh
a, mahse chumi tum chuan tukzal anni
a, tunah hian an rawn che leh ta a ni.
Antifa sum leh paia sponsor tu ber chu
Mi hausa tawntaw George Soros a ni a,
Anti Trump ruh em em niin Clinton leh
Obama thian hnai a ni a, Globalist
agenda kalpui tu a ni. George Soros
hian 2017 khan Donald Trump a chu
2020 ah emaw chumi hma chuan a ri
ral mai a rin thu a lo sawi tawh a ni.
Heng buaina chhuahna STATE tehi an
vai deuhthaw in DEMOCRATS Rorelna
state anni leh zel a, George Floyd a
thah anih na State Minneapolis phei
khachu K*m 59 chhung Democrats in
ro an rel tawh a, an State hotu te
zawng zawng an zavaiin Democrats
vek anni a, Attorney General phei chu
langsar taka Antifa tan em em tu ala
ni zui a, Governor, Secretary of State,
Attorney General, Police Chief, etc an
zavaiin Democrats vek an ni. Buaina
siam a dan bawhchhia a,ruk ru a, In leh
bungrua hal a, an hma a mi nasa
taktak a sawisa zui thin te Police in an
man techu Hollywood milar rual
techuan an lo bail chhuak nghal zel
bawk a.Pawikhawih na a
inhnamhnawih an chhuah theih nan
Sum leh pai thleng a tan lo latu zingah
hian Democrats Presidential Candidate
Joe Biden a Campaign pawh an tel ve
nghe nghe a ni. Buaina siam a
kawngzawh a, in leh lo motor etc hal
alh dur dur tute hi Democrats chuan
an mahni Voters vek anni tih an hriat
vangin an chungah Action an la duh
meuh lo, Minneapolis Police Station
meuh an hal dawn pawh khan
Democrats Mayor khan Police tekha an
Station hal tum lo dang buailo a, lo in
thiar fihlim turin thu a pe a ni.
Protester ten Motor halin pawi nasa
tak an khawih hnu pawh khan Mayor
chuan chutiang techu tukdaih tum a
hnek in “In thil tih lai khan Social
Distance keep up rawh u” tiin a chah
ringawt bawk. New York buaina tu dai
tura National Guard ko lut turin Trump
an thurawn a pek hnu ah pawh rei tak
chu New York Democrats rorel tu
chuan a ko lut duhlo a, buaina a
inhnamhnawih an man zingah New
York Mayor Bill de Blasio a fanu k*m
25 mi pawh a tel ve nghe nghe a,
Washington DC a White House a
Protester ten White House luh chilh
tuma an nawr chiam a, Secret Service
pakhat in hliam a tuar a, Car Bomb a
awm bawk ni a an hriat avangin
Donald Trump a pawh hmunhim
Bunker ah hruai luh a ni hial a, heng
buaina a chhuah lai pawh hian
Washington DC Mayor chuan Protester
lo dang tur in Police a tir duhlo a,
“White House ven kan mawh a nilo “ a
lo ti tlat bawk a ni.
4) Donald Trump an Biakin a tlawh a,
Bible a ken lang avangin nasa taka
sawisel a tawk :
Washington DC a Biakin hmingthang
em em St.John Church chu Protester
ho chuan an Hal leh bawk a, mahse a
alh chhiat hma in thelh a ni a, chu
Biakin chu Donald Trump an White
House atangin ke ngatin a tlawh a.,
Biakin chhung ah thingthi in a
tawngtai a, tin Biakin kawt ah chuan
BIBLE chu a keng lang bawk a, Donald
Trump a chuan “America ah Biakin kan
hal ngai lo” tiin a sawi zui a, Donald
Trump an BIBLE a ken lan avang
chuan Social Media ah HI**ER a thlalak
ah Donald Trump a ken ang chiahin
Hi**er a chu BIBLE keng angin an edit
leh a, Donald Trump a chu Hi**er nen
an chetzia in anna nei angin Twitter ah
an lan tir leh a ni. Hetia Trump an
Biakin a tlawh leh Bible a keng lang
chu MEDIA leh Milar hovin nasa takin
TRUMP a dem nan an hmang zui a, Thil
tullo tak a ni tiin a lang a pau a lan
that tum ah Donald Trump a chu an
puh a, an sawisel chiam chiam a,
mahse Biakin hal a nih chungchang
leh Biakin Hal tute chu tuman an
sawisel leh miah lo thung.
5) SAIPUI kallai Uitangin a bauh ding lo
:
(a). SPACE ah in kapchhuak : USA ah
buaina a chhuak a, Donald Trump a do
tute lawm na hlir a thlen mek lai
chuan Trump a chuan a ngai rengin a
hna a thawk a, USA in hun reitak an lo
chawlh san titih tawh Van lam ah hma
thar an lakna atan a mel lung
pawimawh tak an phun leh a, US
ramchhung atang ngeiin 30th May
khan Van ah Mihring an kap chhuak
leh ta a ni. He inkahchhuah na hi a
pawimawh na chhan em em pakhat
chu Space X leh NASA tang rual hian
International Space Station ah Russian
Rocket leh Capsules hmang lovin an
mahni intodelhna in mihring an kap kai
thei tawh dawn a ni a, “Donald Trump
a leh Vice President chuan a hmun ah
Rocket an kapchhuak lai hi an en a
“Tun hma a ram hruaitu te khachuan
Astronaut te van sang ah an kahkai
dawn in Ram dang theihna ah an
innghat thin a, tunah chuan a ni tawh
lo, Vawiin ni ah chuan America siam
chhuah Rocket, khawvel a tha ber
hmang ngeiin America leilung atangin
American Van sang ah kan kap chhuak
leh ta a ni” a ti. He thuthar ropui tak
leh lawmawm tak hi CNN leh Left
Media ho chuan an puangzar tha duh
mang hauh lo.
(b). Coronavirus case a tlahniam :
George Floyd a thih hma khachuan US
MEDIA leh Democrats te rilru luah
khat tuber chu Covid19 a ni a, chhunlo
chat lovin US ah mithi an pung belh zel
niin record a ni bawk a, pawn chhuak
emaw in awm hnaih apiang chu man
anni a, MEDIA techuan chutiang techu
COVID kai ngei ngei tur leh midang ti
ralti tiin an chhuah hmingchhe thei
hle bawk a..mahse George Floyd a a
thih hnu chuan Coronavirus insawi
thaih na leh hlauhna tekha a reh ta
vek a, MEDIA ah Covid in hmun a chang
tawh lo, Pawn chhuak lo tur a Mi fuih
nasa ber Democrats hruaitu te leh
MEDIA techuan Protest tur a pawn
chhuak techu an fuih emaw tih turin
thu an chhakchhuak reng a, Social
Distance pakhatmah kalpui lovin
buaina an siam zui a, chutiang ti ho
chu MEDIA techuan an nihna bakbak
“Peaceful Protester” tiin an in faksiak
nitin mai a ni. Covid case record pawh a
tla hniam ta zel a, US a a tlak natna ber
New York ah pawh a vawikhat nan Thi
awm miah lovin ni an hmang ral thei
tawh a, Covid kaithar record awm lovin
tlakhniam lam a pan ve ta a ni.
(c). US Economy a tho kang leh ta :
Democrats leh Hollywood milar ho chu
an lawm ve kher lo tur ah ngai ila,
Economist tha ber ber hovin hahip in
MAY thla ah US economy chhe zel tur
leh hna chan ruih ruih turin an lo in
hril lawk siak a, mahse mithiam te leh
mi reng reng rin loh dan berin thil a
rawn in her ta thut mai. Buaina namen
lo in a luhchilh chung pawh chuan US
economy chu nasa takin a rawn in UP
a, May thla chhungin Unemployment
chu 13.3% ah a tla hniam a, Hna thar
2.51 Million chuang a rawn awm dawrh
mai a ni. US Stock market, Dow Jones
Industrial Average tepawh 673 points
in a sang chho a, Wall Street Analyst
(Economic mithiam te) ten May thla ah
US ah mi 8 Millions chuangin hna an
chan tur leh Unemployment pawh
19.8% in a sang tur a an lo sawi lawk
chu a diklo chiangin a sawi tute a
barakhaih chiang hle. Donald Trump a
chuan US hma a eng chho tan tih
sawiin 2021 lo awm tur chu US hun tha
ber a nih tur thu a sawi.
(d). IRAN in US an mi hren an chhuah :
IRAN chuan Thursday khan an mi man
US Navy veteran Michael White a an
chhuah zalen a, US ah an haw tir.
Michael White a hi ni 683 chhung IRAN
in an hreng tawh a, Iran Court chuan
k*m 10 chhung tang turin thluthlukna
a siam tawh a ni a, Trump a sorkar
hmalakna avangin chhuah zalen a lo
ni ta a ni. Hetiang thu lawmawm tak a
thleng hi MEDIA ho chuan an chhuah
tha duh leh miahlo pek a, ABC leh CBS
phei chuan an chhuah duhlo tawp a,
heng chanchin hliahkhuh tur hian Tun
hnai a Trump a sawisel tu, a Defense
Secretary hlui Jim Mattis a
thukhawchang hlir an chhuah.
AWLE Sawilawk angin POST a thui hle
mai a, hetilai la chhiar thleng techu in
fakawm khop mai..US buai mup mup
laia Hillary Clinton I Court in a koh na
te, Trump a beitu te chung thu rel
chhoh anih dan te, Democrats hovin
POLICE department thiah vek a, Police
awm tawh loh tir an tum dan techu
kan sawi tawhlo mai anga, DONALD
TRUMP a khawvel hi a chhukchho thin
viau mai a, beihna hi a tawk lian theiin
harsatna namen lo a pal chho mawlh
mawlh mai a, chutiang anih pawh
chuan a tawp ah engkim a fel chho leh
mai thin..George Floyd a thih
chungchang ah pawh hian Trump a
hian a chhiat pui viau tur a rin anih
laiin tunah chuan US mipui tamzawk hi
Protester te chet dan ah an lungawilo
leh tawh a..Hetiang lo tanpui reng tu
Democrats te hi an dem leh daih tawh
a..Chutah US ah Covid 19 lah chu a
ziaawm chho ta zel a, US Economy a
kang chho leh tan tawh bawk si..Buai
nuaih nuaih kar a a tawp a rawn fuh
leh thin nachhan chi enge ni a I rin?!
Chunglam inrawlhna anih I ring em?
