Ticeda

გამომცემლობა „წიგნი+ერი“ დაარსდა 2012 წელს. გამომცემლობა ემსახურება ქართველი ერის სულიერი და მატერიალური ფასეულობების წარმოჩინებას, რელიქტური და ენდემური ღირებულებების გამომზეურებას. მარცვალ–მარცვალ კრეფს იმ ძვირფასს, ხალასს, ეროვნულს, რაც ქართველს ქარცეცხლიან საუკუნეებში შეუქმნია, სისტემაში მოჰყავს, გამოსაცემად ამზადებს და მომთხოვნი ქართველი მკითხველის სამსჯავროზე გამოაქვს.

საილუსტრაციოდ გამოდგე

ბა სერიული გამოცემა „ჩვენი ღირსებანი“, რომლის 10 ტომი უკვე გამოცემულია. გამოსაცემად მზადდება ქართული ხალხური მედიცინა; ხელნაწერთა თავგადასავალი რომელთაც მკითხველი უახლოეს მომავალში იხილავს.

გამომცემლობა „წიგნი+ერი“-თვის პრიორიტეტულია ორენოვანი, სასაჩუქრე გამოცემები როგორიცაა მაგ. ვაჟა- ფშაველა რუსუდან ფეტვიაშვილის ილუსტრაციებით და სხვა.

გამომცემლობის მნიშვნელოვან ინტერესს წარმოადგენს ასევე ფსიქოლოგია. უკვე ითარგმნა გერმანულიდან და გამოიცა ისეთი მნიშვნელოვანი გამოცემა -“ბესტსელერები“, როგორიცაა ფრიც რიმანის „შიშის ძირითადი ფორმები“, „სიყვარულის უნარი“ და „დაბერების ხელოვნება“. ავტორთა კოლექტივის კრებულები ფსიქოანალიზში: ,,ასე სწავლობენ ბავშვები ლაპარაკს’’ და ,,დედიკოს ბიჭი თუ სუპერმენი’’. ამ მიმართულებითაც გამომცემლობა არაერთ სასიამოვნო და საჭირო სიახლეს შესთავაზებს მკითხველს.