!["እቲ ፖለቲካዊ ምርጋፅ ንማንም ትግራዋይ ኣይምጥንን። ሰራዊት ድማ ናይ ማንም ሓሽከር ኣይኮነን"ኣዛዚ ኣርሚ 33 ተጋዳላይ ጀነራል ወልደጅወርግስ [ሸሪፎ] ቃል ብቃል እዚ ዝስዕብ መልእኽቲ ኣመ...](https://img3.medioq.com/699/453/819198756994538.jpg)
23/08/2024
"እቲ ፖለቲካዊ ምርጋፅ ንማንም ትግራዋይ ኣይምጥንን። ሰራዊት ድማ ናይ ማንም ሓሽከር ኣይኮነን"
ኣዛዚ ኣርሚ 33 ተጋዳላይ ጀነራል ወልደጅወርግስ [ሸሪፎ] ቃል ብቃል እዚ ዝስዕብ መልእኽቲ ኣመሓላሊፉ ኣሎ።
"እቲ ኩነታት ካብ መጀመርትኡ መራሕቲ ዘይኮኑስ ህዝቢ ትግራይ እዩ ክኢልዎ። ኣብ ቦትኡ ዝፀንሐ ዘይተበረዘ፥ ዘይተዛበዐ እውን ህዝቢ ትግራይን ህዝቢ ትግራይን ጥራሕ እዩ። እቲ ተጋዳላይ እውን ካብ ህዝቢ ትግራይ ዝወፀ እዩ። እዚ ህዝቢ እዩ ነቲ ተጋዳላይ "ኣጆኻ" እናበለ፤ ቆሎ ትኹን ገለስ ትኹን እናሃበ ቡዙሓት ኣሃዱታት ክንፈጥር ዝገበረ እዚ ህዝቢ እዚ እዩ።
እዚ ዝገበረ ህዝቢ፤ እቲ ሐዚ ዘሎ ምርጋፅ ፖለቲካ ነዚ ህዝቢ እዚ ዝምጥን ኣይኮነን። ዓለም ዘንቀጥቀጡ መራሕትና ዘይኮኑስ ህዝብና እዩ፥ መንእሰይና እዩ። ሐዚ ናይዚ ክሕደት ዝመስል ነገር ይስመዐኒ ኣነ ውሽጠይ። ሐዚ ግን ካብ መፀ ባዕሎም እቶም ፖለቲከኛታት ይወድኡ ናይ ባዕሎም ስራሕ እዩ ንሱ።
ጠቕላላ ሰራዊትና ግን ናይ ማንም ሓሽከር ኣይኮነን። ንሕና ናይ ማንም ኣይኮናን። ህዝብና ሰላም ክኾን ኢና ንደሊ። ሉኣላውነትና ክምለስ ኢና ንደሊ፣ ተመዛባላይና ክምለስ ኢና ንደሊ፥ ኣብ ትሕቲ ፀላኢ ዘሎ ህዝቢ ሓራ ክወፅእ ኢና ንደሊ። ኣብዚኣ ኢና ክንረባረብ ዘለና።
እዚ ሐዚ ኣጋጢሙ ዘሎ ፖለቲካዊ ኩነታት ከጋጥም ኣይነበሮን። ንማንም ንዓይ እውን ዝነኽአኒ እዩ፥ ንማንም ተጋዳላይ ዝነክእን ዝስመዖን እዩ። ንዓይ እውን ከም ሓደ ተጋዳላይ ይስመዐኒ እዩ።
እዚ ኹሉ ዋጋ ከፊልና ናብ ከምዚ ዓይነት ሕቱኽቱኽ ክንኣቲ ኣይግመትን ነይሩ። ፀላእትና ብዝፈጠርዎ ፕሮጀክት ወይ Home work ኣውኡ ዓሲልና ኣለና። ፖለቲካዊ መራሕቲ ኣውኡ ከባቢ ደብረኽረኽ ይብሉ ኣለው። ፀላእቲ ሐዚ ምንም ዝደልይዎ ነገር የለን ነቲ ሓዊ ከይሓዊ ምቑስቋስ ጥራሕ እዮም ዝደልዩ። ካልእ ዘፍርሖም ነገር የለን ሕማቕ ነገር ባዕልና ኣምፂእናሎም ኣለና።
እታ ሕማቕ ነገር ባዕሎም ከምዘምፅእዋ ግን ባዕሎም ከዕርይዋ ኣለዎም። ሰራዊት ኣብዚ ከባቢ ትርሙስሙስ ዝብል እንተሃልዩ ዋጋ ኣይብሉን። ኣይምልከተናን ክትብል ኣይትኽእልን። ግን ንህዝቢ ዝርብሽ ነገር ተሃልዩ ኣይንደልን። ኣብዚ ክርብሽ እየ ዝብል ሓይሊ እንተሃልዩ ኣቸጋሪ እዩ።
እቲ ፖለቲካዊ ምርጋፅ ግን ለሚዶምዎ ኣለው ቀልጢፎም ዘይምስትኽኻሎም፥ ቀልጢፎም ዘይምውድኦም ግን ብኡኡ ኢና እንሓዝን። እዚ ንማንም ትግራዋይ ኣይምጥንን። ኣብ ደገ ዘሎ ሓይሊ እውን ይስሕቕ ይኾን እዩ ብኣና። ዘይገመቶ ነገር ስለዝኾነ።
ጀነራል ወልደጅወርግስ ተኽላይ [ሸሪፎ]
#ርኢቶ:
ወርቂ ዝኾነ መልእኽቲ። ኩሉ ሰራዊትና እዛ መትከል እዚኣ ይተሓንገጣ።
