https://www.facebook.com/130756036794388/

Admas-Details, Hawassa, Hawassa (2024)

09/05/2024

እንዳያመልጥዎ‼️

"Admas-Details" ይህ የ"YouTube Channel" የወጣቶች ገፅ ነው። ዝግጅታችን የሚያተኩረው በወጣቶች አዕምሮ ውስጥ በብዛት ስለሚመላለሱ ሀሳቦች ላይ ነው። ይህ ማለት ስለ ስራ፣ፍቅር፣ቴክኖሎጂና ወጣቶች ....

22/02/2024

✅ ባል ሚስቱን ከሌላ ሴት ጋር ማነፃፀር የጀመረ እለት ትዳሩ መሞት ይጀምራል‼️

👉 ለምሳሌ ከ"Pornography" አንፃር ብንመለከት በትዳር ውስጥ ወሲባዊ እርካታ እንዲቀንስ ያደርጋል:: ምክንያቱም p**n video ላይ ያየነውን ነገር ቤታችን ማግኘት አንችልም:: ለምሳሌ ባል p**n አይቶ ከሆነ ወደ ሚስቱ ሚመጣው እዛ p**n video ላይ ያያትን ሴት እና ድርጊት በአይምሮው ይዞ ወደ ሚስቱ ይመጣና ሚስቱን እንደዛ እንድትሆን ይጠብቃል:: p**n video ላይ ያያትን ሴት ከሚስቱ ጋር ማነፃፀር ይጀምራል:: ባል ሚስቱን ከሌላ ሰው ጋር ማነፃፀር የጀመረ እለት ትዳሩ መሞት ይጀምራል:: ወሲባዊ እርካታ በትዳር ውስጥ ባል እና ሚስት እርስ በእርስ እየተጠናኑ በግዜ ሂደት የሚመጣ እንጂ ከሌላ ቦታ የምንማረው ነገር አይደለም::

👉 ብዙ ጥናቶች እንደሚያመለክቱት p**n ሚያዩ ሰዎች በጭንቀት (depression) ይጠቃሉ:: ደስታን እና እውነተኛ እርካታን በማጣት ይሰቃያሉ:: ይሄም በትዳር ውስጥ ሰላም እንዳይኖር ያደርጋል::

https://t.me/admasdetails
https://www.youtube.com/
tiktok.com/
https://www.facebook.com/profile.php?id=61552263323582
https://www.facebook.com/profile.php?id=100092135163070&mibextid=ZbWKwL

28/11/2023

#ውበት

የጀርባና የወገብ ችግር አለቦት ?

- የጀርባ መጉበጥ ችግርን ፣የጀርባ ዲስክ መንሸራተት; በእድሜ መግፋት የሚመጡ የጀርባ ችግሮች የሚከላከልና ፣ ቀጥያል እና ማራኪ ቁመና የሚያላብስ
ሙሉ የወገብ 950 ብር
የመቀመጫ Cushion 650 ብር
የጀርባ Pillow 550 ብር

☎️ 0911607446
ያሉበት ድረስ በነፃ እናደርሳለን
ቦሌ መድኃኔዓለም ቤዛ ህንጳ 2ኛ ፎቅ 208

28/11/2023

የአባላዘር በሽታ

ክፍል 5

የአባላዘር በሽታ አይነቶች

8 HIV

ይህ ቫይረስ ሌላ በሽታ የመከላከል አቅማችንን የሚያዳክምና ለሌላ ቫይረስ፣ባክቴሪያ ወይም ለካንሰር የሚያጋልጥ ነው።
በሰአቱ ካልታከምነው ወደ 3ተኛ ደረጃ HIV ይቀየራል ይህም AIDS በመባል ይታወቃል ነገር ግን ባሁን ሰአት ባለው ህክምና አማካኝነት HIV ያለባቸው ሰዎች ወደ AIDS እንዳይቀየርባቸው ያደርጋል።

የዚህ ቫይረስ የመጀመሪያ ደረጃ ምልክቶቹ ከጉንፋን ምልክቶች ጋር ተመሳሳይነት አላቸው።

የመጀመርያ ደረጃ ምልክት የምንላቸው ፦

*ትኩሳት
*የመንቀጥቀጥ ስሜት
*ቁርጥማት
*የጉሮሮ መድረቅ
*ራስ ምታት
*ማቅለሽለሽ

እነዚህ ምልክቶች በወር ውስጥ ይጠፋሉ ከዛ ምንም አይነት አስጊ ምልክት ሳያሳዩ ለብዙ አመታት የዚህ ቫይረስ ተሸካሚ ሆነው ይቆያሉ ነገር ግን አንዳንድ ሰዎች ከዚህ በታች ያሉትን ምልክቶች ሊያሳዩ ይችላሉ

*ትኩሳት
*የሆድ ህመም
*ድግግሞሽ የበዛበት የድካም ስሜት
*ራስ ምታት

እስካሁን ድረስ ለዚህ በሽታ የሚሆን ማሻያ መድሀኒት አልተገኘም ነገርግን ወደከፋ ደረጃ እንዳይደርስ መቆጣጠርያ መንገዶች አሉት።

ወዲያውን ህክምና ከተደረገ HIV በደሙ ያለበት ሰው እንደ HIV በደሙ የሌለበት ሰው ረጅም እድሜ መኖር ይችላል።

አግባብ ያለው ህክምና ከተደረገ ቫይረሱን ወደሌላ ሰው እንዳይተላለፍ እንዲሁም በደም ውስጥ ያለውን የቫይረስ መጠን ለመቀነስ ይረዳናል።
አብዛኛው ሰው በደሙ ውስጥ ቫይረሱ እያለ ነገርግን ያሰው ሳያውቀው ሊቀር ይችላል በዚህም ምክንያት እድሜያቸው ከ 13-64 ያሉ ሰዎች ቢያንስ አንድ ጊዜ ምርመራ ቢያደርጉ ይመከራል።

በዚህ በሽታ የመያዝ እድላቸው ከፍተኛ የሆኑ ሰዎች ምልክቱ ባይታይባቸውም በአመት አንድ ጊዜ መመርመር ይመከራል።

ባሁን ሰአት ባለው የምርመራና የህክምና እድገት አማካኝነት ቫይረሱ በደም ውስጥ ቢኖርም ረጅምና ጤናማ ኑሮ ለመኖር ይቻላል።

ክፍል 6 በቀጣይ ሳምንት ይጥብቁን

28/11/2023

የአባላዘር በሽታ

ክፍል 4

የአባላዘር በሽታ አይነቶች
(ካለፈው ሳምንት የቀጠለ)

5 P***c Lice(ቅማንዥር)

ይህ የአባላዘር በሽታ አይነት በብልት አካባቢ በሚበቅሉ ፀጉሮች ላይ የሚፈጠሩ እና የሰው ልጅ ደም በመመገብ የሚኖሩ ትናንሽ ነብሳት ናቸው።

ምልክቶቹም ፦

*በብልት በዙሪያ ወይም በፊንጢጣ አካባቢ የማሳከክ ስሜት

*በብልት ዙሪያ ወይም በፊንጢጣ ዙሪያ ትናንሽ ቀያይ እብጠቶች

*ያልተጋነነ የሰውነት ትኩሳት

*አቅም ማነስ

*የመነጫነጭና የመቁነጥነጥ ስሜት

በተጨማሪም ተባዮቹን ወይም እንቁላላቸውን በብልት ፀጉር አካባቢ በአይን ማየት ይቻላል ይሆናል።
በጊዜው ካልታከመ ወደሌሎች ሰዎች አብሮ በመተኛት፣ልብሶችን በመጋራት እና ቆዳ ለቆዳ ንክኪ በማድረግ አማካኝነት ሊተላለፍ ይችላል።

እነዚን ተባዮች በጊዜ ማስወገድና ንፅህናን መጠበቅ አስፈላጊ ነው።

6 Trichomoniasis

ይህ የአባላዘር በሽታ አይነት በጥቃቅን የፕሮቶዞአ ህዋሳት የሚፈጠር ሲሆን ከሰው ወደ ሰው በሚደረግ ወሲባዊ ንክኪ ይተላለፋል።

ምልክቶቹም፦

*ከብልት የሚወጣ ያልተለመደ መጥፎ ጠረን ያለው ሽታ (በተለይም በሴቶች ላይ)

*በብልት አካባቢ የማሳከክና የማቃጠል ስሜት

*በመሽናት ወይም በወሲብ ጊዜ ህመም

*ሽንት ሽንት ማለት

ይህ ህመም በጊዜው ካልታከመ ለሽንት ቧንቧ ኢንፌክሽን፣ለወገብ አካባቢ ህመም እንዲሁም ለመሀንነት ያጋልጣል

7 Herpes

ይህ ህመም በተለምዶው አልማዝ ባለጭራ ተብሎ የሚጠራው ሲሆን በሙሉ አጠራሩ "herpes simplex virus" ይባላል።

ሁለት ዋና ዋና የቫይረሱ አይነቶች አሉ፦ 1 HSV1 2 HSV2

ሁለቱም በወሲብ ጊዜ የሚተላለፉ ዋና የአባላዘር በሽታ አይነት ናቸው።ጥናቶች የሚያሳዩት በአሜሪካ እድሜያቸው ከ14-49 ከሆኑ ስድስቱ ሰዎች አንዱ በዚ ቫይረስ ይጠቃል

1 ይህ ቫይረስ በዋናነት አፍ አካባቢ የሚፈጠር ነው

2 ይህ ቫይረስ በዋናነት በብልት አካቤቢ የሚፈጠር ሲሆን ዋና ምልክቱም ውሀ የቁዋጠረ ቁስለት ነው ቁስሎቹም በሳምንት ውስጥ በመፈንዳት ይድናሉ።የመጀመሪያው ግዜ ቁስለት በጣም የህመም ስሜት ያለው ሲሆን ህመሙ በየጊዜው ይቀንሳል

ክፍል 5 በቀጣይ ሳምንት ይጠብቁን

28/11/2023

የአባላዘር በሽታ

ክፍል 3

የአባላዘር በሽታ አይነቶች
(ካለፈው ሳምንት የቀጠለ )

3 Human pappilomavirus

HPV በመባል የሚታወቀው የአባላዘር በሽታ አይነት ከአንድ ወደሌላ ሰው በቆዳ ንክኪ ወይም በግብረ ስጋ ግኑኝነት ይተላለፋል።

ይህ ቫይረስ የተለያየ አይነት ሲኖረው ግማሹ አስከፊ ደረጃ የሚያደርስ ሲሆን ግማሹ ደግሞ ብዙም አይጎዳም።

የዚህ በሽታ ዋና ምልክት የሚባለው በአፍ፣በጉሮሮ እና በብልት አካባቢ ኪንታሮት መውጣት ነው።

አብዛኛው የHPV አይነቶች ለካንሰር ያጋልጣሉ ለምሳሌ የአፍ አካባቢ ካንሰርና የማህፀን ካንሰር ይጠቀሳሉ።

NATIONAL CANCER INSTITUTE እንደገለፀው 70% በ HPV ምክንያት የሚመጣ ካንሰር በHPV16 እና HPV18 በተባሉት አይነቶቹ አማካኝነት ነው።

ይህ ቫይረስ በህክምና እገዛ አይድንም ነገር ግን በጊዜ ወደ ህክምና ቦታ መሄድ አስከፊ ደረጃ እንዳይደርስ ይረዳል።

4 Gonorrhea

Gonorrhea በባክቴሪያ አማካኝነት የሚመጣ የአባላዘር በሽታ አይነት ነው።

በዚህ በሽታ የሚያዙ አብዛኛው ሰዎች ምንም ምልክት አያሳዩም ምልክት በሚታይበት ሰአት ደግሞ ከስር ያሉትን ያካታል

*ነጭ፣ቢጫ ወይም አረንጓዴ የሚመስል ፈሳሽ ከብልት መፍሰስ

*በሚሸኑበት ወይም በግብረ ስጋ ግኑኝነት ሰአት ህመም ወይም የምቾት ስሜት አለመሰማት

*ቶሎ ቶሎ መሽናት

*የጉሮሮ መድረቅ

*ብልት አካባቢ የእከክ ስሜት

በጊዜ ካልታከመ እነዚን ችግሮች ያመጣብናል

*የወንድ የዘር ፍሬ ኢንፌክሽን

*የማህፀን ኢንፌክሽን

*መሀንነት

በእርግዝና ወቅት ከእናት ወደ ልጅ ከተላለፈ በህፃኑ ላይ ትልቅ የጤና እክል ያመጣል ስለዚህ በእርግዝና ወቅት ይህንን በሽታ መመርመር አስፈላጊ ነው።

Gonorrhea በቀላሉ በፀረ ባክቴሪያ ይድናል

ክፍል 4 በቀጣይ ሳምንት ይጠብቁን

28/11/2023

የአባላዘር በሽታዎች
ክፍል 2

የተለያዩ የአባላዘር በሽታዎች አሉ ከነዛ ውስጥም ዋና የሚባሉትን እንመልከት

1 chlaymydia:-ይሄኛው የአባላዘር በሽታ አይነት በባክቴሪያ አማካኝነት የሚመጣ ሲሆን በአሜሪካ ውስጥ ብዙ ኬዝ ሪፖርት ያስደርጋል።በዚ በሽታ የሚያዙ አብዛኛው ሰው ግልጽ የሆኑ ምልክቶች አያሳዩም በሚታዩበት ሰአት ደግሞ ከዚ በታች ያሉትን ምልክቶች ያሳያሉ

*ሽንት በሚሸኑበት ሰአት ወይም በግብረ ስጋ ግኑኝነት ሰአት የህመም ስሜት መሰማት

*ከሴት/ወንድ ብልት ውስጥ ቢጫ ወይም አረንጉዋዴ ፈሳሽ መፍሰስ

*የሆዳችን ዝቅተኛ ክፍል ጋር ህመም መሰማት

ለረጅም ጊዜያት ሳንታከም በምንቆይበት ሰአት ከስር የተጠቀሱት ችግሮች ሊያጋጥሙን ይችላሉ

*የማህጸን ኢንፌክሽን

*ማህንነት

*የወንድ የዘር ፍሬ ኢንፌክሽን

እርጉዝ ሴት በዚ በሽታ ከተያዘችና በጊዜ ካልታከመች በሽታው ወደጽንሱ ሊተላለፍ ይችላል በተጨማሪም ከስር ባሉት በሽታዎች ተጠቂ ይሆናል

*የሳንባ ኢንፌክሽን

*የአይን ኢንፌክሽን

*የአይን መጥፋት

በባክቴሪያ አማካኝነት የሚመጣ በሽታ ስለሆነ በጸረ-ባክትሪያ(antibiotics) ሊድን ይችላል።

2 syphilis:-በባክቴሪያ አማካኝነት የሚመጣ የአባላዘር በሽታ አይነት ሲሆን መጀመሪያ አካባቢ ላይ ምንም አይነት ምልክት ባለማሳየት ይታወቃል

በመጀመሪያ ላይ የሚታየው ምልክት ክብ ቁስል ሲሆን chancre በመባል ይታወቃል።
በአፍ፣ፊንጢጣና ብልት አካባቢ ይታያሉና ምንም አይነት የህመም ስሜት አይሰማም።

በተጨማሪ የሚታዩ ምልክቶች ከታች የተቀሱት ናቸው

*ሽፍታ

*የድካም ስሜት መሰማት

*ትኩሳት

*የራስ ምታት

*መገጣጠሚ አካባቢ የህመም ሰሜት መሰማት

*ክብደት መቅነስ

*የጸጉር መነቃቀል

በጊዜ ካልታከምነው ከስር የተጠቀሱትን ችግሮች ያመጣብናል

*የአይን መታወር

*የማስታወስ ችግር

*የአእምሮ በሽታ

*የአእምሮና የጀርባ አጥንት ኢንፌክሽን

*የልብ ህመም

*ሞት

Syphilis በጊዜ ከተመረመረ በጸረ-ባክቴሪያ(antibitotics) በቀላሉ ሊድን ይችላል ሆኖም ከእናት ወደልጅ የመተላለፍ እድሉ ከፍተኛ ነው ስለዚህ በእርግዝና ወቅት መመርመር አስፈላጊ ነው።

ክፍል 3 ቀጣይ ሳምንት እሮብ ይጠብቁን

28/11/2023

የአባላዘር በሽታዎች

ክፍል 1

የአባላዘር በሽታ (s*xually transmitted diseases) የሚለው ቃል ከዚ ቀደም በተሰጠው ትርጉሙ እንደሚያመለክተው ልቅ በሆነ ግብረ-ስጋ ግኑኝነት የሚተላለፍ በሽታ እንደሆነ ነው ነገር ግን ልቅ የሆነ ግብረ ስጋ ግኑኝነት ብቻ መተላለፍያው ነው ማለት አይደለም።

ብዙ የአባላዘር በሽታ አይነቶች አሉ መተላለፊያ መንገዳቸውም ሊለያይ ይችላል።ለምሳሌ ጡት በማትባት ጊዜ፣ስለታማ ነገሮችን በጋራ በመጠቀም ወይም የውስጥ ልብሶችን በጋራ በመጠቀም ሊሆን ይችላል።

በበሽታው የተያዘ/ች ግለሰብ ምንም አይነት ምልክቶች ላያሳዩ ይችላሉ ወይም ከዚህ በታች የተገለፁት ምልክቶች ሊያሳዩ ይችላሉ።

የአባላዘር ምልክቶች በወንዶች ላይ

*በግብረ ስጋ ግኑኝነትና በሚሸኑበት ጊዜ ምቾት ማጣት/ህመም መሰማት

*በብልት የዘር ፍሬ አፍ አካባቢ፣ፊንጢጣ፣መቀመጫና ጭኖች አካባቢ የሚታይ ቁስለትና ሽፍታ

*ከወትሮ የተለየ የብልት ፈሳሽ ወይም የብልት መድማት

*የዘር ፍሬ ላይ የሚስተዋል
እብጠትና ህመም

የአባላዘር ምልክቶች በሴቶች ላይ

*በግብረ ስጋ ግኑኝነትና በሚሸኑበት ጊዜ ምቾት ማጣት/ህመም መሰማት

*በብልት፣አፍ አካባቢ፣ፊንጢጣ፣መቀመጫና ጭኖች አካባቢ የሚታይ ቁስለትና ሽፍታ

*ከወትሮ የተለየ የብልት ፈሳሽ

*በብልት አካባቢ የማሳከክ ስሜት

በሃገራችን ውስጥ በተደረገው ጥናት መሰረት በአባላዘር በሽታ ከሚጠቁ ሰዎች ውስጥ ከፍተኛው የእድሜ ክልል ከ15-24 ያለው ሲሆን በአባላዘር በሽታ ከተጠቁት ግማሹ በHIV የተያዙ ናቸው።
አዲስ የ HIV case ከሚመዘገበው ውስጥ ግማሹ ከላይ በተጠቀሰው የእድሜ ክልል ውስጥ ናቸው።

ለአባላዘር በሽታ ተጋላጭ ከሆኑት ማህበረሰብ መሃከል ከፍተኛ ቦታ የሚይዙት ከአንድ ቦታ ወደሌላ ቦታ በመንቀሳቀስ የሚሰሩ ሰዎች ናቸው።
የብቸኝነት ስሜት በመሰማት ወይም ደሞ የጊዜያዊ ስሜት ማስታገሻ በመፈለግ ወደ እንደዚ አይነት ነገር ውስጥ ይገባሉ።

በሁለተኛ ደረጃ ላይ የሚገኙት በመደፈር ለአባላዘር በሽታ ተጋላች የሚሆኑት ሰዎች ናቸው።

በሶስተኛ ደረጃ ላይ ያሉት የወሲብ ንግድ ሰራተኞች(commercial s*x workers) የምንላቸው ናቸው።አብዛኛዉ ጊዜ ደንበኞቻቸው የአባላዛር በሽታ ተጠቂ መሆናቸውን ስለማያቁ ያለምንም ጥንቃቄ ግብረ-ስጋ ግኑኝነት በማድረግ ለአባላዘር በሽታ ተጠቂ ይሆናሉ።

ኑሮ ከአባላዘር በሽታ ጋር

የአባላዘር በሽታ ምልክቶች ከታዩብን ወድያውኑ ወደ ህክምና ተቁዋም ሄደን ህክምና መጀመር አስፈላጊ ነው።
በደማችን ውስጥ አንድ የአባላዘር በሽታ ከተገኘብን ድጋሚ በሌላ የአባላዘር በሽታ የመጠቃት እድላችን ከፍተኛ ነው።
አንድ አንድ አባላዘር በሽታዎች ወዲያውኑ ካልታከሙ ለሂወታችን አዳጋች ናቸዉ።

አብዛኛው የአባላዘር በሽታ ታክመው የሚድኑ ናቸው።አንዳንዶቹ ሙሉለሙሉ የሚድኑ ሲሆኑ አንዳንዶቹ ደሞ በጊዜ ከተመረመርን ምልክቶቹ መቀነስና እየባሰብን እንዳይሄድ ማድረግ ይቻላል።

ወደ ህክምና ተቁዋም ሄደን ሃኪሞቻችን መድሃኒት በሚያዙበት ሰአት የተለያዩ ነገሮች እንድናደርግ ሊመክሩን ይችላሉ ለምሳሌ ከበሽታው እስክናገግም ድረስ ከግብረ-ስጋ ግኑኝነት እድንታቀብ እንደዛ ማድርግ ካልቻልን በተለያዩ መንገዶች እንድንጠነቀቅ ለምሳሌ ኮንዶም በመጠቀም እንድንጠነቀቅ ይመክሩናል።

ስለዚህ ህክምና ተቁዋም ሄዳቹ የአባላዘር በሽታ ከተገኘባቹ የሃኪሞችን ምክር መስማትና መድሃኒት ሳታቁዋርጡ መውሰድ ይገባቹሃል።

28/11/2023

🌿ባል ሚስቱን ከሌላ ሴት ጋር ማነፃፀር የጀመረ እለት ትዳሩ መሞት ይጀምራል!

👉 በትዳር ውስጥ ወሲባዊ እርካታ እንዲቀንስ ያደርጋል:: ምክንያቱም p**n video ላይ ያየነውን ነገር ቤታችን ማግኘት አንችልም:: ለምሳሌ ባል p**n አይቶ ከሆነ ወደ ሚስቱ ሚመጣው እዛ p**n video ላይ ያያትን ሴት እና ድርጊት በአይምሮው ይዞ ወደ ሚስቱ ይመጣና ሚስቱን እንደዛ እንድትሆን ይጠብቃል:: p**n video ላይ ያያትን ሴት ከሚስቱ ጋር ማነፃፀር ይጀምራል:: ባል ሚስቱን ከሌላ ሰው ጋር ማነፃፀር የጀመረ እለት ትዳሩ መሞት ይጀምራል:: ወሲባዊ እርካታ በትዳር ውስጥ ባል እና ሚስት እርስ በእርስ እየተጠናኑ በግዜ ሂደት የሚመጣ እንጂ ከሌላ ቦታ የምንማረው ነገር አይደለም::

👉 ብዙ ጥናቶች እንደሚያመለክቱት p**n ሚያዩ ሰዎች በጭንቀት (depression) ይጠቃሉ:: ደስታን እና እውነተኛ እርካታን በማጣት ይሰቃያሉ:: ይሄም በትዳር ውስጥ ሰላም እንዳይኖር ያደርጋል::

23/10/2023

👉 ጤንነትህን ማሻሻል የምትችልባቸው መንገዶች በነገራችን ላይ መታመም የሚፈልግ ማን አለ? ሕመም ሌላው ቢቀር ምቾት መንሳቱና የገንዘብ ኪሳራ ማስከተሉ አይቀርም። በምትታመምበት ጊዜ ጥ...

23/10/2023

5. በቂ እንቅልፍ አግኝ

የእንቅልፍ መጠን ከሰው ሰው ይለያያል። አብዛኞቹ አራስ ልጆች በቀን ከ16 እስከ 18 ሰዓት መተኛት ሲኖርባቸው ሕፃናት ደግሞ 14 ሰዓት መተኛት ያስፈልጋቸዋል፤ ለትምህርት ያልደረሱ ልጆች 11 ወይም 12 ሰዓት መተኛት አለባቸው። ለትምህርት የደረሱ ልጆች ቢያንስ የ10 ሰዓት እንቅልፍ ያስፈልጋቸዋል፤ በጉርምስና ዕድሜ ላይ የሚገኙት ደግሞ 9 ወይም 10 ሰዓት መተኛት አለባቸው፤ ትላልቅ ሰዎች ከ7 እስከ 8 ሰዓት መተኛት ይኖርባቸዋል።

የሚያስፈልግህን ያህል እንቅልፍ ማግኘትህ የግድ ነው። ባለሙያዎች በቂ እንቅልፍ መተኛት የሚከተሉትን ጥቅሞች እንደሚያስገኝ ይናገራሉ፦

• ልጆችና ወጣቶች እንዲያድጉና እንዲጠነክሩ አስተዋጽኦ ያደርጋል።
• አዳዲስ ነገሮችን ለመማርና ለማስታወስ ያስችላል።
• በሰውነታችን ውስጥ የሚከናወነውን ኬሚካላዊ ሂደትና ክብደትን ለመቆጣጠር የሚያስችሉት ሆርሞኖች የተስተካከሉ እንዲሆኑ ይረዳል።
• ለልብና ለደም ሥር ጤንነት አስተዋጽኦ ያደርጋል።
• በሽታን ለመከላከል ያስችላል።

በቂ እንቅልፍ አለማግኘት ከልክ በላይ ከመወፈር፣ ከመንፈስ ጭንቀት፣ ከልብ በሽታ፣ ከስኳር በሽታና ድንገት ከሚከሰቱ አደጋዎች ጋር ተዛማጅነት አለው። ሰውነታችን በቂ እንቅልፍ ማግኘት አለበት እንድንል የሚያደርጉን ምክንያቶች እነዚህ ናቸው።

በቂ እንቅልፍ እንደማታገኝ ሆኖ ከተሰማህ ምን ልታደርግ ትችላለህ?

• በየቀኑ በተመሳሳይ ሰዓት ለመተኛትና ለመነሳት ሞክር።
• የመኝታ ክፍልህ ጸጥና ጨለም ያለ፣ የሚያረጋጋ እንዲሁም ተስማሚ የሆነ የሙቀት መጠን ያለው እንዲሆን አድርግ።
• አልጋ ውስጥ ሆነህ ቴሌቪዥን አትመልከት ወይም በኤሌክትሮኒክ መሣሪያዎች አትጠቀም።
• አልጋህ በተቻለ መጠን ምቹ እንዲሆን አድርግ።
• ከመተኛትህ በፊት ከባድ ምግብ አትብላ፤ አልኮልና ካፌይን ያለባቸውን መጠጦች አትውሰድ።
• እነዚህን ምክሮች ተግባራዊ ካደረግክ በኋላም እንቅልፍ የማይወስድህ ከሆነ ወይም ቀን ቀን ድብታ የሚይዝህ አሊያም በእንቅልፍህ መሃል መተንፈስ አቅቶህ የምትነሳ ከሆነና እንዲህ የመሰሉ ከእንቅልፍ ጋር ተያያዥነት ያላቸው ችግሮች ካሉብህ ብቃት ያለው የጤና ባለሙያ አማክር።

https://t.me/admasdetails
https://t.me/admasdetails

23/10/2023

4. አካላዊ እንቅስቃሴ አድርግ

በየትኛውም የዕድሜ ክልል ውስጥ የምትገኝ ብትሆን ጥሩ የአካል ብቃት እንዲኖርህ ዘወትር አካላዊ እንቅስቃሴ ማድረግ ይኖርብሃል። በዛሬው ጊዜ ብዙ ሰዎች በቂ አካላዊ እንቅስቃሴ አያደርጉም። አካላዊ እንቅስቃሴ አስፈላጊ ነው የምንለው ለምንድን ነው? አካላዊ እንቅስቃሴ ካደረግክ የሚከተሉትን ጥቅሞች ታገኛለህ፦

• ጥሩ እንቅልፍ ትተኛለህ።
• ቀልጣፋ ሰውነት ይኖርሃል።
• አጥንቶችህና ጡንቻዎችህ ጠንካራ ይሆናሉ።
• የተመጣጠነ የሰውነት ክብደት ይኖርሃል።
• በመንፈስ ጭንቀት የመያዝ አጋጣሚህ ይቀንሳል።
• ያለዕድሜህ የመቀጨት አጋጣሚህን ትቀንሳለህ።

አካላዊ እንቅስቃሴ የማታደርግ ከሆነ የሚከተሉት ችግሮች ሊያጋጥሙህ ይችላሉ፦

• የልብ ሕመም
• የስኳር በሽታ
• የደም ግፊት
• የኮሌስትሮል መጠን መጨመር
• በጭንቅላት ውስጥ ደም የመፍሰስ አደጋ

ለአንተ ተስማሚ የሚሆነው አካላዊ እንቅስቃሴ በዕድሜህና በጤንነትህ ላይ የተመካ ስለሆነ ማንኛውንም አካላዊ እንቅስቃሴ ከመጀመርህ በፊት ሐኪምህን ብታማክር ጥሩ ይሆናል። ልጆችና ወጣቶች በየቀኑ ቢያንስ ለ60 ደቂቃ መጠነኛም ሆነ ከባድ የሆነ አካላዊ እንቅስቃሴ ማድረግ እንደሚኖርባቸው ብዙዎች ይናገራሉ። ትላልቅ ሰዎች በየሳምንቱ ለ150 ደቂቃ መካከለኛ እንቅስቃሴ ወይም ለ75 ደቂቃ ከባድ እንቅስቃሴ ማድረግ ይኖርባቸዋል።

ደስ የሚልህን ዓይነት እንቅስቃሴ ምረጥ። የቅርጫት ኳስ፣ ቴኒስ፣ እግር ኳስ፣ ፈጠን ያለ የእግር ጉዞ፣ ብስክሌት መንዳት፣ አትክልት መንከባከብ፣ እንጨት መፍለጥ፣ መዋኘት፣ ጀልባ መቅዘፍ፣ ሶምሶማ ሩጫ ወይም ሌላ ዓይነት የኤሮቢክስ እንቅስቃሴ ጥሩ አማራጮች ናቸው። የምታደርገው እንቅስቃሴ መካከለኛ ወይም ከባድ መሆኑን እንዴት ማወቅ ትችላለህ? በአጠቃላይ ሲታይ መካከለኛ እንቅስቃሴ እንዲያልብህ ያደርጋል፤ ከባድ እንቅስቃሴ ደግሞ እንቅስቃሴውን እያደረግክ ከሰው ጋር ማውራት አትችልም።

https://t.me/admasdetails
https://t.me/admasdetails

23/10/2023

3. ለአመጋገብህ ተጠንቀቅ

ጥሩ የአመጋገብ ልማድ ከሌለን ጤናሞች መሆን አንችልም፤ ጥሩ አመጋገብ የሚባለው ደግሞ ጤናማና የተመጣጠነ ምግብ መመገብ ነው። ጨው፣ ቅባትና ስኳር አታብዛ፤ እንዲሁም ከልክ በላይ አትብላ። ፍራፍሬና አትክልት ተመገብ፤ የምትመገበውን ምግብ ዓይነት ለዋውጥ። ዳቦ፣ ከጥራጥሬ የተዘጋጁ ምግቦች፣ ፓስታ ወይም ሩዝ በምትገዛበት ጊዜ የተሠራው ከምን እንደሆነ ማንበብህ ካልተፈተገ እህል የተዘጋጀ መሆን አለመሆኑን ለማወቅ ያስችልሃል። ካልተፈተገ እህል የተዘጋጁ ምግቦች ከተፈተጉት የበለጠ አልሚ ነገሮችና አሰር አላቸው። ፕሮቲን ለማግኘት ደግሞ ስብ የሌለበት ሥጋና የዶሮ ሥጋ ሳታበዛ ተመገብ፤ ከተቻለም በሳምንት ሁለት ጊዜ ዓሣ ብላ። በአንዳንድ አካባቢዎች በፕሮቲን የበለጸጉ ምግቦችን ከአትክልትም ማግኘት ይቻላል።

ስኳርና ቅቤ በብዛት የምትመገብ ከሆነ ከመጠን በላይ ልትወፍር ትችላለህ። ከጣፋጭ መጠጦች ይልቅ ውኃ መጠጣትም ውፍረትን ለመከላከል ይረዳል። በጣፋጭ ምግቦች ፋንታ ብዙ ፍራፍሬ ብላ። ቋሊማ፣ ሥጋ፣ ቅቤ፣ ኬክ፣ ቺዝና ኩኪስ አታብዛ። ምግብ ለማዘጋጀት ከቅቤ ይልቅ ጤናማ በሆኑ ዘይቶች ተጠቀም።

በምግብህ ውስጥ ጨው መብዛቱ የደም ግፊትህ ከፍ እንዲል ሊያደርግ ይችላል። እንዲህ ያለ ችግር ካለብህ በምግብ ማሸጊያው ላይ ያለውን መረጃ መመልከትህ የጨዉን መጠን ለማወቅ ሊረዳህ ይችላል። ምግብህን ለማጣፈጥ ከጨው ይልቅ ቅመማ ቅመሞችን ተጠቀም።

ለምትመገበው ምግብ ዓይነት እንደምትጠነቀቅ ሁሉ የምትመገበው ምግብ መጠንም ሊያሳስብህ ይገባል። የምትመገበው ምግብ ቢጣፍጥህም እንኳ ከጠገብክ በኋላ አትብላ።

በምግብ ረገድ የሚነሳው ሌላው አሳሳቢ ጉዳይ የምግብ መመረዝ ነው። ማንኛውም ምግብ በተገቢ ሁኔታ ካልተዘጋጀና ካልተቀመጠ ሊመርዝህ ይችላል። በየዓመቱ ከስድስት አሜሪካውያን አንዱ በምግብ መመረዝ ምክንያት ይታመማል። አብዛኞቹ ዘላቂ ጉዳት ሳይደርስባቸው የሚድኑ ቢሆንም የሚሞቱም አሉ። እንዲህ ያለውን አደጋ ለመቀነስ ምን ማድረግ ይቻላል?

አትክልቶች ፍግ በተጨመረበት አፈር ላይ የበቀሉ ሊሆኑ ስለሚችሉ ለምግብነት ከመጠቀማችን በፊት በደንብ ማጠብ ያስፈልጋል።

• ምግብ ከማዘጋጀትህ በፊት እጅህን ታጠብ እንዲሁም መክተፊያውን፣ የምትጠቀምባቸውን ዕቃዎች፣ ሳህኖችንና የወጥ ቤት ጠረጴዛዎችን በሳሙናና በሙቅ ውኃ እጠብ።

• ብክለትን ለመከላከል እንቁላል፣ የዶሮ ሥጋ፣ ዓሣ ወይም ሥጋ የነካው ዕቃ ሳይታጠብ ሌላ ምግብ አታስቀምጥበት።

• ምግቡን በትክክለኛው የሙቀት መጠን አብስለው፤ ወዲያው የማይበሉትን ሊበላሹ የሚችሉ ምግቦች ማቀዝቀዣ ውስጥ ጨምር።

• ከማቀዝቀዣ ውጭ ከሁለት ሰዓት ለሚበልጥ ጊዜ፣ የቤቱ ሙቀት ከ32 ዲግሪ ሴንቲ ግሬድ በሚበልጥበት ጊዜ ደግሞ ከአንድ ሰዓት በላይ የቆየ ማንኛውም ሊበላሽ የሚችል ምግብ መወገድ ይኖርበታል።

https://t.me/admasdetails
https://t.me/admasdetails

23/10/2023

2. ንጹሕ ውኃ ተጠቀም

በአንዳንድ አገሮች ለቤተሰብ የሚያስፈልገውን ንጹሕ ውኃ በበቂ መጠን ማቅረብ የዕለት ተዕለት ሥራ ነው። ሆኖም በጎርፍ፣ በአውሎ ነፋስ፣ በቧንቧ መሰበር ወይም በሌላ ምክንያት የምንጠቀምበት ውኃ በሚበከልበት ጊዜ በየትኛውም አገር ቢሆን ንጹሕ ውኃ ማግኘት አሳሳቢ ጉዳይ መሆኑ አይቀርም። ውኃ የምናገኝበት መስመርም ሆነ የሚጠራቀምበት መንገድ ንጽሕናው የተጠበቀ በማይሆንበት ጊዜ በተሕዋስያን ልንጠቃ እንዲሁም በኮሌራ፣ ለሞት በሚያደርስ ተቅማጥ፣ በታይፎይድ፣ በሄፐታይትስና በሌሎች ኢንፌክሽኖች ልንያዝ እንችላለን። በየዓመቱ በግምት 1.7 ቢሊዮን የሚያህሉ ሰዎች ንጽሕናው ባልተጠበቀ ውኃ ምክንያት በሚከሰት የተቅማጥ በሽታ ይሠቃያሉ።

አንድ ሰው አብዛኛውን ጊዜ ኮሌራ የሚይዘው የሚጠጣው ውኃ ወይም የሚመገበው ምግብ በበሽታው በተያዘ ሰው እዳሪ የተበከለ በሚሆንበት ጊዜ ነው። የተፈጥሮ አደጋ ከተከሰተ በኋላም እንኳ ቢሆን በዚህም ሆነ በሌላ መንገድ ከሚያጋጥም የውኃ ብክለት ራስህን ለመጠበቅ ምን እርምጃዎች ልትወስድ ትችላለህ?

• የምትጠጣውን ውኃ ጨምሮ ጥርስህን ለመቦረሽ፣ በረዶ ለመሥራት፣ የምንመገባቸውን ነገሮችና ለመመገቢያነት የሚያገለግሉ ዕቃዎችን ለማጠብ ወይም ለማብሰል የምትጠቀምበት ውኃ ንጽሕናውን የጠበቀ ወይም ጥሩ ስም ባተረፈ ድርጅት የታሸገ መሆኑን አረጋግጥ።
• የቧንቧው ውኃ ሊበከል የሚችልበት አጋጣሚ ካለ ከመጠቀምህ በፊት አፍላው ወይም በኬሚካል አክመው።
• ክሎሪን ወይም ውኃን ለማከም የሚያገለግል እንክብል በምትጠቀምበት ጊዜ የአጠቃቀም መመሪያውን በጥንቃቄ ተከተል።
• እንደ ልብ የሚገኝ ከሆነና ከአቅምህ በላይ ካልሆነ ጥራት ባለው የውኃ ማጣሪያ ተጠቀም።
• የታከመው ውኃ መልሶ እንዳይበከል ሁልጊዜ ንጹሕ በሆነና በተከደነ ዕቃ ውስጥ እንዲቀመጥ አድርግ።
• ውኃ ለመጨለፍ የምትጠቀምበት ዕቃ ንጹሕ መሆኑን አረጋግጥ።
• የውኃ ማስቀመጫዎችን ንጹሕ ባልሆነ እጅ አትንካ፤ ለመጠጥ በሚያገለግል ውኃ ውስጥ እጅህን ወይም ጣትህን አታስገባ።

https://t.me/admasdetails
https://t.me/admasdetails

23/10/2023

1. ንጽሕናህን ጠብቅ

“በበሽታ ላለመያዝና በሽታን ላለማስተላለፍ ከሚረዱ ግሩም መንገዶች አንዱ ቶሎ ቶሎ እጅ መታጠብ ነው” በማለት ማዮ ክሊኒክ ገልጿል። በጉንፋን ወይም በኢንፍሉዌንዛ በቀላሉ እንድንያዝ ከሚያደርጉ ነገሮች አንዱ በጀርሞች በተበከለ እጅ አፍንጫን ወይም ዓይንን መነካካት ነው። እንዲህ ያለውን በሽታ ለመከላከል ከሚያስችሉ ጥሩ ዘዴዎች አንዱ አዘውትሮ እጅ መታጠብ ነው። ንጽሕናን መጠበቅ በየዓመቱ ከአምስት ዓመት ዕድሜ በታች ለሆኑ ከሁለት ሚሊዮን የሚበልጡ ሕፃናት ሞት ምክንያት የሆኑትን እንደ ሳንባ ምችና የተቅማጥ በሽታ ያሉ ከባድ የጤና እክሎችን ለመከላከል ያስችላል። እጃችንን ቶሎ ቶሎ የመታጠብ ልማድ ካለን ከቀሳፊ በሽታ የመያዝ አጋጣሚያችንም ጠባብ ይሆናል።

የራስህንም ሆነ የሌሎችን ጤንነት ለመጠበቅ እጅህን መታጠብህ እጅግ አስፈላጊ የሚሆንባቸው ጊዜያት አሉ። የሚከተሉትን ነገሮች ካደረግክ በኋላ እጅህን መታጠብ አለብህ፦

• መጸዳጃ ቤት ከተጠቀምክ በኋላ
• የሽንት ጨርቅ ከለወጥክ ወይም ልጆች እንዲጸዳዱ ካደረግክ በኋላ
• ቁስልን ከማከምህ በፊትና ካከምክ በኋላ
• የታመመ ሰው ጋ ከመግባትህ በፊትና ከእሱ ከወጣህ በኋላ
• ምግብ ከማዘጋጀትህ፣ ከማቅረብህ ወይም ከመብላትህ በፊት ካስነጠስክ፣ ከሳልክ ወይም ከተናፈጥክ በኋላ
• እንስሳ ወይም የእንስሳ እዳሪ ከነካህ በኋላ
• ቆሻሻ ከጣልክ በኋላ

እጅህን በደንብ በመታጠብ ረገድ ቸልተኛ አትሁን። በጣም ብዙ ሰዎች በሕዝብ መጸዳጃ ቤቶች ከተጠቀሙ በኋላ እጃቸውን ጭራሹኑ ወይም በደንብ እንደማይታጠቡ ጥናቶች አመልክተዋል። እጅህን መታጠብ የሚኖርብህ እንዴት ነው?

• እጅህን በንጹሕ ውኃ ካራስክ በኋላ ሳሙና አድርግበት።
• እጆችህን በማሸት አረፋ እንዲወጣ አድርግ፤ ጥፍሮችህን፣ አውራ ጣቶችህን፣ የእጆችህን ጀርባና በጣቶችህ መካከል ያለውን ቦታ ማጽዳት አትርሳ።
• ቢያንስ ለ20 ሴኮንድ እሸው።
• በንጹሕ ውኃ ተለቅለቅ።
• በንጹሕ ፎጣ ወይም በወረቀት ማድረቂያ አድርቅ።

እነዚህ ነገሮች እንደ ቀላል የሚታዩ ቢሆንም በሽታን መከላከልና ሕይወትን ማዳን ይችላሉ።

https://t.me/admasdetails
https://t.me/admasdetails

23/10/2023

ጤንነትን ለማሻሻል የሚረዱ—5 መንገዶች

ጤንነትህን ማሻሻል የምትችልባቸው መንገዶች በነገራችን ላይ መታመም የሚፈልግ ማን አለ? ሕመም ሌላው ቢቀር ምቾት መንሳቱና የገንዘብ ኪሳራ ማስከተሉ አይቀርም። በምትታመምበት ጊዜ ጥሩ ስሜት የማይሰማህ ከመሆኑም ሌላ ሥራ ወይም ትምህርት ቤት መሄድ፣ ገንዘብ ማግኘት አሊያም ቤተሰብህን ማስተዳደር አትችልም። ይባስ ብሎም የሚያስታምምህ ሰው ልትፈልግ እንዲሁም ለሕክምናና ለመድኃኒት ከፍተኛ ገንዘብ ለማውጣት ልትገደድ ትችላለህ።“ታሞ ከመማቀቅ አስቀድሞ መጠንቀቅ” የሚለው አባባል እውነትነት አለው። አንዳንዶቹን በሽታዎች ማስወገድ አይቻልም። ያም ቢሆን በበሽታ የመያዝ አጋጣሚን ለመቀነስ ወይም በሽታን ለመከላከል ልታደርጋቸው የምትችላቸው ብዙ ነገሮች አሉ። ጤንነትህን ለማሻሻል የሚረዱ አምስት መንገዶችን ተመልከት።

https://t.me/admasdetails
https://t.me/admasdetails