Daato News

02/09/2023

ለሀዋሳ ከተማ ምክር ቤት
ሀዋሳ
ጉዳዩ :- ሁሉን አቀፍ መፍትሄ ስለመጠየቅ ይሆናል

ከላይ ለመጥቀስ እንደተሞከረው በሀዋሳ ከተማ አስተዳደር ሀዌላ ቱላ ክፍለ ከተማ ስር ካሉት ቀበሌያት አንዷ የሆነችው ዳቶ ኦዳሄ ቀበሌ በእናንተ ዘንድ የታወቀ መሆኑን እንገነዘባለን። ግዴታችንን እየተወጣን መብታችን ያልተከበረልን ህብረተሰብ ነን ብንል ማጋነን አይሆንም ። ግዴታችንን ተወጥን መብታችን እንድከበር ማፈናፈኛ አሳጥተን ስልጡን በሆነና በሰከነ አካሄድ የትግል ስልታችንን አጠናክረን ስንቀጥል ፣ እናንተ የሾማችኋቸው ስራ አስፈጻሚዎቻችን እንደ ውሃ ሽታ የሆነውን ተግባር የለሽ ንግግር አብዝተው ፣ ከንቱ ተስፋ አሰንቀው እንደወረዱ ለእናንተ ግልጽ ነው። እናንተ ተታለላችሁ፤ እነርሱ አታለሏችሁ። እኛ ከልማት ሳንሆን ቀረን።
ማሳያ:- ስራውን መሰራት ባለበት ጊዜ ሳይሰሩ ፣ የእናንተ ስብሰባ ሊካሄድ አንድ ሳምንት ሲቀር የፎቶ ትዕይንት ለማሳየት ፣ በፎቶ አስጀምረው በፎቶ አስጨርሰው ባቀረቡት ሪፖርት ያለ ልክ ተታለላችሁ፤ እነርሱም አታለሏችሁ። የወከላችሁን ህብረተሰብ መብት ማስከበር ስላልቻላችሁ እናንተም ተወቃሽ ናችሁ። እነርሱ በቀደዱት ቦይ ብቻ መፍሰስን መርጣችሁ እውነተኛውን የህዝብ ጩኸት አልሰማ ስላላችሁ። ደግመን እንላለን አዎን ተወቃሽ ናችሁ። ቢሆንም ግን አሁንም ያልተዘጋ የማስተካከል ዕድል አላችሁ።
ስለሆነም እኛ አሁን እናንተን የምንጠይቀው፣ የምናሳስበው:-
፩/ የባለፈውን ስህተት እንዳትደግሙ - ተግባር የለሽ ትወናን ፈጽሞ እንዳትሞክሩ
፪/ ቃል ተገብቶ ፣ የመሰረት ድንጋይ ተጥሎ ያሉ ፕሮጀክቶችን በሚገባ እንድታስፈጽሙ
፫/ ፍትሃዊ ያልሆነውን ፣ ለብዙ እንግልት የዳረገውን በሀዌላ ቱላ ክፍለ ከተማ ስር ተዋቅሮ መቆየትን ገላግሉን።
፬ / Daato Keelli በሙሉ ኃይሉ ህጋዊ እውቅና ተሰጥቶት ወደ ስራ እንድገባ ይደረግ፣
የስራ ዕድል ፈጠራም ለዳቶ ስራአጥ ልጆች ይመቻች።

፭/ ብቃትን መሰረት ያላደረገ የቅብብሎሽ ሹሜት ያሳዝነናል ፤ አይፈይድምና።

፮/ ሀዋሳ የመሯት አመራሮቿ እስካሁን ሀዋሳን
የዳቶ፣ ጨፌ፣ ሂጣታ፣ ጥልቴ፣ ቱሎ--- ወዘተ ባለ ዕዳ አድርገዋት አልፈዋል። ሞልቶም ተርፏል። ዕዳቸውን ከመመለስም ያለፈ ዳጎስ ባለ ካሳ ልትሸልሟቸው ይገባል።

ይህ እንዲሆን ህዝቡን ወክላችሁ የተቀመጣችሁ ክቡራን የምክር ቤት አካላትና አባላት በሙሉ የአዳሬ ህብረተሰብ ችግርና ሰቆቃ እንድገዳችሁ ማሳሰብን ወደድን።
ማሳሰቢያውም:-
፩/ ሁሉን አቀፍ የሆነ ችግር ፈቺ መመሪያና ደንብ እንድዘጋጅ ወይም እንድጸድቅ የበኩላችሁን ብርቱ ጥረትና ትግል እንድታደርጉ፤ በማስፈጸምም እንድታሳርፉን እንፈልጋለን
፪/ ስብዕናው የበሰበሰ ፣ በሞራል የላሸቀ( Moral decay) አመራር ወደፊት አታውጡ፣ ብቃትን መሰረት ያላደረገ በደም ቆጠራ የሚላክ ፣ ህዝብን ሳይሆን ሊያገለግላቸው የሚሰዱትን በብርቱ ትግላችሁ እንድታርቁት።
የህዝብ ውግንና ያለውን ፣ የማይስገበገበውን ራሱን የገዛውን ሞዴል አመራር ብቻ እንድትመረጥ
፫/ ዳቶን ከልማት ገለል አድርጋችሁ ሌላ አስተዳደር እንዳላት እንዳትስመስሉ ብቻ ሳይሆን ልዩ ትኩረት ከሚሹ ቀበሌያት ውስጥ ቀዳሚዋ ናትና ልዩ ጉብኝታችሁ ካሁን በኋላ እንዳይለየን አደራ እንላለን።

ቀሪ ዘመናችሁ በተግባር የታጀበ ብቻ ይህንም
Daato News
27/12/2015
Daato

25/07/2023

Ga'a Soodo guto guurate 11:30 Daato ollii giddo mitto ikkinohu baxxino bayichira tullichi aana Chigginyete kaayishshi amuurate Ayirradu Kalaa Abraham Marshaallohu massagaanchimmanni ikkitanno daafira baalunku yinoonni dargira leellino.
Keerunni.

18/07/2023

የዓመቱ ማጠቃለያ ሪፖርት ዳቶ ኦዳሔ ቀበሌ ላይ ስላልተከናወኑት ፣
በ 16/09/2013 የመሰረት ድንጋይ በሀዋሳ ከተማ ከንቲባ ጸጋዬ ቱኬ (ረ/ፕሮ) ተጥሎ፣ የጉድጓድ ቁፋሮው ተጀምሮ፣ መደምደሚያ ማግኘት የተሳነው ፕሮጀክት ያለበት ሁኔታ ታች ፎቶ ላይ ይመልከቱና ካብኔዎቹም ይወቁት። ሌላውም ይገንዘብ።
መረጃው ለሌላችሁ የሀይስኩል ት/ቤት ግንባታ ማስጀመሪያ ፕሮግራም ከተከናወነበት ሁለት ዓመት ሙሉና ሩብ አመት ሆኖታል። ሳብ ተስፋና በተግባር የታጀበ ክንውን ይሆናል " የማንጨርሰውን አንጀምርም፤ፍትሃዊ ተጠቃሚነታችሁ ከአሁን በኋላ ይረጋገጣል " ብሎ ብዙሃኑ ባለበት ተናግሮ የሄደውን ሳይፈጽም እነሆ ሁለት ዓመት በላይ ተቆጠረ።በተቆፈረው ጉድጓድ ውስጥም አረም በቀለበት። ይዘራበት የነበረው በቆሎም ቀረ። ለሌላ ክፉ ድርጊት መፈጸሚያነት ምቾት እንደሰጠ መረጃዎችም እየወጡ ነው።
ችግሩን በችግኝ በመቅረፍ ጊዜውንም ለመለካት ምስክር ይሆነን ዘንድ ችግር ተከልን።

ማጠቃለያውና የሪፖርቱ መደምደሚያ ፣ ተግባር የለሽ ና ተፈጻሚነቱ አዝጋሚ የሆነ ፕሮጀክት መሆኑን በሙሉ ድምጽ አጽድቀናል።
ታማኝነት የአንቺ መለኪያ መሆኑን አመራሮቻችን ከዘነጉ ዓመታት መቆጠሩን አላወቁም ለካ!?

17/07/2023

አረንጓዴ አሻራችንን በሀዋሳ ሚልኒዬም ፓርክና በዳቶ ኦዳሄ ት/ቤት ቅጥር ግቢ ውስጥ ህብረተሰቡን በማስተባበር ዛሬ በይፋ ተጀምሯል።
🌿☘️🌿☘️🌿
ሀምሌ 10|2015ዓም
ዳቶ|ሀዋሳ

20/04/2023

Hawalle 2016MD Sidaamu daga diru soorro Fichee Cambalaallate ayyaanira keerunni iillishinke!

Haaru diri Keerunniha,baxillunnihanna jireenyunniha ikkonke!

!!
💥 💥

20/04/2023

AYIDDE CAMBALAALLA!

05/04/2023

የመጨረሻ ሳቅ ባይሆንም የድል_ደስታ ፈገግታ ፈገግ😁 ብለናል

የዳቶ ህዝብ በድጋሚ እንኳን ደስ አለን!

05/04/2023

~~~~~~~~

የህዝብን የመልካም አስተዳደርና የልማት ጥያቄዎችን ከግብ ለማድረስ በዳቶ ኦዳሄ ቀበሌ ውስጥ የአመራር ሪፎርም በመደረጉ ደስ ብሎናል።
ከተሾሙ አመራሮች ጋር ሆነን በትብብር ለመስራት ህዝቡ ከወዲሁ ይዘጋጅ።

እንኳን ደስ አለን!
1.አቶ ቶኳሽ ቶሜ :- ዋና ሊቀመንበር
2.አቶ ይርጋለም ጅሳ:-ምክትል ሊቀመንበር እና የወጣቶች ዘርፍ ሀላፊ
3. አቶ እንዳሌ ዶርሲሶ:-የፀጥታ ዘርፍ ሀላፊ

ሆነው በዛሬው ቀን ሹመታቸው ጸድቋል።
መልካም የስራ ጊዜ ይሁንላችሁ!
~27|07|2015ዓም

19/03/2023

መስተካከልና መታረም ያለበት የሀዋሳ ከተማ ከንቲባ ድርጊት
**************************************

👉ይድረስ ለሀዋሳ ከተማ ክቡር ከንቲባ

እርስዎ ወደ ስልጣን ከመጡ ጊዜ ጀምሮ በከተማችን ሀዋሳ ላይ ይበል የሚያሰኙ የልማት ስራዎች እየተሰሩ መቆየታቸው የሚታወቅ ነው።ምንም እንኳን ልማቱ በሁሉም አካባቢዎች በእኩልነትና ፍትሃዊ ተጠቃሚነትን መሰረት ባደረገ ሁኔታ ባይሰራም (ዳቶን መርሳትን ሳንረሳ) መደገፉን ቀጥለንበታል።

ከልማት ባሻገር ነዋሪዎች በቅድሚያ ሰላምና ደህንነት እንደሚፈለጉ ለማንም ግልጽ ነው።የሰላም መደፍረስ ከመልካም አስተዳደር ጉድለቶች የሚመጣ ችግር ሲሆን መጠኑ ይለያይ እንጂ በከተማችን ውስጥ ካሉ ቀበሌያት ውስጥ የመልካም አስተዳደር ጉድለቶች መኖሩ በተደጋጋሚ ስነሳ ይደመጣል።

በቅርቡ ከሶስት ሳምንት በፊት በዳቶ ኦዳሄ ቀበሌ ውስጥ የመልካም አስተዳደር ጉድለቶች ጎልቶ በመታየቱ ምክንያት መንግስት ህዝባዊ መድረክ በማዘጋጀት ቀድሞ የነበሩት የቀበሌ ሊቀመንበር ታግደው በቦታቸው ምክትል ሊቀመንበር የነበሩት መተካታቸዉ ይታወሳል።

ከዚያ ወዲህ በቀበሌው ውስጥ አንጻራዊ ሰላም መኖሩን ነዋሪዎቹ በተለያዩ አጋጣሚዎች እየገለጹ ይገኛሉ።

ነገር ግን ህዝቡ ያገኘው ሰላም እረፍት የነሳቸው ግለሰቦች የቀበሌውን ገጽታ ለማደፍረስ ከፍተኛ ገንዘብ በማውጣት ባለስልጣናትን ለማታለል ደፋ ቀና እያሉ እንደሆነ ማወቅ ተችሏል።ህዝብ የወደደውና ፓርቲ ያመነው ህዝብን ያስተዳድራል እንጂ በገንዘብና በአሻጥር የሚሆን ነገር ምንም የለም።
አሁን ያለው ትውልድ እንዲህ አይነት አሳፋሪ ድርጊት የሚፈጽሙ ግለሰቦችን የሚሸከም ትከሻ የለውም። ጊዜውም አይፈቅድላቸውም።

ይህ በእንዲህ እንዳለ ሌሎች ሁለት አቻ ቀበሌያት ላይ በተመሳሳይ መንገድ የአመራር ለውጥ ተደርጎ በቦታው ህዝብን የሚመሩ ሰዎች መተካታቸው የሚታወስ ሲሆን የዳቶ ነገር እስካሁን እልባት ሳያገኝ መቆየቱ ጉዳዩን በጥርጣሬ እንድንመለከት አድርጎናል።

የሀዋሳ ከተማ አስ/ከንቲባ በዚህ ጉዳይ ላይ እጃቸውን አስገብቶ እንዳለ መረጃዎች በተደጋጋሚ እየወጡ ይገኛሉ። ክቡር ከንቲባ! እኛ ከእርሶ የሚንፈልገው ልማት እንድሰሩልንና የነዋሪዎችን ሰላም እንዲያስጠብቁልን እንጂ ሰላም ጠልና ሁኬት ፈጣሪ ከሆኑ ግለሰቦች ጋር ተመሳጥረዉ ሰላማችንን እንድነሱ አይደለም።

በስንቱ ነገር በተጎዳውና በተበደለው ህዝብ ላይ ቁማር ትጫወታላችው? ቀድሞ የነበሩት የቀበሌው ሊቀመንበር የነበሩት ከተነሱ ሶስት ሳምንት ሆኗል።አስካሁን ህዝቡ የወደደውንና ፓርቲው ያመነውን ሰው ለምን ማጽደቅ ተሳናችው?

ክቡር ከንቲባው ለምንስ የፓርቲውን አሰራርና ህገ ደምብ
ባልተከተለ መልኩ ጫና ያደርጋሉ?

እንዲህ አይነት ድርጊትና አካሄድ ህዝብንና መንግስትን ከማቀራረብ ይልቅ መራራቅንና አለመተማመንን የሚፈጥር እንደሆነ በመረዳት ክቡር ከንቲባ ከህዝብ ጎን እንድቆሙ ልናሳስብ እንወዳለን።

ይህ ሳይሆን ቀርቶ በቀበሌው ውስጥ ሁኬትና የሰላም መድፈረስ ከተፈጠረ ከተማ አስተዳደሩ ለጠነሰሰው ሴራ ሃለፊነቱን የሚወስድ መሆኑን ከወዲሁ ልናስገነዝብ እንወዳለን።
ፍትሃዊ የልማት ተጠቃሚነት ይረጋገጥ።
ግልባጭ
👉ለሲዳማ ክልል ሰላምና ጸጥታ ቢሮ
👉ለሲዳማ ክልል ብልጽግና ፓርቲ ጽ/ቤት
👉ለሲዳማ ክልል ም/ቤት ጽ/ቤት

ሰላም ለህዝባችን ይሁን!!
~10|07|2015ዓ.ም

04/03/2023

Keeru, baxillu,
ikkadu latishinna
jireenyu daato dagara.

XAANO

02/03/2023

.
~~~~~~~~~~~~~~~~~~~~~~~~
Hajo:Haweela Tuula Sinu Quchumi hunda Daato Odahete Qawalera kalanqay hee'noonni qarra Ku'late ikkitanno.
~~~~~~~~~~~~~~~~~~~~~~

Anfinte gede barra 20/06/2015MD Daato Odahete qawale giddo "danchu gashshooti" ledo amadante leeltanno qarrubba lainohunni dagate hasaawu bare qixxeessinoonniti qaangannite.

Hakkonne barra assinoonni hasaawi kaiminni danchu gashshooti qarri qawalete giddo luphi ye leellaanni nooha ikkasi korkaatini tiro abbate dagate xa'mo hedote giddo worte Haweela Tuulate sinu Quchumi Jireenyu Paarte Soreeyye qawalenniha qara gashshaancho Kalaa Hadara Gerechiha ittisse Kalaa Yirgaalemi Jissiha dargaho riqibbe hadhinota buunxoonni.

Dagate hasatto ayino gashshiro qawalete giddo " " hala'le sufaraati hasidhannohu. Tini tenne ikkite heedhennanni mitu mitu mannooti ninke gashshinoommokki qawale qawalenta dikkitanno yitanno hedonni garimale doogo ha'ratenni qawalete giddo keerenna ga'labbo hunate loosira angansa wortanna huwantanni hee'noonni. Tini ikkitto co'onta so'rote!

Xa tenne yannara Hawaasi Quchumi Jireenyu Paarte borro mini sooreessi ayirradu qawalete giddo keerenna ga'labbo boreessate millissanno mannootira seejjo eemmensaro danchaho yine ammanneemmo. Hakiinni aanche Jireenyu Paarte wodhonna harinsho garinni qawale gashshate uyinoonnisi yawo/muro kaajjinshe hattono wole hasiisannoha aanticha qawalete gashshaancho Paarte la'e rahotenni wora hasiissanno.

Tenne hajora ranke gumulo aa hoogate laanfenni kainohunni qawalete giddo keerunna ga'labbo huntanno bissara injoo kalaqantino.
Dagano gashshootu aana noose ammanooshshi hoshooshamanno kora ikkanni noo daafira Hawaasi quchumi jireenyu paarte borro mini tenne hajo hedessi asse la"a agure rahotenni taashshankera hasi'neemmo.Mayinnino roore dagate huuro macciishanto!!

Keerunna latishshu dagate ikko!
Kaaliiqi gobbanke gowo!
!!
Barra 23/06/2015MD

28/02/2023

በቀን 20/06/2015 በዳቶ ኦዳሄ ቀበሌ የቱላ ክ/ከተማ ብልጽግና ፓርቲ አመራሮች ከነዋሪዎች ጋር ውይይት አድርጓል።

በውይይቱ ከመልካም አስተዳደር ጋር ተያይዞ በቀበሌ ውስጥ የሚስተዋሉ ሰፋፊ ችግሮች ከነዋሪዎቹ የተነሱ ሲሆን ለዚህም ዋና ምክንያት የቀበሌው አስተዳዳሪ የተሰጠውን የህዝብ ሃላፍነት በአግባቡ ከመወጣት አኳያ ድክመቶች እንዳሌ ተነስቷል።

የቀበሌው ነዋሪዎች ከመልካም አስተዳደርና ከመሰረተ ልማት ጋር ያሉት ችግሮች እንድቀረፉለት ባለፉት አራት አመታት ጉዳዩ ወደ ሚመለከታቸው የመንግስት አካላት በሰነድና በአካል ችግሮቹን ስያሳውቅ መቆየቱ የሚታወስ ነው።

የህዝብን የመልካም አስተዳደርና የልማት ችግሮችን ከመፍታት ይልቅ አንዳንድ የመንግስት ሃላፍነት ላይ ያሉ አካላት ጉዳዩን ወደ ሌላ አቅጣጫ ለማስያዝ የሄዱበት አካሃድ አደገኛ በህዝብና በመንግስት መካከል መራራቅን የፈጠረ ነበር።
ይሁንና ጊዜው ሳይረፍድባቸው በትናንትናው ቀን የቱላ ክ/ከተማ ብልጽግና ፓርቲ ነዋሪዎችን ካወያዬ በኋላ ያሳለፈው ውሳኔ እኛ የዳቶ ነዋሪዎች ቱላ ክ/ከተማ አስተዳደር ለካ በህይወት አለ እንድንል አድርጎናል።ግርምትም ፈጥረውብናል።ለረጅም ጊዜ ሰም አጥተን ስለቆየን ማለት ነው።

ቀድሞ የነበረውን የቀበሌ አስተዳዳሪ አቶ አደራ ገሬቻን በቻሉት አቅም ህዝቡን ስላገለገሉ እናመሰግናለን።በሱ ቦታ የክ/ከተማ ብልጽግናው ፓርቲ የራቸውን ግምገማ ካደረጉ በኋላ አቶ ይርጋለም ጅሳ የዳቶ ቀበሌ ዋና አስተዳዳሪ ሆነው እንደተመረጠ ተሰምቷል።የህዝቡ ፍላጎትም እገሌ ይሂድልኝ እገሌ ይምጣልኝ የሚል እንዳልሆነ ልብ ማለትም ያስፈልጋል።

ፓርቲው ህዝቡን ያገለግላል ብሎ ያመነውን ሰው የመምረጥ ሙሉ ስልጣን እንዳለው ማወቅም ተገቢ ነው። ነገር ግን አንዳንድ ግለሰሶች በህዝብንና በመንግስት መካከል ጥርጣሬ እንድፈጠር አጉል እንቅስቃሴ እያደረጉ እንደሆነ መረጃዎች እየወጡ ነው።እነዚህ ሰዎች ከአጉል ድርጊታቸው እንድመለሱ መንግስት ሃይ ልላቸው ይገባል።

ማንም ያስተዳድር የዳቶ ህዝብ ሰላምና ልማት ነው የሚፈልገው።የሰላምና የልማት አደናቃፊ ግለሰቦች ብያንስ ለትውልዱ አስቡበት።

በመጨረሻም የቱላ ክ/ከተማና የሀዋሳ ከተማ አስተዳደር የህዝቡን ጩኼት ሰምታችው የለወጥ አንድ እርምጃ የሆነው ውሳኔ እንድወሰን መድረኩን ስላመቻቻችው እናመሰግናለን።
አቶ ይርጋለም ጅሳ መልካም የስራ ጊዜ ይሁንልህ!!
ቀሪው የልማት ስራ ይቀጥል........
~21|06|2015MD

27/02/2023

🤜🤛
20|06|2015
MD

31/01/2023

!!
*************
Techo Daato gudumaalira dagate ledo assinara heendoonni gambooshshe woshsh*tinori geerraho,Wedella dikkino.
dooramino geerri xaa saatera Tuulate gashshaanchiwiinni fule Kantiiwuwa maray no.
Wole Kaphu duduwo Macciishsh*tinoonte!!
Baxxinori heeriro Kunni Qooli widoonni qolle egensiinseemmo'ne!
!!
~Barra 22,05,2015MD

29/01/2023

Mitu Halaale gudanno,
Mito Halaalu gudanno!!

28/01/2023

በቅርብ ቀን.......

26/01/2023

በድጋሚ የተለጠፈ በወንድማችን Asefa Kebede የተጻፈ
#ሼር #ሼር ጨርሳችሁ አንብቡት 🙏🙏🙏🙏

አስመሳዮች በሚያሰሙት በዳንክራ ሙዚቃ የታፈነው የሀዋሳ አካባቢ ማህበረሰብ ጩሄትና ግፈኞች በሚያነሱት አቧራ የደረቀዉ የህዝብ እንባ 😭
ኑ እስቲ ተከተሉኝ ዛሬም ብዙዎች እያዪ እንዳላዩ ሆኖ ዝም ያሉትን ግፍ ላሳያችሁ እዉነታዉን ያላወቃችሁ እንደሆነ እንድታዉቁ ፣ ዘንግታችሁት እንደሆነ ላስታውሳችሁ እያወቃችሁ ዝም ብላችሁ እንደሆነ ልዉቀሳችሁ !
ከየት ልጀምራችሁ ? እንደዉ ለምን ከየዋሁና ከገራገሩ ዳቶ ህዝብ አልጀምራችሁም ? አዎ እንደዉ ከዛ እንጀምር በቃ ! ወደ ሀዋሳ ስትገቡ Dawoe Bushu ብሎ የሚቀበላችሁ ፣ ከሀዋሳ ስትወጡ keeru qolohe ብሎ የሚሸኛችሁ የ #ዳቶ ህዝብ በልማት ችግር ስሰቃይ ፣ በመልካም አሰተዳደር ሲቸገር ስንት አመታት አለፉት ፣ ያኔ ሀዋሳ ላይ የሚመጣውን ክፉ ካንቺ በፊት እኔን ብሎ እንዳልተዋደቀላት ፣ ዘብ ሆኖ ዉጭ እንዳላደረላት ዛሬ ያ ዉለታዉ ለምን ተረሳ ? እጠይቃለሁ ለምን አልጠይቅም ? መሀል አስፋልት ላይ ቆማችሁ ወደ ግራና ቀኝ ብታዩ ሁለት አለም ያላችሁ ይመስላችኋል ፣ ሀዋሳ በተለያዩ ክፍለ ከተሞች በየአመቱ የአስፋልት ዕድሳት ፣ የኮብልስቶን ንጣፍ ፣ አዳዲስ አስፋልት ይሰራላታል የተለያዩ ፕሮጀክት ይጀመራል ነገር ግን የዳቶ አካባቢ ማህበረሰብ ጥያቄ እስካሁን አልተመለሰም ፣ ክረምት በመጣ ቁጥር በጎርፍ ይጠለቀለቃል ፣ የገዛ መንደሩ ፡ ተወልዶ ያደገበት አድባሩ ሲኦል ሆናበታለች 😭 ወይ መሬቱ ሳይወር ቀርቶ እርሻውን አርሶ አልበላ ወይ ልማት ተሰርቶለት አላረፈም ከሁለቱ ያጣ ሆኖ ወደ ዉስጡ እያለቀሰ ነዉ 😭
ያኔ ማህበረሰቡ ዘመናዊ ግብርና ብታስተምሩ ፣ መሰረታዊ ልማቶች ብሟሉለት ይህ ችግር አይመጣም ነበር ሌላው ብቀር አጠገቡ ያለው የሀዋሳ ዩንቨርስቲ ምንም አስተዋጽኦ አላደረገለትም ፣ ብዙ ርቀት ተጉዘው አጎራባች ክልል ሳይቀር የምርምር ጣብያ ያቋቋመው ለምን አጠገቡ ያለውን የዳቶን ህዝብ አላገዘም ? ለምን ዘመናዊ እርሻ አላስተማራቸዉም ? ይልቁን ሰበብ እየፈጠሩ የገዛ መሬቱን መዉረር ሆኔ ስራው ፣ ማን ለምን ይህ እንድሆን ይፈልጋል ? ከጀርባ ቆመዉ ግፋ በለው እያሉ ያሉት እኔ ማን ናቸው ? በእንዱስትሪ ፖርክ ሚክንያት የተፈናቀሉ ህዝቦች መድረሻቸው የት ይሆን ? ከሞላ ጎደል የተፈናቃዮችን መረጃ እያሰባሰብኩ ነዉ እነዚህ ሰዎች ያሉበትን ህይወት ለሲዳማ ህዝብ እንድሁም ለመላው ለኢትዮጵያ ህዝብ በቅርቡ አቀርባለሁ ፣ ዛሬ ላይ የሀዋሳን ጎዳና ያጠልቅለቁ እነዚህ ተፈናቃዮች እንደሆኑ ስንቶቻችን እናዉቃለን ? ዛሬም እዉነታዉን እያወቁ "መሬት ሸጠዉ ጨርሰው ነዉ " እያሉ ልያሸማቅቁን የሚሞክሩ የሰራው ጠንሳሾች በእኛ መፈናቀል የሚያተርፉ በህዝብ እንባ የረሰረሰዉን አፈር ዝናብ ዘንቦ ነዉ የሚሉ አረመኔዎች ፣ ተንኮላቸውና ጉልበታቸውን በገዛ ወንድሞቻቸው ላይ የሚያሳዩ ፣ ሰው መሳይ እስስቶች ዛሬም በህዝባችን እንባ እግራቸውን መታጠብ የሚፈልጉና ከእኛ በሚወጣው በስቃይ ድምፅ ዜማ መስራት የሚያሻቸው ተበራክተዋል ።
ወንድሞቻችን ብለን ያስጠጋናቸው ጠላቶቻችን ሆኖ አርፈዋል ፣ እንግዲህ ጎበዝ ይህ ግፍ አይበቃንም ?
እጠይቃለሁ ! እንዴት አልጠይቅም ?

26/01/2023

ብልጽግናው ፓርቲ የዳቶን ህዝብ ልማት ስለጠየቀ ማፈኑን እስራቱን የማይተው ከሆነ ህዝቡ አማራጭ ለመፈለግ የሚገደድ ይሆናል!!
የታሰሩ ልጆች ይፈቱ!!

25/01/2023

በዛሬው ቀን[17,05,2015] ያለ ወንጀላቸው ከምሰሩበት ቦታ ልማት ስለጠየቁ ብቻ ታፍነው ስለታሰሩ ወንድሞቻችንና በሀዋሳ ከተማ አስተዳደር በሀዌላ ቱላ ክ/ከተማ ህብረተሰብ ላይ እየደረሰ ስላለው በደል በማስመልከት በፕሬዚዳንቱ ጽ/ቤት ውይይት ተደርጓል።

ክቡር ፕሬዘዳንቱን በስራ ምክንያት ቢሯቸው ስላልገቡ ማግኘት ባይቻልም ለእርሳቸው ቅርብ ከሆኑ ሰዎች ጋር ባለው ጉዳይ ላይ ውይይት ተደርጎ የልጆቹ ያለ ተጨመባጭ ወንጀል መታሰራቸው አግባብ እንዳልሆ አንስተውልናል።ጉዳዩን ክቡር ፕሬዝዳንቱ በዝርዝር ተነግሯቸው ከሰሙ በኋላ የሚተላፈውን ውሳኔ ነገ የሚንሰማ ይሆናል።

ልማት መጠየቅ ፈጽሞ ወንጀል ልሆን አይችልም።
ህዝብ ጋር ሁሌ እውነት አለ!!
ቀን 17|05|2015ዓም.

25/01/2023

😡

25/01/2023

24/01/2023

ለአንዴና ለመጨረሻ ጊዜ ዳቶን ነጻ ለማውጣት ቆርጦ የተነሳ ትውልድ ነው እሄ👇 ባትሞክረው ይሻልሃል ።

FREE US ALL. OR JAIL US ALL.
💪💪💪✊✊✊✊✊✊✊✊

24/01/2023

Wiinamu Woshshatto!!
***********************
Xa tenne sa"atera Daato daga gudumaaleho gamba yite ma'litay no.

Ollaaho heedhinoonni teessanno Daato Gudumaale(Akaako Gudumaale) amme!!

ልማት መጠየቅ ወንጀል አይደለም።
ቀን:16/05/2015ዓም
ሰዓት 12:ዐዐ

24/01/2023

Usura waajjite Latishsha xa'ma agurtanno ilama Daato dino,diino heedhanno!!
Affe gali!!
Techo yanna uyitinoe yite shorrattohu ga'a gaabbattota afi.

21/01/2023

"መሪነት በአንድ ወቅት ጡንቻ ማለት ነው ብዬ አስባለሁ፣ ዛሬ ግን ከሰዎች ጋር መግባባት ማለት ነው"
~ማህተማ ጋንዲ

13/01/2023

የሀዋሳ ከተማ ወጣቶች ሊግ የፊት አመራር ከሀዌላ ቱላ ክፍለ ከተማ ወጣቶች ሊግ አመራር ጋር በመሆን በዳቶ ኦዳሄ ቀበሌ #ጉዱማሌ ላይ አንገብጋቢ በሆኑ ጉዳዮች ላይ ውይይት ይኖረናል።

#ጠሪዎች፣
የዳቶ ቀበሌ የወጣቶች አስተባባሪዎች
#ቀኑ፡እለተ አርብ በ12/05/2015
#ሰዓት፡ 8:00

#ማሳሰቢያ፡ ውይይቱ ክፍትና ህዝባዊ ስለሆነ ሁሉም እንድገኝ ይፈለጋል።
ከፍተኛ አመራሮች ተገኝተው የህብረተሰቡን
ጩኸትና ጥያቄዎችን እንድሰሙ በአጽንኦት ይፈለጋል።

11/01/2023

👉ለሀዋሳ ከተማ አስተዳደር ከተማ ልማትና ኮንስትራክሽን መምሪያ
ሀዋሳ
ጉዳዩ ፥- አንገብጋቢና አስቸኳይ የመልካም አስተዳደር ችግሮች እንዲፈቱልን #በድጋሚ ስለመጠየቅ ይሆናል::
~~~~~~~~~~~~~~~~~~~~~~~~~~~~
ከላይ በርዕሱ ለመጥቀስ እንደተሞከረው በሲዳማ ብሔራዊ ክልላዊ መንግስት በሀዋሳ ከተማ አስተዳደር በሀዌላ ቱላ ክ/ከተማ አስተዳደር ስር የታቀፍን ዳቶ ኦዳሄ ቀበሌ ተጠቃሚነት እንድረጋገጥልን እየጠየቅን መቆየታችን የሚታወስ ነው፡፡

ችግሮቹ ሳይፈቱ መቆየቱ፣ፍትሃዊ የልማት ተጠቃሚነት መጉደል ነገሮቹን አንገብጋቢና አስቸኳይ የመልካም አስተዳደር እጦትን እያስከተለ ይገኛል።አንገብጋቢ የመልካም አስተዳደር ችግሮች ሆነው የቆዩት ጥያቄዎቻችን ዋና ዋናዎቹ ከታች የተጠቀሱት ናቸው፡፡
እነርሱም፡-
➟1. ከ2008ዓ/ም ጀምሮ ወደ ትግበራ የተገባው የፕላንና ተያያዥ ጉዳዮች ቶሎ ተፈጽመው ወደሙሉ ትግበራው ይግባ፡፡ለልማት ተቋማት ታስበው Green Area ተብለው የተለዩ ቦታዎች በአጭር ጊዜ ውስጥ ተገቢ ቦታና ተመጣጣኝ ካሳ ተሠጥቷቸው ዳቶን የማልማት ዕድልን አፋጥኑልን፡፡ናሙና፡ ከዳቶ ት/ቤት ግቢ ውስጥ የወጣው የጤና ጣቢያ ግንባታ ዕድል ወደ ሆስፒታልነት ሊያድግ በሚችልበት ቦታ ጊዜ ሳይወስድ በአስቸኳይ ተፈትሾ ብቁ ወደሆነው እንድመራ እንጠየቃለን፡፡

➟2. ዋና ዋና መንገዶችና የውስጥ ለውስጥ መንገዶች በፕላኑ መሰረት በአግባቡ ተከፍተው ፍጻሜን ያግኙ፡፡አስፈላጊነቱ የታመነበት የተቀናጀ የመሰረተ ልማት(መብራት፣ውሃ፤ስልክ፣ኢንተርኔት፣መንገድ ወዘተ.) እቅድና ግንባታም እንድከተለው አድርጉልን፡፡

➟3. የሴራሚክ ፋብሪካ ከጊዜ በኋላ የዘጋውን ነባሩን መንገድ፣መኖሪያ መንደሩንና ፋብሪካውን ለሁለት ከፍሎ የሚሄደውን ሜትር መንገዱን እንደ መሪ ካርታ /Guide Map /መሰረት ይከፈትልን፡፡ በመክፈትና በማስከፈት የብዙሃኑን እና ፍትሃዊ የልማት ተጠቃሚነት አረጋግጡልን፡፡

➟4. የፍትህ ተቋማት(ፖሊስ ጣቢያ፣ምድብ ችሎት)፤ለአገር ተረካቢ ወጣቶች መፍለቂያ የሚሆን ምቹ የወጣቶች መዝናኛና መዋያ ማዕከል እና መበልጸጊያ ቤተ መጻህፍት መገንቢያ ቦታና

➟5. ህጋዊ የከተማነት ፈቃድ ወይም የከተማነት መዋቀራዊ ፕላን ያልገባባቸው ሶስት ሰፋፊ መንደሮች ማለትም ቡቻላ፣ቃንጫ(ታማማ) እና ገመጦ ላይ ህዝቡን ከኪሳራና ስነልቦና ጫና መንግስትንም ላለተፈለገ ወጪ ከሚዳርገው ድርጊት እንዲቆጠብ የከተማነት ፈቃድ ፕላን ባጠረ ጊዜ ውስጥ እንድጠናና የከተማው ውበት እንዲጎላ ተጨማሪም የገቢ ምንጭ እንድፈጥር አንድደረግ በአክብሮት እንጠይቃለን፡፡

ከዚህ በፊት በቀበሌው ውስጥ በወጣቶች በተሰራው ጥናት መሰረት ከ25,000 ካሬ ሜትር በላይ ያልተመዘገቡ ቦታዎች(719 ናሙና ከተወሰዱ ነዋሪዎች) መገኘቱ የተገለጸ ሲሆን እንዲሁም ነዋሪዎቹ በተደጋጋሚ ባቀረቡት ቅሬታ መሰረት በዚህ ሰሞን ከክልልና ሀዋሳ ከተማ ኮንስትራክሽን መምሪያ የመጡ ባለሞያዎች ሳይመዘገቡ የቀሩ ቦታዎችን እያጣሩና እየመዘገቡ ስለሆነ በዚሁ አጋጣሚ ልናመሰግናቸው እንወዳለን። ነገር ግን ከላይ በዝርዝር የቀረቡ ችግሮች አንገብጋቢና ፈጣን ምላሽ የሚሹ ናቸው።

ፍትሃዊና ወቅቱን የጠበቀ ልማት ለሁሉም!!
ግልባጭ፡
በሲዳማ ብሔራዊ ክልላዊ መንግስት:-
➟ለሀዋሳ ከተማ አስተዳደር ከንቲባ ጽ/ቤት
➟ለሀዋሳ ከተማ አስተዳደር ብልጽግና ጽ/ቤት
➟ለሀዌላ ቱላ ክ/ከተማ አስተዳደር ጽ/ቤት
➟ለሀዌላ ቱላ ክ/ከተማ አስተዳደር ብልጽግና ጽ/ቤት
➟ለዳቶ ኦዳሄ ቀበሌ አስተዳደር ጽ/ቤት
➟ለህዝባዊ ልማት ኮሚቴ ተወካዮች
ሀዋሳ|ሲዳማ|ኢትዮጵያ!!
ቀን 03|05|2015ዓ.ም

19/12/2022

እግዚአብሔር በውስጣችሁ ባስቀመጠው ጸጋና መንፈስ ህዝቡን በፍቅር ስላገለገላችሁ እናመሰግናለን።

“ምድሪቱን የወረሱት በሰይፋቸው አልነበረም፤ ድልንም የተጐናጸፉት በክንዳቸው አይደለም፤ አንተ ወደሃቸዋልና ቀኝ እጅህ፣ ክንድህና የፊትህ ብርሃን ይህን አደረገ።”
— መዝሙር 44፥3 (አዲሱ መ.ት)
በሚል መሪ ጥቅስ በዳቶ ቃንጫ የሕይወት ብርሃን ቤተክርስቲያን በተካሄደው ዓመታዊ ኮንፍረንስ እግዚአብሔር አምላክ ድንቅ ስራ ሰርቷል።
በዚህ ኮንፍረንስ ታላቅ መንፈሳዊ ምግብ የቃሉን መገለጥ በስልጣን ሰምተናል፤ነብሳችንም ረስርሳለች።
የክፋት አሰራርን ስራና ስውር ሚስጥርን ያጋለጠ ፣የምድሪቱን ብልጽግና በጉልህ የገታውን እንቅፋት ያስወገደ፣በልማት የመበልጸግን ተስፋ በብርቱ ያበሰረ ድንቅ ጉባኤ ነበር።
በአጠቃላይ የከተማችን ሀዋሳ በተለይም የቀበሌያችን ዳቶ አየሩና አፈሩ የተፈወሰበት ፣እግዚአብሔርና ስሙ በሚገርም ሁኔታ የከበረ በት ፣ ብዙዎች የተጽናኑበት እንዲሁም ከእስራት ተፈትተው እንደ ሰባ እንቦሳ የፈነደቁበት ጊዜ ነበር። ነውም።

የዳቶና አካባቢዋ ህዝብ ይወዳችኋል።🥰🥰
👉ነብይ ያዕቆብ ዮዶሩ
👉ዘማሪ ወንድሙ ወታሮ

።
#አሜን።
ዳቶ ኦዳሄ!ሀዋሳ!
➟10|04|2015

12/12/2022

አስቸኳይ መልዕክት!
ይድረስ:-
👉ለክቡር ኢፌድሪ ጠ/ሚ አብይ አህመድ(ዶ/ር)
👉ለኢፌድሪ ትምህርት ሚንስትር
👉ለሲዳማ ክልል ፕሬዝደንት ጽ/ቤት
ጉዳዩ:በዳቶ ኦዳሄ ት/ቤት ውስጥ ልገነባ ያለውን ህገወጥ የጤና ኬላ እንድያስቁሙልን ስለመጠየቅ ይሆናል።
*******

ከላይ በርዕሱ ለመግለጽ እንደተሞከረው እኛ በሲዳማ ብሔራዊ ክልል መንግስት ሀዋሳ ከተማ አስተዳደር በሀዌላ ቱላ ክ/ከተማ ስር ቀበሌ ውስጥ ያለን ነዋሪዎች ከዚህ በፊት ከመልካም አስተዳደርና ከልማት አንጻር ያሉብንን ችግሮች ጉዳዩ ለሚመለከታቸው ለክልሉ መንግስት አካላት ስናቀርብ ቆይተናል።በቀበሌው ውስጥ ያሉ ችግሮች በተለያዩ ሰነዶችና የምርምር ስራዎች ጨምሮ ብቀርቡም ፈጣንና አጥጋቢ ምላሾች ባለመኖሩ ነዋሪዎቹ ለአላስፈላጊ እንግልትና ምሬት ላይ ተደርጓል።

ህብረተሰቡ ከተጠየቀው አገልግሎት ሰጭ ተቋማት ውስጥ የሃይስኩል ት/ቤት ግንባታና ጤና አጠባበቅ ጣቢያ ሲሆን ክቡር ከንቲባ ጸጋዬ ቱኬ(ረ/ፕሮፈሰር) ቀድሞ ባለችው ዳቶ ኦዳሄ 1ኛ እና 2ኛ ደረጃ ት/ቤት ለማስፋት በግንቦት ወር 16/2013ዓም የሃይስኩል ግንባታ መሰረት ድንጋይ ማስቀመጡ የሚታወስ ነው። የመሰረት ቁፋሮም ተጀምሮ ነው ያለው።

ይሁንና ዳቶ ቀበሌ ካላት ህዝብ ብዛት(>60,000) እና የቆዳ ስፋት አኳያ ብዙ ግሪን ኤሪያዎች እያለ ቀድሞ በነበረውና ህጋዊ ካርታ ፕላን ባለው ት/ቤት ቅጥር ግቢ ውስጥ ተደራራቢ ፕሮጀክቶች ከመገንባት ባለፈ ተመጋጋቢ ያልሆነ ፣ማእከላዊነቱ ያልተመሰከረ፣ከህዝቡ ቁጥር ጋር የማይመጣጠን ጤና ኬላ ያለ ህብረተሰቡ ፍላጎትና ፈቃድ ውጭ ለመስራት ሀዋሳ ከተማ ት/መምሪያ፣ሀዋሳ ከተማ ጤና መምሪያ እና የቀበሌ አመራር እንቅስቃሰ እያደረጉ ይገኛሉ።

ይህንን ስታንዳርዱ በማይፈቅደው መልኩ ያለቦታው ልሰራ የታሰውበውን ፕሮጀክት የት/ቤቱ ማህበረሰብ እና ህብረተሰብ ሌላ አማራጭ ተፈልጎ ደረጃውን የጠበቀ ጤና አ/ጣቢያ ይሰራለን ያሉ ብሆን ጉዳዩን በአጽንኦት ከማጠን ይልቅ በት/ቤቱ ርዕሰ መምህር ላይ እንድሁም ህብረተሰቡ ላይ ዛቻና ማስፈራሪያ እየተጠቀሙ ይገኛሉ።
አመራሮቹ እርስበርሳቸው በጥቅም በመመሳጠር ህብረተሰቡ ላይ አላስፈላጊ ጫና በማድረግ ከዚህ በፊት በስህተት በተሰራው ጤና ኬላ በተጨማሪ ሌላ አዲስ ጤና ኬላ ለማስጀመርና ታሪካዊ ስህተት ለመድገም በነገው ቀን ማለትም በ04/04/2015 ግንባታውን በድብቁ ልያስጀምሩ እንደሆነ ታውቋል።
የከተማው ማዘጋጃ ቤት የአሁኑ ከተማ ልማትና ኮንስትራክሽን መምሪያ የተሳሳተ ውሳኔ መሆኑን እያወቀ የሚጋጭ ፕላን ሰርቶ እንዳይ ሰጥም እንላለን።

ስለዚህ ይህንን ህግንና መመሪያው ተጥሶ የሚሰራውን ስራ እንድያስቆሙልንና እኛ የዳቶ ህብረሰብ ቅሬታችንን እያሰማን በምትኩ ከነዋሪዎቹ ብዛትና ፍላጎት አንጻር የሚገባንን አገልግሎት ሰጭ ተቋማት ስታንዳርዱንና ህጋዊ አካሄድ በተከተለ መንገድ እንድሰራልን በአክሮት እንጠይቃለን።

ግልባጭ
👉ለሲዳማ ክልል ትምህርት ቢሮ
👉ለሲዳማ ክልል ጤና ቢሮ
👉ለዳቶ ቀበሌ ም/ቤት አባላት
👉ለዳቶ ቀበሌ ልማት ኮሚቴ
ሰላምና ብልጽግና ለሀገራች ይሁን!!
03|04|2015ዓ.ም

12/12/2022

በቀን 02/04/2015 የተደረገው ስብሰባ ውይይት ጥሬ ሀቅ ፣ ምንም ሳይጨመር እንዲህ ነበር ውሎው።
የደረስንበትን ነግረናቸው፣ ከተሳታፊዎቹ የተነሱትን direct reflection ማሳየት ስለተፈለገ የቀጥታው ስርጭት ከታች ያለውን ይመስላል:-
👉ተሳታፊ 1
➥አብይ የልማት ኮሚቴው በየመንደሩ ንዑስ የልማት ቡድን እንድኖር ይደረግ፣ትናንሽ የልማት ስራዎች ጽዳትን ጸጥታን እና ሌሎች ጉዳዮች ላይ እንድሰራ ማድረግ።

➥የንዑስ ልማት ቡድን አስተባባሪዎች በየመንደሩ ይሰይም።
➥በከተማው ነዋሪና አንዳንድ ባለስልጣናት በኩል ስለቀቤሌው ያላቸው የተዛባ ግንዛቤ እንድስተካከልና ትክክለኛ እይታ እንድኖራቸው እንስራ።
➥በየመንደሩ የሚደራጀው ንዑስ የልማት ቡድን ስብጥር ያለው(ሁሉን አካታች) እንድሆን ማድረግ።
➥ካለፈው አካሃድ ድክመቶችን በማስቀረት በድጋሚ የሰው ሃይልን በአብይ ልማት ጋር አደራጅተን ትግሉን መግፋት።

👉ተሳታፊ 2
➟የልማት አደረጃጀትን ወደታች ከማውረድ አኳያ ምን ተሰራ? ለምሳሌ:- በዕድሮች ላይ፣የወጣቶች አደረጃጀት ላይ ሀሳቡን ማስረጽ ያስፈልጋል።
➟የሀገር የሃይማኖት አባቶችን እስካሁን ስካሄድ ከነበረው የበለጠ ማሳተፍ ላይ ብሰራና የጥናቱን ውጤትና የተቀመጠው አቅጣጫ ለእነሱ ማሳወቅ።
➟የዳቶ ቀበሌ ምክር ቤት አባላትን ማወቅና ከእነርሱ ጋር በልማትና ጸጥታ ዙሪያ በጥልቀት መወያየት።

👉ተሳታፊ 3
➥የልማቱ አብይ ኮሚቴ ቡድኑ ሁኔታ ስብጥር ባይሆንም ጥሩ ጅምሮች ስላሉ ማጠናከር ያስፈልጋል።
➥በመንግሥት በኩል ያለው የትኩረት ማነስ ላይ ከሚመለከታቸው አካላት ጋር በድጋሚ መነጋገር ይኖርብናል።
➥አካሄዱን መቀየር ይኖርብናል (አጀንዳችንን እስከ ታችኛው ህዝብ ድረስ በንኡስ የልማት ኮሚቴ እንድሰርጽ ተግተን እናስቀጥል።ማረፍና ማሳረፍ አይኑር።
➥የዳቶ ቀበሌ ምክር ቤት ተወካዮች ስም ዝርዝር እንፈልግ ከእነሱ ጋር መወያየት፣
➥የዳቶ ት/ቤት ጉዳይ በአጽንዖት ይታይ!(urgent)፤ ያልተስማማንበትን የተሳሳተ የፖለቲካ ውሳኔአቸውን ይሻሩ።

👉ተሳታፊ 4
➥አንዳንድ የህብረተሰብ ክፍል አባላት ፍርሃት ብያስወግዱ ግንዛቤ እንድያገኙ መስራት።
➥በአካባቢ ጽዳትና ጥበቃ ላይ እንስራ።
👉ተሳታፊ 5
➥በወጣቶች አሪፍ ስራ ጀምረዋል ጋረጣዎች ብበዙም ይጠናከር።
➥ልማቱ በአግባቡ የማይሰራበት ጉልህ እንቅፋት የቀበሌው አመራር ነው።ስለዚህ በዚህ ላይ እንዴት አድርገን በጋራ እንሰራ?

👉ተሳታፊ 6
➥ወጣቶችን በዲጂታል ሚዲያ ላይ የልማታችን እጦት ያመጣውን ሁለንተናዊ መስተጓጎልና ነባራዊ ሁኔታን ማሳወቁን ቀጥለን የበለጠ መናበብና መተባበር እንድኖር የዘመቻ ቅስቀሳ ይጠናከር።

➥ ህብረተሰቡም እራሱ በተቻለው መጠን መፍታት ያለበትን ለልማት መደናቀፍ ምክንያት የሆኑትን ማንንም ሳይጠብቅ በተነሳሽነት እንድሰራ ግንዛቤ ፈጥረን ወደፊት እንትጋ።
➥ለህዝቡ ማሳወቅና መሬት ላይ ማውረድ።
➥ህዝቡን ለልማት በንቃት እንደስተፍ በዚህ ላይ የእውቀት እጥረትና የግንዛቤ ክፍተት ላይ መስራት።
➥የቀበሌው አመራር ወክሎ ስላለው ህዝብ ከመጨነቅ ይልቅ ስለወንበሩ ብቻ በማሰብ ህብረተሰቡን አደጋ ላይ የጣሉ ሁኔቶችን ዝም ብለው የመመልከት አባዜ መቅረት አለበት።
➥መብቱን ባለማወቅ የተገባውን መሰረታዊ ጥያቄ ማቅረብ ያለመፈለግ፣አመራሩን መፍራት፣አመራሩ ላይ እምነት ማጣትን የመሳሰሉ አመለካከቶች መታረም አለባቸው።
👉ተሳታፊ 7
➥ቲሙን አመሰግኖ ጀምሯል
➥በት/ቤት ቅጥር ግቢ ውስጥ ጤና ኬላ የተባለው ትክክል አይደለም።እንዳይሰራ መጮህ አለብን።
➥የልማቱን ጥያቄ አውዱን እናስፋው ትላልቅ ሚድያዎችን ብንጠቀም።

👉ተሳታፊ 8
➥መንግስት ትኩረት ነፍጓል ፣ግን ለምን? በየግንቦት ወር መታለል የለብንም!
➥ከአመራሮች ጋር መናበብ መቻል ይኖርብናል።
ተሳታፊ 9
➥ሰውን ማነሳሳት ያስፈልጋል ስጋትንና ፍርሃትን መከላከል ይጠበቅብናል።
➥በትግሉ እየመጣ ያለውን ውጤት ለህዝቡ ቆጥረን ግልጽ ማድረግ።
👉ተሳታፊ 10
➥ የዳቶው ልማታዊ ንቅናቄ ተጠናክሮ እየተቀጣጠለ ይቀጥል።
➥አሁንም ያልተጠና unstructured ስራ እየተሰራ ነው።ዳቶ ሀብት አላት(መሬቱ ተቆጥሮ ባንክ መግባት አለበት)
➥የስራ ዕድል መፈጠር አለበት፣እኛ ፣የመረጥነው ፓርቲ ወይም ሰው ካልሰራ እኛው እንድታረም ማድረግ እንችላለን።

👉ተሳታፊ 11፣
➥ባረጀ አስተሳሰብ አሁንም ህዝብን ማነጣጠሉ አለ፣ ወጣቱንና ሽማግሌዎችን አንድ ላይ መሆን አለባቸው።
➥ትግሉን በሰለጠነ አኳሃን ስልቶችን በመንደፍ ወደፊት ብቻ እንግፋው!!

10/12/2022

ሰላም
ነገ 02/04/2015 ዳቶ ጉዳማሌ 9:00 በክብር እንድገኙልና ከአስር በላይ ለሆኑ ጓደኞች share በማድረግ ከእነርሱ ጋር ተጋብዘዋል።
ስለሆነም ምርጡን ህብረታችንን ለተሻለ መተሳሰብ ለመጠቀም በቦታው በጊዜ እንገኝ።

ሰላም ይብዛላችሁ።

Keereho.
Ga'a 02/04/2015 M.D 9:00 saatera Daato Gudumaalira(Roggera) noonke songora ayirinyunni kooyinsoommo'nena 10(tonnu ali jaalla'ne iillishatenni insa ledo )yannanni xaando.
Malate amaalamate hendeeti.

07/12/2022

Hawalle keerunni Daggini.
እንኳን ለ17ኛ የብሔር ብሔረሰቦችን ቀን ለማክበር በደህና መጣችሁ።
ከተለያዩ የአገሪቱ ክፍል የመጣችሁ ክቡራን እንግዶቻችን በዓሉ እውነተኛ ህብረ ብሄራዊ አንድነትና ወንድማማችነት ከእኛ አልፎ እስከ አለም አቀፍ አደባባይ በተግባር ጎልቶ የምንጸባረቅበት እንድ ሆነን ተመኘን።
ክቡር ጠቅላይ ሚንስትር (ዶ)ዐቢይ አህመድ፣ክቡር ም/ጠቅላይ ሚንስትር ና የውጭ ጉዳይ ሚንስትር ደመቀ መኮንን፣ክብርት ቀዳማዊት እመቤት ዝናሽ ታያቸው፣
ክቡራን የፌደራል ከፍተኛ ባለስልጣናትና አምባሳደሮች ፣
የክልል ርዕሳነ መስተዳድሮች፣ የከተማ ከንቲባዎች ፣የየብሄረሰቡ ተወካዮችና አስተዳዳሪዎች ፣ ጥሪ የተደረገላችሁ እንግዶች ሰናይ ቆይታ ይሁንላችሁ።

ውብና ጽዱ ከተማችን ሀዋሳ
በማራኪነቱ አለው ብዙ ሙገሳ
እንደዚህ ሆኖ እንዲቀጥል ማስፋፍያውም ሳይሳሳ
ደግፉት በብዙ #ዳቶን ማልማትንም እንዳይረሳ
28/03/2015 ዓ/ም

02/12/2022

ክቡር ከንቲባቺን ፀጋዬ ቱኬ ሠላምና ሞገስ ከብዙ መከናወን ጋር ይብዛልህ።

በዳቶ ትምህርት ቤት ውስጥ እየተደረገ ያለውን የጤና ተቋም ግንባታ ቦታ ፍለጋ ከትምህርት ቤት ግብ ውጭ እንዲሆን ትዕዛዝ እንድ ስጡ ስለመጠየቅ ይሆናል

ክቡር ከንቲባችን ፣ ዳቶ ከልማት ብዙ የምቀረው ቀበሌ እንደሆነ ያስታውሳሉ ። የሀይስኩል መሰረት ድንጋይ ተጥሎ ግንባታ ተጀምሮ ያለው እዚያው ነው። አዎንታዊ ነት አለው። በሙሉ ልብ አምነናል። አዋጭነቱና የቦታ መረጣው ስለምስማማ ተስማምተናል። እርስዎም ይህንን ያውቃሉ።


ብቸኛ ትምህርት ቤት እንደመሆኑ መጠን ከስታንዳርድ በታች ወደ መሆን ደረጃ እየገባ ይገኛል።
መንግስት ተቋማትን እንድገነባልን ብርቱ ፍላጎታችን ነው። የማይቀናጅ ተወታፊ ፕሮጀክትን ግን አይደለም የፈለግነው። እራሱን ችሎ፤ የሚጠበቅበትን መስፈርት ያሟላውን ብቻ ነው የጠየቅነው። አግባብነት ባለው መልኩ የተሰናዳ ማዕከላዊነቱ የተጠበቀ ቢሆን እንጂ የግብር ይውጣ ፕሮጀክት እኛን አይመጥነንም።ስለሆነም
ተገቢነታቸው የታመኑ ፣ትክክለኛነታቸው የተረጋገጡ በትክክለኛ ቦታ ሲሆኑ እኛ የዳቶ ወጣቶች ያለምንም ማመቻመች ይሁን ብለናል።እንላለንም። ከመልካም አድራጎታችሁ ጋር ተቋራኝተን እንከንፋለን። ባልተግባባንባቸው መግባባት ፈጥረን መሄድን ወደን ይህን እያልን ነው።
የቦታ መረጣው (ልገነባ ላለው ጤና ጣቢያ) አወዛጋቢና አዋጭነቱ በስከነ ሁኔታ ስላልታየ ፤ውሳኔውም ዳግም እንድ ታይ እያልን ተቃውሞአችንን እናሰማለን።
ዝቅተኛ መስፈርት የሚያሟላውን ት/ቤታችንን በለጠ አጥብበው የወደፊት ዕድገቱን የሚገታ አደናቃፊ ውሳኔ መወሰኑን ሰምተን ተቀባይነት የሌለውን ግርግር እየፈጠሩ ስለሆነ በቀጭን ትዕዛዝዎ ወደ ሌላ ቦታ ይቀይሩ።
ትምህርት ቤቱ የማይቀናጁ ተቋማት መነኃሪያ እንዳይሆን እንቃወማለን።
(ግብርና፣ጤና__ወዘተ) ሁለቱም ከግቢ ውጭ ይሁኑ።
ተመጋጋቢ ያልሆኑ ተቋማት የመስፈርት መጣረስን በማስከተል ውጤታማነትን ስለምቀንሱ ከእርስዋ በላይም ስላልሆነ ሌላ አማራጭ እንድ ፈልጉ ጥቆማ ሰጥተን ትዕዛዝ እንድያስተላልፉ በታላቅ ትህትናና አክብሮት እንጠይቃለን።

ግልባጭ:
=> ለደስታ ዳንኤል የከተማ ትምህርት መምሪያ

27/11/2022

በዛሬው ቀን[18|03|2015ዓመ] በዳቶ አዳሄ ጉዳማሌ ከህብረተሰቡ ጋር የልማት ጉዳይን በተመለከተ ውይይት ተደርጓል።

ከ2008 ጀምሮ እስከ 2014 ዓም ድረስ ላልተጠናቀቀው ካርታ ፕላን ስራ በ2014ዓ.ም "መንገድ ላይ የቀረው የልማት ስራ በህብረተሰቡ ህይወት በማህበራዊ፣በኢኮኖምያዊ እና በስነ ልቦና ላይ እያደረሰ ያለው ተጽዕኖ" በሚል መነሻ ሀሳብ ሳይንሳዊ ጥናት/ሪሰርች/መደረጉ ይታወሳል።

በዚሁ መሰረት የጥናቱ ግኝቶች ለተሳታፊዎች በዝርዝር ቀርበው፣በቀረበው ሪፖርት እና በሌሎች ተዛማጅ የልማት ጥያቄዎች ላይ ሰፋ ያለ ውይይት ተደርጓል።

በውይይቱ ወቅት የተነሱ ጉዳዮች ጠቅለል ባለ መልኩ ከሁለት አካላት መደረግ ያለባቸው ነጥቦች እንደሚከተለው ቀርቧል።
1ኛ -ከመንግስት አካል የሚጠበቀው:-

በመንግስት በኩል ጥሩ የጅምር ስራዎች ያሉ ቢሆንም በጣም ዘገምተኛ በመሆኑ የሚከተሉት ነጥቦች ከፍተኛ ትኩረት ይሻሉ!!
➟በልማት ተነሽ ለሆኑ ነዋሪዎች የምትክ ቦታና ካሳ በፍጥነት ተሰጥቶ ቦታዎቹ ለልማት ተቋማት ግንባታ እንድ ውልና እንድሰጥ ማድረግ።
➟በወሊድና በእሳት አደጋ ጊዜ አገልግሎት የሚሰጡ ተሽከርካሪዎች በቀላሉ መግባት እንድችሉ መከፈት ያለባቸው ብዙ የተዘጉ መንገዶችን ማስከፈት።
➟ተቆፍረውና ሳይከደኑ ያሉ ያልተጠናቀቁ ትላልቅ መንገዶች በፍጥነት ተሰርተው እንድጠናቀቅ ማድረግ።
➟በተደረገው ጥናት መሰረት ከ60 በላይ በሆኑ ብሎኮች ውስጥ ሳይመዘገቡ የታለፉ በድምሩ ወደ 25000 ካሬ ሜትር መሬት እንድመዝገቡ
==> አሰፋፈሩ ያላማረ፣በዘፈቀደ የተገነባና እየተገነባ ያለ ቤት ቁጥር እንደአሸን ፈልቶ እይታየ ዝምታ የተመረጠበት አስቸኳይ መፍትሄ ያግኝ።
ካርታ ፕላን ያልገባባቸው ቦታዎች ላይ ካርታ ፕላን የማስገባት ስራ መስራት።ወደፊት ህገወጥ ቤቶች እየተሰሩ ነዋሪዎቹና መንግስት ለአላስፈላጊ ወጭ እንዳይደረግ ቀድሞ አስፈላጊውን እርምጃ መውሰድ።
==>

➟ይህ ዳቶ እንደ ቀበሌ ያለው፣ በህዝቡ ብዛትና ባለው ቆዳ ስፋት ከሁለት ክፍለ ከተማ በላይ እንደሚሆን ይታመናል፡፡ ብዙ መሰረታዊ ግልጋሎት ሰጪ ተቋማት ሲገባው በከተማ ውስጥ ካሉ ቀበሌያት ምንም ተቋም የሌለው ብቸኛው ነው። ስለሆነምአገልግሎት ሰጭ ተቋማትን ለህብረተሰቡ በምጠቅም መልኩ ጥናት ተደርጎበት እንድሰራ ማድረግ።
➟በሴራሚክ ፋብሪካ የተዘጋው ቀድሞ የነበረው መኖሪያ መንደሩንና ፋብሪካውን ለይቶ የሚያልፍ መንገድ እንደ Guide Map መሰረት ባጠረ ጊዜ ወደ ትግበራ ተገብቶ እንድከፈት እንድደረግ።
➟ከመልካም አስተዳደር ጋር ተያይዞ የሚስተዋሉ ችግሮች በዘላቂነት እንድፈቱ አቅጣጫዎች ማስቀመጥና አጠናክሮ መስራት።

2ኛ-ከህብረተሰቡ የሚጠበቀው:-

➥መሬት ላይ ያለውን ነባራዊ ሁኔታ/ችግሮችን ለመንግስት አካላት በግልጽ ማሳወቅ ፣መፍትሄው እስከሚገኝ ደጋግሞ መጠየቅና በብልሃት መሄድ ይጠበቃል።

➥ውሸትንና የፈጠራ ውዥንብሮችን አለመፍራት። እውነትን መያዝ፣እውቀትን መደገፍ፣ በአላማ መጽናት ፣በሃሳብ ጥራት መኩራት።
➥ከምንም በላይ መንቃት፣ያልነቃ ለምንም አይበቃምና!
➥የምፈለገው ልማት እስኪሰራ ድረስ አለማረፍ፣ ፣እነርሱንም አለማሳረፍ!

ስራዎቹ በአግባቡ የማይሰሩ፣ችግሮቻችንም እየተጓተቱ ዘላቂ መፍትሄዎች የማይበጅለት ከሆነ በቀጣይነት እስትራቴጂዎች በመንደፍ የተለያዩ ሚድያዎችንም በመጋበዝ እስከ ጠ/ሚንስትር ጽ/ቤት ድረስ ለመሄድ የምንገድድ ይሆናል።
ምሳሌ፣፩/ አይናችን ፕሮግራም አቅራቢዎች
፪/ሌሎች main stream medias

➥በመጨረሻም በተሳታፊዎቹ ጥያቄና አስተያየት መሰረት በቀጣይ የተደራጀና የሰለጠነ በአይነቱም የተለየ ህዝባዊ ውይይት በታህሳስ 02|2015 ዓም ከቀኑ 9:00 እንድደረግ ተወስኗል።በዕለቱ ጉዳዩ የሚመለከታቸው ታዋቂና ተደማጭ አመራሮችና የቀበሌው ምክር ቤት አባላት እንድገኙ የሚጋበዙ ይሆናል።
ሰላም ለሀገራችን ይሁን🙏
18|03|2015ዓ.ም