https://www.facebook.com/105481722017635/

Awtar Media አውታር ሚዲያ

Home
Ethiopia
Addis Ababa
Awtar Media አውታር ሚዲያ

Contact information, map and directions, contact form, opening hours, services, ratings, photos, videos and announcements from Awtar Media አውታር ሚዲያ, Social Media Agency, Addis ababa, Addis Ababa.

25/04/2024

አሁናዊ መረጃ

ተወዳጁ ተዋናይ አማኑኤል ሐብታሙ እስራኤል አገር "እብደት በሕብረት" የተሰኘ ቴአትሩን ለማሳየት አውሮፕላን ሊሳፈር ሲል ከአዲስ አበባ ኤርፖርት በፖሊሶች ተይዞ ወደ አዲስ አበባ ፖሊስ ተወስዶ መታሰሩ ይታወሳል።

ከቤተሰብ ባገኘሁት መረጃ መሰረት ተዋናይ አማኑኤል ሐብታሙ እጁ ከተያዘበት ሰዓት አንስቶ የተከሳሽነት ቃል ሳይሰጥ እንዲሁ በእስር ላይ የሚገኝ ሲሆን፤ የቤተሰብ ጠበቃ የማግኘት መብቱ ተጠብቆለት ከቤተሰብ እና ከጠበቃ ጋር ዛሬ ጠዋት ሊገናኝ መቻሉን እና ያለበት አያያዝ መልካም መኾኑን ገልጸው በሕጉ መሰረት ወደ ቀጣይ ሕጋዊ ሂደቶች ለማምራት እስከ ነገ የሚሆነውን ለማየት መወሰናቸውን ለማወቅ ችያለሁ።

በሌላ በኩል በዛሬው ዕለት በአገረ እስራኤል ነስ ፅዮና ከተማ ሊካሄድ የነበረው እና ከ750 በላይ ተመልካቾች ሊታደሙበት የነበረው አማኑኤል ሐብታሙ የሚተውንበት "እብደት በሕበረት" ባለ አንድ ሰው ቴአትር መርሐ ግብር ለሌላ ጊዜ እንደተዘዋወረ በመግለጽ አዘጋጆቹ ተመልካቹን አክብረው ይቅርታ ጠይቀዋል።

ተወዳጁ ተዋናይ አማኑኤል ሐብታሙ በአስቸኳይ ከእስር ይፈታ ዘንድ የሚወዱት ሁሉ ምኞት ነው።

Yared Shumete - ያሬድ ሹመቴ

25/04/2024

አቶ ብርሃኑተፈተዋል‼

ኦሮሚያ ክልል ሸገር ከተማ ለገጣፎ አቅራቢያ 44 ማዞሪያ ጅዳ ኩራ በተባለ ፖሊስ ጣቢያ ታስረው እንደነበር የተገለፀው አቶ ብርሃኑ የሚባሉት እኝህ አባት ትናንት መፈታታቸው።

እሳቸው ዛሬ ዛቻና ማስፈራሪያን የተሻገረ ተግባር ሲፈፅሙባቸው የነበሩት 7 ወጣቶች በፍ/ቤት ጊዜ ቀጠሮ ተጠይቆባቸው በእስር ላይ እንደሚገኙ የመረጃ ምንጮች አረጋግጠዋል።

24/04/2024

#ይቅርታ
ምክትል ሳጂን ታመነ ዱባለ "ያደኩበት ቤተክርስትያን ተገንብቶ በማለቁ የተሰማኝ ደስታን ለመግለፅ ሀላፊዎችን አስፈቅጄ ነው ጥይት የተኮስኩት በዚህም ያስከፋዋችሁ ካለ ይቅርታ አድርጉልኝ" ብሏል።

24/04/2024

ፖሊስ ተጨማሪ 8 ቀን የምርመራ ማጣሪያ ጊዜ ተፈቀደለት።

ቀሲስ በላይ መኮንን በሃሰተኛ ሰነድ ከኢትዮጵያ ንግድ ባንክ የአፍሪካ ኅብረት የባንክ ሒሳብ ወደ ሌላ የባንክ ሒሳብ ከ6 ሚሊዮን ዶላር በላይ ለማዘዋወር ሲሞክሩ በቁጥጥር ሥር መዋላቸው ይታወሳል።

በተጠረጠሩበት ወንጀል ዛሬ ለ2ኛ ጊዜ የፌደራል የመጀመሪያ ደረጃ ፍ/ቤት አራዳ ምድብ ጊዜ ቀጠሮ ችሎት ቀርበዋል።

ከእሳቸው ጋር ሌሎች 2 ግለሰቦች ያሬድ ፍስሃ እና ጣባ ገናና የተባሉ ቀርበዋል።

ከዚህ ቀደም ለፌዴራል መርማሪ ፖሊስ 7 ቀን መሰጠቱ ይታወሳል።

በዚህ ጊዜ መርማሪ ፖሊስ ምን እንደሰራ ለችሎቱ አስረድቷል።

ፖሊስ ምን አለ ?

- " የምስክሮችን ቃል ተቀብያለሁ። "
- " በተጠርጣሪዎች እጅ ላይ የተገኘ ኤሌክትሮኒክስ ምርመራ እንዲደረግ ለሚመለከተው ተቋም ጠይቂያለሁ። "
- " የቴክኒክ ምርመራ እንዲሰጠኝ በደብዳቤ ጠይቂያለሁ። "
- " ለውጭ ጉዳይ ሚኒስቴር፣ ለአፍሪካ ህብረት የሰነድ ማስረጃዎች እንዲሰጠኝ ጠይቂያለሁ። "
- " ተጠርጣሪዎቹ በስማቸው የሚገኙ ሂሳቦችን ለማጣራት ማረጋገጫ እንዲሰጠኝ በደብዳቤ ጠይቂያለሁ። "
- " በወቅቱ የነበረ የካሜራ ቅጂ ጠይቂያለሁ። "
- " ለወንጀል ተግባር የዋለ ተሽከርካሪ ማረጋገጫ ከሚመለከተው ተቋም ጠይቂየለሁ። "
- " በቀሲስ በላይ ሁለት መኖሪያ ቤቶች ላይ ብርበራ አድርጌ በብርበራ የተገኘ የጦር መሳሪያ ህጋዊነት የማረጋገጥ ስራ እየሰራሁ ነው። " ... ብሏል።

የቀሩ ስራዎች ፦
- " ከተለያዩ ተቋማት የሰነድ ማስረጃ መሰብሰብ። "
- " ተጨማሪ ምስክሮችን ቃል መቀበል። "
- " ግብረአበሮችን ተከታትሎ መያዝ። "
- " ተጨማሪ ሀብት የማፍራት ተግባሮች ላይ የማጣራት ስራ መስራት ሌላም ሰፊ የምርመራ ስራ ስለሚያስፈልግ ተጨማሪ የ14 ቀን ጊዜ ቀጠሮ ይሰጠኝ " ብሏል።

የተፈጸመው ድርጊት " ከአፍሪካ ሀገራት ጋር ያለንን መልካም ግንኙነት ጥላሸት የሚቀባ ተግባር ነው " ብሏል።

ተጠርጣሪው ቀሲስ በላይ መኮንንን ጨምሮ ሌሎቹም ተጠርጣሪዎች በ6 ጠበቆች ተወክለው ነው የቀረቡት።

ጠበቆቻቸው ምን አሉ ?

° " የቀረበው የጊዜ ቀጠሮ መጠየቂያ ምክንያቶች ደንበኞቻችን ተጨማሪ በእስር ለማቆየት የሚያስችል አይደለም " ብለዋል።

° " ቀሲስ በላይ የተገኘው የጦር መሳሪያ ህጋዊ ነው። ሀብት ማፍራት ከተጠረጠሩበት ወንጀል ጋር ሊገናኝ አይገባም " ብለዋል።

° " የሃይማኖት አባት መሆናቸው ፣ የልማት ስራ አስተባባሪ በመሆናቸው ፣ ቋሚ አድራሻ ያላቸው በመሆኑ ቢወጡ ከመንግስት ተቋማት የሚመጡ ማስረጃዎችን የማጥፋት አቅም የላቸውም " ብለዋል።

ስለሆነም የዋስትና መብታቸው እንዲፈቀድላቸው ጠይቀዋል።

ቀሲስ በላይ መኮንን ምን አሉ ?

➡ ወንጀል አለመፈጸማቸውን ገልጸዋል።

➡ ለሀገር እንዲሁም ፖሊስ ተባባሪ መሆናቸውን ተናግረዋል።

➡️ " ምሽት ላይ ጠዋት ላይ ልምጣላችሁ " በማለት ፖሊስን መጠየቃቸውን ለችሎቱ አስረድተዋል።

➡ ከእሳቸው ጋር አብረው የታሰሩት #ሹፌራቸው እና #አጃቢያቸው እንደሆኑ ገልጸው ምንም የወንጀል ተሳትፎ በሌለበት ሁኔታ ከኔ ጋር ተጨማሪ ጊዜ በእስር ማቆየት ተገቢ አይደለም በማለት የዋስትና መብታቸው እንዲፈቀድላቸው ጠይቀዋል።

ፖሊስ ተጠርጣሪዎቹ ቢወጡ ማስረጃ ሊሰወር ይችላል በማለት የዋስትና ጥያቄያቸውን ተቃውሟል።

የግራ ቀኝ ክርክሩን የተመለከተው ጊዜ ቀጠሮ ችሎቱ ተጠርጣሪው ያቀረቡትን የዋስትና ጥያቄ ለጊዜው በማለፍ ለፖሊስ የ8 ቀን የምርመራ ማጣሪያ ጊዜ ፈቅዷል።

FBC

03/04/2024

# ወንድማችንን እንርዳው
Let Us Help Our Brother
Tadesse Esmael Ahmed
የኢትዮጵያ ንግድ ባንክ1000396595641
አቢሲንያ ባንክ 63209465
አዋሽ ባንክ 01320432380000
https://gofund.me/eba512dc
0910453064
0934064545

27/03/2024

ጥዋት ወደ አርሴማ ጸበል እሄዳለው.........አለልኝ አዘነ
***

ይህ የኢትዮጵያ የእግር ኳስ ድምቀት የሆነው አለልኝ አዘነ ለጓደኞቹ የተናገረው የመጨረሻ የስንብት ቃል ነው።

በቅርብ በሥጋ ወደሙ በፈጸመው ጋብቻ ምክንያት መጠነኛ አለመግባባት ከቤተሰቦቹ ጋር እንደተፈጠረ እና እሱን ለማስተካከል እየጣረ እንደሆነ ለቅርብ ሰዎች የተናገረ ሲሆን

እስከ ትላንትናው ዕለት ይህ ችግር እንዳልተፈታ እና በእዚህ ጉዳይ ምክንያት ከተፈጠረው ብስጭት እራሱን ማሳረፍ እንደሚፈልግ እና ወደ አርባምንጭ ቅድስት አርሴማ ቤተክርስቲያን ጥዋት ሄዶ መጸበል እንደሚፈልግ ለጓደኞቹ ተናግሮ ከአብሮ አደግ ጓደኞቹ ጋር አምሽቶ እራት ከተመገበ በኃላ ምሽት ላይ ወደመኖርያ ቤቱ ሄደ።

ነገር ግን በማለዳ ለመጸበል ቀጠሮ የያዘችው ነፍስ ሞት ቀድሞ አገኛት። ወደ ቅድስት አርሴማ ጸበል አብሮ ሄደው ሊጸበሉ ስልኩን ይጠብቁ የነበሩት ጓደኞቹ በውድቅት ምሽት ሞቱን ሰሙ።ሁሉም ነገር እዚህ ጋ አበቃ።

ነገ ብለን የምናቅድለት ቀናችን ምናልባትም ሞት ጋር የሚያገኘን የአለመኖራችን ጀንበር እንደሆነ የእዚህ ወንድማችን ህይወት ማሳመኛ ቃል ነው።

Kune Demelash kassaye -Arba Minch

27/03/2024

🚨 አሳዛኝ ዜና

የቀድሞ የአርባ ምንጭ ከነማ የአሁኑ የባህርዳር ከነማ የአማካይ ስፍራ ተጫዋቹ ባለብዙ ተስፋው አለልኝ አዘነ በድንገተኛ ሁኔታ ከዚህ ዓለም በሞት ተለይቷል።

ነፍስ ይማር 🥺😢

20/03/2024

በየካ ክፍለ ከተማ አስተዳደር ስር ባሉ 12 ወረዳዎች በፀጥታ ግብረ ሀይል የተሰበሰቡ አደንዛዥ ዕፅ እና የሺሻ መጠቀሚያ ዕቃዎች የተለያዩ አካላት በተገኙበት መጋቢት 9 ቀን 2016 ዓ.ም የማስወገድ ስራ ተከናውኗል።

የየካ ክ/ከተማ ፖሊስ መምሪያ ማህበረሰብ አቀፍ ፖሊስ አገልግሎት ዲቪዚዮን ሀላፊ ኮማንደር ርዕስቱ ታመነ እንደገለጹት የወንጀል መንስኤ እና አዋኪ ድርጊቶች ላይ ትኩረት ተሰጥቶ እየተሰራ መሆኑን ገልፀው ከታህሳስ 8 እስከ የካቲት 30 ቀን 2016 ዓ/ም ከ240 በላይ በሆኑ ቤቶች ላይ በተደረገ ድንገተኛ ፍተሻ ከ9 መቶ በላይ የሺሻ ዕቃዎች እና አደንዛዥ ዕጽ የተያዘ ሲሆን በሚያስጠቅሙ ቤቶች ላይም እርምጃ ተወስዷል ብለዋል።

ዘገባው የአዲስ አበባ ፖሊስ ነው ።

14/03/2024

የሕዝብ ተወካዮች ምክር ቤት የአቶ #ክርስቲያን ታደለን ያለመከሰስ መብት አነሳ‼️
የኢፌዴሪ የሕዝብ ተወካዮች ምክር ቤት ዛሬ መጋቢት 5 ቀን 2016 ዓ.ም 17ኛ መደበኛ ስብሰባውን እያካሄደ ይገኛል።

በዚህም መደበኛ ስብሰባው የምክር ቤት አባሉን እና ለእስር ከተዳረጉ ሰባት ወራት ያስቆጠሩትን አቶ ክርስቲያን ታደለን ያለመከሰስ መብት አንስቷል።

በተጨማሪም ምክር ቤቱ በዛሬ ውለው ሌሎች ዘጠኝ ረቂቅ አዋጆችን እንደሚያጸድቅ እና ሁለት ረቂቅ አዋጆችን ደግሞ ለሚመለከታቸው ቋሚ ኮሚቴዎች እንደሚመራ ይጠበቃል ሲል ከምክር ቤቱ ያገኘነው መረጃ አመላክቷል።

13/03/2024

እንደምን አደራችሁ ??

10/03/2024

#ረመዳን #ዐቢይ ፆም

የሁለቱ ታላላቅ ሃይማኖቶች የተከበሩ የፆም ወቅቶች በአንድ ቀን ነገ ሰኞ መጋቢት 02/2016 ይጀምራል።

ይህን መሰል ግጥምጥሞሽ ከ33 ዓመት አንድ ጊዜ ብቻ ሊከሰት የሚችል ድንቅ ግጥምጥሞሽ ነው።

ፈጣሪ ፀሎታችንን ይስማ ፤ምድራችንን ሰላም ያድርግልን 🤲

10/03/2024

ረመዷን ነገ ይጀምራል።

በሳውዲ አረቢያ የረመዳን ወር መግቢያ ጨረቃ በመታየቷ የታላቁና ቅዱሱ የረመዳን ወር ጾም ነገ ሰኞ ይጀምራል።

10/03/2024

ለህክምና ወደ ውጪ ሀገር የሚደረጉ ጉዞዎች ለማስቀረት በ106 እውቅ የህክምና ዶክተሮች ስራውን እየሰራ የሚገኘው ኢትዮ ኢስታንቡል ሆስፒታል

በ2020 ዓ.ም ዓለም-አቀፍ መመዘኛዎችን ያሟላ በምስራቅ አፍሪካ ግንባር-ቀደም የሆነ ሁሉን አቀፍ የህክምና ማዕከል መሆንን ራዕይ አድርጎ እየሰራ የሚገኘው ኢትዮ ኢስታንቡል ሆስፒታል ከተመሰረተ 6 ወራት አስቆጥሯል።

በዚህ የስድስት ወራት ውስጥ የተሰሩ ስራዎችን ክንውን የሆስፒታሉ ሰራተኞች፣ የጤና ሚኒስቴር ተወካዮች እና ተጋባዥ እንግዶች በተገኙበት የካቲት 30/2016 ዓም በአዲስ አበባ ስካይ ላይት ሆቴል ገምግሟል።

የመጀመሪያውን ቀዶ ሕክምና ጁላይ 18 ቀን 2023 በተሳካ ሁኔታ በማከናወን የቀዶ ህክምና ስራ የጀመረው ኢትዮ ኢስታንቡል ሆስፒታል በ17 ስፔሻሊስት እና በ89 ሰብ ስፔሻሊስት ሀኪሞች በአጠቃላይ በ106 እውቅ የህክምና ዶክተሮች አማካኝነት ከ4ሺህ በላይ ተመላላሽ ታካሚዎች ህክምና መስጠቱን የሆስፒታሉ መስራች እና ዋና ስራ አስኪያጅ አቶ ብርሃን ተድላ ተናግሯል።

በስፔሻሊስት ሀኪሞች በተደራጀው የድንገተኛ ህክምና ክፍል ከ600 በላይ ድንገተኛ ታካሚዎች አገልግሎት የተሰጠ ሲሆን በተሟላና በልዩ ሁኔታ አገልግሎት ከሚሰጥባቸው ክፍሎች ውስጥ ዋነኛው የተኝቶ ማከም አገልግሎት ሲሆን በዚህ አገልግሎትም ከ1 ሺህ በላይ ታካሚዎች አገልግሎት ማግኘታቸው ተገልጿል።

ከተመሰረተ በአጭር ጊዜ ውስጥ 3ሺህ የሚደርስ የኩላሊት እጥበት (ዲያሊስስ) ህክምና የሰጠው ሆስፒታሉ ከተቋቋመባቸው ዋና ዋና ዓላማዎች መካከል የውጭ ሀገራት ህክምናዎችን በዓለም አቀፍ ደረጃ በሀገር ውስጥ መስጠት ሲሆን ለዚህም የተሟላና ልዩ የሆነ የቀዶ ህክምና አገልግሎት ዋነኛው ሲሆን ባለፋት 6 ወራት ውስጥ 1ሺህ የሚደርሱ Major and Minor Surgery አገልግሎት መስጠታቸውን አቶ ብርሃን ተናግሯል።

በሀገራችን ለመጀመሪያ ጊዜ በዓይነቱና በአተገባበሩ ልዩ በሆነው በዓመት ለ300 የልብ ህሙማን ህጻናት ለመስጠት ከታቀደው የነጻ የልብ ቀዶ ህክምና አገልግሎት ውስጥ ለ5 ህጻናት ታካሚዎች በመጀመሪያ ዙር የተሳካ ህክምና እንዲያገኙ ተደርጓል።

ሆስፒታሉ እስካሁን ለ56 ወንዶች እና ለ130 ሴቶች በድምሩ ለ189 ቋሚ እና ለ106 የትርፍ ሰዓት ሰራተኞች የስራ እድል መፍጠር ችሏል።
በእለቱ ከፍተኛ አፈፃፀም ላሳዩ ዶክተሮች እና ሰራተኞች እውቅና ተሰጥቷል።

በቀጣይ የሆስፒታሉ የማስፋፊያ ፕሮጀክት አቅደናል ከመንግስት የጠየቅነው መሬት ከተፈቀደ 150 አልጋ ያለው ሂሊኮፍተር ማሳረፍ የሚችል ህንፃ በመስራት እንዲሁም የካንሰር ሴንተር በማቋቋም የካንሰር ህክምና ለማድረግ ቴክኖሎጂውን የማምጣት እቅድ እንዳላቸው አቶ ብርሃን ገልጸውልናል።

10/03/2024

የርዕሰ ሊቃውንት አባ ገብረኪዳን ልጅ ሕጻን ሐረገወይን ቀለሙ ❤️

09/03/2024

አርትስ ቴሌቪዥን ከደምሳሽ ጋር ያደረገው ቃለምልልስ በተመልካች ጥያቄ መሰረት አላስተላልፍም አለ።

“ማብሪያ ማጥፊያ” በተሰኘው ፕሮግራም ደምሳሽ ከተሰኘው እንግዳ ጋር የተካሄደውን ቃለመጠይቅ አስመልክቶ ከተመልካቾቻችንና ከተከታታዮቻችን የተሰጡትን ሃሳቦችና አስተያየቶች ተመልክተን ፕሮግራሙ እንዳይተላለፍ አድርገናል ሲሉ አርትስ ቴሌቪዥን አስታወቀ።

09/03/2024

ዓባይ ባንክ 7 ሚሊዮን ብር ያወጣበትን አዲሱን የንግድ ምልክት ይፋ አደረገ።

የባንኩን አዲስ መለያ የተዘጋጀው በአቶ ያየህይራድ ታደሰ እና በስቱዲዮኔት እንደሆነ ተነግሯል፡፡ ለስራውም 7 ሚሊዮን ብር ተከፍሏል ተብሏል። አዲሱ የንግድ ምልክት የዓባይ ወንዝ ዋና መገለጫ ከሆነው የጢስ ዓባይ ፏፏቴ የተነሳ እና በሰባት አራት ማዕዘናዊ ቋሚ መስመሮች የተወከለ መሆኑን ተጠቅሷል።

ባንኩ ነባሩን የንግድ ምልክት እና መገለጫ ወደዚህ የቀየረው በተለየ መልኩ የደንበኞች አገልግሎት ለመስጠት እና ለእድገት እና ለፈጠራ ያለውን ትጋት ለማስረዳት በማሰብ ነው ተብሏል። ይህም የባንኩን እድገት፣ ችግሮችን የመቋቋም አቅም፣ አስተማማኘነት እና ታማኘነት ያመለክታል ሲባል ሰምተናል፡፡

Via: ሸገር ኤፍ ኤም

08/03/2024

ፐርፐዝ ብላክ የቢጂአይ ኢትዮጵያን ንብረትና የባንክ አካውንት በፍርድ ቤት አሳገደ

ፐርፐዝ ብላክ ኢትዮጵያ በትናንትናው እለት በከፍተኛ ፍርድ ቤት የፍትሃ ብሄር ምድብ ችሎት የቢጂአይ ኢትዮጵያ የማይንቀሳቀሱ ንብረቶችና የባንክ አካውንቶች እንዳይንቀሳቀሱና ገንዘብ እንዳይሰወርብኝ በሚል ባቀረበው የእግድ ጥያቄ መሰረት ፍርድ ቤቱ አቤቱታውን ተቀብሎ የባንክ አካውንትና የማይንቀሳቀሱ የቢጂአይ ኢትዮጵያ ንብረቶች እንዳይሸጡና እንዳይለወጡ እግድ መጣሉን ምንጮች ጠቁመዋል።

መዝገቡ ለችሎት ሊቀርብ የቻለው አመልካች ፐርፐዝ ብላክ ኢትዮጵያ በጠበቆቹ አማካኝነት የካቲት 27 ቀን 2016 ዓም በተፃፈ አቤቱታ የክስ ዝግጅት አጠናቅቆ የብር 1, 519,000000 (አንድ ቢሊዮን አምስት መቶ አስራ ዘጠኝ ሚሊዮን) ብር ክስ እስከማቀርብ ድረስ ተጠሪ ቢጂአይ ኢትዮጵያ ጥሬ ገንዘብ እንዳይሰውርብኝ እንዲሁም የማይንቀሳቀስ ንብረቱ እንዳይሸጥብኝ አስቸኳይ እግድ ይሰጥልን በሚል በፍትሃ ብሔር ስነስርዓት ህግ ቁጥር 151፣154 እና የፌደራል ጠቅላይ ፍርድ ቤት የሰበር ችሎት መዝገብ ቁጥር 191402 የሰጠውን ውሳኔ መሰረት በማድረግ አቤቱታ ስላቀረበ መሆኑን ምንጮች ገልፀዋል።

የአቤቱታው ይዘትም በአመልካችና በተጠሪ መካከል እኤአ በ15/06/2023 (08/10/2015) በተፈረመ የሽያጭ ውል የተጠሪን ዋና መስሪያ ቤትና ተጨማሪይዞታውን በአጠቃላይ ስፋቱ 29 ሺህ 896.51 ካ .ሜ የሆነ ቦታ ላይ ያረፈ ንብረት በብር 5,000,000,000.00 (አምስት ቢሊዮን ብር) ተጨማሪ እሴት ታክስን ሳይጨምር ለመግዛት ተዋውለው እንደነበርና ግዢው የተፈፀመው በሒደት በሚደረግ የክፍያ ስርዓት እንደመሆኑ አመልካች የመጀመሪያውን 20 በመቶ ማለትም 1,150,000,000(አንድ ቢሊዮን አንድ መቶ ሐምሳ ሚሊዮን ብር) ከነተጨማሪ እሴት ታክሱ መክፈሉን አመልካች በአቤቱታው ጠቅሷል።

ተጠሪ በውሉ አንቀፅ 2 እና 3 እንደተመለከተው ሁለተኛ ዙር ክፍያ የሚከፈለው በቅድሚያ የካፒታል ትርፍ ታክስና ከእዳና እገዳ ነፃ ስለመሆኑ ማስረጃ ሲያቀርብ በመሆኑ ይህን እንዲፈፅም ቢጠየቅም ይህን ለማድረግ ካለመፈለጉም ባሻገር ያለምንም በቂና አሳማኝ ምክንያት በመካከላችን ያለውን ውል በውላችን አንቀፅ 6 መሰረት በሰነዶች ማረጋገጫና ምዝገባ አገልግሎት ቀርቦ ውሉን መፈረም ሲገባው ውሉን አቋርጫለሁ ክፍያውንም አልመልስም ሲል የህዝብና የደሃ ማህበረሰብን ገንዘብ ከህግና ከስርዓት ውጪ የማይገባ ጥቅም ለማግኘት ውሉን አቋርጧል ገንዘቡንም አልመልስም ሲል በደብዳቤ አሳውቋል። ከዚህም በተጨማሪ መሬቱን ለሶስተኛ ወገን እሸጣለሁ ሲል እንቅስቃሴ ስለመጀመሩ መረጃ እንደደረሰው ፐርፐዝ ብላክ ለከፍተኛው ፍርድ ቤት የፍትሃ ብሄር ምድብ ችሎት አቤቱታ ማቅረቡም ተሰምቷል።

በመሆኑም ተጠሪ የውል ግድዴታውን አሟልቶ ባለመፈፀሙ የተነሳ አመልካች የመጀመሪያ ደረጃ 20 በመቶ ከፈፀመበት ጊዜ ጀምሮ ይህን አቤቱታ እስካቀረበበት የካቲት 27 ቀን 2016 ዓም ድረስ ገንዘባችንን ሲጠቀምበት ስለነበር ህጋዊ ወለድ 9 በመቶ ታስቦ የብር 69 ሚሊዮን ለልዩ ልዩ ወጪ የሚከፈል ክፍያ ብር 250 ሚሊዮን፣ ለዳኝነት የሚከፈል ብር 50 ሚሊዮን በድምሩ የ1 ቢሊዮን 519 ሚሊዮን ብር የሚደርስ ክርክር ስላለን ተጠሪ ወደፊት ፍርድ እንዳይፈፀምበት ንብረት የማሸሽና የመሰወር ስራ ሊሰራ እንደሚችል ከፍተኛ ጥርጣሬ አለን ይህም ከሆነ የማይተካ ኪሳራና ውድቀት ያደርስብኛልና ጊዜ ወስጄ ክስ እስክመሰርት ድረስ በአስቸኳይ የእግድ ትዕዛዝ ይሰጥልኝ ሲል አቤቱታውን አከፍተኛው ፍርድ ቤት የፍትሃ ብሔር ምድብ ችሎት አቤቱታውን ማቅረቡን ታማኝ ምንጮች ጨምረው ገልፀዋል።

ፍርድ ቤቱም ይህን አቤቱታ ካጤነ በሗላ አንደኛ ተጠሪ በኢትዮጵያ ብሄራዊ ባንክ ስር የሚተዳደሩ ሁሉም ባንኮች ውስጥ ባለው የባንክ ሒሳብ አመልካች የጠቀሰው የገንዘብ መጠን ሁለተኛ በአዲስ አበባ ከተማ አስተዳደር ልደታ ክፍለ ከተማ ወረዳ 8 የቤት ቁጥር 017 (የካርታ ቁጥሩ ተጠቅሷል) የሆኑ ይዞታዎችበአጠቃላይ ስፋቱ 29 ሺህ 896.51ካ.ሜ የሆነው ይዞታ ሳይሸጥ ሳይለወጥ ወይም በማንኛውም ሁኔታ ለሶስተኛ ወገን ሳይተላለፍ ታግዶ እንዲቆይ የእግድ ትዕዛዝ መሰጠቱም ተሰምቷል።

08/03/2024

የአዲስ አበባ ከተማ አስተዳደር ከፒያሳ ለሚነሱ የግል አልሚዎች “ካሳ እና ምትክ መሬት” እንደሚሰጥ አስታወቀ

በአዲስ አበባ ፒያሳ አካባቢ ከተገነባው የአድዋ ድል መታሰቢያ ጎን በሚገኘው ቦታ ላይ የሚኖሩ ነዋሪዎች፤ ከስፍራው እንደሚነሱ የከተማይቱ ከንቲባ አዳነች አበቤ ማረጋገጫ ሰጡ። ለእነዚህ የልማት ተነሺዎች የከተማው አስተዳደር “የጋራ መኖሪያ ቤት” አሊያም “አዲስ የሚገነባ የቀበሌ ቤት” እንደ የምርጫቸው እንደሚያቀርብ፤ በአካባቢው በተዘጋጀው ፕላን መሰረት ግንባታ ለማከናወን የገንዘብ አቅም ለሌላቸው የግል አልሚዎች ደግሞ “ካሳ እና ምትክ መሬት” እንደሚሰጥ ገልጸዋል።

አዳነች ይህን ያሉት በአዲስ አበባ ከተማ በተለያዩ ቦታዎች ካለፈው ሳምንት ጀምሮ በመካሄድ ላይ የሚገኙ “የመንገድ ኮሪደር ልማት” ስራዎችን በተመለከተ በሰጡት ገለጻ ነው። በመንግስት እና ለመንግስት ቅርበት ባላቸው የቴሌቪዥን ጣቢያዎች በትላንትናው ዕለት በተላለፈው በዚህ ገለጻ፤ የኮሪደር ልማቱን የተመለከተ ጥናት ሲከናወን የቆየው ከግንቦት 2015 ጀምሮ መሆኑ ተጠቅሷል።

ይህ የመንገድ ኮሪደር ልማት ፕሮጀክት፤ በአዲስ አበባ ከተማ አስተዳደር ካቢኔ ከጸደቀ ማግስት ጀምሮ “ወደ ስራ እንዲገባ እና ልዩ ክትትል እንዲደረግለት” ውሳኔ ተላልፎ ነበር። ከንቲባ አዳነች በትላንትናው ዕለት በቴሌቪዥን በተላለፈ ገለጻቸው ይህንኑ አረጋግጠዋል። የከተማ አስተዳደሩ የመንገድ ኮሪደር ልማትን በወራት ጊዜ ውስጥ ለመጨረስ “ለሊት እና ቀን” እየሰራ እንደሚገኝም አጽንኦት ሰጥተዋል።

“ይሄንን በምንሰራበት ሰዓት ከመንገድ ላይ የሚነሱ፣ ከመንገድ ላይ ወደ ውስጥ ጠጋ የሚሉ አጥሮች ይኖራሉ። ከተለያየ ቦታ ላይ በእርጅና አሁን ያለንበትን ዘመን የማይመጥኑ ግንባታዎች አሉ። ከከተማው መዋቅራዊ ፕላን ውጪ የተገነቡ አሉ። የተለያዩ ጥፋቶች አሉ። ከተማውን ለጎርፍ ሊዳርግ ይችላል። አጠቃላይ የፍሳሽ መስመሯን፣ የደረቅ ቆሻሻ አወጋገድን ውጤታማ እንዳይሆን ሊያደርግ የሚችል መስተካከል ያለበት አለ። እርሱን ለማስተካከል ሰዎችን ከቦታቸው ልናነሳ እንችላለን” ሲሉም አዳነች ተናግረዋል።

(ኢትዮጵያ ኢንሳይደር)

Address

Addis Ababa
Addis Ababa

Website

facebook.com

Alerts

Be the first to know and let us send you an email when Awtar Media አውታር ሚዲያ posts news and promotions. Your email address will not be used for any other purpose, and you can unsubscribe at any time.

Videos

ጓደኛ 🙌 #ጓደኝነት #አዲስአበባ #ethiopian_tik_tok #ኢትዮጵያ #ገንዘብ

የሰው እጅ አታሳየኝ ብላችሁ ጸልዩ 🙌 #አዲስአበባ #እግዚአብሔር #ፈጣሪ #ethiopian_tik_tok #ኢትዮጵያ

የሚጠብቅ ፈጣሪ ነው ❤️ #ethiopian_tik_tok #ጅብ #እግዚአብሔር #ፈጣሪ

#ኅብረት #ቤተክርስቲያን #አርሴማ

#በስንቱ #Besintu #EthiopianSitcom #EthiopianDrama #ComedyDrama #LifeInEthiopia #EthiopianCulture #EthiopianComedy #DailyLifeStories #SitcomMoments #MadeInEthiopia #Ethiopia #ethiopia #ethiopian_tik_tok #ethiopian #LaughOutLoud #FamilyBonding #EthiopianEntertainment #RelatableStories #HeartwarmingComedy #AfricanSitcom #DramaAndHumor #StoryOfUs