https://www.facebook.com/1391755661125271/

Oromia Broadcasting Service - OBS

Home
Ethiopia
Adama
Oromia Broadcasting Service - OBS

Oromia Broadcasting Services (OBS) miidiyaa walabaa fi loogirraa bilisa ta'ee jijjiirama hawaasaa itti fufinsa qabu dagaagsuuf hundaa'edha. Radio broadcasting.
(16)

You can follow us on: https://t.me/OBSTV1 Establishment:
Oromia Broadcasting Services (OBS) is an independent and impartial international broadcasting company established to promote the progress and advancement of society through the production, collection and dissemination of knowledge and information with the aim to inform, educate and entertain. Broadcasting Languages
The broadcasting language

of OBS Shall be Afaan Oromo, the single most widely spoken language in Ethiopia and the fourth largest African Language, English, Amharic(the second most widely spoken language in Ethiopia), and such other languages that the Editorial Board of OBS may aprove will serve as the broadcasting languages of the Oromia Broadcasting Services
　
Our Vision:
Serve as the platform of choice for entrepreneurs of ideas, businesses, arts and entertainment from the Horn of African Nations and their Global Diaspora. Our Mission:
In addition to its flagship satellite television broadcasting, OBS’s mission is to serve as a multimedia platform that deploys the latest digital and social media technologies where thoughts and opinions are shared, nurtured and developed with the goal of creating a prosperous and enlightened society that will promote, protect and advance its interests, values and general societal welfare through individual innovation, creativity and respect for diversity. Motto
Connecting your ideas and businesses with your people. "OBS is choice of the people"

OBS also offers the following services:
Satellite Television Channels for independent producers that accept and honor the core values, terms and conditions as well as language policies set by OBS. Business and Commercial Advertisements for businesses, entrepreneurs and entertainers. Online multimedia and social media platforms and outlets. Production and distribution of motion pictures and audiovisuals.

17/10/2024

Dhaabbileen diinagdee waggoottan 30 oliif injifannoo fi milkaa'inaan fulla'an, Baankiin Awaash fi Inshuraansiin Awaash Dhaabbata daldalaa "Odaa Share Company" jedhamu irraa dhalatani.
"Ilmaan Lakkuu" jedhamanii waamamu leellistoota dhaabbilee kanneenii biratti.

Hundeeffamaa fi milkaa'ina dhaabbilee kanneenii duuba namoota seenaan yaadatu iyyaafanneerra.

16/10/2024

Marii egeree OBS irratti xiyyeeffate kutaa 2ffaa.

16/10/2024

Egereen TV OBS maal ta'a? Marii dhimma kana irratti xiyyeeffate kutaa 1ffaa daawwadhaa.

09/10/2024

Kabajamtoota hordoftoota keenya; tamsaasni OBS Fulbaana 27/2017 irraa eegalee addaan cituun isaa ni beekama. Kanaaf immoo sababni gatiin Doolaaraa waan dabaleef kafaltiin Saatelaayitii ulfaachuu isaati. Guyyaa fi sa'aatii tamsaasni OBS addaan citee eegalee dhimmamtootni keenya baay'een deeggarsa goonee qilleensatti deebifna jechuun miidiyaalee hawaasaa garaa garaa irratti yaada isaanii qoodaa jiru. Kanaaf OBS galata guddaa isiniif qaba.

Maanajimantiin OBS's guyyaa tamsaasni addaan citee kaasee tooftaa miidiyaa kana qilleensatti deebisuun danda'amu irratti hojjechaa jira. Deeggarsa yaadaa hawaasni keenya agarsiisaa jiruuf irrra deebi'uun galateeffachaa karaa namootni dhuunfaas ta'e dhaabbileen garaa garaa deeggarsa gochuun miidiyaa keenya qilleensatti deebisuun danda'amu kan walduraa duubaan isin beeksisaa adeemnu ta'a. Horaa bulaa!

09/10/2024

Duulli galmee waraqaa eenyummaa dijitaalaa Finfinneetti adeemsifamuufi

OBS- Fulbaana 29/2017-Boruu eegalee Finfinneetti duulli galmee waraqaa eenyummaa dijitaalaa ni adeemsifama.

Duula taasifamu ilaalchisuun hojii gaggeessaan pirojektii waraqaa eenyummaa biyyaalessaa Yoodaahee Ar’ayasillaasee fi Daarektarri olaanaa ejensii galmee siviilii fi tajaajila jiraattota Yoonaas Alamaayyoo waliin ta’uun miidiyaaleef ibsa kennaniiru.

Ibsa kanaanis aanaalee fi kutaalee magaalaa hundatti akkasumas waajjirri olaanaa ejensii galmee siviilii fi tajaajila jiraattotaa fi waajjiraaleen damee lama boruu kaasee galmee faayidaa duulaan akka taasisan ibsameera.

Duuli kun sirna galmee dijitaalaa faayidaa hawaasa qaqqabsiisuuf akka dandeessisu himameera.

09/10/2024

Harargee_Lixaatti balaa sigiga lafaa mudateen haadha ulfaa dabalatee lubbuun namoota 9 darbe
OBS, Fulbaana 2017
Godina Harargee Lixaa aanaalee Gubbaa_Qorichaa fi Shanan_Dhugootti balaa sigiga lafaa Fulbaana 28, 2017 ALI mudateen waliigalaan lubbuun namoota 9 darbuu kominikeeshiniin godinichaa beeksise.

Aanaa Gubbaa Qorichaa ganda Jarjareetti rooba cimaa dhiyeenya kana roobaa jiruu hordofuun sigiga lafaa mudateen lubbuun namoota afurii darbuu bulchiinsi gandichaa beeksiseera.

Bulchaa Itti-aanaan ganda Jarjaree Obbo Mohaammaddiin Abdurhamaan sigigni lafaa kun kaleessa waaree booda naannoo sa'aatii 11:20tti mudachuu himan. Balaa kanaan shamarran sadi fi haati ulfaa tokko osoo bishaan waraabaa jiranii lubbuun isaanii darbbuu ibsan.

Haaluma walfakkaatuun balaa sigiga lafaa kuni aanaa Shanan Dhugoo ganda Mayra_Lalisaatti mudateenis lubbuun namoota shanii darbuu bulchiinsi aanichaa beeksiseera.

Balaan sigiga lafaa kunis rooba cimaa tibbana roobaa jiruun kan mudate akka ta'e Itti gaafatamaan waajjira bulchiinsa aanichaa Aadam Abbaas himaniiru.

Aanaalee godina Harargee Lixaa iddoo garagaraatti mallattoon kuni mul'achaa jiraachuu kan eere kominikeeshiniin godinichaa, ummanni naannichaa iddoowwan lafa sigigaaf saaxilamoo jedhamanii shakkamanitti jiraatan of eeggannoo akka godhan hubachiiseera.

Erga yeroo dhiyoo asii balaan sigiga lafaa kutaalee biyyattii garagaraa keessatti mudachuun lubbuu namoota hedduu galaafachaa jira.

Baatii Adoolessa darbe godina Goofaatti balaa sigiga lafaan lubbuun lammiilee 257 ol galaafatamuun kan yaadatamu.

08/10/2024

Daa'imman waggaa 5 gadii Magaalaa Shaggaritti talaallii Pooliyoo fudhataa jiru.

OBS, Ful,28/2017
Duulli Talaallii pooliyoo akka magaalaa Shaggaritti Fulbaana 28 hanga Onkoloolessa 1 ,2017 tti turu daa'imman waggaa 5 gadiif kennamaa jira.
Duula talaallii kanaan daa'imman waggaa shanii gadii kuma dhibba sadii fi kuma 47 akka talaalaman Waajjirri Fayyaa magaalichaa beeksisee jira.
Daa'imman manneen barnootaa, manaa manarra deemuu fi buufataalee fayyaatti talaallii kana akka fudhatan gochuuf ogeessonni 1400 ramadamuunis himameera.
Talaallii Pooliyoon cinatti daa'imman talaallii idilee adda kutanii fi fudhatanii hin beeknee, dubartoota feestullaaf saaxilaman, dubartoota ulfaa adda baasuu fi talaalliin Vaayiresii Koroonaa fi kanneen biroo akka duula kanaan hammatamus himameera.
Mallattooleen dhibee pooliyoo mul’achuu isaa yaadachiisuudhaan dhibee kana ittisuu fi balleessuuf duula taasifamu kanatti dhimmamuun maatiin daa'imman isaanii talaalchisuu akka qaban Ittigaafatamaa Ittaanaan waajjira Fayyaa Magaalaa Shaggar Obbo Adaanee Kabbadee dhaamaniiru.

Carraa kanatti fayyadamuun daa'imman kanaan dura hin talalamne akka talaalamanii fi hubannoon hawaasaa kanarratti cimaa ta'uu akka qabu Biroo fayyaa Oromiyaatti daayirekterri daayirektoreetii barnoota fayyaa fi komiyunikeeshenii siister Saadaa Ahimad dhaamaniiru.

Hisqeel Argawuu tu gabaase

04/10/2024

https://www.youtube.com/watch?v=0ScIyLj-uGI

Waldaan Ilmaan Nadhii Gammadaa hawaasa Irreechaaf dhufan simachaa jirra jedhan

03/10/2024

Ayyaanni Irreechaa duudhaa fi sirna isaa eeggatee akka kabajamu qophiin barbaachisu hundi xumuramuu Biiroon Aadaa fi Turiziimii Oromiyaa beeksise

Biirichi haala kabaja Ayyaana Irreechaa bara 2017 irratti Ibsa miidiyaaf kenne

OBS, Fulbaana 23/2017, Finfinnee
Ayyaanni Irreechaa duudhaa fi sirna isaa eeggatee akka kabajamu qophiin barbaachisu hundi xumuramuu Biiroon Aadaa fi Turiziimii Oromiyaa Ibsa miidiyaaf kenneen beeksise

Ibsicha kan kennan Hooggantuu Biiroo Aadaa fi Turiziimii Oromiyaa Aadde Jamiilaa Simbirruu, Irreechi baranaa duudhaa isaa eeggatee akka kabajamu qindoomina qaamolee barbaachisan waliin taasisuun qophiin taasifamuu kaasan.

Kanaanis Mariin uummataa taasifamuu, Bakki Irreechi itti ireeffatamu qulqulleeffamuu, Diyaasporaaf, Imbaasiiwwanii fi dippiloomaatotni ayyanicha akka hirmaatan waamichi dhiyaachuu, sirna ayyaana kanaa miidiyaaleen biyya keessaa fi idil addunyaa akka gabaasaniif afeerraan taasifamuu,gama fayyaatiin rakkoon akka hin uumamne qophiin taasifamuu Aadde Jamiilaa Simbirruu Ibsa isaaniin kaasan

Hawaasni Ayyaana Irreechaa kabajuuf dhufu kallattii abbootiin Gadaa kennaniin ala Mallattoolee duudhaa irreechaan wal hin simne qabatanii akka hin dhufne Aadde Jamiilaan waamicha dhiyeessniiru.

03/10/2024

Kabaja Ayyaana Irreechaa sababeeffachuun daandiwwan tajaajila Tiraafikaaf cufaa ta’an ifooman

OBS, Fulbaana 23, 2017 –Poolisiin Magaalaa Finfinne kabaja Ayyaana Irreechaa sababeeffachuun daandiwwan tajaajila Tiraafikaaf cufaa ta’an ifoomse.

Haaluma kanaan daandiiwwan armaan gadii tajaajila geejjibaaf cufaa ta’uu himeera.

• Daandiin Uraa’eelii gara Addabaabayii Masqalaa fudhatu,addabaabayii Uraa’eelitti,

• Boolee gara Addabaabayii Masqalaa fudhatu Olompiyaatti,

• Masqal Filaawarii gara Olompiyaa fudhatu Addabaabayii Gaazeebootti,

• Agoonaa Siinimaa gara gara Addabaabayii Masqalaa fudhatu Addabaabayii Xilahuunitti,

• Ibsaa Laga Harree gara Addabaabayii Masqalaa fudhatu Ibsaa Laga Harreerratti,

• Qaxxaamura Teelee gara Istaadiyeemii fudhatu qaxxaamura Teeleetti,

• Hoteela Raas gara Istaadiyeemii kan fudhatu Hoteela Raasitti,

•Ibsaa Harraambee gara gara Addabaabayii Masqalaa fudhatu Ibsaa Harraambeetti,

• Masaraa Biyyaaleessa gara Addabaabayii Masqalaa fudhatu Masaraa Biyyaaleessaatti,

• Sheelii Qarsaa gara Baambiis fudhatu Sheelii Qarsaa cinaatti,
• Hoteela Jippitarii gara ECA fudhatu Gamoo Saalkoot cinaatti kan cufamu ta’uu ibseera.

30/09/2024

Ayyaanni Irreechaa jaalalaa fi gammachuun kabajamu milkiin akka xumuramuuf hawaasni fayyaa isaa eeggachuu akka qabu Biiroon Fayyaa Oromiyaa waamicha dhiyeesse.

Biirichi Fayyaa hawaasaa wayita Ayyaana Irreechaa ilaalchisuun Gamtaa Abbootii Gadaa waliin marii'ateera.

OBS-Fulbaana 20/2017: Biiroon Fayyaa Oromiyaa hawaasni bal'aan Ayyaana Irreechaa kabajuuf socho'u fayyaa isaa eeggachuu akka qabu marii Gamtaa Abbootii Gadaa waliin magaalaa Bishooftuutti marii'ate irratti himeera. Dhibeewwan daddarboo ta'anii fi balaawwan mudachuu malan ittisuuf qooda fudhattootni hunduu cimanii hojjechuu qabu jedhame.

Kantiibaa itti aanaan Bulchiinsa Magaalaa Bishooftuu Obbo Gazzahaanyi Dajanee hawaasni Ayyaana Irreechaaf gara magaalittii dhufu nagaan dhufee akka galuuf dhaabbileen magaalittiitti tajaajila garaa garaa kennan qulqullina tajaajilaa akka eeganiif qophaa'ameera jedhani. Dhaabbileen fayyaas saatii 24 akka hojjetaniif marii'atamuu himani.

Hoogganaan itti aanaa Biiroo Fayyaa Oromiyaa Dr. Bokonaa Guutaa Irreechi nageenya jennee akkuma hawwiin eeggannu yoo rakkoon hin eegamne mudatellee attamiin furuu akka dandeenyu qophoofneerra jedhan. Ayyaana Irreechaa magaalaa Bishooftuutti irreeffatamuuf Ambulaansonni 20 qophaa'aniiru, kilinikootni fi buufataaleen fayyaa jiran akkasumas hospitaalonni magaalittii fi naannoo ishii jiran hundi qophaa'uu himani. Dabalataan dunkaanonni magaalittii keessa ni dhaabamu jedhan. Namootni qoricha fudhachaa jiranillee yeroo gara Irreechaa deeman qoricha isaanii irraanfatanii ba'uu akka hin qabne dhaamanii yoo akka tasaa irraanfatanii ba'aniif dhaabbileen fayyaa qorichoota akka kennaniif qophaa'ameera jedhan.

Hirmaattotni marichaas Biirichi rakkoo fayyaa hawaasaa midachuu danda'u ittisuuf dursee itti qophaa'uun isaa gaariidha jedhani. Hawaasni bal'aan gara Ayyaana Irreechaa dhufus fayyaa isaa eeggachuu akka qabu dhaamanii ofiis ga'ee isaanii akka ba'an himaniiru.

28/09/2024

Haala kabaja Ayyaana Irreechaa bara 2017 irratti ogeeyyii miidiyaa fi komunikeeshiniitiif leenjii gabaabaan kenname

OBS, Fulbaana 18/2017, Ayyaanni Irreechaa bifa nagaa fi duudhaa isaa eeggateen akka kabajamuuf ogeeyyii miidiyaa fi Komunikeeshiniitiif leenjiin gabaabaan qindoonima Biiroo Aadaa fi Turiziimii Oromiyaa fi Biiroo Komunikeeshinii Oromiyaatiin kenname.

Ayyaanni Irreechaa bara 2017 Fulbaana 25 Hora Finfinneetti, Fulbaana 26 Hora Harsadeetti kan kabajamu yoo ta'u, Ayyaanichi bifa miidhagaa fi duudhaa isaa eeggateen akka kabajamuuf fi ogeeyyiin miidiyaa fi Komunikeeshinii gabaasa ogummaarratti hundaayeen gabaasuu akka qaban dhaamame.

Irreechi ibsituu Galata, Nagaa, Araara, tokkummaa fi jaalalaa waan ta'eef namni hundi karaa duudhaa isaa eeggateen bahee akka kabajatuuf gaheen miidiyaa Olaanaa ta'uu leenjicharratti kaafameera.

Yusuuf Warqiisaatu gabaase.

26/09/2024

Gamtaan Abbootii Gadaa Sirna Irreechaa 2017 ilaalchisuun miidiyaaf ibsa kenne.
Irreechi Birraa 2017 Fulbaana 25 Hora finfinnee fi fulbaana 26 Hora harsadeetti akka kabajamu Gamtaan Abbootii Gadaa ibse.
Gama biraan Naannoo Benishaangul Gumuz malkaa Asoosaatti Onkoloolessa 3 Naannoo Gambeellaa malkaa Baarootti onkoloolessa 10 Ayyaanni irreechaa akka kabajamu gamtaanAbbootii Gadaa ibseera.
Guyyaan Irreechaa guyyaa ayyaana oromoo isa guddaa ta'ee milkoomaan akka kabajamuuf Uummanni xiqqaa hanga guddaatti Uffata Aadaa isa ibsuun faayamee ayyaana isaa bareechuu akka qabu Abbaan gadaa maccaa Warqinaa Tarreessaa dhaamaniiru.
Ayyaanichi bakkeewwan garagaraatti hanga sadaasa 30tti akka irreeffatamuu fi Uummanni karaa nagaa fi tasgabbii qabuun akka irreeffachuu qabu Abbaan Gadaa Tuulamaa Goobana Hoolaa dhaamaniiru.
Irreecha hora finfinnee fi hora har-sadee Uummanni oromoo biyya keessaa fi biyya hambaarraa Amantaan osoo wal hin qoodin walgahee tokkummaa fi eenyummaa isaa mul'isuu akka qabu Gamtaan Abbootii gadaa dhaamanii jiru.

Hisqeel Argawuutu gabaase

19/09/2024

Itiyoo -Tele Koom bara baajataa 2017 galii birrii biiliyoona 163 ol argachuuf karoorsuu beeksise

OBS, Fulbaana 9, 2017, Finfinnee- Itiyoo-Tele Koom bara baajataa 2017 galii isaa birrii biiliyoona 93.7 irraa gara biiliyoona 163.7 tti ol guddisuuf hojjechaa jiraachuu Ibsa miidiyaaf Finfinnee Hoteela "Sky light" tti kenneen beeksise

Kubbaaniyyichi Bara 2017 tti, lakkoofsa maamiltoota isaa miiliyoona 78 irraa gara miiliyoona 83 tti ol guddisuu akka karoorse hoji Raawwachiiftuu Olaantuun Itiyoo-Teeleekoom Aadde Firehiiwoot Taammiruu ibsaniiru

Maamiltoota Teelee Birriin miiliyoona 47.5 irraa gara 55n qaqqabsiisuuf kan hojjetu ta’uu eereera.

Bara kana Gandoonni kumni 1 ol tajaajila Tele Koomii akka argatan taasiisuuf hojjetamaa jiraachuu ibsuun, gandoota baadiyyaatiif Telefoona ismaartii kuma 250 gatii madaalawaan dhiyeessuuf karoorsuu Aadde Firehiiwoot Ibsa isaaniitiin kaasaniiru.

Diijitaala Itiyoophiyaa fi Diinagdee Diijitaalaa Itiyoophiyaa sadarkaa idil addunyaatti amansiisaa fi dorgomaa taasiisuuf akkasumaas hojiilee idileen alaa, tajaajiloota hawaasummaa fi barnoota, oomisha, barnoota, Fayyaa fi Industirii gara garaa waliin hojjetamaa jiraachuu kaasaniiru.

Yusuuf Warqiisaatu gabaase.

12/09/2024

Konfireensiin Gumii Tiraanisfoormeeshinii Misooma Barnootaa Magaalaa Shaggar 2ffaan Kutaa Magaalaa Laqa Xaafoo Laga Daadhiitti taa'ame
OBS, Fulbaana 2/2017
Waajirri barnootaa Magaalaa Shaggar Konfireensii gumii tiraanisfoormeeshinii misooma barnootaa 2ffaa kutaa magaalaa Laga Xaafoo Laga Daadhiitti guyyaa har'aa adeemsise

Konfireensii kanarratti bakka bu'ootni manneen barnootaa magaalaa Shaggar, aangawootni mootummaa fi qooda fudhattootni kan argaman yoo ta'u, dhimmoota qulqullina barnootaa mirkaneessan, ciminoota bara darbee fi xiyyeffannoo bara 2017 irratti gabaasni dhiyaatee irratti mari'atameera.

Kantiibaan magaalaa Shaggar Dr.Tashoomee Addunyaa, qulqullinni barnootaa dhuma waan qabu miti, kanaaf yeroo hunda dhimma xiyyeffannoo barbaadu jedhani, qulqullina barnootaa mirkaneessuuf bulchiinsa mana barnootaa fi barsiisotaa irratti cimsinee hojjechuu qabna kanaaf mootummaan deeggarsa cimsee itti fufa jedhan.

Hoogganaan Waajjira barnootaa magaalaa Shaggar Obbo Firakiyyaa Kaasahuun, seektarri barnootaa magaalaa Shaggar bara 2016 hojiiwwan milkaawoo hedduu hojjechuun kan xumure yoo ta'u, hanqinoota mudatan furree bara 2017 tti wal tumsinee hojii qulqullina barnootaa cimaa fi qulqullina qabu dhiyeessuuf hojjechuu qabna jedhan.Barataa % dabarsuu

Waajiraalee barnootaa, Manneen barnootaa mootummaa fi dhuunfaa akkasumas barsiisotni, gamtaan maatii barataa fi qooda fudhattootni Magaalaa Shaggaritti raawwii hojii gaarii galmeessisaniif fi deeggarsa taasisaniif beekamtii fi badhaasni kennameera.

09/09/2024

Dhabeeyyiin akka Ayyaana bara haaraa kana gammadanii oolaniif deeggaruun gaariidha jedhame.

Baankiin Sikkeet lammiilee harka qalleeyyiif deeggarsa midhaan nyaataa fi maallaqaa miiliyoona 3.5 ta'u kenne.

OBS: Qqmmee 4/2016: Baankichi lammiilee harka qalleeyyii naannoo waajirasaa muummeetti argaman 125 f deeggarsa midhaan nyaataa akka Daakuu fi zayitaa akkasumas deeggarsa maallaqaa kenne.

Baankichi rakkoo hawaasummaa garaa garaa salphisuuf bara darbee birrii miiliyoona 11.5 bifa garaa haraatiin deeggarsaan kenneera jedhan Piezidaantii Itti aantuun Korporeet Istiraateejii fi Maarkeetiingii Baankii Sikkeet Aaddee Ma'aazaa Wandimmuu. Hawaasa deeggaruu duudhaa gaarii kan godhate Baankichi ammas Birrii miiliyoona 3.5 baasee hawaasa harka qalleeyyiif deeggarsa kenneera jedhan.

Deeggarsichi gosaa fi maallaqaan kenname kan jedhan Pirezidaantii Itti aanaan Baankichaa Obbo Biraanuu Urgeessaa kunis hawaasni harka qalleessi deeggarsa waan barbaaduuf warra kaaniifis fakkeenya ta'anii kanneen biroos akka yaadatamaniif ta'uu himaniiru.

Baankiin Sikkeet guyyaa kana deeggarsa kallattiidhaan fayyadamtootaaf kenne malee dhaabbata tola oolaa Wubaanchii jedhamus birrii miil. 1.5 deeggareera. Hundeessituu fi hojii geggeessutuun dhaabbatichaa Aaddee Tseday Tafarraa daa'imman maatii hin qabnee fi guddattoota daandiirra jiraatan fuunee kunuunsina deeggarsi kunis kaayyoo keenya milkeessuu keessatti ga'ee olaanaa qaba jedhan.

Namootni guyyaa kana deeggarsi kennameefis deeggarsichi gammannee akka Ayyaana waggaa oolluuf nu gargaara jedhanii qaama deeggarsa kenneef galateeffataniiru.

05/09/2024

(OBS Tv - Hagayya 30/2016)
Misoomaa fi nageenya biyyaa itti fufsiisuuf gaheen abbootii amantaa olaanaa ta'uun himame.

Gumiin Dhaabbilee Amantaa Oromiyaa hundeeffama isaa waggaa tokkoffaa sababeeffachuun konfiransii nageenyaa Magaalaa Shaggar kutaa Magaalaa Furiitti qopheesse.

Saganticha irratti argamuun haasaa baga nagaan dhuftanii kan taasisan, Bulchaa kutaa Magaalaa Furii Dr.Pheexiroos Waaqayyo, amantaan namaafi uumaa walitti araarsuudha.
Namni amantaa qabu naamumsa qaba waan hojjatu beekaa, nageenya eegsisuu keessatti gahee olaanaa qaba.
Amantaan tokkummaa nagaa, jaalala obbolummaa labsa waan ta'eef abbootiin amantaa Ayyaana bara haaraa fuula dura dhufaa jiru karaa nagaa fi tasgabbii qabuun akka kabajamuuf qooda isanii bahachuu akka qaban dhaaman.

Phaaphaasii Hangafaa Kutaa Lallabaa Shawaa Kibba Liixaa, Magaalaa Shaggar fi Afriikaa Bahaattii W/Q/Boordii Dhaabbiilee Amantaa Oromiyaa Ebbifamoo Abuuna Saawiroos, Amantaan hundi Nagaa,jaalala,obbolummaa,tokkummaafi araara labsa. kanaaf abbootiin amantaa hojii eebbifamaa faayidaa biyyaa fi nagaa biyyaa labsuu qabna jedhan.

Abbootiin amantaa Ayyaanonni bara haaraa karaa nagaafi tasgabbii qabuun akka kabajamuuf mana amantaa hunda keesatti nagaa,jaalala tokkummaa fi obbolummaa labsuun nageenya naannoo keenyaa mirkaneessuu qabu jedhan.

Pirezidantiin Mana Marii Dhimmoota Islaamummaa Magaalaa Shaggar, Sheek Xaahir Abdulqaadir,bakka nageenyi hin jirretti hojiin misoomaa,diinagdeefi hawaasummaa hin jiraatu waan ta'eef abbootiin amantaa nageenyi biyya keenya keessatti akka dhufuuf nagaa labsuu qabu jedhan.

Itti Gaafatamaan Waajjira Bulchinsaafi Nageenya Magaalaa Shaggar Obbo Leenjisaa Jootee, Magaalaa shaggar keessa dhaabbileen amantaa hedduu jiraachuu kaasuun,abbootiin amantaa aggaammii diinoonni ayyaanota uummataa irratti gaggeessan jala dhaabbachuun nagaan akka kabajamu taasisaa turan cimsuun,ayyaannii ummataa bara haaraa, Masqalaafi irreechi karaa nagaan akka kabajamuuf qoodaa isaani akka bahatan dhaamaniiru.

Abbootiin amantaa haadholiin sinqee, abbootiin Gadaa magaalaa Shaggar namni nagaan bahee hojii misoomaa,diingdeefi hawaasummaa irratti nagaan akka hirmaatan gochuu keessatti gaheen isaanii olaana ta'uu himan.

Barreessaa Waligalaa Gumii Dhaabbiilee Amantaa Itoopiyaa L/T/Qasis Taagaay Taaddalaa, diinnonni keenya amantaa, gosaa fi naannoon gargar nu qooduun walitti nu buusaa jiru, kanaaf abbootiin amantaa keenya kan durii caalaa tokko taanee nageenya biyya keenyaa tumsuu qabna jedhan.
Gumiin amantaa kan hundaa'eef nageenyaafi tokkummaa biyya keenyaa cimsuuf waan ta'eef abbootiin amantaa garaagarummaa waan hin qabneef tokko taanee birmadummaa biyya keenyaa eegsisuuf hojjachuu qabna jedhan.

Saganticha irratti Gumiin dhaabbilee amantaa Magaalaa Shaggar hundeeffamaa isaa waggaa tokkoo keessatti hojiilee nageenya,misoomaafi hawaasummaa garaagaraa keessatti hirmaannaa taasisaa turuun isaa ibsameera.

01/09/2024

Ragaa sobaa hambisuuf mana murtii Aadaa jabeessuun barbaachisaadha jedhame

Yaa'iin Abbootii Seeraa Manneen Murtii Magaalaa Bishooftuu 1ffaa taa'ameera.

Hagayya 26/2016-OBS: Mata duree Ragaan sobaa hudhaa sirna haqaa waan ta'eef wal taanee haa ittifnu jedhuun yaa'ii jalqabaa kan taa'an Abbootiin Seeraa Manneen Murtii Magaalaa Bishooftuu gufuuwwan gurguddaa sirna haqaa miidhaa jiran keessaa ragaan sobaa isa ijoo ta'uu yaa'ii kanarratti himaniiru.

Pireziaantiin mana murtii olaanaa Magaalaa Bishooftuu Obbo Biraanuu Baqqalaa maddi ragaa sobaa qaamolee hedduu waan ya'aniif haqni akka mirkanaa'uuf hawaasa maratu qooda qaba jedhan.

Yaa'ii kanarratti barreeffamni mariif ta'u kan dhiyaate yoo ta'u haqni kan mirkanaa'u yoo ragaan qulqulluu argame qofadha jedhame.
Ragaa sobaa hambisuuf aadaa fi duudhaa hawaasaa cimsuun murteessaa waan ta'eef manneen murtii aadaa baay'isuu fi jabeessuun barbaachisaadhas jedhame.

Hirmaattotni yaa'ii kanaas yaada kennaniin, ragaa sobaa haqa jallisee dhugaa dabsu hambisuuf waliin hojjechuu qabna jedhan. Mariin akkasii murteessaa ta'uullee kaasaniiru.

Daayirektarri kenniinsa tajaajila abbaa seerummaa mm walii galaa oromiyaati Obbo Mokonnin Raggaasaa ragaan sobaa akka madaallii murtii hin jallifnees abbootiin murtii of eeggannaa guddaa gochuu qabu jedhan.

Manneen murtii aadaa jajjabeessuu fi muxannoo isaanii manneen murtii idileef qooduu akka danda'an yoo goone ragaa sobaa hir'isuun ni danda'ama jedhan Obbo Makonnin.

Abbootii Gadaa fi Abbootii Amantii dabalatee hawaasni ragaa sobaa hambisuuf hirmaachuu qabuu jedhan Pireziaantiin mana murtii olaanaa Magaalaa Bishooftuu Obbo Biraanuu Baqqalaa.

Qaamolee garaa garaa sirna haqaa keessatti qooda ba'aniif beekkamtii fi waraqaan ragaa kennameera.

Dhumarrattis ibsa ejjennoo qabxii 7 qabu baafachuun yaa'icha xumaraniiru.

Address

Adama
2688

Website

facebook.com

Alerts

Be the first to know and let us send you an email when Oromia Broadcasting Service - OBS posts news and promotions. Your email address will not be used for any other purpose, and you can unsubscribe at any time.