Mjetet e informimit janë zhvilluar aq shumë sa na duket parahistori edhe koha e telegrafit apo televizionit, por megjithatë letra ka qenë dhe mbetet mall gjithnjë e më i rrallë dhe më i kushtueshëm, pasi dita nuk mund të nisë pa qenë të informuar, sidomos nëpërmjet leximin tradicional të një gazete. Për këto dhe shumë arsye të tjera, të cilat nuk lidhen edhe aq me historinë, por me faktin dhe dësh
minë, me ndjesinë dhe traditën e gjatë të të lexuarit, redaksia ynë po e dëgon një telegram për ty. Do të përcjellim për secilin prej jush një të tillë, - jo çdo ditë, por një herë në javë, - çdo të premte në mëngjes, - një telegram me lajme të përzgjedhura mirë nga gazetarët tanë. Në faqet e kësaj javoreje do të keni arsye ta gjeni traditën më të mirë të shtypit të shkruar, por edhe risitë. Veç profesionalizimit, - ekipi ynë me përvojë në media, - sjell edhe këndin e veçantë të vështrimit dhe informimit për fenomenet, ngjarjet dhe situatat rreth përditshmërisë tonë. Kjo gazetë vjen në një periudhë të nxehtë dhe të vështirë politike, por lindja e saj në këto kohë është njëherësh vlerë dhe test i rrugëtimit tonë të përbashkët. Si botues jam i njohur për ju dhe gjithnjë kam pasur besimin tuaj, për këtë ju falënderoj, dhe marr forcë për vazhdueshmërinë e botimeve duke shpresuar se çdo numër të cilin kam nxjerrë dhe do të botoj në vijim të jetë pasqyrimi i plot i asaj çfarë ne na bën të jemi ndryshe nga të tjerët, pasi jemi pjesë e pandashme e mendimi të përbashkët. Kjo media jo vetëm dërgon një “telegram”, por edhe pret telegramin tuaj i cili është dhe do të jetë shqetësimi apo problemi, që pret një zgjidhje momenti që doni të ndani me të tj rët përmes nesh, e kështu me radhë. Kjo është shtëpia juaj, pasi për në lexuesi i Telegramit nuk është thjesht protagonist apo pasues kronikash, por pjesë e interaktivitetit tonë dhe përcaktuesi i suksesit të përbashkët. Sepse tek ne çdo herë do të gjeni derën hapur falë rubrikave të kompozuara enkas për ju, të cilat mundësojnë lirinë e shprehjes dhe mendimit tuaj, nëpërmjet mesazheve që adresoni publikisht apo institucionalisht - të cilat janë pjesë reale dhe aktive e brumit tonë informativ. Për trasparencë edhe me lexuesin, dua të them se financimet e kësaj media, nuk vijnë nga as nga skutat e errta të politikës, apo donacione të huaja, por janë frut i punës së palodhur së një arkitekti dhe intelektuali i cili nuk ëndrron thjeshtë për një Shqipëri të mirë, por lufton që ajo të jetë realiteti i secilit prej nesh. Para se ta mbyll telegramin tim për ju dëshiroj të dedikoj edhe dy rres ta për lexuesit e javores “Tellalli , duke i njoftuar ata se ai do të jetë pjesë e Telegramit, si një shtojcë njoftimesh në shërbim të qytetarëve dhe biznesit. Po i mbyll këtu këto radhë, pasi Telegrami ka ardhur tashmë në dorën tënde, dhe shpresoj të ia kemi arritur qëllimit që synojmë që kjo javor të jetë gazeta që ke kërkuar çdo herë në tezgë, duke qenë një mik i mirë edhe për fundjavën tënde; një telegram PËR TY.
