https://www.facebook.com/119022201194773/

Rana Radio, 18, Khost (2024)

30/08/2024

د لوګر په مرکز پل علم کې د کتابونو نندارتون د یو شمېر سیمه ییزو مسوولینو په شتون کې پرانیستل شو. د دغه نندارتون د پرانیستلو پرمهال د د لوګر د اطلاعاتو او کلتور رییس، له کتاب او مطالعې سره مینه د یوې ټولنې د پرمختګ او ښېرازۍ بنسټ بولي او زیاتوي، چې د سرپرست حکومت له بیا وکمنېدو سره په دې ولایت کې د ځوانانو، زده کوونکو، محصلینو او خلکو ترمنځ د کتاب مطالعې فرهنګ ښه شوی او ورځ تربلې مخ په لوړېدو روان دی.

30/08/2024

یوه چینايي چارواکي د پنجشنبې په ورځ ویلي، چې د چین د اقتصاد او ټېکنالوژۍ د پرمختګ د مخنیوي لپاره به د امریکا هڅې بریالۍ نه شي، او په دې کار سره به امریکا خپل ځان او نورو ته زیان ورسوي.

30/08/2024

میدان وردګو کې د ۳۷ کیلو متره سړک د رغولو چارې پیل شوې

د میدان وردګو ولایت په نرخ ولسوالۍ کې د خلکو په مالي ملاتړ د ۳۷ کیلو متره سړک د رغولو چارې پیل شوې. د نرخ ولسوال صبغت الله نافذ ویلي چې یاد سړک د ولسي خلکو، ملي سوداګرو، د ولایت مقام او ملي دفاع وزارت په مالي ملاتړ رغول کېږي. هغه زیاته کړې چې یاد سرک د سرپرست حکومت د مشرتابه د هغه فرمان له مخې چې د سړکونو د حریم ساتلو په هکله صادر شوی رغول کېږي او د دغه سړک د پراختيا لپاره لسګونه کورونه تخریب شوي او د خلکو باغونه هم په کې له منځه تللي دي. نافذ ویلي چې دغه سړک د یادې ولسوالۍ د توکرک، دادل، او صدمردې تر سيمو پورې رغول کېږي.

30/08/2024

د افغانستان لپاره د اسلامي همکاریو سازمان ځانګړي استازي طارق علي بخیت کامرون کې د دغه سازمان د بهرنیو چارو وزیرانو د ۵۰ مې غونډې په څنډه کې د افغانستان د بهرنیو چارو له سرپرست وزیر سره کتلي دي. اسلامي همکاریو سازمان په یوه خبرپاڼه کې وایي، دغه کتنه کې له سرپرست حکومت غوښتنه شوې چې د نجونو د زده کړو او کار په تړاو پر شویو پرېکړو یوځل بیا غور وکړي.

30/08/2024

یوناما د افغانستان د وضعیت په اړه راپور امنیت شورا ته وړاندې کوي
د روغتیا نړۍوال سازمان وایي، غزه کې د جنګ دواړو لورو د ۶۴۰ زره ماشومانو لپاره د پولیو واکسین د تطبیق په موخه په جګړه کې پر درېیو، جلا جلا درې ورځنيو وقفو هوکړه کړې ده. رویټرز راپور ورکړی، غزه کې به د پولیو واکسین کمپاین د شنبې پر ورځ پیل شي چې جګړه به پر دغه ورځ د سهار له ۶ بجو د مازیګر تر ۳ بجو درېدلې وي.

30/08/2024

د سرپرست حکومت د سیاسي مرستیال د دفتر مشر، د یوناما له سیاسي مشر سره په کتنه کې د افغانستان او نړۍ ترمنځ د اړیکو پر پراختیا، د دوحې درېیمې ناستې د ژمنو پر عملي کېدو او یو شمېر نورو موضوعاتو خبرې کړې دي. د سیاسي مرستیال د دفتر مشر په دغه کتنه کې ویلي، په افغانستان کې ټول بشري حقونه تامین او ټول قوانین د اسلام په چوکاټ کې جوړیږي. نوموړي په دغه کتنه کې ویلي، دوی په افغانستان کې د ټولو بهرنیو ډيپلوماټانو کار ته درناوی لري او غوښتنه کوي چې دوی باید د افغانستان قوانینو ته پابند وي. د یوناما د سیاسي برخې مشر په دغه کتنه کې ویلي، دوی به په نږدې راتلونکي کې د افغانستان په اړه خپل راپور د ملګرو ملتونو امنیت شورا ته وړاندې کړي. د سیاسي مرستیال د دفتر مشر دغه راز غوښتنه کړې چې په راپورونو کې باید د افغانستان رښتینی تصویر نړۍ ته وړاندې شي

30/08/2024

برادر: د ازبکستان او افغانستان ترمنځ د پانګونې فرصتونه زیات شوي

د سرپرست حکومت اقتصادي مرستیال ازبکستان ته په خپل سفر کې د ترمذ نړۍوال سوداګریز مرکز په پرانیستغونډه کې ګډون کړی دی. نوموړي د دغه مرکز پرانیسته د سیمې ترمنځ د سوداګریزو اړیکو په پراختیا کې مهمه بللې او زیاته کړې یې ده، چې اوس مهال د ازبکستان او افغانستان ترمنځ د سوداګریزو اړيکو او پانګونې فرصتونه زیات شوي دي. هغه د دغو مراسمو په څنډه کې د اذربایجان د لومړي وزیر له مرستیال سره هم کتلي او په کابل کې یې د دغه هېواد سفارت پرانيستو د هرکلي ترڅنګ د اذربایجان له خصوصي سکټوره غوښتي، چې افغانستان کې پانګونه وکړي. د اذربایجان لومړي وزیر ټینګار کړی، هېواد یې د لاجوردو لار بیا فعالولو او له افغانستان سره د سوداګرۍ پراختیا ته چمتو دی. ورته مهال برادر د ازبکستان لومړي وزیر سره هم کتلي دي. د ازبکستان لومړي وزیر په دغه کتنه کې ویلي، هېواد یې چمتو دی، چې د افغانستان تازه مېوې مرکزي اسیا او نورو هېوادونو ته ورسوي.

30/08/2024

جاپان له افغانستان سره ۱۰ میلیونه ډالره مرسته کوي
د اطلاعاتو او کلتور سرپرست وزیر په کابل کې د جاپان له سفير تاکایوشي کورومایا سره کتلي. په دې کتنه کې د جاپان سفير د نشه يي توکو، اداري فساد، امنیت او بېلابېلو برخو کې د سرپرست حکومت مبارزه ستایلې او ويلي يې دي چې هېواد يې په پام کې لري د بديل معیشت او د روږدو کسانو د درملنې په برخه کې، له افغانستان سره ۱۰ میلیونه ډالره مرسته وکړي. کورومایا، د هغه ۳۰۰ زره امريکايي ډالرو مرستې يادونه هم کړې چې د جاپان حکومت له‌خوا ملي موزيم ته ورکړل شوي او د فرهنګي ميراثونو او لرغونو آثارو د ساتنې لپاره د «يونسکو» له لوري په مصرف رسېږي. په د کتنې کې، پر دوه اړخيزو همکاريو، د افغانستان د فرهنګي ميراثونو پر خونديتوب او د نشه یي توکو پر وړاندې پر ګډې مبارزې ټينګار شوی دی.

30/08/2024

ترکیې ته د افغانستان په صادراتو کې ۱۱ سلنه زیاتوالی راغلی دی
د صنعت او سوداګرۍ وزارت وایي، د ۱۴۰۳ لمریز کال په لومړیو پنځو میاشتو کې ترکیې ته په صادراتو کې ۱۱ سلنه زیاتوالی راغلی دی. د سوداګرۍ وزارت د معلوماتو له مخې، دغه موده کې له ترکیې سره د ۴۵ میلیونه ډالرو په ارزښت سوداګریزه راکړه ورکړه شوې، چې ۸.۳ میلیونه ډالره یې صادرات دي. د سوداګرۍ او پانګونې خونې لومړي مرستیال کابل کې د ترکیې له سفیر سره کتنه کې د کابل او انقرې ترمنځ د سوداګریزو او اقتصادي اړیکو پر پياوړتیا ټینګار کړی. محمد یونس مومند دغه کتنه کې ترکي پانګوالو او سوداګرو ته په کابل کې جوړېدونکي امام ابو حنیفه رح درېیم نندارتون کې د ګډون بلنه ورکړې ده. د صنعت او سوداګرۍ وزارت د معلوماتو له مخې، د ۱۴۰۲ کال په لومړیو پنځو میاشتو کې د کابل او انقرې تر منځ د ۳۵ میلیونه ډالرو په ارزښت سوداګریزه راکړه ورکړه شوې او ترکیې ته له افغانستان ممیز، کُنجد، غالۍ، د غويي پوست او طبي بوټي صادر شوي دي.

30/08/2024

د عامې روغتیا سرپرست وزیر د بې پولې ډاکټرانو مسوولینو سره کتلي
د عامې روغتیا سرپرست وزیر افغانستان کې د بې پولې ډاکټرانو د بنسټ له مسوولینو سره کتلي او د دغه بنسټ اړوند د روغتیایي کلینکونو او خدماتو د ښه والي په اړه یې خبرې کړې دي. نور جلال جلالي دغه کتنه کې د بې پولې ډاکټرانو له مسوولینو غوښتي چې د افغانستان له روغتیایي سکټور سره مرستې پراخه کړي. د عامې روغتیا وزارت سرپرست دغه راز لیکلي چې دغه کتنه کې افغانستان کې د بې پولې ډاکټرانو د بنسټ مشر د هېواد له روغتیایي برخې سره د همکاریو ډاډ ورکړی دی.

29/08/2024

جوز جان کې١٣ټنه بې کیفیته خوراکي او غیر خوارکي توکي سوځول شوي
د جوزجان ولایت د خوړو او درملو آمریت مسوولینو خبر ورکړی، چې په دغه ولایت کې یې څه باندې ١٣ټنه بې کیفیته خوراکي او غیر خوارکي توکي سوځولي دي. مسوولین وایي، د روان کال په تېرو څو میاشتو کې یې څه باندې ١٣ ټنه، ٢٤٤٥ قلمه ډول ډول بې کیفیته خوراکي توکي او درمل له هټیو او درملتونونو څخه راټول او د سیمه ییزو مسولینو په شتون کې وسوځول شول. په یاد ولایت کې د خوړو او درملو ملي ادارې مسوولین وایي، چې د هټیوالو او درملتونو له خاوندانو څخه غوښتي چې د بې کیفیته خوراکي توکو او درملو له پلورلو څخه ډډه وکړي. ورته مهال د سیمې اوسېدونکي په دغه ولایت کې د خوړو او درملو ملي ادارې له دغه اقدام څخه هر کلی کړی او ټینګار یې کړی، چې په یاده برخه کې خپل نظارت دوامداره وساتي.

29/08/2024

چارواکي: له پاکستان سره د سوداګریزو ستونزو د حل په موخ

په پاکستان کې د افغانستان سفارت د سوداګریزو ستونزو د حل په موخه د هر ډول همکارۍ ډاډ ورکړی دی. یاد سفارت پر خپله اېکس پاڼه لیکلي چې دا مهال پر یاده لار د تازه میوو او سبزیو بار د افغان سوداګرو څه کم دوه زره بار وړونکي موټر درول شوي چې په خبره یې، افغان سوداګرو ته یې میلیونونه ډالر زیان رسېږي. د یاد سفارت په خبره، له هغې وروسته چې تورخم دروازه څو وارې د تازه میوو او سبزیو په موسم کې د افغان سوداګرو پر وړاندې بنده او خلاصه شوه، اوس یو ځل بیا د پېښور – تورخم لار له څه باندې یوې اوونۍ راهیسې د خیبر درې جمرود سړک په بګیاري سیمه کې د ځينو محدودو خلکو له لوري تړل شوې ده. د سفارت په خبره دوی به د همدې ستونزې د حل په موخه له پاکستاني لوري سره په ګډه یوه حل لار پیدا کړي.

29/08/2024

شولز: ډېر کډوال به بېرته افغانستان او سوریې ته ستانه کړي

د راپورونو له مخې د جرمني صدراعظم یوځل بیا ټینګار کړی چې په دغه هېواد کې مېشت ډېر کډوال به بېرته افغانستان او سوریې ته ستانه کړي. اولاف شولز د دغه هېواد د کډوالۍ پر پاليسۍ د نيوکو په ځواب کې دا څرګندونې کړې، چې ډېر کډوال به افغانستان او سوريې ته ستانه کړل شي. نوموړي تېره ورځ په یوه ټلویزیوني مرکه کې، ویلي چې په درنو جرمونو محکوم شوي کسان په دغه هېواد کې د پاتې کېدو هېڅ دلیل نه لري. شولز زياته کړې، چې دوى په دې برخه کې چټک کار کوي، خو د دې لپاره چې دا بهیر بریالی شي، نه غواړي چې په دې اړه نور جزیيات شریک کړي.

29/08/2024

د بامیانو ولایت ځایي چارواکي وایي، چې د روان لمریز کال له پیله تر دې دمه څه باندې۱۵۰ زره کورنیو او بهرنیو سیلانیانو دغه ولایت له تاریخي او تفریحي سیمو څخه لیدنه کړې ده. په بامیانو ولایت کې د نورو تفریحي ځایونو ترڅنګ بندامیر ملي پارک هم ډېره طبعي ښکلا لري او د اوړي په موسم کې دغه پارک ته ګڼ شمېر سیلانیان ورځي.

29/08/2024

پاکستان کې د ۶زره ناقانونه کډوالو پېژندپاڼې لغوه شوې
د پاکستان د کورنیو چارو وزارت په خپره کړې خبر پاڼه کې ویلي، چې د شپږو زرو څخه د زیاتو کډوالو غیر قانوني پېژندپاڼې یې لغوه کړې دي. یاد وزارت له سیمه ییزو ادارو غوښتي، چې د کډوالو د موټرو، کورونو او شتمنیو په اړه معلومات ورکړي. د پاکستان د حکومت د خبر پاڼې له مخې؛ د کورنیو چارو وزارت د خیبر پښتونخوا له ځايي حکومت، د دغه ایالت د مالیې له ادارې او پولیسو غوښتي دي، چې دغه وزارت ته د کډوالو د جنایي قضیو په اړه د اوسېدو له اسنادو پرته او د بهرنیانو په نوم ثبت شوي د وسلو د جوازونو په اړه هر اړخیز مالومات وړاندې کوي. د راپورونو له مخې؛ د کورنیو چارو وزارت د هغو ۵۹۵ موټرو جوازونه لغوه کړي، چې د دغو کارتونو له لارې ثبت شوي وو

29/08/2024

د لوګر-پکتیا سړک د بیارغونې چارې پیل شوې
د لوګر ولایت د ټولګټو چارو ریاست مسوولین وایي، چې د دغه ولایت مرکز پل‌علم ښار څخه د پکتیا تېرې کوتل پورې د ۳۶ کېلومټره سړک ترمیم چارې پيل شوې دي. د مالوماتو له مخې دغه سړک د ټولګټو چارو وزارت په مالي لګښت په راتلوونکو درېوو میاشتو کې بیارغول کېږي. یاد سړک د جمهوریت پرمهال د جګړو او سېلابونو له امله ویجاړ شوی و چې موټرچلوونکو ته یې ګڼې ستونزې جوړې کړې وې. د مسوولینو په خبره د یاد سړک له بیارغونې او ترمیم وروسته به د پل‌علم-ګردیز عمومي لارې په ترڅ کې ټرافیکي پېښې هم د پام وړ راښکته شي.

27/08/2024

د پاکستان پوځ په کوټه کې د وژل شویو خپلو ۱۴ پوځیانو جنازه ادا کړه
پاکستان پوځ په کوټه کې د هغو ۱۴ پوځیانو جنازه ادا کړه چې وړمه ورځ په بلوچستان کې وژل شوي وو. رویټرز خبري اژانس د پاکستان د پوځ په حواله لیکلي، د وړمې ورځې په پېښه کې ټولټال ۷۳ کسان وژل شوي چې ۳۸ هغه یې ملکي وګړي دي. د پاکستان پوځ همدراز ویلي، له وسله والو سره په نښته کې یې ۲۱ وسله وال هم وژلي دي. د یاد برید مسوولیت بلوڅ بېلتون غوښتونکو منلی دی.

27/08/2024

د یوناما مشرې د هلمند له مرستیال والي سره کتلي
په افغانستان کې د ملګرو ملتونو سیاسي استازولۍ مشرې روزا اوتونبایوا هلمند ته د خپل سفر پرمهال د دغه ولایت د والي مرستیال او نورو چارواکو سره کتلي دي. اوتونبایوا په دې لیدنه کې ویلي، یوناما هڅه کوي، څو سرپرست حکومت سره په همغږۍ نړیوالې ټولنې سره د تعامل او پرمختګونو پر وړاندې شته ستونزې او ننګونې هوارې کړي. نوموړې همداراز هلمند کې د کوکنارو بدیل کښت، روږدو درملنې، اقتصادي او بشري مرستو په تړاو له چارواکو سره خبرې کړې او دې برخو کې یې، د همکارۍ ډاډ ورکړی دی. بل‌خوا د هلمند مرستیال والي بیا دې لیدنه کې ویلي، که څه هم یاد ولایت ګڼ نفوس لري، خو په وینا یې، د مرستندویه بنسټونو فعالیتونه کم دي. نوموړي په دې لیدنه کې ټينګار کړی چې نړیوال خیریه بنسټونه باید د بنسټیزو پروژو په پلي کولو کې همکاري وکړي، څو خلک پر ځان‌بسیا او د ستونزو کچه راټیټه شي.

27/08/2024

د نیمروز امنیتي مسوولینو ویلي، چې له ایران سره د پولې په اوږدو کې یې ۱۰۰ لیندۍ، چې نشه يي توکي به يې له پولې ها خوا پرې غورځول، کشف کړې دي. د دغه ولایت امنیتي مسوولین ټینګار کوي، چې ګاونډیو هېوادونو ته د نشه يي توکو د قاچاق او پلور مخنیوي په پار هره ورځ د امنیتي ځواکونو ګزمې روانې دي.

27/08/2024

د پاکستان پوځ په کوټه کې د وژل شویو خپلو ۱۴ پوځیانو جنازه ادا کړ
د پاکستان پوځ په کوټه کې د هغو ۱۴ پوځیانو جنازه ادا کړه چې وړمه ورځ په بلوچستان کې وژل شوي وو. رویټرز خبري اژانس د پاکستان د پوځ په حواله لیکلي، د وړمې ورځې په پېښه کې ټولټال ۷۳ کسان وژل شوي چې ۳۸ هغه یې ملکي وګړي دي. د پاکستان پوځ همدراز ویلي، له وسله والو سره په نښته کې یې ۲۱ وسله وال هم وژلي دي. د یاد برید مسوولیت بلوڅ بېلتون غوښتونکو منلی دی.

27/08/2024

چارواکي: افغانستان به د سیمې لپاره د اتصال او اقتصاد په مرکز بدل شي
د بهرنیو چارو سرپرست وزیر وايي، د ټاپي پروژه او افغان ـ ترکمن اقتصادي دهلېز او د انرژۍ د لېږد پروژې د پيلېدو په درشل کې دي. نوموړی وایي، د یادو پروژو په پیلېدو سره به افغانستان د سیمې لپاره د اتصال او اقتصاد په مرکز بدل شي. نوموړی وایي، ټاپي پروژه په ترکمنستان کې بشپړه شوې او د ګازو نل لیکه افغانستان ته غځول شوې ده. سرپرست وزیر وايي، افغانستان بشپړ چمتوالی لري چې دغه پروژه پیل کړي. د ټاپي نل لیکه ۱۸۴۰ کیلومټره اوږدوالی لري، چې د افغانستان له لارې به له ترکمنستان څخه پاکستان او بیا هند ته ۳۳ میلیارډه متره مکعبه ګاز ولېږدول شي. د یادو ګازو څخه پنځه میلیارډه متره مکعبه به یې په افغانستان کې وکارول شي. د معلوماتو له مخې، د یادې پروژې ټول لګښت لس میلیارده ډالر اټکل شوی. متقي وايي، چې له دغې پروژې څخه به هر کال ۴۵۰ مېلیونه ډالر افغانستان ته د ټرانزیټ په توګه ورکول کېږي. همدارنګه نوموړی وايي، د افغان ـ ترکمن ګډې پروژې چارې او د رېل پټلۍ تر تورغونډۍ رسیدلې دي.

27/08/2024

په بغلان کې د شمال د ډبرو سکرو دولتي شرکت مسوولین وايي، چې په ټولو شمالي ولایتونو کې د ډبرو سکرو ۱۰۲۸ کانونه شتون لري، چې له ډلې یې ۳۳ دولتي کانونه په فني ډول د شمال د ډبرو سکرو د تصدۍ له لوري استخراجېږي. د شمال د ډبرو سکرو د دولتي شرکت رییس عبدالله حامد وویل، چې په شمال کې د ۱۰۲۸ د ډبرو سکرو له کانونو څخه ۳۳ یې د شمال د ډبرو سکرو تصدۍ له لوري په فني او تخنیکي ډول استخراجېږي. حامد زیاته کړه چې د شمالي ولایتونو په ټولو کانونو کې شل زره کسان په بیلابیلو برخو کې په کار بوخت دي او په عادي ډول د استخراج چارې ترسره کوي. هغه زیاته کړه، چې پخوا په یو شمېر کانونو کې د کان کیندنې پرمهال د کان اوسپنیز تحکیمات نه وو او دغه راز د سکرو د اېستلو لپاره هم ماشین شتون نه درلوده ځکه خو به د کان د لوېدو له امله کان کیندونکو ته مرګ ژوبله اوښته او اوس د سکرو د اېستلو لپاره د ماشینونو د برابرولو سربېره د کانونو سمڅې له یو بل سره وصل شوي او د کان کیندونکو د مرګ خطر کم شوی.

27/08/2024

افغان پوست شرکت وايي، چې د سرپرست حکومت له واکمنېدو وروسته، هغه ستونزې چې د کورنیو او بهرنیو پوستي خدمتونو په برخه کې وې د خبرو اترو په پایله کې حل شوې دي. د افغان پوست مسوولین وايي، چې اوسمهال د پلازمېنې په ګډون په هېواد کې نږدې ۴۷۰ مرکزونه فعال دي. د یادې ادارې مسوولین وايي، چې د سرپرست حکومت له بیا واکمنېدو وروسته د دوی خدمتونه له ۸ برخو ۱۸ برخو ته زیات شوي دي.

27/08/2024

چارواکي: هېواد کې د نشه يي توکو د کښت کچه صفر ته راټيټه شوې
له نشه يي توکو سره د مبارزې مرستیال له ملي ټلویزیون سره په مرکه کې ویلي، سرپرست حکومت په هېواد کې له نشه يي توکو سره په مبارزه کې جدي دی او د نشه يي تکو کښت، قاچاق او کاروبار نږدې صفر ته رسېدلی دی. نوموړی وايي، سرپرست حکومت په هېواد کې هیچا ته اجازه نه ورکوي، چې د نشه يي توکو کښت، قاچاق او کاروبار وکړي. د نشه يي توکو پر وړاندې د مبارزې مرستیال وايي، نشه يي توکي له پاکستان، ایران او ځينې نورو هېوادونو افغانستان ته قاچاق کېږي. دا په داسې حال کې ده، چې سرپرست حکومت تر دې وړاندې ویلي، وو په تېرو دوو کلونو کې په هېواد کې د نشه يي توکو نږدې ۱۵۰۰ کارخونې له منځه تللي دي.

26/08/2024

پاکستاني رسنیو راپور ورکړی، چې له دې هېواد څخه ایران ته د زیارت کوونکو د یوه بل بس د چپه کېدو له امله ۱۱ تنه مړه شوي او ۳۰ نور ټپيان دي. د راپور له مخې؛ دا پېښه د مکران په لویه لار هغه وخت رامنځته شوه، چې د یادو زیارت کوونکو بس موټر د بریک د خرابېدو له امله کندې ته ولوېد. پاکستاني پولیسو ویلي، چې دا بس له پنجاب څخه ایران ته روان و. د پولیسو په خبره؛ د پېښې قربانیان د پېښې له سیمې نږدې روغتونونو ته لېږدول شوي دي. د یادولو ده، چې څو ورځې وړاندې هم په ایران کې د پاکستاني زیارت کوونکو د یوه بس موټر د چپه کېدو له امله ۲۸ کسان ووژل شول او ۱۵ نور ټپيان شول. د راپورونو له مخې؛ دا کسان دوه ورځې مخکې له ایران څخه د یوې ځانګړې الوتکې په وسیلې سره پاکستان ته لېږدول شوي دي.

26/08/2024

د سرپرست حکومت اقتصادي معاونیت وایي، چې د روان کال د زمري میاشتې په ۲۷مه، د ازبکستان د لومړي وزیر په مشرۍ راغلي لوړ رتبه پلاوي د سرپرست حکومت له چارواکو سره په بېلابېلو برخو کې د ۲.۵ میلیارده ډالرو په ارزښت ۳۵ هوکړه لیکونه لاسلیک کړل، چې له جملې څخه یې پنځه هوکړه لیکونه د کانونو په برخه کې دي چې ټولیز ارزښت یې ۱.۱۵ میلیارده ډالرو ته رسېږي.

26/08/2024

کابل کې د کورنیو تولیداتو څلور ورځنی نندارتون پای ته ورسېد
په کابل کې د اقتصادي بریا او پرمختګ په نوم د کورنیو تولیداتو، کرنیزو محصولاتو او د ښځو د لاسي صنایعو نندارتون پای ته ورسېد. د افغانستان د کانونو او صنایعو خونه وايي چې، په تېرو څلورو ورځو کې، کابو ۱۰۰ زره کسانو د هېواد په بېلابېلو سکټورونو کې له تولیداتو او حصولاتو لیدنه کړې ده. د دغې خونې لومړي مرستیال سخي احمد پیمان وویل، که د سرپرست حکومت مسوولین له صنعتګرو ملاتړ وکړي، هېوادوال هم له داخلي تولیداتو او محصولاتو استفاده وکړي او همداراز تولیدونکي هم ښه محصولات بازارونو ته وړاندې کړي؛ نو یو شمېر خلکو ته به د کاري زمینو له برابرېدو سربېره افغانستان په اقتصادي برخه کې د پام وړ پرمختګ وکړي. بلخوا د صنعت او سوداګرۍ وزارت له هېوادوالو غواړي چې، د هېواد د اقتصادي ودې لپاره، له کورنیو تولیداتو استفاده وکړي. له دې سره سم، د کرنې او مالدارۍ او همداراز د کسبګرو خونو مسوولین هم له داخلي تولیداتو ملاتړ د افغانستان پر ځان بسیاینې لپاره یوازېنۍ لار ګڼي. دوی د داخلي تولیداتو او محصولاتو د معرفۍ او ورته د بازار موندنې لپاره د دغه ډول نندارتونونو جوړېدل اغېزناک ګڼي.

26/08/2024

په افغانستان کې د یوناما مشره کندهار ته تللې. د کندهار د اطلاعاتو او فرهنګ ریاست په یوه خبرپاڼه کې ویلي، چې روزا اوتونبایوا د کندهار د والي له مرستیال سره کتلي دي. سرچینې لیکلي، په دغه کتنه کې د یوناما مشرې د کندهار له ولایتي مسوولینو سره د نشه یې توکو د بدیلو کښتونو په ګډون پر یو لړ نورو موضوعاتو هم خبرې کړي دي.

25/08/2024

کابل کې د قطر سفارت شارژدافېر دوکتور مردف القاشوطي د سرحدونو، قومونو او قبايلو چارو له سرپرست وزير سره په لیدنه کې ویلي، چې هېواد یې د زده‌کړو او بیا رغونې برخو کې له افغانستان سره همکار دی. ورته مهال په دې لیدنه کې سرپرست وزیر د دواړو هېوادونو ترمنځ د اړیکو پراختیا او د افغانستان په اقتصادي پیاوړتیا کې د قطر ونډه مهمه بللې ده.

25/08/2024

د اوبو او انرژۍ وزارت ویلي، چې د فراه ولایت د بخش آباد د انحرافي تونلونو د کېندنې چارې بشپړې او د تونلونو د سیم تاوولو برخې پورتنۍ او لاندنۍ برخې چارې روانې دي. دغه وزارت زیاته کړې، چې د بند په جوړېدو ۲۴ ساعته کار جریان لري او په سیمه کې د کافي وسایلو او تجهیزاتو د شتون ترڅنګ د دغه وزارت له لوري ورته اړینه بودجه هم ځانګړې شوې ده.