Bayt_vlog

24/02/2023

📌 أحياناً أصل المشكلة الأهل للأسف ، علاقة الأهل بالأبناء ، أسلوب الأهل ، طلباتهم وتوقعاتهم الغير منطقية ، 👌🏻 …

#وعي #والدية

09/02/2023

حرري صدمات طفلك و الحوادث المخيفة عن طريق السماح له ..

🟢بسرد القصة ، وتسمية مشاعره 🟢…

الحديث عن الحدث الصادم رح يساعد طفلك على فهم الوقائع ، وما يكون حبيس خياله ومشاعر الخوف و الألم الي عم يشعر فيها …

🟢 ساعدي يسرد القصة 🟢 ..

بتتذكر الي صار؟؟

حسيت الأشياء بتهز ؟؟ بنسميها ( هزة أرضية ) الأرض بتتحرك بإرادة من ربنا بس الحمدلله نحن مناح بس كان لازم نشعر فيها لأن عايشين على الأرض

خفت كتير صح ؟ بصراحة معك حق و نحن خفنا بس الحمدلله نحن بأمان هلأ ..

بهالطريقة طفلك رح يبدأ يحكي و يسأل و بالتالي رح يبدأ يفهم الأحداث بشكل منطقي بعيداً عن خياله ..

📌 ما تنسي دايماً خلي نهاية القصة مطمئنة

#صدمة #صدمات #زلزال #خوف #تحریر #مساعدات #مساعدة

27/01/2023

" أسلوب التواصل و إعادة التوجيه "
بنعتمده لما يكون الطفل منفعل تحت تأثير نوبات الغضب ، والبكاء بحيث يكون : - ...

📌التواصل أولاً مع( الجانب الأيمن من الدماغ المسؤول عن المشاعر ) عن طريق : الإعتراف بمشاعره ، اللمس الجسدي ، تعبيرات الوجه المتعاطفة ، نبرة صوت راعية ، الإنصات

📌و من ثم إعادة التوجيه مع( الجانب الأيسر من الدماغ المسؤول عن المنطق )عن طريق الشرح بشكل منطقي ، و التعامل مع المشكلة بشكل عقلاني عن طريق التحليل و التفسير ..

وليس العكس ..

بتخيل معظم الأمهات بتتعامل بالعكس يمكن لهالسبب ما بتلاقي استجابة من الطفل وقت نوبة الغضب ، . لأن شرحتله السبب والمنطق قبل ما تعطي الأمان و شعور " إن أنا حاسة فيك يا ماما "

شو رأيكم ..؟

#كُتب

20/01/2023

‏‎الحل الأمثل للتعامل مع صوتك الداخلي حتى ما يوقف بينك و بين سعادتك و استمتاعك بأمومتك :

‏‎📌ميزي صوتك الداخلي : صوتك رح يقلك
‏‎" انتي أم فاشلة لا تحاولي " " واضح ابنك عنيد رح تتعبي معه " " بنتك مشاغبة " حيزرع فيكي كل الشكوك و الخوف و الإحساس بالفشل و تأنيب الضمير

‏‎📌 تعاملي معه تماماً مثل ما بتتعاملي مع زميلة مزعجة معك في العمل .. " الك الحق انك تبدي رأيك ، ولكن أنا غير مهتمة ولن أتأثر بكلامك "

‏‎📌 اثبتي لصوتك العكس عن طريق المحاولة وعدم الإستسلام اله..

‏‎⚠️ تذكري إن صوتك الداخلي بكون نابع من المحيط الي حواليكي ، قد يكون صوت امك ، أختك ، صديقتك ، زوجك انزرع فيكي وصار جزء من عقلك اللاوعي ، فالوعي مطلوب حتى لا تنقلي صوتك السلبي لأطفالك ..

#الشارقة #تربية #صوتك #نفسيه #كتبي #كتب

18/01/2023

معظمنا قابل الصديق أو الزميل بالمدرسة ، أو بإطار العائلة أو العمل ، الي بحب دايماً يكون محل أنظار واهتمام الآخرين ، بيعمل المستحيل ليلفت الأضواء عليه حتى لو اضطر انه يتصرف تصرفات سلبية وغير مقبولة ومزعجة للي حواليه …

📌 هالأشخاص هم ضحية تربية أهل ما أعطوهم اهتمام كافي نتيجة إنشغال أو انفصال الأبوين …
📌أو تعرضوا للتفرقة ( كالتفرقة في المعاملة بين الأخوة ) ..
📌 و أحياناً نتيجة كثرة عدد أفراد العائلة الوحدة

وبالتالي كبروا و مازالوا بجاهدوا ليحصلوا على الاهتمام ولفت الإنتباه حتى ولو على حساب الآخرين ..

برأيي جداً موجعة 💔، لأن بس تربطيها بطفولة الأشخاص الي حواليكي الي فيهم صفة ( سرقة الأضواء) بتلاقيهم فعلاً ضحية وحتى بعلاقاتهم مع شريك الحياة بكونوا مريضين اهتمام و خانقين الطرف الثاني بالعلاقة ..

#انتوا شو رأيكم …؟

🇦🇪 #أبوظبي #أمي #أم #اهتمام #حب #اكسبلور #كُتب

22/11/2022

التواصل التبادلي هو : ( التواصل المبني على الأخذ و العطاء و تبادل الأدوار بحيث يكون في تأثير متبادل بين الأطراف ( الوالدين و الطفل ) .

للأسف الكثير من الأطفال تربوا في بيت كان صوتهم غير مسموع ، ورغبتهم في التعبير عن نفسهم مرفوضة ، أي تلقوا رعاية من دون اختبار ( التواصل التبادلي )..

و مع مرور الوقت قدرتهم الغريزية الطبيعية على الإستجابة و التفاعل ماتت ..

و بس كبروا هالأطفال و صاروا ( أمهات و آباء )
وجدوا نفسهم عم يكرروا الشي الي وقع عليهم بطفولتهم بس هالمرة مع أطفالهم ..

عم يصارعوا ليبنوا تواصل مع أولادهم و للأسف وجدوا صعوبة بالغة ، كل الحوارات و التواصل بتنتهي

👈🏻( أنا شو قلت ؟ ما تخليني أكرر كلامي ) ..
👈🏻 ( سكر على الموضوع و نفذ الي طلبته بدون حكي زايد )

بينفروا من الحوار بهالطريقة 👇🏻

📌بسبب القناعة ( اللا واعية ) بأن على أحد الطرفين ( الأم و الأب ) أن يكون ( الفاعل المهيمن ) و على الطرف الآخر ( الطفل ) أن يكون ( المفعول به المتلقي )..

✅لذلك ✅ ….

📌 مهم جداً تدركوا إن استجابتكم لطفلكم تعتبر حاجة ملحة له و ليست رغبة 👌🏻اسمحولهم يأثروا فيكم و يختلفوا عنكم و يبدوا رأيهم هالشي رح يشعرهم إن حاجتهم بتلاقي اهتمام منكم و بالتالي رح يشعروا بالأمان ليكونوا علاقة صحية معكم ..

#أم #أمي #آباء #أبي #اطفالنا

26/10/2022

كثير من الأوقات بنكون بمواقف بتخلينا نحس بعدم الراحة 🚫 !!

( سواء تجاه أشخاص ، أماكن معينة ، خطوات جديدة مقبلين عليها )
و مع الوقت بنكتشف إن احساسنا بمحله و أول جملة بنقولها … ( و الله كنت حاسة يااا ريت صدقت احساسي 💔)

⚠️⚠️ مشاعرنا وقتها كانت بمثابة ( اشارات تحذيرية ) بس للأسف تجاهلناها ..

✅وهالشي بيثبت العلاقة الوطيدة بين
( المشاعر و الغرائز) ✅

🛑 لذلك يا عزيزتي ..

لو كنتي مهتمة بالفعل بحماية طفلك
بالتالي انتي محتاجة تكوني أوعى بتعاملك مع مشاعره …

👈🏻 لما يبدي طفلك مشاعر خوف ، غضب ، قلق و و ….

📎و انتي تستسخفي هالمشاعر أو تتجاهليها

بتكوني عم تخدري غريزة طفلك و بالتالي عم تعرضي للخطر ومع الوقت طفلك بس يشعر إن في شيئ غلط رح يفكر إن عم " يبالغ “ ..

📌 تماماً مثل المثال المذكور البنت شعرت في شي غلط و لأنها تعلمت تتعاطى صح مع مشاعرها "بعكس أصدقاءها "، أدركت خطورة الموقف وقررت ترجع البيت و هالشي حماها من التحرش …

‏ #تربية #أكسبلور #اطفالنا #كتب #كُتبي #قراءة #كتاباتي #نصوص #إقتباسات #اكسبلورر

21/10/2022

طفلك عنده ابرة لفحص دم ،
طفلك منهار و عم يبكي من الخوف …

انتي ممكن تتعاملي مع مشاعر خوف طفلك اما ..
1. الكبت ( التجاهل ) 🤫
يا حبيبي كلها ابرة مافي شي بخوف يلا اقعد
و هالنوع مرفوض ... لأن انتي بتكوني نكرتي مشاعره و بالتالي بداية لفقدان خطوط التواصل معه ورح يضّاعف حزنه.. الأول بسبب خوفه من الإبرة و الثاني لأنك ما عم تفهميه

2. المبالغة بردة فعلك 🗣
تسمحي لمشاعرك تجتاحك و ممكن تبدئي تتوتري وتبكي معه وهذا مؤشر ضعف .. لأنك انتي أم ولازم تكوني قوية وثابتة بهيك مواقف خاصة إن طفلك بيستمد قوته منك ..

3. الإحتواء 🤗
"أنا معك يا ماما ، حاسة فيك و بفهم شعورك شو رأيك تمسك ايدي وتشد ع ايدي هيك بقدر أخفف منك "

الأم أساس البيت ، و هالأساس لازم يكون قوي و ثابت …
الأم بتحتاج تكون سند بمواقفها مع أطفالها ، و تعرف كيف تتصرف و توجه صح .

#كتب #عمان

17/10/2022

مين قال إن الرعاية تقتصر فقط على توفير مسكن و مأكل و مشرب !!!

👈🏻 الرعاية: هي حفظ من مفاسد الخلق ، العقل ، الصحة ..

أمثلة على الرعاية :

🔴 لما تحرصوا على توفير الطعام الصحي لأولادكم و تبعدوهم قد ما بتقدروا عن الطعام الغير صحي بتكونوا عم تقدمولهم رعاية

🔴 لما تراقبوا سلوكهم و تسألوا عن حالهم
مع متابعة مستمرة لأجهزتهم الإلكترونية ، مع مين بيتواصلوا؟ مين أصدقائهم ؟شو بتابعوا ؟..
و غيرها الكثير من الأمثلة الي ممكن تقيسوا عليها كلها تنتدرج تحت الرعاية ..

👈🏻 أما المسؤولية :

هل أنا بربي أولاد أسوياء ؟؟ قادرين على اتخاذ القرار ؟؟ قادرين يحكوا و يعبروا ؟؟ هل بحرص على تنمية مهاراتهم و بوفرلهم الدعم الكامل أم بطمس شخصيتهم ؟؟ هل بعلمهم ليصبحوا أشخاص قادرين يواجهو العالم أم لا ..

📌 الطبيب مسؤول عن مرضاه أمام الله، المعلم مسؤول عن طلابه والحاكم مسؤول عن رعيته كذلك الأم و الأب مسؤولين عن أبنائكم يوم القيامة أمام الله ..

اللهم أعنا على تحمل المسؤولية و حفظ الأمانة على الوجه الذي تحب وترضى 🌸..

‏ #عائلتي #عائلة #تربية #أمومة #اكسبلورر

12/10/2022

‏‎🔴 ارتكبتي خطأ بحق طفلك و ألحقتي فيه الأذى أياً كان حجم الأذى ؟؟!

‏‎اذا انتي محتاجة ل ( ✅ رأب الصدع ✅ ) أي :
‏‎📌 تخففي وقع هالأذية على طفلك …

‏‎🔴 كيف …؟

‏‎عن طريق الإعتراف بالغلط و الإعتذار الواضح مع مراقبة أكثر على ردات فعلك بالمرة القادمة ومحاولة تغييرها …

🔴 لا مجال أبدا للتهرب من الخطأ بحجة إن طفل غير واعي ، لأن العلاقة السليمة و الثقة و الأمان بتنبى مع طفلك من اليوم الأول ، و لا تنسي الطفل قادر يميز امه منذ الولادة ..

لذلك ما تترددي أبدا تصلحي أي ردة فعل أو موقف غير ظريف قمتي فيها تجاه طفلك سواء واعي أو غير واعي 👌🏻

‏‎ #أمومة #اباء #اكسبلور

10/10/2022

28/09/2022

تذكروا دائما ✅✅ :

ليست جميع السلوكيات تستدعي منك الوقوف و التحليل 🔍🧐.

بالنهاية هم أطفال بيتصرفوا بكل براءة و على سجيتهم ‼️

(بيكتشفوا و بيخطؤوا و بيتعلموا 💡).

🔴🔴 وقوفك على كل سلوك صادر من طفلك يضعه في ضغط نفسي ويجعل من شخصيته شخصية مترددة ومع الوقت سيفقد الثقة بك و يبدأ يخفي عنك بعض الأمور خوفاً من ردة فعلك المبالغ فيها .

لذلك البوست الجاي رح أساعدكم تعرفوا متى تصبح سلوكيات طفلكم مشكلة تستدعي التدخل منكم 👌🏻..

و هلأ خبروني .. مريتوا بمواقف حسيتو انكم دخلتو بدوامة خوف وقلق ع أطفالكم نتيجة سلوك معين وبعدين اختفى تلقائيا واكتشفتوا مع الوقت ان كان من السمات العمرية لهالعمر ؟

#تربية #اكسبلور

21/09/2022

من المهم خلق جسر تواصل دائم مع طفلك في جميع الأوقات و ذلك لن يتم إلا عن طريق :

1) حوارات دافئة يومية
2)تواصل بصري
3)التبسم في وجه طفلك
4)اللمسات والقبلات
5)نادي بإسمه الشخصي من باب الحب والإحترام
6) تجنب اطلاق الألقاب أو الحكم عليه

#تربية #أمهاتنا #اطفالنا

19/08/2022

‎لسان حال الأبناء ( رجاءً ارسوا على بــر !) # 😓

🖇 من الأخطاء الشائعة في التربية …

✍🏻 خاصة لو الأب و الأم غير متفقين ع نهج واحد في التربية ..

✍🏻 أو في حالة وجود الأبناء في بيت العائلة و يكون نهج الجد والجدة مختلف عن نهج الأم و الأب ..

👇🏻👇🏻

هالإتجاه لا محالة رح ينشأ :

🛑 شخصية ازدواجية متقلبة

🛑 متناقضة

🛑 مترددة لا تستطيع حسم قرار ..

المرجع : أ . د هدى محمد قناوي .
كتاب الطفل و تنسئته و حاجاته

15/08/2022

❌ ولكن متى لا أستجيب لرفضه ..؟ ❌

من باب الحماية والرعاية أرفض ( لا ) طفلي عندما تكون في النتيجة أذية لطفلي ..

✨ مثال :

طفلك يلعب بمكان قد يشكل خطر عليه،
و طلبتي منه الإبتعاد ورفض ..
هنا لا تستجيبين لرفضه لأن ذلك سيعرضه إلى خطر

✅✅

لو تأملنا موقف الرسول عليه الصلاة والسلام مع رفض الغلام ،

حيث كان يشرب اللبن الممزوج بالماء و كان ع (يمينه) غلام صغير و هو ابن العباس رضي الله عنه .
و (يساره )شيوخ كبار ، فإستئذن النبي الغلام أن يعطي الشراب للأشياخ ( كبار السن ) أولا ً ، لأنهم كانوا يجلسون على يساره ، و من آداب الطعام أن يبدأ (بالأيمن )،
فرفض الغلام طمعاً بأثر بركة الرسول رغبة أن يكون أول من يشرب بعد الرسول عليه أفضل الصلاة ..

⭐️ وما كان من الرسول إلا أن احترم رغبته ولم يستنكر موقفه (فتَلَّه رَسولُ اللهِ ) أي أعطاه الشراب ..

🛑🛑

و للأسف مازال البعض يرى أن رفض ابنه هو حالة من التمرد و العناد و بالحقيقة ما هو الا رغبة بالشعور بالإستقلالية و مؤشر على بناء الشخصية ..

#امهات #أمومة

مصدر الحديث و الراوي / سهل بن سعيد / صحيح البخاري

08/08/2022

الكثير من الأمهات ما بتفرق بين المهارات الحياتية و القيـم …

و للأسف بتلاقوها فعلا بتعاني أول ما يدخل ابنها المدرسة لأن زميله أكل أكله ، أو رجع البيت بدون أغراضه ..

🔴 ليش ..؟

لأن بالوقت الي المفروض ابنها يتعلم مهارة أساسية من مهارات الحياة وهي (الملكية ) كانت مشغولة بتعليمه (قيمة الكرم )الي فعلاً ما رح يستوعبها إلا بعد ما يكمل وعيه وادراكه فالطفل بيبدأ يوزع بأغراضه حتى لو محتاجها من باب الكرم بدون ما يستوعب حتى أبعاد الموضوع ❌❌ ..

ناخذ مثال آخر : على القيم وبسموها( القيمة العليا ) وهي الصلاة :
فيه أعظم من الصلاة ؟؟ و في شك بأهميتها و أولويتها بحياتنا ؟؟؟؟!!!

و مع ذلك طُلب منا نعلمها أطفالنا بعمر السبع سنوات وليس قبل السبع سنوات حتى يكتمل الإدراك !

كل شيئ بوقته حلو ما تستعجلي في التربية ..

✅✅

أول سبع سنوات ركزوا أكثر على المهارات الحياتية كإتخاذ القرارات ، الاعتماد على النفس ، القدرة على التواصل و بس تبنوا هالأساس عند أطفالكم
زينوهم بالقيم و المبادئ 👉🏻

المصدر : رخصة القيادة التربوية للدكتور مصطفى أبو سعد

🇦🇪 🇦🇪 #الشارقة

03/08/2022

أي سلوك أو عادة حابة توقفيها
أو حتى رغبة حابة تحققيها بتعتمد على هالنقاط الثلاثة بشكل أساسي ..


⚡️⚡️اتخذي قرار بالتغيير و انوي التغيير ..

مثال : أنا قررت أصير أم هادية ..

كل صباح أول ما تصحي جددي النية و ذكري نفسك فيها ..

⚡️⚡️الاستمرارية و التكرار ..

ما تتوقعي انك لو قررتي يعني رح يصير التغيير بيوم وليلة أبداً .. رح ترجعي تعصبي مرة ومرتين و عشرة ورح تضايقي و تندمي هالشعور مرة ع مرة رح يوصلك للبر

⚡️⚡️الأخذ بالأسباب ..

من المهم ان تاخذي بالأسباب و انتي في رحلة التغيير ، اعرفي المسبب ، اقرئي عنه ، عشان تعرفي كيف تتصرفي ..

و بالنهاية دايما ذكري نفسك انك قادرة على التغيير 💪🏼💪🏼.

#دبي #ابوظبى #الشارقة #إكسبلور #أطفالي

01/08/2022

بداية اتأكدوا ان هو سلوك رح يتعدل تلقائيا ً ، بس الأهم طريقة تصرفنا ، البعض بيلجأ للتوبيخ و هالشيئ غير مقبول ،

لأن هالسلوك لا يؤشر الى شذوذ أو خلل في تركيبة أطفالنا النفسية بل هو مسألة وقت ..

⭕️⭕️

و لكن كأسرة لازم ما ننسى دورنا في تعزيز الهوية الجنسية لأطفالنا

⚠️⚠️

بس كيف نعزز الهوية الجنسية عندهم ..؟

✅ عن طريق اشباع الفضول ..
طفلي يراني أضع المكياج أشبع رغبته بشراء ألوان للوجه و أسمحله يضع على وجه ..

❌❌ متى بكون مؤشر خطر ..؟!

بيكون عن طريق الملاحظة و المتابعة هل طفلي بميل للجنس الآخر معظم الوقت ؟؟

هل أنا محيطة ابني الولد كل الوقت بمحيط بنات ولبس ومكياج جدا مهم نتجنب هالشيئ؟؟

هل بعامل بنتي معاملة الولد باللبس و المهمات ؟؟

عدا ذلك فهو جدا طبيعي 🔆

#إكسبلور #تعاطف #تربية #أطفالنا #تربيةالاطفال

28/07/2022

👩‍👩‍👦‍👦 بما إن الأسرة هي المؤسسة التربوية الأولى لرعاية الأطفال
لذلك واجب ع كل مربي ومربية اتباع أساليب تربوية صحية في التعامل مع الاطفال وتجنب الأساليب التي تؤثر سلباً في شخصيتهم👇🏻

برأيكم في اتجاهات أخرى ممكن تؤثر سلباً في شخصية الأطفال ؟؟

🇦🇪

27/07/2022

💫التربية الوجدانية العاطفية تعتبر من أساسيات التربية السوية للأبناء ، بل تعتبر بمثابة محركات السلوك عند أولادنا خاصة في مرحلة الطفولة…

💫 لإطفالنا حاجات وجدانية وعاطفية واجب علينا كأهالي نشبعها ، و لو حرمناهم منها رح يؤدي لخلل في نموهم ..

📣📣 لكل أم و أب مهملين هالجانب من التربية ، ظناً انكم عم تعوضوهم عن طريق نزهات يومية أو شراء كماليات لهم

تذكروا دايما لا شيئ يحل مكان القبل و الأحضان و اللمسات ❤️ ..

🔴 ابعثوها لكل أم و أب لتكون بمثابة تذكير



❤ ❤️ #اطفالنا

26/07/2022

✅✅ اذاً كيف لازم أتصرف لما أشوف ابني عم يعمل سلوك خاطئ؟؟

1) التواصل الفعال عن طريق تعريز السلوك الإيجابي

2) الطلب بشكل مباشر دون اللجوء للنقد أو اللوم ..

🌸 مثال :

سارة المرتبة النظيفة ( و هنا تعزيز سلوك ايجابي )

رح ترجع ألعابها مكانهم بعد ما تنتهي من اللعب ( طلب بشكل مباشر ) ..

📣📣 انتي مو بحاجة أبداً لتستخدمي أسلوب النقد في تربيتك لأطفالك لأن تأثيره جداً سلبي ..

و أكبر دليل نهج رسولنا الكريم ..

أنس بن مالك خدم الرسول ١٠ سنوات من عمر الطفولة لما كان عمره ٧ سنوات إلى المراهقة ١٧ سنة ما سمع من الرسول أي انتقاد لأي تصرف عمله ( لما صنعته !!!)
و لا حتى لوم ( لم تركته !!)

خلي تركيزك دائما على تعديل السلوك نفسه و ابعدي تماماً عن نقد أو لوم أو تقييم شخصية طفلك ..

🇦🇪

21/07/2022

آلية التعامل مع المشاعر ملخصة بهالدراسة 🧠.

#تربيه #السعوديةدبي #دبي

20/07/2022

طبعا موضوع التأقلم والتكيف بيختلف من شخص لآخر بتلاقي ناس بتبالغ جداً بردة الفعل يعني الموضوع بيكون مو محتاج توتر بس بتلاقي متوتررر و بوتر المكان والناس الي حواليه ..

بعكس أشخاص بكونوا بموقف فعلاً يستحق التوتر بس بكون عندهم قدرة كبيرة على السيطرة على مشاعرهم و التعامل مع الحدث ..

👈🏻البوست الجاي رح أعطيكم قاعدة جميلة ومفيدة وهي قاعدة العواطف ..
كيف نتأقلم و نتكيف مع مشاعرنا ..

بصراحة انتوا أي فئة من الناس الي بتبالغ بردة الفعل أو الي بتتأقلم مع الحدث 😅😅 ؟؟؟


من كتاب ٦٥ مهارة لتربية واقعية سعيدة

#اناوطفلتي

04/07/2022

☘️ من طبيعتنا مرات نشعر بالسعادة ومرات بالحزن و مرات بإحباط و مرات بالغضب و القلق

🍀 في مقولة لروبيرت برولت : " في أسعد ذكرياتنا كان والدانا سعيدين أيضاً "

🍀جداً مهم ننتبه ع مشاعرنا لما نتعامل مع أطفالنا خاصة المراحل الأولى من عمرهم لأنهم مثل الإسفجنة بيتأثروا بمشاعرنا ..

و الأهم إنك تنتبهي ع مشاعرك انتي .. اهتمي بحالك وصحتك النفسية .. وقفي كل شي لما تحسي بأي مشاعر سلبية و دايما اتذكري .. ولنفسك عليك حق …

و اسألي حالك متى آخر مرة عملتي شي بتحبيه ..؟؟

#أمهات #أناوطفلي

29/06/2022

‎وجود جدول واضح لأطفالك ينظم يومهم ويعرفهم القوانين رح يفيدك بالكثير من النواحي :

‎💡 رح يكونوا على دراية مسبقة بالقوانين كمواعيد النوم و الطعام وبالتالي رح يوفر عليكم الدخول بالصراعات ونوبات الغضب معهم كل يوم

‎💡 رح تكوني قادرة تخلقي وقت خاص الك وتنظمي وقتك .

صراحة هلأ وقتو خاصة مع عطلتهم .. شو رأيكم أمهات ؟؟

‎

22/06/2022

الجزء التاني من كيف نحكي لأطفالنا عن المثلية 🌈 ..

#أمومة #

22/06/2022

كيف نحكي لأطفالنا عن المثلية ( الجزء الأول ) …

بتمنى توصل لأكبر عدد أمهات ❤️

❤

20/06/2022

بالوقت الي في آباء مساندين و بيعرفوا دورهم و مسؤولياتهم ،
للأسف في آباء ما زالوا ما بيعرفوا واجباتهم و مسؤولياتهم وأهمية تواجدهم في حياة أطفالهم من الصغر حتى الكبر ..


#آباء #اباءناجحون #أبوة #أمومة #امومة #دبي #الشارقة24 #جدة

09/06/2022

من الأفضل إن تتفقوا تلتقوا بمكان مناسب للطفل و طبيعتوا لتقدوا تنبسطوا
..

لأن الأكيد مو كل الناس بتتقبل فكرة إن طفل و أكيد ما رح يضل قاعد طول الوقت !! بالعكس ممكن يستنكروا و يحكوا عن الأم
..
و بالمقابل الأم مو مجبورة ضل قاعدة بتوتر !!

لذلك اختيار المكان الأنسب للطفل هو أفضل حل 👍🏻.

بتوافقوني الرأي ؟؟

❤ #ابنائي #أبناء

08/06/2022

إلي بحدد جودة المحصول الي بنحصده ..
هو "جودة البذرة 🌱 " الي نحن بنزرعها
بجهدنا وتعبنا ..

🌱 هل زرعناها بحب ؟؟
🌱 رويناها بالإهتمام ؟؟
🌱 قصينا اوراقها التالفة قبل ما تكبر و تنتشر بكل النبتة ؟؟
🌱 أكثرنا من الرعاية لما مرت فترات كانت رح تذبل ؟؟
🌱صبرنا عليها لصارت تجني الثمار الطيبة ؟؟

بالضبط هيك أطفالنا .. بالإهتمام و الرعاية والحب و الصبر وغرس القيم و الأخلاق ، رح نجني ثمار تعبنا عليهم بإذن الله 🍀.

الله يحفظ أطفالنا و أطفالكم أجمعين 🌸

#امهات #توكيد

06/06/2022

ذكري أطفالك بشكل دائم أن العنف وبكل أشكاله غير مقبول أبداً
…
نستطيع استخدام لغة الحوار للتعبير عن مشاعرنا ورغباتنا و استيائنا …

🇦🇪 ❤ #أمومة #امومة #أمومة #طفولتي

26/05/2022

جربوا تقعدوا معهم من دون مشتتات ، احكوا و اضحكوا و استمتعوا باللحظة بكامل حواسكم ومشاعركم ..
❤️

#تربيه #تربيه #توكيدات #أطفالنا

25/05/2022

كيف نستغل المواقف بتعليم أطفالنا 🌼استشعار النعم ..

👈🏻 أحياناً ابني بشوف ترجمة لغة الإشارة ع الشاشة بسألني ليه هيك بتأشر؟؟
بجاوبوا في كتير ناس مفتقدين لنعمة السمع والحكي الي ربنا أعطانا اياها ف عشان هيك لازم نشكر ربنا ع هالنعمة و إن قادرين نحكي و نطلب و الكل بيفهم علينا ..
و لازم نستخدم هالنعمة بطريقة منيحة .. نقول الحقيقة .. ما نحكي شتائم ..

و نعمة لمة العيلة ، الأمن و الأمان ، والصحة و الكثيييير من المواقف الي بنقدر نحكيلهم عنهم

و اطلبي منو يذكر النعم الي ربنا أعطاه اياها و خلي يشكر ربنا عشان يحس بقيمة هالنعم ❤️.

#أمهات #امهات #

24/05/2022

"ماما أنا ما بحبك " 💔😤 ..

قصة قصيرة محزنة ممكن تصير مع أي أم بكون تأثيرها صعب على الأم خاصة لو أخدت الأم حكي طفلها بجدية …

المطلوب منك ان تتطمني و تتأكدي ان ما حكى هالكلمتين إلا بلحظة غضب و حالات أخرى مذكورة بالبوست 🌸 ..

أهم شي .. ما تنسي ان تردي عليه بكل حب و احكيلوا بس أنا
" بحبك بكل وقت و بجميع حالاتك " 😇❤️

#أمهات #أم #اكسبلور #تربيه #ابنائي #دبي

23/05/2022

في البوست ما قصدت المواقف العابرة الي أنا شخصياً ما بفضل إن نوقف عليها ونعيرها اهتمام ..

بل قصدت (المواقف المتكررة) و الأخطاء إلي مع الوقت ممكن تشكل جزء من شخصية أطفالنا .. المواقف الي بتحتاج منا توجيه … سواء تربوي أو نفسي كتقديم الدعم ..

مثال : ابني الصغير عم يتعرض لنوبات غضب بشكل متكرر بتنتهي برمي الإشياء أو تكسير أي شي أماموا …

👈🏻 بعض الأهالي بيلجؤا لحل المشكلة عن طريق اسكاتوا (بالآيباد) ،
👈🏻 أو اعطاء وعود ( خلص ماما ازا وقفت بكاء رح أعطيك حلاوة )
👈🏻 أو ممكن تهديد ( رح تسكت أو أحكي لأبوك يعاقبك ) …

بدون أي تعب و جهد لتدعم ابنها عاطفياً أو تبحث معوا عن حلول بتساعدوا على تخفيف هالسلوك و توجهوا ..

🌸 وبالتالي النتيجة : طفل رح يكبر و يصير شخص عصبي ما عندوا القدرة على التحكم بأعصابوا ..

التربية بدها تعب خليكم منتبهين مو دايما اللجوء للحلول المؤقتة صح في مواقف بتحتاج منا وقفة و توجيه ..

#دبي #الشارقة #اطفالي #أمومة #

18/05/2022

🌸بتقبل شعورك بالغضب .. ولكن ما بتقبل رفع الصوت و الصراخ عند الغضب ..

🌸 لما يكون انتباهك ع طفلك مقتصر فقط لما يخطئ فما تزعلي لو صار هاد أسلوبه الوحيد في لفت انتباهك

🌸 الصراخ بيضعف بنية الدماغ عند طفلك و بأثر في نموه وبزيد من توتر طفلك وللأسف بيعمل مشاكل في الصحة الجسدية و النفسية عند طفلك.

#أمُومة #امومه #امومة
#أمهات #امهاتكم❤️ #أطفالنا #دبي

17/05/2022

نقاط بسيطة بحياتنا اليومية بس نتائجها رائعة في بناء شخصية طفلنا …

#أمومة #امومة #اطفالي #دبي💞

20/04/2022

حبيت أختم موضوع الغضب عند الأمهات بهاد التذكير …

لـو صار و فقدتي السيطرة ع ردة فعلك و أسأتي بحق طفلك ما تنسي الإعتذار الواضح لطفلك ..

ما تخلي الموضوع يمر مرور الكرام و تتجاهلي غلطك بحجة ان رح يكبر و ينسى ..

بإعتذارك لطفلك رح توصليلو كتير دروس لطفلك و أهمها

🌸أنا بحبك برغم كل شيئ ..
🌸 بإعتذارك رح ترجعي الثقة الي ممكن ابنك فقدها نتيجة خوفوا منك بلحظة عصبيتك
🌸 و صدقيني بهالتصرف ابنك لو غلط رح تلاقي لا تلقائي اعترف و اعتذر عن غلطوا لأن شافك قدوة .

و لمعلومات أكتر رح تلاقوا بوست تحت ( كيف أصلح غلطي مع طفلي )

‏‎ #أمومة #امومة #اطفالي #أطفالنا

11/04/2022

أهلاً أهلاً بنات ..

لو نرجع للأسلوب الأكثر من رائع الي اتبعتوا الأم مع بنتها بالريل السابق لما بنتها حكت عن حالها( انا مو حلوة ) …
كان رد الأم عليها سريع انها حلوة وطلبت من بنتها تردد ( أنا حلوة )
هون استخدمت الأم أسلوب( التوكيدات الإيجابية ) …
التوكيدات الإيجابية من الأمور المهمة الي لازم نعلم أطفالنا عليها ، قد تكون من أسهل الطرق الي بتعلم أطفالنا الثقة بالنفس ..

طيب ليه لازم نعلمها لأولادنا ؟؟!
لأن بإختصار التوكيدات الإيجابية هي عبارة عن جمل ايجابية بتتحدى الأفكار السلبية الي موجودة بأطفالنا و مع تكرار الجمل متل " أنا حلوة "" أنا قوي "
عقل طفلك الباطني رح يتبرمج على هالفكرة الإيجابية التي عم تسعي لتبنيها بطفلك و رح يتبناها و رح يصير صعب على أي حدا يأثر ع طفلك ..

بالظبط لما يحكولك انتبهي تحكي لطفلك " غبي " أو " عنيد " على مسمع منوا لأن مع الوقت عقل طفلك بتشرب هالفكرة و بتلاقي فعلا صار عنيد أكتر من أول ..

بتذكر فترة ما بعد الإغلاق و حبسة كورونا ، هيأت ابني على رجعة المدارس عن طريق استخدام أسلوب التوكيدات
كنت بس أحسوا متوتر ع موضوع المدرسة و المرحلة الجديدة الي حيروح الها …
أحكيلو بس تحس حالك خفت مليت أيا فكرة سلبية خطرت الك ..
احكي بقلبك و عقلك
أنا قوي 💪🏼 ، أنا ما بخاف 💪🏼، أنا بقدر 💪🏼
خلال فترة زمنية قصيرة ، ابني رجع و قلي ماما بتعرفي أنا خفت شوي بعدين اتذكرت الي حكيتيلي ايا صرت احكي بقلبي أنا قووي أنا بقدر وبعدين صرت قوي …

أبداً لا تستهينوا بالتوكيدات بوقت من الأوقات رح تكون محفز و مشجع بوقت ضعفهم 👍🏻.

جربتوا التوكيدات مع أطفالكم .. بالنسبة إلي من أحلى الأساليب الي جربتها وشفت نتيجتها ؟؟

07/04/2022

بدايةً يا أصدقاء لا تسألوني عن الجزر 🥕 😂لأن ابني المسؤول عنو رجعت من الدوام لقيتوا مقطع كل الجزر و عامل تجربتو … بس للأمانة أقنعني تجربة سهلة ممكن تعملوها مع أطفالكم بتلاقوها باليوتيوب ( how to grow carrots tops)

أما هدفي من هالبوست ان نكمل موضوع الريل السابق ، وتعرفوا ليه مهم نعلم أطفالنا الصبر خاصة إن الأطفال بطبعهم العجلة وما عندهم قدرة أبداً على الانتظار 🙏:

🌸أولا ً الصبر بيعطي طفلك قدرة على التفكير بالمواقف التي بتواجهوا ، و بالتالي بتعطي قدرة على ايجاد حلول لمشاكلوا بالوقت الحالي والمستقبل
🌸كل الأشياء الجميلة في الحياة بتحتاج لمهارة الصبر فإذا بدك طفلك يحقق نجاح فلازم يتعلم الصبر
🌸الصبر مطلوب كمان في التعامل مع المقربين إلو متل أخو الصغير ، أصحابوا خاصة بأوقات اللعب
🌸 الطفل الي ما عندوا صبر مع الوقت بتحول لطفل زنان ف لو من البداية اتعلم الصبر وضبط النفس بكونوا عندوا قدرة أكبر ليتحكم بنفسوا وردات فعلو
🌸 بصير قادر على ان ياخد قرارات سليمة نتيجة الصبر و التروي

عرفتوا ليه مهم نعلمهم الصبر ؟؟
شفتوا نبتتنا الجميلة بالبوست التاني 🌶😅

#أمهات #أم #دبي💞 #الشارقة