Arakan Info Desk- AID

Arakan Info Desk- AID This page is not affiliated with AA at all. Arakan Info Desk- AID
(4)

This is a page that presents undisclosed news, including human rights abuses and other news from within Burma, to the historians of Rakhine literature.

■ AA ထိုးစစ်ကြောင့် တောင်ကုတ် ကိုင်းရှည်တံတားရှိ အထိုင် စစ်ကောင်စီတပ်စခန်းများ တပ်ပြန်ဆုတ်(တံတား နှစ်စင်းလုံးတွင် စစ်ကော...
11/11/2024

■ AA ထိုးစစ်ကြောင့် တောင်ကုတ် ကိုင်းရှည်တံတားရှိ အထိုင် စစ်ကောင်စီတပ်စခန်းများ တပ်ပြန်ဆုတ်

(တံတား နှစ်စင်းလုံးတွင် စစ်ကောင်စီတပ်က မိုင်ထောင်ထားခဲ့)

AID| နိုဝင်ဘာ ၁၁

ရခိုင်ပြည်၊ တောင်ကုတ်မြို့ ကိုင်းရှည်တံတားအနီးမှာရှိတဲ့ စစ်ကောင်စီတပ်စခန်းတွေကို အာရက္ခတပ်တော် AA ထိုးစစ်ဆင်တိုက်ခိုက်ခဲ့တာကြောင့် တပ်နောက်ပြန်ဆုတ်သွားပြီး တံတားတွေမှာ မိုင်းထောင်ထားခဲ့ကြကြောင်း စစ်ရေးသတင်းရင်းမြစ်တွေက ပြောပါတယ်။

AA ရဲ့ ထိုးစစ်အရှိန်ကြောင့် စစ်ကောင်စီတပ်သားတွေ မနေ့ကစပြီး တပ်ဆုတ်ခွာခဲ့တာဖြစ်ပြီး မြို့ထဲ တပ်ရင်းတွေနဲ့ ပူးပေါင်းသွားကြတယ်လို့ စစ်ရေးသတင်းရင်းမြစ်တစ်ဦးက ပြောပါတယ်။

အာလိန်ငါးဆင့်ကျောင်းတိုက်နဲ့ ကိုင်းရှည်တံတားမှာ အထိုင်ချပြီး တပ်စွဲထားတဲ့ စစ်ကောင်းစီတပ်ဖွဲ့တွေဟာ မနေ့ညကစပြီး မြို့ထဲဖက်ကို တပ်ဆုတ်သွားပြီး တစ်ချို့ကတော့ မြို့ထဲက စကခ ၅ နဲ့ ပေါင်းသွားကြတယ်လို့ သိရပါတယ်။ အခု AA ဟာ မြို့ထဲအထိ ထိုးစစ်ဆင် တိုက်ခိုက်နေတဲ့အတွက် တိုက်ပွဲတွေ ပြင်းထန်နေတယ်လို့ ပြောသွားတာပါ။

အာလိန်ငါးဆင့်ကျောင်းတိုက်နဲ့ ကိုင်းရှည်တံတားမှာရှိတဲ့ စစ်ကောင်စီစစ်ဆေးရေးဂိတ်တွေမှာ စစ်ကောင်စီတပ်သား ရာနဲ့ချီ အထိုင်ချ နေထိုင်ကြတာဖြစ်ပြီး AA ကို ခုခံတိုက်ခိုက်နေတာ ဖြစ်ကြောင်း သိရပါတယ်။

တပ်ဆုတ်ခွာသွားတဲ့ စစ်ကောင်စီတပ်တွေဟာ တောင်ကုတ်မြို့ မြို့နယ်စည်ပင်သာယာရုံးနဲ့ နီးစပ်ရာအဆောင်အဦးအမြင့်နေရာတွေ စာသင်ကျောင်းတွေမှာ စနိုက်ပါတွေနဲ့ နေရာယူထားကြောင်း သူက ဆက်ပြောပါတယ်။

တောင်ကုတ်မြို့၊ ကိုင်းရှည်တံတားရှိ စစ်ကောင်စီစစ်ဆေးရေးဂိတ်နဲ့ ဖုံညို စစ်ကောင်စီ စစ်ဆေးရေးဂိတ်မှာ မိုင်းတွေထောင်ထားခဲ့ပြီး အချိန်မရွေးဖောက်ခွဲဖို့ ပြင်ဆင်ထားကြောင်း စစ်ရေးသတင်း ရင်းမြစ်တစ်ဦးက ပြောပါတယ်။

စစ်ကောင်စီတပ်က မိုင်းထောင်ထားတဲ့ တောင်ကုတ်မြို့ ဖုံညိုတံတားဟာ သံတွဲဖက်ကို သွားတဲ့ မြို့အထွက်တံတားတစ်ခုဖြစ်ပြီး ကိုင်းရှည်တံတားဟာ မအီ၊ အမ်း၊ စစ်တွေဖက်ကို ထွက်တဲ့ မြို့ရဲ့ အထွက်တံတားတွေဖြစ်ကြပါတယ်။

အဲဒီပါတံတားနှစ်စင်းလုံးကို မိုင်းခွဲပျက်စီးသွားခဲ့ရင် တောင်ကုတ်မြို့ထဲ ပိတ်မိနေတဲ့အရပ်သား ၇ သောင်းနီးပါးဟာ မြို့အတွင်း ထွက်ပေါက်မရှိဘဲ ဖြစ်သွားနိုင်ကြောင်း တောင်ကုတ်ဒေသခံတွေက ပြောဆိုထားကြပါတယ်။

အာလိန်ငါးဆင့်ကျောင်းတိုက်နဲ့ ကိုင်းရှည်တံတားတွေမှာ အထိုင်ချနေထိုင်ခဲ့တဲ့ စစ်ကောင်စီတပ်က လက်နက်ကြီးတွေနဲ့ ပစ်ခတ်တာတွေကြောင့် အနီးအနားရှိကျေးရွာတွေ ဖြစ်ကြတဲ့ ဒုံးကျေးရွာ၊ တောင်ရွာကို ကိုင်းရှည်ကျေးရွာတွေကို လက်နက်ကြီး ကျရောက်ခဲ့ကြောင်း သိရပါတယ်။

စစ်တပ်က အဲ့ဒီအာလိန်ငါးဆင့်ကနေ ခုခံပြီးတော့ တိုက်နေကာ အာလိန်ငါးဆင့်ကျောင်းတိုက် လုံးဝပျက်စီးသွားပါပြီ၊ ဟိုဖက် ဒီဖက် ပစ်ခတ်တာတွေများတော့ အကုန်ပျက်စီးသွားပြီးလို့ ပြောလို့ရပါတယ်။ ပြီးတော့ ဒုံကျေးရွာက အားလုံးနီးပါး မီးလောင်သွားတယ်။ အဲ့ဒီ ဒုံကျေးရွာမှာ ခရစ်ယာန်ဘုရားကျောင်းလည်း အကုန်မီးလောင်သွားပြီး အရပ်သားတစ်ယောက် သတ်ဖြတ်ခံရကြောင်း သိရတယ်လို့ အသက် ၃၅နှစ်အရွယ်ရှိတဲ့ တောင်ကုတ်ဒေသခံတစ်ဦးကပြောပြသွားတာဖြစ်ပါတယ်။

စစ်ကောင်စီတပ်က တောင်ကုတ်မြို့ နတ်မော်ကျေးရွာဖက်ကို ဆင်းတဲ့လမ်း အုပ်ကွင်းနဲ့ အာလိန်ငါးဆင့်ကျောင်း၊ ကြိုးကြာကွင်းတွေကို တပ်စွဲထားပြီး အဲဒီပါတပ်တွေကို AA ထိုးစစ်ဆင် တိုက်ခိုက်ခဲ့တာ ဖြစ်ကြောင်း သိရပါတယ်။

ဗိုလ်ချုပ် မွေးနေ့သို့ ဂုဏ်ပြုစကား၊ မွေးနေ့ဆုတောင်း ပေးပို့လာကြသူများအား ကျေးဇူးတင်စကား AA ထုတ်ပြန်November 7, 2024၂၀၂၄ ...
07/11/2024

ဗိုလ်ချုပ် မွေးနေ့သို့ ဂုဏ်ပြုစကား၊ မွေးနေ့ဆုတောင်း ပေးပို့လာကြသူများအား ကျေးဇူးတင်စကား AA ထုတ်ပြန်

November 7, 2024

၂၀၂၄ ခုနှစ်၊ နိုဝင်ဘာလ (၇) ရက်နေ့တွင် ကျရောက်သော အာရက္ခတပ်တော် တပ်မှူးချုပ် ဗိုလ်ချုပ် ထွန်းမြတ်နိုင်၏ (၄၆) နှစ်မြောက်မွေးနေ့သို့ ဂုဏ်ပြုစကား၊ မွေးနေ့ဆုတောင်း ပေးပို့လာကြသော အဖွဲ့အစည်း၊ လူပုဂ္ဂိုလ်အသီးသီး၊ ရဲဘော်ရဲဘက်၊ လုပ်ဖော်ကိုင်ဖက်၊ သူငယ်ချင်း၊ မိတ်ဆွေသစ်/ ဟောင်းများအားလုံးအား ရက္ခိုင်အမျိုးသားအဖွဲ့ချုပ်/အာရက္ခတပ်တော် မှ အထူးအလေးအနက်ကျေးဇူးတင်ရှိပါကြောင်း လေးစားစွာဖြင့် အသိပေး အကြောင်းပြန်အပ်ပါသည်။


November 7, 2024

■ အမ်းနှင့်ဂွမြို့နယ်က စစ်ကောင်စီတပ်စခန်း ၄ ခုကို AA ထပ်မံသိမ်းပိုက်AID| နိုဝင်ဘာ ၇ အနောက်ပိုင်းတိုင်းစစ်ဌာနချုပ်ရှိရာ ရ...
07/11/2024

■ အမ်းနှင့်ဂွမြို့နယ်က စစ်ကောင်စီတပ်စခန်း ၄ ခုကို AA ထပ်မံသိမ်းပိုက်

AID| နိုဝင်ဘာ ၇

အနောက်ပိုင်းတိုင်းစစ်ဌာနချုပ်ရှိရာ ရခိုင်ပြည် အမ်းမြို့က တပ်ရင်းနှစ်ခုနှင့် ဂွမြို့နယ်က တပ်စခန်းနှစ်ခုကို အာရက္ခတပ်တော် AA က နိုဝင်ဘာလ ၆ ရက်နေ့တွင် သိမ်းပိုက်ခဲ့ကြောင်း ဒေသခံ စစ်ရေးသတင်းသိသူများက ပြောသည်။

ဂွမြို့နယ်က တိုင်ကျိုးတပ်စခန်းနှင့် ယင်းရွာအနီးရှိ ပုဂံတောင်တပ်စခန်းကို နိုဝင်ဘာလ ၅ ရက်နေ့တွင် စတင်တိုက်ခိုက်ပြီး နိုဝင်ဘာ ၆ ရက် နေ့လယ်ပိုင်းတွင် AA က သိမ်းပိုက်နိုင်ခဲ့ကြောင်း သိရသည်။

"တိုင်ကျိုးနဲ့ ပုဂံတောင်ကို သိမ်းလိုက်ပါပြီ။ မကြာခင် ကမ်းသာယာကို သိမ်းပြီးတော့ ဂွမြို့ထဲ ရောက်လာနိုင်ပါတယ်။ AA ရဲ့ ထိုးစစ်က ဂွမြို့နဲ့ အလွန်နီးကပ်လာပါပြီ။ ဂွဒေသမှာ စစ်ကောင်စီ ကင်းစင်တော့မှာပါ" ဟု ပြောသည်။

သံတွဲမြို့နှင့် ငပလီမြို့ကို သိမ်းပြီးနောက် ဂွမြို့နယ်ကို သိမ်းပိုက်နိုင်ရန် ပြီးခဲ့သည့် တစ်လကျော်ခန့်က AA ၏ ထိုးစစ်တင်လာရာ ရက်ပိုင်းအတွင်း ကျိန္တလီမြို့ကို ထိန်းချုပ်ပြီး ကုလားပြင်တပ်စခန်းကို ဆက်လက်သိမ်းပိုက်ကာ ယခု ဂွမြို့နှင့် ၁၀ မိုင်ပတ်လည်ကို ရောက်ရှိလာခြင်းဖြစ်သည်။

အနောက်ပိုင်းတိုင်းစစ်ဌာနချုပ်ရှိရာ အမ်းမြို့ကိုလည်း လပေါင်းများစွာ ပိတ်ဆို့ဖြတ်တောက်ပြီးနောက် အောက်တိုဘာလ ဒုတိယအပတ်ကစ၍ အာရက္ခတပ်တော် AA သည် ထိုးစစ် အရှိန်အဟုန်မြှင့် တိုက်ခိုက်နေသည်။

ထိုးစစ်အရှိန်မြှင့် ရက်ပေါင်း ၂၀ ကျော်အတွင်း အမ်းမြို့နှင့် အနောက်ပိုင်းတိုင်းစစ်ဌာနချုပ်အတွက် အဓိက အရေးပါသော စွေ့ချောင်းဗျူဟာနှင့် မဲတောင်ဗျူဟာကို AA က ဆက်တိုက် သိမ်းပိုက်ခဲ့သည်။

ယင်းမှတစ်ဆင့် အမ်းလေဆိပ်ကို ဘက်ပေါင်းစုံကပိတ်ဆို့ကာ မြို့ဝင်ပေါက် လေးခုကိုလည်း ပူးပေါင်းတပ်ဖွဲ့များဖြင့် ပိတ်ဆို့ထားပြီး စစ်ကောင်စီတပ်ရင်း၊ တပ်စခန်းများကို စီးနင်းဝင်ရောက် တိုက်ခိုက်နေသည်။

အောက်တိုဘာလ ဒုတိယအပတ်ကနေ နိုဝင်ဘာလ ၄ ရက်နေ့အထိ အမ်းမြို့အတွက် အရေးပါသော ခမရ ၃၇၂, ၃၇၃၊ ဆေးတပ်၊ ထောက်ပို့တပ်၊ တစ်မိုင်ကုန်းတပ်၊ စစ်ဆေးရုံ၊ ကံ့ကော်တစ်ထောင်စခန်း၊ သင်တန်းကျောင်း၊ စရဖ စသဖြင့် AA က သိမ်းပိုက်ထားသည်။

နိုဝင်ဘာလ ၆ ရက်နေ့ ညနေပိုင်းတွင် အာရက္ခတပ်တော် AA သည် အမ်းမြို့နှင့် နပခအတွက် အလွန်အရေးပါသော မြို့ထဲရှိ ခမရ ၃၇၁ တပ်ရင်းနှင့် စစ်လက်နက်ပစ္စည်းသိုလှောင်ရေးတပ် COD တို့ကို တပြိုင်တည်း ထပ်မံ သိမ်းပိုက်ခဲ့သည်။

" အမ်းမြို့က နပခ ကိုကာကွယ်ထားတဲ့ စစ်ကောင်စီတပ်ရင်း၊ တပ်စခန်းနဲ့ အမြောက်တပ် တော်တော်များများကို AA က သိမ်းပိုက်ထားလိုက်ပါပြီ။ မနေ့ကဆို ခမရ ၃၇၁ နဲ့ လက်နက်သိုလှောင်တပ်ကို သိမ်းလိုက်တယ်လို့ သိရတယ်။ အမ်းမှာ ကျန်နေတဲ့ တပ်ဖွဲ့ဝင်တွေဟာ ပြေးစရာမြေမရှိတာကြောင့် လက်နက်ချဖို့အထိ ကြားနေရပါတယ်။ တပ်တော်ဘက်ကလည်း လက်နက်ချအလင်းဝင်ဖို့ ပြောထားတယ်လို့ သိရပါတယ်" ဟု စစ်ရေးသတင်းရင်းမြစ်ကဆိုသည်။

ရခိုင်ပြည်နှင့် မကွေးတိုင်းဆက်ထားသည့် အမ်း-ပဒါန်းလမ်းပိုင်းတွင် လုံခြုံရေးယူထားသော စစ်ကောင်စီ၏ ကင်းစခန်းနှစ်ခုကို လူထုတော်လှန်ရေးမဟာမိတ်အင်အားစု (PRA-Magway)၊ အရှိုချင်းကာကွယ်ရေးတပ်(ACDF) နှင့် မင်းဘူးခရိုင်အမှတ်(၂) တပ်ရင်းတို့က ပူးပေါင်းတိုက်ခိုက်ခဲ့သည်။

ဂုတ်ကြီးရွာထိပ် ဘုံဘောလမ်းဆုံနှင့် မိုင်တိုင် ၁၁ ရှိ စစ်ကောင်စီ ကင်းစခန်းနှစ်ခုကို နိုဝင်ဘာ ၅ ရက် နံနက် ၁၁ နာရီကျော်အချိန်တွင် နာရီဝက်ကြာ ထိုးစစ်ဆင်တိုက်ခိုက်ခဲ့ကြောင်း သိရသည်။

အာရက္ခတပ်တော် AA သည် အမ်းမြို့နှင့် အနောက်ပိုင်းတိုင်းစစ်ဌာနချုပ် (နပခ) ကို သိမ်းပိုက်နိုင်ရန် အရှိန်မြှင့်တိုက်ခိုက်နေချိန် တစ်ပြိုင်တည်း တောင်ကုတ်၊ မောင်တော၊ ဂွမြို့နယ်တို့တွင်လည်း စစ်ကောင်စီတပ်ရင်းများကို တိုက်ခိုက်နေသည်။

ပုံစာ - စစ်ကောင်စီထံမှ AA သိမ်းဆည်းရမိသော လက်နက်ခဲယမ်းများ။ (ပုံဟောင်းများဖြစ်သည်)

Ref: Western News-WN

■ တောင်ကုတ်တပ်မနှင့် သုံးမိုင်အကွာ အမြောက်တပ်ကို ‌AA သိမ်းပိုက် (တောင်ကုတ်တိုက်ပွဲ AA ပစ်ခတ်၍ ဒုရဲအုပ်နှင့် ရဲတပ်သားငယ် ...
06/11/2024

■ တောင်ကုတ်တပ်မနှင့် သုံးမိုင်အကွာ အမြောက်တပ်ကို ‌AA သိမ်းပိုက်

(တောင်ကုတ်တိုက်ပွဲ AA ပစ်ခတ်၍ ဒုရဲအုပ်နှင့် ရဲတပ်သားငယ် သေဆုံး)

AID| နိုဝင်ဘာ ၅

ရခိုင်ပြည် တောင်ကုတ်မြို့တွင်ရှိသော အမှတ် (၅) စစ်ဆင်ရေးကွက်ကဲမှုဌာနချုပ် (စကခ ၅) တပ်မနှင့် သုံးမိုင်ကျော်သာဝေးသည့် ပန်းမြောက်တောင်ပေါ်ရှိ စစ်ကောင်စီအမြောက်တပ်စခန်းကို အာရက္ခတပ်တော် AA က သိမ်းပိုက်လိုက်ပြီဟု ဒေသခံများထံမှ သိရသည်။

အောက်တိုဘာလ ၃၀ ရက်နေ့ကစ၍ ပန်းမြောက်တောင် အမြောက်တပ်ရင်းကို AA က ထိုးစစ်ဆင်တိုက်ခိုက်ခဲ့ပြီး နိုဝင်ဘာလ ၃ ရက်နေ့တွင် အပြီးသတ်သိမ်းပိုက် ရရှိခဲ့ကြောင်း ဒေသခံ စစ်ရေးအခြေအနေ သိသူတစ်ဦးက ပြောသည်။

" AA ရဲ့ ထိုးစစ်ကို စစ်ကောင်စီက လေကြောင်းကနေ နိုဝင်ဘာလ ၂ ရက်နေ့မှာ ဗုံးအလုံး အများအပြားနဲ့ ခုခံခဲ့တယ်။ တောင်ကုတ်မြို့ တပ်ရင်းတွေကလည်း လက်နက်ကြီးတွေနဲ့ တောက်လျှောက်ပစ်တယ်။ အဲဒီကြားထဲကပဲ AA က သိမ်းပိုက်လိုက်တယ်။ ပန်းမြောက်တောင်မှာ စစ်ကောင်စီဖက် အများအပြားကျဆုံးတယ်လို့ သိရတယ်။ တပ်ပြန်ဆုတ်လာတဲ့သူတွေဆီမှာ သေနတ်တွေ နှစ်လက်သုံးလက်လောက်ကိုင်ပြီး တပ်ဆုတ်လာတာကို တွေ့တဲ့သူတွေရှိတယ်။ " ဟု ပြောသည်။

ပန်းမြောက်တောင် အမြောက်တပ်ရင်း သိမ်းပိုက်ရရှိခြင်းကို AA က ထုတ်ပြန်ခြင်းမရှိသော်လည်း နယ်မြေတပ်ဖွဲ့ဝင်များကတစ်ဆင့် စစ်ရေးသိသူများက အတည်ပြုထားကြသည်။

ပန်းမြောက်တောင်နှင့် စကခ ၅ တပ်မကြားရှိ သိမ်တောင်ရပ်ကွက် ဝေဠုဝန်ကျောင်းတိုက်ရှိရာ တောင်ပေါ်တွင် တပ်ဆုတ်လာသော တပ်ဖွဲ့ဝင်များမှ တပ်စွဲထားပြီး တပ်မက တပ်ဖွဲ့ဝင်များဖြင့် ပူးပေါင်း၍ AA ထိုးစစ်အား ပြန်တိုက်ခိုက်ရန် ခံစစ်ပြင်ဆင်နေကြောင်း သိရသည်။

" နိုဝင်ဘာ ၃ ရက်နေ့က ပန်းမြောက်တောင် အမြောက်တပ်ရင်းက စစ်ကောင်စီတပ်ဖွဲ့တွေဟာ အကျအဆုံးအများအပြားနဲ့ တပ်မဘက်သို့ တပ်ဆုတ်လာတယ်။ ၄ ရက်နေ့မှာ တပ်မအကူအညီနဲ့ ဝေဠုဝန်တောင်ပေါ်မှာ ခံစစ်ပြင်တယ်။ ဒီနေ့ နေ့လယ်လောက်က AA တပ်ဖွဲ့ဝင်တွေနဲ့ တိုက်ပွဲဖြစ်ကြသေးတယ်။ အထိအခိုက်တော့ မသိရသေးဘူး။ " ဟု ၎င်းက ဆက်ပြောသည်။

ပန်းမြောက်တောင် အမြောက်တပ်ရင်းကို ထိုးစစ်ဆင်တိုက်ခိုက်နေချိန် အောက်တိုဘာလ ၃၁ ရက်နေ့တွင် အာရက္ခတပ်တော် AA ဖက်က တောင်ကုတ်မြို့အဝင် တက္ကသိုလ်အနီးရှိ ဌာနပေါင်းစုံရှိသည့် စစ်ကောင်စီမောင်းတံဂိတ်ကို လက်နက်ကြီးဖြင့် ပစ်ခတ်တိုက်ခိုက်ခဲ့သည်။

AA ၏ တိုက်ခိုက်မှုကြောင့် မောင်းတံဂိတ်က စစ်ကောင်စီတပ်ဖွဲ့ဝင် ဒုရဲအုပ်အဆင့်ရှိသူတစ်ဦးနှင့် ရဲတပ်သားငယ်တစ်ဦး ဒဏ်အရာအပြင်းအထန်ရကာ စစ်ဆေးရုံ၌ ဆေးကုသမှုခံနေစဉ် နိုဝင်ဘာလ ၂ ရက်နေ့တွင် သေဆုံးသွားကြောင်း စစ်ရေးသတင်းရင်းမြစ်များက ပြောဆိုကြသည်။

စစ်ကောင်စီဖက်ကလည်း လေကြောင်းဗုံးကြဲတိုက်ခိုက်မှု၊ လက်နက်ကြီးပစ်ခတ်မှုကို အဆက်မပြတ် ပြုလုပ်နေပြီး ယနေ့ နိုဝင်ဘာလ ၅ ရက်နေ့ နေ့လယ် ၁၂ နာရီခွဲအချိန်က တောင်ကုတ် သင်္ဘောဆိပ်အနီး မှိုဟင်းတောကျေးရွာကို ဒရုန်းဖြင့် ဗုံးကြဲတိုက်ခိုက်ခဲ့၍ အမျိုးသား ၂ ဦးနှင့် အမျိုးသမီး ၁ ဦး ထိခိုက်ဒဏ်ရာရရှိသွားသည်။

၂၀၂၄ ခုနှစ် ဇွန်လမှစ၍ ယခု နိုဝင်ဘာလအစောပိုင်းအထိ အာဏာသိမ်း စစ်ကောင်စီ ဗုံးကြဲတိုက်ခိုက်မှုကြောင့် တောင်ကုတ်မြို့နယ်တွင် အရပ်သားသေဆုံးသူ ၃၉ ဦးရှိပြီး ဒဏ်ရာရရှိသူ ၆၀ ဦးထက်မနည်းရှိကြောင်း စစ်ကောင်စီက အရပ်သားပြည်သူများအပေါ် ဦးတည်ပစ်မှတ်ထား တိုက်ခိုက်နေကြောင်း ဒေသခံများက ပြောဆိုကြသည်။

လက်ရှိတွင်လည်း တောင်ကုတ်မြို့ထဲတွင် အပြစ်မဲ့အရပ်သားပြည်သူ ၆ သောင်းကျော်ပိတ်မိနေပြီး စစ်ကောင်စီတပ်ဖွဲ့ဝင်များက မြို့ပြင်ထွက်ခွင့်မပြုဘဲ ပိတ်လှောင်ထားကာ လူသားဒိုင်းကာအသုံးပြုနေကြောင်း သိရသည်။

ပုံစာ - စစ်ကောင်စီထံမှ AA သိမ်းဆည်းရမိသော လက်နက်ခဲယမ်းများ။ (ပုံဟောင်းဖြစ်သည်)

Ref: Western News-WN

■ တောင်ကုတ်မြို့ထဲမှာ အရပ်သား ၆ သောင်းကျော်ပိတ်မိနေ(လေကြောင်းအန္တရာယ် အသိပညာအားနည်းလို့ လေယာဉ်လာရင် နေအိမ်ကထွက်ပြီး ကြည့...
05/11/2024

■ တောင်ကုတ်မြို့ထဲမှာ အရပ်သား ၆ သောင်းကျော်ပိတ်မိနေ

(လေကြောင်းအန္တရာယ် အသိပညာအားနည်းလို့ လေယာဉ်လာရင် နေအိမ်ကထွက်ပြီး ကြည့်နေကြတယ်)

AID| နိုဝင်ဘာ ၅

ရခိုင်ပြည် တောင်ကုတ်မြို့ထဲမှာ ကလေးငယ်၊ သက်ကြီးရွယ်အိုတွေအပါအဝင် အသက်အရွယ်အစုံ အရပ်သား ၆ သောင်းကျော် ပိတ်မိနေကြောင်း တိမ်းရှောင်လွတ်မြောက်လာသူတွေက ပြောပါတယ်။

ကုန်ခဲ့တဲ့ အောက်တိုဘာလ အစောပိုင်းရက်တွေအထိ တောင်ကုတ်မြို့ပြင်သို့ ထွက်ခွင့်ရရှိခဲ့ပေမဲ့ လက်ရှိမှာ တိုက်ပွဲက မြို့အနီးအနားကို ရောက်ရှိလာလို့ စစ်ကောင်စီတပ်ဖွဲ့ဝင်တွေက အရပ်သားတွေကို အပြင်ထွက်ခွင့်မပေးဘဲ ပိတ်လှောင်ထားတာ ဖြစ်ကြောင်း တိမ်းရှောင်လွတ်မြောက်လာသူတစ်ဦးက ပြောပါတယ်။

ကလေးတွေ၊ အမျိုးသမီးတွေ၊ သက်ကြီးရွယ်အိုတွေ အများအပြား ဘယ်သူ့ကိုမှ စစ်ကောင်စီက ထွက်ခွင့်မပေးဘဲ လူသားဒိုင်းကာအဖြစ် အသုံးပြုထားတယ်လို့ မြို့ထဲကနေ တိမ်းရှောင်လွတ်မြောက်လာသူတစ်ဦးက ပြောပါတယ်။

တောင်ကုတ်မြို့နယ်မှာ အောက်တိုဘာလ ၃၀ ရက်နေ့ကစပြီး စစ်ကောင်စီတပ်ရင်းတွေကို AA က ထိုးစစ်ဆင်တိုက်ခိုက်နေကာ ဒီကနေ့ နိုဝင်ဘာလ ၅ ရက်နေ့အထိ နှစ်ဖက်တိုက်ပွဲ ပြင်းထန်နေကြောင်း ဒေသခံတွေကတဆင့် သိရပါတယ်။

တောင်ကုတ်မြို့ထဲ ပိတ်မိနေသူတွေမှာ အဆက်အသွယ်ပြတ်တောက်နေပြီး ဖုန်းလိုင်းဆက်သွယ်ရေး အလွန်ခက်ခဲနေတယ်လို့ နောက်ထပ် တိမ်းရှောင်လွတ်မြောက်လာသူတစ်ဦးက ဆိုပါတယ်။

တောင်ကုတ်ဖုန်းလိုင်းတွေက ဆက်သွယ်ရခက်ခဲနေပြီး မြို့ထဲပိတ်မိနေသူတွေမှာ စားနပ်ရိက္ခာ ပြတ်လပ်နေသလို နေမကောင်းတဲ့သူတွေလည်း ရှိနေကြပြီး စစ်ကောင်စီတပ်ဖွဲ့ဝင်တွေက မြို့ပြင်ထွက်ခွင့်မပေးတဲ့အတွက် တော်တော်လေးကို ဒုက္ခရောက်နေကြတယ်လို့ လွတ်မြောက်လာသူကတဆင့် ပြောပြသွားတာဖြစ်ပါတယ်။

တောင်ကုတ်မြို့မှာ ၂၀၁၄ သန်းခေါင်စာရင်းအရ လူဦးရေ တစ်သိန်းတစ်သောင်းကျော် ရှိပြီး ၂၀၂၄ ခုနှစ်၊ ဇွန်လအတွင်းက စစ်ကောင်စီနဲ့ AA တို့ တိုက်ပွဲကြောင့် မြို့ခံတချို့ ထွက်ပြေးတိမ်းရှောင်သွားပြီးနောက် အခု မြို့ထဲ ၆ သောင်းကျော်အထိ ပိတ်မိနေကြတာ ဖြစ်ပါတယ်။

အရပ်သားတချို့မှာ လေကြောင်းအန္တရာယ်နဲ့ လက်နက်ကြီးအန္တရာယ်တွေရဲ့ ကာကွယ်ရမဲ့ အခြေခံအချက်အလက်တွေကို မသိရှိတာနဲ့ စစ်လက်နက်ပစ္စည်း အသိပညာအားနည်းတာတွေကြောင့် စစ်ကောင်စီ လေယာဉ်ပျံဝဲလာရင် နေအိမ်အပြင်ထွက်ပြီး ကြည့်ကြတယ်လို့ သိရပါတယ်။

စစ်ကောင်စီလေယာဉ်တွေက အရပ်သားတွေကိုပါ ဦးတည်ပစ်မှတ်ထား ဗုံးကြဲတိုက်ခိုက်နေတာကြောင့် ဘေးလွတ်ရာ ဒါမှမဟုတ် ဗုံးခိုကျင်းတွေမှာ ပုန်းရှောင်ကြဖို့ လူငယ်အချို့က အသိပညာပေးလုပ်ငန်းတွေ လုပ်ပေးနေကြပါတယ်။

တောင်ကုတ်မြို့နယ်မှာ စစ်ကောင်စီရဲ့ စကခ (၅) တပ်မ၊ ခမရ ၅၄၄ တပ်ရင်း၊ ခမရ ၃၄၆ တပ်ရင်းတို့ရှိပြီး လက်ရှိမှာ တောင်ကုတ်မြို့နဲ့ မဝေးတဲ့ ပန်းမြောက်တောင်က တပ်စခန်းနဲ့ AA တို့ တိုက်ပွဲဖြစ်ပွားနေကြပါတယ်။

အမ်းမြို့ထဲမှာ ပိတ်မိနေသူတွေကို စစ်ကောင်စီက ရမ်းသမ်းဗုံးကြဲမှာကို စိုးရိမ်နေAID| နိုဝင်ဘာ ၄တိုက်ပွဲပြင်းထန်နေတဲ့ အမ်းမြိ...
04/11/2024

အမ်းမြို့ထဲမှာ ပိတ်မိနေသူတွေကို စစ်ကောင်စီက ရမ်းသမ်းဗုံးကြဲမှာကို စိုးရိမ်နေ

AID| နိုဝင်ဘာ ၄

တိုက်ပွဲပြင်းထန်နေတဲ့ အမ်းမြို့ထဲကို စစ်ကောင်စီ လေကြောင်းက ရမ်းသမ်းဗုံးကြဲမှာကို မြို့ထဲပိတ်မိနေသူတွေက စိုးရိမ်နေကြပါတယ်။

အောက်တိုဘာလ ၂၉ ရက် ညနေပိုင်းကလည်း လက်နက်ကြီးတွေအပြင် လေကြောင်းက ဗုံးကြဲတိုက်ခိုက်ခဲ့လို့ ပိတ်မိနေသူတွေမှာ စစ်ရှောင်ရာ အမှတ် ၄ ရပ်ကွက်၊ လေယာဉ်ကွင်းရပ်ကွက်နဲ့ မြို့မြောက်ဘက်ခြမ်းကို ကျရောက်ပေါက်ကွဲခဲ့ပါတယ်။

စစ်ကောင်စီရဲ့ တိုက်ခိုက်မှုကြောင့် ကလေးငယ်၊ အမျိုးသမီးတွေအပါအဝင် အရပ်သား ၁၀ ဦးသေဆုံးပြီး ၂၀ နီးပါး ပြင်းထန်ဒဏ်ရာ ရရှိခဲ့ကြပြီး နာမည်တွေကိုတော့ စုံစမ်းနေဆဲဖြစ်ပါတယ်။

လက်ရှိ တိုက်ပွဲက မြို့အထဲကိုတော့ မရောက်သေးပေမဲ့ တိုက်ပွဲကမြို့ထဲကို ရောက်လာခဲ့ရင် AA ရှိတယ်ဆိုပြီး အကုန်လုံးကို ရမ်းသမ်းဗုံးကြဲသွားမှာကို ကျနော်တို့ စိုးရိမ်နေကြပါတယ်။ ဒါပေမယ့် အချိန်မရွေး ရောက်လာနိုင်တဲ့အနေအထားဖြစ်နေပြီလို့ မြို့ထဲပိတ်မိနေသူ အသက် ၅၀ အရွယ် အမျိုးသားတစ်ဦးက ပြောပါတယ်။

အမ်းမြို့ခံ တက်ကြွလှုပ်ရှားသူ ကိုမျိုးလွင် ပြောဆိုချက်အရ ပိတ်မိနေသူ အရပ်သား တစ်ထောင်ကျော်ရှိနိုင်ပြီး သူတို့ကို စစ်ကောင်စီတပ်ရင်းတွေက လူသားဒိုင်းကာအဖြစ် ပြုလုပ်ထားကြောင်း Western News ကို ပြောဆိုထားတာပါ။

အမ်း အမှတ် (၅) ရပ်ကွက်၊ တစ်မိုင်ကုန်း၊ လေယာဉ်ကွင်း အပါအဝင် အမ်းမြို့ပတ်လည်မှာ နိုဝင်ဘာ ၂ ရက်နေ့က တိုက်ပွဲတွေပြင်းပြင်းထန်ထန် ဖြစ်ပွားခဲ့ပြီး အမ်းမြို့ထဲကို AA က အလွယ်တကူဝင်ရောက်နိုင်ခဲ့ပြီလို့ စစ်ရေးသုံးသပ်သူတွေက ပြောဆိုကြပါတယ်။

တိုက်ပွဲတွေက နေ့တိုင်းပြင်းထန်နေတဲ့ အနေအထားမှာ ရှိနေပြီး နှစ်ဖက် အပြန်အလှန်ပစ်ခတ်ကြတာတွေ ပြင်းထန်လာကာ စစ်ကောင်စီကလည်း လေယာဉ်နဲ့ တောက်လျှောက်ဗုံးကြဲနေပါတယ်။ AA ဖက်ကလည်း လက်နက်ကြီးတွေ ဒရုန်းတွေနဲ့ စစ်ကောင်စီ တည်နေရာတွေကို ဆက်တိုက်ဆိုသလို လှမ်းပစ် တိုက်ခိုက်နေကြတယ်လို့ ဆိုပါတယ်။

အမ်းအခြေစိုက် စစ်ကောင်စီတပ်စခန်းအားလုံးနီးပါးမှာ တိုက်ပွဲက ဆက်လက်ပြင်းထန်နေဆဲဖြစ်ကြောင်းနဲ့ အနောက်ပိုင်းတိုင်းစစ်ဌာနချုပ် (နပခ) တစ်ခုလုံးကို သိမ်းပိုက်နိုင်ဖို့ အပြင်းအထန်ကြိုးစားဆောင်ရွက်နေကြောင်း ULA/AA ပြောခွင့်ရ ဦးခိုင်သုခက မီဒီယာတွေကို ပြောဆိုထားပါတယ်။

နပခ အနီး ချင်းကုန်းကျေးရွာနဲ့ ပြောင်းချောင်းကျေးရွာကို စစ်ကောင်စီတပ်ဖွဲ့ဝင်တွေ အောက်တိုဘာလ ၃၁ ရက်နေ့က ရာနဲ့ချီဝင်ရောက်လာကာ နေအိမ်တွေကို မီးရှို့ဖျက်ဆီးခဲ့ကြပါတယ်။

အာရက္ခတပ်တော် AA ဟာ တောဟိန်းတောင်၊ စွေ့ချောင်း၊ မဲတောင် စတဲ့ ဗျူဟာကုန်းတွေကို သိမ်းပိုက်ပြီးနောက် အမ်းမြို့ထဲရှိ နပခ ကိုသိမ်းပိုက်နိုင်ရေး အရပ်လေးမျက်နှာက ပိတ်ဆို့ဝိုင်းရံကာ ထိုးစစ်ဆင်တိုက်ခိုက်နေကြပါတယ်။

လက်ရှိမှာ AA ဟာ နပခ ကို ဝိုင်းရံထားတဲ့ တပ်ရင်း၊ တပ်စခန်း အများစုကို သိမ်းပိုက်ထားပြီး နပခ ကာကင်းတွေအထိ ထိုးဖောက်ဝင်ရောက် တိုက်ခိုက်နေကြောင်း စုံစမ်းသိရှိရပါတယ်။

■ တေးသံရှင် ဆုမြတ်ထက်ကို စစ်ကြောရေးတွင် စစ်ဆေးပြီးနောက် တာမွေရဲစခန်းတွင် ချုပ်နှောင်ထား၊ ဖုန်းအား နေပြည်တော်တွင် စစ်ဆေးန...
02/11/2024

■ တေးသံရှင် ဆုမြတ်ထက်ကို စစ်ကြောရေးတွင် စစ်ဆေးပြီးနောက် တာမွေရဲစခန်းတွင် ချုပ်နှောင်ထား၊ ဖုန်းအား နေပြည်တော်တွင် စစ်ဆေးနေ

AID| နိုဝင်ဘာ ၂

ရခိုင်-မြန်မာ တေးသံရှင် မဆုမြတ်ထက်ကို အာဏာသိမ်း စစ်ကောင်စီက ရန်ကုန်တိုင်း မရမ်းကုန်မြို့နယ် စစ်ကြောရေးတွင် စစ်ဆေးပြီးနောက် တာမွေမြို့နယ် ရဲစခန်းတွင် ဆက်လက်ဖမ်းဆီးချုပ်နှောင်ထားကြောင်း စုံစမ်း သိရှိရသည်။

ပြီးခဲ့သည့် အောက်တိုဘာ ၇ ရက် နေ့လယ် ၁ နာရီတွင် မဆုမြတ်ထက်ကို ရန်ကုန် တာမွေမြို့ရှိ နေအိမ်က စစ်ကောင်စီတပ်ဖွဲ့ဝင် ၁၀ ဦးခန့်က ဖမ်းဆီးသွားပြီးနောက် မရမ်းကုန်းမြို့နယ် ၈ မိုင်ရှိ စစ်ကောင်စီ တပ်စခန်း စစ်ကြောရေးတွင် စစ်ဆေးခံခဲ့ရသည်။

လက်ရှိတွင် မဆုမြတ်ထက်ကို ရန်ကုန် တာမွေမြို့နယ် ရဲစခန်းတွင် ဖမ်းဆီးချုပ်နှောင်ထားပြီး ၎င်း၏ ဖုန်းကိုလည်း နေပြည်တော်တွင် ဆက်လက်စစ်ဆေးမှုများ ပြုလုပ်နေကြာင်း မိသားစုနှင့် နီးစပ်သူတစ်ဦးက Western News ကို ပြောသည်။

"မရမ်းကုန် စစ်ကြောရေးမှာ စစ်ဆေးခဲ့တယ်။ ပြီးတော့ တာမွေရဲစခန်းကို ဒီရက်ပိုင်းမှာ လွှဲလိုက်တယ်။ မဆုမြတ်ထက်ကို မရမ်းကုန်းစစ်ကြောရေးမှာ တစ်ခေါက်စစ်တယ်။ ပြီးတော့ သူမရဲ့ ဖုန်းကို နေပြည်တော်ကို ယူပြီးတော့ စစ်ဆေးနေတယ်လို့ သိရတယ်။ တစ်ခြား ကိစ္စတွေကိုတော့ ထပ်မသိရတော့ဘူး "ဟုပြောသည်။

တေးသံရှင် မဆုမြတ်ထက်ကို စစ်ကောင်စီက အကြမ်းဖက်မှု ဥပဒေဖြင့် အမှုဖွင့်ထားကြောင်း သိရသော်လည်း မည်သည့်ပုဒ်မနှင့် မည်သည့်အတွက်ကြောင့် အမှုဖွင့်ခံရသည်ဆိုသည်ကို သီခြား သိရှိမှု မရှိသေးကြောင်း မိသားစုနှင့် နီးစပ်သူများက ပြောသည်။

မဆုမြတ်ထက်ကို ဖမ်းဆီးပြီးနောက် ၎င်း၏ အိမ်ထဲဝင်မွှေကာ ဘဏ်စာအုပ်များနှင့် အချို့စာရွက်စာတမ်းများကို စစ်ကောင်စီတပ်ဖွဲ့ဝင်များက သိမ်းဆည်းသွားပြီး သူမ၏ လူမှုကွန်ရက်အကောင့်များကိုလည်း ဝင်ရောက်ရှာဖွေ စစ်ဆေးနေကြောင်း သိရသည်။

မဆုမြတ်ထက်၏ မူပိုင် သီချင်းတစ်ပုဒ်ဖြစ်သော သဘာဝရဲ့တောက်ခေါက်သံ သီချင်းကို ခွင့်ပြုချက် မရှိဘဲ သီဆိုခဲ့သည့် အဆိုတော် အမျိုးသမီးတစ်ဦးကို မဆုမြတ်ထက်က မီဒီယာတစ်ချို့မှာ ထုတ်ပြောဆိုပြီးနောက် ဖမ်းဆီးခံရခြင်းဖြစ်ကြောင်း သူမနှင့် နီးစပ်သူတစ်ဦးက ပြောသည်။

"မဆုမြတ်ထက်က သူမရဲ့ မူပိုင်သီချင်းဖြစ်တဲ့ သဘာဝရဲ့တောက်ခေါက်သံ သီချင်းကို ခွင့်ပြုချက်မယူဘဲ ဆိုတယ်၊ အဲ့ဒါကို မဆုက မီဒီယာတစ်ချို့မှာ ထုတ်ဖော်ပြောဆိုတာတွေရှိတယ်။ ခွင့်ပြုချက်မရှိဘဲ ဆိုတဲ့ ဟိုဖက်က အဆိုတော် အမျိုးသမီးကလည်း သူက ခိုးယူပြီးတော့ ဆိုတာမဟုတ်ဘူးဆိုပြီးတော့ ငြင်းတယ်။ အဲ့ဒီမှာ ခွင့်ပြုချက်မရှိဘဲ ဆိုတဲ့သူက တော်တော်ဒေါထွက်သွားတယ်ပေါ့။ အဲ့ဒီမှာ နောက်ဆက်တွဲတွေ ဖြစ်သွားတာပါ"ဟုပြောသည်။

ခွင့်ပြုချက်မယူဘဲ သီဆိုခဲ့သည်သူ၏နောက်မှာ စစ်ကောင်စီတပ်ဖွဲ့၏ စစ်တပ်အရာရှိတစ်ဦးဖြစ်နေပြီး ဆုမြတ်ထက်ကို ဖမ်းဆီးမှုတွင် ပါဝင်ပတ်သက်မှုများ ရှိနေကြောင်း မဆုမြတ်ထက်၏ လုပ်ဖော်ကိုင်ဖက်များက ယုံကြည် နေကြသည်။

မဆုမြတ်ထက် သည် ပြည်ပရှိအဖွဲ့တစ်ခု၏ ဖေ့စ်ဘုတ်လူမှုကွန်ရက်အကောင့်တွင် Admin ဖြစ်နေခြင်း၊ ယင်းလူမှုကွန်ရက်အကောင့်မှ ဆုမြတ်ထက်ထံသို့ ငွေကျပ် သိန်း ၄၅၀၀ လွှဲထားခြင်း၊ အကြမ်းဖက်အဖွဲ့ကို ငွေကြေးထောက်ပံ့မှုရှိသည်ဟု စသဖြင့် စွပ်စွဲခြင်းမှာ မှန်ကန်မှုမရှိကြောင်း ၎င်း၏ လုပ်ဖော်ကိုင်ဖက်များ က ပြောသည်။

နောက်ထပ် မဆုမြတ်ထက်၏ လုပ်ဖော်ကိုင်ဖက်တစ်ဦးက "ဒီစွပ်စွဲချက်တွေက အရမ်းကို ပြင်းထန်ပါတယ်။ တစ်ဖက်သက်လည်းဆန်ပါတယ်။ နောက်ပြီးခွင့်ပြုချက်မရှိဘဲ မူပိုင်သီချင်းကို ဆိုတဲ့သူကလည်း သဘောထားကြီးဖို့လိုပါတယ်။ မဆုမြတ်ထက်နဲ့ အမြန်ဆုံး ညှိနှိုင်းဖို့လိုပါတယ်။ ပြီးတော့ မဆုမြတ်ထက်ကို လွတ်ပေးဖို့လိုပါတယ်။ ဒီသီချင်းကို ခွင့်ပြုချက် မရှိဘဲ ဆိုပြီးနောက်ပိုင်းမှာ မဆုက အဖမ်းခံရတာဖြစ်ပါတယ်။ ဒီအပေါ်ကျနော်တို့ ခွင့်ပြုချက် မရှိဘဲ သီဆိုခဲ့တဲ့ အဆိုတော် အိမ့်ပန်းချီ ပြောချင်တာပါ"ဟုပြောသည်။

မူရင်းတေးဆို မဆုမြတ်ထက်တို့အား သမီးအိမ့်ပန်းချီမှ ရေဘေးသင့်ပြည်သူများပြန်လည်ထူထောင်နိုင်ရန် ရည်ရွယ်၍ ၎င်းတေးသီချင်းအား ပြန်လည်သီဆိုရာတွင် ပိုင်ရှင်များ၏ ခွင့်ပြု့ချက်ကို မတောင်းခံဘဲ သီဆိုခဲ့ပါသဖြင့် ခွင့်လွှတ်ပေးပါဟု အဆိုတော် အိမ့်ပန်းချီက လူမူကွန်ရက် စာမျက်နှာတွင် အောက်တိုဘာ ၄ ရက်နေ့က ရေးသားထားသည်။

Ref: Western News-WN

■ အမ်း နပခ ကာကင်းအထိ AA ထိုးဖောက်ဝင်ရောက်တိုက်ခိုက်AID| နိုဝင်ဘာ ၂အမ်းမြို့က စစ်ကောင်စီ တပ်ရင်းတပ်စခန်းများကို လေးဘက်လေး...
02/11/2024

■ အမ်း နပခ ကာကင်းအထိ AA ထိုးဖောက်ဝင်ရောက်တိုက်ခိုက်

AID| နိုဝင်ဘာ ၂

အမ်းမြို့က စစ်ကောင်စီ တပ်ရင်းတပ်စခန်းများကို လေးဘက်လေးတန်ပိတ်ဆို့ တစ်ပတ်ကျော် တိုက်ခိုက်ပြီးနောက် အာရက္ခတပ်တော် AA ၏ ထိုးစစ်မှာ အနောက်ပိုင်းတိုင်းစစ်ဌာနချုပ် (နပခ) ကာကင်းများအထိ ဝင်ရောက်လာကြောင်း စစ်ရေးသတင်းရင်းမြစ်များထံမှ သိရသည်။

အမ်းတွင် ဗျူဟာကုန်း၊ အမြောက်တပ်များအပါအဝင် စစ်ကောင်စီတပ်ရင်း ၁၀ ကျော်ရှိပြီး အာရက္ခတပ်တော် AA က မဟာမိတ်ပူးပေါင်းတပ်ဖွဲ့များဖြင့် တိုက်ခိုက်နေပြီး စစ်ကောင်စီဘက်ကလည်း လေကြောင်းအဓိက အသုံးပြု ခုခံနေကြောင်း သိရသည်။

အမ်းမြို့နှင့် နပခကို သိမ်းနိုင်ရန် AA သည် မဟာမိတ်ပူးပေါင်းတပ်ဖွဲ့များဖြင့် လအနည်းငယ်ကြာ စစ်ကောင်စီတပ်ရင်းများကို ပိတ်ဆို့ခဲ့ပြီးနောက် ပြီးခဲ့သည့်တစ်ပတ်ကျော်ကစ၍ အရပ်လေးမျက်နှာ ထိုးစစ်ဖြင့် တိုက်ခိုက်ခဲ့ခြင်းဖြစ်သည်။

ဒေသခံစစ်ရေးသတင်းရင်းမြစ်က " တိုက်ပွဲက နေ့တိုင်းဖြစ်နေတာပဲ။ တပ်တော်က နပခ ကာကင်းတွေအထိ ထိုးဖောက်ဝင်ရောက်နေပြီ သိရပါတယ်။ တပ်ရင်း တပ်စခန်း အများအပြားကိုလည်း သိမ်းထားပြီးပြီ။ ဒါပေမယ့် တပ်တော်ဘက်က ထုတ်ပြန်မှ အတည်ပြုနိုင်မယ်ပေါ့နော်။ စစ်ကောင်စီဘက်က နေ့တိုင်း ဗုံးကြဲတိုက်ခိုက် ခုခံနေတယ်။ စစ်ကောင်စီဗုံးကြဲတိုက်ခိုက်မှုကြောင့် အရပ်သားတွေ ထိခိုက်သေဆုံးတာတွေလည်း ရှိပါတယ်။ " ဟု ပြောသည်။

နပခ ၏ အရေးပါသော အမ်းမြို့နယ်က တောဟိန်းတောင်ဗျူဟာ၊ စွေ့ချောင်းဗျူဟာ၊ မဲတောင်ဗျူဟာ တို့ကို AA က သိမ်းပိုက်ပြီးနောက် ယခု ခမရ ၃၇၂, ခမရ ၃၇၃ တပ်ရင်း၊ ဆေးတပ်၊ ထောက်ပို့တပ်၊ စစ်ဆေးရုံ၊ တစ်မိုင်ကုန်းစခန်း၊ ကံ့ကော်တစ်ထောင်ဘုရား စခန်း၊ သင်တန်းကျောင်း၊ စရဖ တပ် စသဖြင့် သိမ်းလိုက်ပြီဟု ဒေသခံအချို့နှင့် စစ်ရေးသတင်းရင်းမြစ်များက ပြောဆိုကြသည်။

သို့သော်လည်း အာရက္ခတပ်တော် AA ဖက်က တစ်စုံတစ်ရာ ထုတ်ပြန်အသိပေးခြင်းမရှိသေး၍ သီးခြားအတည်မပြုနိုင်သော်လည်း AA ၏ ထိုးစစ်မှာ အမ်းမြို့အထိ ရောက်ရှိနေပြီး နပခ ကာကာင်းများကို အရှိန်မြှင့် တိုက်ခိုက်နေပြီဟု သိရသည်။

အမ်းလေဆိပ်ကိုလည်း စစ်ကောင်စီက အသုံးမပြုနိုင်စေရန် အာရက္ခတပ်တော် AA ပူးပေါင်းတပ်ဖွဲ့များသည် လေဆိပ်အနီးပိတ်ဆို့ကာ ထိန်းချုပ်ထားကြောင်း အမ်းဒေသခံ ကိုမျိုးလွင်က ပြောဆိုထားသည်။

အာဏာသိမ်း စစ်ကောင်စီက လေကြောင်း ဗုံးကြဲတိုက်ခိုက်မှုဖြင့် ပြင်းပြင်းထန်ထန် ခုခံကာ စစ်ရဟတ်ယာဉ်များဖြင့် စစ်မှုထမ်းတပ်သစ်များအပါအဝင် အင်အားအများအပြား ပို့ဆောင်ပေးနေပြီး AA အား တိုက်ခိုက်နေသည်။

အမ်းသို့ စစ်ကူလာသည့် စစ်ကောင်စီစစ်ကြောင်းကို ပြီးခဲ့သည့် အောက်တိုဘာ ၂၈ ရက်နေ့က အမ်း- ပဒါန်းလမ်း စပ်စီကျေးရွာအနီးတွင် အရှိုချင်းကာကွယ်ရေးတပ် (ACDF) နှင့် မင်းဘူးခရိုင်အမှတ် (၂) တပ်ရင်းတို့က စောင့်ကြိုတိုက်ခိုက်သည့်အတွက် စစ်ကောင်စီတပ်ဖွဲ့ဝင် ၁၀ ဦးကျော် သေဆုံးကြောင်း သိရသည်။

ရခိုင်လွှတ်တော်ကိုယ်စားလှယ်ဟောင်း ဦးဖေသန်းက " အမ်းမြို့ထဲမှာတော့ တိုက်ပွဲ ဖြစ်နေတုန်းပါပဲ။ နပခ အနီးမှာလည်း ဖြစ်နေကြတယ်ပြောတယ်။ နပခ ကို သိမ်းတာကိုတော့ မကြားသေးဘူး။ ဖုန်းအဆက်အသွယ်က မရတော့ အတိအကျတော့ မသိဘူး။ လူတွေကလည်း အားလုံး စစ်ဘေးရှောင်နေကြရတယ်။" ဟု ပြောသည်။

အမ်းမြို့ထဲတွင် တိုက်ပွဲပြင်းထန်ချိန် ထွက်မရောက်နိုင်လိုက်သည့် မြို့ခံများနှင့် စစ်ကောင်စီ ခေါ်ယူထားသည့် ဒေသခံပြည်သူများ အပါအဝင် ပိတ်မိနေသည့် အရပ်သား တစ်ထောင်ကျော်ရှိကြောင်း စုံစမ်းသိရသည်။

အောက်တိုဘာလ ၂၉ ရက် ညနေ ၆ နာရီကျော်အချိန်က စစ်ကောင်စီ အမ်းမြို့ထဲ ဗုံးကြဲတိုက်ခိုက်မှုကြောင့် အမှတ် ၄ ရပ်ကွက်နှင့် မြို့မြောက်ဘက်တွင် ဗုံးပေါက်ကွဲခဲ့ပြီး အရပ်သား ၁၀ ဦးသေဆုံးကာ ၂၀ ဦးထက်မနည်း ပြင်းထန်ဒဏ်ရာများ ရရှိခဲ့ကြသည်။

အမ်းမြို့ထဲ ပိတ်မိနေသည့် အမျိုးသမီးတစ်ဦးက " ကျမတို့ကို ကယ်ထုတ်ပေးစေချင်ပါတယ်။ သေနတ်သံတွေ၊ ဗုံးသံတွေကြားမှာ ရူးမတတ်ဖြစ်နေပါပြီ။ " ဟု ဖုန်းချသွားသည်။

အမ်းမြို့ထဲ ပိတ်မိနေသူများကို စစ်ကောင်စီတပ်ရင်းများက လူသားဒိုင်းကာအဖြစ် အသုံးပြုထားကြောင်းနှင့် ၎င်းတို့အတွက် အသက်အန္တရာယ် အလွန်စိုးရိမ်နေကြောင်း ဒေသခံ ကိုမျိုးလွင်က ပြောသည်။

အာရက္ခတပ်တော် AA သည် အမ်းမြို့နှင့် အနောက်ပိုင်းတိုင်းစစ်ဌာနချုပ် (နပခ) ကို သိမ်းပိုက်နိုင်ရန် အရှိန်မြှင့်တိုက်ခိုက်နေချိန် တစ်ပြိုင်တည်း တောင်ကုတ်၊ မောင်တော၊ ဂွမြို့နယ်တို့တွင်လည်း စစ်ကောင်စီတပ်ရင်းများကို တိုက်ခိုက်နေသည်။

ပုံစာ - အနောက်ပိုင်းတိုင်းစစ်ဌာနချုပ်၏ ကျောက်တော်မြို့က တပ်မဌာနချုပ်နှင့် တပ်ရင်းတပ်စခန်းများအားလုံးကို AA က သိမ်းပိုက်ထားပြီးပြီဖြစ်သည်။ (ဓါတ်ပုံ - AA)

Ref: Western News-WN

01/11/2024

■ အမ်းမှာ တိုက်ပွဲပြင်းထန်နေချိန် စစ်ကောင်စီတပ်သား ၂ ဦး AA အလင်းဝင်လာ

AID| ၁ နိုဝင်ဘာ ၂၀၂၄

တပ်သားသစ် ရင်ထွေး အသက် ၃၀ နဲ့ မင်းသူကိုဟာ အသက် ၂၇ နှစ်တို့ဟာ ပဲခူးတိုင်း အုတ်ဖိုမြို့နယ် နှစ်ဦးတို့ဟာ အောက်တိုဘာလ ၃၁ ရက်နေ့ မွန်းလွဲ ၁ နာရီ ၃၀ မိနစ်အချိန်က အမ်းမြို့နယ် အနောက်ပိုင်းတိုင်းစစ်ဌာနချုပ် အမှတ် ၂ ကုတင် ၃၀၀ စစ်ဆေးရုံကနေ ထွက်ပြေးလာခဲ့ကြတာ ဖြစ်ပါတယ်။

31/10/2024

◾စစ်ကောင်စီတပ်က ရဟတ်ယာဉ်နဲ့ စစ်သားများတင်ဆောင်စဉ် ပစ်ခတ်ခံရသည့် ရုပ်သံဖိုင် လူမှုကွန်ယက်တွင်ပျံ့နှံ့နေ

ဘယ်နေရာမှာဖြစ်ပျက်ခဲ့တယ်ဆိုတာ အတည်ပြုနိုင်ခြင်းမရှိသေး။

■ အမ်းတိုက်ပွဲ လေကြောင်းပစ်ကူပေးရန် စစ်ကောင်စီက မကွေးနှင့် ပုသိမ်လေဆိပ်ကို အသုံးပြုနေ(လေဆိပ် လက်လွှတ်လိုက်ရ၍ စစ်ကူအင်အား...
30/10/2024

■ အမ်းတိုက်ပွဲ လေကြောင်းပစ်ကူပေးရန် စစ်ကောင်စီက မကွေးနှင့် ပုသိမ်လေဆိပ်ကို အသုံးပြုနေ

(လေဆိပ် လက်လွှတ်လိုက်ရ၍ စစ်ကူအင်အားကို ရဟတ်ယာဉ်ဖြင့်သာ ပို့ဆောင်နိုင်)

AID| အောက်တိုဘာ ၃၀

တိုက်ပွဲပြင်းထန်နေတဲ့ အမ်းမြို့မှာ လေဆိပ်ကို AA နဲ့ တော်လှန်ရေးတပ်ဖွဲ့တွေက ပိတ်ဆို့ ထိန်းချုပ်ထားတဲ့အတွက် စစ်ကောင်စီမှာ မကွေးလေဆိပ်နဲ့ ဧရာဝတီ ပုသိမ်လေဆိပ်ကို အဓိက အသုံးပြုကာ ဗုံးကြဲတိုက်ခိုက်နေကြောင်း စစ်ရေးသတင်းအရင်းမြစ်တွေက ပြောပါတယ်။

အမ်းမြို့မှာ စစ်ကောင်စီရဲ့ အနောက်ပိုင်းတိုင်း စစ်ဌာနချုပ်ရှိပြီး အဲဒီနပခ နဲ့ အမ်းမြို့ မကျစေရေးအတွက် စစ်ကောင်စီဟာ လေကြောင်းဗုံးကြဲတိုက်ခိုက်တာကို ပြင်းပြင်းထန်းထန်း ကာကွယ် လုပ်ဆောင်နေပါတယ်။

တစ်ရက်ကို အနည်ဆုံး ၃,၄ စီးလောက်လာပြီး လေယာဉ် အမျိုးစုံနဲ့ ဗုံးကြဲတိုက်ခိုက်နေကာ နှစ်ဖက်စလုံး အပြင်းအထန် တိုက်နေကြတာဖြစ်ပါတယ်။ စစ်ကောင်စီဟာ ကုန်းကြောင်း၊ ရေကြောင်းတွေကို ပိတ်ဆို့ခံထားရတဲ့အပြင် အမ်းလေဆိပ်ကိုလည်း အသုံးပြုခွင့်မရတော့ ရဟတ်ယာဉ်လောက်နဲ့ပဲ တပ်ကူအင်အားပို့ပေးနိုင်ပါတော့တယ်။ မြို့ထဲက ၃၇၁ တပ်ရင်းကို အဓိက ပို့ပေးနေပြီး အဲကတစ်ဆင့် ပြန်ခွဲပေးနေတာဖြစ်တယ်လို့ အမ်းဒေသခံ ကိုမျိုးလွင်က ဆိုပါတယ်။

အမ်းမြို့ အရပ်လေးမျက်နှာက ထွက်ပေါက်ဖြစ်တဲ့ အမ်း-မအီကားလမ်း၊ အမ်း-တပ်တောင်လမ်း၊ အမ်း-စစ်တွေလမ်း၊ အမ်း-ပဒါန်းလမ်း တို့ကို AA နဲ့ ပူးပေါင်းအဖွဲ့က ပိတ်ဆို့ပြီး စစ်ကောင်စီတပ်ရင်း တပ်စခန်းတွေကို အရှိန်မြှင့် တိုက်ခိုက်နေတာဖြစ်ပါတယ်။

စစ်ရေးသတင်းရင်းမြစ်တွေရဲ့ ပြောဆိုချက်အရ အမ်းမြို့မှာရှိတဲ့ အနောက်ပိုင်းတိုင်းစစ်ဌာနချုပ် (နပခ) ကို ကာရံထားတဲ့ ခမရ ၃၇၂, ၃၇၃ တပ်ရင်း, တစ်မိုင်ကုန်းတပ်၊ ဆေးတပ်၊ ထောက်ပို့တပ်၊ မဲတောင်ဗျူဟာ၊ စွေ့ချောင်းဗျူဟာ၊ တောဟိန်းတောင်ဗျူဟာ တို့ကို AA က သိမ်းပိုက်ထားပြီဖြစ်ကြောင်း သိရပါတယ်။

ဆက်လက်ပြီး အမြောက်တပ်၊ BE တပ်နဲ့ နပခ ဌာနချုပ်စစ်စခန်းတွေကို ထိုးစစ်ဆင်တိုက်ခိုက်နေပြီး စစ်ကောင်စီတပ်ဖွဲ့ဝင်တွေမှာ ပြေးစရာမြေမရှိ ဖြစ်နေပြီလို့ ဒေသခံ ကိုမျိုးလွင်က ဆိုပါတယ်။

အရပ်လေးမျက်နှာက နေရာအနှံ့ကို AA နဲ့ မဟာမိတ်တော်လှန်ရေးတပ်ဖွဲ့တွေက အမ်းမြို့နဲ့ အနောက်ပိုင်းတိုင်းစစ်ဌာနချုပ်ကို အခုလအတွင်း သိမ်းပိုက်နိုင်လိမ့်မယ်လို့ စစ်ရေးသုံးသပ်သူတွေက ခန့်မှန်းပြောဆိုနေကြတာ ဖြစ်ပါတယ်။

Ref: Western News-WN

■ အာရက္ခတပ်တော် AA က အမ်း နပခ ကို အရပ်လေးမျက်နှာ ပိတ်ဆို့၍ တိုက်ခိုက်နေ(စစ်ကောင်စီ တပ်သားများ ပြေးစရာမြေမရှိတော့ဟုဆို) A...
29/10/2024

■ အာရက္ခတပ်တော် AA က အမ်း နပခ ကို အရပ်လေးမျက်နှာ ပိတ်ဆို့၍ တိုက်ခိုက်နေ

(စစ်ကောင်စီ တပ်သားများ ပြေးစရာမြေမရှိတော့ဟုဆို)

AID| အောက်တိုဘာ ၂၉

ရခိုင်ပြည် အမ်းမြို့သိမ်းတိုက်ပွဲတွင် အာရက္ခတပ်တော် AA ဖက်က အောင်မြင်မှုများနှင့်အတူ စစ်ရေးအသာစီးရနေပြီး စစ်ကောင်စီဖက်လည်း လေကြောင်းပစ်ကူပေး အပြင်းအထန် ခုခံနေကြောင်း စစ်ရေးသတင်းရင်းမြစ်များထံမှ သိရသည်။

အမ်းမြို့တွင် စစ်ကောင်စီ (မြန်မာစစ်တပ်) အနောက်ပိုင်းတိုင်းစစ်ဌာနချုပ် (နပခ) ရှိပြီး ဗျူဟာကုန်းများအပါအဝင် စစ်ကောင်စီတပ်ရင်း ၁၀ ကျော်ရှိသည်။

ထိုအထဲက နပခ ဌာနချုပ်၏ အဓိက အရေးပါသော တောဟိန်းတောင်ဗျူဟာကုန်း၊ စွေ့ချောင်းဗျူဟာကုန်း၊ မဲတောင်ဗျူဟာကုန်းများကို AA က သိမ်းပိုက်ထားပြီး အမ်းမြို့ထဲက ဆက်လက် ထိုးစစ်ဆင်တိုက်ရာ တပ်ရင်းတပ်စခန်း ၅ ခုထက်မနည်းကို သိမ်းပိုက်ထားကြောင်း ဒေသခံ ကိုမျိုးလွင်က ပြောသည်။

"အမ်းမြို့ ထွက်ပေါက် ၄ ခုက နပခကို ဝန်းရံထားတဲ့ စစ်ကောင်စီတပ်ရင်းတွေ၊ တပ်စခန်းတွေကို ထိုးစစ်ဆင်တိုက်ခိုက်နေပါတယ်။ အခု လောလောဆယ်တော့ ခမရ ၃၇၃၊ ဆေးတပ်၊ စရဖရုံး သိမ်းပိုက်ထားတယ်။

ခမရ ၃၇၂၊ ထောက်ပို့ ဆက်သွယ်ရေးတပ်ကိုလည်း သိမ်းလိုက်ပြီ။ တစ်မိုင်ကုန်းတပ်ကိုလည်း သိမ်းပိုက်ပြီ။ COC, အမြောက်တပ်နဲ့ BE တပ်ကို ထိုးစစ်ဆင် တိုက်ခိုက်နေတယ်။ အမ်းလေဆိပ်မှာ စစ်ကောင်စီ လေယာဉ်တွေ ဆင်းမရအောင်လည်း လက်နက်ကြီးတွေနဲ့ ပစ်ခတ်နေတယ်။ တပ်ရင်းတွေ သိမ်းတာက AA ထုတ်ပြန်မှ အတည်ပြုတာ ပိုကောင်းပါတယ်။ " ဟု ပြောသည်။

အမ်းမြို့ အရပ်လေးမျက်နှာမှ ထွက်ပေါက်ဖြစ်သော အမ်း-မအီကားလမ်း၊ အမ်း-တပ်တောင်လမ်း၊ အမ်း-စစ်တွေလမ်း၊ အမ်း-ပဒါန်းလမ်း တို့တွင် စစ်ကောင်စီတပ်ရင်းတပ်စခန်းများနှင့် အာရက္ခတပ်တော် AA ပူးပေါင်းတော်တပ်ဖွဲ့တို့မှာ တိုက်ပွဲပြင်းထန်နေကြခြင်းဖြစ်သည်။

AA က နောက်ဆုံးသိမ်းပိုက်ခဲ့သည့် မဲတောင်ဗျူဟာကုန်းပြီးနောက် အမ်းမြို့ နပခတွင် စစ်ကောင်စီ တပ်သား ၁,၂၀၀ ကျော်ခန့်သာ ရှိတော့ပြီး ၂၀၀ ခန့်က မတိုက်ခိုက်နိုင်၍ ယခုရက်ပိုင်းအတွင်း စစ်ကောင်စီမှာ အင်အား ရာနှင့်ချီ ဟိုက်စကီးဖြင့် ပို့ဆောင်လျှက်ရှိကြောင်း သိရသည်။

သို့သော်လည်း အမ်းက စစ်ကောင်စီတပ်များမှာ ရေလမ်း၊ ကုန်းလမ်းအားလုံးကို AA ပူးပေါင်းတပ်ဖွဲ့က ဝိုင်းရံပိတ်ဆို့ထားပြီဖြစ်၍ လေကြောင်းတစ်ခုသာ ထွက်ပေါက်ရှိကြောင်းနှင့် ပြေးစရာမြေမရှိဟု ကိုမျိုးလွင်က ဆက်ပြောသည်။

" AA ဟာ အမ်းမြို့ရဲ့ ထွက်ပေါက် အရပ်လေးမျက်နှာစလုံးကို ပိတ်ဆို့ထားပြီ။ အမ်းလေဆိပ်ကိုလည်း လက်နက်ကြီးတွေနဲ့ တောက်လျှေက်ပစ်ခတ်နေတယ်။ မကြာခင်သိမ်းလိုက်တဲ့ မဲတောင်ဗျူဟာကုန်းဆိုရင် အမ်းရဲ့ ဘယ်နေရာကိုမဆို လက်နက်ကြီးနဲ့ AA က ပစ်လို့ရသွားပြီ။ စစ်ကောင်စီတပ်သားတွေက ဂျောင်ပိတ်မိသွားပါပြီ။ AA ရဲ့ ထိုးစစ်ကိုလည်း ခံနိုင်မှာ မဟုတ်ဘူး။ ပြေစရာ မြေမရှိတော့ဘူး။ လေကြောင်းက ထွက်ပြေးမယ်ဆိုရင်လည်း အမ်းလေဆိပ်က တိုက်ခိုက်ခံနေရတော့ မလွယ်ကူနိုင်တော့ဘူး။ ဒါကြောင့် အလံဖြူထောင်မလား၊ အသေးခံမလားဆိုတာ ရွေးချယ်ရတော့မယ်။ " ဟု ပြောသည်။

ခမရ ၃၇၁ တပ်ရင်းက အမ်းမြို့ထဲမှာ ရှိနေ၍ ၁,၀၀၀ ကျော်ပိတ်မိနေသော အရပ်သား ဒေသခံပြည်သူများကို စစ်ကောင်စီတပ်ဖွဲ့ဝင်များက လူသားဒိုင်းကာပြုလုပ်နိုင်ကြောင်း ဒေသခံများက စိုးရိမ်နေကြသည်။

အရပ်လေးမျက်နှာက နေရာအနှံ့ကို AA နှင့် မဟာမိတ်တော်လှန်ရေးတပ်ဖွဲ့များက အမ်းမြို့နှင့် အနောက်ပိုင်းတိုင်းစစ်ဌာနချုပ်ကို ယခုလအတွင်း သိမ်းပိုက်နိုင်လိမ့်မည်ဟု စစ်ရေးသုံးသပ်သူများက ခန့်မှန်းပြောဆိုနေကြသည်။

ပုံစာ - ရခိုင်ပြည်အတွင်း မြို့သိမ်းတိုက်ပွဲများက စစ်ကောင်စီထံမှ AA သိမ်းဆည်းရမိသော လက်နက်ခဲယမ်းများ။ (ဓါတ်ပုံ - AA)

Ref: Western News

■ ရခိုင်ပြည်သူများ သတင်းသိဖို့ အာရက္ခဒတ်ချ် သတင်းဂျာနယ် အခမဲ့ထုတ်ဝေAID| အောက်တိုဘာ ၂၈ ဖုန်းလိုင်း၊ အင်တာနက်လိုင်း ပြတ်ပ...
28/10/2024

■ ရခိုင်ပြည်သူများ သတင်းသိဖို့ အာရက္ခဒတ်ချ် သတင်းဂျာနယ် အခမဲ့ထုတ်ဝေ

AID| အောက်တိုဘာ ၂၈

ဖုန်းလိုင်း၊ အင်တာနက်လိုင်း ပြတ်ပြီး သတင်းအမှောင်ကျနေသည့် ရခိုင်ပြည်အတွင်း သတင်းအချက်အလက် မှန်မှန်ကန်ကန်စီးဆင်းစေရန် ရခိုင်သတင်းသမားအချို့က “အာရက္ခဒတ်ချ်- ARAKKADESH” အမည်ရှိ သတင်းဂျာနယ်ကို အခမဲ့ ထုတ်ဝေဖြန့်ချိနေကြောင်း သိရသည်။

တိုက်ပွဲပြင်းထန်နေသည့် နေရာဒေသများနှင့် စစ်ကောင်စီ ထိန်းချုပ်ထားဆဲမြို့နယ်များက လွဲပြီး အာရက္ခတပ်တော် AA ထိန်းချုပ်ရာ လွတ်မြောက်နယ်မြေကို ဦးစားပေးဖြန့်ဝေနေကြောင်း ဦးဆောင်သူထဲပါဝင်သူ ကိုတေဇာအောင်က ပြောသည်။

" ရခိုင်မှာက အခုလောလောဆယ်က အင်တာနက်က လုံးဝ မရသလောက်ဖြစ်သွားပြီလေ။ အင်တာနက် ရခဲ့မယ်ဆိုရင်တောင်မှ ဖုန်းအားသွင်းခက တစ်ခါသွင်းရင် အနည်းဆုံး ကျပ် ၁,၀၀၀၊ ၁,၅၀၀ အထိ ပေးနေရတယ်။ အင်တာနက်ဖို့အတွက် တော်တော်ဝေးတဲ့နေရာတွေကို သွားနေရတာရှိတယ်။ အဲဒီလို ပိုက်ဆံအကုန်မခံနိုင်တဲ့အခါကျတော့ လူတွေက သတင်းတွေ ငတ်လာတယ်။ လုံးဝ ဖုန်းလိုင်းလည်းမရ၊ အင်တာနက်လည်းမရတဲ့ ရွာတွေရှိတော့ သတင်းက ပြတ်တောက်သွားပြီလေ။ ဒါကြောင့် ကျနော်တို့က ဘာမရရှိတဲ့ရွာတွေကို သတင်းအနည်းငယ် သိရအောင်ဆိုပြီး ကြိုးစားပြီးဖြည့်ပေးလိုက်တာပါ။ " ဟု ပြောသည်။

လက်ရှိတွင် သံတွဲမြို့နယ်၊ မြောက်ဦးမြို့နယ်၊ မင်းပြားမြို့နယ်၊ မြေပုံမြို့နယ်တို့ကို ယနေ့ နောက်ဆုံးထား ဖြန့်ဝေပေးနေပြီး မကြာမီရက်ပိုင်းအတွင်း ကျောက်တော်၊ ပုဏ္ဏားကျွန်း၊ ရသေ့တောင် စသဖြင့် ရောက်ရှိလာမည်ဟု တာဝန်ရှိသူများက ဆိုသည်။

" စစ်ကောင်စီ ထိန်းချုပ်နယ်မြေက လုံခြုံရေးအရ မဖြန့်ဝေတာပါ။ အခု ဦးစားပေးက လွတ်မြောက်နယ်မြေပေါ့။ ဒီလို ဂျာနယ်ထုတ်ဝေခွင့်ရဖို့လည်း ULA/AA ဆီမှာ ခွင့်ပြုတောင်းခံပြီးမှ ခွင့်ပြုတယ်ဆိုမှ ထုတ်ဝေဖြန့်ချိလိုက်တာပါ။ " ဟု ပြောသည်။

ရခိုင်သတင်းသမားအချို့ဦးဆောင် ထုတ်ဝေသော “အာရက္ခဒတ်ချ်- ARAKKADESH” အမည်ရှိ သတင်းဂျာနယ်ကို ယခု ၂၀၂၄ ခုနှစ်၊ အောက်တိုဘာလ ပထမအပတ်စ၍ သံတွဲမြို့နယ်တွင် ပထမဆုံး ဖြန့်ဝေခဲ့ပြီး လက်ရှိတွင် ရခိုင်မြောက်ပိုင်းက မြို့နယ်များကိုပါ တိုးချဲ့ ဖြန့်ဝေလာခြင်းဖြစ်သည်။

ရခိုင်အပါအဝင် မြန်မာနိုင်ငံအနှံ့ နေရာတချို့တွင် ဖုန်းလိုင်း၊ အင်တာနက်လိုင်း ပြတ်တောက်နေ၍ ပြည်သူများ သတင်းအချက်အလက် မသိရသည့်အချိန် ရခိုင်ပြည်အတွင်း သတင်းဂျာနယ် ထုတ်ဝေဖြန့်ချိခြင်းကို ဂုဏ်ယူအားပေးကြောင်း Western News အယ်ဒီတာတစ်ဦးက ပြောသည်။

" အခု ရခိုင်မှာ မြို့နယ်အများစုက ဖုန်းလိုင်း၊ အင်တာနက်လိုင်းက ပြတ်နေတော့ အင်တာနက်က သတင်းတွေ ဖတ်လို့မရဘူး။ အရင်က ရခိုင်မှာ သတင်းဂျာနယ်တွေ ရှိခဲ့ပေမယ့် အခုက မရှိတော့ အင်တာနက်မရရင် ပြည်သူတွေက သတင်းတွေ မဖတ်ရတော့ဘူး။ ရခိုင်အပါအဝင် မြန်မာနိုင်ငံအနှံ့မှာ ဘာတွေဖြစ်ပျက်နေပြီလဲဆိုတာ မသိရတော့ဘူးလေ။ အချိန်ကိုက်ပဲ သတင်းဂျာနယ် အခမဲ့ထုတ်ဝေ ဖြန့်ချိပေးတော့ အရမ်းဝမ်းသာ ဂုဏ်ယူပါတယ်။ ရခိုင်ပြည်သူတွေ နေ့စဉ် သတင်းတွေ သိနိုင်ဖို့၊ သတင်းတွေကတဆင့် သူတို့ဘဝအတွက် အကူအညီဖြစ်စေဖို့ ဆက်လုပ်ကိုင်ကြပါလို့ ဂုဏ်ယူစွာနဲ့ ပြောလိုပါတယ်။ " ဟု ပြောသည်။

ပြည်သူများ သတင်းဖတ်ချင်နေချိန် သတင်းဂျာနယ် လက်ထဲရောက်လာသည့်အတွက် ဝမ်းသာအားရကြောင်းနှင့် သတင်းဂျာနယ်တွင် ပြည်သူ့အကျိုးသတင်းများ၊ ဆောင်းပါးများ ထည့်သွင်းစေလိုကြောင်း မြေပုံဒေသခံတစ်ဦးက အကြံပြုပြောဆိုထားသည်။

" သတင်းတွေ ဖတ်ချင်နေတာ အရမ်းပါပဲ။ စစ်ရေး၊ နိုင်ငံရေး အခြေအနေတွေကို အရမ်းသိချင်နေကြတာ။ ဗမာပြည်မှာရော ဘာတွေဖြစ်နေပြီလဲ သိချင်နေကြတာ။ အခု အင်တာနက်မရတဲ့အချိန်မှာ သတင်းဂျာနယ်ကို အခမဲ့ဖတ်ခွင့်ရတော့ ပိုပျော်တာပေါ့။ ပြည်သူတွေလည်း သတင်းတွေ အဆက်မပြတ်တော့ဘဲ သတင်းအမှားအမှန်တွေ သိနိုင်မယ်လေ။ " ဟု ပြောသည်။

အာရက္ခဒတ်ချ်- ARAKKADESH သတင်းဂျာနယ်တွင် သတင်းအမှားအမှန် ခွဲခြားစိတ်ဖြာခြင်းနှင့် မိုင်းအသိပညာပေး အစီအစဉ်ကို အဓိက ရေးသားထားကြောင်းနှင့် စစ်ရေး၊ နိုင်ငံရေးကိုလည်း ထည့်သွင်းဖော်ပြထားကြောင်း ကိုတေဇာအောင်က ဆိုသည်။

မြန်မာစစ်တပ် အာဏာမသိမ်းမီနှစ်အလိုက ရခိုင်ပြည်အတွင်း နိရဥ္စရာသတင်းဌာန၊ Development Media Group (DMG) တို့က သတင်းဂျာနယ်များ ထုတ်ဝေခဲ့ပြီး လက်ရှိတွင် ရပ်တန့်ထားကြောင်း သိရသည်။

REF: Western News-WN

ที่อยู่

Bangkok
10100

เว็บไซต์

แจ้งเตือน

รับทราบข่าวสารและโปรโมชั่นของ Arakan Info Desk- AIDผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ติดต่อ ธุรกิจของเรา

ส่งข้อความของคุณถึง Arakan Info Desk- AID:

วิดีโอทั้งหมด

အမ်းမှာ တိုက်ပွဲပြင်းထန်နေချိန် စစ်ကောင်စီတပ်သား ၂ ဦး AA အလင်းဝင်လာ
အမ်းမှာ တိုက်ပွဲပြင်းထန်နေချိန် စစ်ကောင်စီတပ်သား ၂ ဦး AA အလင်းဝင်လာ

■ အမ်းမှာ တိုက်ပွဲပြင်းထန်နေချိန် စစ်ကောင်စီတပ်သား ၂ ဦး AA အလင်းဝင်လာ AID| ၁ နိုဝင်ဘာ ၂၀၂၄ တပ်သားသစ် ရင်ထွေး အသက် ၃၀ နဲ့ မင်းသူကိုဟာ အသက် ၂၇ နှစ်တို့ဟာ ပဲခူးတိုင်း အုတ်ဖိုမြို့နယ် နှစ်ဦးတို့ဟာ အောက်တိုဘာလ ၃၁ ရက်နေ့ မွန်းလွဲ ၁ နာရီ ၃၀ မိနစ်အချိန်က အမ်းမြို့နယ် အနောက်ပိုင်းတိုင်းစစ်ဌာနချုပ် အမှတ် ၂ ကုတင် ၃၀၀ စစ်ဆေးရုံကနေ ထွက်ပြေးလာခဲ့ကြတာ ဖြစ်ပါတယ်။

◾စစ်ကောင်စီတပ်က ရဟတ်ယာဉ်နဲ့ စစ်သားများတင်ဆောင်စဉ် ပစ်ခတ်ခံရသည့် ရုပ်သံဖိုင် လူမှုကွန်ယက်တွင်ပျံ့နှံ့နေ ဘယ်နေရာမှာဖြစ်ပျက်ခဲ့တယ်ဆိုတာ အတည်ပြုနိုင်ခြင်းမရှိသေး။

■ မြို့အနီးတိုက်ပွဲ ပြင်းထန်နေ၍ အမ်းလေဆိပ် လေယာဉ်အတက်အဆင်း ရပ်တန့် AID| အောက်တိုဘာ ၂၁ ရခိုင်ပြည် အမ်းမြို့ထဲက စစ်ကောင်စီတပ်ရင်းတွေနဲ့ AA တို့ တိုက်ပွဲတွေကြောင့် အမ်းလေဆိပ်မှာ လေယာဉ်အတက်အဆင်း ရပ်တန့်ထားရတယ်လို့ ဒေသခံ စစ်ရေးသတင်းရင်းမြစ်တွေက ပြောပါတယ်။ အမ်းလေဆိပ် အသုံးပြုခွင့်မရတာ ၃ ရက်လောက်ရှိနေပြီး နပခ ကို လက်နက်ကြီးကျတာနဲ့ လေဆိပ်ကို လက်နက်ကြီးကျတာတွေကြောင့် လေယာဉ် ဆင်းသက်လို့ မရတော့ဘဲ ရန်ကုန်ဘက်ကို ပြန်လှည့်ပြန်သွားရပါတယ်။ မနေ့က ပစ်ခတ်သံတွေကြောင့် မြန်မာ့လေကြောင်း လေယာဉ်တစ်စီးဟာ မဆင်းရဲဘဲ ပြန်သွားရတယ်လို့ သတင်းရင်းမြစ်တစ်ဦးက ဆိုပါတယ်။ အမ်းမြို့သိမ်းတိုက်ပွဲကို AA က အရှိန်အဟုန်မြှင့် ထိုးစစ်ဆင်တိုက်ခိုက်နေပြီး အမ်းမြို့နယ်ထဲက စစ်ကောင်စီရဲ့ အရေးပါတဲ့ ဗျူဟာကုန်းတွေကို သိမ်းပိုက်ပြီးနောက် အနောက်ပိုင

မြန်မာနိုင်ငံ နေရာအနှံမှာ ရေကြီးမှု စိုးရိမ်နေရတဲ့အဆင့်ရှိနေ

၁၀၂၇/၅ စစ်ဆင်ရေးမှာ ဘယ်လို ပါဝင်ပတ်သက်ပြီး ဘာတွေ မျှော်မှန်းထားလဲ Edit: Arakan Celebrity Original Credit: The Irrawaddy News #ArakanDream #ArakanPeople #Arakan #ArakanCelebrity #ဗိုလ်ချုပ်ထွန်းမြတ်နိုင်

ဗိုလ်ချုပ်ထွန်းမြတ်နိုင်ပြောတဲ့ Arakan's dream (အာရ်ကန်အိမ်မက်) က ဘယ်အခြေအနေကို ရောက်နေပြီးလဲ Edit: Arakan Celebrity Original Credit: The Irrawaddy News #ArakanDream #ArakanPeople #Arakan #ArakanCelebrity

BREAKING NEWS ■ အာရက္ခတပ်တော် AA ၏ မောင်တောမြို့သိမ်းတိုက်ပွဲ (ရုပ်သံ) AID| ဩဂုတ် ၃၀ အာရက္ခတပ်တော် AA ၏ မောင်တောမြို့သိမ်းတိုက်ပွဲကို ယနေ့ ဩဂုတ်လ ၃၀ ရက်နေ့ညတွင် AA က ထုတ်ပြန်ထားသည်။ မောင်တောမြို့အတွင်း စစ်ကောင်စီတပ်စခန်းများကို ချီတက်တိုက်ခိုက်ပုံ၊ စစ်ကောင်စီ၏ အပေါင်းအပါ ARSA, ARA, RSO များ၏ အဆင့်ဆင့် ခုခံမှုများကို AA က တိုက်ခိုက်သိမ်းပိုက်ပြီးနောက် သုံ့ပန်းများကို ဖမ်းဆီးရမိကြောင်း AA ကဆိုသည်။ #AAInfoDesk

■ မေလ ၈ ရက်က ကျောက်ဖြူ စနဲမြို့ ဗုံးကြဲ တိုက်ခိုက်ခံရမှု ရုပ်ဖိုင် Western News| ဩဂုတ် ၉ (မှတ်တမ်းသတင်း) ရခိုင်ပြည် ကျောက်ဖြူမြို့နယ်ရှိ စနဲမြို့သည် ၂၀၂၄ ခုနှစ်၊ မေလ ၈ ရက်နေ့က အာဏာသိမ်း စစ်ကောင်စီ၏ ဗုံးကြဲတိုက်ခိုက်မှုကို တစ်ရက်တည်း နှစ်ကြိမ်တိုင်တိုင် ခံခဲ့ရသည်။ နံနက် ၈ နာရီကျော်တွင် တစ်ကြိမ်နှင့် နေ့လယ်ပိုင်းတွင်တစ်ကြိမ် စစ်ကောင်စီက ဒရုန်းဖြင့် ဗုံး ၈ လုံးထက်မနည်းကို ကြဲချခဲ့သည်။ ယခု ဗီဒီယိုဖိုင်သည် မေလ ၈ ရက်နေ့ နံနက်ပိုင်းက ကျောက်ဖြူမြို့နယ် စနဲမြို့ကို ဒရုန်းဖြင့် ဗုံးကြဲတိုက်ခိုက်ခဲ့သည့် မြင်ကွင်းဖြစ်ပြီး စစ်ကောင်စီ လော်ဘီများက ယနေ့တွင် လူမှုကွန်ရက်စာမျက်နှာများ၌ ကျယ်ကျယ်ပြန့်ပြန့် မျှဝေနေကြသည်။ ယင်းအချိန်တုန်းက စစ်ကောင်စီ ထုတ်ပြန်ရေးစာမျက်နှာများနှင့် စစ်လော်ဘီများက စနဲမြို့အား AA တိုက်ခိုက်သည်ဟု စွပ်

မောင်တောမြို့တွင် မွတ်လင်အများအပြား သေဆုံးခဲ့ရသော လက်နက်ကြီး အပိုင်းအစ ရှာဖွေတွေ့ရှိ

စစ်ကောင်စီ ပစ်ခတ်မှုကြားက မွတ်ဆလင် ၃၀၀ ခန့်ကို AA ကယ်ထုတ်
စစ်ကောင်စီ ပစ်ခတ်မှုကြားက မွတ်ဆလင် ၃၀၀ ခန့်ကို AA ကယ်ထုတ်

စစ်ကောင်စီ ပစ်ခတ်မှုကြားက မွတ်ဆလင် ၃၀၀ ခန့်ကို AA ကယ်ထုတ် AID| ဩဂုတ် ၉ တိုက်ပွဲပြင်းထန်နေသော ရခိုင်ပြည် မောင်တောမြို့နယ်မှာ စစ်ကောင်စီတပ်ဖွဲ့ဝင်များနှင့် မွတ်ဆလင်အကြမ်းဖက်အဖွဲ့များ၏ ပစ်ခတ်မှုကြားက မွတ်ဆလင်ပြည်သူ ၃၀၀ ခန့်ကို အာရက္ခတပ်တော် AA က ကယ်ထုတ်ပေးနေခြင်းဖြစ်သည်။ ၂၀၂၄ ခုနှစ်၊ ဩဂုတ်လ ၈ ရက်နေ့က မောင်တောမြို့နယ် ဗိုလ်မှူး (မူဆလင်) ရွာမှ ဒေသခံမွတ်ဆလင်များကို ဘေးကင်းရာသို့ ကယ်ထုတ်နေခြင်းဖြစ်ကြောင်း AA က ယနေ့ ထုတ်ပြန်ထားသည်။

မောင်တောပြည်သူများအား AA မှ ကယ်ထုတ်သည့် ရုပ်သံမှတ်တမ်း ရက္ခိုင်ပြည်၊ မောင်တောမြို့ထဲတွင် စစ်ကောင်စီ၏ လူသားဒိုင်းကာအဖြစ်ခေါ်ယူထားသော ပြည်သူလူထုများနှင့် မောင်တောမြို့အတွင်း ပိတ်မိနေကြသော ပြည်သူလူထုများကို အာရက္ခတပ်တော်မှ အသုတ်လိုက်၊ အသုတ်လိုက် ဘေးလွတ်ရာသို့ ရွေ့ပြောင်းကယ်တင်ခြင်းများကို ဆက်တိုက် ပြုလုပ်လျက်ရှိပါသည်။ မောင်တောမြို့အတွင်းရှိ ပြည်သူများမှလည်း ၎င်းတို့နည်း ၎င်းတို့ဟန်ဖြင့် ထွက်ပြေးလာကြသောသူများလည်း လွန်ခဲ့သော ရက်သတ္တပတ်များအတွင်း ရှိခဲ့သည်။ ယခုဖော်ပြပါ ဗီဒီယိုမှတ်တမ်းသည် ၂၀၂၄ ခုနှစ်၊ သြဂုတ်လ (၇) ရက်နေ့ ၌ မောင်တော၊ လသာရွာ မှ ရွာသူရွာသားများအား အာရက္ခတပ်တော်မှ ကယ်ထုတ်လာခဲ့သော ရုပ်သံမှတ်တမ်း ဖြစ်ပါသည်။ The Arakan Army has been continuously rescuing civilians who were forced to serve as human shields by the military council in Maungdaw Township, as well as those trapped inside Maungdaw Town. Some residents have also managed to escape the t

မြောက်ဦးမြို့ ညဇာသား ၆ နာရီ မြင်ကွင်း

ทางลัด

แชร์

ประเภท

ตำแหน่งใกล้เคียง บริษัท สื่อ

เว็บไซต์ข่าวและสื่อ อื่นๆใน Bangkok

แสดงผลทั้งหมด