Vuinfo

09/01/2022

9.01.2022 - Parashikimi i motit për javën në vijim.
Fillon dimri i vërtet me borë, acar e ditët të akullta.

08/01/2022

Edhe në Vushtrri sekuestrohen aparate për prodhim të kriptovalutave

Policia e Kosovës ka sekuestruar 6 aparate dhe 42 kartela për prodhimin e kriptovalutave në Vushtrri.
Sekuestrimi i aparateve dhe pajisjeve të dyshuara është bërë në orët e mbrëmjes në fshatin Druar të Vushtrrisë, derisa policia ka ndaluar një veturë me targa vendore.Gjatë kontrollit të detajuar brenda veturës janë gjetur dhe sekuestruar 6 aparate me 42 kartela dhe mjete të ndryshme të dyshuara që shërbejnë për prodhimin e kriptovalutave.

Për rastin është njoftuar prokurori i shtetit ndërsa një person është intervistuar.
“Lidhur me veprimet e ndërmarra dhe pajisjet e sekuestruara është njoftuar prokuroi i çështjes, i cili ka sugjeruar që për veprime të mëtejme hetimore lidhur me rastin dhe pajisjet e sekuestruara të merren autoritetet doganore. Në cilësi të të dyshuarit është intervistuar drejtuesi i veturës, i cili pas intervistimit është liruar në procedurë rregullt”, thuhet në njoftim.Policia e Kosovës sot ka zhvilluar edhe dy aksione të tjera për sekuestrim të pajisjeve për prodhimin e kriptovalutave.Policia e Kosovës në bashkëpunim me Doganat e Kosovës konfiskoi 272 aparatura për prodhimin e kriptovalutave në Leposaviq. Të njëjtat, sipas ministrit të Financave, harxhonin rrymë sa 500 shtëpi banimi.Po ashtu, Policia e Kosovës njoftoi se ka sekuestruar disa aparatura që shërbejnë për prodhimin e kriptovalutave në kryeqytet.Më 4 janar Qeveria e Kosovës ka marrë vendim që të anulojë veprimtarinë e prodhimit të kriptovalutave për shkak të gjendjes emergjente të energjisë në të cilën është Kosova.

08/01/2022

Numri i rasteve të reja me coronavirus po shkon duke u rritur, çka institucionet përgjegjëse nuk e kanë përjashtuar mundësinë e marrjes së masave të reja.

Aktualisht në vendin tonë janë 997 raste me COVID, ku vetëm dje 144 qytetarë rezultuan pozitiv.Vu

08/01/2022

Mbeturinat te banesat në rrugen 18 Prilli.

07/01/2022

06/01/2022

67 aparate për mihje të kriptovalutave sekuestrohen në Mitrovicë

Policia e Kosovës ka njoftuar se të enjten ka sekuestruar 67 aparate për mihjen e kriptovalutave. Aksioni ka ndodhur në Mitrovicën e Jugut.

Sipas njoftimit, bastisja ka ndodhur në një banesë në rrugën “Fan Noli”.

“Gjatë bastisjes për veprimtari të kundërligjshme janë gjetur dhe sekuestruar 67 aparate të lidhura me pajisje elektrike dhe internet që dyshohen se përdoreshin për prodhimin e kriptovalutave”, thuhet në njoftim.

Lidhur me rastin është identifikuar një person i dyshimtë.

Disa orë më herët sekuestrime të tilla pati edhe në Podujevë. Në këtë komunë u sekuestruan tri aparate për mihje të kriptovalutave.

Vendimi për ndalimin e mihjes erdhi ditë më parë nga Qeveria për shkak të krizës energjetike. Të enjten ministri i Financave, Hekuran Murati, e arsyetoi vendimin duke thënë se po kursehet xhepi i qytetarëve.

04/01/2022

TAKIM ME MËRGIMTARË!

Kryetari i komunës së Vushtrrisë, bënë të ditur se ditën e mërkurë me 05.01.2022 ka vendosur t'ia kushtoj mërgimtarëve tanë.

Ai theksoi se gjatë ditës së mërkurë do t’i pres në zyrën e tij në Komunën e Vushtrrisë.

"Do bisedojmë për të gjitha temat të cilat janë me interes për mërgimtarët dhe Komunën, ju pres me dëshirën më të madhe"

Ai gjithashtu theksoi se do të mirëpres secilën ide dhe iniciativë nga mërgimtarët tanë.