Haqiqat Online

26/08/2023

#эътироф

"Тошкент ҳақиқати" газетасининг шу йил 2 август сонининг бир саҳифаси вилоятимиз фарзанди, чинозлик таниқли сўз санъаткори, маҳоратли эстет, таниқли шоир, ёшларнинг севимли мураббийси Абдулла ШЕР ижодига бағишланган эди.

Бугун давлатимиз раҳбарининг Фармонига биноан вилоятдошимиз Абдулла ШЕР (Абдулла Шеров) га "Ўзбекистон Халқ шоири" фахрий унвони берилди.

Устоз ижодкорни кўп минг сонли газетхонларимиз ҳамда мухлислари номидан самимий қутлаймиз!

📍Тезкор янгиликларни биз билан кузатинг!
👉

16/08/2023

#таассуф

Кўприкни қурган ким-у
журналистни урган ким?

Куни кеча ижтимоий тармоқларда “Zo'rTV” телеканали мухбири ва тасвирчиси калтаклангани акс этган видео тарқалиб, кўплаб муҳокамаларга, жамоатчиликнинг ҳақли эътирозларига сабаб бўлди.
Гап шундаки, телеканал журналисти ва оператори жорий йилнинг 12 август куни аэропорт яқинида қурилаётган йўл ўтказгичнинг бешта тўсини қулаб тушиши сабабларини ўрганишга боради. У ерда эса, ўзини таништиришни ҳам истамаган бир эркак ижодий гуруҳдан тасвирга олмасликни талаб қилиб, камерага ташлана бошлайди. Бу орада эса, ўзаро низо келиб чиқиб, “муштумзўр” эркак журналист ва операторни калтаклайди, камерага эса, шикаст етказади.
Мазкур ҳолат барча ижтимоий тармоқларда кенг ёйилгач, кўплаб журналист ва блогерлар, ОАВ, зиё­ли қатлам вакиллари, кенг жамоатчилик аъзоларининг ҳақли эътирозларига сабаб бўлди. Хусусан, Ахборот ва оммавий коммуникациялар агентлиги, Ички ишлар вазирлиги ҳамда Бош прокуратура ўз расмий муносабатларини билдириб, ҳолат юзасидан қонунчиликнинг тегишли моддалари билан жиноят иши қўзғатилгани ва жараённинг бориши қатъий назоратга олинганини маълум қилишди.
Шундай бўлсада, жамоатчилик вакиллари мутасаддилар олдига қатор саволларни қўйишди. Ўз фикр­ларини билдириб, фуқаролик позицияларини намоён этишди. Биз эса, қуйида уларнинг айримларини келтириб ўтамиз.
Даставвал собиқ депутат Расул Кушербаев журналистларга нисбатан сўнгги вақтларда тоқатсизлик кучайиб бораётганини таъкидлаб, ОАВ вакилларига қилинган зўравонлик учун қонунларимизда қатъий жавобгарлик белгиланмаганини танқид остига олди: “Очиқлик сари интилаётган Янги Ўзбекистонда очиқликка хизмат қилувчи соҳа вакилларига нисбатан тоқатсизлик авжига чиқмоқда. Айни ўринда зўравонликка нисбатан қонуний чоралар кўрилиш эҳтимоли паст. Ўзбекистон журналистларнинг қонуний фаолиятига тўсқинлик қилганлик, уларга босим, зўравонлик учун қонунда жавобгарликни белгиламаган мамлакатлардан бири”, дея эътироз билдирган у.
Ўзининг ҳуқуқий чиқишлари билан танилган ҳуқуқшунос-блогер Баҳодир Аҳмедов ҳам сўнгги пайтлардаги бу каби ҳолатларни қаттиқ қоралаб, шуларни баён қилди: “Қулаган кўприк бўйича “иккинчи қовун тушириш” бўлибди. Воқеа жойига борган журналист ва оператор ҳужумга учраган. Уларга кимдир касби юзасидан тажовуз қилса, жиноий жавобгарлик белгиланиши керак”, дейди у.
Ижтимоий тармоқларда катта резонанс берган мазкур воқеага ҳамкасбларимиздан бири “Қилғиликни қилиб, яна ОАВ вакилларига қўл кўтарган муштумзўрларга асло тоқат қилиб бўлмайди, УЯТ! Доно халқ шундайларга қарата айтган: "Ҳам ғарлик, ҳам пешгирлик", деб...” дея қисқагина изоҳ қолдирган бўлса, “Facebook” саҳифасида ўткир чиқиш­лари билан танилган асли касби шифокор бўлган, бироқ амалиётда журналистлик билан шуғулланиб келган Аброр Зоҳидов “Дўхтир бўлсам касаллар дўппосларди. Журналистларни ҳатто қурувчилар савалашяпти. Нима иш қилсам экан-а?” деб киноя қилади.
Қонунчилик палатаси спикери ўринбосари, депутат Одилжон Тожиев ҳам мазкур масалага муносабат билдирар экан, жумладан шундай дейди: ““Zo'rTV” мухбирларига “зўр”лигини кўрсатмоқчи бўлганлар билаги эмас, билими, тажрибасини тўғри ишга солганида аҳвол шу даражага бориб етмасди. Муҳим қурилиш объектига адашиб келиб қолганини исботлаган “мутахассислар”нинг кучи уларга кўзгу тутганларни калтаклашга етибди. Ўзига ўзи чоҳ қазиш шунчалик ҳам бўладими?”
Бундан ташқари, Ўзбекистон Журналистика ва оммавий коммуникациялар университети ректори, Миллий медиа бирлашмаси бошқарув раиси Шерзодхон Қудратхўжа мазкур воқеага видеомурожаат шаклида ўз муносабатини билдирди: “Ўзбекистонда ОАВ Ўзбекистон Республикаси Конституцияси ва мавжуд қонунлар билан ҳимояланган. Буни ҳамма билиши керак. Ўзбекистонда ахборот олиш ва уни тарқатиш, умуман журналистлар фаолияти эркиндир. Уларга гўёки мана шундай ўзининг “паҳлавон”лигини кўрсатиб, муштумзўрлик қилишга ҳеч кимнинг ҳаққи йўқ. Ҳеч кимга бунга рухсат берилмаган. Ўзбекистон сўнгги пайтлар мутлақо ўзгаряп­ти, лекин афсуски гуруч курмаксиз бўлмайди”.

Эслатиб ўтамиз, Ўзбекистонда ОАВ вакиллари фаолияти қонун билан тартибга солинади. Шу жумладан, “Журналистлик фаолиятини ҳимоя қилиш тўғрисида”ги қонуннинг 5-моддасига мувофиқ, журналист ўз касбига доир фаолиятни амалга ошириш чоғида, журналист текшируви ўтказиш, мансабдор шахс қабулида бўлиш, маълумотларни белгиланган тартибда ёзиб олиш, шу жумладан, зарур техника воситаларидан фойдаланган ҳолда ёзиб олиш ҳуқуқига эга эканлиги қатъий белгилаб қўйилган. Шунинг­дек, ушбу қонуннинг 14-моддасида ҳамда Маъмурий ва Жиноий жавобгарлик тўғрисидаги кодексларда шахсни ҳақорат қилганлик, қасддан енгил шикаст етказганлик ҳамда мулкни қасддан нобуд қилиш ёки зарар етказиш учун ҳам жавобгарлик белгиланган.
“Тошкент ҳақиқати” мухбири
Эрали НОРБЕКОВ тайёрлади

16/08/2023

#матбуот

📌"Тoshkent haqiqati" газетасининг 2023 йил 16 августдаги 59-сони билан танишинг:
https://t.me/haqiqatonline_24

12/08/2023

#матбуот

📌"Тoshkent haqiqati" газетасининг 2023 йил 12 августдаги 58-сони билан танишинг.

10/08/2023

#онлайн
Митти мурожаатчининг катта "муаммоси"

Ўрта Чирчиқ туманида Зойир Мирзаевнинг оммавий сайёр қабули давом этмоқда.

"Боғча опа"лар бола тилидан гапиришмоқда...

📍Тезкор янгиликларни биз билан кузатинг!
👉https://t.me/haqiqatonline_24

09/08/2023

ҚАРҒАЛАР ҚАЙДАЮ ҲАНДАЛАК ҚАЙДА?
Ёхуд бир қўшиқнинг икки талқини

Ҳойнаҳой, сарлавҳадан англагандирсиз: халқимиз орасида машҳур бўлган, одамларнинг тўй-томошаларида, базм ва байрамларда кўп айтиладиган шўхгина, ўйноқи бир қўшиқ бор. “Қарғалар учса қарайлик, Марғилоннинг йўлига”, деб бошланади. Илк бор 1970 йилда “Ялла” гуруҳи омонидан тасмага ёзилган, кейинчалик фавқулодда хит таронага айланган ашуланинг оҳангини эшитган киши борки, енгини шимариб, рақс даврасини ҳеч кимга бермаcди. Бироқ, негадир 40 йилдан ортиқроқ вақт мобайнида “тренд”дан тушмаган бу қўшиқ сўнгги вақтларда жаранг сочмай қўйгандек. Бу қўшиқнинг умри поёнига етганиданми, ёки...

Бизнингча, ўша “ёки”сидан кўра, кейинги фаразлар тўғрироқ. Яъни, кўпчиликнинг хабари бўлса керак, мазкур ижод намунасининг матни, унинг яратилиш тарихи ва маъно-мазмуни бўйича ижтимоий тармоқлар орқали турли қарашлар пайдо бўлди. Кимдир бу ашуланинг тарихини ҳув ўша XIX аср охири XX аср бошлари, яъни “оқпошшо” замони, золим империянинг Ўрта Осиёни босиб олганию, миллатимизнинг қонли, аянчли даврларига тақайди. “Бу қўшиқни ўйнаб эмас, йиғлаб тинглаш керак”, деган тушунча ёйилди. Яна бошқалар бу шунчаки, олисларга қувғин қилинган мардикор ўзбекнинг Ватан соғинчи ҳақидаги хиргойиси, холос демоқда. Биз хулосани ўқувчининг ўзига қолдирган ҳолда, иккала талқиннинг мазмун-моҳиятини келтирмоқчимиз.

БИРИНЧИ ТАЛҚИН

1875 йил. Қўқонни қўлга олган Кауфман бошлиқ рус аскарлари Марғилонга юриш қилади. Кутилмаганда марғилонликларнинг жиддий қаршилигига дуч келган император қўшини жуда катта талафот кўриб, кўплаб йўқотишларга учрайди. Бундан ғазабланган Кауфман шаҳарни босиб олгач, аёвсиз қирғинларни бошлаб юборади. Ўшанда Чор Россияси қўшинига қаршилик кўрсатган, Ватанини душмандан ҳимоя қилган аҳоли ичидан фақат ёш, ғайратли, кучга тўлган норғул йигитларни саралаб олиб, Марғилон йўлидаги симёғочларга бирма-бир осишади. Бундан асосий мақсад – яна исён қилмоқчи бўлганларни қўрқитиб қўйиш, уларни руҳан синдириш эди. Қатл амалга оширилгач, дорга осилганларнинг жасадига тегишга, уларни тупроққа қўйишга рухсат берилмайди. Вақт ўта бошлагач, қарғалар жасадларни чўқиб ейиш учун Марғилон томон ёпирилишади. Марҳумларнинг яқинлари эса, табиийки, жасадлар таҳқир этилмаслиги учун қушларни қувишга ҳаракат қилишади. Қарғалар кўриниши билан уларни ҳайдаш учун марғилонликлар уйларидан югуриб йўлга чиқишади. Бу ҳол ашуланинг биринчи байтида ўз аксини топган, дейишади:

Қарғалар учса қарайлик,

Марғилоннинг йўлига...

Аммо ўликларни қушлардан қўриганмазлум халқ уни вақтдан ҳимоя қила олмасди. Кунлар ўтиши билан жасадлар ўзидан бадбўй ҳид чиқарар, унга ҳатто яқинлашишнинг ҳам иложи бўлмай қолади. Қатл этилганлар кўплиги боис ёқимсиз ҳид бутун шаҳар ва қишлоқларга ҳам тарқалиб кетган эди. Бироқ ҳид қанчалар ёқимсиз бўлмасин, инсон зоти ўз иниси, жигаргўшасини ташлаб қўярмиди?! Шунинг учун мазлум аҳоли таралган бадбўй ҳидни ёқимли ифорга, аниқроғи ҳандалак ҳидига қиёслаб, марҳумларнинг яқинлари жасадларни ҳандалак бўйликкинам, деб аташган эмиш...

Ҳиди келса маст бўлайлик,

Ҳандалакнинг бўйига.

Ҳандалак бўйликкинам,

Сен унда зор, мен бунда зор.

Тўти қушнинг боласидек,

Иккаламиз интизор.

Яъни, шеърда “бу золимлар бизнинг осуда ҳаётимизни бузишди, унга рахна солишди, бир-биримиздан ажратишди”, дейилмоқчи гўё.

ИККИНЧИ ТАЛҚИН

1914 йил. Биринчи жаҳон уруши бошланган кезлар. Мазкур урушда минглаб ўзбеклар фронторти ишларига жалб қилин ган. Ўша пайтда Николай подшонинг йигитларни мардикорликка олиш тўғрисидаги фармони эълон қилинади. Шу сабабли биkагида кучи, белида қуввати бор ўзбеклар нинг аксарияти қаҳратон Сибирь ўрмонларига мардикорчиликка юборилади. Биласиз, ёз ойларида ҳам у томонлар изғиринли совуқ бўлади. Ана шундай машаққатли кунларда меҳнат қилган, очнаҳор, хору зорликни бошидан ўтказган ўpбек ўғлонлари орасида марғилонлик Худойберди қори деган шоиртабиат киши бўлади. У кунларнинг бирида хаёлан осмонга, ўрмондаги дарахт узра учаётган қарғаларга қараб, Ватан соғинчи ила юқоридаги сатрларни битади. “Нега энди қарға, мусича ё кабутар эмас”, деган саволга қуйидагича жавоб бериш мумкин. Маълумки, қарға совуқтабиат жонивор. Ёз пайти иссиқ ўлкаларни тарк этиб, салқин, совуқ жойларга бориб қўним топади. Шоир эса, “Юртимизда ёзда бу қарғалар қаерга йўқолиб қолади десам, бу ерларга келар экан-да. Демак, бу қушлар менинг Ватанимдан, Марғилонимдан учиб келган, улар да юртимнинг тафти бор, ифори бор”, дея соғинч билан тасаввур этади ва шеърнинг илк сатрларини хиргойи қила бошлайди: Қарғалар учса қарайлик, Марғилоннинг йўлига... Ўшанда тахминан июнь ойлари бўлса керак. Биласиз, бу вақтларда Ўзбекистонда айни пишиқчилик даври бошланган бўлади. Энг биринчилардан бўлиб ҳандалак пиша ди. Фавқулодда оригинал тазод! Қарға ва ҳандалак — бири қишнинг жонзоти, бири ёзнинг неъмати. Бу совуқ ўлкаларни қарға макон тутган дамда серқуёш Ватанда ҳандалак ғарқ пишган!

Афтидан, мана шу ҳиссиёт ва бадиий топилма Худойберди қорига завқ берган ва ёшлик пайтлари ва севган қизини эслаб, яна ширин ҳислар билан шеърни давом эттиради: Ҳиди келса маст бўлайлик, Ҳандалакнинг бўйига. андалак бўйликкинам, Сен унда зор, мен бунда зор. Тўти қушнинг боласидек, Иккаламиз интизор. “Эй, ҳандалак ифорли ёрим, бу не кўргуликки, мен бу ёқларда зору ночор юрибман, сен эса она юртда менга зор бўлиб, мунғайиб қолдинг-а...”

Мана шу воқеа бундай қўшиқ яралишига сабаб бўлгандир, деб аксар фольклоршунос олимлар хулоса қилишган. Санъатшуносларнинг айтишича, қўшиқ оҳанги бироз қувноқ бўлгани сабабли ҳамма ҳам ундаги маҳзунликни, соғинч ва айрилиқни бирданига англаб ололмайди. Бироқ шуни ҳам таъкидлаш керакки, шеър матнининг айрим жойларида мардикор деган сўзлар ишлатилгани, унинг сўнггида “Биз ғариб сургун чекиб, бармоғига нишлар келур”, деган битиклар чиндан ҳам совуқ ўлкаларга сургун қилинган мардикор томонидан ёзилганига далил бўла олади. Сиз қандай фикрдасиз?

Эрали НОРБЕКОВ тайёрлади "Тошкент ҳақиқати" газетаси

09/08/2023

#матбуот

📌"Тoshkent haqiqati" газетасининг 2023 йил 9 августдаги 57-сони билан танишинг.

учунonline_24

08/08/2023

⚡️Тўра Боболов туман ҳокими сифатида илк бор кўриниш берди

Айни пайтда Тошкент вилояти ҳокими Зойир Мирзаев бошчилигида бўлиб ўтаётган мигрантлар билан онлайн мулоқотдан лавҳа.

📍Тезкор янгиликларни биз билан кузатинг!
👉Toshkent haqiqati

02/08/2023

#матбуот

📌"Тoshkent haqiqati" газетасининг 2023 йил 2 августдаги 55-сони мутолаа учун тақдим этилмоқда.

01/08/2023

#таъзия

❗️Ўзбек санъати оғир жудоликка учради

Ўзбекистон ҳалқ артисти
Нуриддин Ҳамрақулов бугун бу ёруғ оламни тарк этди.

‼️ Жаноза эртага соат 11:00 га белгилангани айтилмоқда.

📍Тезкор янгиликларни биз билан кузатинг!
💢Toshkent haqiqati

21/07/2023

Хонанда Ботир Қодиров охири "ёрилди":

"Мен ўз вақтида тан олинмаганман. Фарзандини тан олмаслик номарднинг ишидир..."

Сиз бунга нима дейсиз? Хулоса ўзингиздан...

📍Тезкор янгиликларни биз билан кузатинг!

21/07/2023

Хуршид Дўстмуҳаммад: "Ҳаридор билмаса, ўзинг биласан-ку..."

Барчамизга тегишли бўлган фавқулотда ибратли воқеа экан. Яқинларингизга юбориб қўйинг.

📍Тезкор янгиликларни биз билан кузатинг!

17/07/2023

⚡️Поезд нархлари ҳеч қандай огоҳлантиришсиз оширилди...(ми)?

Ўзбекистондаги катта монополияларидан бири "Ўзтемирйўлйўловчи" АЖ нархларини қарийб 15 фоизга оширганидан хабарингиз борми?

Хабарингиз бўлмаса, ҳайрон бўлманг. Сабаби, бундан айрим “Ўзбекистон темир йўллари ”АЖ да ишлайдиган ходимларнинг ҳам хабари йўқ экан. Ҳатто, бу ҳақда ижтимоий тармоқ саҳифалари орқали огоҳлантирмаган ҳам. Бироқ, электрон билет олмоқчи бўлиб сайтга кирсангиз бунга ўзингиз гувоҳ бўласиз. Ташкилот сайтига кирганингизда эса “404” ёзуви экранни безаб туради. Шоввозлар ҳеч ким билмайди деб ўйлагандирда!

P/S. Кундузги қатновларда чипталарда “кондиционерли” деб қўйиб, амалда кондиционерини деярли ёқмаганига яраша чипта нархини оширмаса бўларди.

📍Тезкор янгиликларни биз билан кузатинг!

15/07/2023

#матбуот

📌"Тoshkent haqiqati" газетасининг 2023 йил 15 июлдаги 51-сони билан танишинг:

09/07/2023

#сайлов2023

Вилоят ёшлари сайлов жараёни ҳақида қандай фикрда?

09/07/2023

#сайлов2023

⚡️⚡️Тошкент вилояти ҳокими Зойир Мирзаев ҳам конституцион ҳуқуқидан фойдаланиб, оила аъзолари билан Нурафшон шаҳридаги 7-Сайлов участкасига келиб овоз берди.

https://t.me/haqiqatonline_24

09/07/2023

#сайлов2023

⚡️Айни дамда Нурафшон шаҳридаги 7-Сайлов участкасида Ўзбекистон Республикаси Президенти сайлови жараёни давом этмоқда.

08/07/2023

#премеьра

⚡️⚡️⚡️ Хонанда Жалолиддин Аҳмадалиевнинг янги “Келганмикан” таронасига ишланган клип премьераси

Мазкур янги қўшиқ шеъри журналист Ғайрат Шералиев қаламига мансуб.

Бундан аввал хонанда Жалолиддин Аҳмадалиев Ғайрат Шералиев билан ҳамкорликда тайёрланган "Севмайман душанбадан", "Ўн тўққиз йил", "Алам- алам" деб номланган қўшиқларни мухлислар эътиборига ҳавола этган эди.

Янги қўшиқни тинглаб, баҳо беринг.

📍Яқинларингизга ҳам улашинг.

28/06/2023

"Тoshkent haqiqati" газетасининг 2023 йил 28 июндаги 47 - сони билан танишинг:

27/06/2023

#байрам. #матбуот

⚡️ "Матбуот байрами бу -миллий байрамимиз "

Тадбирда вилоят ҳокими Зойир Мирзаев соҳа ходимларини байрам билан табриклади.

📍Байрамни биз билан кузатинг!

25/06/2023

#жонли #ёшларкуни

⚡️Байрамда ёшлар кайфияти аъло. Мусиқа эса байрам иштирокчиларига ўзгача атмосфера бермоқда.

🏜Юқори Чирчиқ ёшлари байрамни "қизитмоқда".

📍Байрамни биз билан кузатинг!

25/06/2023

#жонли #ёшларкуни

Хабар берганимиздек, "Ёшлар фестивали" кўтарингки руҳда ўтмоқда. Тадбирга вилоятимизнинг варча туманларидан ёшлар ташриф буюришган.

❗️Ангренлик Исомиддинова Диёра ҳамда Ахмедов Жаҳонгир республикамиздаги ёшларни байрам билан табрикламоқда.

📍Байрамни биз билан кузатинг!

25/06/2023

#жонли #ёшларкуни

⚡️Айни пайтда вилоятимизнинг Олмалиқ шаҳрида «Янги Ўзбекистон ёшлари бирлашайлик» шиори остида ёшлар фестивали бўлиб ўтмоқда.

❗️Фестивалнинг концерти соат 19:00 да «Металлург» маданият саройида бўлиб ўтади.

📍Фестивални биз билан кузатинг!

21/06/2023

"Тoshkent haqiqati" газетасининг 2023 йил 21 июндаги 45 - сонида:



БОЗОР... ОЗОР... ЗОР... ОР...

Қурилиш материаллари зарур бўлиб, бозорга бордим. Тахта бозор. Усталар "5*3 рейка керак", дейишганди. Рейка қарадим. Нархи 5500 сўм экан. Бир сотувчи айтди:
– Ака, сизга 5*3 керакми? Булар 5*3 дегани билан шунча чиқмайди. Мана, – деб ўлчаб берди.
Чиндан ҳам 4*2 экан. 5*3 олиш учун 6*4 деганидан топиш керак экан. “Ҳа, майли” деб, 6*4 олдим. Усталар бўйи 6 метр бўлсин деганди. 6 метрлик сўрадим. "Мана", деб дарров юклашни бошлади. Бирдан миямга бир фикр келди. "Ука, метрни олинг", дедимда шартта ўлчадим. 6 метр дейилган рейка 5*70 экан. Ҳам энидан, ҳам бўйидан...
* * *
Усталар билан ғишт уришга шартнома қилдим. Ғиштни урганидан эмас, машинада келганидан санар экан. “Камаз”да келган ғиштни эринмай, доналаб санадим. 5000 та дейилган ғиштдан инсофи бори 300 та, йўқса 500 тагача "урар" экан. Уста шуни билгани учун ғиштни терганидан эмас, келганидан, ҳисоблар экан. Ҳам ундан, ҳам бундан чув тушасиз.
Усталар ҳаммаси "дом строй"­га (қурилиш материаллари сотадиган катта дўкон) етаклайди. Улар бу ердан карта очиб олган. Пластикка ўхшаган. Уйни эгаси бориб, савдо қилади. Устага эса ўн фоиз картасига “улуши” тушади.
* * *
Яқинда машина учун антифриз сотиб олдим. Маҳсулот қоғозда ёзилгани каби -20 градус ва -40 градуслик чиқди. Бозордаги ҳамма маҳаллий антифриздан қиммат. Сабабини тушунмай, ҳамма антифризлардан намуна олиб келиб, -5 градусли холодильникка қўйдим. Уч соатда барчаси тахта бўлиб қотди. Ишлаб чиқарувчиларга ҳолатни видеога олиб юборсам, соқолли ҳожи акаларнинг пинаги ҳам бузилмади.
* * *
Бир дўстим бензин “заправка”да ишлайди. Энг инсофлик заправка ўнига бир литр, қолганлари икки литр урар экан. "Мени билганим – урмайдигани йўқ", дей­ди танишим. Ҳамма билар экан шундайлигини.
* * *
Уйфурушларга уйингизни сотмоқчи эканлигингизни айтасиз. “Бўлди, нақдга ўзимиз оламиз”, деб баҳолайди. Табиийки, сиз қимматроқ нарх хоҳлайсиз. Тузоғига тушганингиз шу. Каналида уйингиз сотилиши ҳақида эълон беради. Сиз “клиент” кутасиз. Уйингизни олмоқчи бўлган харидор уйфурушга телефон қилади. Уйфуруш у уй сотилганини, истаса бошқа уй борлигини айтади. Сизга эса ҳамтовоғини жўнатади. Ҳамтовоқ уйингизни кўриб, дастлабки уйфуруш айтган нархдан анча паст баҳо айтади. Шу тариқа учинчиси, тўртинчиси келиб арзон нарх айтаверади, айтаверади. Тоқатингиз тоқ бўлиб, биринчи айтган нархингизга ўзингиз олиб қўя қолинг, дейсиз. Хўп, дейди деб ўйлайсизми? Содда бўлманг! Энди уйингизни биров олмаётганини, бошида шу нархда кетиши мумкинлигини, ҳозир эса яна беш юз ёки минг “кўки”да арзонга олиб қолишини айтади. Пул зарурлигидан рози бўлиб юборасиз. Бу “приём”ни ҳаммага ҳам қилмайди. Пул зарур, "пожар" деган одамлар "жирний" клиент.
* * *
Бозорда кабелчилар бор. Улар, асосан, давлат муассасаларига, қурилиш объектларига маҳсулот сотишади. Улгуржи нархда. Заводдан чиққан кабелни хўп ўртага олиб, чўзишади. Метрини кўпроққа айлантириш учун. Кейин яна ҳеч нарса бўлмагандек, завод “упаковка”сини қайтадан қилиб, сизга пуллашади.
* * *
Оддий сода бор. Совет давридан бери 500 граммлик қадоқда бўлар эди. Грамми камайиб, камайиб, 250 га тушган. Билмаган "Ҳақиқийси фалончида қиммат экан, мана бу арзон сотади", деб олаверади.
Ичи тўла бўладиган гугурт ярим бўлиб қолган. Сантиметрлаб, миллиграммлаб урилаверади, камаяверади.
Цементга қум қўшаётганлар, сутга сув қўшаётганлар ҳеч кимга сир бўлмай қолган.
Машина бозорига борсангиз ҳамма автоуловни доктор ёки ўқитувчи минган. Фақатгина ишга бориб келган бўлади. Уч марта думалаган машинада озгина “петно” бўлади. Бозорда думалаган, қаттиқ зарба еган автомобилнинг ўзи йўқ. Сиз йўлларда кўрган думалаб, пачоқланиб, мажақланиб кетган машиналар бозорга кирмайди. Металлоломга кетади, гўё...
“Оlх.uz”, “Avtoelon.uz” каби тармоқлар савдони ўлдирганмиш. Барака йўқ эмиш.
Санаганларим бирор давлат хизматчисининг порахўрлиги ёки қайсидир ташкилотнинг киссавурлиги эмас, оддийгина одамларнинг ишлари. Бир-биримизга бўлган муносабат.
Ҳамма менга ўхшаб фаришта бўлса, юқоридаги ишларни қайси “олабўжи” қиляпти?
Саййид ИСЛОМ

21/06/2023

📌"Тoshkent haqiqati" газетасининг 2023 йил 21 июндаги 45 - сони билан танишинг:

14/06/2023

"Тoshkent haqiqati" газетасининг 2023 йил 14 июндаги 43 – сонида:

“ЖАННАТ”НИ КЎРГАНЛАР СИНДРОМИ

Балки ўқиган чиқарсиз – Шуҳрат домланинг “Жаннат қидирганлар” романида яхши, осуда ҳаёт қидириб, ўтган асрнинг йигирманчи йиллари янги ташкил топган социалис­тик мамлакатдан яқин хориж – Афғонистонга бош олиб чиқиб кетган ўзбек оиласининг тақдири ҳикоя қилинади.
Ўша пайтлари Афғонистон (ҳали Покистон алоҳида давлат эмас, Ҳиндистон Буюк Британия мустамлакаси эди) ҳақиқатан ҳам яқин хориж ҳисобланган – ўзаро алоқалар яхши, ҳар икки жойда турмуш тарзининг деярли фарқи йўқ, бир дин, бир-бирига яқин тиллар, менталитетлар... Аммо, йиллар оша Афғонистон ҳам тўғри, ҳам кўчма маънода олис хориж­га айланиб қолди. Орадаги чегаралар мустаҳкамланди, ўзаро борди-келдилар ҳисобли бўлиб қолди. Афғонистонга чиқишни истайдиганлар ҳам, СССРга киришни истайдиганлар ҳам махсус хизматларнинг чиғириғидан обдон ўтказиларди.
Асар фабуласи шундай: ўз юртига бошқа қайтмас бўлиб кетган мусофирларнинг ўша даврлар собиқ иттифоқ таркибидаги диёримизда қолган қариндошларидан бири – ошиқ йигит қандайдир махсус хизмат билан Афғонистонга боради. Ўша пайтлар Афғонистонда ГЭСлар, заводлар, мактаблар, шифохоналар, ҳаммомлар қуриш, аҳолига тиббий ёрдам кўрсатиш, дарс бериш, қишлоқ хўжалик техникаларини бошқаришни ўргатиш учун турли мутахассислар беш-ўн йиллик хизмат сафарларига юборилар, уларга ҳарбий разведкачи унвонлари берилар, ҳар икки тарафда ойлик маошлари сақланар, пенсияга имтиёзли шартларда чиқарилар ёки устама тўланарди.
Ўша мутахассис йигит бундан ўн йиллар бурун Афғонга чиқиб кетган қариндошларини қидириб топади, ўзи ошиқ бўлган қизнинг кейинги тақдири билан қизиқади. Ўша қиз тўрт хотинли кишининг хасмига айлангани, бир-икки бола туққанини билиб, бир имкони топилганида, қариндошларининг уйи­да, яширин хонада холи қолганича юзма-юз гаплашади. Ўша ҳам қариндош, ҳам собиқ севгилиси бўлган аёлнинг тақдирига ачинган шўровий йигит унга ўзи билан Ўзбекистонга кетишни, ўз юртларида ҳаёт тамоман ўзгариб кетганини “пропаганда” қилади.
Асарда бамисоли, жаннат қидириб кетганлар аслида, жаннатдан чиқиб кетишгани урғуланади...
Албатта, болали аёлни СССРга қайтариб олиб кетиш шунчаки хомхаёл эди. Бунга СССР тарафи имконият яратиб берган тақдирда ҳам, аёл қариб, ўлим тўшагида ётган ота-онасини ташлаб кета олмасди, эридан яширинча чиқиб кетиш ҳам катта муаммо. Боз устига, эрининг иккинчи (ё учинчи) хотини бўлса ҳам, кўз очиб кўргани, боласининг биттасини олса, иккинчиси қолиб кетади, юртига қайтганида ҳам ушбу қариндош йигитнинг хотини, қариндошлари нима деб ўйлайди, яна бошқа бир эркакка эски талоғи узилмаган ҳолида турмушга чиқиб бўладими-йўқми, янги ҳаётга кўникиб кетадими-йўқми...
Буни эслашимдан мақсад, “жаннат” пропагандаси ҳамиша мавжуд бўлгани ва бу тарғибот тагида маълум бир мақсадлар яширин эканини таъкидлашдир.
“Минг бир кеча” эртагида ҳам шунга ишоралар бор. Яна бундан минг йиллар, балки бундан ҳам бурунгироқ даврларда ҳошимийлармикин, ё Муқанна афсонасидамикин, жаннатга тушиш қасдида шаҳидлик йўлига кирган ёш йигитлар ҳақидаги ривоятлар ҳам мавжуд.
Эмишки, ўн олти-ўн саккиз ёшли 5-6 нафар бақувват йигитларни қароқчилардан иборат катта гуруҳнинг тоғлар орасидаги яширин қароргоҳига олиб келишади. Бу йигитлар деярли таниш эмас, таниш бўлганлари ҳолида гаплари бир жойдан чиқмайдиган, ўжар ва жангари ёшлардир. Уларни махсус хонада обдон меҳмон қилишади, уйқуга тортадиган дори қўшилган шароблардан ичиришади. Ёш йигитлар ухлаб қоладилар. Ана шундан кейин, уларнинг кийимлари ўрнига енгил шоҳи матолардан тикилган либослар кийдирганча, бошқа жойдаги катта ғор ичида бунёд қилинган бир чиройли боққа олиб бориб ётқизишади. Гуллар очилиб ётибди, товуслар юрибди, булбуллар сайраган, кичкина булоққа ўхшаган фонтанчадан шароб отилиб чиқмоқда. Чилимлар, катта олтин товоқларда турли мевалар, ҳолвалар, писта-бодомлар... Қайдандир сеҳрли мусиқа садолари келмоқда...
Йигитлар уйқудан уйғониб, атрофга қарашса – ўзгача ҳаёт. Сухсурдек қизлар рақс тушиб, уларни қучмоқда... Йигитлар ўзларини бамисоли жаннатдагидек ҳис этадилар.
Кейин эса яна ўлардай чарчаб, дори қўшилган шароб таъсирида яна қаттиқ уйқуга кетадилар. Ҳурлиқолар эса тезда уларга эски кийимларини кийдиришади, йигитларни бошқа хизматчилар аввалги хоналарига олиб бориб ташлайдилар...
Йигитлар уйғонганида бояги “жаннат боғи”дан асар йўқ. Улар буни тушимизда кўрдикми, десалар, беш-олти киши битта тушни кўриши мумкинмас. Боз устига, баданларига суртилган мушку анбар­­лар ҳиди ҳали ҳам кетмаган. Қулоқларига қистириб олган жаннат райҳонлари, гуллари ҳам ҳали сўлиб улгурмаган!..
Уларнинг бундай гаранг ҳолатларини шу ерда ҳозир бўлган оқсоқол бундай таъбирлайди: “О-о! Сизлар худо ярлақаган йигитлар экансиз! Мен ёшлигимдан жаннатни шунчаки кўриш ишқи билан ёнаман. Аммо, бунинг сира иложи бўлмаганди. Сизлар эса шундай ёшгина бўла туриб, жаннатни кўриш, у ердаги ҳуру ғилмонлар билан ишрат қилиш бахтига мушарраф бўлибсиз. Сизларга ҳавасим келиб кетяпти! Майлими, қулоғингиздаги жаннат гулини чаккамга тақиб олсам! Эҳ, сенинг ёшлигинг менда бўлсайди!..”
Йигитлар яна ўша жойга қайтишнинг иложи борми, дея сўрашлари тайин.
“О-о, бу бахт бир келди, бошқа келиши қийин! Шунча йил яшаб, жаннатга бир муддат бориб-келганларни кўрмадим, эшитмадим ҳам. Жаннатга тезроқ тушиш учун шаҳид бўлиш керак. Ҳатто, менинг ҳам бундан умидим унчалар кўп эмас. Ахир, шунча йил яшаб, билиб-билмай қилган гуноҳларим бор. Сизлар эса ҳали гуноҳга кўпам қўл урмаган бўз йигитсизлар. Битта йўли бор, ҳақиқат учун кураш йўлида шаҳид бўлибгина, тўппа-тўғри жаннат боғига тушишларинг мумкин, тағинам худойим билгувчироқдир, валлоҳи аълам!..”
Шундан кейин, жаннатга яна тушиш орзусида ёнган йигитларга турли қароқчиликларни ўргатадилар ва айрим “душман”ларнинг жонини олиш учун юборишади. Бу орада яширин ғордаги “жаннат боғи”да бошқа ёш йигитларни меҳмон қилиб, яна янги шаҳидлар гуруҳи тайёрланаверади...
Махсус топшириқдан бирортанинг жонига зомин бўлиб, катта хазинани ўғирлаб қайтган йигитларни яна беш-олти соат пинҳона “жаннат боғи”га меҳмондорчиликка олиб киришади...
Шаҳидликка ёллаш схемаси мана, минг йиллар ўтса ҳамки, ўзгаргани йўқ. Бунинг бошқача вариантлари ҳам мавжуд.
Шаҳар кўрган эчкидан қўрқ, деганлари каби, ер юзидаги “жаннатни кўрганлар”дан ҳам, бунақа ер юзидаги “жаннат”га тушиш хаёлида юрганлардан ҳам эҳтиёт бўлиш керакдай.
Яна, Ўзи билгувчироқдир...
Оллоёр БЕГАЛИЕВ,
Ёзувчилар уюшмаси аъзоси

14/06/2023

"Тoshkent haqiqati" газетасининг 2023 йил 14 июндаги 43 - сони билан танишинг:

10/06/2023

⚡️Муддатидан олти ой аввал...

✅Тошкент шаҳрини Тошкент вилоятининг Зангиота тумани Назарбек шаҳарчаси билан боғловчи "Назарбек" кўприги фойдаланишга топширилди.

(https://t.me/haqiqatonline_24/19791) ❗️Белгиланган режа-графикка кўра, кўприкнинг фойдаланишга топшириш муддати шу йил ноябр ойига мўлжалланган бўлиб давлатимиз раҳбарининг алоҳида эътибори, ҳукуматимизнинг қўллаб-қувватлаши билан лойиҳа муддатидан қарийб 6 ой аввал қуриб битказилди.

📽 Батафсил видеони Youtube даги саҳифасизда томоша қилинг!

📍Тезкор янгиликларни биз билан кузатинг!
https://t.me/haqiqatonline_24

10/06/2023

⚡️Муддатидан олти ой аввал...

Пойтахт ва Зангиота тумани Назарбек қўрғонини боғловчи йўл ўтказгич – янги кўприк қуриб битказилди.

Кўприкни белгиланган режа-графикка кўра, фойдаланишга топшириш муддати шу йил ноябрь ойига мўлжалланган эди.

📍Тезкор янгиликларни биз билан кузатинг!

10/06/2023

"Тoshkent haqiqati" газетасининг 2023 йил 10 июндаги 42- сони

09/06/2023

"Haqiqat online" ижтимоий лойиҳасининг Youtube даги саҳифасига обуна бўлинг!

https://youtu.be/8WgIuX6DbLc

⚡️– Сизни сим картангиз ишламаса, бошқа сим карта олинг. Битта сим картани деб бутун бошли антенна ўрнатмаймизку – Зойир Мирзаев📍Тезкор янгиликларни биз би...

08/06/2023

⚡️Вилоят ҳокимининг оммавий сайёр қабули

Тошкент вилояти ҳокими Зойир Мирзаев бугун вилоятимизнинг Охангарон туманининг чекка ҳудуди Бешқўл қишлоғида муаммо ва мурожаати бор фуқаролар билан сайёр қабул ўтказди.

📍Тезкор янгиликларни биз билан кузатинг!

06/06/2023

…

“ЧАНГ ПУЛИ”НИ ЧАНГ БОСГАНМИДИ?

Қибрайлик Роза Абдувалиева 12 йилдан бери тумандаги 28-умумий ўрта таълим мактабида кутубхоначи бўлиб ишлайди. Бироқ ҳали бирор марта кутубхонада ишловчиларга бериладиган қўшимча устама, жайдари тил билан айтганда, “чанг пули” олгани йўқ.
Ваҳоланки, Ўзбекистон Республикаси Вазирлар Маҳка-
масининг “Мактаблар, барча тур ва номдаги мактаб-интер-
натлар кутубхоначиларига ёки бошқа ходимларга дарсликларнинг кутубхона фонди билан шуғулланганликлари учун меҳнатга ҳақ тўлашнинг энг кам миқдорининг 3,6 фоизи миқдорида қўшимча ҳақ тўланиши тўғрисида”ги 490-сонли қарори қабул қилинган. Унга кўра, кутубхоначи (кутубхона мудири) лавозими назарда тутилмаган умумтаълим мактабларида мингтадан ортиқ китоб фонди мавжуд бўлганда кутубхона ишини юритганликлари учун ўқитувчилар ва мактаб педагог ходимларига тоифага эга бўлмаган кутубхоначи лавозим маошининг 40 фоизи миқдорида қўшимча ҳақ тўланиши белгиланган. Аммо белгиланган устама ҳақи нафақат Р.Абдувалиевага, балки тумандаги 43 та
мактаб кутубхоначиларига йиллар давомида тўланмай, пай-
салга солиб келинган. Р. Абдувалиева шу масала юзасидан Қибрай тумани адлия бўлимига мурожаат қилган.
– Дарҳақиқат, фуқаро Роза Абдувалиева жорий йилнинг 13
апрель куни бўлимимизга мурожаат қилди, – дейди туман
адлия бўлими бош маслаҳатчиси Жаҳонгир Абдусатторов.
– Мурожаат тегишли тартибда кўриб чиқилиб, ҳақиқатан ҳам
мактаб раҳбарияти томонидан кутубхоначига устама ҳақ
тўланмагани аниқланди. Ҳолат юзасидан туман адлия бўлими
томонидан фуқаролик ишлари бўйича Чирчиқ туманлараро су-
дига даъво аризаси киритилди ва “чанг пули” тўланиши бўйича ҳал қилув қарори чиқарилишига эришилди.
Адлия бўлими масъул ходимининг маълум қилишича,
ҳозиргача тумандаги 20 нафар кутубхоначига қўшимча устама
ҳақи ундириб берилган. Яна 23 нафарининг мурожаати судда
кўриб чиқилмоқда.
Ўткир ҲОШИМОВ
/Тошкент ҳақиқати/
Жалолиддин ЭСОНОВ
олган сурат