https://www.facebook.com/103002468189279/

Ssekanyumiza Amansa Bwino

Home
Uganda
Kampala
Ssekanyumiza Amansa Bwino

We are here to detail information that Mutebi Mutebi Moving Dictionary highlights on his Facebook ac
(2)

24/03/2024

KITALO!

OMUNAIGERIA GWENZIZE NKULAGA ANOONYA OBUYAMBI AKYUSIBWE ENSIGO AFUDDE KU MYAKA 62 EGY'OBUKULU

Ekisaawe kya firimu ezaakazibwako Ekinayigeriakiguddemu ensisi. Kino kiddiridde amawulire g'okufa kwa nnakinku mukuzannya Amaechi Muonagor okusaasaana, Muonagor yazaalibwa mu mwaka gwa 1962 era n'asoma n'akuguka mu by'amawulire nga gano yagakola okutuusa mu mwaka gwa 1989 mu ngeri ya Nnawolovu tafiira ku bbala limu, Muonagor yeeyubula n'afuuka omuzannyi wa firimu omutendeke, era firimu mweyasooka okulabikira yatuumibwa "Hakunatakasi In Taboo 1"

Ono yagenda mu maaso nga bugolo okutuusa lweyazannya firimu kabunamawanga, eno yatuumibwa 2 Rats mweyazannya ne batabani be Aki ne Popo ng'amatuufu Popo ye Osita era ng'amawulire ag'ennaku gano wegagwiriddewo Osita abadde mutaka mu ggwanga lyattu Uganda akyafuuyibwa ku kawewo n'ebyana by'ekibuga Ndibassa Kampala ekisangibwa ku kasozi Kampalabanya akettanirwanga ennyo ensolo Impala mu biseera by'abavumbuzi.

Kitalo nnyo nnyini ddala, gyebuvuddeko John Okafor omuzannyi w'Ebinayigeria era munnakatemba, ennaku yabuutikira bangi olw'omuzannyi w'ebyasa, kyokka nz'ate mwattu Muonagor y'abadde ansingira ku babiri.

Jjuuzi nnasinziira ku mbeera mw'abadde ng'alaajanira abazirakisa okumuyamba n'ensimbi ezikyusa ensigo, nnababuuzizza ekibuuzo nti tusaze magezi ki eri abantu baffe abatutumufu abasomoozebwa embeera oluvannyuma lw'ettutumu. Bangi mwannyannukudde n'endowooza zammwe ez'enjawulo era mwebale.

YENZE SSEKANYUMIZA AMANSA BWINO

24/03/2024

KALEKE KASOME FOUNDATION TUWAGIRE MAURICE HASA WAFFE

Yazaalibwa Kasese ekitegeeza nti wa ggwanga lya Bakonjo, kyokka yakulira Mubende ekimuwa enkizo okwatula obulungi olulimi lwa boobwe ntegeeza oluganda okwawukana ko ku Bakonjo bewaalabye.

Oluyimba lwe olwamufuula ensonga, Kaleke Kasome lwakolebwa mu studio eyitibwa Vine records ewa producer Didi March nga 20 Museenene wa 2005.

Newankubadde nga Hasa teyalina nsimbi zisitula kitone kye ate nga tewali nnyo na makubo gatumbula music nga kati bwemulina emikutu emikwanirawala, Hasa obubaka bweyateeka mu luyimba bwakwata nnyo ku mitima gy'abantu era terwali lwakukaka nga bwemuzitusibako ensangi zino naye lwayitawo lwa maanyigabantu.

Mu mwaka gwa 2015, yatongoleza ddala okuyitibwa kwe ng'akola ekibiina eky'obwannakyewa kyeyatuuma Kaleke Kasome Foundation genda omunoonye ko ku mutimbagano.

Mu miramwa kw'atambuliza foundation mulimu okukabasanya abatanneetuka, okusobya ku batanneetuuka wamu n'okwegadanga n'abateeyagalidde, okuzaalira mu masomero n'embuto eziteeyagaliddwa nga n'okuziyiza mukenenya takulese bbali.

Hasa ngenda kumugamba ayongere ko n'ekikolwa eky'okusulika ennenge oba okubuuka embawulo ekisezi mmwe kyemuyita ebisiyaga kati abaanabaliwo.

YENZE SSEKANYUMIZA WO KU LW'ENKULAAKULANA YA BWINO W'EGGWANGA.

22/03/2024

ENGERI EBIRAGALALAGALA GYEBIKOSEZZAAMU ABAANA B'EGGWANGA KU MULEMBE GUNO OGWA BANNAKIGWANYIZI

Fred Kasavu ng'ono ye mutabani w'omugenzi Nakabiri Evelyn omuyimbi eyamanyibwa ennyo nga Evelyn Lagu, gwenkozesezza okukiikirira emitwalo n'emitwalo gy'abaana aboonooneddwa ebiragalalagala n'ebitamiiza eby'enjawulo.

Gw'olaba mu bifaananyi ow'okusatu ye Tony Lagu munnansi wa South Sudan eyali bba w'omugenzi Evelyn.

Okukozesa ebiragalalagana oba n'ebitamiiza ebiyitiridde, kiva ku ngeri nnyingi. Okugeza ng'okuyita mu mbeera ey'okusoberwa eka ne mukibira, bangi wano ekibajjira mu bwongo okusinziira ku kunoonyereza kwange, kubeera kweggyako ng'enjogera ya ghetto bweri. Okweggyako, okusiimuuka oba okwekubya, kitegeeza kukyusa ku bwongo n'ofuna endaba y'ebintu empya olwo weerabire ebikadde.

Omwana gwenkugambyeko Fred Kasavu, yafiirwa nnyina ku nkomerero y'omwaka oguwedde, nnyina yeyali buli kimu kye, ekitegeeza nti ateekwa okuba na bingi by'ayitamu ekyamutuusa n'okuddusibwa mu rehabilitation kiyite ekifo awaddaabululirwa abakoseddwa ebiragalalagala. Jjukira tutunuulidde ngeri biragalalagala gyebikosezzaamu baana abali mu myaka gy'oyo gw'olina ewaka na biki ebireeta kino.

Obuteefiirayo bwa gavumenti ku biki ebitundibwa kyere ku katale k'eggwanga, nga n'ekitongole ekikakasa omutindo ki Uganda National Bureau Of Standards (UNBS) stamp ekukasasa kibula okukusundikira ensindikire nga tekirabye na ku sample ya bya maguzi by'okola ggwe kasita oweereza ensimbi okuyita ku mobile money.

Kale nno kkampuni za ba yinvesita nnyingi ezikola wano ebikuba nga bwebiyitibwa mu ghetto eyo, naye ng'omutindo gwa byo ssi gwa buntu. Situgaanye kkampuni yo ekola biggyako muntu oba ebikuba, naye okukubwa ssi musango nti oyo azze okutamiira muweere ddala ekyo kimukutula na magulu akageri k'ali nti akola kivve nedda!

Wano nno gavumenti yaffe ebeera ng'eyeekobaana ne bannamakolero bano okugeza ng'abayindi n'abachayina, okwonoona obwongo n'okutta ebitundu by'abantu eby'enjawulo okugeza ng'ebibumba n'ensingo olwo gavumenti esobole okufuga abantu abatalina biseera bya mu maaso balugoojamye abatasobola yadde okubeerako n'ekyamakulu kyebakola newankubadde okukozesa obwongo okusimbira ekkuuli abafuzi abafuga eggwanga mu ngeri yabwe bo gyebalyagalamu nebweba ekosa abaliwangaaliramu. Omulamwa gwenkutte guno nkyagugaziyiza ddala, nkulage abali mu malwaliro olw'ebyokulya ebitundibwa ku katale ssi bitamiiza byokka, ng'ate kino kikolebwa mu ngeri ngenderere kiriko omuseesa, emisolo givaako mingi ddala naye obulamu bw'abantu bugenda buli lukya.

NKOMAWO N'EKITUNDU EKIRALA.

YENZE SSEKANYUMIZA AMANSA BWINO

21/03/2024

KEEPING THE EYES ON THE PRIZE

Mubagambe tujja tujja. The inaugural press conference of my different language books launch is coming soon.

Do you remember? Onakumbuka? Ojjukira? I remember Nimekumbuka Nzijukira. Do you know? Onajua? Omanyi? I know Mmanyi Nimejua.

HAVE YOU NOTICED THAT LUGANDA LANGUAGE IS RICHER THAN ENGLISH?
YENZE WRITER
YENZE LINGUISTIC

So many people wonder why I chose to use Luganda language yet I'm good at English, it's not just because I belong to Luganda but it's an awesome language I would wish to push to greater heights.

FOR GOD AND MY COUNTRY

YENZE SSEKANYUMIZA AMANSA BWINO

21/03/2024

EBIRWA BYERABIRWA AMALUSU GAFUUKA ENGEREGEZE. LEKA NENKUJJUKIZA SSENTEBE EYAFA AMATANKANE NG'EMPALE Z'ABASEVENI

Emyaka gikunuukiriza okuwera ena (4) nga ssentebe wa LC5 mu district ya Kayunga Muhammad Ffeffekka Sserubogo asangiddwa ku muguwa ng'alengejja. Kino kyaleka bangi nga banyamaaliridde bebuuza kiki entabwe kweyinza okuva.

Encukwe eno yabuna Bugerere n'eggwanga lyonna okutwalira awamu nga bawuniikiridde, kyokka oluvannyuma poliisi yavaayo n'esalawo eggoye omuwabutwa lyeyasalawo e Bubiro, nga wano yakalambira nti ssentebe yeggya yekka mu budde sso ssikutugibwa batamanyangamba.
Kino nno nakyo tekiyinza kukuleka luviiri ku mutwe, kubanga wewuunye omuntu eyalafuubana okutuuka ku lyengedde okumala ebbanga ery'emyaka egisoba mu 20 nga tabotola ate aggyawo atya obulamu bwe nga ky'ajje atandike okukwata ku musaala omusava omwezi gumu gwokka!

Muhammad Ffeffekka Sserubogo eyali yaakalayizibwa ng'awangulidde ku ticket ya kibiina ki National Unity Platform (NUP). Yasangibwa ku nkya ng'alengejja ku muti olwo nga lumazeemu amazzi, anti bagamba nti lulina amattire ggw'ate olaba lutta ne kagulu atafa!.

Oluvannyuma lw'okukubagana empawa ku nfa y'omugenzi eyali ayambadde ekkanzu kyokka ng'aliko n'obuvube obwali bumutambuza n'omuggo, yawalampa atya omuti nekkanzu ye n'etagubako yadde?. Bino byonna abakugu baabiyiwamu amazzi era bwebaakinogaanya olwatu nti ebyazuulibwa byali by'oleka nga ssentebe ono yali yeggya yekka mu budde.

Omutonzi y'atusinga okumanya, kiki ekiyinza okuba nga kyatanula ssentebe eyali atobye ennyo ng'anoonya okufuna ekifo ky'obukulembeze enfunda eziwera mu bitundu by'emukono eyo wabula ng'agwa n'enkoona n'enywa, ate okwetuga ng'atuukirizza ekirooto kye!. Eky'amazima ebibuuzo nkumu newankubadde nga byo eby'okuddamu byeveera ng'enva nnakati.

Ani yali kalunsambulira ng'ekitooke kya Kibuuka?. Abatuuze olunwe balusonga mu munna NRM eyeefuula Bbereeje oluuyi olwo Moses Karangwa. Mbu ono tanyaguludde ttaka lya bantu bitooke byebigwa, mbu yandiba ng'ensonga eno okuva Ffeffekka kati embuyaga ezikaza ezambalwa lweyagisinya ko, emberebezi weyava kutuuka kwenenulira kakyali na kwezaalira kalimu buwuka. Okukkakkana nga musajjawattu ateereddwa mu kingaangaali alindigguddwa eri ng'ekijolya.

Obwenkanya mu ggwanga lyattu Uganda bwafuukira ddala lufumo era oluvannyuma lw'akaseera mpa wekaaga, akalulu k'okujjuza ekifo kino kaakubwa. Naye vvulugu eyali mu kali hoooo talabwanga. Kale bwebityo byafundikirwa munna NRM Muwonge eyali tafaanana kubeera yadde n'obuwagizi obw'ebitundu 25%, mwattu nga Mukama amusobozesezza okukawuuta obuva n'awangula munna NUP omukyala Harriet Kafeero Nakwede.

YENZE SSEKANYUMIZA AMANSA BWINO ✍️👈

21/03/2024

MITEMBO..................

21/03/2024

OMUNIGERIA ASIBABIKUTUKA!
EKIRWADDE KY'ENSIGO KIMUMALAWO

Amaechi Muonagor omu ku bazannyi nnakinku aba firimu ezakazibwako eKinayigeriya mujjukirire nnyo mu 2 Rats n'endala.

Embeeraye ey'obulamu eyongedde okutabuka ng'ate ensimbi emwekubyampi n'asaba abazirakisa okumudduukirira. Ekiseera kibadde kiwanvu ng'omukulu ono ali ku ndiri, kyokka gyebuvuddeko munywanyiwe John Okafor eyakazibwako erya Mr Ibu yavamubulamu bw'ensi olw'embeera y'ekirwadde kya ssukaali wakati mu bwavu obwamuteeka mu nnaku eyoza lumonde.

KIKI EKIRINA OKUKOLERWA BANNABITONE B'AFIRIKA ABAFUNDIKIRA NGA BALI MU MBEERA Y'OKUSOBERWA OLW'AKATUUBAGIRO K'EBYENFUNA OLUVANNYUMA LW'ETTUTUMU?

YENZE SSEKANYUMIZA AMANSA BWINO

20/03/2024

YAZAALIBWA MU GGWANGA LYA CHAD N'ATUUMIBWA CHAD GEORGE SIMPSON GGWE GW'OYITA MR G

Nnina story Mr G ono gyeyannyumiza ngazze mu Uganda mu mwaka gwa 2013. Okutuusa na leero ssinnalaba international celebrity mukkakkamu nga ye.

Kyamukisa mubi nti yali yaakatuuka mu ggwanga nengwa ku kabenje akammenya okugulu, naye era yasigala ankebera ngayita mu bubaka.

Bweyatuuka kuno twatongoza video y'oluyimba lwa bwe ne Bobi Wine lwebaatuuma Thilthy rich mu club ex'enjawulo nga Silk ne Venom. Naye ekivvulu kyokuyamba abantu ekyali mu Cricket Oval baakikola ndi mu miggo ssitambula.

Mr G yayagala nnyo Uganda era nkimanyi alidda n'asenga kuno. Okusunziira ku kumanya kwange, Mr G yagula ettaka mu bitundu by'e Najjeera n'afuna n'omukyala eyakola nga ku NBS TV gwessigenda kwatula mannya. Ayinza obutabeera wa ttutumu nnyo naye y'omu ku bayimbi abasinga obugagga e Jamaica. Munnansi wa Jamaica eyazaalibwa wano mu mambuka e Chad. Chad erina abantu obukadde 16, eri wakati wa Sudan, Cameroon, Nigeria, Libya ne Nigeria.

YENZE SSEKANYUMIZA AMANSA BWINO

20/03/2024

KITALO!

MUNNADDIINI EYAWOMA OMUTWE MUKUZZAAWO AMASIRO AFUDDE

Omubiri kisaka ekibaamu kyekikulya, Kitaffemukatonda Bishop Micheal Ssennyimba agenze eri kitaffe.

Ono yaliko omulabirizi wa Mukono era ng'abadde aweereza mu ddiini kyokka nga muwulize eri Nnamunswa. Musajjawakabaka Ssennyimba ajjukirwa nnyo mukutakabanira ekitiibwa kya ba Ssekabaka nga kino kyayolesebwa bweyali omusaale mukuzaawo amasiro g'eWamala, awamu ku bifo ba Kabaka ababeera bakisizza omukono gyebeegeka oluba. Bishop Ssennyimba w'afiiridde nga y'omu ku ba mmemba ba Kabaka Foundation, ogumu ku mukutu ogutuusa obuweereza eri abantu ba Buganda naddala abo abalina obwetaavu obusingiridde.

GUTUSINZE NNYO SSEBUWUFUBWANGO.

OMWOYO GW'OMUGENZI LUGABA AGUWE EKIWUMMULO EKY'EMIREMBE.

YENZE SSEKANYUMIZA AMANSA BWINO

19/03/2024

OWA BODA BODA AKOLOBODDE MPENKONI AKIGUDDEKO, ATANZIDDWA KKUMI GYABULIWO (100,000) SHS

Omuganda agamba nti bukyambirya omunya guggyira ku nju, omanyi eminya gyagala nnyo essubi era bwegubeera mu ssubi waggulu ku kasolya gweyagala nga bulago bwa Nkoko butasibwamu muguwa, kyokka eby'embi enju bwekwata omuliro nagwo gufiirayo mu kasolya.

Kale nno bwegutyo bweguli ku bagoba ba boda boda bano, baagunjaawo omuze gwokuyita awatayitwa gyebawunzikira nga bakolobodde emmotoka za bandi n'oluusi okutomera abatambula amakubo ga bwe olwo nebafunya kakokolatondekannyuma. Bannanyini mmotoka abamu babeesonyiwa, naye ono olwaleero abadde avuga Toyota Land Cruiser UBD 436U, alinga abadde yalidde omutaama.

Bibadde ku luguudo oluva mu kibuga Kampala okwolekera Jinja, ng'owa boda boda n'owa Land Cruiser bezooba.

YENZE SSEKANYUMIZA AMANSA BWINO

19/03/2024

LONGEVITY "OBUWANGAAZI"

PEPE (PORTUGAL FC PORTO 41)
CRISTIANO (PORTUGAL ALNASR 39).

19/03/2024

EMYAKA 22 NGA CRISTIANO (GOAT) AKYUSA EKIFAANANYI KY'OMUZANNYO GW'OMUPIIRA GW'EBIGERE. KIBADDE KISEERA EKIFUMBEKEDDEMU OBULUMI N'OKUNYUMIRWA, OMUNGEREZA AKIYITA "FULL OF AGONY AND ECSTASY"

19/03/2024

WHAT A SUPER TALENT!

ALEJANDRO GERNACHO.

19/03/2024

"IF YOU DON'T HAVE BELIEF IN YOURSELF, YOU'RE TWICE DEFEATED IN RACE OF LIFE" NZE NDOWOOZA TOLINA KY'ONGAMBA

18/03/2024

LWAKI DA TWINZ YEEYUBULA OKUFUUKA GANDA BOYS

Ssekanyumiza wuuno amansa bwino gyebiriggwera nga twawudde abalenzi ku basajja. Anti togenda kubisanga walala wonna!!!.

Denis Mugagga ne Daniel Ssewagudde, mu kusooka baali mu Cultural beat band eyo gyebaava nebatondawo ekyabwe D N'D, ekiggwayo nti Dennis and Daniel. N'oluvannyuma nebafuuka Da Twinz ggwe mwewabamanyira.

Baataandika n'oluyimbalwabwe lwebaatuuma Nakafeero, era ssebo luno lwabaweesa n'olukusa okuyimba ku mbaga ya Beene ne Maama Naabagereka mu mwaka gwa 1999.

Mu 2000, ababiri bano baayingira eggwanga lya Bungereza okunoonya obulamu obukira ku bwakuno. Baasookera mu mirimu gya wansi, gambanga okulongoosa wofiisi n'okuyooyoota empya z'abantu nga kw'otadde n'okubudaabuda abakadde ate oluusi nebaweerezaako ne mu Macdonalds nga kino kirabo kya mmere.

Embeera y'obwavu bweyagenda ng'ekuba ku matu, abakulu bano baagenda mu maaso nga bugolo n'emisomo gyabwe okwongereza kw'ebyo byebaali bayize mu Namasagali College. Denis yagenda mu City University ate Daniel ye mu Middlesex University.

Ssiikulwiseeyo, abaakuyimbira Nnafunye nze omwana, Kitundu, Ndeku, Zindola, Ssente, Dembesa. Okusalawo okweyubula okuva mu Da Twinz bafuuke Ganda Boys. Kyaddirira BBC TV okulonda Dan ne Denis mu mwaka 2008 nga bannaYuganda beeyagala beetabe mu film eyatuumibwa Moses Jones eyafuluma mu mwaka gwa 2009. BBCTV yawabula Da Twinz nti erinnyalyabwe Da Twinz, lyali teriggyayo bulungi kifaananyi kya bantu bebanoonya mu film Moses Jones era ekyavaamu kwekufuuka Ganda Boys. Film eno yateekebwa ku lukalala lw'ezo ezisinga eBungereza mu mwaka 2010. Okukola Ganda Boys, beegattibwako omukugu mu byuma n'ebivuga nga ssi mulala wabula munnansi w'eggwanga ly'America naye ng'awangaalira Bungereza, ono ayitibwa Craig.

Kino kitegeeza nti Ganda Boys tetegeeza Da Twinz, kubanga Ganda Boys esukka Da Twinz eyali eya ababiri Mugagga ne Ssewagudde.

Oluvannyuma lw'ebbanga erisoba mu myaka ekkumi nga bali ku mawanga, Mugagga ne Ssewagudde baakomawo kuno. Olw'omwoyo gwa Buganda ogutafa, bano baasalawo ekivvulu kyebaasooka okutegeka bakikolere Ssaabasajja Kabaka okumuyozaayoza nga bamuteekerateekera mazaalibwage ag'emyaka 58 egy'okuyuuguuma agaali gabindabinda. Bino byaliwo mu April wa 2013 nga maama Naabagereka yeeyaliwo ng'omujulizi.

Wansi wa Ganda Foundation, ekibiina kyabwe mwebayita okusakira abo abataliiko ayasiriza. Mugagga ne Ssewagudde, baakyalira amasomero n'amalwaliro e Lugazi mu district ya Buikwe era nebaleka ng'abaayo bazina gunteese, anti ng'ebikozesebwa okujuna abalwadde ate n'ebiyamba abayizi okuyiga obulungi bibali mu ttaano.

Mugagga ne Ssewagudde, okuyimba baalinnya mu kyawakati, nebakkaanya bukuyege ne Craig essira balisse kukufumba (production) n'okuyamba ku bannabitone abalala.

TEEKAWO EKIBUUZOKYO KU MULAMWA GUNO TWEYONGEREYO.

YENZE SSEKANYUMIZA AMANSA BWINO

18/03/2024

OLUYIMBA KABAKA WAFFE OLWA UNCLE PALLASO LUWEDDE, MUZEEYI MAYANJA MU MAZINA YEEGIRIISA NG'EKIGOTTA ENTULA

18/03/2024

"If you hear the whites talking well about me, you just know that I betrayed you" bigambo bya freedom fighter eyali munnansi wa Mozambique kati omugenzi Samora Machel

NAYE LWAKI BA NRM BEBASINGA OKUWOLEREZA OMUBAKA MATIYA?

YENZE SSEKANYUMIZA AMANSA BWINO

18/03/2024

YIINO STRUGGLE LUMIIMAMAWUGGWE, KAABULINDIRIDDE NGA NKONGE YA KU KKUBO BWETAKUKUBA MAGENDA EKUKUBA MADDA

EMBOOZI YA GRACE WALUNGAMA EYUNGULA N'EMMANDWA EZZIGA 😭.

Ono ye makanika w'emmotoka e Lungujja Kosovo eyakubwa amasasi mu kifuba ng'afukamidde.
Bino byajja bitya?. Abantu mu bitundu by'eggwanga eby'enjawulo balaga obutali bumativu bwa bwe ku kukwatibwa kw'eyali omubaka wa Kyaddondo ey'amaserengeta mu kiseera ekyo Robert Kyagulanyi Ssentamu. N'omuvubuka Walungama Grace mweyaserengetera ekalannamu etagenda badda.

Entabwe yava ku baserikale kuteebereza makanika ono nti y'awa abeekalakaasi ebipiira okwokya, abaserikale bwebaamutuukako, Walungama yafukamira wansi yeewozeeko wabula nga buteerere. Omuserikale yaggyayo emmundu ekika kya AK47 n'amusindirira ebyasi mu kifuba ne ku nsingo bwatyo n'aleembalemba olw'ekaganga.

YENZE SSEKANYUMIZA AMANSA BWINO ✍️👈

18/03/2024

SPARE PARTS WA PIKI PIKI TUMUTUUSIZZA OKUVA EBUYINDI, CHINA NE JAPAN. TUSANGIBWA WA KISEKKA, E BUKOTO N'EKISAASI. OYAGALA KAMU KAMU OBA KUSUUBULA OTANDIKEWO BUSINESS? TUTUUKIRIRE KU 0702563400, 0773513160

18/03/2024

OMULIRO GUKUTTE ESSOMERO E KANGULUMIRA

Amawulire ga nnaku enkya ya leero eri abayizi, abazadde, abasomesa na bonna abaagaliza essomero lya Fatihi Islamic primary erisangibwa e Kangulumira mu district ya Kayunga.

Mu kiseera kino eky'ekisiibo, omuswiiba gubagwiridde neguleka nga bingi byonooneddwa. Tubasabira Mungu abasomose ekiseera ekizibu kino mwebayita era nga tukubira omulanga abakulembeze b'ekitundu okudduukiriranga wamu n'okukwasizangako ku bazadde n'abayizi mu mbeera eno eriwo kubanga omuliro mu masomero baafuuka baanabaliwo okuviira ddala ku nsonga za Buddo 2008.

GUVUDDE KU KI ERA GUKOSEZZA KYENKANA WA, YE MBEERA KI EBADDEWO MUKUZIKIRIZA OMULIRO?

MU BUJJUVU BIRINDE.

YENZE SSEKANYUMIZA AMANSA BWINO

18/03/2024

LEERO MU BYAFAAYO

GIWEZE 20 BE DDU BUKYA OMULANGIRA SSUUNA ASUUBIZA JOANA OKUMUZIMBIRA E BULAAYA ENNYUMBA KKALINA AWANDIIKEKO ERINNYA JOANA.

W'olabira bino nga Joana ayogerwako awangaalira ku bizinga by'e Buvuma gyeyafumbirwa emyaka mwenda (10) egiyise.

YENZE SSEKANYUMIZA AMANSA BWINO

18/03/2024

GLORY GLORY MAN UNITED

18/03/2024

OMUSOMESA OMUSANYUSA NG'ALI N'OMUSOMESA OMULANZI

Engeri Prince Paul Job Kafeero gyeyayongera ebirungo mu mulimu gwe n'akira munywanyi we era omu ku baali bakamaabe Herman Ssemakula Basudde Omulanzi.

Ababiri bano bombi ekitone Lugaba yabaweesa ebiri, naye ebirabo bino gyebuva negyebulaga byawukanira mu ngeri oyo akiweereddwa gy'akikuttemu. Kafeero eyakulira mu buyinike obw'ekitalo, yakula akimanyi nti omuntu abeera n'ebinyigiriza ku mutima n'olwekyo tasaanye kukoma ku kusomesa naye ate n'emmeeme ye okukuba jjebe oba kiyite okusanyuka kikulu nnyo. Wano nno nebweyajjanga ku stage ng'agezaako okugatta okusomesa n'okukyamula okwo bw'ogattako obulungi bw'eddoboozi endabika n'enkula ye eyali teboola kika kya lugoye wamma ggwe negubula asala mu ngeri y'olusala ekyayi luwa munyeera kusaasaana.

Omugave Herman Ssemakula Basudde ye amaanyi ge gaamuli mukufumba, bweyayinngiranga ekiyungu akuteekereteekere eky'amazima watandikanga okwesunga ekyo ky'agenda okukujjulira nga nekulujjuliro tekinnatuuka. Yali mwami waakasunguyira mu butonde era akamwenyumwenyu ku bwenyi bwe tewamalanga gakasangako okwefaananyirizaako kiri kyebagamba nnantalabikalabika ng'ekimuli ky'endaggu oba ziyite enseko za Wankoko, okwawukanako ne Kafeero eyatunuzanga essanyu naddala ng'amalirizza okukongojja Omumbejja Nnamaalwa, Basudde naye teyali mubi ukutabaaza endeku engunda, naye ye nebweyeesiwanga amagengere ng'era tamalagakyamuka.

Bwewekenneenya ennyimba za Kafeero, mazima ddala ojjakukkaanya nange nti yali musomesa atageraageranyika ku muntu mulala yenna wansi w'enjuba, yalina na kiri Omungereza ky'agamba nti ''work without play makes Tom a dull boy''. Wakati ng'ali mu kusomesa akusonsekerawo engeri ya Katemba, twala eky'okulabirako kya ''Nantabuulirirwa'' olumu ku nnyimba za Kafeero ennyingi ezitaliva ku mulembe kubanga zituukirira ku mirembe gyonna, akulaba ogoberera by'ayimba bikukutte ogw'akatiko ntegeeza omugamba, n'akuteekeramu nti ''wano olulala wadda na lubeere ng'ejjudde obugule obwa Uganda Waragi, ye ggwe wali ogutwala luddawa eyo, lwaki tewagunteresa nengutereka eka, ate kati awo nno mmwe musekamu ki?''. Bweyatuulanga okuyiiya yalowoozanga nnyo ku muwagizi we era n'amubalirira w'anaafunira mu nsimbi ye gy'asasula ku mulyango.

Ng'oggyeko olulimi omungereza ky'ayita literature Kafeero kyeyalina ng'ekirabo eky'enjawulo ky'otayinza ku mugeraageranyizaako muyimbi mulala yenna kubaaliwo, oabaliwo olwaleero oba oli awo n'abo abaliddawo, nga nange gw'ogoberera n'osiima ensengeka y'olulimi ssebo nzaalibwa Kafeero ono ennyimba ze zinsomesa kinene era zimpa okubangulwa mu lulimi buli lukya. Kafeero yalina ekirabo ky'eddoboozi ate ng'alina mu by'okuyimba kyetuyita harmony, bannange yali awoomesa oluyimba. Kino nno kyekyamusobozesa okwewagaanya mu basajja enjasabiggu ng'omusawo akuba emiggo abaali abakulu mu myaka okumusinga ate nga bayimbidde n'abantu okumala akabanga, ba Basudde ne Kasozi abaali beegulira edda ebifo mu mitima gy'abantu.

Okutabagana kwabwe kwateekawo essuula empya mu kisaawe ky'ebyokuyimba by'eggwanga, bonsatule baakola kyebaatuuma ''Music Triangle'' giyite Sumbuusa ya bakirimegga Kafeero Basudde Kasozi, nga bakulu be bano nebwebaafunamu okusoowagana nga bw'okitegeera nti mubulamu okukubagana empawakubeerawo, Kafeero yalwana masajja n'abaddinganya anti ab'oluganda bita bwebikoonagana tebyatika era abaami bano okutuuka okuggwebwako akatazi tukiyite okufa, baali bamikwano nga gubasaza mukabu enswa nnene.

Ekitundu eky'okubiri nkireeta olwaleero mu budde obwa mayimbulambuzi, ate twongere okubambaga nga bwenkuzibula amaaso nkulengeze ewala n'eyo gy'otaali anti bulijjo ekiri ewala mpenduzo y'ekiggya amalusu ga nnyazaala wo ogalabira ku mmindi.

EMYOYO GY'ABAGENZI LUGABA AGIRAMUZE KISA, BAALI KYAMUWENDO NNYO GYETULI NG'EGGWANGA BUGANDA NE UGANDA GATTAKO AFIRIKA OKUTWALIRA AWAMU.

YENZE SSEKANYUMIZA AMANSA BWINO

17/03/2024

KATWEJJUKANYE OLUNAKU MWAMI MUSEVENI LWEYAGULA EMYOYO GY'ABAKUNGU B'EMENGO OKWALI OWEK KALOOLI PETERO MAYIGA, BETTY NAMBOOZE NE MEDARD LUBEGA SSEGGONA

EKIKOLWA KINO KYAYISIBWA MUKUWAMBIBWA EMYAKA 15 EGIYISE, NAYE NG'EBYALI EMABEGA W'OLUTIMBE NDEETA GGWE KKALIRA..................

YENZE SSEKANYUMIZA AMANSA BWINO

17/03/2024

"SSIRINA ANANTWALA MAAMA, SSIRINA ANAMBIKKA.........."

Oluvannyuma lw'okufiirwa bakyalabe nga bwennakunnyonnyola mu kitundu ekyasooka, kitaawe w'abaana ekkumi n'omu (11). Yawuula talina mukyala mu makaage gy'awangaalira e Kibuli.

Babiri (2) ku baanabe baayingira ekisaawe kya kitaabwe mw'akulungudde emyaka 47, bano bakommonta emigwala oba emirelere era gwegumu ku mukululo oba oli awo Papa Moi gw'anaaleka. Bweyava mu Crane band gyeyali ayimbira ne banne mu 1969.

Matovu yeegatta ku Eclaus Kawalya kitaawe wa Joanita Kawalya Muganga Music nebatandika ekibiina kya Africa Go kiyite Afrigo band mu mwaka 1977, kati emyaka 47 egiyise.

Eclaus Kawalya, kati mugenzi naye muwalawe Joanita emirimu gya kitaawe agitwala mu maaso nga bugolo, wansi wa Moses Matovu omu kubatandisi b'ekibiina kino ekisinga obukulu mu ggwanga nga kati ye mukulembeze owokuntikko. Okukuzzaayo ko emabega mu 1970, Matovu yakola oluyimba Lwe olwasooka lweyatuuma Jimmy saasira.

Agamba nti mu myaka egyo, okuyimba kwetoolooleranga ku byabufuzi mbu kaabula kata ayimbe olulimi oluyindi, naye omukulembeze weggwanga ow'ekiseera ekyo Idd Amin Dada, bweyagoba kuno abayindi ekigendererwa kye nekifa. Yakyusa n'adda mu Rumba (amazina g'aba Congolese) geegaaliko ng'enjogera y'ennaku zino bweri.

Mu 1977, Afrigo yayimba ku mbaga ta Kabaka mu 1999, 2016 Ssaabasajja Kabaka yasiima band eno. 2017 baakola ekijaguzo ky'emyaka 40. Mu 2019 Afrigo yakola oluyimba Teri mubi ne Dr Jose Chameleone omu ku bayimbi ab'amaanyi mu ggwanga.

Afrigo band etebenkedde mu maka gaayo Club Obligato eyali Bat Valley bar mu 1974 webaasisinkanira okulonda erinnya lya band eno Africa Go oba Afrigo. Club Obligato esangibwa mu Kampala ku luguudo lwa Bombo.

Emiziro.
Katonda yakola omukwano.
Endongo ya Afrigo (Endongo Ssemadongo).
Amazzi g'ennyama n'endala ntoko ezinyumira abadigize.

OLINA EKIBUUZO?.......
KITEEKE KU MUKUTU TUKYANULE.

YENZE SSEKANYUMIZA AMANSA BWINO

16/03/2024

NGA BWETULINDA EBIVA MU BIGEZO BYA SSENTEBE IGNATIUS KOMU BYEYAWADDE ABASOMESA, ARSENAL MUSONGOLE EKKALAAMU ESSAAWA YA EXAM ESEMBEDDE

16/03/2024

''MAJ GEN KAZINI YEEYAWA SOUTH SUDAN INDEPENDENCE NAYE KYANNAKU TEYALABA KU MUKOLO GW'AMEEFUGA''

Wuuno bwino ku musajja oMusongora ow'eBukonzo eyakulira e Kiruhura. Mu mwaka gwa 1996, eyali ku ddaala lya Colonel munnamagye ffugge. James Kazini. Yakulemberamu olulumba nebakola ambush mu Kaya Sudan kaakano ekisangibwa mu South Sudan.

Nebatta bannansi ba Sudan abasoba mu bikumi ebibiri (200) nga kw'otadde n'okukwata abalala kikumi mu ataano (150). Yogaayoga mu barracks y'e Makindye. Bano baggyibwa e Makidye nebawanyisibwa ne bannamagye ba UPDF abaali bawambiddwa Sudan Army Force ryali eduumirwa Gen Omar al Bashir eyali omukulembeze wa Sudan ey'awamu.

Ambush ya Colonel James Kazini eno, yeeyaleeta obuvumu n'okukkiriza nti kalintalo Bashir yali asoboka era okuva olwo aBadinka ne South Sudan People's Defence Force (SPLA). Baayongeza omuliro ng'enjogera y'ennaku zino bw'eri, anti kazini yali amalirizza okunyeenya mu nkonge gyebaali baatya edda okwenganga.

James Kazini, yamanyibwa nnyo ng'omusajja ateerya ntama. Yali tanyigirwa mu nnoga era n'okusalawo buli mmotoka ya magye okufiirwa langi eya kiragala. Kyali kirowoozo kye, tujjukira ne eyali mukama we Gen Elly Tumwine eyasooka okuwakanya langi ya kiragala eno, kyokka ng'oluvannyuma yapondooka n'akkiriza.

Kazini bweyakomawo okuva mu lutabaalo luno. Omuduumizi w'eggye ow'okuntikko ng'era ye mukulembeze w'eggwanga Uganda, Gen Yoweri Tibuhaburwa Kaguta Museveni, yamuyita mu nsisinkano eyali e Gulu, n'amwebaza nnyo olw'okuwoolera eggwanga ku basajja abaali ab'obulabe ennyo Museveni beyali yakazaako e lya Khartoum Soldiers.

Kyokka ebyo byonna okubaawo. Nga omulwanyi ono yattibwa dda mu ngeri ya SCIENCE. Bweyali eyo binywero by'ennamuwongo. Emyaka 14 ng'atuuse e Bulundambogo gy'ali mu kutambuza omugongo ng'obwato.

EKITANGAALA EKY'OLUBEERERA
SSEKANYUMIZA AMANSA BWINO KIMWAKIRE

YENZE SSEKANYUMIZA AMANSA BWINO

15/03/2024

KITALO!

Ng'ettemu lyemmundu likyakutte wansi ne waggulu mu ggwanga lyattu Uganda, ne mu South Africa kissakinegula anti mutabani wa munnaYuganda eyeepaatiikako erya Kojja Omugezi, mu kiro ekikeeseezza olwaleero baabuwe alumisiddwa ekivu n'aserengeta ekingibantu.

Ensonga enviiriddeko musaayimuto ono okulugulamu obulamu, twabakanye dda n'eddimu tulabe butya bwetugigwa mu buwufu, kubanga bulijjo akabi tekabula musombi Kajabaga yasomba aBaganda. Nkwataganye butereevu n'ensonda ezeesigika okuva mu ggwanga lya South Africa. Byonna mu bujjuvu njakubikutuusaako nga bw'eri nkola yange.

OMWOYO GWOMUGENZI LUGABA AGULAMUZE KISA N'ABENGANDA ZE ABASIBE EBIMYU.

YENZE SSEKANYUMIZA AMANSA BWINO

15/03/2024

ENGERI RCC WA RUBAGA ANDERSON BURORA GY'ATWALIDDWA NGA NABUJI SSI MUFUNGIZE

15/03/2024

Address

Kampala

Telephone

+256750780756

Website

facebook.com

Alerts

Be the first to know and let us send you an email when Ssekanyumiza Amansa Bwino posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ssekanyumiza Amansa Bwino:

Videos

OLWALEERO NKYADDEKO KU AGALIWO YOUTUBE CHANNEL. GENDAYO OLABE FULL INTERVIEWS. YENZE SSEKANYUMIZA AMANSA BWINO

SMART ANALYSIS FROM SSEBO #ssekanyumizaupdates

ABASAJJA TWABAVAAKO MWANATTU...

MAAMA MUNNANGE ABASAJJA OBALABYE?, TWABAVAAKO DDAAAA.

EVELYN WAS AN EXPENDABLE ON THE MICROPHONE AND SO CALM IN HER REAL LIFE, MAY HER SOUL REST IN ETERNAL LIFE 🙏.

OBALABA 👇 TWABAVAAKO DDAAAAAAAA.

KYOKKA BANNANGE MUSEVENI KY'ATAKOZE MU GGWANGA LINO.

ABASAJJA BALI LUNO! OBA MMERE KI GYEBALYA TUGYESONYIWE....

TWABAVAAKO DDAAAAAAA.....

TOSAANYE KUSUBWA NJIRI YA MUSUMBA MUGISHA EYA SUNDAY...

OMUPAASITA AGAMBYE ATYA?

NAYE OMWANA MAYINJA YATEGEERA UNCLE BEBE BANNANGE!🤣

OMUGANDA AGAMBA NTI NDIFANAGANGE OMUKADDE KU NSOGASOGA, NAYE YE EVELYNE AFUDDE N'EDDOBOOZI LYE. LUNO LWE LUYIMBA LWEYASEMBAYO OKUYIMBA JJUUZI.

UNCLE WEASEL YALOKOKA DDA BW'ATI!

ANOONYA EKIREVU KU LAYISI N'OKUGOBA EKIWALAATA OTUUSE.

ONO YETAAGA OKUKEBERA OMUTWE E BUTABIKA OTHERWISE GY'ALAGA SSIBIRUNGI, MU KIFO KY'OKUBUULIRA ENDIGA ENJIRI ODDAMUKUWALAMPA BANTU....

SSEBO DADDY NUP ENGOMA ERI MU TORONTO E CANADA TUSONYIWE OKUKUGERAAGERANYA KU BUYIMBI BWA KUNO, KINAJJUKIRWA NTI WALIWO EZIKOLEBWA E MAKINDYE NEZITASOMOKA MAKINDYE...