Saluti5.com

Home
Tanzania
Dar es Salaam
Saluti5.com

Saluti5.com .Habari moto moto za Michezo,Burudani na Maisha. TEMBELEA www.saluti5.com. Website ya Habari Tanzania

28/08/2024

AYA 15 ZA SAID MDOE: KIINGILIO KINYWAJI KIMEPUNGUZA IDADI YA VIFO VYA BENDI

Bahati mbaya au nzuri wamiliki wa bar na kumbi nyingi wamebadili mfumo wa biashara, hawataki tena kuwakodishia ukumbi mapromota au wenye bendi na badala yake wao ndio wamegeuka kuwa waandaaji wa maonyesho.

Mfumo wanaouona kuwa salama kwa soko la sasa ni kutumia njia ya kiingilio kinywaji.

Wanazilipa bendi na kisha wanaongeza bei ya vinywaji huku mlangoni shabiki akipita bure au kwa kununua kuponi ya kinywaji.

Mfumo huu haujawaangusha wenye bar, unawalipa vizuri na hawatamani kabisa show za kiingilio cha pesa kwa kuwa wanaamini njia hiyo itapunguza idadi ya wahudhuriaji na hivyo watauza vinywaji vichache.

Kwa sasa hata bendi au promota akitaka kukodi ukumbi, basi atapewa bei kubwa sana ili kumfidia mwenye bar pale show itakapokosa wahudhuriaji.

Kwa upande wa pili, mfumo huu wa show kununuliwa na wenye bar umekuwa mwokozi kwa bendi nyingi k**a sio zote. Wanapata malipo madogo lakini ya uhakika.

Hakuna ubishi kuwa sistimu ya kiingilio kinywaji imepunguza idadi ya vifo vya bendi.

Binafsi, si muumini wa show za kiingilio kinywaji, sizipendi na naona zinachafua hadhi ya bendi na zinashusha thamani ya muziki wa dansi.

Huku ni kupatwa kwa dansi, muziki huu umeingia kwenye mfumo wa wenye bar na inahitaji juhudi kubwa kuchomoka. Ni kweli bar zimeokoa uhai wa bendi nyingi, lakini bado sio kwa njia salama na ya kudumu.

Jiulize ni hatua gani itafuata siku mwenye bar akiona hapati tena faida, atakushusha bei tena na tena, mwisho wa siku atakatisha mkataba.

Yakikukuta hayo katika bar zote unazozitegemea bendi yako inakufa kwa kuwa huna tena uwezo wa kurudi kwenye show za kiingilio cha pesa mlangoni.

Siku moja alinipigia simu promota mmoja wa mkoani akitaka nimsaidie kumfanyia mpango ili apate onyesho la moja ya bendi kubwa kabisa ya dansi hapa nchini. Nikafanya hivyo.

Nilipompa bei promota akatoa jibu moja tu: "Hiyo bendi hapo Dar es Salaam inapiga show za bure hadi vichochoroni halafu mimi niwape pesa zote hizo, achana nao."

Promota ameihukumu bendi kwa sababu tu ya show za kiingilio kinywaji lakini hakuangalia gharama za msingi za kuifikisha bendi hiyo kwenye mji wake.

Nilishawahi kusema kuwa bendi kubwa zisikubali kuwa na show zote za bure, zihakikishe zinakuwa na ngome angalau moja kwa wiki ambayo itakuwa ni ya kiingilio cha pesa mlangoni.

Said Mdoe
28/8/2024

23/08/2024

SASA NI RASMI DOGO RAMA MALI YA TWANGA PEPETA

Rais wa Twanga Pepeta, Chaz Baba amethibitisha kuwa mwimbaji Dogo Rama TBS amerejea nyumbani.

Akizungumza na Saluti5, Chaz Baba amesema wanatarajia kumtambulisha rasmi Dogo Rama ndani ya Twanga Pepeta Septemba 4.

"Tunafanya mazungumzo na ukumbi wa Kisuma 5G Temeke, ili tuandae tukio la kumkaribisha Dogo Rama ukumbini hapo Jumatano ya tarehe 4 mwezi ujao," ameleeza Chaz Baba.

Naye Dogo Rama alipoulizwa na Saluti5 juu ya habari za kurejea rasmi Twanga, alikiri kuwa jambo hilo limeisha na kilichobakia ni siku ya kuanza kazi.

Dogo Rama anarejea Twanga Pepeta baada ya miaka tisa tangu alipoihama mwaka 2015.

Alipitia bendi kadhaa ikiwemo Double M Plus, Ivory Band, Smart Band, Paris Band pamoja na Town Classic aliyoachana nayo wiki iliyopita.

Said Mdoe
23/8/2024

21/08/2024

AYA 15 ZA SAID MDOE: DOGO RAMA ACHA KUISIGINA TBS YAKO

Moja ya waimbaji ninaowakubali kwa uchapakazi wa hali ya juu ni Dogo Rama. Jamaa ni jembe na haikuwa ajabu kupewa majina k**a Burudoza na sasa TBS.

Jina la TBS ni kifupi cha Shirika la Viwango Tanzania (Tanzania Bureau of Standards), Dogo Rama amepewa jina hilo kutokana na ubora wa uimbaji wake.

Mwimbaji kulinganishwa na Shirika la Viwango ni heshima ya aina yake, lakini pia u-TBS huo haupaswi kuishia tu jukwaani, bali unastahili kuonekana hata kwenye upeo wa maongezi.

Dogo Rama ni k**a vile ameshaamua kuachana na bendi yake ya Town Classic, safari ya kurejea Twanga Pepeta imeiva.

Kinachosikitisha ni kwamba Dogo Rama ametumia njia ya vita vya maneno, masimango na kashfa katika mpango wake wa kuachana na Town Classic, jambo ambalo sioni k**a lina afya.

Dogo Rama ni mmoja wa wanufaika wa Town Classic, aliingia kwa mkataba mnono na bado akawa na makubaliano binafsi na mmiliki juu ya marupurupu mengine ikiwemo ahadi ya kupewa gari.

Licha ya kuimba nyimbo nyingi na Twanga Pepeta na kutunga wimbo mmoja "Mtoto wa Mwisho" pamoja na kutoa albam yake binafsi, lakini ni kwenye Town Classic ndipo ameweza kutoa 'hit song' yake ya kwanza "No Stress" hali inayonifanya niamini kuwa anapaswa kuipa heshima bendi hiyo.

Siku zote huwa nasema sina tatizo na msanii kuhama bendi moja kwenda nyingine, hilo ni jambo la kawaida, lakini tatizo kubwa ni namna gani unaondoka.

Katika moja ya mahojiano yake na kituo kimoja cha radio, licha ya maneno yake mengi yanayochafua jina la Town Classcic, lakini Dogo Rama alifikia hatua ya kusema bendi hiyo ni nusu mfu.

Hakuna ubishi kuwa Dogo Rama anaijua ndani nje Town Classic na pengine haoni tena uhai wa bendi hiyo lakini kauli ya nusu mfu haikupaswa kutoka kwenye kinywa chake hata k**a hiyo ndiyo hali halisi.

Mwenyewe anasema bado hajaongea na kwamba sasa ndiyo anajiandaa kunena na atakapofunguka Town Classic haitapata show hata moja.

Kuna wakati fulani kutokana na mazingira yasiyozuilika, vita vya maneno huwa vinakubalika kwenye muziki na vikaleta tija, lakini kwa Town Classic, Dogo Rama alipaswa kuweka heshima japo nusu.

Umeitumikia bendi mpaka mwisho wa mkataba wako, tatizo linatokea wapi? K**a zipo dhulma umefanyiwa kwanini usichukue hatua za kisheria kudai haki zako?

Ukisikiliza maongezi ya Dogo Rama unashindwa kung'amua hoja zake za msingi ni zipi.

Ni wakati sasa wa Dogo Rama kufunga huu mjadala na kuondoka kimyakimya, kinyume na hapo atakuwa anausigina mwenyewe u-TBS wake.

Said Mdoe
21/8/2024

17/08/2024

MAKAMUZI YA JIMMY MANZAKA JUKWAANI

Mfalme wa Rhumba, Jimmy Manzaka akifanya makamuzi ndani ya Town Classic.

Sio kuimba tu bali hata linapokuja suala la kushambulia jukwaa, Jimmy Manzaka yumo.

Hii ni jana usiku katika onyesho lake la pili tangu ajiunge na Town Classic.

Show ilifanyika maeneo ya Boko Magereza jijini Dar es Salaam katika ukumbi wa GW Garden Park.

Said Mdoe
17/8/2024

16/08/2024

DOGO RAMA AKACHA SHOW YA TOWN CLASSIC NA KUIBUKIA TWANGA PEPETA

Ratiba ya show ya Town Classic kwa siku ya jana ilionyesha wangekuwa Juliana Pub, Mbezi Beach, lakini mwimbaji wake tegemeo Dogo Rama akaibukia Twanga Pepeta.

Dogo Rama TBS akakwea jukwaa la Twanga Pepeta ndanii ya Small Planet, Tabata na kusalimia kisanii.

Mwimbaji huyo akaiambia Saluti5 kuwa bado kabisa hajaongea ila sasa ndio anakuja kunena, watu watege sikio.

Said Mdoe
16/8/2024

15/08/2024

ANANIA JUNIOR AACHIA NGAZI TOWN CLASSIC

Afisa Habari wa Town Classic, Anania Junior ameipa "Thank You" bendi hiyo.

Saluti5 imefanikiwa kuiona barua ya Anania Juinior kwenda kwa menejimenti ya Town Classic ikitoa taarifa rasmi ya kuaga kwake.

Barua hiyo ya Anania ya leo 15/8/2024 imeandikwa hivi:

"Habari za leo Familia ya Town Classic napenda kuchukua nafasi hii kuwashukuru wote kwa kipindi chote tulichokua pamoja katika Familia hii tulifanya kazi kwa upendo furaha na amani japo kuna muda changamoto zilitokea, sababu sisi ni binadamu hakuna alie kamilika zaidi ya mungu muumba mbingu na ardhi ni ngumu kusema haya ila imenibidi sababu hakuna jinsi

Kuanzia leo nitakua sio sehemu ya band kwa maana ya kiutendaji lakini kuwa kwangu nje ya Town Classic Band haitovunja undugu wetu mimi na nyinyi kwani naamini mimi bado mwanafamilia wa Town Classic Band nikihitajika nitaitwa kutoa mawazo ushauri nk.

Pia ni kushukuru kwa dhati Kaka yangu Andrew Sekidia kwa kufanya kazi na wewe tulikua zaidi ya kaka na mdogo wake mungu akupe nguvu katika kuendeleza gurudumu hili la TCB

Nawaombea kwa mungu mumba mbingu na ardhi awape nguvu awainue mufikie malengo na ahadi zilizo wekwa na watakia kila la heri katika utendaji wenu na wapenda sana."

Saluti5 ilipomsaka Anania kutaka kujua k**a barua hiyo ni ya kweli, alikiri kuwa ni kweli ameiaga bendi hiyo.

"Nimeamua kutafuta changamoto nyingine. Kwasasa sipo tena Town Classic," amefafanua Anania.

Said Mdoe
15/8/2024

14/08/2024

AYA 15 ZA SAID MDOE: KARIBU TENA BETA MUSICA

Baada ya soko la muziki wa dansi kutawaliwa vilivyo na bendi za Diamond Sound na FM Musica International, hatimaye mpinzani mpya akazaliwa.

Mpinzani huyo hakuwa mwingine bali ni bendi mpya ya Beta Musica iliyozaliwa Disemba, 1999.

Diamond Sound na FM Musica zilikuwa hazishikiki mwishoni mwa miaka ya 90 lakini ujio wa Beta Musica ukaja kuitikisa miamba hiyo miwili iliyoteka nchi kwa muziki wenye ladha ya Congo (DRC).

Beta Musica iliundwa na wanamuziki mahiri wakiwemo Richard Mangustino, marehemu Dona Zinganguvu "Chokoraa", Ibonga Katumbi "Jesus", marehemu Moses Mackay na marehemu Suzuki Butiti.

Nyota wengine waliounda Beta Musica ni marehemu Elly Longomba, Nguza Mashine na Totoo Zebingwa wakati huo akjulikana k**a Totoli Champion.

Alikuwepo pia Bakunde, Katasinga, Abdon Nyilawilla, Salma Abedi "Mama Lao", Mirayesa Mbombo na wengine kadhaa.

Bendi hii iliundwa na wanamuziki wengi kutoka Diamond Sound waliojiengua na kuunda Dar Musica ambayo baadae ndiyo ikaja kuzaa Beta Musica.

Wakati bendi inajipanga, ikapata mpasuko wa kwanza kwa kuondokewa na wasanii Katasinga, Moses Mackay, Suzuki na Elly Longomba walioamua kurejea Diamond Sound.

Nafasi za nyota hao zikazibwa kwa usajili wa Elly Chinyama, Seif Controller na dansa Evender.

Moja ya nyimbo kali za Beta Musica ni "Bana Beta" ambao ndani yake ulipambwa na kinanda kitamu cha Abdone Nyillawilla.

Hata hivyo, bendi hii ambayo ilipata pia huduma za wasanii nyota k**a Papii Kocha, Mule Mule na King Blaise, haikudumu kwa miaka mingi, ikafa kifo cha kawaida.

Habari njema ni kwamba Beta Musica inarejea tena lakini ikiwa na sura mpya kabisa. Nimedokezwa kuwa tayari bendi ipo kambini jijini Dar es Salaam ikiwa na wasanii wengi kutoka nje ya mipaka ya Tanzania.

Beta Musica itakuwa chini ya nyota wawili waliotokea FM Academia - Rapa Hi**er na mwimbaji Fabrice, lakini sura nyingi zitakazounda bendi hiyo, ni mpya kabisa kwenye soko la muziki wa dansi wa hapa nyumbani.

Nimeambiwa kuwa wawezeshaji wa Beta Musica ya zamani, ndiyo hao hao waliowezesha ujio mpya wa Beta Musica hii inayotarajiwa kuingia sokoni kivingine kabisa.

Karibu tena Beta Musica kwenye ulimwengu wa dansi, msiwe adui wa kiingilio kinywaji ingawa pia msijenge nae urafiki wa kudumu.

Said Mdoe
14/8/2024

10/08/2024

TOWN CLASSIC HALI SI SHWARI, LOSSO AONDOKA, DOGO RAMA AMALIZA MKATABA, SCOTT MGUU NJE

Bendi ya Town Classic bado inaendelea kukumbwa na janga la kukimbiwa na wasanii wake.

Hadi sasa, zaidi ya asilimia 80 ya wasanii walioasisi bendi hiyo, walishahama kwa nyakati tofauti tofauti kwasababu mbali mbali.

Hali hiyo bado haijapoa. Mpiga solo tegemeo Losso ambaye alishiriki kuasisi Town Classic, ameitosa bendi hiyo zaidi ya wiki mbili zilizopita.

Habari za uhakika zilizoifiikia Saluti5 ni kwamba mwimbaji mwenye sauti tamu, Scott Settelite naye ametimka Town Classic na anatarajiwa kujiunga na bendi nyingine ya jijini Dar es Salaam.

Inaelezwa kuwa kuna mpiga ala mwingine naye yuko njiani kuondoka Town Classic.

Mwimbaji na mtunzi mahiri, Dogo Rama TBS ingawa bado yupo Town Classic, lakini amemaliza mkataba wake wa miaka miwili na sasa ni msanii huru.

Saluti5 imeambiwa kuwa mkataba wa Dogo Rama umeisha tangu tarehe mosi mwezi huu na hivyo kuna tetesi kuwa huenda naye akatafuta changamoto mpya nje ya Town Classic.

Said Mdoe
10/8/2024

07/08/2024

AYA 15 ZA SAID MDOE: SI BURE, KUNA 'KURUJUAN' LIMEPIGWA KWA MUZIKI WA DANSI

Bado kuna vilio kutoka kwa baadhi ya wanamuziki kuwa vyombo vya habari vimeutenga muziki wa dansi.

Na hii kwa baadhi ya wanamuziki wanaichukulia k**a moja ya sababu zao muhimu za kukaa muda mrefu bila kuachia nyimbo mpya.

Lakini ukifanya utafiti utagundua kuwa yapo magazeti mengi yanaandika kuhusu muziki wa dansi, vipo vituo vya radio na televisheni vinacheza muziki wa dansi, ingawa ni kwa vipindi maalum lakini si haba.

Sasa tuje kwenye suala la msingi: Je bendi zetu na wanamuziki wanasapoti vyombo vya habari vinavyoukumbatia muziki wa dansi?

Ukweli ni kwamba wanamuziki wengi wanavichukulia poa vyombo vya habari vinavyoujali muziki wa dansi.

Bendi na wanamuziki wengi bado wanasumbuka na vyombo vya habari vilivyoufungia vioo muziki wa dansi na kusahau kwamba wanapaswa kuweka nguvu kwenye vile vinavyothamini kazi zao.

Wanamuziki wanapaswa kutambua kuwa ni bora 'Makande kuliko pilau ya masimango.'

Unadharau vituo vya radio na televisheni vinavyocheza muziki wa dansi, kisha unasubiri mbeleko ya vituo ambavyo havina muda kabisa na dansi.

Mwisho wa siku mbeleko hizo zinakuja na masimango, vituo hivyo vitakuambia muziki wa dansi umekufa na hata wakiita wanamuziki kufanya nao mahojiano, basi asilimia 90 ya gumzo haitahusiana na kazi za msanii bali ni maisha binafsi na udaku kwa kwenda mbele.

Kuna hoja nyingine ya wanamuziki kuwa bendi zao hazishirikishwi kwenye matamasha makubwa ya muziki yanayoandaliwa na vituo vya radio na kwamba hata wakipewa hizo kazi basi wanapangiwa muda mbaya kibiashara na kwa malipo kiduchu.

Lakini bendi hizo hizo zinapoandaliwa maonyesho ya pamoja na mapromota wa kawaida, zitaleta nyodo na kalenda nyingi sambamba na bei kubwa zisizoendana na soko la sasa. Yale yale ya kudharau makande kwa pilau la masimango.

Mtafute mwandaaji yeyote aliyefanya tukio la pamoja la bendi zaidi ya mbili, atakusimulia namna alivyosumbuliwa kuanzia bei hadi kwenye ushirikiano katika promosheni ya onyesho.

Ni kweli kuna haja ya kuupigania muziki wa dansi kupigwa na radio zote na katika kila kipindi, lakini nguvu ianze kwanza kwa vipindi vya dansi vilivyopo, tuvipe thamani inayostahili kabla ya kusonga mbele. Siku zote tunaambiwa upendo na mshik**ano unapaswa kuanzia nyumbani.

Mwanamuziki wa dansi hana mzuka na kipindi cha dansi redioni, hata akiitwa kwenye 'interview' anaweza asiende na haoni haja kutoa taarifa ya udhuru.

Mwanamuziki anawaza zaidi vipindi ambavyo havisumbuki na dansi na wala watangazaji wake hawana chochote wanachojua kuhusu muziki wa dansi dansi. Inafika wakati unajisemea mwenyewe kuwa si bure, kuna 'Kurujuan' limepigwa kwa muziki dansi.

Said Mdoe
7/8/2024

07/08/2024

Mwimbaji Shedeka Mulamba aliyewahi kuitumikia Malaika Band, amefariki dunia leo asubuhi.

Shedeka amefariki katika Hospitali ya Taifa Muhimbili alipokuwa amelazwa akisumbuliwa na matatizo ya moyo.

31/07/2024

AYA 15 ZA SAID MDOE: TWANGA PEPETA HII SIO SAWA SAWA

Pengine hili nitakuwa nalirudia kwa mara ya tatu au zaidi, ni kuhusu nyimbo nyingi za dansi zinazoozea studio na mazoezini.

Dansi kwenye suala la kutoa ngoma mpya kwa wakati bado kuna kazi kubwa sana. Mimi siku hizi hata nikiona wasanii wa dansi wako mazoezini au studio wakipika kazi mpya wala sish*tuki.

Kati ya bendi ambazo sisiti kuzishutumu kwenye hili, ni Twanga Pepeta yenye zaidi ya robo karne kwenye gemu na inayomiliki robo na ushee ya mashabiki wa dansi hapa Tanzania.

Oktoba 15, 2023, Twanga Pepeta ilifanya onyesho maalum ndani ya ukumbi wa kisasa wa Warehouse, Masaki jijini Dar es Salaam.

Onyesho lilikuwa la kusikilizisha (Listening Party) mashabiki nyimbo mpya: "Kosa Langu" utunzi wake Saleh Kupaza, "Sawasawa" wa Msafiri Diouf na "Pisi Yangu" ambao umetungwa na Chaz Baba.

Hadi leo ni zaidi ya nusu mwaka, licha ya tungo hizo kupigwa sana jukwaani, hakuna wimbo wowote ulioachiwa hewani, matokeo yake Diouf kaamua kuhama na kibao chake cha "Sawasawa" na kwenda kukirekodi VDS Chama la Wana.

Twanga imezifanyia mazoezi ya muda mrefu hizi nyimbo, wasanii wamelipwa posho za mazoezi, pia kuna gharama za uchakavu wa vyombo, lakini mwisho wa siku kazi hazionekani au zinakwenda kutumika sehemu nyingine.

Najiuliza, menejimenti ya Twanga haijihurumii kwa hizo gharama za mazoezi zinazopotea bure? Vipi kuhusu wasanii ambao wameumiza vichwa kuweka michango yao kwenye nyimbo?

Katika bendi zetu za dansi, wimbo unapotengenezwa kwenye uwanja wa mazoezi, kuna mchango mkubwa kutoka kwa wasanii wengine unaokwenda kuboresha wazo la mtunzi.

Hivyo basi wimbo unapokaa muda mrefu bila kurekodiwa hadi ikafikia hatua ya mtunzi kuhama na tungo yake, maana yake ni kwamba wote waliochangia mawazo kwenye bendi ya awali wanakuwa wametwanga maji kwenye kinu.

Nimeona baadhi ya mashabiki wa Twanga Pepeta wameponda kitendo cha Diouf kuhama na "SawaSawa", lakini nani wa kulaumiwa? Aliyechelewa kurekodi kwa zaidi ya nusu mwak au aliyehamisha wimbo?

Januari 3 mwaka huu, niliilaumu Twanga baada ya kuachia kazi mpya "Mmbea" Disemba 29, 2023, wimbo ambao ulistahili kuwa hewani tangu Disemba 2022 wakati ilipozunduliwa albam ya "Chombo ya Fundi" iliyoundwa na nyimbo sita ukiwemo huo (Mmbea).

Ukweli ni kwamba kuna shida kubwa kwa bendi nyingi za dansi kuziweka kibindoni nyimbo zao mpya kwa muda mrefu bila kuziachia hewani, Twanga ikiwa moja ya vinara wa mfumo huo. Hii sio sawa sawa.

Wakati naendelea kujiuliza uko wapi wimbo "Push to Start" wa Twanga Pepeta, nichukue fursa hii kuipongeza Sikinde OG ambayo kila inapoanza kunadi kazi yao mpya basi haivuki wiki mbili, ngoma iko hewani.

Haya mambo ya kuacha nyimbo studio kwa muda mrefu yalipelekea Khalid Chokoraa kuondoka na wimbo wake "Prison Love (Yananitesa)" na kwenda kuuachia hewani akiwa na Mapacha Watatu Original huku kukiwa na sauti za waimbaji wengi wa Twanga Pepeta. Ilikuwa kituko.

Said Mdoe
31/7/2024

24/07/2024

AYA 15 ZA SAID MDOE: HII NI OXYGEN YA MUZIKI WA DANSI

Januari 2019, Radio ya Chama Tawala... Radio Uhuru (sasa Uhuru FM), ilikiondoa kipindi cha Ambiance Sh*tuka kilichokuwa kinapiga muziki wa dansi kwa zaidi ya asilimia 70 kila siku za Jumatatu hadi Ijumaa, kuanzia saa 10 alasiri.

Badala yake kipindi hicho kikahamishiwa Jumamosi na Jumapili kuanzia saa 10 jioni.

Hatua hiyo ya Radio Uhuru kufanya hivyo, ikawa pigo kubwa sana kwa muziki wa dansi ambao umekuwa ukitengwa na kunyanyapaliwa kwenye vyombo vingi vya habari.

Naam. Vipindi vya dansi vimekuwa vikipunguzwa au kupunguziwa hadhi kwa staili tofauti ikiwemo kubadilishwa au kupunguziwa muda wa kusikika hewani.

Nilikuwa mmoja ya watu waliopaza sauti kulalamika, nikatoa andiko lililosema 'Muziki wa dansi umekuwa k**a mgonjwa wa kipindundu' na kueleza namna ambavyo hatua hiyo ya Radio Uhuru ingelinyong'oyeza dansi.

Sijui k**a sauti niliyopaza ilichangia chochote, lakini nashukuru baada ya miezi kadhaa kipindi kile kilirejeshwa Jumatatu mpaka Ijumaa k**a ilivyokuwa zamani.

Kwanini nilipaza sauti? Ni kwasababu kipindi hicho ambacho sasa kinaitwa 'Ambiance Oxygen', kimekuwa msaada mkubwa kwa muziki wa dansi, kimefanya kazi hiyo kwa muda mrefu tangu mwanzoni mwa miaka ya 2000.

Kukiondoa au kukipunguzia idadi ya siku ilikuwa ni sawa na kukata kidole gumba kwenye mkono unaoshiriki kuushikilia muziki wa dansi.

Kipindi hiki kilianza kwa kuitwa 'Mdundiko', ubunifu wake Sebastian Maganga ambaye kwa sasa yupo Clouds FM. Mwendeshaji akawa Dj Fast Eddie, miaka miwili baadae kikabadilishwa jina na kuwa 'African Dance'.

Mwaka 2004 kikaitwa 'Ambiance' wakimaanisha burudani na raha kutoka ndani ya moyo na hapa sasa wakaongezeka watangazaji Vailet Mzindakaya (Sister V) na Farida Masoli (Sister Farida).

Baadae ikaoneka kuna haja ya kuongeza damu mpya ambapo mwaka 2009 Fred kigwa (Kigwa One) na Annuary Sanga (Dj Annu) wakanyofolewa kutoka katika kipindi cha bongo fleva cha John 14:16 na kujumuishwa kwenye Ambiance wakishirikiana na Sister Farida huku watangazaji wengine wa Ambiance wakienda kuanzisha kipindi kipya cha Kapu.

Mwaka 2014 akaongezwa Cecy Mwasikitoko na baadae Irene Gabriel ambao hadi sasa wao pamoja na Kigwa One ndiyo wanasongesha mbele gurudumu la Ambiance Oxygen.

Nimekupitisha huko na kule ili uone milima na mabonde iliyovuka Ambiance Oxygen, umri wa miaka 24 ya kulitumikia dansi si jambo la mchezo mchezo.

Tunaambiwa muziki huu hauuziki, umebakia kuwa zilipendwa na hauna ushawishi kwa wadhamini, hivyo kinapotokea kituo cha radio kinachokupa muziki wa dansi nyakati za alasiri mara tano kwa wiki, tunapaswa kukiunga mkono kwa nguvu zote.

Kuna vipindi kadhaa vya dansi vinavyofanya vizuri na ipo siku navyo vitapata maua yao kupitia Aya 15, ila kwa eo nakuambia Ambiance Oxygen ni oxygen ya muziki wa dansi.

Said Mdoe
24/7/2024

22/07/2024

Hiyo ni sauti ya Rama Igwe kupitia wimbo wake mtamu "Waka Waka"

20/07/2024

Kwa kweli Saleh Kupaza anajua sana kuimba

20/07/2024

TWANGA PEPETA WANA JAMBO LAO LEO USIKU KIDULI GARDEN YENYE MUONEKANO MPYA

Awali ya yote nikujuze kuwa ukumbi wa New Kiduli Garden unaendelea kufanyiwa ukarabati ambao tayari umetoa muonekano mpya na wa kisasa.

Twanga Pepeta wanapata fursa ya kwenda kuufichua muonekano mpya wa New Kiduli Garden.

Naam, ni leo Jumamosi usiku ambapo Twanga Pepeta itafanya onyesho maalum ndani ya ukumbi huo ulioko Magomeni Kanisani, jijini Dar es Salaam.

New Kiduli Garden imekuwa ikipokea umati mkubwa wa watu kila Twanga Pepeta inaporindima hapo, lakini kwa huu muonekano mpya wa ukumbi huo, unafanya onyesho la leo liwe la kipekee zaidi.

Meneja wa New Kiduli Garden, Lugano Matola, ameiambia Saluti5 kuwa kuna ukarabati mkubwa wanaufanya na ingawa bado haujakamilika lakini wataokaohudhuria onyesho la leo la Twanga Pepeta, wataishuhudia Kiduli yenye sura mpya tofauti na ile waliyoizoea.

Rais wa Twanga Pepeta, Chaz Baba, amesema starehe zipo nyingi jijini Dar es Salaam, lakini kwa wanaotaka 'full package' ya burudani basi wafike New Kiduli Garden leo usiku.

Twanga Pepete wenyewe wanauliza wengine wana nani? Wao wana Luizer, Chaz Baba, Fagason, Kupaza, Chokoraa, Jojoo Jumanne, Shakashia, Sele Muhumba, Kanuti na wengine kibao.

Said Mdoe
20/7/2024

18/07/2024

FABRICE ATIMKA FM ACADEMIA, PATCHO MWAMBA AMPA ANGALIZO

Fabriice Mayela, moja ya viumbe wanaomimina sauti tamu ndani ya FM Academia ya Patcho Mwamba, ameachana na bendi hiyo.

Mwimbaji huyo aliyewahi kuitumikia bendi ya Quartier Latin ya Koffi Olomide, ameithibitishia Saluti5 kuwa ameondoka FM Academia.

Fabrice amesema kuna mambo mengi ya ndani yaliyopelekea aachane na FM Academia na ataweka wazi pale atakapotulia.

"Kuna mengi sana, lakini moja wapo ni maslahi, malipo kwa show ni madogo mno na hayasaidii chochote, amesema Fabrice ambaye amedumu FM Academia kwa takriban miaka miwili.

Alipoulizwa na Saluti5, boss wa FM Academia, Patcho Mwamba alikiri kuwa mwimbaji huyo ameondoka kundini baada ya onyesho la Jumamosi iliyopita ndani Target, Mbezi.

Patcho amesema kuhusu madai ya malipo madogo anayoyasema Fabrice, ni sawa na mtu anayemtafutia jina baya mbwa wakati anapotaka kumua.

"Nisema tu kuwa hatujagombana na Fabrice, hivyo k**a anataka kujiunga na bendi nyingine aende kwa amani bila kuchafuliana majina, maisha ya muziki ni mzunguko hivyo akiba ya maneno ni muhimu," anaeleza Patcho.

Patcho ameongeza: "Ninachojua ni kwamba Fabrice amechukia baada ya kukosa nafasi kuimba moja ya nyimbo za copy siku ya Jumamosi.

Kwa kawaida huwa anaimba wimbo "MayDay" wa Fally Ipupa, lakini siku hiyo kuna mdau wetu aliomba kuimba, Fabrice hakupenda kwa kuwa hiyo ni moja ya kazi inayompatia tunza nyingi jukwaani."

Moja ya mchango mzuri wa Fabrice ndani ya FM Academia kupitia sauti yake tamu, ni katika wimbo "Shani" ulioachiwa hewani mwanzoni mwa mwaka huu.

Said Mdoe
18/7/2024

10/07/2024

AYA 15 ZA SAID MDOE: ASHA BARAKA MAANA HALISI YA MTAKUJA

Kuna wakati baadhi watu humchukulia k**a mtu wa mihemko, kwamba anaweza akafoka hata pasipostahili, lakini linapokuja suala la kujua kuishi na wasanii, hana mpinzani.

Wapo wasanii ambao humsema vibaya na kumwita mnyonyaji, asiyejali maslahi ya wanaofanikisha mapato ya bendi, lakini wengi wao walipojaribu kwenda kusaka malisho sehemu nyingine walijionea tofauti na baadae wakarudisha mpira kwa kipa.

Namzungumzia Asha Baraka, mwanamama mpambanaji wa dansi, mmiliki wa Twanga Pepeta ambaye anaweza akakufokea sasa hivi, kisha baada ya dakika tano akakuchekea na kusahau kitu kinachoitwa povu.

Kwa Asha Baraka hakuna adui wa kudumu na ndiyo maana inapotokea msanii wa Twanga anahama bendi, bado ataambiwa mlango wa kurejea upo wazi hata k**a aliondoka kwa kuchafua hali ya hewa kwa shombo za maneno makali.

Asilimia zaidi ya 95 ya wasanii nyota wa Twanga Pepeta waliohama bendi, walirejea kundini.

Sina haja ya kutaja majina ya watu, lakini haihitaji taasisi ya utafiti kubaini kuwa wasanii wengi walioweka alama kubwa Twanga Pepeta, walipojaribu kuhama, walirejea.

Kiasi cha wiki tatu zilizopita, Asha Baraka akiwa ofisini kwangu aliniambia msanii fulani anaomba kurejea kundini, sikumuamini kutokana na ukubwa aliotengenezewa msanii huyo kwenye bendi mpya anayoitumikia.

Sikuamini pia kwasababu ya waraka mkali alioandika msanii huyo kwenye makundi ya whatsaapp wakati anatangaza kuhama.

Sikuamini kwasababu najua ugomvi mkubwa uliomwondoa kundini, ugomvi ulioandamana na kipigo kutoka kwa msanii mwenzake huko mjini Moshi wakati Twanga ilipoenda kutumbuiza kwenye mbio za Kili Marathoni Februari, mwaka huu.

Lakini kwa mshangao wa wengi, Ijumaa iliyopita, msanii huyo alirejea Twanga Pepeta.

Inawezekana Asha Baraka k**a binaadamu yeyote, ana madhaifu yake, lakini inawezekana pia ana mazuri mengi na anajua namna ya kutengeneza undugu na watu waliomzunguka, kuanzia wasanii hadi wadau wa bendi.

Asha Baraka wakati mwingine hajali ukorofi, usumbufu wala utukutu wa msanii, yeye anatembelea ule usemi wa "toto baya zuri kwa mama yake".

Hata inapotokea shida za kiafya kwa wasanii wake, Asha Baraka atapambana kadri awezavyo, atatumia umaarufu wake na mtaji mkubwa wa watu alioutengeneza ili kuhakikisha mambo yanakuwa sawa.

Waliomuimba Asha Baraka mlezi wa wana wala hawakukosea, wasanii wake ni k**a wanae anajua ubora na udhaifu wao na anatambua namna ya kuishi na kila mmoja.

Asha Baraka ni maana halisi ya neno mtakuja, amewafanya wasanii wengi wa Twanga Pepeta kuiona bendi hiyo k**a nyumbani na kwamba wanapotoka ni sawa na kwenda kubadilisha hali ya hewa kisha wanarejea.

Said Mdoe
10/7/2024

02/07/2024

JOSE MARA MLEZI WA WANA WA ALLY CHOCKY NA MHINA PANDUKA

Ukienda Mapacha Music Band ya Jose Mara, utakutana na waimbaji wawili chipukizi wanaofanya vizuri sana.

Mmoja ni Panduka Junior na mwingine ni Chocky Junior.

Hawa ni watoto wa waimbaji nyota wa dansi, Mhina Panduka na Ally Chocky.

Kwa maana nyingine unaweza kusema Jose Mara ni mlezi wa watoto wa Mhina Panduka na Ally Chocky. Hii ni namna nzuri ya kusambaza upendo kwa familia ya muziki wa dansi.

Said Mdoe
2/7/2024

26/06/2024

AYA 15 ZA SAID MDOE: KWENYE HILI LA KUZIKANA TUNAWAPAKAZIA WASANII WA DANSI

Ipo hoja moja inayowaandama sana wasanii wa dansi, kwamba hawazikani, yaani hawashiriki mazishi ya wasanii wenzao wala ya wadau wao.

Ingawa zamani hata mimi niliamini hivyo, lakini baada ya kufanya utafiti wa kutosha, nadiriki kusema kuwa kwenye hili wasanii wa dansi wanasingiziwa.

Wasanii wa dansi wanazikana, wanashiriki misiba kadha wa kadha, anayewashutumu katika hilo inawezekana yeye ndiye hashiriki kwenye matukio ya kuzikana.

Mwishoni mwa wiki iliyopita, jijini Dar es Salaam, maeneo ya Tabata, alizikwa fundi mitambo Hassan Hasanoo, aliyezitumikia bendi kadhaa zikiwemo FM Academia, Twanga Pepeta na Bogoss Musica.

Bahati mbaya sana sikuwa sehemu ya washiriki wa msiba huu, nilikuwa mapumzikoni jijini Arusha, lakini taarifa zinasema kwamba mwanamuziki pekee wa dansi aliyemzika Hasanoo, ni Khalid Chokoraa.

K**a taarifa hizi ni sahihi, basi hii ni aibu kubwa sana kwa wanamuziki wa dansi hususan wale waliofanya kazi na marehemu katika bendi alizozitumikia enzi za uhai wake.

Mmoja wa mafundi mitambo wa bendi za dansi alinipenyezea ujumbe wa malalamiko juu ya wanamuziki wa dansi kutojitokeza kwenye msiba huo.

Naomba kuunukuu k**a alivyoutuma kwangu: "Kaka habari, kiukweli wanamziki wametukosea sana, hawakuja msibani tunaomba uwafahamishe kuwa urafiki wetu usiishie jukwaani tu, mtu pekee aliyefika ni Khalid Chokoraa, yaani hata FM nao wakauchuna?? daah noma sana." Mwisho wa kunukuu.

Ukweli ni kwamba watu wa dansi wanazikana ila wana tabia ya kubagua na kuchagua msiba wa kushiriki k**a walivyoubagua msiba wa Hassanoo.

Ukitaka kujua watu wa dansi wanazikana, vuta taswira ya msiba wa Gurumo, Amigolas, Shaaban Dede, Kaptain Komba, Hussein Jumbe, Kaposhoo, Malu Stonch na ya wengine wengi, utajionea tofauti.

Mara nyingi wanapenda kuangalia nani aliyefariki, nani mfiwa, hamasa ya msiba ikoje, wanapenda matukio yaliyotawala vichwa vya habari, wakihisi msiba hauna amsha amsha basi wengi wao hawatajitokeza.

Wakati mwingine watu wa dansi huenda mbali zaidi, hupima manufaa watakayoyapata kwa kushiriki msiba na hapa ndipo wanapoangalia nani mfiwa.

Unajua hata idadi ya wanamuziki walioshirki msiba wa mdau mkubwa wa dansi, Patrick Kessy haikuwa kubwa k**a ilivyotarajiwa, hii kwasababu wengi wao walijua hawatapata manufaa yoyote kwa wafiwa hivyo hawana haja ya kwenda kujionyesha msibani.

Lakini nikuhakikishie kuwa k**a Patrick Kessy ndiye angekuwa amefiwa na mmoja wa wanafamilia yake, tambua wazi kuwa umati wa watu wa dansi ungejazana msibani, hata k**a kungekuwa na kazi ya kupiga deki, kuosha vyombo au kukata kuni basi tungeshuhudia uchapakazi wa hali ya juu.

Unajua kwanini ingekuwa hivyo? Ni kwasababu ya kulipa maslahi na wema uliopita, uliopo na ujao kutoka kwa mfiwa, kumuonyesha kwamba tuko nawe kwenye shida na raha.

Said Mdoe
26/6/2024

22/06/2024

MJENGONI CLASSIC KUMALIZA BIFU YA MIRINDA NYEUSI NA KITUNGUU SAUMU DODOMA

K**a ulidhani Mjengoni Classic imemaliza kutambulisha vifurushi vya burudani vya show yao ya Dodoma, basi tambua wazi kuwa ulijidanganya.

Bendi hii kutoka jijini Arusha, Ijumaa ijayo (Juni 28) itafanya onyesho maalum ndani ya Royal Village, Dodoma ambapo miongoni mwa mambo yatakayojiri, ni pamoja na uwepo wa wasanii waalikuwa kutoka bendi zingine.

Majuzi, Mjengoni walitoa habari ya mwimbaji nyota Fabrice Kulialia k**a mmoja wa watumbuizaji waalikwa.

Lakini k**a vile hiyo haitoshi, rapa wa zamani wa bendi hiyo, Mirinda Nyeusi naye atakuwepo Royal Village Dodoma, Juni 28.

Boss wa Mjengoni Classic, John Mdenye, ameithibitishia Saluti5 kuwa Mirinda naye yupo kwenye list ya wasanii waalikwa na kwamba hiyo itakuwa fursa nzuri ya kumaliza tofauti yake na rapa Kitunguu Saumu.

Wiki kadhaa zilizopita, Mirinda Nyeusi alimlalamikia Kitunguu Saumu juu ya rap alizotunga ambazo bado hazijarekodiwa.

Mirinda ambaye kwasasa anaitumikia Town Classic, alidai alihama na rap zake hizo lakini akalalamika kitendo cha Kitunguu Saumu wa Mjengoni kuendelea kuzitumia.

Hali k**a hiyo inaongeza utamu wa show ya Mjengoni ndani ya Dodoma.

Said Mdoe
22/6/2024

Address

Kindondoni
Dar Es Salaam

Telephone

+255766200000

Website

http://www.saluti5.com/

Alerts

Be the first to know and let us send you an email when Saluti5.com posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Saluti5.com:

Videos

SASA NI RASMI DOGO RAMA MALI YA TWANGA PEPETA Rais wa Twanga Pepeta, Chaz Baba amethibitisha kuwa mwimbaji Dogo Rama TBS amerejea nyumbani. Akizungumza na Saluti5, Chaz Baba amesema wanatarajia kumtambulisha rasmi Dogo Rama ndani ya Twanga Pepeta Septemba 4. "Tunafanya mazungumzo na ukumbi wa Kisuma 5G Temeke, ili tuandae tukio la kumkaribisha Dogo Rama ukumbini hapo Jumatano ya tarehe 4 mwezi ujao," ameleeza Chaz Baba. Naye Dogo Rama alipoulizwa na Saluti5 juu ya habari za kurejea rasmi Twanga, alikiri kuwa jambo hilo limeisha na kilichobakia ni siku ya kuanza kazi. Dogo Rama anarejea Twanga Pepeta baada ya miaka tisa tangu alipoihama mwaka 2015. Alipitia bendi kadhaa ikiwemo Double M Plus, Ivory Band, Smart Band, Paris Band pamoja na Town Classic aliyoachana nayo wiki iliyopita. Said Mdoe 23/8/2024

MAKAMUZI YA JIMMY MANZAKA JUKWAANI Mfalme wa Rhumba, Jimmy Manzaka akifanya makamuzi ndani ya Town Classic. Sio kuimba tu bali hata linapokuja suala la kushambulia jukwaa, Jimmy Manzaka yumo. Hii ni jana usiku katika onyesho lake la pili tangu ajiunge na Town Classic. Show ilifanyika maeneo ya Boko Magereza jijini Dar es Salaam katika ukumbi wa GW Garden Park. Said Mdoe 17/8/2024

DOGO RAMA AKACHA SHOW YA TOWN CLASSIC NA KUIBUKIA TWANGA PEPETA Ratiba ya show ya Town Classic kwa siku ya jana ilionyesha wangekuwa Juliana Pub, Mbezi Beach, lakini mwimbaji wake tegemeo Dogo Rama akaibukia Twanga Pepeta. Dogo Rama TBS akakwea jukwaa la Twanga Pepeta ndanii ya Small Planet, Tabata na kusalimia kisanii. Mwimbaji huyo akaiambia Saluti5 kuwa bado kabisa hajaongea ila sasa ndio anakuja kunena, watu watege sikio. Said Mdoe 16/8/2024

Hiyo ni sauti ya Rama Igwe kupitia wimbo wake mtamu "Waka Waka"

Kwa kweli Saleh Kupaza anajua sana kuimba

KINDE MAKENGELE KUTAMBULISHWA BOGOSS LEO USIKU Staa wa gitaa la solo, Kinde Makengele aliyetangaza kuachana na Waluguru Original ya Morogoro, ametua mkononi mwa rais wa vijana, Nyoshi el Saadat. Naaam, Kinde Makengele atatambulishwa kama msanii mpya wa Bogoss Musica leo usiku ndani ya ukumbi wa TTG Lounge, Kimara Korogwe. Kinde ameithibitishia Saluti5 kuwa ni kweli amejiunga na Bogoss na ataanza kazi rasmi leo usiku. Msanii huyo mwenye mbwembwe nyingi jukwaani, ameiambia Saluti5 kuwa kule Waluguru Original amewaachia zawadi ya wimbo mpya "Plan B" ambao umesharekodiwa "Nimetunga nyimbo mpya nyingi Waluguru ukiwemo "Plan B" ambao ni zawadi yangu kwao, lakini zingine ambazo hazijarekodiwa kama "Njaa" na "Sangoma" nitahama nazo," alifafanua Kinde ambaye mbali ya kutunga na kupiga solo, lakini pia ana uwezo kucharaza rhythm, bass, drums pamoja na kuimba. Said Mdoe 4/5/2024

DOGO RAMA NI KAMA ALIZALIWA KWA AJILI YA TWANGA PEPETA ...angalia alivyoukandamizia Penzi Sigara Kali Aliitumikia Twanga Pepeta kwa kiasi cha kama miaka sita tu, lakini akafanikiwa kuuaminisha umma wa wapenzi wa muziki kuwa yeye ndiye kiraka anayeweza kuimba sauti ya mwimbaji yeyote aliyeihama bendi hiyo. Na ndivyo ilivyokuwa, anapokuwepo kwenye jukwaa la Twanga Pepeta, basi hakuna pengo la sauti ya mwimbaji wa kiume litakaloonekana, atafukia mashimo yote kuanzia uimbaji hadi rap. Huyo ni Dogo Rama mwimbaji aliyetua Twanga Pepeta mwaka 2009 akitokea Mwanza na kudumu hadi mwaka 2015 alipojiunga na Double M Plus ya Mwinjuma Muumini. Mwaka 2022, Dogo Rama aliendelea kuonyesha ubabe wake kwa nyimbo za Twanga Pepeta alipokuwa mjini Lindi akiitumikia Paris Band. Kupitia kipande hiki cha video ya mwaka 2022, angalia namna Dogo Rama alivyounyanyasa wimbo wa Twanga Pepeta "Penzi Sigara Kali" utunzi wake Chaz Baba. Said Mdoe 1/5/2024

Mzuka wa taarab

Taarab inapokolea

PAPII KOCHA: NABAKIJE MWENYEWE! Sikiliza kionjo hiki kutoka kwa Papii Kocha "Mtoto wa Mfalme" rais wa Town Classic. Papii Kocha ni kiumbe aliyejaaliwa uwezo mkubwa wa kucheza na sauti halafu wala hatumii nguvu. Papii Kocha anakufanya uone kuwa kuimba ni kazi rahisi kwa namna anavyoimba kwa kurelax. Said Mdoe 21/4/2024

SELE MUHUMBA SASA NI RASMI MALI YA TWANGA ...MISHAHARA YAMKIMBIZA TOWN CLASSIC Mkali wa kucharaza nyuzi za gitaa la solo na gitaa la kati, Sele Muhumba, amerejea bendi yake ya zamani Twanga Pepeta. Sele Muhumba anaongeza idadi ya wasanii kadhaa walioondoka Town Classic Band ndani ya kipindi kifupi. Nyota huyo ametambulishwa rasmi kama msanii wa Twanga leo usiku ndani ukumbi wa Andrew's Lounge, Sinza jijiini Dar es Salaam. Siku moja iliyopita, meneja wa Twanga Pepeta, Martin Sospeter aliiambia Saluti5 kuwa Sele ametimiza wiki tangu aliporejea kundini. Sele ni mmoja kati ya wasanii walioasisi Town Classic mwaka 2022. Saluti5 ilipowasiliana na Sele Muhumba siku ya Alhamisi, akasema bado hajaondoka rasmi Town Classic ingawa yuko mbioni kufanya hivyo na aliulalamikia mfumo wa kulipana mshahara ndani ya bendi hiyo. "Wakati wa utawala wa marehemu Patrick Kessy mishahara ilikuwa inatoka kwa wakati, lakini sasa hivi tarehe zinapitiliza, kwa mfano mpaka jana tarehe 17 mshahara wa mwezi uliopita haujatoka," alisema Sele Muhumba. Afisa Habari wa Town Classic, Anania Junior alipoongea na Saluti5 Alhamisi mchana, akasema anachojua ni kwamba Sele ni msanii wao na mkataba wake bado haujaisha. Anania pia alikanusha suala la uchelewaji wa mishahara na kusema hiyo imetokea mwezi Machi tu na ni kwa vile uliandamana na mfungo wa mwezi wa Ramadhan ambao ulifanya bendi ibakiwe na show moja tu kwa wiki. Yote kwa yote, usiku huu CEO wa Twanga Pepeta, Luizer Mbutu, ametangaza rasmi kurejea kundini. Said Mdoe 20/4/2024

HATIMAYE MSONDO NGOMA WAINGIA STUDIO KUSHUSHA VYUMA VIPYA Msondo Ngoma "Baba ya Muziki" wameingia studio kupakua nyimbo mbili mpya. Unaambiwa sasa ni wasaa wa kupata sauti ya mamlaka kwenye muziki wa dansi. Nyimbo hizo ambazo zote zimetungwa na waimbaji ni "Last Chance" wa Juma Katundu na "Pangu Pakavu" kutoka kwa Athumani Kambi. Studio inayotumika ni Sound Crafters chini ya producer Enrico. Mmoja kati ya watu watakaokufurahisha sana kwenye kazi hizi ni Hassan Moshi "TX Junior" ambaye katika "Last Chance" ameimba pamoja na kusherehesha vizuri sana kwenye sebene. Kwenye video hii, ilikuwa ni mazoezi ya mwisho kabisa jana kabla ya kuingia studio leo. Said Mdoe 26/3/2024

MWIMBAJI MPYA WA JODE MUSICA KUTOKA TOWN CLASSIC HUYU HAPA Mwimbaji chipukizi Said Shaaban Salum maarufu kama Tweeter Melody, ndiye msanii mpya wa Jode Musica aliyetambulishwa jana usiku. Tweeter Melody amejiunga na Jode Musica akitokea Town Classic aliyoitumikia tangu Februari 2023 hadi mwishoni mwa wiki iliyopita. Mwimbaji huyo ameiambia Saluti5 kuwa ameondoka Town Classic kiroho safi na ataendelea kuiheshimu kwa kumlea na kumkuza. "Sina ugomvi na Town Classic, imenilea vizuri sana ila nimeona sasa ni muda sahihi wa kwenda kutafuta changamoto mpya," ameeleza Tweeter na kuongeza kuwa jana aliiaga rasmi bendi yake ya zamani kupitia group la WhatsApp. Tweeter ni zao llililoimarishwa zaidi na Mwinjuma Muumini baada ya kupita bendi kadhaa ikiwemo Wisdom Musica ya Arusha. Kwa Muumini alishirikishwa kwenye wimbo "Mtumbue" na baadae Muumini huyo huyo akampeleka Tweeter Town Classic kupitia kwa mmiliki marehemu Patrick Kessy. Licha ya kutumika sana jukwaani kwenye show za Town Classic, lakini Tweeter Melody hakufanikiwa kupata kipande chochote cha kuimba kwenye nyimbo za bendi hiyo zilIzoachiwa hewani. Hata hivyo mwimbaji huyo ameiambia Saluti5 kuwa ameingia studio na kurekodi nyimbo mbili za Town Classic ambazo bado hazijatoka. Said Mdoe 17/3/2024

PAPII KOCHA ATUPA JIWE GIZANI NA DUNIA MSONGAMANO Mwanzoni mwa miaka ya 80, Ndala Kasheba akiwa Orchestra Safari Sound (OSS) alisukuma hewani wimbo "Dunia Msongamano" ambao umekuwa moja ya nyimbo bora za miaka yote. Wakati huo OSS chini ya Kasheba ilikuwa na upinzani mkubwa sana na Maquis Original chini ya Nguza Vicking baba mzazi wa Papii Kocha. Jana usiku usiku katika ukumbi wa TTG Lounge, Kimara Korogwe, Papii Kocha akiwa na Town Classic Band, akakumbushia enzi za ufalme wa Kasheba kwa kuimba sehemu ya wimbo huo Dunia Msongamano. Kama kawaida ya Papii ya kunogesha nyimbo za zamani kwa kuchanganya na matukio mapya ya karibuni, ndivyo alivyofanya kwenye wimbo huo wa Kasheba aliyefariki mwaka 2004 akiwa na umri wa miaka 58. Papii akatupa jiwe gizani kwa kuchomekea namna baadhi ya watu walivyofurahia kusikia mmiliki wa bendi yao ya Town Classic, Patrick Kessy amefariki dunia. Said Mdoe 16/3/2024

ANAITWA KILIMANJARO Huyu ni dansa mpya wa Bogoss Musica ambaye amebatizwa jina la Kilimanjaro.

NESA NESA YA BOGOSS MUSICA USIPIME Wakati Bogoss Musica ikiendelea kutamba na mitindo mingi ya uchezaji ikiwemo Teke la Ng'ombe na Vimba, sasa inakuja na kitu kingine kipya. Sasa hivi ukienda kwenye show za Bogoss chini yake Nyoshi el Saadat, utakutana na staili ya Nesa Nesa. Hii ni silaha nyingine ya Bogoss ambayo itazidi kuwaweka kileleni kwenye idara ya ubunifu wa show. Nyuma ya staili hii, utasindikiza na rao tamu kutoka kwa rapa Kimbunga ambaye ndiye kama kiranja anayehakikisha Nesa Nesa inabamba vizuri. Jana usiku kwenye show ya Vunja Jungu ndani ya Blue Park Lounge, Kinyerezi Mwembeni mashabiki waliipata live Nesa Nesa ya Bogoss Musica. Said Mdoe 11/3/2024

SIKINDE OG YAITEKA MAGOMENI, NYIMBO MPYA ZAONDOKA NA KIJIJI Onyesho la Sikinde OG lillofanyika jana usiku Magomeni jijini Dar es Salaam, lilitia fora. Ilikuwa ndani ya Mbizo Garden ambapo ilionekana kama vile Sikinde OG imeiteka Magomeni kwa namna ukumbi huo ulivyofurika mashabiki. Onyesho hilo lililopewa jina la Usiku wa Ushauri wa Bure, lilipambwa na nyimbo mbili mpya zilizoachiwa hewani wiki chache zilizopita. Nyimbo hizo "Pua ya Nguruwe" na "Ushauri wa Bure" zilitia fora sana licha ya kwamba jana ndiyo zilikuwa zinapigwa kwa mara ya kwanza jukwaani. Ngoma hizo mpya ndizo zilizonyanyua mashabiki wengi kutoka kwenye viti vyao na kwenda kusakata goma la OG. Waimbaji Fresh Jumbe na Skassy Kasambula walijipambanua wazi kuwa bado wako kwenye kiwango bora sana. Katika nyimbo mbili tatu za mwanzo 'sound' haikuwa kwenye ubora na ilionekana kama vile kitumbua kinatiwa mchanga, lakini baadae ikatii amri na mambo yakawa bam bam. Katibu wa Chama cha Muziki wa Dansi (CHAMUDATA) Said Kibiriti alipokaribishwa jukaaani na MC wa onyesho hilo Rajab Zomboko, kiongozi huyo akasema amevutiwa sana na muziki wa OG. Said Mdoe 9/3/2024

SIKINDE OG KUIRUDISHA JIKONI "USHAURI WA BURE" IJUMAA HII Ijumaa hii ndani ya ukumbi wa Mbizo Garden, Magomeni jijini Dar es Salaam, kutakuwa na onyesho maalum la Sikinde OG ambalo limebeba historia nzuri nyuma ya pazia. Onyesho limepewa jina la Usiku wa Ushauri wa Bure ambalo pamoja na mambo mengine mengi, litashuhuhudia nyimbo mpya za bendi hiyo zikitambulishwa live jukwaani. Nyimbo hizo ambazo tayari zinafanya vizuri kwenye vituo vya radio tangu ziachiwe hewani siku chache zilizopita, ni "Ushauri wa Bure" na "Pua ya Nguruwe". "Ushauri wa Bure" umepewa heshima ya kubeba jina la onyesho hilo la kesho Machi 8. Historia ya wimbo "Ushauri wa Bure" inaonyesha kwamba ulifanyiwa mazoezi Mbizo Garden hadi unakamilika na kwenda kurekodiwa kwenye studio za Sound Crafters chini ya producer Enrico. Kwa maana nyingine ni kwamba wimbo Ushauri wa Bure ulipikwa Mbizo Garden na sasa unakwenda kutambulishwa rasmi jukwaani hapo hapo Mbizo Garden. Hili ni moja ya maonyesho makubwa ya dansi kabla ya kuingia kwenye mapumziko ya mwezi mtukufu wa Ramadhan. Said Mdoe 7/3/2024

AYA 15 ZA SAID MDOE: TUKUYU SOUND KUNA SEHEMU SIJAWAELEWA Tukuyu Sound ni kama vile imefanikiwa kujitengenezea dhehebu lake lenye waumini watiifu. Katika umri wake wa miaka mitatu tu, tayari bendi hii imekuwa na wafuasi wengi sana jijini Dar es Salaam. Kalala Junior boss wa Tukuyu Sound anaonyesha kwa vitendo kwamba yeye ni bidhaa inayouzika vizuri sokoni. Kilichobakia kwake ni kuhakikisha bendi yake inatengeneza wafuasi mikoani na nje ya mipaka ya Tanzania. Nilikuwa mmoja wa mashuhuda kwenye onyesho la Tukuyu Sound la kutimiza miaka mitatu Jumamosi iliyopita ndani ya ukumbi wa Brake Point Makumbusho. Tukuyu walifaulu upande wa 'sound' eneo ambalo huwa korofi kwenye matukio mengi makubwa ya dansi. Maskio yetu yalipokea muziki safi usio na chembe ya uchafu. Uzinduzi wa video mpya ya wimbo "Fumbo" ni eneo lingine ambalo Tukuyu Sound walifaulu. Utambulisho wa wasanii wapya Jackson Soloo, Victor Kalume, Muu Bella na Totoo Kalala ulivutia na kuongeza thamani ya onyesho. Kama nilivyosema siku moja baada ya onyesho hilo, kwa umati ule, huku kiingilio cha chini kabisa kikiwa shilingi 10,000 na kwa muziki ulionyukwa jukwaani, ni lazima tukiri kuwa Tukuyu Sound wameuheshimisha muziki wa dansi. Onyesho lilirushwa live na Channel Ten Plus kwa ubora wa hali juu. Naamini kupitia production ile, basi Tukuyu Sound wamejiongezea namba ya mashabiki kutoka kwa watu waliokuwa wakilifuatilia onyesho lile kutokea majumbani mwao. Mshereheshaji wa onyesho hilo, MC Mtama alilitendea haki, hakuwa na mambo mengi yaliyotafuna muda. Show ya utangulizi kutoka kwa Seif Kisauji na bendi yake ya Babloom, ilikuwa poa. Tukuyu Sound imeenea vizuri katika kila idara, muziki wao hauboi na kwasasa sioni kama bendi inahitaji kuingia sokoni kufanya usajili, itakuwa ni fujo tu. Ipo sehemu ndogo sana ninayo wadai Tukuyu Sound, ni Ile tabia ya kurefusha mno nyimbo zao jukwaani. Bendi ilianza kutumbuiza saa 5:35 usiku hadi saa 10 kasorobo alfajiri lakini nyimbo zilizosikika hazikuzidi tano. Ku