Haki TV

Haki TV ni televisheni ya mtandaoni inayokuletea taarifa na makala zilizoandaliwa kwa ufanisi kuhusu sheria na haki za binadamu nje na ndani ya Tanzania.

Subscribe YouTube ili kupata taarifa na malaka zetu.

15/07/2024

LHRC yapokelewa na wakuu wa shule tatu za Sekondari wilayani Bagamoyo na kuzungumza na wanafunzi wa vilabu vya haki za binadamu katika shule hizo.

Maafisa kutoka LHRC walipokelewa na wakuu wa shule hizo na kueleza madhumuni ya kutembelea vilabu hivyo ambapo walieleza kuwa wanaangalia uhai wa vilabu pamoja na kuwafundisha mambo ya msingi yanayo husu haki za binadamu pamoja na kutoa Elimu ya muongozo wa Serikali unao toa fursa ya kurudi shule kwa wanafunzi walioshindwa kuendelea na masomo kwa changamoto mbalimbali ikiwemo kupata mimba.

Shule walizo tembelea na kupokelewa na wakuu wa shule ni Fukayosi Sekondari ambayo mkuu wa shule anaitwa Agnes Mbaga,Bagamoyo Sekondari ambayo mkuu wa shule anaitwa Method Kunambi pamoja na Kingani Sekondari ambayo mkuu wake wa shule anaitwa Grace Mgala.

LHRC ilisisitizwa kuwa na utaratibu wa kuvitembelea vilabu hivyo mara kwa mara kwa ajili ya kuwapatia wanachama Elimu kwani ndio ngao na ulinzi kwao kwani matukio ya ukatili dhidi ya watoto yamekuwa mengi hivyo Elimu ya haki za binadamu ni muhimu kuipata walieleza wakuu wa shule hizo.

27/06/2024

Join Haki TV tomorrow for the launch of a new report: “Conserving Our Rights: Uncovering Human Rights Violations in Tanzania’s Conservation Sector.”

The event, co-conducted by the Center for Strategic Litigation, Amnesty International, and Media Brain, will be streamed live on the Haki TV YouTube channel from 9:30 AM to 11:30 AM.

Cc

26/06/2024

“Mbali na Tanzania kuwa ndio nchi kubwa Afrika Mashariki kwa ukubwa wa eneo la mraba na wingi wa watu bajeti yetu inafanya Tanzania kuwa nchi ya tatu ikipitwa mbali na Kenya na Uganda. Ikumbukwe Tanzania bado ina miradi mikubwa ya kipaumbele na ya kimkakati ambayo inahitaji hela nyingi,
Mfano: BAJETI KUU 2024/2025 Kenya TZS 77 Trilioni, Uganda TZS 50 Trilioni, Tanzania TZS 49.35 Trilioni, Rwanda TZS 11.27 Trilioni na Burundi TZS 3.999 Trilioni. UKUBWA WA NCHI KWA Sq. KM Tanzania 945,087, Uganda 241,550, Kenya 225,000, Burundi 27,830 na Rwanda 26,338. IDADI YA WATU KWA NCHI (2022). Tanzania 65.5 M, Kenya 54.03 M, Uganda 47.25 M, Burundi 13.89 M, na Rwanda 13.78”.

Fulgence Massawe- Kaimu Mkurugenzi Mtendaji LHRC.

26/06/2024

Leo Juni 26, 2024, Kituo cha Sheria na Haki za Binadamu (LHRC) kimewasilisha mapendekezo yake kwa umma kufuatia uchambuzi uliofanywa mara baada ya wasilisho la Mapendekezo ya Serikali kuhusu Makadirio ya Mapato na Matumizi kwa mwaka 2024/2025 iliyowasilishwa tarehe 13 Juni, 2024 katika Bunge la Jamhuri ya Muungano wa Tanzania.

Uchambuzi wa LHRC umefanywa kwa mtazamo wa Haki za Binadamu kwa kuzingatia haki zilizoanishwa katika Katiba ya Jamhuri ya Muungano wa Tanzania, 1977. lakini pia LHRC imezingatia uhalisia wa mahitaji ya kijinsia, changamoto za mabadiliko ya tabia nchi na hali ya ugumu wa maisha.

“Kiujumla, bajeti inapendekeza kufanya marekebisho ya kikodi katika sheria ishirini na tano (25), hata hivyo LHRC imeweka vipaumbele kwenye sheria nane (8) ambazo imekuwa ikizifanyia kazi na kutolewa maoni kwa muda mrefu k**a ilivyochambuliwa kwenye nyaraka hii”.

Fulgence Massawe-Kaimu Mkurugenzi Mtendaji Kituo cha Sheria na Haki za Binadamu

19/06/2024

Wakili Fulgence Massawe Mkurugenzi wa Uchechemuzi na Maboresho LHRC akiongoza mjadala unaohusu ‘Usalama wa waandishi wa habari Tanzania’ katika kongamano la pili la Maendeleo o ya Sekta ya Habari leo Juni 19, 2024, katika ukumbi wa mikutano wa Mlimani City Jijini Dar es salaam.

Kongamano hilo limeandaliwa na Wizara ya Habari, Mawasiliano na Teknolojia ya Habari na limefanyika kwa siku mbili kuanzia Juni 18-19, 2024, ambalo lilifunguliwa rasmi na Rais wa Jamhuri ya Muungano wa Tanzania Dkt. Samia Suluhu Hassan na kuhitimishwa Juni 19, 2024 na Mhe.Nape Nhauye Waziri wa Habari, Mawasiliano na Teknolojia ya Habari.

Cc

18/06/2024

Kituo cha Sheria na Haki za Binadamu (LHRC) kimeshiriki katika kongamano la pili la Maendeleo ya Sekta ya Habari liliondaliwa na Wizara ya Habari, Mawasiliano na Teknolojia ya Habari linalofanyika katika ukumbi wa mikutano wa Mlimani City Dar es salaam.

Kongamano hilo limefunguliwa rasmi na Rais wa Jamhuri ya Muungano wa Tanzania Dkt.Samia Suluhu Hassan na litaanza Juni 18 2024 mpaka Juni 19 2024, ambapo baadhi ya Wafanyakazi wa wameshiriki wakiongozwa na Kaimu Mkurugenzi Mtendaji Wakili Fulgence Massawe- Mkurugenzi wa Uchechemuzi na Maboresho LHRC.

Cc

18/06/2024

Nini kifanyike kukomesha mauaji na ukatili dhidi ya watu wenye ualibino?

Kufuatia tukio la mauaji ya kikatili ya mtoto mwenye ualbino, Asimwe Novath mwenye umri wa mika miwili na nusu aliyenyakuliwa na watu wasiojulikana kutoka mikononi mwa mama yake mnamo Mei 30, 2024 nyumbani kwao katika Kijiji cha Bulamula, Kata ya Kamachumu, Wilaya ya Muleba mkoani Kagera.

Toka hiyo tarehe 30 Mei juhudi za kumtafuta mtoto Asimwe ziliendelea pasipo mafanikio na matamko mbalimbali yalitolewa na baadhi ya Wanaharakati wa haki za binadamu na Jeshi la Polisi na baada ya siku 19 mwili wa mtoto huyo umepatikana Juni 17 2024 ukiwa umefungwa kwenye kiroba cha sandarusi huku baadhi ya viungo vyake vikiwa vimenyofolewa.

Je! Nini kifanyike kuondokana na ukatili huu dhidi ya watu wenye ualbino?

Cc

15/06/2024

Haki TV inawatakia watazamaji wake kheri ya siku ya Mtoto wa Afrika.

13/06/2024

“Kwa upande wa usawa wa kijinsia LHRC imefikia na kuzidi uwiano wa kijinsia wa 50-50, katika bodi ya Wakurugenzi LHRC, asilimia (37% wanaume, asilimia 63% wanawake) na wafanyakazi wa LHRC asilimia (38% wanaume, asilimia 62% ya wanawake.
Dkt. Anna Henga katika Uzinduzi wa Ripoti ya Utekelezaji Mwaka 2023 ya LHRC

13/06/2024

“LHRC ilipanua kwa kiasi kikubwa huduma zake za msaada wa kisheria kwa mwaka 2023, ikiwasaidia wateja 29,491, ikiwa ni ongezeko la asilimia 50% kutoka kwa mwaka uliopita. LHRC ilifikia malengo yake na kuwafikia wateja kwa asilimia 147%, ikionyesha kuongezeka kwa mahitaji ya msaada wa kisheria. Mnyambuliko wa kijinsia ulionyesha kuwa kwa asilimia 65% ya wateja walikuwa wa kiume na asilimia 35% wa k**e. Upanuzi huu pia ulisaidia LHRC kushinda kesi 209 za mahak**ani”.

Dkt. Anna Henga katika Uzinduzi wa Ripoti ya Utekelezaji Mwaka 2023 ya LHRC.

13/06/2024

Mwaka 2023 kwa upande wa kesi mkakati LHRC ilifanikiwa kupinga kifungu cha Sheria ya Uhamiaji kilichozuia uhakiki wa kimahak**a, ikithibitisha nafasi ya Mahak**a k**a muamuzi wa mwisho kwa mujibu wa katiba, LHRC pia ilipata ushindi mkubwa katika kesi za kimkakati zilizopunguza mamlaka ya Waziri chini ya Sheria ya Uhamiaji, ambayo hapo awali iliruhusu maamuzi ya Kamishna Mkuu wa Uhamiaji kuwa ya mwisho na yasiyoweza kupingwa na mahak**a. Kifungu hicho kilibatilishwa kwa kuondoa mamlaka ya kimahak**a, k**a ilivyo kwenye Katiba,

Aidha, LHRC ilichangia kuondolewa kwa marufuku ya mikutano ya kisiasa iliyowekwa mwaka 2016. Mabadiliko yaliyorejesha haki za kikatiba za uhuru wa kufanya mikutano ya hadhara.
Chanzo, Ripoti ya Utekelezaji Mwaka 2023 ya LHRC

13/06/2024

Leo Juni 13 2024, Kituo cha Sheria na Haki za Binadamu (LHRC) kimetoa Ripoti yake ya kazi ya Mwaka 2023 inayoonesha mafanikio makubwa yaliyotokana na Mpango Mkakati wa miaka sita (2019-2024) ambapo Muhtasari wa Ripoti hiyo unamulika mwaka wa pili wa Mpango wa Utekelezaji wa (2022-2024).

Akizindua Ripoti hiyo Dkt.Anna Henga Mkurugenzi Mtendaji -LHRC ametaja matokeo hayo ambayo yametokana na kazi kubwa ya kusaidia jamii juu ya uelewa na upatikanaji wa haki za binadamu katika kutaamali jamii yenye haki na usawa.

“Kupitia programu ya elimu kwa umma, LHRC ilifikia watu milioni 16.8 kupitia programu 790 za redio za kijamii. Haki ilipata watazamaji 272,423, na kwenye Facebook, Twitter, na Instagram ilieneza uelewa mkubwa, ilibainika kuwa na tofauti ya kijinsia kwa watumiaji wengi wa kiume walikua kwenye mtandao Twitter kwa asilimia (80%) na Instagram asilimia (73.3%),
Kupitia mfumo wa Haki Kiganjani, LHRC ilipokea jumla ya matukio 1,919, na kufanyia kazi 50% ya matukio hayo, huku wanawake wakiwa ni manusura wakuu kwa asilimia 56%, ikilinganishwa na wanaume walio na asilimia 44%”.

Dkt. Anna Henga Mkurugenzi Mtendaji wa LHRC.

13/06/2024

13 Juni 2024, Siku ya Kimataifa ya uelewa kuhusu Ualbino.
‘USHIRIKI, UELEWA NA USTAWI’.

05/06/2024

MKURUGENZI Mtendaji wa Kituo cha Sheria na Haki za Binadamu (LHRC) Dkt. Anna Henga (Wakili) amelazimika kusafiri umbali wa Km 1,500 kumfuata aliyekuwa Ngariba wa ukeketaji mkoani Tarime, Bhoke Ryoba 66 aliyetekeleza ukeketaji kwa mabinti zaidi ya 2,000 kwa miaka kumi alivyofanya kazi hiyo.

Ngariba huyo anaishi Katika kijiji cha Masanga ,kata ya Nyamwale, wilayani Tarime Mkoani Mara aliachana na shughuli hiyo tangu mwaka 2015 huku akikiri alifanya hivyo akiamini yupo sahihi.

Dkt. Henga alichukia uamuzi huo baada ya kutonywa na Asasi ya Kupinga Ukeketaji (ATFGM) iliyoko mkoani huko alitaka kujua sababu ya Bhoke kutekeleza hilo ilihali ni kinyume cha seheria.

Ameelezea kuhusu kutekeleza biashara hiyo, Bhoke alisema jamii ya Wakurya wanaheshimu na kuenzi ukeketaji na endapo angeachana na shughuli hiyo mapema angeweza kupoteza maisha.

Amesema alikuwa anafanya hivyo ili kuwasaidia mabinti waweze kuolewa bila shida na kujipatia fedha ambazo zimemsaidia kujenga nyumba mbili na kusomesha watoto.

"Gharama ya kulipia zoezi la ukeketaji ni Sh 10,000 na hiyo ni kwa miaka ya 2008 na kwa wakati huu gharama inafika mpaka Sh 20,000 kwa msimu wa ukeketaji huwa tunakeketa zaidi ya mabinti 200 na wazazi wao lazima walipie fedha na zinagawanywa kwa wazaee wa Mila na Mangariba.

"Nilikuwa sijui k**a kukeketa ni kosa kisheria jamii ya huku wanaamini binti asipokeketwa anakuwa hajatimia ndio maana hii mila badoa inaendelea huku kwa kifupi huu ni mradi wa mangariba kujipatia fedha" alisema Bhoke akiwa nyumbani kwake alipohojiwa na Dk Anna kuhusiana na harakati hizo.

Hata hivyo Dkt. Henga alionya kitendo cha baadhi ya Mangariba kubadili ukeketaji kuwa mradi huku akiitaka jamii kutokuutumia k**a kivuli cha kujipatia fedha akisisitiza kitendo hicho ni ukatili wa kijinsia na kinakatisha ndoto za mabinti wengi.

"Jambo hilo limekuwa likisababisha madhara mengi ikiwemo kukatisha masomo, ndoa za utotoni,vifo kwa watoto hasa wakati wa kujifungua pamoja na kuchochea magonjwa mbalimbali" amesema Dkt. Henga.

21/05/2024

Wadau wanaoshiriki katika kikao kazi kilichoandaliwa na Tume ya Haki za Binadamu na Utawala Bora (CHRAGG) kwa kushirikiana na Kituo cha Sheria na Haki za Binadamu (LHRC) wakiwa katika makundi kazi ya kujadili na kupitia nyaraka na machapisho mbalimbali (Literature Review) katika maeneo saba (07) ya vipaumbele vya Kisekta vilivyoidhinishwa na Kamati tendaji ya kitaifa ambayo ni; Uziduaji na Nishati, Uzalishaji na Usindikaji, Kilimo na Uchumi wa Buluu, Utalii na Ukarimu, Kazi na Usafirishaji, Mawasiliano ya Kidigitali, na Biashara na Fedha.

Kikao hicho kimeanza Mei 20, 2024 mpaka Mei 25, 2024 katika hotel ya Gold Crest Arusha, kikao kimelenga kupitia nyaraka na machapisho mbalimbali kwa ajili ya uandaaji wa mpango kazi wa kitaifa wa Haki za Binadamu na Biashara.

20/05/2024

Joyce Komanya-Afisa Programu Mwandamizi wa Uwajibikaji wa Makampuni na Biashara LHRC akiwasilisha ujumbe kwa niaba ya katika kikao kazi cha kupitia na kurejea Machapisho/Nyaraka kwa ajili ya kuaandaa mpango kazi wa haki za binadamu na biashara.

Kikao hicho kimeratibiwa na LHRC kwa kushirikiana na Tume ya Haki za Binadamu na Utawala Bora na kimeanza leo Mei 20 2024, na kitafanyika kwa siku sita mpaka Mei 25 katika ukumbi wa Golden Crest hotel Jijini Arusha.

20/05/2024

Kituo cha Sheria na Haki za Binadamu (LHRC) kwa kushirikiana na Tume ya Haki za Binadamu na Utawala Bora (CHRAGG) wanaendesha kikao cha mapitio ya nyaraka kwa ajili ya uandaaji wa mpango kazi wa kitaifa wa Haki za Binadamu na Biashara, kikao hicho kimeanza leo Mei 20, 2024 mpaka Mei 25, 2024 katika hotel ya Golden crest, Arusha.

Kikao hicho kimejikita kufanya mapitio ya maandiko na machapisho mbalimbali (Literature Review) yanayohusu maeneo Saba (07) ya vipaumbele vya Kisekta vilivyoinidhinishwa na Kamati Tendaji ya Kitaifa ambayo ni: Uziduaji na Nishati (Extractives and Energy); Uzalishaji na Usindikaji (Manufacturing and Processing); Kilimo na Uchumi wa Buluu (Agriculture and Blue Economy); Utalii na Ukarimu (Tourism and Hospitality); Kazi na Usafirishaji (Works and Transport); Mawasiliano ya Kidigitali (Digitalization and Telecommunication) na Biashara na Fedha (Trade, Commerce and Finance).

Pia, kikao kimelenga kuboresha tathmini ya hali ya Haki za Binadamu na Biashara (National Baseline Assessment-NBA) iliyofanywa na Tume na kuzinduliwa mwaka 2017. Tathmni hiyo ilifanyika katika maeneo machache tu ya kilimo cha biashara, utalii, uziduaji, kazi, ardhi, mazingira na ufikiwaji wa nafuu baada ya madhara yanayotokana na uvunjifu haki husika iliyokusudia kufahamu hali halisi, hasa changamoto zinazohusu masuala ya haki za binadamu na biashara.

15/05/2024

Baadhi ya waandishi wa habari wakiendelea kutoa michango yao kuhusu mafunzo ya LHRC kwa wanahabari yanayoendelea katika ukumbi wa Morena hotel Jijini Dodoma.

Mafunzo hayo yanalenga kuwajengea uwezo Waandishi wa Habari kuhusu namna ya kuripoti kwa usahihi habari za mauaji ya wenza, yanayosababishwa na mambo mbalimbali, jinsi ya kutoa taarifa kwa kuzingatia hali ya wahanga, Jinsi ya kuwahoji waathiriwa wa mauaji ya wenza kwa heshima, Jinsi ya kuripoti habari kwa kuzingatia madhara ya mauaji ya wenza na ukatili wa kijinsia kwa ujumla.

14/05/2024

Kituo cha Sheria na Haki za Binadamu (LHRC), kinaendesha mafunzo ya Wanahabari kuhusu utoaji wa taarifa za mauaji ya wenza.

Mafunzo hayo yamelenga kukuza uelewa kwa Waandishi wa habari kuhusu namna bora ya kuripoti habari zinazohusu mauaji ya wenza yanayotokana na sababu mbalimbali, namna ya kutoa habari zenye kuzingatia hali za wahanga, namna ya kuhoji wahanga wa mauaji ya wenza, utoaji wa habari zenye kuzingatia hali za wahanga na madhara ya mauaji ya wenza na ukatili wa kijinsia kijumla.

Mafunzo hayo ambayo yameanza leo Mei 14 2024, yatafanyika kwa siku mbili katika Ukumbi wa Morena hotel Dodoma.

12/05/2024

Happy Mother’s Day to all mothers in the world.

08/05/2024

“Kubadilisha jina kwa sababu ya ndoa au sababu nyingine yoyote hakuwezi kumzuia mtu kupiga kura. Sheria hii itawaruhusu wanawake ambao mara nyingi wanaweza kubadilisha majina yao ya ukoo na kupitisha majina ya waume zao wakati wa ndoa kupiga kura bila changamoto.
Kifungu cha 15 cha Sheria ya PPCE”.

Dkt. Anna Henga

08/05/2024

“Katika sheria hii mpya ya uchaguzi bado ina changamoto kwenye Adhabu ya ukatili wa kijinsia kwa sababu adhabu yake ni ndogo sana, faini iliyotolewa ni ndogo sana kuzuia kuachwa kwa uhalifu ambayo ni shilingi 50,000 ambapo inampattia mwanya mtendaji kosa kuendelea kufanya hivyo ,
tunapendekeza kuanzishwa kwa kosa Maalum la Unyanyasaji wa Kijinsia na Unyanyasaji katika Uchaguzi,

Huu ni mfano mzuri kwamba Tanzania inaonyesha dhamira kuelekea matarajio yaliyowekwa katika vigezo muhimu vya kimataifa na kikanda k**a vile Mkataba wa Kutokomeza Aina Zote za Ubaguzi Dhidi ya Wanawake (CEDAW na Maputo. Hata hivyo”.
Dkt. Anna Henga akiongea katika Mkutano wa Kitaifa wa TCD 2024.

08/05/2024

Dkt. Anna Henga Mkurugenzi Mtendaji wa Kituo cha Sheria na Haki za Binadamu (LHRC) ameshiriki katika mkutano wa Kitaifa wa TCD (Tanzania center for Democracy) unaolenga kutafakari na kujenga uelewa wa pamoja juu ya sheria za uchaguzi zilizopitishwa kuelekea uchaguzi wa serikali za mitaa mwaka 2024 na uchaguzi mkuu mwaka 2025.

Mkutano huo ambao utafanyika kwa siku mbili umeanza leo Mei 8, 2024 katika Ukumbi wa Maktaba mpya ya Chuo Kikuu cha Dar es salaam.

02/05/2024

Kuelekea Maadhimisho ya siku ya uhuru wa vyombo vya habari, Kituo cha Sheria na Haki za Binadamu kupitia ofisi yake ya msaada wa kisheria Dodoma inashiriki kutoa msaada wa kisheria katika Ukumbi wa kimataifa wa Jakaya Kikwete Dodoma kuanzia tarehe 2 Mei mpaka tarehe 3 Mei 2024.

Mgeni Rasmi katika Maadhimisho hayo atakuwa Waziri Mkuu wa Jamhuri ya Muungano wa Tanzania Mhe.Kassim Majaliwa Majaliwa

30/04/2024

Tunawatakia maadhimisho mema wafanyakazi wote
#2024

24/04/2024

“Rushwa imeendelea kutajwa na wanajamii k**a mojawapo ya vikwazo vikubwa vya upatikanaji haki (asilimia 78) na haki jinai (aslimia 62), ikifuatiwa na vikwazo vingine k**a vile kesi kuchukua muda mrefu, ucheleweshaji katika uchunguzi, uhirishwaij wa kesi mara kwa mara, na uelewa mdogo kuhusu sheria. Baadhi ya hizi changamoto zinachangia tatizo la watuhumiwa au mahabusu kukaa gerezani muda mrefu, hivyo kukiuka haki zao k**a watuhumiwa na binadamu”.

Dkt. Anna Henga-Mkurugenzi Mtendaji LHRC.

24/04/2024

Aina nyingine ya ukatili ambayo iliathiri haki ya kuishi mwaka 2023 ni ukatili dhidi ya mwenza unaofanywa na mweza, ambao umekuwa ukisababisha vifo vya wenza katika sehemu mbalimbali nchini. Kwa mwaka 2023, LHRC ilikusanya matukio ya mauaji ya mwenza yanayofanywa na mwenza 50, ambayo ni ongezeko la matukio 17 ukilinganisha na matukio yaliyoripotiwa mwaka 2022. Wanawake wameendelea kuwa manusura wengi wa ukatili huu (asilimia 90). Matukio mengi yanasababishwa na kinachoitwa wivu wa kimapenzi

24/04/2024

“Kwa mujibu wa ripoti hii, watoto wameendelea kuwa manusura wakuu wa vitendo vya ukiukwaji wa haki za binadamu (asilimia 45), asilimia hiyo ikipungua kutoka asilimia 47 mwaka 2022. Wanawake wameshika nafasi ya pili (asilimia 30), ikipungua kutoka asilimia 33 mwaka 2022; wazee ni aslimia 12, kutoka asilimia 10 mwaka 2022; wanaume ni asilimia 10 kutoka asilimia 6 mwaka 2022; na watu wenye ulemavu ni asilimia 3 kutoka asilimia 4 mwaka 2022”.

Fundikila Wazambi-Mtafiti Mwandamizi LHRC.

24/04/2024

“Kwa mujibu wa ripoti hii, haki ambazo zilionekana kukiukwa zaidi mwaka 2023 ni haki ya kuishi, uhuru dhidi ya ukatili, haki ya usawa mbele ya sheria, haki ya kuwa huru na salama, na uhuru dhidi ya utesaji. Haki zote hizi zinaangukia katika kizazi cha haki za kiraia na kisiasa na ukiukwaji wake ulichangiwa na masuala mbalimbali, ikiwemo mauaji na wananchi kujichukulia sheria mkononi; mauaji yanayotokana na imani za kishirikina; mauaji ya mwenza yanayofanywa na mwenza;

vikwazo vya upatikanaji wa haki; na changamoto mbalimbali katika mfumo wa haki jinai, ikiwemo uwekaji wa watuhumiwa kizuizini kwa muda mrefu, uk**ataji na uwekaji kizuizini kinyume na sheria, uchunguzi wa kesi kuchukua muda mrefu, na ubambikaji kesi”.

Fundikila Wazambi-Mtafiti Mwandamizi na Mwandishi wa Ripoti ya Haki za Binadamu-LHRC.

24/04/2024

Ripoti ya Haki za Binadamu ya mwaka 2023 ni ripoti ya 22 kuandaliwa tangu LHRC ilipoanza utaratibu huo. Ripoti imeandaliwa kwa kushirikiana na Shirika la Kupambana na Changamoto zinazowakumba Vijana Zanzibar (ZAFAYCO), na imegawanyika katika sehemu mbili, ambapo Sehemu ya Kwanza inaangazia hali haki za binadamu Tanzania Bara, na Sehemu ya Pili inaangazia hali ya haki za binadamu kwa upande wa Zanzibar.

Hali kadhalika, ripoti inaangalia haki za msingi za binadamu katika vizazi vyote vitatu vya haki za binadamu, ambavyo ni kizazi cha kwanza: haki za kiraia na kisiasa; kizazi cha pili: haki za kiuchumi, kijamii, na kiutamaduni; na kizazi cha tatu: haki za jumla. Vyanzo mbalimbali vya taarifa vimetumika kuandaa ripoti hiyo ikiwemo utafiti wa haki za binadamu uliofanywa katika mikoa 20 ya Tanzania Bara na Zanzibar.

Address

Kijitonyama
Dar Es Salaam

Website

https://www.youtube.com/channel/UCkcwqB_W1chmVFK6wHgSCYg

Alerts

Be the first to know and let us send you an email when Haki TV posts news and promotions. Your email address will not be used for any other purpose, and you can unsubscribe at any time.

Videos

“Watawala wanatumia vitisho ili kuendelea kupata Madaraka,wanategemea sana vyombo vya usalama”. Sheikh Ponda Issa Ponda katika mahojiano na Haki Tv kuhusu kukamatwa na kuteswa kwa viongozi wa CHADEMA. @chadema_in_blood @chadematzofficial Cc @humanrightstz

“Jeshi la Polisi lisikubali kutumiwa na chama kimoja cha siasa, maana tatizo hapa linakuja Watawala wanalitumia Jeshi la Polisi wao wanatoa maagizo, sasa yale maagizo ya wanasiasa hayawi maagizo ya kisheria wala sio maagizo ya kitalaam wale wanaagiza tu hawa wafanyeni hivi, wafanyeni hivi. Sasa inatakiwa jeshi lisitumiwe na wasiasa maana likitumiwa na wanasiasa inaleta matatizo maana wao wanalinda maslahi yao”. Sheikh Ponda Issa Ponda katika Mahojiano na Haki Tv kuhusu kukamatwa na kuteswa kwa Viongozi wa CHADEMA @chadema_in_blood @chadematzofficial . Cc @humanrightstz

“Matukio mengi ya Utekwaji yametokea na hakuna kauli ya kiongozi wa juu ametoka kusema hii ni mbaya sana”. Sheikh Ponda Issa Ponda katika mahojiano na Haki TV kuhusu Utekaji wa viongozi na wafuasi wa CHADEMA tunapoelekea Uchaguzi 2024-2025.

“Haturidhishwi na kasi ya ufutiliaji wa matukio ya kutekwa, kupotea na kuuwawa kwa watoto yanayoendelea katika nchi yetu. Uchunguzi wa matukio haya upews kipaumbele na umma upewe taarifa sahihi na kwa wakati”. Mdau akisoma tamko la kulaani mauaji ya watoto nchini Tanzania.

Getrude Dyabene Afisa Mwandamizi Dawati la jinsia LHRC na Wadau wengine wa haki za watoto katika tamko la kulaani vitendo vya ukatili na mauaji ya watoto vinavyoendelea nchini Tanzania.

“Bajeti bado haijapitishwa na toka jumapili walikuwa wanachukua maoni ya wadau na sisi tulitoa maoni jumatatu, sasa kama walikuwa wanachukua maoni kwa ajili ya kuboresha tunashukuru, lakini kama walikuwa wanachukua kwa ajili ya kutimiza wajibu wa kuchukua maoni ya wadau tutakuwa tumesikitika sana, lakini jukumu letu pia kuiambia serikali kwamba tunaona kinachofanyika na tuna maoni yetu”. Wakili Fulgence Massawe-Kaimu Mkurugenzi LHRC akiongea na Waandishi wa habaro hii leo akitoa maoni ya LHRC kuhusu Bajeti ya Serikali 2024/2025.

“Sisi rai yetu kwa serikali ni kupunguza ukubwa wa matumizi yasiyokuwa yalazima, matumizi ya kawaida sasa kwenye matumizi ya kawaida kuna matumizi ya stahiki za watumishi kwa mfano mshahara na mambo mengine, lakini kuna yale matumizi ambayo ni ya anasa mfano, tunaweza kurudi nyuma kipindi cha Waziri Mkuu Pinda, walipitisha azimio bungeni kwamba ni aina gari yha magari yatatumika na serikali, wakakubaliana yatatumika magari madogo nay ha bei rahisi, lakini magari yote yanatumika sasa hivi ni ya kifahari na ya bei kubwa na kuyaduhumia ni gharama, mfano ingekuwa rahisi sana kwa serikali kama mtumishi anastahili kupewa gari akopeshwe gari ambalo anaweza kulipa kwa mshahara wake, ina maana hilo gari atalitumia kwenye utumishi na atawekewa mafuta na serikali, akimaliza muda wake ataondoka na gari yake, matokeo ya kununua haya magari ya kifahari ni mzigo kwa serikali”. Fulgence Massawe Mkurugenzi Mtendaji LHRC

“Deni la Taifa limekuwa ni changamoto sio kwa Tanzania tu hata kwa nchi jirani na kinachopelekea migomo huko Kenya ni deni la Taifa limechangia kwa kiasi kikubwa, na nikwambie deni linalolalamikiwa bado litaendelea kukopwa tu, ukiangalia kwenye tamko letu tumejaribu kuonyesha namna gani limekuwa likiongezeka toka mwaka mmoja Kwenda mwaka mwingine sio kiashria kizuri kumbukeni deni linapoongezeka bado litaendelea kulipwa… ina maana tunalipa kidogo tunakopa zaidi kwahiyo kila deni linapokuwa limefikia umri wake linalipwa lakini kwa bahati mbaya tunakopa zaidi” Fulgence Massawe Kaimu Mkurugenzi Mtendaji LHRC akitoa maoni ya LHRC kuhusu makadirio ya mapendekezo ya Bajeti ya Serikali, 2024/2025.

Katibu Mtejdaji wa Tume ya Haki za Binadamu ma Utawala Bora (CHRAGG) akieleza jukumu la Tume hiyo katika kutekeleza uandaaji wa mpango kazi wa haki za binadamu na biashara nchini Tanzania.

Wakili Getrude Dyabene akitoa Elimu kuhusu Ukatili wa kijinsia

Maoni ya Wadau wa Haki za Binadamu na Biashara kuhusu maandalizi ya mpango kazi wa Haki za Binadamu na Biashara nchini Tanzania.

Joyce Komanya Afisa Programu Mwandamizi Uwajibikaji wa Makampuni-LHRC @humanrightstz akiongelea utekelezaji wa Mpango kazi wa Haki za Binadamu nchini Tanzania.

Rais Samia asikitishwa na mauaji ya kikatili kwa mtoto mwenye Ualbino aitwaye 'Asimwe'

Salamu za Kituo cha Sheria na Haki za Binadamu (LHRC) katika siku ya mtoto wa Afrika 2024. Kaulimbiu “Elimu jumuishi kwa watoto: Izingatie Maarifa na Stadi za kazi”.

Mkurugenzi Mtendaji wa Kituo cha Sheria na Haki za Binadamu (LHRC) Dkt. Anna Henga ameonana na aliyekuwa Ngariba wa ukeketaji Wilaya kutoka kijiji cha Masanga kata ya Nyamwale Wilaya ya Tarime Bhoke Ryoba (66) aliyetekeleza ukeketaji kwa mabinti zaidi ya 2,000 kwa miaka kumi aliyofanya kazi hiyo mapaka alipostaafu mwaka Katika mahojiano na Dkt. Anna Henga Bhoke alisema jamii ya Wakurya wanaheshimu na kuenzi ukeketaji na endapo angeachana na shughuli hiyo mapema angeweza kupoteza maisha. Amesema alikuwa anafanya hivyo ili kuwasaidia mabinti waweze kuolewa bila shida na kujipatia fedha ambazo zimemsaidia kujenga nyumba mbili na kusomesha watoto. “Gharama ya kulipia zoezi la ukeketaji ni Sh 10,000 na hiyo ni kwa miaka ya 2008 na kwa wakati huu gharama inafika mpaka Sh 20,000 kwa msimu wa ukeketaji huwa tunakeketa zaidi ya mabinti 200 na wazazi wao lazima walipie fedha na zinagawanywa kwa wazaee wa Mila na Mangariba. “Nilikuwa sijui kama kukeketa ni kosa kisheria jamii ya huku wanaamini binti asipokeketwa anakuwa hajatimia ndio maana hii mila badoa inaendelea huku kwa kifupi huu ni mradi wa mangariba kujipatia fedha” alisema Bhoke akiwa nyumbani kwake alipohojiwa na Dkt. Anna kuhusiana na harakati hizo.

Wanajamii Tarime wakubaliana ukeketaji uishe

Kufuatia Maadhimisho ya siku ya watu wenye Ualbino Juni 13 2024, Mkurugenzi Mtendaji wa Kituo cha Sheria na Haki za Binadamu Dkt. Anna Henga amekemea matukio ya ukatili kwa watu wenye ualibino yanayoendelea kujitokeza nchini Tanzania ambayo mengi yanachochewa na imani za kishirikina. Dkt. Henga @annahenga ameiasa jamii kutafuta mali kwa njia za kihalali na sio kujikita katika kufanya mauaji kwa watu wa kundi hilo ikiwa ni njia mojawapo ya kujipatia utajiri. “Watu hawa wamekuwa wakipata changamoto kubwa sana za kuuwawa na kukatwa viungo vyao kwa imani za kishirikina lakini mimi naziita imani za kichawi, kwa sababu huwezi kuwa katika dunia ya sayansi na teknolojia alafu unaamini katika ushirikina, tulinganishe nchi zilizoendelea zimeendelea kwa ajili ya kukata viungo? “. Dkt. Anna Henga Mkurugenzi Mtendaji LHRC.

Leo 13 Juni 2023, Kituo cha Sheria na Haki za Binadamu (LHRC) @humanrightstz kimepinga hoja za Umoja wa Vijana CCM #UVCCM @uvccm_tz za kuufungia mtandao wa X, uliokuwa unaitwa Twitter zamani. Mkurugenzi Mtendaji wa Kituo cha Sheria na Haki za Binadamu Dkt. Anna Henga @annahenga amesema hoja hizo zinarudisha nyuma harakati za kutetea na kupata haki ya taarifa, uhuru wa kujieleza na haki za kidigitali huku akishangazwa na tamko hilo kutolewa na vijana ambao walitakiwa kuwa mstari wa mbele kuhamasisha haki za kidigitali badala ya kuzipinga. “Kwanza ningetegemea vijana ndo wawe mstari wa mbele kutetea haki za kidigitali,ila tamko la vijana kusema kwamba mitandao izimwe ni la kushangaza sana”. Dkt. Anna Henga Mkurugenzi Mtendaji LHRC.

Kituo cha Sheria na Haki za Binadamu (LHRC) @humanrightstz imemuonya Mkuu wa Mkoa wa Arusha Mhe. Paul Makonda kwa kauli zake za udhalilishai kwa Mtumishi wa Longido.

Haki TV imefanya Mahojiano na Wakili Mariam Mageta wa Dawati la familia juu ya ‘Taratibu za malezi na matunzo ya watoto kwa wazazi waliotengana /Wazazi ambao hawako pamoja’. Tembelea YouTube chaneli ya Haki TV kwa undani wa Mahojiano hayo