Breaking News Kiswahili

26/10/2023

Shirika la Hifadhi za Taifa (TANAPA) limegundua eneo jipya lenye kivutio cha kipekee cha Utalii ndani ya Hifadhi ya Taifa ya Ruaha ambalo limepambwa na nguvu za asilia (Natural Pillars).

Mkuu wa Hifadhi ya Taifa Ruaha, Kamishna Msaidizi Mwandamizi Godwell Meing’ataki amesema jitihada za kulitangaza eneo hilo zimeanza ndani na nje ya mipaka ya Tanzania ili kuvutia watalii wengi zaidi na wawekezaji kutembelea na kuwekeza katika aina hiyo mpya ya Utalii.

Kamishna Meing'ataki amesema TANAPA inafanya taratibu za kuwaalika watafiti mbalimbali wa miamba, udongo na Malikale (Archiolojia) wa ndani na nje ya nchi ili kubaini na kupata taarifa sahihi za malikale zilizopo, taarifa ambazo zitalitambulisha eneo hilo kimataifa.

Eneo hilo ambalo limepewa jina la "Ruaha Magic Site", mandhari yake inafanana na masalia ya zana za Mawe mithili ya zile zilizotumika Zama za Mawe za Mwanzo.

26/10/2023

Msanii wa muziki wa Hip-hop kutoka Nchini Marekani 🇺🇸, Lil Wayne amewajia juu viongozi wa makumbusho waliochonga sanamu lenye taswira yake. Msanii huyo amewaambia kuwa sanamu hilo wamekosea na sio yeye, wajitahidi kufanya marekebisho.

"Samahani, makumbusho ya Cire, lakini si mimi! Ila mmejaribu na ninashukuru kwa juhudi" amesema Lil Wayne.

Toa maoni yako

26/10/2023

Naibu Waziri wa Katiba na Sheria akipokea taarifa ya Kikao cha 77 cha Tume ya Afrika ya Haki za Binadamu na Watu kinachoendelea jijini Arusha katika kumbi za AICC kutoka kwa viongozi wa menejimenti ya wizara wanaosimamia kikao hicho.

26/10/2023

Katibu wa NEC itikadi na uenezi wa chama cha mapinduzi (CCM) Paul Makonda amewataka viongozi na wanachama wa chama hicho kumpa ushirikiano katika majukumu yake mapya ndani ya CCM.

Makonda aliyewahi kuwa Mkuu wa mkoa wa Dare es salaam kuanzia 2016 hadi 2021, ameyasema hayo leo Oktoba 26, 2023 katika ofisi ndogo za chama hicho zilizombo Mtaa wa Lumumba Kariakoo jijini Dar es salaam wakati wa makabidhiano ya ofisi kutoka kwa mtangulizi wake Sophia Mjema.

Katika hatua nyingine Makonda amesema yuko tayari kufundishwa, kushauriwa na kuelekezwa ili aweze kutekeleza majukumu yake kwa weledi kwa manufaa ya chama hicho na taifa zima.

26/10/2023

MSITUMIE MATE WAKATI WA TENDO LA NDOA

"Sio salama kutumia mate k**a kilainishi wakati wa tendo la ndoa kwa sababu kuna vijidudu ambavyo vipo katika mate, kwa hiyo vinatakiwa vikae huko huko havitakiwi kuhamishwa sehemu nyingine. Ukivipeleka sehemu za siri unaweza kusababisha changamoto nyingine". Dkt. Baya Kissiwa, Mtaalamu wa Afya ya Uzazi kutoka hospitali ya Amana, Dar es Salaam

16/06/2023

21/04/2023

WAZIRI wa Nchi, Ofisi ya Rais, Tawala za Mikoa na Serikali za Mitaa (TAMISEMI), Mhe. Angellah Kairuki amekabidhi magari 25 ikiwa ni sehemu ya Magari 200 yaliyoagizwa kupitia mradi wa Lipa Kulingana na Matokeo (EP4R) kwa ajili ya Maafisa Elimu Sekondari wa Halmashauri zote nchini.
Pia ameahidi kujenga bweni la wanafunzi wa kiume wa shule ya sekondari Kibasila ikiwa ni ahadi kutoka kwa Mheshimiwa Rais Dk.Samia Suluhu Hassan.
Akizungumza mkoani Dar es Salaam katika hafla ya ugawaji wa magari hayo Mhe. Kairuki
aliwataka Wakala wa Ununuzi Serikalini (GPSA) kukakamilisha upatikanaji wa magari mengine 105 yaliyosalia kwa ajili ya mafisa elimu hao.
"Katika Halmashauri 184 zinazotakiwa kupata magari, Halmashauri 51 tayari zimepata katika awamu ya kwanza, awamu ya pili 19 na hii awamu ya tatu magari 25 hivyo bado magari 105 kwa maofisa hayo," alisema.
Aidha, ameahidi kuwa Serikali itaendelea kuboresha elimu na maslahi ya walimu nchini hivyo aliwataka maofisa hao wawe wabunifu kusimamia shughuli za Kielimu na kuhakikisha kuwa Ubora wa Elimu unaimarika.
Mhe. Kairuki amesema elimu ya sekondari inahitaji uwajibikaji na huwezi kupata mafanikio pasipo kuwa na ubunifu na bidii kwa watumishi hivyo Serikali inaendelea kufanya maboresho lakini pia wasimamizi nao watekeleze wajibu wao.
Amewataka Maafisa hayo kutumia magari hayo kuongeza ufanisi wa shughuli za Kielimu na pia yatunzwe ili yaweze kudumu kwa muda mrefu.

21/04/2023

WAZIRI wa Nchi, Ofisi ya Waziri Mkuu – Kazi, Vijana, Ajira na Wenye Ulemavu Prof. Joyce Ndalichako amekagua maandalizi ya sherehe za Mei Mosi na kueleza kuridhishwa na hatua zilizofikiwa.
Akipokea taarifa ya k**ati ya maandalizi walipokutana kwa lengo la kujadili na kupanga mipango mbalimbali kuelekea kilele cha sherehe hizo zinazotarajiwa kuadhimishwa katika uwanja wa Jamhuri, Mkoani Morogoro, Waziri Ndalichako amepongeza k**ati ya mkoa kwa kushirikiana na ofisi yake pamoja na Shirikisho la Vyama vya Wafanyakazi (TUCTA) ili kufanikisha sherehe hiyo.
“Nawapongeza kwa kazi nzuri, hakika hatua iliyofikiwa katika maandalizi inaridhisha,” amesema. Nipongeze Shirikisho la Vyama vya Wafanyakazi (TUCTA) kwa namna wanavyoratibu shughuli hii na tunawaunga mkono kwa kuwa tunatambua umuhimu wa wafanyakazi katika kutekeleza malengo ya Serikali,”

21/04/2023

ZAIDI ya viwanda vidogo vidogo 500 vya wachina vimewekezwa nchini Tanzania ambavyo vimewezesha watanzania wengi kupata ajira.
Hayo yamebainika wakati Mkurugenzi wa Udhibiti Ubora kutoka Chuo Kikuu cha Dar es Salaam (UDSM), Profesa Pendo Malangwa alipofungua Mashindano ya Awali ya Siku ya Kichina Duniani yaliyoadhimishwa chuoni hapo.
Profesa Malangwa amesema asilimia kubwa ya watanzania walioajiriwa katika viwanda hivyo ni wale wanaojua lugha ya kichina kupitia elimu inayotewa na Taasisi ya Confucius iliyopo chuoni hapo.
Amesema kupitia viwanda hivyo watanzania wanaojifunza lugha ya kichina wanaweza kuajirika katika viwanda hivyo.
Amesema wachina wana mchango mkubwa katika kuunganisha nchi za kiafrika na China kupitia taasisi yake ya Confucius ambayo kazi yake kubwa ni kufundisha lugha ya kichina, utamaduni wake na michezo mbalimbali inayoendana na utamaduni wa kichina.

21/04/2023

TANGAZO LA AJIRA KUTOKA WIZARA YA AFYA
Wizara ya Afya kupitia Kibali cha Ofisi ya Rais, Menejimenti ya Utumishi wa Umma na Utawala Bora chenye Kumb. Na. FA.97/128/01/”B”/72 cha tarehe 20 Aprili, 2023; Inatangaza nafasi za kazi 247 za Kada za Afya.

WIZARAya Afya imetangaza nafasi za ajira 247 zikihusisha madakitari bingwa 30, baada ya kupata Kibali cha Ofisi ya Rais, Menejimenti ya Utumishi wa Umma na Utawala Bora Aprili 20, 2023.
1. Daktari daraja la II nafasi 15
2. Daktari wa meno daraja la II nafasi 10
3. Mfamasia daraja la II nafasi 10
4. Afisa Muuguzi daraja II nafasi 15
5. Afisa Muuguzi msaidizi daraja II nafasi 40
6. Afisa Mteknolojia daraja la II nafasi 15
7. Mteknolojia daraja la II nafasi 48
8. Mhandisi vifaa tiba daraja II nafasi 10
9. Fundi sanifu vifaa tiba daraja II nafasi 15
10. Fiziotherapia daraja la II nafasi 10
11. Afisa afya mazingira daraja II nafasi 10
12. Afisa afya mazingira msaidizi daraja II nafasi 15
13. Mtoa tiba kwa vitendo daraja II nafasi 4
Waombaji watakaochaguliwa watapangiwa hospitali za rufaa za mikoa ya Kigoma, Katavi, Sumbawanga, Songea, Njombe, Ruvuma, Mtwara, Lindi, Simiyu, Geita, Shinyanga, Ttabora, Singida, Manyara, na Mara.
Maeneo mengine ni Hospitali ya Kanda ya Chato, na Mtwara. Hospitali ya magonjwa ambukizi Kibbong’oto na vyuo vya afya.

Muda wa kutuma maombi haya ni ndani ya wiki mbili (2) tangu tarehe ya kutoka kwa Tangazo hili. Mwisho wa kupokea maombi ni tarehe 04 Mei, 2023 saa 5:59 Usiku. Maombi yote yawasilishwe kupitia mfumo wa ajira wa Wizara unaopatikana kupitia tovuti www.ajira.moh.go.tz.
Waombaji wote mnakumbushwa kuwa makini mnapowasilisha maombi kuhakikisha umejaza vizuri vipengele vyote vinavyotakiwa kwenye mfumo ikiwa ni pamoja na kuzingatia maelekezo ya kwenye tangazo kuambatisha nyaraka zote zinazohitajika.

21/04/2023

WAKAZI wa Mtaa wa Mkapa Kata ya Igoma wilayani Nyamagana mkoani Mwanza, wameiomba serikali kupeleka wataalamu wa miamba katika mtaa wao ili kupasua jiwe ambalo limezua hofu baada ya kuonekana likisogea katika makazi yao.

21/04/2023

Mke wa Askari Polisi wilayani Kiteto Nurya Mkondya pamoja na mtoto wake Joas Oscar (2) wamefariki dunia usiku wa kuamkia leo Aprili 21, 2023, baada ya kutokea kwa shoti ya umeme iliyopelekea taa kudondoka kitandani na kuunguza neti na godoro wakiwa wamelala.

21/04/2023

MAHAKAMA ya Hakimu Mkazi Wilaya ya Kinondoni imeiamrisha Hospitali ya Muhimbili kuwapima watuhumiwa watatu ambao ni Noel Ndale Mushi, Kelvin Maliki Ngao na David Brayan Johnson k**a wanajihusisha na mapenzi ya jinsia moja.
Amri hiyo imetolewa jana Aprili 20,2023 na kusainiwa na Hakimu Mkazi J. J Rugemalila.

21/04/2023

MWENDESHA Mashtaka wa Serikali ya Uganda, David Bisamuyu, amesema Polisi wanafanya uchunguzi dhidi ya Waziri Mkuu, Mawaziri 26 na Wabunge 31 baada ya kutajwa katika kashfa za kufanya ubadhirifu wa mabati yaliyotolewa na Rais Yoweri Museven kwa ajili ya kuzisaidia kaya zisizojiweza.
Rais Museveni aliagiza mabati hayo yatumike kuezeka nyumba za eneo la Karamoja lililotengwa kwa ajili ya watu masikini, hata hivyo Rais huyo amesema kuwa atahakikisha wote waliohusika na ubadhirifu huo watashughulikiwa ipasavyo.

21/04/2023

'DAMU CHAFU' WAONYWA KUELEKEA SIKUKUU YA EID

Kufuatia kuibuka kwa kikundi cha kihalifu maarufu ‘Damu Chafu’ mkoani Katavi, jeshi la polisi mkoani humo limetoa onyo kwa vikundi vyote vya kihalifu kutothubutu kufanya vitendo vya wizi na unyang’anyi katika kipindi cha Sikukuu ya Eid.

Nini maoni yako kuhusu kuibuka kwa vikundi vya kihalifu na suala la usalama nyakati za sikukuu?

20/04/2023

Manka Mushi (26) mkazi wa Ikoma Kata ya Itilima Wilaya ya Kishapu mkoani Shinyanga amenusurika kifo baada ya kupigwa na jeshi la jadi (sungusungu) kwa tuhuma za wizi wa laki nne na elfu 20.
Akizungumza akiwa Hospitali ya Rufaa ya Mkoa wa Shinyanga alipolazwa kwa ajili ya Matibabu, Manka amesema tukio hilo lilitokea Aprili 14 usiku baada ya kumkataa mwanaume aliyekuwa akimtaka kimapenzi ndipo akasema kuwa amemuibia pesa hiyo.
Amesema baada ya tukio hilo mwanaume huyo alimshika kwa nguvu na kumtishia kumuua kwa kumnyonga shingo hadi haja kubwa ikatoka kisha kumfikisha kwa sungusungu ili aadhibiwe ambapo aliadhibiwa viboko vilivyochangia kupoteza fahamu.
Kwa upande wake Afisa Ustawi wa jamii Hospitali ya Rufaa Mkoa wa Shinyanga, Prisila Mushi amesema Manka alipokelewa akiwa na hali mbaya na kwamba baada ya matibabu anaendelea vema.

20/04/2023

Jeshi la polisi mkoani Lindi kwa kushirikiana na vyombo vingine vya ulinzi na usalama limewafikisha mahak**ani watu watatu wakituhumiwa kuk**atwa na meno ya tembo 90 katika Kijiji cha Nakiu wilayani Kilwa yenye thamani za zaidi ya shilingi bilioni moja za Kitanzania.
Watuhumiwa hao wamefikishwa katika mahak**a ya hakimu mkazi mfawidhi Wilaya ya Lindi chini ya uangalizni maalumu kutoka kwa jeshi la polisi na wanakabiliwa na makosa mawili ikiwemo kufanya biashara ya nyara za Serikali na kukutwa na nyara za Serikali kinyume na sheria ya uhifadhi wa Wanyama pori namba tano yam waka 2009.
Watuhumiwa hao ni Bakari Saidi (22), Selemani Hassani (32) na Said Selemani (55) ambao wote ni wakazi wa Kijiji cha Nanjilinji wilayani Kilwa.

20/04/2023

Amani Martin (47) aliyeshikiliwa na jeshi la polisi akituhumiwa kumlawiti mwanaye mwenye umri wa mwaka mmoja na miezi 10, amefikishwa mahak**ani kwa tuhuma nyingine ya kumlawiti mtoto wake mwenye umri wa miaka 9.

MKAZI wa Kijiji cha Nzihi aliyewahi kushikiliwa na Jeshi la Polisi mkoani Iringa kwa tuhuma za kumlawiti mwanae wa mwaka mmoja na miezi kumi amefikishwa katika Mahak**a ya Wilaya ya Iringa, kwa awamu nyingine akidaiwa kumlawiti mtoto wa kufikia wa miaka 9.
Amani Martin (47) maarufu k**a Kasisi anadaiwia kufanya ukatili huo katika nyumba ambayo anaishi pamoja na mkewe na mtoto huyo.

Amani alikuwa akiishi na mke pamoja na mtoto huyo kwenye kijiji cha Nzihi kilichoko katika Halmashauri ya Wilaya ya Iringa vijijini.

20/04/2023

KAMANDA wa Polisi mkoani Kilimanjaro, Simon Maigwa, ametoa onyo kwa watakaobainika kuvunja sheria za usalama barabarani k**a kuendesha magari huku wakiwa wamelewa wakati wa sikukuu za Eid-el Fitr watachukuliwa hatua kali za kisheria.
"Nitoe onyo kwa wote watakaotumia vilevi wakati huu ambao tutakuwa kwenye sherehe za Eid el-Fitr hatutawavumilia endapo watavunja sheria sehemu za starehe, barabarani na maeneo mengine,”amesema Kamanda Maigwa.

20/04/2023

KATIKA uchunguzi uliofanywa na Jeshi la Polisi pamoja na Hospitali ya Taifa Muhimbili (MNH) Dar es Salaam, unaonesha kuwa tangu mwaka 2015 hadi 2021, kulikuwa na matukio ya kufukua miili 1,294. Kati ya matukio hayo, yaliyoruhusiwa kufukuliwa kwa amri ya mahak**a ni 52 pekee.
Aidha, Mahak**a ya Tanzania imesema ni kosa kisheria kufukua mwili wa marehemu bila kupata amri ya mahak**a. Imesema mhimili huo ndio wenye mamlaka ya kutamka kwamba mwili wa marehemu ufukuliwe k**a utakuwa umezikwa au kutozikwa endapo mazingira ya kifo yatakuwa na utata au vifo chini ya uangalizi wa polisi au magereza.
Hakimu Mkazi Mkuu wa Mahak**a ya Hakimu Mkazi Kisutu, Dar es Salaam, Richard Kabate amesema hayo alipozungumza katika kipindi cha televisheni cha Sema na Mahak**a. Kabate alisema Sheria ya Uchunguzi wa vifo vyenye mashaka kifungu cha 12, kinamtaka yeyote atoe taarifa kwa hakimu mchunguza maiti kuhusu kifo cha mashaka cha ndugu au mtu mwingine
Una maoni gani, tuandikie

20/04/2023

WAZIRI wa Nchi Ofisi ya Rais Menejimenti ya Utumishi wa Umma, George Simbachawene amesema serikali inaomba ipewe muda kufanyia kazi pendekezo la wabunge pamoja na Mdhibiti na Mkaguzi Mkuu wa Hesabu za Serikali (CAG) kuimilikisha ndege shirika la ndege la Tanzania, ATCL.
ATCL imekuwa ikikodi ndege zake kutoka katika Wakala wa Ndege za Serikali (TGFA) jambo ambalo wadau wamedai kuiwa ni mzigo kwa Shirika la ndege kujiendesha kibiashara.
“Tunatambua ATCL ni taasisi ya Serikali na TGFA ni wakala wa Serikali, tunaomba tupewe muda ili tuweze kulifanyia kazi jambo hili,” Waziri Simbachawene amesema wakati akihitimisha Hotuba yake ya Mapato na Matumizi kwa Mwaka wa Fedha 2023/24.
Katika ripoti hiyo ya ukaguzi kwa mwaka 2021/2022 iliyowasilishwa bungeni Alhamisi, Aprili 6, 2023, CAG licha ya kueleza kuwa shirika hilo limepata hasara kwa miaka mitano mfululizo, pia amebaini madudu katika uendeshaji wa ndege hizo.

20/04/2023

BANDARI ya Mtwara Mkoani Mtwara imezindua huduma ya meli ya kusafirisha makasha. Huduma hizo zimezinduliwa leo Aprili 20, 2023 na Naibu Waziri wa Ujenzi na Uchukuzi Atupele Mwakibete kupitia Meli ya Kampuni ya CMA-CGM kutoka Dubai.

Meli hiyo yenye urefu wa mita 176.88 na uwezo wa tani 18,485 itahudumia shehena itakayosafirishwa kwenda Moroni na Mutsamudu Visiwa vya Comoro. Meli hiyo imetia nanga katika gati jipya ikiwa imebeba makasha 246 na itatarajiwa kukaa gatini kwa muda usiozidi saa 24 kwa ajili ya kushusha makasha hayo.

Akizungumza katika hafla ya uzinduzi wa huduma hizo, Mwakibete amesema ujio wa meli hiyo ni fursa kwa Bandari hiyo kufungua milango ya meli nyingine zaidi kuja.

20/04/2023

WAZIRI MKuu Kassim Majaliwa ameshuhudia uwekaji jiwe la msingi la ujenzi wa Kituo cha Kibiashara cha Afrika Mashariki (EAC) unaofanyika katika eneo la Ubungo, mradi utakao kuwa na maduka 2,060 na kutoa huduma zote za kibiashara ikiwemo benki, ufungishaji na usafirishaji.
Mradi huo ulioko katika eneo la ukuwa wa mita za mraba 75,000 ambalo awali lilikuwa likitumika k**a kituo cha mabasi unatekelezwa na Kampuni ya East Africa Commercial and Logistics Center ya nchini China kwa thamani ya Dola za Marekani milioni 500.
Waziri Mkuu amesema mradi huo utazalisha ajira za moja kwa moja zaidi 15,000 na utahamasisha maendeleo ya setka mbalimbali ambazo nazo zitazalisha ajira zisizo za moja kwa moja 50,000 hivyo kuongeza mapato na kuboresha hali ya maisha kwa wananchi wa Tanzania.
Katika kipindi cha Januari hadi Septemba 2022, Uchumi wa Taifa ulikua kwa wastani wa asilimia 5.2 ikilinganishwa na asilimia 4.9 katika kipindi k**a hicho mwaka 2021
“Ukuaji chanya wa uchumi ni fursa bora kwa wawekezaji na katika hili ninampongeza sana Rais Samia Suluhu Hassan kwa uongozi wake makini wenye lengo la kuliletea taifa letu maendeleo ya haraka-Waziri Mkuu,” amesema Waziri Mkuu.

20/04/2023

RAIS Samia Suluhu Hassan amemteua Waziri wa zamani wa Maliasili na Utalii na Mbunge wa zamani wa Bukoba Mjini (CCM), Balozi Khamis Kagasheki kuwa Mwenyekiti wa Bodi ya Parole.
Taarifa ya Ikulu imesema uteuzi wa Balozi Kagasheki unaanza Aprili 18, 2023.

20/04/2023

"Nimekutana katika mazingira mbalimbali na tumekumbatiana na kubadilishana namba sasa baada ya pale k**a hatukupigiana simu nadhani hiyo hoja haipo sababu k**a binadamu mmekumbatiana ni dhahiri katika ubinadamu hakuna uadui, lakini k**a bado hamjakutana maana yake bado kuna zile tofauti zilizofanya mmoja aondoke,"- Dkt. Slaa, Katibu Mkuu mstaafu wa

20/04/2023

Sara Robert (33), Mkazi wa Ilunda wilayani Sengerema mkoani Mwanza amehukumiwa kifungo cha mwaka mmoja gerezani baada ya kukutwa na hatia ya kuiba mtoto wa kiume mwenye umri wa miezi mitatu

Akisoma hukumu ya kesi hiyo ya jinai namba 72 ya mwaka 2023 katika Mahak**a ya Wilaya ya Sengerema Hakimu mkazi Mwandamizi, Evodi Kisoka amesema hukumu hiyo imetolewa mara baada ya mshtakiwa kukiri kutenda kosa hilo

Awali mwendesha Mashtaka wa Serikali ambaye ni Mkaguzi wa Polisi, Martha Chacha aliieleza mahak**a hiyo kuwa mshtakiwa alitenda kosa hilo kinyume na Kifungu namba 169 (1) ( A) cha Kanuni ya Adhabu sura ya 16 toleo la mwaka 2022

20/04/2023

Serikali ya Tanzania na Ujerumani leo Aprili 20, 2023 zimetia saini ya mkataba wa utekelezaji wa mradi wa shilingi bilioni 15 kusaidia Tanzania kupambana na wanyama waharibifu maeneo ya kusini mwa nchi.
Utiaji saini huo umeshuhudiwa na Waziri wa Maliasili na Utalii, Mohamed Mchengerwa na Balozi wa Ujerumani nchini, Regine Hess.
Akizungumza baada ya utiaji saini mkataba huo, waziri Mchengerwa alisema mkataba huo ni ishara kuwa Serikali inalipa uzito suala la uhifadhi na kupunguza athari za wanyama waharibifu k**a tembo.

20/04/2023

Mahak**a ya wilaya ya Kilwa imemuhukumu Muharami Hassan Nayonga, kifungo cha miaka 30 jela baada ya kumkuta na hatia ya kuruhusu kuingiliwa kinyume na maumbile na watu mbalimbali.
Muharami ambaye ni mlinzi wa SUMA JKT na mkazi wa Kata ya Masoko, alik**atwa Aprili 13, 2023, baada ya kumshawishi kwa kutumia simu, kijana anayefahamika kwa jina la Zalafi Selemani ili aweze kumuingilia kinyume na maumbile.
Baada ya kuk**atwa, mtuhumiwa alichunguzwa na wataalamu wa Afya ambao walibaini kuwa kijana huyo hushiriki ngono kinyume na maumbile.
Mtuhumiwa alifikishwa mahak**ani na kukiri makosa yake na ndipo jamhuri ilipomhukumu kifungo cha miaka 30 jela.
Hukumu hiyo ya kesi namba 27 ya mwaka 2023 imetolewa na Hakimu Mkazi wa Mahak**a hiyo Carolina Mtui, ikiwa ni baada ya kumkuta na hatia juu ya kosa hilo ambalo lipo kinyume na kifungu namba 154, kifungu kidogo cha kwanza, sheria ya kanuni ya Adhabu, sura namba 16.

20/04/2023

Wadau wa Haki ya Kupata Habari (CoRI), wamewaomba wabunge kuwasikiliza wanahabari ili kubeba mapendekeo yaliyoachwa kwenye Muswada wa Mabadiliko ya Sheria ya Habari uliowasilishwa Februari 10 mwaka huu.
Akizungumza kwenye Mkutano wa CoRI, leo jijini Dar es Salaam, Deodatus Balile, Mwenyekiti wa Jukwaa la Wahariri Tanzania (TEF) amesema bado safari ya kuhakikisha tasnia ya habari inapata sheria chanya inaendelea.
Balile amesema, miongoni mwa kifungu wangependa kifanyiwe marekebisho na kimeachwa k**a kilivyo kwenye muswada wa marekebisho hayo ni cha tisa ambacho kinampa mamlaka Mkurugenzi wa Habari (Maelezo) kutoa leseni ya kuchapisha gazeti.
Nevile Meena, Mjumbe wa Jukwaa la Wahariri Taznania (TEF), ameishukuru serikali kwa nia ya kuifanya tasnia ya habari kuwa huru hususan katika kusimamia mchakato wa mabadiliko ya sheria ya tasnia hiyo lakini ameongeza kuwa kile kilichowasilishwa bungeni katika Muswada huo bado kuna vipengele muhimu vya sheria hiyo vimeachwa nje.
“Lakini sheria ikibaki k**a ilivyopendekezwa kwenye muswada ule, hatuwezi kufanya kazi kwa uhuru na weledi tuliokusudia. Hatususi kwa kile kilichopelekwa, tutaendelea kushawishi kudai mabadiliko tena na tena. Mchakato wa sheria ni wa kuendelea, tukitoka sisi watakuja wengine kuendeleza tulipoishia,” amesema Meena.
Rose Mwalongo, kutoka Taasisi ya Vyombo vya Vyombo kwa Maendeleo ya Jamii (TAMCOTE) amesema, angetamani kuona mapendekezo ya wadau wa habari yote yameingizwa kwenye Muswada wa Sheria ya Habari na kuwasilishwa bungeni.
Naye Mjumbe wa CoRI, Deus Kibamba amesema ni heshima kuwa serikali imeipa tasnia ya habari kwa kuanzisha na kusimamia mchakato wa mabadiliko ya sheria ya habari mpaka hapa ulipo.
“Muswada huu ambao serikali imeupeleka bungeni, una mambo mazuri lakini ni machache, mengi bado hayaingizwa. Tunaomba wabunge wajue kuwa kuna mambo mengine zaidi ya habari ambayo tumependekeza, tunaomba yaingie kwa lengo lille ile la kuimarisha tasnia ya habari,” amesema.
James Marenga, Makamu Mwenyekiti wa Misa-Tan ambaye pia ni wakili wa kujitegemea amesema, sheria ina upungufu ambao unapaswa upigiwe kelele na ufanyiwe marekebisho ili sekta ya habari ikue zaidi.

20/04/2023

Jeshi la Polisi Kanda Maalum ya Dar es Salaam linachunguza tukio la vifo vya watu wanne wa familia moja ambao wamefariki dunia baada ya kuvuta hewa chafu ya moshi kutoka kwenye jenereta walilowasha ndani ya nyumba.
Akitoa maelezo hayo Kamanda wa Polisi Kanda Maalum ya Dar es Salaam, Muliro Jumanne amesema tukio hilo lililotokea Aprili 19 mwaka huu maeneo ya Chang’ombe, Temeke Dar es salaam.
Taarifa zinaeleza kuwa Aprili 18, 2023 majira ya saa nne usiku watu hao waliwasha jenereta baada ya umeme kuzimika na kuliweka ndani ya nyumba.
Waliopoteza maisha ni Kazija Mohamed (21), Munir Ibrahim (7), Munira Ibrahim (6) Muyyat Ibrahim (3) wakati mume na mke ambao ni Ibrahim Juma (28) na Aisha Ayubu (29) hali zao sio nzuri na wanenedelea kupatiwa matibabu katika Hospitali ya Taifa ya Muhimbili.
Jeshi la Polisi Kanda Maalum ya Dar es Salaam linaendelea na uchunguzi wa tukio hilo kwa kushirikiana na mamlaka zingine.

20/04/2023

Wananchi wa mtaa wa Mgaranjabo kata ya Buhare katika Manispaa ya Musoma mkoani Mara wamekumbwa na sintofahamu baada ya mtoto wa mwezi mmoja aitwaye Amri Hamisi kufariki dunia na kugeuka jiwe

Wakazi hao wa Manispaa ya Musoma mkoani Mara leo Alhamisi Aprili 20, 2023 wameingiwa na taharuki baada ya mtoto aliyefariki, Amiri Hamis mwenye umri wa mwezi mmoja na siku 12 kugeuka kuwa jiwe huku baadhi ya watu wakihusisha tukio hilo na imani za kishirikiana.
Awali, mama wa marehemu huyo Amina Abdallah alikuwa akiishi katika kijiji cha Mwabuki kilichopo Wilaya ya Bariadi mkoani Simiyu ambapo aliwapeleka watoto hao kwa bibi yao mzaa baba huko Mara.

20/04/2023

Mwanaume mmoja mwenye umri wa miaka 56 Mkazi wa Buzilayombo Wilayani Chato Mkoani Geita anatafutwa na Polisi kwa tuhuma za kumuuwa Mkewe aitwaye Kasaka January (48) kwa kumkata mapanga sehemu mbalimbali za mwili wake chanzo kikidaiwa kuwa ni tamaa za mali zilizokuwa zinamilikiwa na Mwanamke huyo Mchapakazi.
Kamanda wa Polisi Geita ACP. Safia Jongo amethibitisha kutokea kwa tukio hilo na kusema mpaka sasa Mwanaume huyo amekuwa akiishi nyumbani kwa Mama huyo "kiini cha tukio hili ni tamaa ya mali, nichukue nafasi hii kutoa wito kwa Jamii tutafute kwa jasho letu kila siku naendelea kusema kwamba matukio k**a haya ni matukio ya kutokuwa na hofu ya Mungu"
RPC Safia amesema Mwanaume huyu amekuwa akiishi akiishi nyumbani kwa Mama huyo na Watoto ambao sio wa kwake na kwamba Mwanamke huyu alikuwa ni Mchakarikaji aliyemzidi Mume wake kipato ambapo mkasa uliibuka baada ya kupotea kwa betri za Mwanamke huyo ambazo hutumika kwenye shughuli za uvuvi.
"Baada ya betri kupotea Mama huyo alianza kutoa taarifa na kusema ameshamjua Mtu aliyezichukua betri hizo ndipo Mwanaume huyo akajish*tukia na kuchukua uamuzi huo"

20/04/2023

M***i Mkuu na Sheikh Mkuu wa Tanzania Sheikh Abubakari Zubery ametangaza kwamba mwezi haujaonekana leo hivyo kesho Waislamu wataendelea kufunga Ramadhan kukamilisha siku 30 na Eid Al Fitri itakuwa Jumamosi.
“Tumefuatilia katika vyanzo vyetu pamoja na Watu ambao tunashirikiana nao Kenya, Zanzibar kote Mwezi haujaonekana na kwetu Tanzania Mikoa yote tumewasiliana nao lakini Mwezi haukuonekana, nimelithibitisha hilo na natangaza kwamba kesho tunaendelea kufunga na Eid itakuwa Jumamosi”

20/04/2023

Naibu Kadhi Mkuu wa Kenya Sukyan Omar ametangaza kuwa mwezi umeonekana kwenye maeneo kadhaa ya Kenya ikiwemo Mandera na Wajir na hivyo kesho Ijumaa April 21,2023 itakuwa ni Eid Al Fitr Nchini Kenya.

20/04/2023

Baraza Kuu la Waislamu Uganda (UMSC) limetangaza rasmi kwamba mwezi umeandama leo na hivyo Eid Al Fitri Nchini Uganda itakuwa kesho Ijumaa April 21,2023.

10/02/2023

MAHAKAMA ya Wilaya Mpanda, imemuhukumu Agustino Michese (59) kutumikia kifungo cha miaka 30 jela kwa kosa kufanya mapenzi na mtoto wake wa kumzaa mwenye umri wa miaka 16. /https://www.ippmedia.com/sw/habari/kampuni-yajitosa-chakula-shuleni

12/08/2022

Study

20/05/2022

Uongozi wa Kanisa la House of Prayers 'Shield of Faith Christian Fellowship' lililopo Boko Mtaa wa Dovya jijini Dar es salaam umeliomba Jeshi la Polisi kuwasaidia kumtafuta Askofu Mkuu wa Kanisa hilo Mulilege Mkombo Kameka maarufu k**a mzee wa yesu ambaye wanadai ametekwa na watu wasiojulikana.
Akizungumza na waandishi wa Habari jijini Dar es salaam, Mchungaji wa Kanisa hilo Naza Nicolous amesema Askofu Mkuu huyo ametoweka tangu Jumapili iliyopita saa mbili usiku baada ya kundi la watu wasiojulikana kuja kanisani hapo na kumchukua kwa nguvu.

Media hii imefanya jitihada ya kulitafuta Jeshi la Polisi na kufanikiwa kuzungumza na Kamanda wa Polisi kanda maalumu ya Dar es salaam ACP Jumanne Muliro ambaye amesema Jeshi hilo halina taarifa ya kupotea ama kutekwa kwa kiongozi huyo wa kanisa.

06/03/2022