AD;
#16DaysOfActivism
#EndViolence
#StopGBV
#SpeakOut
#EndGenderBasedViolence
#ActNow
#BreakTheSilence
#ProtectHerRights
#TogetherWeCan
Utafiti uliofanywa na Chuo Kikuu cha Afya na Sayansi Shirikishi Muhimbili (Muhas) umeonyesha kwamba baadhi ya uyoga pori unaotumiwa kama chakula na jamii katika eneo la Selous-Niassa, Ruvuma, una uwezo wa kupambana na wadudu wa kifua kikuu.
“Matokeo ya utafiti huu yanaonyesha kuwa uyoga huu una kemikali zenye uwezo wa kupambana na wadudu wa kifua kikuu. Utafiti zaidi unahitajika ili kuchunguza uwezo kamili wa uyoga huu,” amesema Naibu Makamu Mkuu wa Muhas-Taaluma, Prof. Emmanuel Balandya, katika mahafali ya 18 ya chuo hicho yaliyofanyika jana Desemba 5, 2024 jijini Dar es Salaam.
Utafiti huo ni miongoni mwa tafiti nane zilizofanywa na wanafunzi waliomaliza Shahada za Uzamivu (PhD) katika Sayansi za Afya, ambapo pia chuo kimeboresha mifumo ya mawasiliano na kidigitali katika Kampasi ya Muhimbili.
#tunaliwezeshataifa
#mwananchiupdates
Serikali imesema kukamilika kwa ujenzi wa Chuo cha Umahiri wa Tehama jijini Dodoma, kutasaidia kuboresha bunifu zinazobuniwa kuwa bidhaa.
Waziri wa Habari, Mawasiliano na Teknolojia ya Habari, Jerry Silaa ameyasema hayo leo, Alhamisi Desemba 5, 2024 wakati akielezea kuhusu ujenzi wa chuo hicho.
Silaa amesema chuo hicho cha umahiri kitakuwa na kazi ya vijana wenye bunifu za Tehama ambao wamezipata vyuoni au nje ya mfumo rasmi kuboresha bunifu zao za Tehama kuwa bidhaa zitakazouzwa ndani na nje ya nchi.
Amesema ujenzi wa chuo hicho ni utekelezaji wa maono ya Rais Samia Suluhu Hassan ambaye aliielekeza wizara kutengeneza mazingira ya kusaidia kuchochea ukuaji wa sekta ya Tehama.
“Tuna vyuo vingi vinavyofundisha vijana masuala ya Tehama kwenye ngazi mbalimbali, sasa kazi ya chuo hiki ni kuboresha na kuwasaidia vijana wenye bunifu ili ziwe bidhaa za Tehama zinazouzika ndani na nje ya nchi,” amesema.
Amesema Serikali ipo katika hatua za mwisho za kuanza majadiliano baada ya kukamilika kwa upembuzi yakinifu ili muda ukifika ukianza kianze ujenzi wake ambao utadumu kwa miaka miwili.
Video na Hamis Mniha
#mwananchiupdates
#tunaliwezeshataifa
Mwanasheria Mkuu wa Serikali, Hamza Johari amewataka wanataaluma nchini hasa watumishi wa ofisi ya Mwanasheria Mkuu wa Serikali kunyumbulika kuendana na hali ya nchi ilivyo na siyo kusimamamia mambo yaliyopitwa na wakati.
Hayo ameyazungumza leo Alhamisi Desemba 5, 2024 wakati akizungumza na waandishi wa habari katika Ukumbi wa Mikutano wa Ofisi ya Mwanasheria Mkuu wa Serikali Mtumba, jijini Dodoma, ambapo alitangaza uwepo wa kikao kazi cha kujadili masuala mbalimbali yanayohusu sekta ya sheria nchini.
Johari amesema kuwa kikao hicho kitafanyika kesho Desemba 6, 2024 na kitahusisha mawakili wa serikali waliopo katika wizara, taasisi, wakala wa serikali, tawala za mikoa na serikali za mitaa ambapo mgeni rasmi anatarajiwa kuwa Waziri wa Katiba na Sheria, Profesa Paramagamba Kabudi.
"Pamoja na mambo mengine kikao hicho kitajadili changamoto na maadili ya mawakili wa serikali na kuwakumbusha Wakurugenzi wa Divisheni/Idara na Wakuu wa Vitengo vya Sheria Serikalini umuhimu wa kuzingatia sheria, taratibu, mipango ya maendeleo, dira na miongozo mbalimbali ya Serikali inayopaswa kuzingatiwa wakati wa utekelezaji wa majukumu yao ya kila siku". Amesema Johari
Video na Hamis Mniha
#mwananchiupdates
#tunaliwezeshataifa
Waziri Mkuu mstaafu, John Malecela amewataka wanachama wa Chama Cha Mapinduzi (CCM), kuendelea kuwa na moyo wa kizalendo na kujituma kwa ajili ya maslahi ya Taifa.
Malecela amesema mafanikio ya Serikali katika sekta za maendeleo ya miundombinu, afya na elimu, yanapaswa kuwa chachu ya wanachama wa CCM kuendeleza mshikamano na kuimarisha uongozi wa chama hicho kilichojengwa kwa misingi imara ya kutumikia watu.
Malecela ambaye mbunge wa zamani wa Mtera (Mvumi) mkoani Dodoma, ameeleza hayo leo Alhamisi Desemba 5, 2024 alipotembelewa na nyumbani kwake Upanga jijini Dar es Salaam na Katibu Mkuu wa CCM, Dk Emmanuel Nchimbi.
“Wanachama wa CCM wanapaswa kuwa mfano bora wa uzalendo kwa wengine. Hili ni jukumu letu la kihistoria, ambalo tunapaswa kuliheshimu kwa vitendo,” amesema Malecela katika taarifa kwa umma iliyotolewa na CCM.
Imeandikwa na Mwandishi Wetu
#mwananchiupdates
#tunaliwezeshataifa
Hizi hapa nchi zilizoongoza kwa uwekezaji Tanzania mwaka 2024.
#mwananchiupdates
#tunaliwezeshataifa
Baadhi ya wafanyabiashara wakishangilia ushindi wa mwenyekiti mpya ya Jumuiya ya Wafanyabiashara Kariakoo, Severini Mushi aliyepata kura 229 akimshinda, Martin Mbwana aliyekuwa akitetea kiti hicho ambaye amepata kura 12.
Uchaguzi huo umefanyika leo Alhamisi Desemba 5, 2024 jijini Dar es Salaam.
#mwananchiupdates
#tunaliwezeshataifa
Katika tukio la nadra, mwandishi wa habari anakuwa mhusika wa habari.
@zourha Mhariri Maudhui Mtandaoni kutoka Kampuni ya Mwananchi Communications Ltd (MCL), alishiriki safari yake binafsi ya kupambana na ugonjwa sugu wa uzazi, kitabibu (endometriosis), kupitia upasuaji mara nne na matibabu ya Upandikizaji, kitabibu (IVF).
Mapema mwaka huu, (mwezi Septemba), alisimulia pia kisa cha Josephine* (si jina lake halisi), ambaye alipitia changamoto ya miaka 13 kutafuta ujauzito wa watoto wake mapacha, waliozaliwa baada ya mizunguko minne ya upandikizaji na gharama ya zaidi ya Tsh milioni 60 kwenye matibabu ya uzazi.
Kupitia habari hizi na uwazi wake binafsi, Zourha aliwahamasisha wanawake waliokumbana na changamoto kama hizo kufikiria suluhisho mbadala.
Soma habari ya Zourha hapa:
https://www.mwananchi.co.tz/mw/habari/kitaifa/safari-ngumu-ya-kutafuta-mtoto-kwa-upandikizaji-4209718
Soma habari ya Josephine hapa:
https://nation.africa/kenya/health/my-ivf-journey-four-failed-attempts-and-twin-boys-at-long-last-4507980
#PositivelyInfluencingSociety
#TunaliwezeshaTaifa
Saa chache tangu taarifa ya kufukuzwa shule kwa wanafunzi 14 wa Shule ya Msingi Izinga kwa madai ya wazazi wao kukiunga mkono Chama cha Demokrasia na Maendeleo (Chadema), Mkurugenzi Mtendaji wa Halmashauri ya Nkasi, Afraha Hassan amesema waliokumbwa na kadhia hiyo walikuwa tisa na tayari wamewarudisha.
Taarifa hiyo ya Mkurugenzi imetolewa leo Alhamisi Desemba 5, 2024, imesema wamebaini mwalimu mkuu aliwasimamisha shule wanafunzi hao na kuwataka wazazi watafute shule nyingine na siyo kufukuzwa shule kama ilivyoripotiwa katika mitandao mbalimbali ya kijamii.
“Uamuzi wa kuwasimamisha wanafunzi hao haukufuata utaratibu wa miongozo ya wizara. Aidha wanafunzi waliosimamishwa shule hawakuwa na kosa lolote la kinidhamu,” amesema.
Akitaja hatua walizochukua Hassan amesema: “Wanafunzi wote tisa (9) waliosimamishwa shule wamerejeshwa shuleni bila masharti yoyote. Hatua za kiutawala na uongozi dhidi ya mwalimu mkuu wa shule hiyo zitachukuliwa pindi uchunguzi unaoendelea utapokamilika.”
Mapema leo asubuhi, Waziri wa Elimu Sayansi na Teknolojia, Profesa Adolf Mkenda aliagiza timu ya wataalamu udhibiti ubora kwenda kuchunguza taarifa ya wanafunzi 14 wa Shule ya Msingi Izinga, iliyopo Nkasi Kusini kufukuzwa shule kwa madai ya wazazi wao kuiunga mkono Chadema kwenye uchaguzi wa serikali za mitaa uliofanyika hivi karibuni.
Soma zaidi katika tovuti ya Mwananchi
(Imeandikwa na Mwandishi Wetu)
#mwananchiupdates
#tunaliwezeshataifa
Hizi hapa nchi zilizoongoza kufanya uwekezaji mkubwa Tanzania 2024.
#mwananchiupdates
#tunaliwezeshataifa
Peter Shayo, mzazi aliyepoteza watoto wawili katika ajali ya gari la Shule ya Msingi Ghati Memorial lililosombwa na maji jijini Arusha, amesimulia alivyosita kuwapeleka shule lakini baadaye akalazimika baada ya kupigiwa simu na dereva.
Akizungumza nyumbani kwake Mtaa wa Engosengiu Jumamosi Aprili 13, 2024, mzazi huyo wa marehemu Abigail Peter (11) na Abiabol Peter (5) amesema kabla ya janga hilo, alimtahadharisha dereva awe makini kutokana na mvua zilizonyesha.
Amesema hata baada ya kumweleza dereva huyo, hakumjibu kitu, ila alicheka kisha akaondoa gari kwa kasi.
(Video na Janeth Mushi)
#mwananchiupdates
#tunaliwezeshataifa
Katibu Mkuu wa Chama cha Mapinduzi (CCM), Dk Emmanuel Nchimbi amesema katika utaratibu wao wa kusikiliza kero za wananchi, hawatahusisha zilizopo mahakamani kwa sababu wana heshimu muhimili huo na utawala wa sheria.
Dk Nchimbi ameeleza hayo leo Jumamosi Aprili 13, 2024 wakati akizungumza na WanaCCM wa Mkoa wa Katavi katika ofisi za chama hicho zilizopo wilayani Mpanda mkoani hapa.
Dk Nchimbi alikuwa anatilia mkazo kauli ya Katibu wa Itikadi na Uenezi wa CCM, Amos Makalla ambaye katika salamu zake za utangulizi amesema katika ziara zao wanawaalika watu wote kutoa kero isipokuwa zilizopo mahakamani.
Dk Nchimbi ambaye ni mwanadiplomasia na baadhi ya viongozi wenzake wanaounda sekretarieti ya CCM wameanza ziara ya mikoa sita ya kuimarisha, kukagua uhai wa chama hicho na kuangalia utekelezaji wa Ilani yake ya uchaguzi.
"Nitumie nafasi hii kumuunga mkono mwenezi wetu wa Taifa katika mambo tutakayoyashughulikia kama kero, hatutayagusa yaliko mahakamani, ndio utaratibu wa utawala bora. Moja ya sera ya CCM ni kusimamia utawala wa sheria,” amesema.
"Wakati wote wajibu wetu utakuwa kuzihamasisha mahakama zetu zitende haki bila kuziingilia katika uamuzi wake, nchi inayotaka kufanikiwa lazima isimamie utawala bora, ukijenga utaratibu wa kuingilia mahakamani siku moja, itawaumiza ... au wakija wengine watasema huyu mwenyekiti wa chama mkoa si alipenda kuagiza mahakama, acha tuagize akae mahabusu siku 90 kwanza kabla ya kuongea naye," amesema Dk Nchimbi.
Awali, akijenga hoja yake, Makalla amewataka wananchi kutambua kuwa mambo yaliyopo katika mhimili wa mahakama yanamalizwa hukohuko na hivyo wao hawatayasikiliza.
Katibu wa Idara ya Oganaizesheni ya chama hicho, Issa Ussi Gavu amewataka WanaCCM kuhakikisha wanawapata wagombea wenye sifa na malengo ya kutatua changamoto za wananchi na kuwa wale wenye makandokando hawatakuwa na nafasi.
#mwananchiupdates
#tunaliwezeshataifa
