2024.8.30.台視台語新聞主播郭于中逐工一字「蛟」（kau）
臺語文千萬字，
逐工欲和逐家做伙來捌一字。
日本九州做風颱，
在地民眾特別提防「起蛟龍」，
也就是愛注意摔大雨引起災害；
另外，咱形容一ê人的功夫誠好，
講伊是「拳打南山猛虎、
跤踢北海蛟龍。」
今仔日欲共逐家紹介這字，
「蛟」（kau）。
「蛟」（kau），
第一調。
臺語字典解釋，
蛟是一款蟲豸的名，
親像龍ê款式，
有鱗無殼，
咱講是「蛟龍」，
也就是傳說中的水怪，
可能會引起做大水的災情。
《唐韻》古肴切
《集韻》《韻會》《正韻》居肴切，
音交。
《說文》龍之屬也，池魚三千六百，
蛟來爲之長，能率魚飛，
置笱水中卽去。
《埤雅》蛟，其狀似蛇而四足，
細頸，頸有白嬰，大者數圍，
卵生，眉交，故謂之蛟。
《山海經》蛟大者十數圍，
卵如一二石甕，能吞人。
《述異記》虎魚老者爲蛟。
《酉陽雜俎》魚二千斤爲蛟。
《禮·月令》季夏，命漁師伐蛟。
《述異記》蛟羊似羊而無角。
（The meaning of word is the scaly dragon with four legs.）
做伙來紹介兩ê詞：
第一ê詞：蛟龍（kau-liông），
頭前講著是傳說的水怪，
外型像龍，
若是一下滾絞、滾冗，
恐驚會引起做大水的災情。
第二ê詞：起蛟龍（khí-kau-liông），
過去是形容是摔大雨，
透風落雨，
引起水崩山，
抑是塗跤水噴出來，
造成塗掣流（thôo-tshuah-lâu），
咱講是「起蛟龍」，
嘛有人講「滾蛟龍」（kún-kau-liông），
咱現代嘛會形容海掃、抑是海漲。
咱用一句話來舉例，
共這兩ê詞佮做伙。
譬論講：
現代極端氣候誠四常出現，
磕袂著雄雄一下摔大雨，
就有可能引起水崩山、滾蛟龍；
嘛著需要有防災意識，
若是大地動，
就愛注意提防引起「起蛟龍」。
參考資料：
《教育部臺灣台語常用詞辭典》
https://sutian
普渡煞攢拜退貨 網友罵「無品」
普渡煞攢拜退貨 網友罵「無品」
Phóo-tōo suah tsuàn-pài thè-huè, bāng-iú mē" bô-phín".
忠孝橋窒車 送早頓直接喝賣
忠孝橋窒車 送早頓直接喝賣
Tiong-hàu-kiô that-tshia, sàng tsá-tǹg ti̍t-tsiap huah-bē.
屏東「四孤搶粄」 招囡仔搶糖仔餅
屏東「四孤搶粄」 招囡仔搶糖仔餅
Pîn-tong "Sù-koo tshiúnn-pán", tsio gín-á tshiúnn
thn̂g-á-piánn.
2024.8.23.台視台語新聞主播郭于中逐工一字「際」 （tsè）
2024.8.23.台視台語新聞主播郭于中逐工一字「際」
（tsè）
臺語文千萬字，
逐工欲和逐家做伙來捌一字。
咱臺視臺語新聞，
逐工攏會報著「五湖四海大代誌」，
也就是「國際新聞」。
今仔日欲共逐家紹介這字，
「際」（tsè）。
「際」（tsè），
第三調。
古早臺語字典解釋，
「際」有交接、「會合」的意思，
咱講是「交際」；
嘛有「時陣」、
「流擺」（lâu-pái）的意思，
咱講是「時際」；
嘛有代誌的含意，
像「際會」就是
「拄著代誌的遭」；
「國際」就是國佮國之間；
真實的情形，咱講是「實際」；
網路有人講是「網際」，
抑是「網際網路」（bāng-tsè-bāng-lōo）。
《唐韻》《集韻》《韻會》子例切，
音祭。
《說文》壁會也。
《玉篇》合也。
《廣韻》會也。
《廣韻》邊也，畔也。
（The meaning of word is the border, boundary or
juncture.）
做伙來紹介兩ê詞：
第一ê詞：交際（kau-tsè），
意思是人佮人互相往來、聚會、應酬。
第二ê詞：際會（tsè-huē），
意思是拄著的遭遇，
像咱講「風雲際會」。
咱用一句話來舉例，
共這兩ê詞佮做伙。
譬論講：
阿明細漢的時日子誠歹過，
個性恬恬，
嘛無啥會曉共人交際，
因為拄搪著好時機佮際會，
投資成功，
成做成功的大企業家。
參考資料：
《教育部臺灣閩南語常用詞辭典》
https://sutian.moe.edu.tw/zh-hant/
《臺日大辭典》https://taigi.fhl.net/dict/
《甘為霖台語字典》https://taigi.fhl.net/dick/
閣較濟內容，請鎖定台視台語台
https://www.youtube.com/channel/UCm1ZWHRUI8ergLCknsI9uiw
#台視台語新聞 #台視台語台
#逐工一字 #台語每日一字
#台視台語主播郭于中
北港朝天宮 搶水果山保平安
北港朝天宮 搶水果山保平安
Pak-káng Tiâu-thian-kiong, tshiúnn tsuí-kó suann pó pîng-an.
北港朝天宮
南投日月潭 水面發現大尾生物
南投日月潭 水面發現大尾生物
Lâm-tâu Ji̍t-gua̍t-thâm, tsuí-bīn huat-hiān tuā-bué sing-bu̍t.
2024.8.22.台視台語新聞主播郭于中逐工一字「關」（kuan.kuainn/kuinn）
臺語文千萬字，
逐工欲和逐家做伙來捌一字。
逐家一定攏聽過「身騎白馬走三關，
改換素衣回中原。」
原來是歌仔戲搬著薛平貴佮王寶釧。
今仔日欲共逐家紹介這字，
「關」（kuan）。
「關」（kuan），
第一調。讀kuan是讀文音，
kuan的意思，
是「重要的出入口」，
楦闊來講，是重要的時機，
抑是歹通過的代誌；
像接通電的設備，
咱講「開關」；
控機機械主要的部份，
咱講「機關」，
「機關」嘛會當講是有組織的團體；
人佮代誌的牽連，咱講是「關係」；
骨頭佮骨頭相接的部份，
是「關節」；
陰陽交界，咱講是「鬼門關」；
話骨重要的部份，
咱講是「話關」。
關懷掛念，是「關心」；
共人買物件，咱講是「交關」。
關公咱一般民間尊稱帝君、恩主公，
嘛是足普遍的民間信仰。
白音是讀kuainn，
意思是共門、窗合起來，
咱講是「關門」、「關窗仔」。
《唐韻》古還切
《集韻》《韻會》《正韻》姑還切，音瘝。
《說文》以木橫持門戸也。
《韻會》要會也。
《玉篇》扃也。
《正韻》塞門也，
門牡也。又關津。
《集韻》通也。
《正韻》戾機也。又聮絡也
。又涉也。
《正韻》關白也。
《正字通》關關，鳥鳴聲。
《集韻》亦姓。
《集韻》烏關切
《正韻》烏還切，音彎。
《集韻》持弓關矢也。
《韻補》圭懸切，
音涓。
（The meaning of word is the frontier pass or the
relation, being the verb, the meaning is to close.
）
做伙來紹介兩ê詞：
第一ê詞：錢關（tsînn-kuan），
意思是講錢咧轉踅的時陣。
第二ê詞：現交關（hiān-kau-kuan），
意思是現金買賣，無賒數，
咱現代嘛會使講是「無擼卡」服務。
咱用一句話來舉例，
共這兩ê詞佮做伙。
譬論講：
俗語講「一千賒，毋值八百現（hiān）。」
「現
花蓮吉安鄉 便當一百箍有找
花蓮吉安鄉 便當一百箍有找
Hua-liân Kiat-an-hiong piān-tong tsi̍t-pah ū-tsāu.
彰化百果山探索樂園 暫時停業
彰化百果山探索樂園 暫時停業
Tsiong-huà Pah-khóo-suann thàm-soh lo̍k-hn̂g, tsiām-sî thîng-gia̍p.
2024.8.21.台視台語新聞主播郭于中逐工一字「割」 （kuah.kat）
臺語文千萬字，
逐工欲和逐家做伙來捌一字。
新聞定定報著，廟宇「割香」活動
特別鬧熱。
今仔日欲共逐家紹介這字，
「割」（kuah）。
「割」（kuah），
kau，
「割香」的「割」，
第四調。割的意思，是用草鍥仔，
抑是鐮力仔（liâm-li̍k-á）
在內的家私，共物件切開抑是切斷，
咱講是：割稻仔、割草。
像講有誠濟人愛食「割包」，
就是這ê割。
楦闊來講，有分配物件的意思。
嘛有誠濟人愛食「割菜」。
這字文音是kat。
《唐韻》古達切
《集韻》《韻會》《正韻》居曷切，
音葛。
《說文》剝也。從刀，害聲。
《廣韻》害也。
（The meaning of word is to cut, divide, partition or cede.）
做伙來紹介兩ê詞：
第一ê詞：割貨（kuah-huè），
意思是中盤抑是小盤做生理人，去買貨來貨。
第二ê詞：割稻仔尾（kuah-tiū-á-bué），
字面的意思就是收割稻仔；
字骨的意思是講無付出，
干焦享受成果。
咱用一句話來舉例，
共這兩ê詞佮做伙。
譬論講：
阿明佮同事當齊去開發業務新客戶，
結果伊較拚勢，
攏已經做甲欲好矣，同事才去「割稻仔尾」。
參考資料：
《教育部臺灣閩南語常用詞辭典》
https://sutian.moe.edu.tw/zh-hant/
《臺日大辭典》https://taigi.fhl.net/dict/
《甘為霖台語字典》https://taigi.fhl.net/dick/
閣較濟內容，請鎖定台視台語台
https://www.youtube.com/channel/UCm1ZWHRUI8ergLCkn
sI9uiw
#台視台語新聞 #台視台語台
#逐工一字 #台語每日一字
#台視台語主播郭于中
監察委員建議 大眾運輸臺語播音正確
監察委員建議 大眾運輸臺語播音正確
Kàm-tshat uí-uân kiàn-gī, tāi-tsiòng-ūn-su Tâi-gí pòo-im tsìng-khak.
感謝 臺師大副教授劉承賢 Seng-hian Lau 老師 解說
雲林虎尾.北港武德宮 中元普渡大場面
雲林虎尾.北港武德宮 中元普渡大場面
Hûn-lîm Hóo-bué, Pak-káng Bú-tik-kiong Tiong-guân Phóo-tōo tuā tiûnn-bīn.
北港武德宮-財神開基祖廟
2024.8.20.台視台語新聞主播郭于中逐工一字「勾」（kau）
臺語文千萬字，
逐工欲和逐家做伙來捌一字。
有時陣傷無閒，
就會煩惱一下無頭神，
共重要的代誌「落勾」--去。
今仔日欲共逐家紹介這字，
「勾」（kau）。
「勾」（kau），第一調。
臺語字典解釋，
「勾」是用彎曲的家私來提物件，
咱講是「勾」物件；
嘛有「引誘」（ín-iú）的意思，
咱講是「勾引」。
另外，嘛有點起來、
做記號的意思，
若是無做著記號，
漏去，咱講是「落勾」。
《篇海》古侯切，音溝。
又古𠋫切，音遘。
勾本作句。
（The meaning of word is to hook, join, connect or entice someone.）
做伙來紹介兩ê詞：
第一ê詞：勾結（kau-kiat），
意思是暗中串通，
做無正當的歹代誌。
第二ê詞：落勾（làu-kau），
意思就是漏--去。
咱用一句話來舉例，
共這兩ê詞佮做伙。
譬論講：
警察挵入去詐騙集團的大本營，
當場查著內底的人當咧勾結，
敲電話欲共人諞，
一ê就走袂去，
所有的證物嘛攏無落勾，
全部扣起來。
參考資料：
《教育部臺灣閩南語常用詞辭典》
https://sutian.moe.edu.tw/zh-hant/
《臺日大辭典》https://taigi.fhl.net/dict/
《甘為霖台語字典》https://taigi.fhl.net/dick/
閣較濟內容，請鎖定台視台語台
https://www.youtube.com/channel/UCm1ZWHRUI8ergLCkn
sI9uiw
#台視台語新聞 #台視台語台
#逐工一字 #台語每日一字
#台視台語主播郭于中
神明有慈悲 高雄三鳳宮中元普渡用假豬頭代替
神明有慈悲 高雄三鳳宮中元普渡用假豬頭代替
Sîn-bîng ū tsû-pi, Ko-hiông Sam-hōng-kiong Tiong-guân Phóo-tōo iōng ké ti-thâu tāi-thuè.
三鳳宮
基隆放水燈 八斗仔漁港上場
基隆放水燈 八斗仔漁港上場
Ke-lâng pàng-tsuí-ting, Peh-táu-á hî-káng tsiūnn-tiûnn.
2024.8.19.台視台語新聞主播郭于中逐工一字「結」 （kat.kiat）
臺語文千萬字，
逐工欲和逐家做伙來捌一字。
有的人「一ê錢拍二十四ê結。」
就是足凍霜、足khit-tsih。
今仔日欲共逐家紹介這字，
「結」（kat）。
結」（kat），
「拍結」的「結」，
第四調。
讀kat是讀白音，
「結」是共長條型的物件，纏起來，抑是縛起來，
咱講是「拍結」；
若是講規ê目頭結做伙，看起來足煩惱的型，
就是「面憂面結」，
抑是面仔「憂結結」；
厝內有喜事，佇大廳抑是門口吊紅燈、
八仙綵，號做「結綵」（kat-tshái）。
文音是kiat，
像樹栽開花結果子，
咱講是「結果」，
嘛會用得講是代誌上局的結局；
誠濟店家逐ê攏有生理，
咱講這ê所在誠「結市」；
跤手皮膚因為摩了傷粗，
生較𠕇的皮出來，
咱講是「結趼」（kiat-lan）。
水佇攝氏零度以下變𠕇，
咱講是「結冰」。
《廣韻》《正韻》古屑切
《集韻》《韻會》吉屑切，音拮。
《說文》締也。
《博雅》曲也。
《玉篇》要也。
《集韻》胡計切，音系。
《集韻》激質切，音吉。
義同。
《集韻》吉詣切，音計。
（The meaning of word is the knot or tie, being
the verb, the meaning is to join or connect.）
做伙來紹介兩ê詞：
第一ê詞：交結（kau-kiat），
就是「交陪」。
第二ê詞：面憂面結（bīn-iu-bīn-kat），
意思就是看起來心肝敢若足艱苦，
嘛會使講是「憂頭結面」、「憂結結」。
咱用一句話來舉例，
共這兩ê詞佮做伙。
譬論講：
人講「歡歡喜喜嘛是一工，
面憂面結、憂頭結面嘛是一工。」
咱過日子就愛較快樂的，
加交結較樂觀的朋友，
保持正能量佮好心情，代誌自然就會有好的結果。
參考資料：
《教育部臺灣閩南語常用詞辭典》
https://sutian.moe.edu.tw/zh-hant/
《臺日大辭典》https://taigi.fhl.net/dict/
《甘為霖台語字典》https
烏手牌卵仁酥 打造上大卵仁酥模型
烏手牌卵仁酥 打造上大卵仁酥模型
Oo-tshiú-pâi nn̄g-jîn-soo, tánn-tsō siōng-tuā nn̄g-jîn-soo bôo-hîng.
廟公退休 高雄廟欲賣
廟公退休 高雄廟欲賣
Biō-kong thè-hiu, Ko-hiông biō beh bē.
彰化鹿港地藏王廟 有人欲普渡國道亡魂
彰化鹿港地藏王廟 有人欲普渡國道亡魂
Tsiong-huà Lo̍k-káng Tē-tsông-ông-biō, ū-lâng phóo-tōo kok-tō bông-hûn.
