الدومري

25/10/2024

هلق لو الحياة بتعطي الواحد مصاري بدل ما تعلموا متل ما بيقيلوا وبعدين يخللي يصرف ع كيفو و يتعلم بمصرياتو مواحسن؟

22/10/2024

12/10/2024

علاقة الحكومة بالشعب متل وحدة بتحب بس لهلق مو متأكدة من مشاعرها.

07/10/2024

لا تتامل شيء من شعوب كانت ماضيا وحاضرا تستخدم الجرائد لمسح الزجاج ولف الصندويش وتقرا المستقبل من خلال التفل الموجود في فنجان القهوة.

30/09/2024

العواجل على المنصات الاخبارية حول التطورات في المنطقة صار بدها بطل العالم بسباق الـ100م ليلحق يراها.

21/09/2024

بدأت جلقة التخويف من البطاريات واللابتوبات والابيادات والموبايلات والساعات والفلافل المقلية بزيت نباتي والحمص بطحينة والشاورما مع مايونيز ومخللل...ولك والله عيب من صفحات ع اساس الون علاقة بشي اسمو اعلام.

17/09/2024

تفاعل خلاف و بين الاخذ الرد والتعاطف والشجب والاستنكار والتأييد تفوق على الخلاف بين امريكا وروسيا منذ الحرب الباردة وحتى اليوم والصراع العربي الاsر ائيلي منذ وعد بلفور والنهفة صارت العالم تعمل بيانات وصفحات لاصحاب خنافة (الحموات) ويلزقوها بضهر الشباب لدرجة بت غير مستغرب ان يفاجئك خبر ان مجلس الامن يعمل جلسة طارئة لحل الخلاف طالما المجلس لاعم يحل ولايربط شي فيما يتعلق بالعرب.

17/09/2024

(السوربرايز) هو مصطلح كان دائما ملازما لقرارات الحكومة بشكل عام ووزارة التجارة الداخلية بشكل خاص فعشرات القرارات المفاجئة كانت تتحف بها العامة اخر الليل ليناموا وهم يكوبسوا بنتائجها في الجاري من الايام وتلك عادة لم تعد تنفع معها أشد المسكنات تأثيرا ويبدو أن الوزارة أحبت أن تغير (سوربرازيها) الذي لم ينعكس البتة الا سلبا فعمدت الى خطة4-4-2 في عز أزمة النقل وتخفيض مخصصات المشتقات النفطية لوسائل النقل وما نجم عنها من بقاء نصف الناس في الشوارع والنصف الاخر في بيوتهم فقامت بقرار مسوؤل وجريء بتخفيض أسعار تلك المشتقات مع انهادأبت على تبرير الرفع المضطرد تحت عنوان السعر العالمي وصعوبة الحصول على المادة وضعف التوريدات وكعرف اقتصادي قلة وجود المادة يرفع سعرها (عرض وطلب) لكن عندنا مافي هالكلام فتم التخفيض بجرة قلم وهوأمر كان سيحسب للوزارة على مبدأ يارايح كتر ملايح ...بس المشكلة انو خفضنا المادة بس مانا موجودة.. وذكرني هذا القرار بنكتة الخال الذي تذرع عن تاخير زيارة بيت اخته بدعوى انه كان بصدد شراء فواكه قبل مجيئه لعندها لكنه فجأة تذكر أن أولادها يحبون حلاوة الجبن اكثر فذهب للحلواني فوجد المحل مغلقا فاراد الاستعاضة عن ذلك ببعض البزورات للتسلية فوجده قد أغلق المحل (لتاخر الوقت) فقدم لعندهم خال الوفاض، ولما قالت له شقيقيته: ماكان في داعي وجييتك لعنا بالدني..فقال لها بثقة :لا لامابيصير خليهم ياكلوا ويبنسطوا مع انو ماجب شي ...وهيك صار وعم يصير.

16/09/2024

16/09/2024

في انفصام شخصية عالي المستوى ع السوشل ميديا فكثير من الاشخاص والصفحات بنتشر هواجس وخواطر عن الهموم وانو هالبلد ما عاد ينعاش فيها وياريت فينا نهاجر وكلام من هالعيي وبنفس الوقت بيجي شي يوتيوبر او بلوغر من بره بيعمل شي عن مقطع هويي وبسوق الحميدية او بالصالحية وبيحكي كم كلمة طيبة فجاة هيي الصفحات والمتابعين بيلبشوا الاشادة ومشاركة الفيديو مع عبارات المديح والاطناب والتطبيل...وهو نفس الشعور الذي ينتابهن عند تغيير او تشكيل حكومي فالغالبية بيضل ساكت او مونون او اذا كان صديق او مستفيد من وزير او رئيس حكومة وبس صار تغيير تدب فيه الجراة والحماسة للنقد الهجوم طبعا انت حر فيما تتخذه لكن لا تزاود وتبيع وطنيات وتدعي المهنية والحرفية وانت اكبر انجازاتك القص والنسخ من هيي الصفحة وهديك والانكى انو مو عاجبك حدا وفيما لوطلب منك كتابة مادة من 5 سطور تستعين بغوغل أو بصديق.

07/09/2024

لا محل له من الإعراب
في زمن أصبح الغش فهلوة والانتهازية شطارة والكولكة موهبة والاستغلال سلوكاً مشروعاً والتحكم برقاب العباد هو حكم القوي .. نصل إلى قناعة مطلقة أن الضمير هو مفردة لا توجد إلا في كتاب القواعد ولا محل له من الإعراب..

16/08/2024

بقوة 5.5 الهزة التي وقعت حوالي قبل وقت قليل من الان وفق المصادر مركزها بلدة #تلدرة

16/08/2024

فتحت الاف ام من شوي طلع فقرة رقص شرقي فاندمجت بالقصة وحسيت حالي عم هز بس لاقيت كمان الغرفة عم ترقص مقعول تهيألي انو الغرفة اندمجت متلي وللافعلا كان في هزة ارضية...يتساءل مراقبون؟؟؟

13/08/2024

14هزة كان محورها منطقة سلمية وشرقها بحسب المركز الوطني للزلازل من بالليل حتى صباح اليوم وكانت متفاوتة الشدة وأقل من 5 ...يعني الأرض هزت بسلمية ونهز بدن العالم هنيك أكتر من خصر مع بعض.😂😂😂

12/08/2024

بحسب المركز الوطني للزلازل فان هزة ارضية ضربت شرق حماه عند الساعة 11.55 بقوة 5.5 نسال السلامة للجميع وخاصة اهلنا في السلمية وقراها

12/08/2024

يلوم الكثيرون الفنان على مشاركته في مسلسلات معربة والفنان على موضوع الـتكبيس والطلعة ع التيك توك وهناك الكثير من الأسماء واستغرب هذه الانتقادات وهذه المعاتبات من وجهة نظر شخصية فالفنان في هذه الأيام الصعبة وتحديدا في #سورية قد لا يجد عمل يؤمن له حياة معقولة ومع وجود الشللية والمحسوبيات في وكثير من مفاصل الأعمال وماحدا رح يطلع فيه إذا جاع هو او اولاده سيما وأن الفنان المعروف مضروب بحجرة كبيرة والناس متخيلة أنه بيغب مصاري غب وعضمو دهب ...وأنا ع الصعيد الشخصي لو كنت مكانه مستعد اطلع مو ع #التكتوك بس بطلع ع الـ(الطرطورة) الاسم الشعبي للطريزينة او الحلفاوية وبضل قلون يكبسوا وزمروا حتى ع لانو الجوع كافر وتسجيل المواقف بهذا المنحى لحصد كم لايك هون وهون ما بيطعمي خبز والف تكبيسة ع التكتوك وللا يقولوا .

12/08/2024

كلما ازداد الانسان في غبائه كلما احس انه اكثر ذكاء وتفكيرا وانجازات من كل ممن حوله

02/08/2024

بوست مكرر
من اولويات الحكومة (الخلنج)المرتقبة... الاستجابة لمطلب شعبي بانشاء وزارة جديدة اسمها وزارة (الذكريات) لما لذلك من أثر نفسي يحرض الحنين والوقوف على الاطلال والتحسر على تلك الاشياء وتكون مهامها نشر ذكريات المواطن اليومية الجميلة والتي كان يشعر فيها انه (بني ادم) وباتت مفتقدة ونسي شكلها كذكرياته: مع اللحمة والغاز والمازوت والفواكه والكهربا والمواصلات والسمنة والزيت والسكر والشاي والزر والبرغل والمربيات ولاننسى البيض ويكون شعارها (تعيش وتترحم).