ADAL News

03/03/2024

Jabhadda hubeysan ee Amxaarada ah ee Fano ayaa digniin u dirtay hay’adda duulista Itoobiya oo ku saabsan diyaaradaha Ethiopian Airlines, kuwaas oo ciidanka Ethiopia u isticmaalaya duubulidda ciidamada. Fano oo qoraal ku baahisay baraheeda warbaahinta ayaa sheegatay in ay qabsadeen gantaalo lidka diyaaradaha ah oo awood u leh in ay damiyaan ama joojiyaan hawlaha diyaaradaha ganacsi ee shirkadaas, waxana ayna xuseen in ay haystaan gantaalo gaaraya 40,000 feet.

Sida lagu helayo xog dhanka duulimaadka ah, Ethiopian Airlines ayaa dib u jihayn ku sameysay khadkeeda duulimaadyada ee hawadaha gudaha dalkaas sababa la xiriira khatarta ka timid dhanka Jabhadda Fano. Duulimaadkeedii ka imaanayeyey Europe, Woqooyiga Mareykanka iyo Asiya ayaa mar h**e khadadkooda dib u jihayn looga sameeyey.

Ethiopia ayaa hadda mareysa meel is-goys ah, kadib markii Jabhadaha mucaaradka Itoobiya ay dib isu soo abaabuleen, waxaana ay fagaareyaal dagaal oo dhawr ah uga soo adkaadeen Ciidanka maamulka Abiy. Si kastaba ha ahaate khatarta duulimaadyada ganacsi ayaa waxay khatar kale gelinaysaa dhaqaalaha dhamaan goballada dalkaasi.

19/01/2024

Xaaladda Geeska Africa oo Karkaraysa.

Dagaaladda Ruushka iyo Ukraine
Dagaalkii TPLF iyo Ethiopia.
Dagaalka Somaliland iyo SSC.
Intuba Sanad iyo Dheeraad ayuu Socday.
Ethiopia Xiisadda Badda Ee hadda ay Soo Tuurtay Murankiisa Mudo Sanad iyo Dheeraad ayuu Socon Doonaa Haday Gacan Ka Hadal Noqotana Xaaladu Way Ka sii Daraysaa.

Soomaalidda Aqoonyahnkooda,Diplomasiyiintooda.Siyaasiyiintooda,Warbaahintooda iyo Falanqeeyaashuba Waxaa la Gudboon inaysan Ka Seexan Hawshaan Ethiopia Way u Diyaar Garoowday Mudana Waa uu Jiitamyaa Hawshaan Caga Jiid Badana Wuu Yeelan Doonaa Sidda ay Hadda Ku Tala Gashay Ethiopia.

F:G Dhammaan Warbaahinta Ethiopia,Siyaasiyintoda,Aqoonyahankoda iyo Xita Diplomasiyintoda Hawshaan Aad ayeey u Falanqeynyaan oo Dhagaha Bulshadda Ayeey La Qabadsiinyaan Si aysan u Raja Dhigin.

Fadhiga Halaga Kaco Soomaaliyeey.

12/04/2022

Guuleysta geesh-kayagoow

02/03/2022

Reporters Shook by War in “Relatively Civilized, European” Country

27/02/2022

*Ninkii Putin ahaa bad buu ku jiraa, Ukraine oo dhan wuu burburiyay, Ciidamadii difaaca Ukraine iyaga iyo qalabkoodii ciidduu ku daray, Lkn siduu moodayay wax uma noqon oo iska caabin buu meesha kala kulmay, kadib markii ay shacabku hubkii qaateen, isaga waxaa u qorsheysneyd in 48 saac kadib ay Ukraine isku dhiibi doonto, ama in marka uu Caasimada isku hareereeyo ay Ciidamada Ukraine qaadan doonaan taladiisa ah iney dowladda afgambiyaan dabadeedna uu iyaga wadahadal la furo, Laakiin waxaas oo dhan waa shaqeyn waayeen, Inkastoo uu dagaalka guulo ka gaaray gacantana ku dhigay magaalooyin muhiim ah, hadana uu caasimaddii gacmaha kula jiro, misna waxey wararku sheegayaan in isagana ay soo gaartay qasaare balaaran oo uusan meesha ka filaneyn, tiro ciidamo ah oo maxaabiis ahna laga qabtay, dagaalkiina sida muuqata hada waa ku sii dabo dheeraaday, oo meel uu ka laabto ma joogo.

*Mareykan iyo xulufadiisu cunaqabateynta caalamiga ah marka laga soo tago, waxey ruushka ku qaadeen dagaal dhanka dhaqaalaha, Internetka iyo Isgaarsiinta ah, waxaa durba laga saaray nidaamka ay bangiyadu lacagaha isugu diraan ee SWIFT, waxaa la xanibay dhaqaalihii iiyo company-adii ganacsatada Ruushku ku lahaayeen dalka dibaddiisa, waxa ay hub iyo sahay ciidan gaarsiiyaan Kiev, goor dhowna waxey u dirayaan ciidamo iyo qalab malatari oo NATO ah sida ay sheegeen, taas oo dagaalka ka dhigi doonta mid yeesha waji cusub.

* Ciidamada,madaxda, Warbaahinta, dadka caanka ah iyo shacabka Ruushka 🇷🇺 ee platform ka fiican heysta ee ka xoogsada YouTube, Facebook iyo aaladaha kale oo dhan ee sociaal media ayaa laga jaray lacagihii ay ka sameyn jireen. tanina waa dagaal kale oo dhaqaale cuuryaamin ah.

*SPORTS:- dhamaan ciyaarihii wadamada Yurub ay lalahaayeen Kooxaha Ruushka ayaa dhamaantood la baajiyay,waxaa la baajiyay FORMULA ONE 2022 oo Ruushka lagu qaban lahaa , xitaa Finalka Champions League In lagu qabto waa laga baajiyay, Manchester United waxey joojisay Sponsor Aeroflot, boqolaal xayeysiin ah oo Shirkadaha Ruushka ah ayaa la dhigay, Sidoo kale Naadiga Shalka O4 ayaa funaanadiisa ka tiray GAZPROM, sidoo kale maamulihii shirkadan wuxuu ka tagay Gudiga kooxda oo uu ka tirsanaa, tanina waa dagaal kale.

*dhamaan diyaaradaha Ruushka Yurub iyo Mareykanka waa laga mabnuucay, Sidoo kale in isagana duulimaadyadu tagaana waa laga mabnuucay.
tanina waa dagaal kale oo dhaqaale.

*Halkaas markeey taagan tahay, Odayga meel walba wey ka qaniineen, wuxuuse ku qasban yahay in uu Ukraine 🇺🇦 gacanta ku dhigo waxkasta haku qaadatee, ama inuu dagaalka waji kale u yeelo oo uu ka soo qeybgeliyo dalalka isaga xulufada la ah si ay xabaddu meel walba u gaarto,, hadii uusan tilaabooyinkaa degdeg ula imaan waxey u muuqataa marka khasaaraha ciidamada soo gaaraya uu ku bato, cuuryaaminta dhaqaalahana laga dareemo wadanka, in isaga iyo shacabkiisu iska hor imaan doonaan, maadaama ay hadaba inbadan oo ka mid ah ay ka soo horjeedaan weerarka uu Ukraine ku qaaday.

26/02/2022

Sheekada Casiriyaha

Doolli ama Jiir ayaa xaafaddii Uu ku noolaa markii loo dulqaadan waayay dhibaatadiisa waxaa la keenay Birta Doolliga dabta.

Arrintaasi aad ayuu uga wal walay jiifkiina waa ladi waayay. Cabashadiisa waxa uu hordhigay neef ida’ ah oo xaafadda lagu xannaaneynayay si markii uu jar noqdo qoyska u iibiyaan lacag fiicanna ay uga helaan

Wankii ayaa ku yiri maxaa iga quseeya Birta jiirka oo aniga jiir miyaan ahay, saaxiib cabashadaada aniga ima quseeyso ee meel kale la’aad.

jiirkii oo ka niyad jabsan war celinta uu kala kulmay Wanka ayaa u dhaqaaqay dhanka Dibi’ reerka u xirnaa isagana waxa uu gaarsiiyay in guriga dhibaato ku soo korortay oo birtii doolliga la keenay una baahan yahay in ay iska kaashadaan sidii arrintaasi xal loogu heli lahaa?

Dibigii ayaa ugu jawaabay Doolligii in howshaasi aysan khuseyn.

Waxa uu eegay dhanka kale saa waxaa jooga Diiq , isagiina farriinta ayuu la wadaagay laakin sidii oo kale wax natiijo ah k**a helin

Jiirkii ayaa dib isaga laabtay, islaantii guriga habeenkaasi waxa ay dallacday birtii Doolliga oo Basal la dulsaaray!

Habeen barkii ayaa mar qura la maqlay Shanqar “Qabac” waxaa soo toosay xaajiyaddii guriga oo is leh caawa ayay u dhammaatay Doolli oo waa kaa ku dhacay birtii , laakin malaheeda sidaasi ma noqon ee waxa Birta ku dhacay waa Mas seenta dambe ka qabatay Birta , hayeeshee afka ku weeraray Xaajiyadda qaniinyana kala helay lugta.

Xajiyaddii waxaa loola cararay Isbitaal, saacado ka dib na waxaa lagu soo celiyay guriga taladii takhtarka uu soo siiyay waxaa ka mid ahayd in Maraq Digaag la siiyo.

Diiqii sidaasi ayaa maraqiisa lagu cabay.

Taladii labaad waxa ay ahayd in ido lagu daaweeyo qaniinyada Xammaaratada, wankii ayaa isna sidasi lagu shiilay

Xaajiyadda oo ahayd qof aad looga yaqaanno xaafadda ay ku nooleyd martida soo booqaneysana badan yihiin waxaa tala lagu soo jeediyay in Dibiga lagu quraan saaro martidana ka hilibeystaan

Xikmadda marka wadajir aan loo wajihin dhibaatada timaada qofna kaligiis ma bad baado .

29/12/2021

Khayraadka lumay ee soomaalida, Sababta wadamada kale uga daad gurayaan soomaalida dhulkooda.

KHayraatka ugu qaalisan ee uu dal yeesho waa dadkiisa (Human Resource). Dal walba inta uu kaa dad badanyahay ayuu kaa cudud iyo tamar-gacan badanyahay. Shiinaha oo ah dalka ugu dadka badan dunida, waxa ay ku qaadatay 40 sano oo dib u qaabayn dhaqaale ah in uu ku noqdo cududda labaad dunida ee xagga dhaqaalaha. In badani arintan waxaa ka caawiyay tamarta ballaaran ee uu haystay oo ah dadkiisa kuwaas oo qeyb lixaad leh ka qaatay dhaqaajinta mashiinka dhaqaalaha ee dalkaasi iyo dardargelinta xawaaraha lacagta.

Hindiya oo ah dalka labaad ee ugu dadka badan dunida ayaa asaga oo ka faa’iidaysana cududda dadkiisa waxa uu dunida ka iibiyaa xirfadda dadkiisa, waana dalka ugu h**eeya dunida marka ay noqoto xirfadlayaasha ka shaqeeya dal aysan u dhalan. Sidoo kale, Hindiya waxa ay soo jiidatay warshadaha ugu waaweyn dunida sida Microsoft, IBM (International Business Machines Corporation), Nestlé, Sony Corporation, Hewlett Packard (HP), Apple Inc, iyo qaar kaloo badan. Hindiya iyo dal walba oo dadkiisu badanyahay waxa ay ku naaloonayaan suuq aad u ballaaran suuranagelin kara dhaqaale baaxad sare leh oo uu dalkaasi yeesho in ay kusoo hirtaan shirkadaha waaweyn ee caalamka ka jira.

Maraykanka oo laftigiisu ah dalka seddexaad ee ugu dadka badan dunida, kuna baraarugsanaa ahmiyadda dadku u leeyihiin dalkaasi, ayaa ku dadaala in uusan ka harin wadamada ka horreeya isaga xagga dadka oo kala ah Shiinaha iyo Hindiya. Ayaga oo ka duulaya cududda ay doonayaan in ay ku hayso ama kasii dhaqaajiso dhaqaalaha Maraykanka halka uu joogo, ayuu Maraykanku ku dadaalaa in uu ku koriyo dadkiisa hab aanan dabiici ahayn oo ah in uu si miisaaman uga soo qaato dadyowga kale ee dunida.

Marka aynu u nimaano Afrika seddexda dal ee ugu dadka badan waa Nayjeeriya, Itoobiya iyo Masar e, ayaa dhamaantood ku naaloonaya in ay cudud dhaqaale oo koraysa leeyihiin sidoo kalena ka horreeyaan xattaa wadamada ka aqoonta badan balse ka bulshada yar ee Qaaradda. Nayjeeriya waxaa lagu tilmaamaa camaaliqada Afrika, waxa ayna ka h**eeyaan xagga dhaqaalaha wadamada sida Koonfur Afrika oo kale.

Soomaalida oo lagu qiyaaso dhamaanteed 15 milyan ayaa haddana isi sii kala qobqobaysa oo u kala hoobanaysa dalal yar yar. Intaas oo kali ah kuma eka e, waxaa usii dheer in aynu iska dilno maskaxda wax baratay oo aan isi sii afjarno. Dadkii u suurtageliyay Maraykanka qunbuladdii atoomikada ahayd, dhammaantood waxa ay ahaayeen dad ajaanib ah oo dhalasho laga siiyay Maraykanka, ujeedkana waxa uu ahaa in ay maskaxdooda ku kabaan dalka, halka Soomaaliduna ay dilaan midkoodii waxbartay iskaba daa in ay ka faa’iidaystaan maskaxdiisa e. Kanada ayaa sanadkii 2017-da guddoonsiiyay jinsiyad sharafeed Kaneediyaan ah gabadhii yarayd ee u ololayn jirtay waxbarashada hablaha ee u dhalatay dalka Paakistaan waa Malala Yousafzai e, ujeedkana waa in magaceeda iyo maskaxdeeda laga faa’iidaysto.

28/11/2021

🇪🇹
Ciidanka Itoobiya ee Milateriga iyo Cafarta ayaa la wareegay magaalada Chifra oo u dhaw magaalada Waldiya oo ah aaga ay TPLF kasoo gashay Dessie iyo Kolmobcha, Aljazeera ayaa tabisay in dagaalo qaraar oo TPLF looga qabsaday aagan.

Waldiya waa marinkii ay kusoo galeen Tigrey, 76KM ayay caawa u jidhaan ciidanka Itoobiya, haddii ay gasho gacanta Abiy Axmed, waxay ka dhigan tahay in ay go’odoon noqonayaan ciidanka TPLF ee jooga Dessie ilaa Kombolcha.

Dhinaca kale Dagaal culus ayaa maanta iyo shalay ka dhacay Buuralayda deegaanada Bati, Milateriga Itoobiya ayaa ka gudbay deegaanka Gebra oo masaafo dhan 32KM ujidha magaalada muhiimka ah ee Kombolcha, waa guluf labo dhinac ah.

Hogaamiyaha gulufkan cusub waa Col, Abiy Axmed, haddii uu guulaha sii adkaysto ayay ka dhignan doontaa Is difaacid xoogan.

07/11/2021

Ibnu Siiriin ayaa mar khasaaray oo waayay Hantida uu haystay oo dhan. ! Dabadeed, dadkii ayaa ku yiri “Musiibada iyo Khasaarada ku soo gaartay waa mid wayn”

Ibnu Siiriin ayaa ku jawaabay; “Waa Ciqaab aan sugaaayay Dambi aan galay mudo Afartan sano ka hor”

Dadkii ayaa waydiiyay; “Waa maxay Dambiga kaa dhacay.”?

Ibnu siiriin ayaa ku jawaabay “Afartan sano ka hor ayaan iska waynaysiiyay una gafay nin Faqiir ah, aniga oo ku iri Miskiin yahow”

Cuqubada xaqiraadda iyo ku jees-jeesida dadka Masaakiinta ah waa mid halis ah, waxaana suuro gal ah in qaarkood Ducadooda si toos ah Allah u aqbalo.

Hussein Sahnuni

31/10/2021

Hodanimada Dadka Iyo Dalkeena Soomaliyeed Waxaa sharaxaya Abwaan Cismaan Cabdinuur Xaashi

07/10/2021

Qaar ka mida ilbaxnimada qaldan ayaa ah in aad dharkaaga jeexjeexdo, jeegada xiirato, jidka dhexdiisa is jajabiso oo aad is mooddo in aad adiga ugu sidato dadka.😭
In aad caaytanto oo aad mooddo kaftan, in aad maryaha dhigato, in aad is dhaawacdo adiga oo raadinaya qurux bacramis ah.😭
Intaa iyo ina kalaba waxa ay luminayaan dadnimadaada iyo shaqsiyaddaadii saxda ahayd, waxaana laguugu qiimayn doonaa qaabka aad muuqaal iyo dhaqan ahaan u soo muuqato.

Wiilkasta waxa uu isku diyaarinaa aabbenimo, halka gabar walibana u hanwayn tahay hooyanimo, taasina waxaa asal u ah dhaqan wanaagsan iyo isku dheellitirnaan habboon. Ha sababsanina owlaadiinna mustaqbalka, si aysan sawir qaldan ugu gudbin dunidaan aan ceebaha la asturin. Haddii Eebbe qaddarana quruxsada noloshiinna, si aad u heshaan khayrka iyo qiimaha qoysnimo.❣

Ugu yaraan ixtiraama sharafka nwaalidkiin, walaalihiin, nafihiinna iyo kuwa wanaaggiinna jecel.

Alle dambigeenna iyo kan waalidkeenaba ha dhaafo.🤲

05/10/2021

Howsha dhaqida ama Sifaynta Kelyaha (Dialysis) kolka qofka lagu samaynayo waxaa la galiyaa laba Tuubo oo mataano ah oo mid isku ah ah oo mid waliba howl gaar ah qabanayso, ayadoo la galinayo Xididka Arooraha ah (vein) ee qoorta, laabta ama bowdada midkood iyada oo la isticmaalayo suuxdinta gaarka ah (local anesthesia) inta lagu gudo jiro sifeynta Kilyaha.

Dhiiga ayaa waxa uu ka soo baxayaa jirka isaga oo soo raacaya Tuubada cas, wuxuu dhex maraa aaladda sifeynta, waxa uuna ku soo noqdaa tuubada Buluugga, xaaladaas ayuu qofka ku sugnaanayaan ilaa 4 saacadood isaga oo saaran sariir dusheeda oo waliba bilaa dhaqdhaqaaq ah.

Qofka ayaa loo sameeyaa howsha Sifeynta Kelyaha Todobaadkii Sadex jeer, taasoo noqonaysa Bishiiba 12 Mar, hadii Saacad ahaana loo xisaabiyo waxay noqonaysaa wadarta guud 48 saacadood Bil kasta.

Waxaa intaas ka sii daran waxaa baxaya kharash badan oo Boqolaal Doolar ah Bishii taasoo aysan ka bixi Karin dadka dhaqaalahoodu hooseeya. !

Adiga, aniga iyo guud ahaan dadka caafimaadka qaba ee aan qabin cudurka kidney failure (Kilyaha oo howlgab noqda) ma Qiyaasi kartaa inta jeer ee Kelyahaada ay isa sifeeyaan?

Qiyaasii Lixdan jeer ayay maalintii Kelyahaada si Automatic ah isu meyraan, sida dhaqaaqiirta ay sheegaan. Howshaas ayaa waxay dhacdaa innaga oo aanan dareemin wax dhibaato ah ama xanuun ah oo waliba cidna meel na seexin, Tubooyina nagu xirin, mana jirto kharash nooga baxa howshaas wayn oo la’aanteed qofka uusan noolaan Karin. !!

Waxaan haysanaa Nicmooyin badan oo aan la tirin Karin, lana koobi karin. الحمدلله

‎وَإِن تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَّحِيمٌ (18) سورة النحل

WQ: Hussein Sahnuni.

09/09/2021

DEG:DEG:-Taliyayaasha Ciidamada oo hadda ka hadlaya arimo xasaasi ah oo ku saabsan xaaladda dalka.

04/09/2021

GABAY QABYAALADDA.

Abwaan Abshir nuur faarax (bacadle)

Haddii lays qaddariyey murtidu, qiimo leedahay e
Qasadkiyo ujeeddaduna waa, qiiro geliyaane
Sidaad ugu qotimisay nafluhu, ugu qashuucaane
Bal an idin qanciyo gabaygu waa, idin quseeyaaye

Qaruun waliba cudur qaasahoo, qaybiyaa jiraye
Soomaali balo loo qorayee, qalinka loo saaray
Wax qabiil ka daran Jahannamaan, qiray aqoontay e
Qaddartoonow iga hiilisaye, qolo ma sheegteene!

Qabyaaladiyo iimaan la’aan, qooqay bays helaye
Kumanyaal qarriban bay dhaleen, qorina heegaysan
Oo qaaxo iyo aydhis qaba, qaad se ku illaabay
Mar un bay magaalada qaseen, kuna qammaameene
Qacdii h**e ba bililiqo un bay, innagu qaadeene
Nimankaa tafaha qaawanoo, qoriga heegaysan
Haddaan baladka laga qaban Wallaa, looga qaxayaaye

Qaraabo iyo ahal riximnimaa, loo qaddariyaaye
Waa sanam qabyaaladi haddaad, ugu qancaysiine
Waa qaaxo iyo kaankar iyo, aydhis qaab daran e
Waa cudurka qaybaha bulshadu, qaran ku waayeene
Waa qawqab iyo sixir qalbiga, qaaciyoo shidaye
Waa qaabaqawsayn dagaal, qac iyo yaahuuye
Qanjir boogi qodotoo qurmoo, qolof la’ weeyaane!
Waa gorofta lagu qaybiyaa, malaxda qayriine
Qandiga fuqurka iyo xaasidkoo, qabaxa weeyaane
Waa waxa qoxootiga ka dhigay, boqol kun oo qoyse
Qalbigiinna ka ilaashadoo, wadajir qiimeeya
Qaangaar fidnoobee ilmaha, yaan la qabadsiinnin

Qiso murugo iyo yaab leh baan, soo qayaxayaaye
Qof Muslin ah qabyaalad u diloon, ficil yo qawl qaysan
Qasadkiyo ujeeddaduna tahay, lagu qisaasaayo:
Qabiilkaa muxuu uga dhashaye, qaaddir uga yeelay!
Qiso murugo iyo yaab lahoo, quruna saw maaha?
Waa quud ka dhigo ruux Muslin ah, hilibki qayriine!
Ilaahayow Adigu haygu qaban, Qaaddir baad tahaye

Qof kastoo ka qayb-qaata amma, qarash ku taageera
Nafta goorta laga qaadayoo, laga qibloonaayo
Qarqarradiyo dhuunyeeristiyo, qarow la taahiisa
Qac baa loogu siiyaa indhaha, kiiska loo qoray e
Diiwaanka qalinku ugu dhacay, qoommamee abide!

Wax ba gabaygu yuun ila qarxine, waan qabbirayaaye
K**a quusto qayr-dheeg dadkuna, igama qaataane
Rag un baa se qiimaynayoo, qoraya taariikhe
Ha qaddarin Dimuqraaddi waa, qolo afkaartoode
Hantiwadaagna laga quusayoo, lagu qasaarowye
Quboo daadsha labadaba Wallaan, lagu qaboobayne
Quraankiyo Sunnaa muqaddaska ah, qaata xukunkooda
Qurratul-cayni Nebi Muxammad baan, lagu qasaarayne (NNKH)

01/09/2021

AFEEF: Gabdhuhu raali ha ahaadaan🙏

Hoggaamiyaha dhabta ah waa afar xaasle reerihiisa kula nool nolol farxad leh balse aan kala qarin oo aan qaarkood qiyaamayn,
Kumaba sii jiro hadii uu yahay jeeb yare aan lahayn hanti uu ku kala debero balse leh maskax uu ku xalliyo khilaafaadka soo kala dhexgala,

Hoggaamiye ma noqon karo nin markii laga xanaaqaba ku qanciya qalbiyay qaaliyey waxaan jeclahay adiga oo qura sababtoo ah kulama guursan ee xal kale aan aqoon waayo waa beenaale haysta qodob uu cuskado,

Dalkuna waa sidoo kale waxaad hogaaminaysaa waa qabaa'il aad moodo in laysla qabo oo kala masayrsan hadii aad qabiil kasta dhegta ugu sheegto adiga oo kaliya ayaa jira waxaad noqonaysaa diradiraale ee ma tihid hogaamiye dal maamuli kara,

01/09/2021

31/08/2021

Dunida hogaamiyaha waxqabadka leh magaciisu ma duugoobbo xataa haduu dad badan xasuuqay. Hi**er waa ninka kaliya ee dunida ee gacantiisa ama sababtiisa ay ku dhinteen malaayiin qof oo dad ah, magaciisa in la duugo, sawrac xumayntiisa iyo ka cararka caalamadihii xisbigiisii Naziga waxa laga dhigay cidii lagu arko tuke canbaarleh.

Laakiin, sidaas waxa aamisan dadka iska caadiga ah, maaha taariikhyaahanada iyo dadka aqoonta sare leh. Hi**er afkaarihisii iyo damaciisii oo dhan ayeey ka shaqeeyeen cadaanka ay qaraabadda ahaayeen,wuxuuna ku dhex nool yahay maaliyiin boqol oo saancaddaaha aduunka ah, wuxuu aamisanaa sareynta Cadaanka, hada waad ujeedaan dunida ninka cad qiimihiisa iyo hogaanka dunida halkeey kaga jiraan. Dhaqaalaha wuxu rumaysnaa wershadaha ugu casrisan inay yeeshaan, hadee taasinna maanta waa idin muuqataa, si fiican u Eeg 7G todobada dal ee Wershahadaha ku hormaray, labadii quwaqdood ee dunidan ku Qooqayay NATO iyo Warsaw.

Hubka, Sanaadda, siyaasadda, boqortooyooyinka maldahan ee ay sida dhibta yar dunida ugu maamulaan. Cunsuriyadii iyadoo intii naaziga ka xun ayeey ku dhax nooshaha dalalka Galbeedka{Systematic Racism}.

Intan iyo inann kale oo badan waxa laga qaadan karaa in hogamiyaha Mabdaadiidda, wax qabadka iyo maamul kaknaanta leh uusan magaciisu duuggoobbin. Ninkase tuuga ah, musuqqa badan, lacagta aruursadda, Eexda ku bixiya qandaraasyadda, boobba hantida dadka ruuxkastaa wuu haaraammaa, awaadh na waa la raaciya Utin aan dhamaana waa lala daba heetiyaa.

Hooyadda joogta Baadiyahah iyo tan caanaha suuqyadda waaweyn ku iibisaa, isku si ayeey ugu ciil cunsan yihiin, waayo waxoodii ayuu cunay oo boobay.

Hadaad rabtid madaxweyne ma hadhooyin reebba inaad noqotid, waxba ha xadin, balantanna ha ka bixin, dadka inta kuugu dhawna ha noqdeen umadda dadka aad xukuntoo dhan ka kooban, sideey kugu kala daacadsan yihiin una kala waxtar badan yihiinna u soo kala dhaweyso.

Waar Tuugnimmo iska ilaali, waayo hadaad wax dalkan ka xaddo dadkoo dhan baad xaday, hadaad shakhsi xaddana hal qof uun baad xadday, Laakiin waxba yaan la xadin.

20/08/2021

Mar kale iyo Mandheera..

Jeelashu waa xarumaha lagu bixiyo duruusta ciqaabta danbiilayaasha isla markaana looga jaro guud ahaan. Waa jeelasha caalamkee; waxaa la isugu geeyaa dhammaan dad soo maray maxk**ado, waxayna halkaa ku qaataan mugga dambigii ay galeen oo ciqaab ah. Dhanka kalena, waa goobaha ugu badan ee dadka ku nooli ay kusoo laabtaan waddada saxda ah siday doonaanba ha isu saxeene.

Jeelasha Soomaalida se, inta xaqdarro ku xiran ayaa intaasoo jeer ka badan kuwa la soo xukumay, waayo, madaxdeenna ayuunbaa in qofkii ka horyimaadaba uu xariggiisu u xalaal yahay, sidoo kalena garsoorkii iyo laamihii dambi baarista ayaa gabigooduba fadhiid ah oo ma jirto cid miskiin xaqdarro ku xiran ku xabeebaysa soo dayntiisa.

Haddaba, Cabdimaalik xabsiga iyo maxaabiistuba waa ay u baahnaayeen, isna run baa illeyn la isu sheegaaye wuu u baahnaa. Sidee? Meel fogba haka doonine, howshii uu maxaabiistii kal h**e ay jaarka ahaayeen uu u hayay ayaa wali sii qoyan, dhammaanteenna aan ka wada dharagsannahay. Waa tan labaade, fikirka iyo dacwada uu wado waxaa inta xorta ah uga baahi badan inta xiran. Xerta iyo asxaabta ku rafiiqda jeelasha ee kooxo is baddal doon ah samaysta ayaa kun jeer ka awood badan kuwa ku saaxiiba meheradaha bigayska iyo xafiisyada dowladda.

Aragti ahaan tayda, ka Maxamad ahaantayda, waxaan qabaa in Jamhuuriyaddu u hiillisay Xaqdoon Cabdimaalik waanay ku mahadsan tahay inay u fududeeyaan sidii uu abuuran lahaa koox soo dhadhamisay caddaalad darrada iyo eexda Dowladda isla markaana u daacad ah. Waa koox mar aan dheerayn innagoo gidaarrada Facebook sidaa u dhex miraafayna uu hadalkoodu meel fog gaari doono.

Halgan k**a daaloow
Haatan iyo waa halkii
Halkii kugu habboonayd
Ee hawshu ka curan layd!

FG: Jihaad haddii uu jiray, Cabdimaalik baa ku jira.

07/08/2021

MADAXWEYNE FARMAAJO OO WAREEGTO KAGA XAYIRAY HEY’ADAHA DOWLADDA HESHIISYADA IYO IS-AFGARADYADA XILLIGA DOORASHADA

Muqdisho, Ogoosto 07, 2021: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo gudanaya waajibaadka dastuuriga ah ee ka saran ilaalinta Hantida Qaran iyo madaxbannaanida dalkeenna ayaa Xeer Madaxweyne ku joojiyay in Hay’adaha Dowladdu ay galaan heshiis ama is af-garad kasta oo taabanaya siyaasadda, dhaqaalaha iyo amniga dalka.

Madaxweynaha oo tixgelinaya duruufaha siyaasadeed iyo habsami u socodka hannaanka doorashooyinka dalka, waajibaadka dastuuriga ah ee Goleyaasha Barlamaanka oo leh hubinta, xaqiijinta iyo qiimeynta heshiisyada iyo is-afgaradyada dalkeenna uu la galayo dalalka kale, hay’adaha iyo shirkadaha caalamiga ayaa soo saaray qodobbadan:

1. Waxaa Xeer Madaxweyne lagu hakiyey, ilaa doorashada kaddib, heshiisyada Hay’adaha Dowladda Federaalka Soomaaliya sida Xukuumadda iyo laamaha kale ee fulintu ay la galayaan dalalka kale, Hay’adaha iyo shirkadaha caalamiga ah.

2. Waxaa reebban, ilaa doorashada keddib, in Wasaaradaha iyo hay’adaha kale ee Dowladda ay magaca Dowladda Federaalka Soomaaliya ku galaan is-afgarad ama wadahadallo saameynaya mustaqbalka dalka, madaxbannaanida qaranka, seeraha dhuleed iyo badeed ee dalkeenna.

3. Waxaa la joojiyay in heshiis ama is-afgarad ganacsi lala galo dowlado kale inta doorashooyinka dalka lagu guda jiro.

4. Sida ku caddeyd warsaxafaadeedkii kasoo baxay Madaxtooyada Jamhuuriyadda 19kii Jannaayo 2018 oo qeexayay inaan la bixin karin hantida danta guud, lana saxiixi karin heshiis kasta oo ku saabsan kala wareejinta, kireynta iyo qaab kasta oo la xiriira ka macaashka hantida danta guud.

5. Madaxweynaha Jamhuuriyadda ayaa faray dhammaan Hay’adaha Dowladda in ay ilaaliyaan sharafka, qarannimada iyo horumarka lagu tallaabsaday sanadihii u dambeeyay.

DHAMMAAD

28/07/2021

19/07/2021

Farshaxaniistihii Danishka ahaa ee Nebigeena Suuban NNKH u gafay oo Bakhtiyay.

Waxaa Arbacadii lasoo dhaafay bakhtiyay, balse xalay iyo maanta warka dhimashadiisa adduunka dhan la wadwadaa Kurt Westergaard oo ah Farshaxaniistihii faajirka ahaa ee Dalka Denmark u dhashay ee ku caan baxay inuu sameeyo sawiro Kartoon ah oo uu ku sheegay inay yihiin Suubaneena Rasuulkii Alle Maxamed SCW.
Wuxuu ku bakhtiyay da' 86 sano gaareysa.
Warkiisa ayaa maanta shabakaddan Internetka heysta.
(إِنَّ ٱلَّذِینَ یُؤۡذُونَ ٱللَّهَ وَرَسُولَهُۥ لَعَنَهُمُ ٱللَّهُ فِی ٱلدُّنۡیَا وَٱلۡـَٔاخِرَةِ وَأَعَدَّ لَهُمۡ عَذَابࣰا مُّهِینࣰا)
[Surah Al-Ahzab 57]

30/06/2021

02/06/2021

Hadaad guul rabtid qaad talaabooyinkan.

1. Isku tasho, Ilaahayna tallo saaro
2. Aqoontaadda kobci, oo dhagayso dadka kaa cilmiga roon.
3. Waxkastood aad rabtid inaad samayso baadhitaan horudhac ah ku samee, daraasee, ka baraandeg hadaadan ku fileynayn qof kaaga khabiirsan la tasho, ruuxaas dhaqaalle ku sii arintaas ama ha noqdo qof tabarucaad hagar la'aana kuu sameyn kara.
4. Iska ilaali xasadka naftaadana ka xaraamee waxkastoodan jeclayn in adiga lagugu sameeyo, sida xadgudub, xifaaltan iyo xin oo kale.
5. Markasta ha ka tegin ixsaan, xataa hadaad shaqadada maalinlaha ah haysatid, markasta ku dar wax dan-guud ah.
6. Hal arin ku tuun tuunso boqol arimoodna hal mar ha isku wada furin.
7. Jeclow guushaad raadinayso in qofkastoo Soomaali ah uu raadiyo, hadaad aragtid mid kaa h**eeya isku day inaad gaadho adoon dareemayn diiqad iyo xumaan midna
8. Ka kaa hoose gacan qabo haduu kaa dalbado, haduusan kuu baahnayna ugu yaraan bogaadi.
9. Mashquulka dadka kale arimahooda dhaaf, adiguna marwalba hoos u Eeg khaladaadkaaga maalin laha ah.

17/04/2021

U hiili walaalkaa maxay tahay micnaheyda ???

u hiilida walaalkaa gar iyo gardaro waxaynu u naqaanaa in walaalkaa lala garab istaago wax walba uu sameynaayo wanaag,
lkn u hiilida walaalkaaga marka uu gardaran yahay maxay tahay ??
si fiican ugu fiirso xadiiskaan.

Anas Bin Maalik RC, wuxuu yiri: Nebigu CSW, wuxuu yiri:- Walaalkaa u Hiilli Gar iyo Gardarraba. Nin Asxaabtiisii ka mid ahaa ayaa Weydiiyey oo yiri: Rasuul Alloow Walaalkeey markii uu Gar leeyahay waan u Hiilinayaaye, ee Fadlan ii sheeg sida aan ugu Hiillinayo haddii uu Gardaran yahay. Nabiga CSW, wuxuu ku jawaabay:- Gardarrada ka celi. Taas ayaa Hiil u ah.

(waxaa weriyey:- Bukhaari).

Haddii uu walaalkaaga gardaran yahay isla markaana aad ka celiso gardarada taasi waxay la mid tahay in aad u hiilisay, oo waad wax u qabatay,

u hiilida wanaaga iyo in la isfaro wanaaga iyo in la iska reebo xumaanta waa badbaadada Aakhiro dhamaanteyna waan ku liibaaneynaa hadii aan taas ku dhaqan.

W/Q abdiaziz karim

15/04/2021

Somalia somali baa leh

15/04/2021

The Regional Court of Banadir summoned 6 suspects to present themselves to the court on charges of espionage and leaking of sensitive national security information. Chief among the suspects are Rashid Abdi and Matt Bryden.

25/11/2020

Ciidanka Itoobiya oo hareereeyay Magaalada Mekelle Caasimadda Tigray.

Maanta waxaa dhammaaday saddexii cishe ee dheeraad ahead ahaa fursad ahaanta loo siiyay madaxda ismaamulka Tigray in ay is dhiibaan, waxaana socda tallaabo lagu dhaqangelinayo go’aan Dowladda Federaalka Itoobiya ay qaadatay marka waqtigaas idlaado.

Saraakiisha Hoggaamineysa Ciidamada Itoobiya ayaa sheegay in ay hareereeyeen Magaalada Mekelle Caasimadda ismaamulka Tigray oo ah xuddunta shaqsiyaadka la doonaya in gacanta lagu soo dhigo.

Madaxda TPLF ayaa ku gacan seyrtay 72-saac ee loo qabtay in ay isu dhiibaan si loosoo afjaro dagaalka todobaadka saddexaad fodda la galay ee u dhaxeeya Ciidamada Dowladda Federaalka Itoobiya & ismaamulka Tigray.

Magaalooyin muhiim ah oo kulaala Caasimadda Mekelle ayaa gacanta Xooggaga Tigray ka baxay, waa ay qirteen madaxda TPLF guuldaradaas militari ay kala kulmeen dagaalka ciidanka Federaalka ay ku wajahayaan.

Intkasta oo aan jirin Isgaarsiin & Internet-ka si xogta xaqiiqadeeda loo helo, balse Dowladda Federaalka Itoobiya ayaa soo bandhigeysa Warbixinno la xiriira xogta dagaalka oo u badan guullo ay ka sheeganeysa.

Qaramada Midoobay ayaa xaqiijisay in dad horleh naftooda ay kala baxsadeen Deegaanka, kadib markii ay u dulqaadan waayeen hubka culus ee ku hoobanaya Deegaannadooda si aysan waxyeelo u gaarin.

Xoghayaha guud ee Qaramada Midoobey Antonio Guterres ayaa sheegay in si weyn uu uga walaacsan yahay xaaladda Gobolka Tigray oo isku badalay goob dagaal oo ay ku murqa-muujiyaan Ciidamada Federaalka iyo kuwa ismaamulka.

08/11/2020

Guusha Biden,Maraykanka oo lagu kala baxay iyo Trump oo mustaqbalkiisu mugdi galay- Soomaalidii oo xayiradda laga qaaday.