Rayid Tv

10/09/2024

Guddoomiyaha Aqalka Sare ee Baarlamaanka JFS Mudane Senator Abdi Hashi Abdullahi ayaa xafiiskiisa ku qaabilay Danjiraha Midowga Yurub u fadhiya Soomaaliya Marwo Karin Johansson oo wehliyo ku xigeenka Danjiraha Midowga Yurub Mudane Thomas Kieller.

Guddoomiyaha iyo Danjiraha waxay ka wada hadlay taageerada dhinacayada horumarinta ee Midowga Yurub uu siiyo Dowladda Soomaaliya, gaar ahaan taageerada Baarlamaanka Jamhuuriyadda Federaalka Soomaaliya, waxayna isla qaateen in Aqalka Sare oo ah Aqalka sida dastuuriga ah u metala dowladaha xubnaha ka ah dowladda Federaalka Soomaaliya, ilaaliyana nidaamka Federaalka ah gacan lagu siiyiiyo gudashada waajibaadkaas.

Danjiraha ayaa bogaadisay shaqada ballaaran ee u qabsoontay labada aqal ee Baarlmaanka 11-aad ee JFS oo ay ugu horreey Dib u eegista Dastuurka KMG ah iyo ka shaqaynta iyo meel marinta shuruucda kale ee uu ansaxiyay ama kuwa horyaala Labada Aqal Baarlamaanka Federaalka Soomaaliya.

Guddoomiye Cabdi Xaashi wuxuu sheegay in Guddiga Dib u eegista iyo Hirgelinta Dastuurka ee BJFS uu haatan ku howlanyahay gaababaynta cutubyada 5 illaa 9-aad ee Dastuurka, howl aad u bandanna uu ka qabtay, isla markaana marka guddigu dhammeeyaan howshaasna ay horkeeni doonnaan fadhiyada Labada Aqal ee BJFS.

10/09/2024

GUDDOOMIYAHA GOLAHA SHACABKA EE BJFS OO XAFIISKIISA KU QAABILAY SAFIIRKA MIDOWGA YURUB EE SOOMAALIYA.

Muqdisho September,10, 2024: Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa xafiiskiisa ku qaabilay Safiirka Midowga Yurub ee Soomaaliya Karin Johansson.

Ugu h**eyn Safiirka Midowga Yurub ee Soomaaliya Karin Johansson ayaa ku amaantay Baarlamaanka Federaalka Soomaaliya shaqada wanaagsan ee uu dalka iyo dadka Soomaaliyeed u hayo gaar ahaan shuruucda muhiimka ah ee uu meel mariyay oo ay ka mid yihiin dib u eegista dastuurka oo hada meel wanaagsan maraya, deyn cafinta, qaadista cuna qabataynta hubka, ku biirista Golaha Amaanka ee Qaramada Midoobay, dhamaan howlahaas oo ay sheegtay safiirka in ay qeyb weyn ka qaadanayaan dowladnimada Soomaaliya.

Sidoo kale Danjiraha Midowga Yurub ee Soomaaliya ayaa bogaadisay horumarada kala duwan oo ay ku talaabsatay dowladda Soomaaliya iyo sidoo kale qorshaha dowladda ee ah in dalka ay ka dhacdo doorasho qof iyo cod ah.

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamee Nuur (Madoobe) oo Midowga Yurub uga mahadceliyay taageerada dhinacyada walba leh ee ay siiso Shacabka Soomaaliyeed iyo dowladooda ayaa sidoo kale sheegay in Baarlamaanka 11-aad uu ahmiyad gaar ah siinayo dib u eegista iyo dhameystirka dastuurka iyo shuruucda kale ee muhiimka ah.

Ugu dambeyn Guddoomiyaha Golaha Shacabka ee Baarlamaanka dalka ayaa sheegay in qorshaha Baarlamaanka 11-aad uu yahay in dalka ay ka dhacdo doorasho shacabka Soomaaliyeed ay ku dooranayaan hogaankooda, si taasi loo hirgelinayana Baarlamaanka Soomaaliyeed uu kalfadhiyada u harsan ka shaqeyn doono dhamaan shuruucda muhiimka u ah doorashooyinka.

DHAMMAAD
Wixii faahfaahin ah, fadlan kala xiriir:
Ibrahim Gudle Isak
Agaasimaha Warfaafinta & Xiriirka Warbaahinta ee Golaha Shacabka Baarlamaanka Jamhuuriyadda Federaalka Soomaaliya
E-mail: [email protected]
Twitter/X: Golaha_shac_JFS
Website: gsh.parliament.gov.so

10/09/2024

Ceeb iyo Fadeexo ku dhacday Itoobiyaankii.

Itoobiya 95% ardayda fasalk 12 ayaa Imtixaanka ku dhacay!

Wasaaradda waxbarashada Itoobiya ayaa ku dhawaaqday natiijada imtixaankii fasalka 12-aad ee guud ahaan dalkaas, iyadoo sheegtay in 5.4% ay baaseen heerka ugu hooseeya 50%.

684,405 arday oo imtixaanka u fariistay, 36,409 ka mid ah ayaa ku baasaay Ixtiraanka oo jaamacadaha gali kara hada.

Sannadkii h**e, ku dhawaad ​​97% ardaydu waxay ku guuldaraysteen inay ka gudbaan buundada ugu hoosaysa ee 50%.

Tani waa wax muujinaya Cabsida iyo qal qalka ay Soomaalidu ku beertay Itoobiyaanka gudahiisa.

Cali Aadan Muumin

10/09/2024

Tani waa liiska caruur Soomaaliyeed dalka (TOGO) ku xiran! Wali dowlada Somalia waye ka amuusan tahay arinkan la xirira ( Children Trafficking and modern slavery)

10/09/2024

Iran ayaa u dirtay Ruushka gantaallada riddada gaaban ee balaastikada ah, waxayna u badan tahay inay dowladda Putin toddobaadyo gudahood ku isticmaali doonaan gudaha Ukraine oo dagaal ka socday sanado” ayuu yiri xoghayaha arrimaha dibadda ee Mareykanka.

10/09/2024

Muqdisho, 10 September 2024:

Gudoomiyaha Ururada Bulshada Rayidka Soomaaliyeed, Mudane Osman Moallim Shatah ayaa maanta ka qayb galey Daah-furay Madasha La-tashiga Bulsho ee Maqaamka Muqdisho iyo Xuquuqda Gobolka Banaadir, kaasi oo ay ka qeyb galayaan Odayaasha dhaqanka, Culumada, Dhalinyarada, Haweenka iyo Hormuudka Ururada Bulshada Soomaaliyeed.

Qeybaha kala gedisan ee bulshada oo madasha ka hadlay ayaa aad usoo dhaweeyay in Maamulka Gobolka Banaadir uu qabto madal nuucaan ah oo lagu dhageysanaayo taladooda si loogu qeyb geliyo xulashada loo maraayo nuuca ugu haboon ee loo xulaayo hanaanka Maqaamka Muqdisho.

Madashaan ayaa ah mid qeybaha kala gedisan ee bulshada Gobolka Banaadir ay doodo ka yeelan doonaan hanaanka xulasho ee Maqaamka Muqdisho iyo xuquuqda bulshada Gobolka Banaadir, si talooyinka kasoo baxa madashaan loogu gudbiyo guddiyada kala gedisan ee Dastuurka maadaama Baarlaamka uu dhawaan guda geli doonno doodaha ku aada wax ka badalka cutubka 5-aad illaa 9-aad ee Dastuurka JFS.

—𝐃𝐇𝐀𝐌𝐌𝐀𝐀𝐃—

10/09/2024

Apple ayaa daah qaaday taleefankii ugu danbeeyey ee calamka ee , kaasi oo kuwii ka horreeyey kaga duwan 'Garaadka [AI] ee Macmalka ah' iyo horumarin dheeraad ah oo camerada & midabada ah. Qiimihiisu wuxuu ka bilaabanayaa $799.

Qorshahaaga ma tahay in aad qaadato iPhone16?

10/09/2024

Ra’iisul Wasaare Xamsa oo Dhagax Dhigay Xarunta Wasaaradda Arrimaha Gudaha

Muqdisho, Talaado, 10 Sebtembar 2024:-Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa dhagax dhigay xarunta Wasaaradda Arrimaha Gudaha iyo Federaalka Soomaaliya, taas oo qeyb ka ah dadaallada Xukuumadda ee lagu soo celinayo adeegyada muhiimka ah iyo tayeynta kaabayaasha dowladnimada.

Ra’iisul Wasaaraha ayaa hoosta ka xarriiqay muhiimadda ay leedahay in xarumaha dowladdu ay noqdaan kuwo u qalma shaqada iyo adeegyada ay siiyaan shacabka. Isaga oo ugu baaqay dhammaan dadka ku sugan ama deggan xarumaha dowladda, in ay sida ugu dhaqsiyaha badan uga baxaan, si loo siiyo fursad dib-u-dhiska iyo horumarinta adeegyada qaran.

“Waa muhiim in aan ku shaqeyno xarumo dowladeed oo tayo leh, kuwaas oo bixiya adeegyo hufan oo dadka Soomaaliyeed ka faa’iidaystaan. Dib-u-dhiska xaruntaan waa qayb ka mid ah qorshaha ballaaran ee dib-u-dhiska xarumahandowladda, si aan u hubinno in dowladdu ay si hufan u shaqeyso oo shacabku ay helaan adeegyada ay u baahan yihiin”.

Waxa uu sidoo kale, Ra’iisul Wasaaruhu baaq u diray beelaha walaalaha ah ee ku dagaallamaya qaar kamid ah gobollada dalka, isaga u jeediyey in ay colaadda nabad ku badalaan, xiligaanna aan la joogin waqtigii la daadin lahaa dhiigga dad ehel ah, maadaama ay dadka Soomaaliyeed halgan ugu jiraan sidii ay isaga difaaci lahaayeen cadowga gudaha iyo dibedda.

Dib-u-dhiska Wasaaradda Arrimaha Gudaha ayaa ka mid ah qorshaha Xukuumadda DanQaran ee dib-u-habaynta xarumaha dowladnimada, si loo xaqiijiyo helitaanka adeegyo tayo leh oo si toos ah looga fuliyo xarumaha dowladda, iyadoo ay qayb ka tahay dadaallada sare loogu qaadayo hey’adaha dowladda iyo kaabayaasha muhiimka ah ee dalka.

10/09/2024

𝐒𝐨𝐨𝐦𝐚𝐚𝐥𝐢𝐲𝐚, 𝐒𝐨𝐦𝐚𝐥𝐢𝐥𝐚𝐧𝐝 𝐢𝐲𝐨 𝐈𝐭𝐨𝐨𝐛𝐢𝐲𝐚 𝐨𝐨 𝐰𝐚𝐝𝐚 𝐪𝐚𝐫𝐚𝐚𝐛𝐚𝐧𝐚𝐲𝐚!

Itoobiya ayaa sheegtay inay soo dhameystirtay qiimeynta mashruuca korontada Geeska Afrika oo ah mashruuc uu maalgalinaayo Bangiga Adduunka, kaasoo korontada biyo xireenka laga dhalinayo lagu gaarsiinaayo Soomaaliya, Somaliland, Kenya iyo Sudan.

230kV ayaa laga talaabin doonaa Dirirdhaba - Tog Wajale-Berbera (oo sii maraya Hargeysa).

Dhanka koonfureed, waxaa 230kV la marsiin doonaa Negeyle-Doolow Cado - Muqdisho,; halka dhanka kale la marsiin doono Godey - Beledweyne - Muqdisho.

Mashruucan ayaa tixraacsiisu yahay: P174175. Sahanka qiimeynta waxaa la sameeyay June 2024.

Wajiga koowaad waxaa ku baxaysa lacag kor u dhaafeysa hal milyan oo doolar. Waxaa wada fulinaya Dowladda Itoobiya, iyo Dowladda Federaalka Soomaaliya.

19/07/2024

Magaaladda Laascaanood waxa lagu dilay Allaah haw naxariistee Marxuum Cabdiqani Axmed Diihaal oo ahaa ninkii Soomaalida wakhtigan kuwooda
Ugu caqliga badana.

Waxa aan ehelkiisa Ka tacsiyadaynayaa Geeridaas.

Runtii Dulqarnayn waxa uu ahaa nin Indheer Garad ah oo aanu nacasku malayn karin.

“Waxaad Arkaysaa Maqaaxi Buuxda oo La wada fadhiyo, dadkuna ma shaqo tagayaan, idinku weli Miyaaad aragteen Qudhaanjo badan oo meel iska fadhida”
Waa erayada uu marxuumku ka tagay.

19/07/2024

FAAH FAAHIN:

Dagaal xoogan ayaa ka dhacay inta u dhaxeysa Ruunirgood iyo Ceel-bacad gaar ahaan halka loo yaqaano Murcudka.

Ciidamada Xoogga Dalka Soomaaliyeed gaar ahaan ciidamo si gaar ah u tababaran ayaa u daatay fadhiisin kooxda AS ay halkaasi ku lahaayeen, waxayna halkaas ku dileen maleeshiyaad badan.

Weerarka waxaa lagu soo furtay hub nuucya kala duwan ka kooban, sida Qoryaha fudud ee AK-47 loo yaqaano, Daba-miishaar, iyo zaban.

La soco sawirada iyo Muuqaalo toos ah.

19/07/2024

WAR-SAXAAFADEED
19 Luulyo 2024

Xisbiga Himilo Qaran wuxuu aad uga walaacsanyahay hubka ku soo qulqulaya dalka iyo colaadaha sokeeye ee ka soo cusboonaaday inta badan deegaanada Jamhuuriyadda Federaalka Soomaaliya.
Xisbigu wuxuu aaminsanyahay masuuliyad darro wayn inay tahay hubka tahriibka ah ee sida dhuumashada ah lagu soo gelinayo dalka, mas’uuliyad darrada iyo dhibaatada ka dhalatay hubkaas ee dhimasho, dhaawacba iyo khilaaf dadka deegaankaba leh waxaa iska leh Madaxda dowladda Federaalka.

Iyadoo la wada ogsoonyahay in si sharci ah Soomaaliya looga qaaday cunaqabatayntii hubka, ayaa waxaan maangal ahayn in si dhuumasho ah looga soo tallaabiyo xuduudaha Dalka hub baaxadaas le'eg qaab aan sharciyada hubka waafaqsanayn. Xisbigu wuxuu aaminsayahay in hubkaan laga lahaa dano gaar ah oo lagu wax yeelaynayo shacabka Soomaaliyeed gaar ahaan siyaasiyiinta dowlad Goboleedyada ka aragtida duwan madaxweynaha Jamhuuriyadda Federaalka.

Xisbiga Himilo Qaran wuxuu ayaan darro u arkaa in dowladdu ka dhuumato masuuliyadii amni ee dalka ka saarnayd waxaana tusaale u ah: qoraalada marin habaabinta ah ee ka soo baxay Golaha Amniga Qaranka iyo wasaaradda Amniga. Xisbiga iyo dhammaan umadda Soomaaliyeed waxay dowladda Soomaaliya uga fadhiyaan inay u caddeeyaan ganacsata ay sheegeen inay hubka lahayd.
Xisbigu wuxuu u arkaa in arrinta tahriibinta hubka uu carqalad ku noqon karo ka faa’ideysiga xayiraaddii hubka ee dhawaan Soomaaliya laga qaaday. Xisbigu wuxuu kaloo welwel ballaaran ka qabaa in hubkaasi si sahlan uu u geli karo gacanta argagixisada, taasoo haddii ay dhacdo ay masuuliyaddeeda qaadayso madaxda dowladda Federaalka Soomaliya.
Xisbigu wuxuu Shacabka Soomaaliyeed ugu baaqayaa inay kula xisaabtamaan madaxda Dowladda Federaalka iyo hay’adaha amniga masuuliyada darrada iyo gabood falka amni ee ay ku kaceen.

Ugu dambeyn, Xisbigu wuxuu usoo jeedinayaa Dowladaha dariska ah inay dhinacooda ka ilaaliyaan qulqulka hubka tahriibta ah ee soo galaya Dalka Soomaaliya kaasoo khatar ku ah amniga Soomaaliya iyo midka geeska Afrikaba.

= DHAMMAAD =

Wixii faahfaahin ah, fadlan kala xiriir.
Abdirahman Nuur Abukar
Xafiiska Warfaafinta & Xiriirka Warbaahinta,
Xisbiga Himilo Qaran
E-mail: [email protected]

19/07/2024

Xildhibaanada KGS ayaa Ku hanjabaya hadii RW ku xigeen la siin in ay Ridi doonan Xukuumada Fadhiidka Ah xamse

10/06/2023

09/06/2023

Dableyda Al-Shabaab aya wali ka dhex-dagaalamaysa maqaayada iyo hotel-ka Pearl Beach xeebta Liido ee Muqdisho. Ciidamadda Soomaaliya ayaa ku howlan sidii ay usoo afjari lahaayeen dagaalameyaasha oo tiradooda lagu sheegay illaa saddex maleyshiyaad ah halka saddex kale ay bilowga is-qarxiyeen.

Muuqaaladii ugu dambeeyay ee laga helay goobta ay wax ka dhaceen ayaa muujinaya gaadiidka gurmadka degdega oo taagan banaanka si ay usoo daabulaan dhaawacyadda. Illaa haatan, si dhan ah looma tirokoobin khasaaraha guud ee ka dhashay weerarkan bilowday fiidnimadii Jimcaha.

09/06/2023

Howlgalka goobta Qaraxa ayaa soconaya wax ka badan 3 saacadood, waxaana loo baahday in Ciidanka NISA ay ku biiraan dagaalka Khawaarijta looga saarayo Dhismaha ay weerareen.

Ciidanka NISA ayaa la wareegay qeybo badan oo goobta la weeraray ah, iyagoona dilay badi raggii meeshay weeraray. Saraakiisha Nisa waxay xaqiijiyeen in naftiis hallige hal nin ah uu kasoo haray kooxdii shacabka weerartay, isagana lasoo afjarayo dhawaantan.

09/06/2023

Wasaaradda gaashaandhigga Soomaaliya ayaa xaqiijisay in ay diyaarisay ciidamo mas'uuliyada amniga kala wareegi doona illaa 2,000 askari ka tirsan howlgalka Midowga Afrika er ATMIS kuwaas oo la qorsheeyay in ay dalka ka baxaan dhamaadka bishan June, 2023. Sidoo kale, illaa 3000 askar kale ayaa la lagu waddaa in ay hayaamaan dabayaaqada isla xagaagan, sidda ku cad bayaanka.

09/06/2023

Ugu yaraan 22 caruur ah ayaa ku geeriyootay kadib markii uu ku qarxay gantaal la sheegay in ay ku cayaarayeen. Falkan ayaa Jimcada maanta ah waxa uu ka dhacay tuuladda Muraalle oo u dhaxeysa degmooyinka Qoryooleey iyo Jannaalle ee gobolka Shabeellaha Hoose. Gantaalka ayaa lagu waramay in uu kamid ahaa haraadiga dagaal h**ey uga dhacay aaggaas.

09/06/2023

Dhawaqa Qaraxyadda la malaynayo ee ka dhacaya Liido waa hubka labada dhinac ay isku adeeganayaan. Waxaana socda dagaalka.

Daqiiqado kahor Xabadda ayaa mar qura istaagtay mar kalena dib ayey u billaabatay. Wararka saxda ah halkan ayaad ka helaysaa.

09/06/2023

Ciidanka Harmacad ayaa Gudaha ugalay Hotelka Caawa la weeraray ee Pearl Beach.

05/06/2023

Xildhibaan Xasan Firinbi "xiliyada xasaasiga ah in laga maqnaado maaha baarlamaanka, aniga ma maqneyn oo waan joogay"

05/06/2023

NISA oo 10 ka tirsanaa Al-Shabaab kusoo bandhigtay magaalada Baydhabo, kuwaasoo ka dagaalantay 8 gobol

05/06/2023

Xildhibaan Amino mursal " cabsi cabsida iga dhaaafa waxaana shaqa ku lahayn ha i waydiinina"

05/06/2023

Suwaydo Maxamed Cabdi "lix Bilood ma isticmaalin Caagadaha biyaha lagu sameeyo oo waxaan la qabsanaayey Buraashada".

05/06/2023

Xil Maxamed Soomaali ”Aduunka sidii h**e waan ka tagnay, Shaashad weyn halugu xiro Hoolka si leysu arko Isqabqabsiga Baarlamaanka waa batay gudoonka yaan la xag xagan”