03/04/2024
Great Puntland/Republic of Puntland
Dowlada Puntland iyo dowlada Itoobiya ayaa maanta shir uga furmay Addis ababa.
Waftiga dowlada puntland waxaa hogaaminayay wasiirka Maaliyad Puntland Mohamed Farah halka itoobiya hogaaminayay wasiiru dowlaha arrimaha dibada Mesganu Arga.
Labada dowladood ayaa ka wada xaajoodkoodu ku saabsanaa iskaashiga labada dhinac ee ammaanka, dhaqaalaha iyo siyaasadda.
Sida lagu sheegay warsaxaafadeed ay baahisay wasaaradda Arrimaha dibada Itoobiya, dhinacyadu waxay isla garteen muhiimada ay leedahay in xariirka ganacsiga, amniga iyo kaabayaasha dhaqaalaha sare loo qaado, dhinacyaduna xoojiyaan iskaashigooda.
Ambasador, Mesganu Arga ayaa xaqiijiyey in ay Itoobiya doonayso adkeynaysa xariirka ay la leedahay dowlada Puntland, isagoo tilmaamay in xariirkaas uu ahaa mid soo jireen ah.
Puntland ayaa xooga saaraysa sidii ay qeyb uga heli lahayd Suuqyada Itoobiya ee ganacsi, waxaana laga wada hadlay sidii Kastamka Tuurdibi- Suuqyada Itoobiya ilaa Dekeda Garacad.