10/12/2022
Waa sidee mustaqbalka Ganacsiga xawaaladaha Soomaalida?!!
Waxaan wax yar ka qorayaa mustaqbalka dhow iyo kan fog ba sida uu u ekaanayo Ganacsiga xawaaladaha Soomaalida:
Sida lawada ogyahay Ganacsiga Xawaaladaha ayaa soo bilaamey markey Soomaali badan u shaqo tageen gacanka carbeed horaantii 1970s meeyadii kadib markey u baahdeen inay lacago gaarsiiyaan dadkoodii ay uga yimaadeen wadankii oo markaas shaqoyinku yaraayeen isla markaas na 10 sano ka horna helay xoriyad. Wadanku wuxuu ku jiray barasho maamulka iyo dowladnimada ah, mana jirin hay'ado dowliya oo adag. Waxaa adkeed in qofku lacag meesha uu rabo u diri karo intuu baanga tago, maadama dowladii markaas jirtay ay ku xirneed Soofiyeedka oo markaas ayaguna ku jiray dagaalkii qabow baa ahaana wadan hantiwadaag ah oo dhaqaalo badan aan laheen.
Mudo kadib markii saas lagu bartay xawaaladaha lacagaha gaarsiiya wadankii ayuu balaartay Ganacsiga xawaaladaha, waxaana sahlanaatay in meel walba loo diri karo lacag wadan kasta oo ay Soomaali qaxooti nimo u tagtey.
Ganacsigii yaraa ee sida sahlan uga bilaamey Wadamada khaliij ka wuxuu ba noqdey sida Xawaaladaha waaweyn, tusaale ahaan: Western union iyo Money Gram, oo ah Shirkado ganacsi oo la tacaamula Baangiyo waa weyn aduunka oo dhana gaarsiisan.
Kadib markii la yimi oo loo soo qaxay wadamada Galbeed ka waxa timi baahi ah in la gaarsiiyo lacago dadkii qaraabada iyo asxaabta ahaa ee joogey wadankiii, taas oo sii wadey ganacsigii in laga hirgaliyo galbeedka oo ay ka jirto nidaam hantigoosad ah oo hufan.
Nidaamka hufnaanta iyo musuqmaasuq yarida leh ee galbeedka ka jira ayay markii h**e caqabad ka la kulmeen Soomaalidii ganacsiga xawaaladaha in laga hirgaliyo lakin siday noqotaba waa ka hirgalay, waxana u sahlanaantay jiilkii h**e ee qaxootinimada ku yimi ee xiriirka la lahaa dadkii wadankii joogey ay si fudud u gaarsiiyaan lacago taakulo ah wadankii.
Marka la eego sida ay u shaqeeyaan xawaaladuhu maanta ma sii jiri doonaan sababahaan soo socda awgood:
1: Waxaa is badalay sida loo wada xiriiro aduunka oo dhan maanta tiknolojiyada ayaana sahashey in ay fududaato wax walba in si fudud la isku gaarsiiyo.
2: Jiilkii ku dhashey galbeed ka oo aan wax xiriir ah la laheen dadkii qaraabada ahaa ee joogey wadankii.
3: Wadankii oo yeeshey isgaarsiin sare oo qofku meel kasta uu joogo uu wax is dhaafsi sameen karo.
4: Musuq la dirirka iyo nidaamka maaliyadeed ee galbeedka ee hufan oo adkeenaya lacagaha aan bunuugta marin kuna khasbi doona in ay xiri doonaan xisaabaadka baangiyada Xawaaladuhu lacagaha dhigtaan si looga hortago sicir barar iyo lacag dhaqida.
Marka la eego sababahaas iyo kuwo kale oo badan ba waxa dhici doonta in xawaaladuhu suuqoodu soo xirmo kadibna sidaas ay ba ku soo gabagaboodo ganacsigii mudada lagu soo moogey.
Maxa la gudboon ganacsatada in loo jeediyo maalgashiga hadii xawaaladaha oo aahaa ganacsi balaaran ay xirmaan?
