https://www.facebook.com/109316572035728/

Awad, Sennar (2025)

25/11/2024

منْ يستنِـد إلى امرأةٍ تحبُّه لا يسقطُ أبداً❤️

21/11/2024

ليه انتي ك بت ترتبطي بي شاب سنين كتير بناء على انو وعدك بالزواج؟
ما ح اتكلم من منظور الدين والشرع لانو الطفل الصغير عارف إن دي علاقة غير شرعية وحرام
لكن بالمنطق والعقل كدا إنتي شنو البضمن ليك بعد ماترتبطي بيهو وتصبري عليهو إنو يتزوجك؟
إنتي عارفة إنك بتغامري بسنين عمرك على حاجة اصلا مامضمونه ؟
طيب إنتي عارفة إن طول فترة العلاقة بيحصل فيها ملل وفتور ومشاكل كتير و٩٠% منها بتنتهي ومابتوصل للزواج
الواحد يكون مرتبط بي واحده خمسه سنه وسبعه سنه وترفض عشانو في السنين دي عرسان كتار وفي الاخر يتزوج غيرها عادي والبنات برضو نفس الشي تكون رابطه واحد سنين معاها وفي الاخر تبيعو عادي والنتجه والمحصله بتكون اجمل سنين حياتهم بكون ضيعوها في كلام فارغ أنتو مقدرين حجم التدمير النفسي البحصل للطرفين من نوع العلاقات دي
الخلاصة :
لو شاب معجب بيكي وعاوزك قولي ليهو اتفضل تعال في البيت قابل ابوي لو جا البيت يبقى دا زول جادي وشاريكي
ولو قال ليك انا ماجاهز حاليا والحنك دا؟
قولي ليهو اسفة لو لينا نصيب ربنا ح يجمعنا اول ماتجهز بأذن الله
لكن ترتبطي سنة واتنين وتلاته و في النهايه يقول ليك
ماف نصيب بينا
دي حركات شفع وناس مامسؤله وكان عندو غرض منك بس ما اكتر
ماتضيعي عمرك هدر ساي عشان السنين دي ح تندمي عليها
في سؤال ربنا ح يسألك ليهو يوم القيامه لازم تعرفي تجاوبي عليهو
السؤال " عن عمرك فيما افنيت "
وقتها ح تردي وتقولي إنك ضيعتيهو في علاقة غلط؟
ماتصدقي الوهم وماتخسري عمرك بناء على كلام فاضي ماليهو اي قيمه خليك واعيه

20/11/2024

العلاقات المرهقة ح تنتهي في يوم فـأحذر انها تنتهي بعد ما أنت تنتهي وتبقي واحد تاني واحد مابيملك طاقة لي أنو يبدأعلاقة جديدة ممكن تكون صحية اكتر مع أشخاص أسوياء نفسيا
شغلك الانت مضغوط فيهو ومامقصر لو قصرت فيهو ح يبدلوك بي واحد تاني بعد ما تستهلك طاقتك وحتوصل لي سن معين
وتتقاعد بعد ما تستنفذ كل طاقتك وصحتك وتهمل في حق علاقاتك الاجتماعية وحقك في انك تقضي وقت مع اسرتك وناسك واصحابك

العلاقات متغيرة المادة متغيرة وبتفقد قيمتها مع الوقت الشغل متغير
الناس أغلبهم مراحل في حياتك

أنت الثابت الوحيد في كل مرحلة والقائد الوحيد في رحلتك ف خلي راحتك وصحتك النفسية اولوية في كل مرحلة لأنك أصغر من أنك تتحمل كل الضغوط دي براك واكبر من انك تشكي للناس من قسوه العالم

18/11/2024

تستحق أن يكون في حياتك شخصا كلما يراك تسقط يمد يد النهوض والمساعدة لك ذاك الذي لا يقسو عليك عندما تخطيء بل يقول لك أن الخطأ وارد لكن من المهم ألا يتكر تستحق حتى في أسوء حالاتك النفسية من يساعدك على تجاوز الإنتكاسة لا يتهمك بالتعاسة لا يسخر من أسباب إكتئابك مهما كانت تافهة تستحق دائما من يصفق لك في إنجازاتك حتى لو كانت صغيرة من يراك تخطو خطوة للتغير فلا يذكرك بماضيك القاسي أو أفعال طائشة ارتكبتها تحت تأثير الضعف أو اليأس أو الاحتياج من يؤمن بك ويثق بك ويشجعك دائمًا للأفضل شخص تستطيع البكاء أمامه والتحدث معه عن كل الأشياء التي تزعجك مهما كانت تافهة يهون عليك عقابك القاسي على نفسك ويعيد ثقتك بنفسك عندما تشعر أنك بلا قيمة أو أهمية تستحق شخص يحبك بمساوئك وعيوبك وإكتئابك العظيم

16/11/2024

واحدة من أجمل المشاعر والتفاصيل البسيطة بين الأصحاب
هي انو دايما بفكر في امرك

صاحبك المفضل لما يمشي مكان من غيرك ويعجبو المكان والجو يقوم يصور ليك ويرسل ليك لازم نمشي المكان دا سوي 😊

لما يقضي يوم لطيف مع الشله يقوم يرسل ليك اليوم كان ناقص وجودك ❤️

في عز زحمتو وأنشغاله بـ أحداث يومه يتصل بيك يسألك ح نعمل شنو في المشكلة العندنا

أو فجأة بدون سبب يتصل ليك يديك نصايح وحلول لي مشاكل أو أزمة صعبة انت بتمر بيها

في تصرفات كدا لطيفة بتصدر من اصحابنا معناها إنك مهم في حياتي / مؤثر / وجودك فارق وأمرك بخصني

الأصحاب هم البيوت الدافيه اللي بنحتمي بيها من قسوة العالم😊❤️

15/11/2024

نحن الرجال بحاجة إلى الثناء علينا
نحن نكتب من أجلك الكتب والشعر والأغاني نحن نصنع الفن والنحت عنك ومن أجلك نحن نطلق اسمك على السفن نحن نقاتل الرجال الآخرين من أجلك نبدأ الحروب مع بلدان أخرى لك او من أجلك وسوف نضع حياتنا في الأرض الباردة لك ولأطفالنا
كل ما نريده هو أن تربتي بيدك على كتفنا وأن تقولي شكرا على إصلاح عتبة الباب المكسورة
نحن كرجال بسطاء إذا قمنا بإصلاح شيء نحتاج منك أن تخرجي وتنظري في الأمر وتقولين لنا شكرا إذا صنعنا شيئا عليك أن تقولي إنه يبدو عظيما اقرئي ما نكتب امتدحي ما نطبخ حتى لو كان مجرد بيض مسلوق عليك أن تعجبي بما نصنع بأيدينا وعقولنا وإذا حدث منا شيء يثير الإعجاب عليك إخبارنا أنك فخورة بنا الأمر مهم لنا لأنك مهمة بالنسبة لنا
نحن لا نريد تمجيدا لبطولاتنا فهذا ممل وسخيف وغير صادق نحن نريد فقط الثناء وخصوصا عندما نطلبه صراحة وهذا هو السبب في أننا كثيرا ما نسرد عليكن ما قمنا به

14/11/2024

كل المعارك الخضتها رجعت منها بي غنايم كتيره وماكل الغنايم ماديه وملموسه
التجربة كانت غنيمة عرفت فيها قدرتي على المغامرة
العلاقات الرمادية علمتني كيف أختار الطرق الواضحة
الخذلان علمني انو ما أتعشم أو أرفع سقف تطلعاتي في الناس
صدمتي في اصحابي علمتني أنو أختار الصديق قبل الطريق الزول الدافعت عنو في يوم من الايام وهزمني علمني أنو ادافع واراهن علي منو
الضغوطات اللي مريت بيها في حياتي أكتشفت منها قدرتي على التحمل
حتى أهدافي الما اتتحققت علمتني أنو أختار أهدافي حسب قدرتي وطاقتي حتي لو كان كل شي مثالي واهدافي ما اتحققت دا برضو علمني معنى الأبتلاء والصبر
المعركة نفسها كانت غنيمة لأني أكتشفت إني مُحارب
كل المعارك دي رجعت منها بي غنايم كانت ضريبتها الحزن والفشل واليأس والخذلان والعجز
بس انا عدت اقوي واتعلمت اكتر

14/11/2024

كل ما الأنسان بيتعمق في العلاقات بيكتشف أن أهم صفتين بيحتاجهم في شريك حياته صفتين

اول شي الوضوح سواء كان في المشاعر او الأفكار اومكانتك عند الشخص
لأن ببساطة الوضوح بيمنع التشت بمنع التساؤلات وبيطمن مخاوفك

الحاجه التانيه الحنية 😊
عشان العالم دا بكل تفاصيله في غاية القسوة وطرق الحياة دي منهكة ومتعبه جدا فـ أنت محتاج شخص هادي ولين يحميك ويهون عليك قسوة العالم

معايير الاختيار بتختلف من شخص لـ شخص تاني

بس انا شايف أنو الوضوح والحنية أهم الصفات الانت بتحتاج ليها عشان تعيش هادىء ومطمئن 😊

13/11/2024

إياك أن تحب من لا يحبك صحيح أن للحب جاذبيته الخاصة التي تحدث رغما عنا لكن لم يعد هناك متسع من الوقت لمراقبة أشخاص لا يلاحظون وجودك من الأساس
صدقني أن تحب شخص لا يحبك يعني أنك وقعت في بئر مظلم لن تخرج منه إلا بعد أن تفقد جزءا كبيرا منك وإياك أن تراهن على قدرتك على لفت انتباه أحد من لم يحبك من اللحظة الأولى لن يحبك مهما فعلت ستكتب له الكثير من كلمات الحب ولن يقرأها لن يراعي الأفعال التي تضايقك وتثير غضبك مهما كنت لطيفا معه ستبقى ردوده باهتة وباردة مهما كنت مستعد للتضحية بكل شيء في سبيل إسعاده لن يقدرها لن يلاحظها من الأساس مهما تغافلت وتجاوزت غيابه وإهماله لك لن يكترث بل سيظن أنك بلا كرامة وسيتعمد تكرار الغياب والإهمال فأنت من الأساس لا تشغل ولو جزء صغير من عقله سيكون هو أول من يهزمك في حروبك التي تخوضها من أجل إثبات أنه شخص جيد جدير بالحب والثقة لن تستطيع معاتبته على خذلانه الكبير لك لم تستطيع إلقاء اللوم عليه حين رآك تغرق في التعاسة والبؤس فـ رحل عنك لأنه لا يطيق البقاء مع شخص مثلك مهما تشبثت وتمسكت به ستجده يجيد خلق كل الطرق الأعذار والمبرارات للرحيل عنك دون أن يشعر بالذنب سيعطي لك الأمل البسيط في إمكانية بقائكم معه وستحاول أنت جاهدا بذل كل ما في وسعك من أجل إرضائه وأسعاده ستقدم كل طاقتك وتستهلك قلبك ومشاعرك لكن وفي النهاية سيقول لك أنت رائع بطريقة لا تناسبني ويرحل عنك
أشد إثم على نفسك أقسى ما يمكن أن تعذب نفسك قلبك وروحك وطاقتك بة أن تحب شخص لا يحبك

12/11/2024

أكثر مشاكلنا سببها عدم فهم احتياجات بعضنا بعضا يرى الرجل احتياجات المرأة اندفاعا وربما دلعا مبالغا فيه وترى المرأة احتياجات الرجل طيشا لا ركود فيه لم يكتف الرجل بنشر فكرة أن النساء كائنات معقدة بعقول عسرة حتى أنهم ألفوا كتبا «كيفية فهم المرأة» ليتحججوا به كلما خانتهم أرجلهم عن الصراط المستقيم الحقيقة هي أن المرأة ليست كما تعتقدون الأنثى لا تبحث عن رجل وسيم ولا مال كثير ولا قصور ولا تبحث أيضا عن الحب رغم أنها عاطفية كما تزعمون وتؤكدون المرأة تريد الأمان ولا شيء غير الأمان الذي يجعلها تعيش حياتها باستقرار الأمان هو الوطن الذي تدفعه فطرتها لتفر إليه بكل ما أوتيت به من عزم وقوة لتصدم بواقع وحشي لا يتناسب معها ومع وآمالها فتجد نفسها بزاوية معتمة مليئة بكل شيء عدا الدفء الذي يحميها من الظلام الأمان الذي تبحث عنه ليست كلمة أحبك مكررة ولا وردة حمراء ولا استذكار المناسبات كما تظنون فهي ليست بهذه السطحية ولا بهذه الصورة النمطية السائدة فعلى الرجل أن يتعامل معها بذوق عال وأسلوب بسيط جدا الاحتواء والاهتمام هو أقصى احتياجاتها المرأة تبحث عن السند والصديق والأخ والأب تريد الذي يفهمها ويؤانسها ويدلل روحها تريد الذي يشعرها بكينونتها وأنوثتها وأكثر ما يغضبها وينفرها الإهمال والانشغال عنها ما إن تشعر أن وجودها مجرد وسيلة أو حاجة لاستكمال سنة الحياة حتى تنفر تدريجيا لتصبح بليدة المشاعر وما من قوة قادرة على أن ترجع دفء الحب في قلبها إن نفرت
وكما قال جلال الدين الروم للمرأة حضور خفي لا يراه ويهتدي به إلا رجل متفتح عارف
عزيزي الرجل كن حاضرا دوما ومستمعا جيدا لأمك وأختك وزوجتك وبناتك وتذكر أن زوجتك تريد بيتا يملأه الحب والسكينة والطمأنينة وتحتاج وجودك في كل وقت سواء في الأزمات التي تمر بها أو في وضعها البيولوجي أو في يومياتها فهي تعشق من يحترم عقلها وكيانها باختصار كن موجودا تكن لك كل الوجود

08/11/2024

في يوم اتشاكلنا انا ومرتي شكله لي رب السماء جيت خاشي البيت لقيت في يدها مبلغ كبير وانا مامتعود اخلي ليها قروش قدر دا جبتي القروش من وين يامره قالت لي بعت دبلتي بعتي دبلتك لي قالت لي اهلي جاين يزورونا ولازم اجهز ليهم وانت ماخليت لي قروش عشان كدا اتصرفت وبعت دبلتي
وانا بصراحه ما عايزاه اطلعك قدامهم بخيل في الآخر حيقولو لي ده اختيارك؟
قلت ليها ومالو إختيارك ما عاجبك
ضحكت ضحكه بوجع وقالت لي
عارف الواحده لما ترفض كل الناس عشان راجل واحد هي شايفاهو وطن بالنسبه ليها وحتعرف تسكنه قلت ليها وبعدين
قالت لي انا ما لقيت وطني فيك أو يمكن عمري ما حسيت بالغربة غير وانا معاك انت مابتعرف تعيش برزق بكره وعلي طول مفتكر انو الرزق اليوم وماف بكره عشان كدا ح يفضل رزقك بسيط
كان نفسي تطلع زي ما رسمتك على الأقل كنت ح اثبت لي اهلي إني اخترت صاح وبالرغم من دا كلو برضو انا ح اطلع صورتك شينه قدام اهلي
وقفت قدامها ثابت ماقدرت اتحرك حسيت انو اتجمدت وحسيت اني مقصر كانت كل يوم بتبعد عني أكتر من الأول بقيت أجيب ليها كل حاجة ناقصاها واخلي ليها قروش دايما في البيت كانت بتعمل الأكل وتشيل القروش وتسكت كان لازم أحاول أرجع بيتي زي ما كان عشان البيوت ما أكل وشراب وبس البيوت أمان وطمأنينه وموده ورحمه
بقيت كل يوم بحنس فيها عشان نطلع سوا برجع من شغلي بحكي ليها تفاصيل يومي كلو ونقعد نفكر سوي ح نصرف القروش كيف وفي شنو
لحد ما كسبتها تاني كان لازم أكسبها وأخليها تنتصر قدام أهلها
عشان ماف اصعب من إنك تختار ويطلع اختيارك غلط

باختصار

الزوجة عاملة زي التربة
والأرض البنزرع فيها دي ما بتطلع أحلى الثمار الفيها الا مع المزارع الصاح المزارع الشاطر البفهمها ويحتويها
يعني يا عزيزي الزوج أي شئ حتقدمو لي زوجتك من حب ورحمة وفهم واهتمام واستيعاب في النهايه هو راجع ليك انت لإنو محصول الحرث ده أنت ال حتتهنى بيهو في الآخر
احسنوا زراعة قلوبهم فنتائج الرحمة مبهرة🤍

07/11/2024

خيبة عميقة وموقف واحد قادر على أن يغيرك عن الشخص الذي كنت عليه
يقتل بك الشغفة يطفئك بكاملك ينزع منك إيمانك بمن حولك ويجعلك لا تثق بسرعة ولا تعطي مشاعرك بسهولة وتتهرب من كل العلاقات حتى لو وجدت من يفهمك ومن يحبك سيبقى بداخلك خوف من ألم جديد ونكسة جديدة فلم يعد في قلبك متسع لخذلان جديد مهما حاولت إحياء الحب بداخلك عبثا محاولاتك فقد فقدت أجمل ما بك تكسو ملامحك الجدية وإذا ضحكت تشعر أن وكأن وجهك سيتمزق لم تناسبك الضحكة آثار الخذلان ظاهرة عليك حتى في نبرة صوتك تصبح عاطفيا وقاسيا في آن واحد وموقف بسيط قد يبكيك وموقف يهد الجبال لا يؤثر فيك بمرور الوقت ومع كثرة الخيبات ستجعل أقوى ما فيك نقطة ضعفك حينها لن يستطيع أحد هزمك

03/11/2024

لا شئ يضاهي أن شخصا أتى ليرتب تبعثرك دون ضيق ويلملم شتاتك دون سخريه ويؤمن أن غيابك ليس سهلا وأنك لستُ عاديا

أن يحبك كما ينبغي أن تُحب وأكثر ان تكون الأول عنده دون مشاركة والقريب وإِن أبعدتك المسافات

لا عابر أنت بل مقيم أَقِم كما شئت فقد خُلق الفراغ لتُكمله والختام ليليق بك

لا شئ يضاهي أن تكون السعادة شخصا يُكملنا دون أن يشعرنا بالنقص ولو قليلا 💜

30/10/2024

كنت بحب لي واحده حب شديد من ونحنا صغار في الاساس بنحب بعض كنا ساكنين في نفس المنطقه وجيران كان حبنا مضرب مثل في البلد كلو والحله كلها كانت عارفه قصه الحب البيني وبينها كنت بعشقها وبعشق كل شي فيها يومي ماكان بعدي بدون ما اشوفا او اسمع صوتها وهي كمان نفس الشي كانت بتدخلني في كل تفاصيل حياتها لي درجه انها بتاخد راي في لون طرحتها وجزمتها كنت بالنسبه ليها كل شي وهي كانت بالنسبه لي كل شي كان حبنا سامي وطاهر
وبنينا احلامنا سوي ورسمنا وخططنا للمستقبل كنت مستعد اعمل اي شي عشانها كانت حياتنا حلوه شديد ومبسوطين مع بعض
في يوم كان عندهم مناسبه بتاعه بت خالتها في حله تانيه وهي فاتت مع ناس بيتهم تحضر المناسبه المهم مشت وجات وكان هناك في واحد شافها وعجبتو وحاول انو يتكلم معاها وهي ما ادتو فرصه وهي ماحكت لي لكن عرفت عن طريق صاحبتها المهم ماسالتها وهي قالت لي موضوع وعدي ومشيت الموضوع والود سافر هو بره السودان مغترب وكلم اخوها انو عايز البت دي وكدا وشال رقم تلفونا وبقي يحاول يتصل ليها وهي كانت بتصدو وهو بحاول ان يغريها وانو ح يأمن ليها مستقبلها ومستقبل اهلها وح يلبسها دهب وح يعيشها حياه حلوه وكل الكلام دا هي ما حكتو لي بس انا عرفت عن طريق صاحبتها كانت بتحكي ليها وصاحبتها عارفه قصه حبنا دي ف كانت بتجي تحكي لي المهم الزول دا حاول معاها وهي بدت تتجاوب معاهو والقروش زغللت ليها عيونا وبدت تفكر في الموضوع بالجد وبدت تسالني عن مستقبل علاقتنا ح يكون شكلها ونسكن وين وتفاصيل كتيره وهي سلفا عارفه اي شي عارفه وضعي وامكانياتي وهي كانت راضيه ومقتنعه بي كدا بس القروش دخلت في الموضوع والشيطان بدأ يوسوس ليها واهلها كانو بحاولي يقنعوها بالعريس وكل الناس كانت بتقول ليها انو دي فرصه مابتتعوض وتعيشي مرتاحه وتسافري بره وتلبسي دهب وتريحي اهلك ماديا
وفي الفتره بدت تتغير تجاهي وكنت بسالها مالك بتقول لي ماف شي وانا كنت عارف كل شي سلفا وفي يوم سالتها انتي موافقه علي العريس الجاك؟
قالت لي انا ماعايزاهو لكن اهلي ضاغطين علي وانا بحبك انت وعايزاك انت ودا كلو كان كلام بتمشيني بيهو وهي كان خلاص رضخت للموضوع وانبهرت بالقروش وبي الحياه المنتظرها معاهو عدينا فتره علي المنوال وهي وافقت عليهو وماكلمتني وكانت مابترد علي اتصالاتي احيانا ولما ترد كلامها بارد معاي
لحدي ماف يوم كنت بره البيت جيت راجع سمعت زغاريد في الحي سالت اختي في شنو قالت لي دي خطوبه فلانه طبعا انا اتصدمت صدمه العمر قلت ليها انتي متاكده قالت لي متاكده طلعت بره البيت لاقني واحد بعرفو سالتو قلت ليهو في شنو قال دي خطوبه فلانه اتصلت عليها مابترد كنت في حاله زهول معقول دا يكون حقيقي ولا انا بحلم في النهايه اتاكدت من الحصل وكانت اكبر صدمه في حياتي ماكنت مستوعب الحصل معقول تبعيني بالسرعه دي وبالطريقه دي ماكان في حساباتي يجي يوم ويحصل منها كدا حصل لي انهيار تام وخشيت في اكتئاب بسبب الحصل وصابني الاحباط اسوأ شعور ممكن يحصل للزول انو يشوف حبو ببتاع قدامو بالقروش وهو ماقادر يعمل حاجه
الفتره الاولي دي كانت صعبه علي شديد الصدمه كانت قاسيه شديد وماكنت لاقي تفسير للحصل عديت فتره ماعارف اكل كويس ولا عارف انوم كويس حتي ناس البيت لاحظو للحاجه وبحاولو بكل الطرق انهم يطلعوني من الاكتئاب الانا فيهو وهي كانت علي العكس تماما بالاتجاه تاني عايشه ومبسوط بالخطوبه وحست انو الدنيا ابتسمت ليها لما سالتها صحبتها طيب وحبك الزمان نسيتيهو ردت وقالت ليها هو زاتو مفلس ح يعرسني كيف طبعا انا الكلام وصلني حسيت اني انجرحت اكتر من اول
المهم بديت اطلع شويه شويه من الحاله الانا فيها وبقيت اطلع واقعد مع الناس وبحاول اضحك وانسي الحصل بس انا كنت من جواي مكسور والحاجه دي كانت ماثره علي وظاهره في وشي
عديت اكتر من شهر علي الحال دا بعديها قررت اسافر اطلع من الحله عسي ولعلي اقدر انسي الحصل
وفعلا سافرت لي مناطق الدهب وبديت اشتغل واتعب عشان انسي كنت بقضي يومي كلو في الشغل وبرضو ماراحت من بالي ماكان عندي طموح في قروش ولا كان هدفي اشتغل عشان اعمل قروش علي قدر ما كان هدفي انسي الحصل وبس لانو بقيت اكره القروش البي سببها باعتني اعز انسانه لي
عديت فتره سته شهو وانا بعيد من الحله وماكنت متواصل مع زول من الحله غير ناس البيت وكنت حريص اني ما اجيب سيرتها نهاي عشان ما اتزكرها وهم مابجيبو لي سيرتها برضو وفعلا بديت انسي وبديت ارجع زي اول والشغل كل مره كان ماشي يتحسن اكتر وفي الفتره هي كان اتزوجت وسافرت بره السودان وانا عرفت بالصدفه وماكان عندي خبر وعديت سته شهور من زواجها وانا ماقادر انساها
وفي يوم من الايام جاتني رساله من رقم عالمي مضمونا بقول انا فلانه انا محتاجه ليك شديد وعايزه اتكلم معاك
طبعا انا حسيت بالفرحه وكنت ملهوف ليها بس فجاءه جاتني لحظه ادراك انها متزوجه وماينفع اتكلم معاها تاني وهي علي ذمه واحد تاني مارديت عليها وكنت من جواي بتقطع وعدت شريط الزكريات كلو وقلبي حن ليها بس منعت نفسي اني اتكلم معاها ورسلت لي تاني كميه بتاعه رسايل انها مامرتاحه وانها اكتشفت ان زوجها بسكر ومدمن وبضربها وبزلها وانها عايزه تتطلق وانها لسه بتحبني وعايزاني وانا ندمانه انها سابتني علي قدر ما انا كنت مبسوط بالكلام دا علي قدر ماكنت زعلان ليها ماعبرتها ولارديت عليها واصلت حياتي عادي ومركز في شغلي والحمدلله اتوفقت فيهو وقدرت ابني بيتي واسسو كويس وكنت ماديا بقيت كويس نوعا ما والشغل ماشي يطور بس انا ماكنت حاسي بي سعاده ماكنت مبسوط بيتي البنيتو والقروش البقت في يدي ماكنت ضايق ليها طعم بدونها
لحدي مافي يوم جمعتني الصدفه بي انسانه اقل مايقال عنها انها انسانه رائعه بكل معني الكلمه اتلاقينا بالصدفه وجمعنا مع بعض ظرف بتاع عمل كم يوم بس وانتهي واتعرفنا علي بعض في الفتره وشلنا ارقام بعض وبقينا نتواصل مع بعض كانت انسانه جميله في كل شي راقيه ومثقفه وفاهمه ارتحت معاها نوعا ما وبديت احس انو ممكن ادي فرصه لي قلبي انو يحب تاني بس لسه ماكنت حاسي اني اتعافيت من الحصل وما حكيت ليها عن الماضي وعن قصتي الحصلت عشان احس باحساس الشفقه والتعاطف منها تجاهي وهي كانت بتتعامل معاي بي كل لطف ورقي واستمرينا فتره مع بعض علي المنوال دا وبديت انجذب ليها اكتر وهي كمان وحبيتها بعد ماكنت متخيل اني مابقدر احب تاني
وصارحتها بالجواي وحكيت ليها اني معجب بيها وهي كمان بادلني نفس الشعور وبدينا نحب بعض شديد ونسيت الحصل كلو زمان وكانت اجمل عوض ووعدتها بالزواج لانو حسيت انو هي الانسانه الصاح
وفي الفتره دي كلها زولتي الاولي كانت بتحاول تتواصل معاي وانا ما اديتا فرصه اصلو
لحد ماسمعت انها اتطلقت هنا انا قلبي بدا يحن ليها ورجعت اتكلمت معاها بس كنت حاسي بالذنب اني وعدت انسانه تانيه بالزواج وقررت اني اقطع علاقتي بيها نهاي وفعلا قطعت علاقتي بيها
ورجعت للانسانه الانا وعدتها بالزواج عشان هي فعلا تستاهل وفعلا عملت خطوه جاده وخطبتها رسمي وزولتي الاولي لما سمعت الخبر تعبت شديد ومرضت وهلها حاولو يرجعو علاقتهم معاي وهي حست بالندم وحست بي قيمتي فعلا بس كان الكلام دا زمنو فات وجا في زمن انا اصلا نسيت وبديت اعيش حياه من جديد مع انسانه تانيه انسانه تستاهل فعلا الزول يعمل عشانها اي شي انسانه فيها كل الصفات البتمناها اي زول
وعلاقتنا بعد الخطوبه بقت احلي اكتر من اول كنا متفاهمين شديد وبنشبه بعض في كل شي وعدي الزمن واتزوجتها وبعد الزواج اكتشفت فيها حاجات اجمل حياتي اتغيرت شديد بي سببها وكنت مبسوط بيها شديد ربنا رزقني منها بي ولدين احلا من بعض كانت زوجه واخت وصديقه وكل شي ضافت لي حياتي طعم ولون بقيت متعلق بيها شديد وملت علي حياتي وعوضتني عن كل السنين الفات ونستني اي شي كان سيئ مريت بيهو في حياتي وكانت اجمل عوض من ربنا

المخزي من الكلام والعبره من القصه دي انو ماتعلق قلبك بي زول مهما كان عشان ممكن عادي يبيعك في ثانيه ويكسر خاطرك وعلق قلبك بي رب العباد ولما تعلق قلبك بغير الله ربنا ح يعذبك بي فراقو
الحاجه التانيه انو العوض الجميل بجي دايما بعد معاناه وانكسار وخيبه امل وانو طعمو بكون احلي واجمل❤️

29/10/2024

القصه دي حصلت معاي فعلا

في يوم كنت مسافر جاي راجع من البلد بعد ماحضرت مناسبه صاحبي وعلي غير العاده سافرت بالمواصلات لانو عربيتي كانت متعطله وخليتها لي صاحبي يصلحها ركبت من سنار لي الخرطوم بص سياحي ركبت جمبي واحده منقبه ولابسه الخمار ومشاء الله عليها ملتزمه شديد من لبسها ركبت وسلمت علي رديت السلام لفتني جدا لبسها كان محتشم وففاض واحترمتها جدا اصلا انا بعجبوني البات المنقبات وملتزمات وبزيد احترامي ليهم دايما بي تصرفاتهم البدل علي انهم ملتزمات فعلا
المهم الرحله كانت عباره ٤ ساعات تقريبا ونحنا في الشارع طول السكه ما اتكلمنا مع بعض وانا كنت عامل مساحه بيني وبينها وكنت حريص انو ما اضايقها ولا حتي اعاين ليها في وشها بعد مشينا حكايه ساعتين كدا حسيت انها شعرت بالم واتكررت معاها الحاجه المالمها كذا مره المهم قمت سالتها مالك خير ان شاء الله ردت علي تمام ماف شي
المهم ما اشتغلت بيها وبقيت مشغول مع تلفوني وحاولت انوم وخلاص عيوني غمضن فجاه صحيت علي صوت منها ف سالتها تاني مالك قالت لي حاسه بالم شديد في المعده قلت ليها خلاص عندي مسكن في شنطتي قمت طلعت ليها الحبوب واديتها بلعت وماحست بي تحسن وكل شويه الالم بزيد وكنا خلاص فاضل لينا ساعه ونص ونصل الخرطوم المهم بديت اطمن فيها انو نحنا قربنا نصل وبعداك تمشي المستشفي عشان تشوفي الحاصل شنو المهم البت اضايقت شديد ف بقيت اسال فيها هل عندك معده اصلا انتي ولا عندك مشكله صحيه قالت لي ماعارف الحاجه دي اول مره تحصل معاي المهم الالم عصر عليها وبدت تكورك منو الناس كلها بقت مركز معاها فانا قلت ليهم عادي عندها معده لماتقوم عليها بتتعب ونحنا كنا خلاص داخلين علي الخرطوم قمت اتصلت علي صاحبي قلت ليهو جيب العربيه في المينا البري وتعال لي سريع المهم وصلنا الخرطوم لقيت صاحبي منتظرني بالعربيه سلمت عليهو وشلت مفتاح العربيه وقلت ليهو خلاص انت ارجع انا عندي مشوار قال لي امشي معاك قلت ليهو لا انا بمشي براي وانا كنت نزلت البت وقعدتها في المظله علي بال ما اجيب العربيه واجي وهي كانت متضايقه المهم وصلت البت وركبنا العربيه ومشينا المستشفي اتصلت هي علي صحبتها علي اساس تجيها في المستشفي صاحبتها كانت عندها محاضرات ماقدرت تجي في نفس اللحظه خشينا الدكتو وانا معاها حكت ليهو بالحاصل عملنا الفحوصات طلعت زايده والدكتو قال عمليه طوالي مالازم تتاخر قلت لي الدكتو ماف طريقه تاجلها لي بكره قال ماف طريقه المهم مشيت وحضرت للعمليه وهي اتصلت لي صحبتها وحكت ليها الحاصل المهم صحبتها سالتا منو المعاك قال ليها واحد كدا مابعرفو😂 لاقني في المواصلا وكتر خيرو جابني المستشفي وهي كانت في اللحظات دي ممكونه وتعبانه المهم دخلت العمليه وكتبوني اقرار انا ولما سالوني من صله القرابه المهم قلت ليهو خطيبتي😂 قعدت بره منتظر في اللحظات دي جات صحبتها ومعاها اتنين تاني بس النصيحه صحبتها قرضه😅
لقوني بره منتظر جمب غرفه العمليات طبعا هم كانو بتواصلو معاي بي تلفونا هي لحدي ماوصلو المستشفي سلمو علي وعرفوني عليهم وشكروني علي الشي العملتو مع صاحبتهم وقالو لي انت ممكن تمشي مايكون عطلناك عن شغلك قلت ليهم لا والله ماف اي تعطيل انا اساسا جاي من سفر وفي اجازه وانتظرنا لمن طلعت من العمليه والدكتور قال تبيت يوم في المستشفي وتاني تقدر تطلع عادي كان خلاص الوكت داك الواطه مغربت مشيت صليت وجيت قلت ليهم خلاص انا ببيت معاكم بره هنا واحده تبيت معاها جوه عشان لو احتجتو لي حاجه بالليل يكون معاكم راجل علي الاقل والباقي يرجعو الداخليه رفضو وهي قالت ليك جزاك الله خير ماقصرت تقدر تمشي ونحنا بندبر حالنا وكانت تعبانه ماقادره تتكلم
المهم مشيت جبت ليهم اكل وعصير وصرفت ليهم الادويه المحتاجاها وقلت ليها ان شاء الله ربنا يكتب السلامه وح اجي بكره اطمن عليك الصباح ان شاء الله
اثناء الكلام دا وانا عيوني في عيونا وهي عيونا حلوه الصراحه وجزابه وكانت مالابسه طرحه في الوكت داك وكان شعرها جميل جدا حسيت بي حاجه غريبه في عيونا كنت منبهر شديد ف قمت قلت ليهم خلاص تمام انا طالع
لما جيت طالع جات صحبتها بي واري وشكرتني علي الموقف وكدا وكانت نظراتها لي في نوع من الاعجاب دا الشي الحسيتو المهم قلت ليها دا الواجب وكدا واي زول في مكاني ممكن يعمل كدا وطلعت ف قالت لي خلاص سوق معاك البنات الاتنين ديل وصلهم الداخليه المهم طلعت ومعاي البنات وصلتهم الداخليه ومشيت البيت
وصلت البيت استحميت واكلت حاجه ورقدت طبعا ماقدرت انوم من التفكير الموقف كلو بالنسبه لي كان غريب الصدفه ذاتها غريبه المهم نمت بعد تفكتير شديد في البت
صحيت الصباح بدري استحميت وقشرت ركبت عريبيتي ومشيت عليهم وصلت سلمت وصبحتهم لقيتها بقت كويسه الحمدلله الدكتور جا وقال ماف شي تاني تقدر تطلع من المستشفي وتكمل باقي العلاج في البيت وتجي بعد اسبوع للمقابله المهم مشيت ودفعت حسابات المستشفي وقلت ليهم خلاص العربيه بره نطلع اوصلكم الداخليه
طلعنا وركبت العربيه وكانت نظراتها لي كلها شكر طلعنا وصلتهم الداخليه وطول السكه ما اتكلمت معاهم بعد وصلنا نزلت ودخلتهم لي باب الاشراف وقلت لي صحبتها وصليها الغرفه وتعالي لي بره ماشي اجيب حاجه واجي مشيت جبت ليها فواكه وعصاير وبلح وكدا يعني 😅 وصلتهم لي صاحبتها وقلت ليها ربنا يكبت سلامتها ان شاء الله صاحبتها قالت لي البت دي عايزه تعرف التكاليف الانت دفعتها في المستشفي عشان ترجعها ليك قلت ليها مامشكله بعد تقوم بالسلامه بنتفاهم ان شاء الله طبعا دا كلو ماعرفت اساميهم منو ولا هم من ياتو منطقه بالتحديد لانو الظرف كان مابسمح ومشيت علي شغلي وبدت معاي رحله التفكير في البت وفي الموقف الحصل كلو وكنت مبسوط بالصدفه دي شديد المهم مشيت الشغل واناماعارف اركز من كتر التفكير الفي البت وفي صحبتها النظراتها غريبه دي والحصل كل رجعت البيت وطلعت المساء اشرب القهوه مع اصحابي جاتني رساله من رقم غريب طبعا انا رقمها ماعندي عندي رقم صحبتها ما حفظتو في التلفون لكن في بالي
الرساله مساء الخير كيفك معاك سلمي الوصلتني المستشفي وعملت العمليه انا شاكره ليك جدا جدا علي الشي العملتو معاي والموقف الرجولي بتاعك معاي عمري ما ح انساهو ليك وانا مديون ليك بحياتي انت انقذتني وانا ممنونه ليك جدا ولو سمحت انا عايزه اعرف القروش الدفعتها كم عشان ارجعها لي
رديت ليها العفو ياخ الناس لي بعض واعتبريني زي اخوك وربنا ان شاء الله يتم ليك عافيتك وتقومي بالسلامه ان شاء الله ومابين الاخوان حساب
قالت لي اتصلت علي ناس بيتنا وحكيت ليهم الحصل وهم بشكرو جدا علي العملتو معاي وقالت لي ابوي قال عايز رقمك ولازم يشكرك بي نفسو ولازم يرجع ليك التكاليف الانت دفعتها
المهم قلت ليها العفو ودا الواجب وقفلنا المحادثه علي كدا
في نفس اليوم الساعه ٩ونص لقيت رساله من صحبتها برضو مساء الخير كيف وبرضو رساله شكر وكدا وقفلنا المحادثه علي كدا
الصباح زي الساعه ١٠ كدا رسلت ليها اصبحتي كيف ان شاء الله بقيتي احسن الليله ردت لي الحمدلله احسن كتير وبقيت اتحرك واكل عادي الحمدلله
وابوها اتصل علي تاني يوم وكان مبسوط مني شديد وقعد يشكر فيني كتير وكان مصر انو يرجع لي القروش الدفعتها وانا ابيت والموقف دا عجبو شديد وشكرني عليهو كتير
المهم عدينا قريب اسبوع بالحال دا كل يوم برسل بطمن عليها لحدي مابقت كويسه
في الفتره دي صحبتها كانت بترسل لي طوالي وحاسي من كلامها انها معجبه بي وانا مااديت الموضوع اهتمام مع انو هي حلوه الصراحه بس ماكنت حاسس بي حاجه تجاها
المهم البت بعد مابقت كويسه اتصلت علي في يوم وقالت لي انا عازماك قهوه لازم يوم تجي تشرب معانا قهوه طبعا انا ماصدقت وقلت ليها جدا شوفي انتي الزمن المناسب معاك وانا جاهز علي الاقل فرصه اتعرف عليها اكتر المهم قالت لي خلاص الليله كويس قلت ليها كويس قالت لي خلاص بعد المغرب بنتظرك قلت ليها تمام
المساء استحميت وقشرت ومشيت عليهم جمب الداخليه حقتهم في محل قهوه قلت ليها خلاص نقعد هنا نشرب القهوه وكان معاها صحبتها المهم قعدنا وبقينا نتونس ونتعرف وكدا وعرفتهم بي اسم ومنطقتي وطبيعه شغلي وهم برضو وطلت منطقتهم قريبه من منطقتنا وبعرف فيها ناس وبعرفوني وبدت الاسئله حسيت انها عايزه تعرف عني حاجات كتيره المهم صحبتها في نص الونسه كدا سالتني انت متزوج قلت ليها لا حسيت انها زي الانبسطت بالخبر قالت لي طيب ولامرتبط قلت ليها لا وفعلا انا كنت مامرتبط لانو كان حصلت لي قصه في حياتي خلتني ابعد عن الحجات نهاي
المهم اتونسنا كتير وانا كنت مبسوط جدا ومستمتع وصحبتها كانت طبعا ماسكه الونسه وهي البتسال اكتر لكن ما اهتميت بيها شديد انا وكنت مركز معاها هي اكتر
المهم قلت ليهم خلاص بعد كدا انا ماشي ودعتهم ومشيت
وصلت البيت قعدت شويه فتحت تلفوني لقيت رساله من صحبتها كاتبه لي وصلت كيف رديت ليها تمام الحمدلله
كتبت لي طبعا استمتعت بالونسه معاك وانت زول ظريف ودمك وخفيف وحلو😊 قلت ليها تسلمي كتير قالت من الاخر انت عاجبني😉
طبعا انا ما اتفأجات لانو كنت حاسي بي كدا وانا علي العكس تماما ماكانت عاجباني علي الرغم من حلاتها المهم رديت ليها قلت ليها يعجبوك اولادك مع ايموجي بتاع ضحك كدا قالت لي شكلو قلبك مشغول بي واحده تانيه ف قلت ليها الصراحه اي حسيت انها زعلت وانا ما اهتمت بالموضوع كتير
ونا الصراحه عاجباني زولتي الاولي شديد وبدت القصه تكبر معاي وبديت اهتم اعرف تفاصليها اكتر وحسيت انها برضو نفس الشي بس انا كنت متحفظ نوعا ما وهي كانت برضو كدا وفضلنا علي الموضوع دا اكتر من اربعه شهور وفي الفتره اكتشفت فيها حاجات حلوه شديد انسانه فاهمه ومثقفه وقلبها ابيض وروحها حلو وحبيتها شديد في الفتره دي وبقيت متعلق بيها وماقادر ابعد عنها ولاقادر ابطل تفكير فيها
في يوم اتصلت عليها وقلت ليها عايزك في موضوع مهم قالت لي خير ان شاء الله قلت ليها خير قالت لي احكي
المهم قلت ليها يابت الناس والله ياخ انتي عاجباني
قالت لي عاجباك كيف بي ضحكه كدا قلت ليها عاجباني عديل قالت لي خلاص امشي كلم ابوي قلت بس كدا طوالي اديني رقم ابوك قلت بس انا عايز اعرف رايك انتي اول وبعداك اكلم ابوك قالت لي ياخ انت اي واحده في الدنيا دي تتمناك وانت بصراحه عاجبني برضو وانا ما عندي مانع لو انت عايزني جد قلت ليها عايزك وماعايز غيرك
قالت لي خلاص انا معاك وعايزاك زي ما انتي عايزني وبصراحه انا من اول مره شفتك في البص وانت عجبتي وموقفك العملتو معاي خلاك في نظري كبير شديد وبصراحه انا حبيتك والله واتمنيتك تكون حلالي وكنت بدعي ربنا انك تكون حلالي
طبعا انا من الفرحه بقيت مابشوف المهم قلت ليها خلاص انا عندي ترتيبات وناخد وكت شويه وبعداك نعمل خطوه رسميه
في الفتره صحبتها كانت بتحاول تتقرب مني باي طريقه وانا ماكنت مديها فرصه وكانت بتسالني دايما منها وبتقولي لي اها متواصلين مع بعض كنت بقول ليها لا مامتواصلين وكانت بتسالها هي برضو وهي حست بالخطر من صحبتها وحست انها ممكن تشلبها ف بقت تتجنبها ومابتجيب سيرتي قدامها ومابتفتح معاها موضوع بخصني وهي بقت تحاول تفشل لي زولتي دايما وبتحاول تعيبها لي باي طريقه لما حست اني مايل عليها وانا كنت ماشغال بيها
المهم البت دي ما كانت عايزاني اتواصل معاها باي طريقه وبقت تحسدها فيني لحدي ما في يوم جات قالت لي صحبتي دي بتاعه اولاد وكدا انا طبعا ما اشتغلت بيها ولا ركزت معاها لانو عارف زولتي شنو ولاحتي حكيت ليها بي كلام صحبتها فيها عشان ما اعمل بيناتهم مشكله المهم البت بقت فتره علي الحال دا ولما خلاص اصابها اليأس جات واعترفت لي انو الكان بتعملو والكلام البقولو في حبتها كلو كذب وانها عملت كدا عشان بتحبني وعايزاني وانها حست انو انا مايل لي صحبتها اكتر منها وقعدت تعتذر علي الحصل وانو الشيطان غشاها وانها ندمانه عملت كدا في صحبتها المهم قلت ليها خلاص اعتذري منها وهي ح تقبل اعتذراك فعلا اعتذرت منها والبت قبلت اعتذرها بس بقت ماقادره تتعامل معاها تاني وبقت شويه شويه العلاقه بيناتهم تضعف لحد ماوصلت انها قطعت علاقتها بيها تماما
وبقينا متواصلين مع بعض وكل فتره علاقتنا بتطور وبقينا نحب بعض شديد
المهم قلت ليها خلاص بعد كدا اديني رقم ابوك اتصل عليهو واخطبك رسمي بعد كدا المهم شلت رقم ابوها وكلمتو عرفتو علي نفسي وموهلاتي وكدا وهو سلفا عارفني من الموقف الاول العملتو مع بتو فقال لي يا ابني خير ان شاء الله وانت تستاهل وانا بتي مابلقي ليها احسن منك وانا مبدئيا موافق بس في النهايه المهم راي البت فقلت ليهو خلاص ياخال شاور البت واهلها واديني الرد اتصل علي بعد يومين وقال لي مبروك نحنا موافقين قلت ليهو خلاص انا بعد اسبوع بجيب اهلي ويزوروكم ويتعرفو علي بعض وبعد شهر نعمل خطوبه ولما البت تكمل الجامعه نتزوج وهي كان فاضل ليها سنه وتتخرج طعبا هي كانت بتقري مختبرات 😊 قال لي خلاص خير اتصلت علي ناس البيت وكلمتهم بالقصه كلها واني عايز اخطب وكدا ورحبو بالفكره ومشو اتعرفو عليهم وحصل ارتياح بين الطرفين وبعد شهر عملنا الخطوبه وبقينا متواصلين علي طول واهتمامنا بي بعض زاد وحبنا لي بعض زاد وانتظرت لحدي ما اتخرت وتمينا الزواج ويوم الحفله طبعا كنت قاشر قشره فل ولابس ليك احله بدله ومبسوط برقص ومبتهج واثناء ما انا ببشر كدا احس ليك بي جك بتاع مويه جا في وشي صحيت مخلوع لقيت الحاجه في وشي قالت لي مالك جنيت بتبشر وانت نايم😂 قوم جيب لينا عيش من الفرن 🤣

29/10/2024

حين تُحب خُذ القلب كله بلُطفه وقسوته بثباته وخوفه بنوره وظلامِه بلحظات صفاه وضعفِه أو دعهُ كريمًا في مكانه💛

17/10/2024

الناس غالبا ما يربطون حياتهم بأشخاص تتغير تصرفاتهم ومشاعرهم حسب تغير أهوائهم فيبنوا حياتهم ومستقبلهم على أكتاف زائلة ومهتزة ظانين في لحظة ذهول وانتشاء أنها كالجبال لا تتزحزح فتنهار من غير توقع وتنهار معها حياتهم وأحلامهم وأيامهم فتكون وقعة لا قيام بعدها بسهولة
أحب من قلبك ولكن لا تربط سعادتك بالآخرين إن كنت لا تريد أن تتحطم أو أن تقع فريسة الخذلان افصل نهر حياتك واجعل له مسارا خاصا مستقلا أعطي أعطي بلا حدود وعش اللحظة ولكن إياك أن تتوقع أو تنتظر شيئا بالمقابل افرح مع أهلك والأقربون ولكن احرص على مقدرتك على العيش بعيدا عن كل واحد فيهم فتكون حياتك مستمرة بعد غيابهم إن غابوا
إنه شعور يقتلك كل لحظة لكن يجب أن تكون أنانيا لتنجو من هذا الشرك الخبيث فكر بنفسك فقط لا يجب أن يستحق منك دمعة من تركك خلفه ومضى كن قويا بما فيه الكفاية لتعود إلى بناء نفسك من جديد وتصحيح أخطائك وتعديل آرائك وشعاراتك فإن أفلحت عدت من ذاك الجحيم أقوى وأكثر صلابة لن يستطيع كسرك أحد بعدها ستكون حرا وتذكر لا يستحق أبدا من رضي لنا الهلاك أن نهلك بسببه.