عشان صحتك 4Your Health

عشان صحتك 4Your Health معلومات طبية عامة

عدو خفي يهدد صحتنا ومستقبلنا😱"ما هي مقاومة المضادات الحيوية؟مقاومة المضادات (AMR) تخصل عندما تصبح الجراثيم كالبكتيريا وا...
04/12/2024

عدو خفي يهدد صحتنا ومستقبلنا😱"

ما هي مقاومة المضادات الحيوية؟
مقاومة المضادات (AMR) تخصل عندما تصبح الجراثيم كالبكتيريا والفيروسات والفطريات والطفيليات غير متأثرة بالأدوية المصممة للقضاء عليها.
ودا يعني شنو🤔؟
هذا يعني أن علاجاتنا المألوفة قد تفقد فعاليتها، مما يجعل العدوى أصعب وأخطر.
يعني بالمختصر خسارة صحة و قروش 😕
لماذا تحدث مقاومة المضادات؟
الإفراط في استخدام الأدوية: تناول المضادات الحيوية دون حاجة حقيقية.
سوء الاستخدام: مثل عدم إكمال الجرعة الموصوفة أو استخدام أدوية دون استشارة طبية.
لشنو الموضوع مهم وبتكلمو فيه كتير؟
خطر على الجميع: مقاومة المضادات لا تعرف الحدود؛ يمكن أن تؤثر على الجميع، من طفل صغير في قرية إلى مريض في مدينة كبرى.
تهديد للصحة العامة: تعقيد علاج العدوى قد يجعل العمليات الجراحية والأمراض الشائعة خطرة.
أضرار اقتصادية: فترات المرض الطويلة تقلل الإنتاجية وتزيد تكاليف العلاج.
كيف نحمي أنفسنا؟
1. تجنب استخدام المضادات دون وصفة طبية.
2. أكمل جرعتك حتى لو شعرت بتحسن.
3. تأكد من غسل يديك بانتظام والحفاظ على نظافة بيئتك.
4. استخدم اللقاحات لتقليل الحاجة للمضادات.

بالتزامنا جميعًا، يمكننا مواجهة هذا التحدي. لنجعل صحتنا مسؤولية مشتركة ونحمي أجيال المستقبل من هذا العدو الصامت.

#عشانـصحتك



الإيدز: حقيقة مخيفة وأمل جديد للحياةهل تعلم؟الإيدز لا يزال يهدد العالم: أصاب حوالي 39.9 مليون شخص بنهاية 2023، أغلبهم في...
02/12/2024

الإيدز: حقيقة مخيفة وأمل جديد للحياة
هل تعلم؟
الإيدز لا يزال يهدد العالم:
أصاب حوالي 39.9 مليون شخص بنهاية 2023، أغلبهم في إفريقيا.
الإصابة لا تعني النهاية: يمكن للإيدز أن يكون مرضاً مزمناً قابلاً للإدارة مع العلاج.
الأمل في الوقاية والعلاج:
الوصول للعلاج المبكر يمكن أن يمنع انتشار الفيروس ويحسن حياة المرضى.
كيف ينتقل الايدز؟
عن طريق سوائل الجسم: الدم، الحليب، السائل المنوي والإفرازات المهبلية.
من الأم لطفلها أثناء الحمل أو الولادة.
هل الأيدز بنتقل باللمس والمصافحة ؟
لا ينتقل بالتلامس العادي مثل المصافحة أو مشاركة الطعام.
الوقاية مهمة
العلاج يغير الحياة
الناس اللي بيتلقو العلاج ويتمتعون بحمل فيروسي غير قابل للكشف لا ينقلون الفيروس للآخرين.
الالتزام بالعلاج ينقذ حياتك ويمنع العدوى للآخرين.
الإيدز ليس حُكماً بالموت، بل دعوة للوعي والوقاية والعلاج.
كن جزءاً من الحل!



#عشانـصحتك

هل أنت طالب صيدلة🤔؟او اي مجال طبي آخر تبحث عن برامج تدريبية مجانية 😊عشان تتعلم وتطور مهاراتك اكتر؟نحنا معاك من البداية ...
26/11/2024

هل أنت طالب صيدلة🤔؟
او اي مجال طبي آخر
تبحث عن برامج تدريبية مجانية 😊عشان تتعلم وتطور مهاراتك اكتر؟

نحنا معاك من البداية للنهاية وطول الطريق:

✅ مهارات تواصل احترافية تخليك مميز في العمل.
✅ كيفيه التعامل مع الايميلات الرسمية
✅ كيفية إنشاء حساب لينكدن احترافي، المنصة اللي وجودك فيها بخليك علي صلة بمجالك
✅ مهارات القيادة
✅ إدارة الوقت بذكاء لتحقيق أهدافك بكفاءة.
✅ فهم واضح للمسارات المهنية في الصيدلة عشان تختار طريق النجاح.

ولأنو خطواتك الصغيرة بتصنع فرق كبير👌🏽
📩 انضم اليوم عبر التلغرام واحصل على فرصتك!

📌📌
https://t.me/+RRNV5EBvbvsyZjc0


#عشانـصحتك



24/11/2024

هل عدم الحصول على الجرعة الكافية من الدواء بتأثر على صحتي في المستقبل ؟ 🫣

هل في تقنيات حديثة تقدر تحل مشكلة مقاومة البكتيريا والفطريات للأدوية؟ 🤔
مشكلة مقاومة المضادات الحيوية أصبحت واحدة من أكبر التحديات الصحية عالميًا، وبتأثر بشكل مباشر على علاج مرضى السرطان وزراعة الأعضاء. ليه؟ لأن علاج السرطان بيضعف المناعة، ومع الاستخدام المتكرر للمضادات الحيوية، بتزيد مخاطر المقاومة، وده ممكن يرفع معدلات الوفيات.
أما مرضى زراعة الأعضاء، فهم عرضة بشكل أكبر للعدوى بالبكتيريا المقاومة، خاصة الأنواع القاتلة زي metallo-β-lactamases. عدم القدرة على العلاج المناسب بدري ممكن يكون السبب في ارتفاع نسب الوفيات.
لكن الأمل موجود! التقنيات الحديثة زي البكتيريوفاج، تقنية CRISPR–Cas، وتكنولوجيا النانو بتفتح أبواب جديدة لمواجهة البكتيريا المقاومة.
من الموضوعات المهمة كمان الفطريات، لأن مقاومتها للأدوية بتسبب فشل كبير في علاج العدوى الخطيرة، خاصة مع أنواع زي Candida وAspergillus. الحل؟ زيادة الوعي والاستثمار في أبحاث جديدة.




#عشانـصحتك

يعني شنو تلاتة حبات💊💊💊 🤔؟وليه التلاتة حبات ما علاج للنزلة 🤔؟كل الأجوبة دي حيتم الإجابة عليها خلال السلسلة بتاعتنا ( خطر ...
22/11/2024

يعني شنو تلاتة حبات💊💊💊 🤔؟
وليه التلاتة حبات ما علاج للنزلة 🤔؟
كل الأجوبة دي حيتم الإجابة عليها خلال السلسلة بتاعتنا ( خطر الاستخدام الخاطئ للمضادات الحيوية ومقاومة البكتريا ليها )
Antibiotics resistance


#عشانـصحتك
#الشير

28/10/2024

اليوم عاوزين نتكلم بصورة بسيطة عن مرض منتشر في كل العالم ونعرف معلومات عنو عشان ناخد حذرنا منو 😊ان شاء الله
⭕ضغط الدم :
القياس الطبيعي ليهو من 80الي120
🔹اعرض ضغط الدم
صداع
دوخة
نزيف من الانف
طنين في الأذن
، 🔹أسبابه
سبب وراثي
السمنة
الأكثار في شرب القهوة او الشاي
القلق والتوتر
خلل في الجهاز البولي
خلل في الغدد الصماء
، 🔹المشروبات الممنوعة لمرضى الضغط
الكركدي
الموز لاحتوائه على البوتاسيوم
الزنجبيل يوسع الشعب الهوائية
البقدونس والبنجر.

#عشان صحتك
#صحتكم بتهمنا

#اتفاعلو
#الشير

22/10/2024

هل بتم تناول الدوا قبل الأكل ولا بعد الأكل؟
السؤال دا محير اغلب المرضى.
يلا نشوف الإجابة 🚶‍♂️🏃‍♂️.
أولاً الشغلة بتعتمد علي نوع الدوا ومدى تأثره بالامتصاص.
تعالو نعرف الامتصاص أولاً :
هو عملية نقل الدوا من موقعه(الأمعاء او المعدة) الي الدم.
وبتم امتصاص الأدوية الطبيعتها حمضية في المعدة والأدوية الطبيعتها قلوية بتم امتصاصها في الأمعاء.
تعالو نتكلم عن كل واحد علي براه ⛷️:
اولا الأدوية ذات الطبيعة الحمضية
يلا دي افضل وقت ليها بعد الأكل مباشرة حتقول لي ليه؟
الاكل قبل ما يتحرك يمش الأمعاء بكون قاعد في المعدة(عملية الهضم) قرابة ساعتين ويلا في الفترة الدوا بكون متواجد برضو ودي بتعتبر افضل فترة لامتصاصو.
مثال للأدوية الحمضية (المسكنات، البنسلين، حمض الكلافولانيك، الأسبرين).
تانيا : الادوية ذات الطبيعة القلوية :
ودي افضل وقت لتناولها قبل الأكل بنص ساعة علي الاقل والافضل قبل الأكل بساعتين، وحتقول لي ليه؟
الادوية القلوية أفضل مكان لامتصاصها الأمعاء، و عشان الأكل بنتقل للامعاء بعد ساعتين من الأكل، وكدا وصول الدوا للامعاء بتاخر، عشان كدا لازم نتناول الأدوية الطبيعتها قلوية علي معدة فاضية.
مثال ليها (البنادول، مضادات الهستامين، بعض المضادات الحيوية ذي الماكروليدات والتتراسايكيلينات، ومضادات التشنج).

قبل ما تتناول الدوا بتاعك في حاجات لازم تنتبه ليها؟
لازم تقرا الإرشادات الموجودة في النشرة الطبية.
لازم تتاكد من طريقة استخدام الدوا فقط من الصيدلي او الطبيب.
ما تخلط الدوا بالمشروبات الكحولية أو المشروبات الساخنة.
اتناول الدوا بموية كافية.

#الشير
#عشان صحتك
#صحتكم بتهمنا

السلام عليكم ☺️✨اليوم عاوزين نتكلم عن مرض منتشر بصورة كبيرة عندنا في السودان🔭.⛔الملاريا🦟🦟🙂الملاريا مرض معد، البسبب لينا ...
14/10/2024

السلام عليكم ☺️✨
اليوم عاوزين نتكلم عن مرض منتشر بصورة كبيرة عندنا في السودان🔭.
⛔الملاريا🦟🦟🙂
الملاريا مرض معد، البسبب لينا مرض الملاريا طفيل اسمو البلازموديوم وبنتقل عن طريق الباعوض، فبعد يتم لدغ الشخص بواسطة باعوضة حاملة للطفيل، الطفل بتجه نحو كريات الدم الحمراء وبقوم بتدميرها.
والفترة البيتم فيها اختضان الطفيل من 7لي 30يوما.
كل الناس بتسال الملاريا بتنتقل كيف؟
بتنتقل من خلال نواقل الملاريا ودي بتحوي لينا أجناس بعوضة الانوفيليس.
لكن ممكن الانسان يصاب ملاريا من دون ما تلدغو بعوضة، حتقول كيف🤷🤷؟
ودا بتم بالتعرض لدم شخص مصاب بالملاريا ودا بكون حالات معين مثلا:
الام ممكن تنقل الملاريا للجنين🤱
ونقل دم من انسان مصاب لشخص سليم
ومشاركة الإبر مع شخص مصاب بالملاريا💉.
اعرض الملاريا شنو؟
الخرافة بتاعت انو الملاريا مرض جوع😅 البقولوها اهلنا غير صحيحة وما عندها اصل😑😑.
والأعراض بتبين ليك😎 :
بتكون عندك رعشة وحمى 🤒
تعرق شديد😓
صداع😫
قئ🤮 واسهال😳
لكن الاعراض وحدها ما كفاية عشان تبين ليك ان مصاب بملاريا، لازم المرض يتشخص بواسطة طبيب، والتشخيص بتم عن طريق المجهر.
منظمة الصحة العالمية بتوصي بعدم الاستناد علي الاعراض فقط في تشخيص الملاريا.
الأدوية المستخدمة لعلاج الملاريا شنو؟
كلوروكوين(Chloroquine)

• كوينين سلفيت (Quinine sulfate)

• هيدروكسي كلوروكوين (Hydroxychloroquine)

• ميفلو كوين (Mefloquine)

• مركب من أتوفاكوين و بروجوانيل (atovaquone+proguanil)
عشان نحنا نتفادي المرض المنتشر دا لازم نعمل وقاية ضدو والوقاية بتتم بتحرك من الدولة و فيها بتم الآتي :

مكافحة الباعوض ودا الناقل الأساسي للمرض.

ردم البرك، ودي منطقة توالد النواقل
استخدام الناموسيات.


#صحتكم بتهمنا
#عشان صحتك
#الشير

شاكوش في رأس اي زول مفتكر إن الملاريا ممكن تتحول لتايفويد ،دبل ليه 🔨⚒️شاكوش في رأس اي زول مفتكر إن ام فتفت بعالج الملاري...
11/10/2024

شاكوش في رأس اي زول مفتكر إن الملاريا ممكن تتحول لتايفويد ،
دبل ليه 🔨⚒️
شاكوش في رأس اي زول مفتكر إن ام فتفت بعالج الملاريا ، دبل ليه تربيع دا 🔨🔨⚒️⚒️🙂
#صحتكم بتهمنا
#عشان صحتك

{إِنَّ اللَّهَ وَمَلائِكَتَهُ يُصَلُّونَ عَلَىٰ النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا ت...
11/10/2024

{إِنَّ اللَّهَ وَمَلائِكَتَهُ يُصَلُّونَ عَلَىٰ النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا} 🤍

لا تنسوا قراءة سورة الكهف يا رفاق 💙.
#صحتكم بتهمنا
#عشان صحتك

For reminder 📌📌📌Session title Medicinal chemistry Hub Our speaker Dr.Mujtaba Kamal Venue: Pharma funj Telegram platform ...
10/10/2024

For reminder 📌📌📌

Session title
Medicinal chemistry Hub

Our speaker
Dr.Mujtaba Kamal

Venue: Pharma funj Telegram platform
Time:8:00PM
Date:13Oct 2024

Link below 📌📌

https://t.me/+RRNV5EBvbvsyZjc0

09/10/2024

يا الملاريا؟
اها مالك في شنو 🤔، داير شنو قبل كم يوم كشفت كل أسراري للناس 😓.
عندي ليك سؤال بسيط يا الملاريا؟
اها اتفضل قول 🙄
هل انت بتتحولي لتيفويد😃؟،
😂🤣😂😂😂
قلت شنو، انا ما سامعاك.
خلي الهبالة، سؤالي واضح 😏
دا منو القال عني كدا 😯؟
ديل الناس.
تعرف حاجة؟
اها قولي يا الملاريا.
انا و التيفويد، ذي الشرق والغرب😆.
هل بتلاقو؟
لالا😴
بس :دي علاقتي مع التيفويد، ماف رابط بينا
غير انو انا والتيفويد ادويتنا من النوع البتصرف بروشتا 😁.

ممكن توضحي اكتر يا الملاريا عشان ما فهمتك؟

😤يا زول انتا غبي ولا داير تتذاكى علي ما قلنا ماف حاجة بتربطنا، مالك انتا عبيط كدا😏، لكن ما مشكلة بوريك،
انا الملاريا القدامك دي بسببني طفيل👽 والواقف بعيد في الشرق هناك التيفويد (اللي ماف علاقة بتربط بينا) بتسببو البكتيريا👾.
وتاني ما تقول ما فاهم، عشان ما ف شي بتقال تاني😑.
كفيتي ووفيتي يا الملاريا، كدا خشمي وعندي 🤐.

ماف زول يجينا ويقول تاني عندو ملاريا اتطورت لتيفويد 😌.

#عشان صحتك
#صحتكم بتهمنا

♨️مواصلة في السلسلة بتاعتنا عن التوعية بمرض الكوليرا ( الإسهالات المائية) اليوم موضوعنا عن الأدوية و اللقاحات المستخدمة ...
07/10/2024

♨️مواصلة في السلسلة بتاعتنا عن التوعية بمرض الكوليرا ( الإسهالات المائية)
اليوم موضوعنا عن الأدوية و اللقاحات المستخدمة للمرض والبدائل اللي ممكن تقلل من حدة المرض في حال عدم توفر الأدوية.
اذا انت ماشي منطقة موبوءة بمرض الكوليرا أو انت خايف على نفسك من المرض مع كثرة انتشارو في لقاح ممكن تستخدمو ، اللقاح متوفر للفئة العمرية بين سنتين ل 64 سنة
اسم اللقاح Vaxchora بالعربي فاكس كورا
بتاخد عن طريق الفم لانو بكون في صورة سائلة ، والجرعة بتكون قبل أيام من السفر .
*متوفر لقاحات تانية ، بس دا اشهر .
🛑في حالة الإصابة بالمرض حنستخدم شنو ؟
تعويض السوائل:
الإصابة بالمرض بتخلي المصاب يفقد كبيرة شديد من سوائل الجسم ، عشان نعوض الفقد قبل دخول المصاب في صدمة ، بنستخدم محلول ORS أو ما يعرف بملح التعويض بكون في شكل مسحوق ويتحل في موية نظيفه أو ممكن تغلي الموية عشان نضمن نظافتها.
⛔الدراسات بتقول أن معدل الوفاة بقل وسط المصابين في حالة استخدام الملح .
📌في حالة الجفاف الحاد ، يفضل استخدام المحاليل الوريدية ( دربات )
📌إستخدام مكملات الزنك ، خاصة بالنسبة للأطفال ، بقلل حدة المرض بصورة كبيرة.
⭕في حالة عدم توفر ملح التعويض ORS نتصرف كيف ؟
ممكن نعملو في البيت
نجيب موية نضيفة في عبوة سعة لتر ، املأ ربع العبوة دي ( موية نضيفة عزيزي المواطن ، أذا ما كنت واثق منها اغليها ) وكب 6 ملاعق بتاعت سكر و معاهم نص ملعقه ملح واخلطهم مع بعض ، كدا المحلول جاهز .
المصدر : Mayo clinic
#صحتكم بتهمنا
#عشان صحتك
#الشير

🛑بوست مهم لكل الناس مع إنتشار مرض الكوليرا في العديد من المناطق في السودان.📌الوقاية من الكوليرا ( الإسهالات المائية) : -...
06/10/2024

🛑بوست مهم لكل الناس مع إنتشار مرض الكوليرا في العديد من المناطق في السودان.
📌الوقاية من الكوليرا ( الإسهالات المائية) :
- غسل اليدين بالصابون( لو كانت ديتول أفضل)بين كل فترة والتانية , و مفلترة ، واذا كنت في مناطق ما متوفر فيها فلاتر ممكن تغلي الموية حتي تشربها ، والحاجة دي ما في الشراب بس حتي في الموية اللي بتستخدمها لي نظافة أسنانك ( المضمضة ) ⭕.
التلج برضو بنفس المواصفات ( ما التلج برضو موية في النهاية🙃).
- حاول بقدر الإمكان أنك تخلي كل وجباتك في البيت في الفترة دي ( ناس المطاعم والمحلات ما دايرين نخرب سوقكم والله 😂) واذا أكلت في الطريق ، أختار محل نضيف واتاكد أن الاكل فرش وساخن ، خاصة الأسماك و الوجبات البحرية ، أتأكد إن طبخها كان بالطريقة الصحيحة.
- بالنسبة للفواكه ، الأفضل إنك تلتزم بالفواكه اللي ممكن تقشيرها بنفس ذي ( الموز ، البرتقال .....) وابتعد شوية من الفواكه اللي من دون قشريات .
المصدر : Mayo clinic

#عشان صحتك
#صحتكم بتهمنا
#الشير

مرض الكوليرا ( الإسهالات المائية ) :أول شئ نتفق أن المرض بكتيري🦠الإصابة به بتأدي إلي الاسهالات المائية الحادة وبدورها بت...
06/10/2024

مرض الكوليرا ( الإسهالات المائية ) :
أول شئ نتفق أن المرض بكتيري🦠
الإصابة به بتأدي إلي الاسهالات المائية الحادة وبدورها بتادي إلي الجفاف وممكن يصل للوفاء والحاجة دي ممكن تحصل في ساعات فقط😱 .
المسبب للمرض غالبا الموية الملوثة
أعراض المرض دا شنو :
نحنا في المجال الطبي بنقول للبكتيريا اللي بتسبب الكوليرا ( فيبريو كوليرا ) يلا دا ما موضوعنا ، البكتيريا دي عندها فترة بتاعت حضانة في جسم الانسان فعن طريق البراز وخلال فترة تترواح بين ٧ لي ١٤ ممكن تتنقل خلال الموية الملوثة خصوصاً مع عدم توفر منظومة صرف صحي حديثة في السودان النقل بكون سهل للأسف.
الإسهال الناتج من الكوليرا بأدي الي فقد السوائل بصورة سريعة وغير متوقعة .

ممكن تسأل نفسك ليه بنقول عليه اسهال مائي🤔 ؟

لانو شكلو غالباً ذي الموية بتاعت الرز ، لون باهت كدا ،
برضو من الأعراض استفراغ🤮 ، ممكن يستمر لساعات
كل الأعراض دي بتادي لاصعب حاجة واللي هي الجفاف وبتم في الفترة دي فقدان وزن الجسم ، بكون مصحوب بارهاق وعطش و جفاف الجلد و قلة التبول ، وانخفاض ضغط الدم ، وبرضو بفقدنا المعادن بتاعت الجسم ودي هي المسؤولة عن التوازن في جسم الانسان .
ذي ما قلنا المسبب الرئيسي للمرض الموية الملوثة ، لكن ممكن الإصابة تجي من مسببات تانية :
ذي الخضروات أو الفواكه النيه ، دي ممكن تسبب المرض وخصوصاً إذا كانت الأسمدة بتحتوي علي مياه صرف صحي.
الحبوب ذي الرز مثلاً ودي اذا تم طهيها ووضعها في درجة حرارة الغرفة بعد الطبخ لساعات طويلة ممكن تنمو عليها البكتيريا .
المأكولات البحرية النية أو اللي طبخها غير كويس
المصدر : Mayo clinic

#عشان صحتك
#صحتكم بتهمنا

نظراً لانتشار مرض الكوليرا في العديد من المناطق في وطنا الحبيب ، خلال الفترة الجاية خلال سلاسل الشرح بتاعتنا المعهودة حن...
05/10/2024

نظراً لانتشار مرض الكوليرا في العديد من المناطق في وطنا الحبيب ، خلال الفترة الجاية خلال سلاسل الشرح بتاعتنا المعهودة حنتكلم عن المرض .
حنعرف المرض
ونوضح طرق العدوى
وطرق العلاج والوقاية

#صحتكم بتهمنا
#عشان صحتك

Address

Sennar

Telephone

+249908002742

Website

Alerts

Be the first to know and let us send you an email when عشان صحتك 4Your Health posts news and promotions. Your email address will not be used for any other purpose, and you can unsubscribe at any time.

Videos

هل عدم الحصول على الجرعة الكافية من الدواء بتأثر على صحتي في المستقبل ؟ 🫣 هل في تقنيات حديثة تقدر تحل مشكلة مقاومة البكتيريا والفطريات للأدوية؟ 🤔 مشكلة مقاومة المضادات الحيوية أصبحت واحدة من أكبر التحديات الصحية عالميًا، وبتأثر بشكل مباشر على علاج مرضى السرطان وزراعة الأعضاء. ليه؟ لأن علاج السرطان بيضعف المناعة، ومع الاستخدام المتكرر للمضادات الحيوية، بتزيد مخاطر المقاومة، وده ممكن يرفع معدلات الوفيات. أما مرضى زراعة الأعضاء، فهم عرضة بشكل أكبر للعدوى بالبكتيريا المقاومة، خاصة الأنواع القاتلة زي metallo-β-lactamases. عدم القدرة على العلاج المناسب بدري ممكن يكون السبب في ارتفاع نسب الوفيات. لكن الأمل موجود! التقنيات الحديثة زي البكتيريوفاج، تقنية CRISPR–Cas، وتكنولوجيا النانو بتفتح أبواب جديدة لمواجهة البكتيريا المقاومة. من الموضوعات المهمة كمان الفطريات، لأن مقاومتها للأدوية بتسبب فشل كبير في علاج العدوى الخطيرة، خاصة مع أنواع زي Candida وAspergillus. الحل؟ زيادة الوعي والاستثمار في أبحاث جديدة. #PErfector #EPSF_Azhar #Legend_Never_Die #عشانـصحتك #صحتكم_بتهمنا #anti_biotic_awarenees

#عشان صحتك #صحتكم بتهمنا

مثال لمدمن الآيس🚭 شاب مصري ينتحر أثناء بث مباشر بعد تعاطيه مخدر الآيس 💔

Shortcuts

Share

Category