16/11/2023
في لحظة صفاء وسكون واثناء تقليبي في الفيسبوك مرت علي عدد من الاعلانات التسويقية لمنتجات مستوردة هنا في السودان
كلها عبارة عن صابون ( سائل لوح بودرة معجون) ، مواد غذائية وغيرها ما ظهرت الا بعد الحرب وبعد توقف اكبر الشركات في البلد في الفترة الفاتت عن التصنيع بسبب محاصرة المصانع ونزوح العاملين عليها
السؤال الاتبادر لذهني هو هل بعد رجوع الشركات دي المنافسة حتكون بين منتجات الشركات زي زمان ولا حيضاف ليها اسامي البراندات المستوردة واللي افتكر في بلد المنشاة لا تصنف كالاعلى جودة دائما (اكيد في منتجات بجودة عالية كمان) .
وهل المستهلك في behavior حقه لاحقا حيرجع لمنتجاته المتعود عليها ولا حيختار المنتج "الأحسن على الجيب" وجربه مسبقا واتأقلم عليه؟
حاليا المستهلك ليهو 6 شهور عايش على المستورد لانو في اعتقاده وده بجزء كبير حاصل انو منتجاتنا السودانية هي المخزنة فقط وصلاحيتها على وشك الانتهاء بالاضافة لفرق السعر طبعا
الحرب خلقت حوجة للمنتجات لانو المخازن الكبرى كانت في الخرطوم، وبسبب التنشيف الكان حاصل للاسواق مجرد ما تم ضخ السوق بالمنتجات المستوردة حصل طلب كبير جدا .
الشيء الايجابي بالنسبة لي شخصيا هو انو المنتجات المتاحة حاليا اثبتت لي انو الجودة الكانت شغالة بيها مصانعنا الوطنية هي جودة عاااالية ترفع لها القبعات
