ROSE News

29/12/2023

محکمہ اطلاعات بھمبر
29 دسمبر 2023
ترجمان محکمہ خوراک کے مطابق
ڈسٹرکٹ فوڈ کنٹرولر محمود علی خان نے صدیقی فلور ملز جبی کا سرپرائزوزٹ کیا ، ملز کےگوداموں میں موجود گندم کی مکمل چھان بین کی گئی۔ ماسچر میٹر سے آٹے کا ماسچر چیک کیا۔20 کلو گرام آٹےکا وزن کیا گیا ۔بعد ازاں انچارج ملز کو ھدایت کی کہ آٹا کی کوالٹی کو مزید بہتر کریں،ریکارڈکو روزانہ کی بنیاد پر اپڈیٹ رکھیں۔

28/12/2023

منگلا ڈیم اور کشمیریوں کی قربانی۔ لیکن ملا کیا؟

28/12/2023

میرپور آزاد کشمیر میں دھند کا راج سردی کی شدت میں اضافہ ہو گیا۔

28/12/2023

*بریکنگ نیوز: حکومت پنجاب نے محکمہ موسمیات کی رپورٹ پر شدید سردی اور دھند کی صورتحال دیکھتے ہوئے پنجاب میں اسکولز کی چھٹیوں کا دورانیہ بڑھا دیا ۔۔ پنجاب بھر میں اسکولز یکم جنوری سے 10جنوری تک بند رہیں گے*
رپورٹ چوہدری علی، اسلام آباد

28/12/2023

*بریکنگ نیوز: پنجاب میں کرونا وائرس کے ٹیسٹ پھر سے شروع کرنے کی ھدایت ۔۔ ملک بھر میں نزلہ، زکام اور کھانسی وبا بن گئی ۔۔ جبکہ دنیا کے دیگر ممالک میں بھی کرونا وائرس کی نئی قسم 'جے این 1' کے کیسز رپورٹ ھونے کی اطلاعات ہیں ۔۔ انڈیا کے دارالحکومت دھلی میں بھی کرونا وائرس کے نئے ویرینٹ JN-1 کا پہلا کیس سامنے آگیا*
رپورٹ چوہدری علی، اسلام آباد۔

28/12/2023

نو تعینات انسپکٹر ایس ایچ او تھانہ پولیس سٹی میرپور راجہ امتیاز شوکت کی جرائم پیشہ افراد کے خلاف کاروائیوں کا سلسلہ جاری تفصیلات کے مطابق ڈی آئی جی میرپور چوھدری سجاد حسین ایس ایس پی میرپور کامران علی کی خصوصی ہدایت پر نانگی اڈا سے موٹر سائیکل چوری کرنے والا چور قاسم خلیل ولد محمد خلیل ساکن عزیز پور لھڑی منگلا کو گرفتار کر کے چوری شدہ موٹر سائیکل برآمد کر کےملزم کے خلاف مقدمہ درج کر کے تفتیش شروع کردی مزید سنسنی خیز انکشافات متوقع

28/12/2023

میرپور 28 دسمبر2023 ء
آزادکشمیر کے وزیر صحت عامہ ڈاکٹر نثار انصر ابدالی اور وزیر فزیکل پلاننگ و ہاؤسنگ چوہدری یاسر سلطان کا گزشتہ روز رات گئے ڈویژنل ہیڈ کوارٹر ٹیچنگ ہسپتال میرپور کا سرپرائز وزٹ ڈیوٹی پہ موجود ایوننگ نائٹ ڈپٹی میڈیکل سپرنٹنڈنٹ ڈاکٹر ماجد الطاف اور نائٹ ڈیوٹی وارڈ ماسٹر اسحاق گورسی نے وزراء حکومت کو ہسپتال کے مختلف ڈیپارٹمنٹ کا وزٹ کروایا جس میں ایکسیڈنٹ اینڈ ایمرجنسی، سرجیکل اور گائنی ڈیپارٹمنٹ شامل ہیں۔
وزراء حکومت نے ڈاکٹرز اور ملازمین کی حاضری چیک کرنے کے علاؤہ ہسپتال میں زیر علاج مریضوں کو دی جانے والی سروسز کا تفصیلی جائزہ لیا اس کے علاؤہ آپریشن تھیٹر کا تفصیلی وزٹ کیا اور واضح احکامات جاری کئے کہ آپریشن تھیٹر میں کوئی بھی پروسیجر کے وقت آن کال کنسلٹنٹ اپنی موجودگی یقینی بنائے گا مزید برآں HOD گائنی یونٹ 2 کو موقع پہ فون کال کر کے ضروری احکامات جاری کئے اس موقع پہ وزراء صاحبان نے گفتگو کرتے ہوئے کہا کہ دستیاب وسائل کو بروئے کار لاتے ہوئے مریضوں کو بہترین سروسز فراہم کی جائیں کسی قسم کی کوتاہی اور غفلت برداشت نہیں کی جائے گئی۔
مجموعی طور پہ وزراء کی طرف سے ہسپتال کی کارکردگی پہ اطمینان کا اظہار کیا اور مزید بہتر سروسز فراہم کرنے کی ہدایات جاری کی

28/12/2023

*BREAKING NEWS*
*Pakistan yesterday on 27th December, 2023, conducted a successful test of the indigenously developed Fatah-Il Guided Multi Launch Rocket System (GMLRS), Capable of delivering several types of conventional warheads at ranges of 400 Kilometres*.

27/12/2023

میرپور آزادکشمیر
وزیر اعظم آزاد کشمیر کا میرپور میں خطاب، ان کا کہنا تھا کہ بجلی کا ٹیرف ہم نے جون 2022 کے مطابق بحال کردیا ہے، پاکستان میں بجلی کی قیمتیں دو تین دفعہ بڑھیں اور بل میں تیرہ قسم کی ٹیکس عائد ہیں جبکہ آزاد کشمیر میں بجلی کے بلوں میں صرف جنرل سیلز ٹیکس عائد ہے۔جب تک فیڈرل کمیٹی اور آزاد کشمیر کابینہ کمیٹی کے مذاکرات میں بجلی کی قیمتوں کا تعین نہیں ہوتا تب تک آزاد کشمیر میں بجلی کی قیمتیں نہیں بڑھیں گی۔ انہوں نے کہا کہ محکمے کو دو ٹوک ہدایت کر دی ہے کہ جس صارف کی جیب اور حالات جو اجازت دیتے ہیں، اس کو اتنی اقساط دیں۔ ان کا مزید کہنا تھا کہ رٹھوعہ ہریام پل کا کام 16 جنوری تک E بڈنگ پراسیس مکمل ہونے کے بعد شروع کر دیا جائے گا۔

27/12/2023

برنالہ آزادکشمیر
پاک فوج کے اشتراک سے 4 میڈیکل بٹالین بریگیڈ کی جانب سے لیفٹیننٹ کرنل آفتاب علی کالرو کی نگرانی میں ایل اوسی کنجلور سول ڈسپنسری میں پاک فوج سول ڈاکٹرز کیجانب سے مشترکہ طور پر ایک روزہ فری میڈیکل کیمپ لگایا گیاکیمپ میں مریضوں کا فری چیک اپ کے ساتھ فری ادویات فراہم کی گی۔
فری میڈیکل کیمپ میں سرجیکل اسپشلسٹ میڈیکل اسپشلسٹ گائنا کالوجسٹ چائلڈ اسپشلسٹ سکن اسپشلسٹ ڈاکٹرذ نے 690 مریضوں کا چیک اپ کے ساتھ مفت ادویات فراہم کی گی۔عوام علاقہ نے کہا کہ بلا شبہ پاک فوج کا بہترین اقدام ھے۔مرد وخواتین بچے بوڑھوں کا فری چیک اپ ٹیسٹ اور ادویات دی گی اس موقع پر کرنل آفتاب علی نے حصوصی طور پر کیمپ کا دورہ کیا۔اور تمام شعبوں کا معائنہ کیا ۔میڈیکل کیمپ کے انچارج کرنل آفتاب نےکہا میڈیکل کیمپس کا سلسلہ آئندہ بھی جاری رھے گا اس سے قبل تحصیل برنالہ کے اندر مختلف مقامات پر میڈیکل کیمپ لگائے گئے ھیں جن میں عوام کو زیادہ سے زیادہ سہولیات فراہم کی کوشش کی گئی۔

27/12/2023

بھمبر آزاد کشمیر
ڈی ایچ کیوہسپتال بھمبر میں گردہ کے مریضوں کے لیے بنائے گئےچنار فری ڈائیلائسز سنٹرکے بانی معروف غلام احمد چوہدری مرحوم کی تیسری برسی ان کے آبائی گاؤں دھریا میں نہایت عقیدت و احترام کیساتھ منائی گئی دعائیہ تقریب میں پیرسید زاہد صدیق شاہ بخاری نے مرحوم کی خدمات کو خراج عقیدت پیش کیا جبکہ پروفیسر محمد امین الدین نے دعا کی
برسی کے موقع پر سابق سینیئر وزیر حکومت چوہدری طارق فاروق، صدر سنٹرچوہدری موسیٰ جان ،راجہ التماس خان سمیت دیگر افراد نے کثیر تعداد میں شرکت کی قبل ازیں چنار فری ڈائیلائسز سنٹر بھمبر آزاد کشمیر میں مرحوم کے ایصال ثواب کیلئے قرآن خوانی کا اہتمام کیا جبکہ چنار فری ڈائیلائسز سنٹر بھمبر آزاد کشمیر کی انتظامیہ نے مرحوم کی قبر پر پھولوں کی چادر چڑھائی اور فاتحہ خوانی بھی کی۔

26/12/2023

وزیر اعظم آزاد کشمیر چوہدری انوار الحق کی حکومت کا ایک اور اہم کارنامہ،آزاد کشمیر میں Eٹینڈرنگ اور Eبڈنگ کامیرپور سے آغاز کر دیا گیا۔چیف انجینئرشاہرات عبدالباسط نے کہا کہ وزیر اعظم آزاد کشمیر چوہدری انوار الحق کے ویژن اور وزراء حکومت چوہدری اظہر صادق اور چوہدری یاسر سلطان کا Eٹینڈنگ میں کلیدی کر دار ہے۔جس کے باعث مختلف ترقیاتی منصوبوں میں حکومت کو کروڑوں کی بچت ہوگی۔
تفصیلات کے مطابق ضلع میرپور کے چاروں حلقہ انتخاب کے سڑکوں کے 2ارب روپے منصوبہ جات کی Eبڈنگ کا پراسیس ایکسین شاہرات میرپور کے دفتر میں ہوا۔اس موقع پر چیف انجینئر شاہرات آزاد کشمیر عبدالباسط بٹ،ایس ای شاہرات امجد حسین شاہ اور ایکسین شاہرات سید نجم گیلانی،ڈپٹی کمشنر یاسر ریاض،ایس ایس پی کامران علی،انفارمیشن آفیسر محمد جاوید ملک،میڈیا نمائندگان اورکنٹریکٹر زبھی موجود تھے۔آزاد کشمیرمیں Eبڈنگ پہلی مرتبہ ہوئی ہے جس میں انجینئرنگ کونسل پاکستان کی رجسٹر ڈ فرموں نے گھر بیٹھ کر بذریعہ ای میل حصہ لیا۔اس بڈنگ میں کسی کنٹریکٹر یا محکمہ کے کسی افسر یا ملازم کو بڈنگ اوپن ہونے سے ایک سیکنڈ پہلے بھی پتہ نہیں تھا کہ کس نے کتنے ریٹ بھرے ہیں۔ای بڈنگ کمپیوٹراز طریقہ کار ہے جس میں کنٹریکٹر /فرموں کی طرف سے منصوبوں کے ریٹس ان کی لسٹ اور رینکنگ کا خود کار سسٹم ہے۔اس ای بڈنگ میں جملہ ترقیاتی کاموں کے الگ الگ Eٹینڈررکھے گے تھے جس میں تمام پرانے اور نئے انجینئر اور فرموں نے اپنے من پسند ریٹ بھرے۔ پہلی مرتبہ Eٹینڈرنگ اور Eبڈنگ سے حکومت آزاد کشمیر کو صرف ضلع میر پور کی شاہرات کے 2ارب روپے کے 100ٹینڈرز میں سے 25کروڑ روپے کی بچت ہوئی ہے۔جبکہ بڈنگ کے دوران لا اینڈ آرڈر کا بھی کوئی مسئلہ درپیش نہیں آیا۔ Eٹینڈرنگ اور Eبڈنگ کی شفافیت سے پول سسٹم ہمیشہ کے لیے ختم ہوگیا ہے۔ای بڈنگ اوپن ہونے کے مقررہ وقت پر جملہ شامل فرموں کو ان کی ای میل پر بڈنگ کی تفصیل چلی جاتی ہے جس کے باعث وہ اپنے گھر یا دفتر میں بیٹھ کر اس کے تمام پراسیس کو دیکھ سکتے ہیں۔سیاسی وسماجی اور عوامی حلقوں نے ای بڈنگ کی شفافیت پر حکومت آزادکشمیر کی کاوش کو زبردست الفاظ میں سراہا ہے۔

26/12/2023

میرپور آزاد کشمیر: بند روڈ پاسپورٹ آفس کے نزدیک ٹریکٹر کھائی میں گرنے سے ڈرائیور جاں بحق ! تعلق جاتلاں سے تھا

25/12/2023

کھوئی رٹہ
کھوئی رٹہ پریس کلب کے انتخابات مکمل، توقیر خان صدر، عامر خلیل کھوکھر سیکرٹری جنرل، محمد مقصود چوہدری سینئر نائب صدر، مظہر نازی نائب صدر، مدثر یاسین ڈپٹی سیکرٹری جنرل، واصف علی واصف سیکرٹری مالیات اور راجہ ظہیر اسلم سیکرٹری اطلاعات منتخب،چیف الیکشن کمشنر شوکت علی کھوکھر نے نتائج کا اعلان کر دیا
تفصیلات کے مطابق کھوئی رٹہ پریس کلب رجسٹرڈ کے انتخابات مکمل ہو گئے محمد توقیر خان 26 ووٹ لیکر صدر منتخب ان کے مدمقابل امیدوار غلام محمود جرال 15 ووٹ حاصل کر سکے مدثر یاسین راجہ 26 ووٹ لیکر ڈپٹی جنرل سیکرٹری منتخب جبکہ ان کے مدمقابل امیدوار بھی 15 ووٹ حاصل کر سکے۔ ووٹنگ کا عمل صبح گیارہ بجے شروع ہوا جو شیڈول کے مطابق دن 2 بجے تک جاری رہا ہے کل 42 ممبران نے حق رائے دہی کا استعمال کیا جن میں ایک ووٹ مسترد ہوا جنرل سیکرٹری کے عہدہ کے لئے امیدوار راجہ طالب حسین بوجہ بیماری الیکشن سے دستبردار ہو گئے جس کے بعد عامر خلیل کھوکھر بلامقابلہ جنرل سیکرٹری منتخب ہو گئے دیگر عہدوں پر سینئر نائب صدر محمد مقصود چوہدری، نائب صدر مظہر نازی، سیکرٹری مالیات واصف علی واصف اور سیکرٹری اطلاعات ظہیر اسلم راجہ بلامقابلہ منتخب ہو گئے ممبر بورڈ آف گورنر ضلع کوٹلی پریس فاونڈیشن آزاد جموں و کشمیر شوکت علی کھوکھر نے چیف الیکشن کمشنر، نائب تحصیلدار محمد انوار شاہین نے ڈیوٹی مجسٹریٹ، ساجد علی چوہدری نے سیکرٹری الیکشن کمشنر جبکہ سینئر جرنلسٹ اقبال انجم، محمد جمیل تبسم کے فرائض سر انجام دئیے صداقت علی مغل نے نمائندہ اطلاعات کے طور پر معاونت کی۔ پولنگ کا عمل مکمل ہونے کے بعد شوکت علی کھوکھر نے باقاعدہ نتائج کا اعلان کیا۔ سیاسی و سماجی رہنمائوں سمیت ہر مکتب فکر کے لوگوں نے مبارکباد دی اور نیک خواہشات کا اظہار کیا۔ نومنتخب صدر محمد توقیر خان نے الیکشن نتائج کے اعلان کے بعد گفتگو کرتے ہوئے کہا کہ صحافیوں کے فلاح و بہبود کے لئے کام کروں گا ہمیشہ پسے ہوئے طبقات کی ترجمانی ہے آئندہ بھی پسے ہوئے مظلوم طبقات کی آواز بنیں گے۔

25/12/2023

25/12/2023

اسلام آباد
وزیراعظم آزاد کشمیر چوہدری انوارالحق سے صدر سپریم کورٹ بار راجہ سجاد احمد خان ایڈووکیٹ کی قیادت میں وفد نے ملاقات کی۔ وفد میں نائب صدر سپریم کورٹ بار سردار جاوید اعظم ایڈووکیٹ، جنرل سیکرٹری حلیم اعظم ایڈووکیٹ، جائنٹ سیکرٹری جمشید احمد ایڈووکیٹ، سردار ظریف اسلم ایڈووکیٹ، نذر حسین نذر ایڈووکیٹ، محمد خالد نقشبندی ایڈووکیٹ اور خواجہ عامر رسول بٹ ایڈووکیٹ شریک تھے۔ وزیراعظم آزاد کشمیر چوہدری انوارالحق کا کہنا تھا کہ وکلاء ہمارے معاشرے کی طاقت ہیں، ریاست کے نظام کی مضبوطی اور اداروں کو مستحکم کرنے میں وکلاء کا کردار انتہائی اہمیت کا حامل ہے۔ انہوں نے مزید کہا کہ سپریم کورٹ بار, ہائی کورٹ بار, ڈسٹرکٹ بار اور دیگر بارز پر مشتمل ایک جائنٹ ایکشن کمیٹی بنائیں جس میں تمام بارز کی نمائندگی ہو، ہم نے مل کر اس نظام میں بہتری لانے کیلئے کوشش کرنی ہے۔
وزیراعظم آزاد کشمیر چوہدری انوارالحق نے سپریم کورٹ بار کے وفد کے ہمراہ بانی پاکستان قائد اعظم محمد علی جناح کے یوم پیدائش کے موقع پر کیک کاٹا۔
سینئر موسٹ وزیر کرنل (ر) وقار احمد نور، وزیر خزانہ عبدالماجد خان، سیکرٹری اطلاعات انصر یعقوب بھی اس موقع پر موجود تھے۔

25/12/2023

بھمبر آزاد کشمیر
کشمیرپریس کلب بھمبر کے انتخابات مکمل،چوہدری جمیل شفیع صدرجبکہ سجاد مرزا جنرل سیکرٹری منتخب،ممبربورڈ آف گورنرپریس فاونڈیشن ناصرشریف بٹ نے بطور الیکشن کمشنر،سینیرصحافی شوکت حسین ملک نے معاون جبکہ سابق صدر انصرزمان نے بطورپولنگ ایجنٹ فرائض سرانجام دیئے۔جملہ ممبرز نے باہمی اتفاق سے ایک دوسرے کومبارکباد پیش کی،جمہوری عمل کے مکمل ہونے کوخوش آئندقراردیاگیا۔ اس سے قبل پہلے مرحلے میں چوہدری جمیل شفیع بلامقابلہ صدر، راجہ وحید مراد سینئر نائب صدر محمد ارشد چوہدری نائب صدر سعد چوہدری نائب صدر آفتاب حسین مرزا ایڈیشنل سیکرٹری جنرل اور محمد سلیم ساگر جوائنٹ سیکرٹری منتخب ہوئے تھے دوسرے مرحلے میں سجاد مرزا جنرل سیکرٹری،خرم افضال پاشا سیکرٹری اطلاعات،شیراز پرویز مشتاق سیکرٹری مالیات منتخب ہوئے۔ڈسٹرکٹ انفارمیشن آفسیرعدنان مختارنے پریس کلب کا دورہ کیا اور جملہ عہدیدران کومبارکبادپیش کی۔

25/12/2023

ڈونگی ڈنہ کے رہائشی 23 سالہ محمد فراز حسین نے بین الاقوامی استنبول میراتھن 26.2 میل اور 42.2 کلومیٹر کی دوڑ مکمل کر لی ،محمد فراز 20,000 میں سے 2711 کی پوزیشن حاصل کرنے میں کامیاب ہو گئے ، میراتھن ریس میں دنیا بھر کے اعلیٰ درجے کے رنرز موجود تھے ، محمد فراز حسین پاکستان کی نمائندگی کرنے والے پہلے پاکستانی تھے جہنوں نے اس بین الاقوامی ریس میں حصہ لیا اور کامیابی حاصل کی
محمد فراز ڈونگی ڈنہ ضلع کوٹلی کے رہائشی ہیں ، محمد شبیر حسین کے صاحبزادے ہیں،

25/12/2023

الیکشن کمیشن کے احکامات پر آئی جی اسلام آباد اور ڈپٹی کمشنر کو ہٹا دیا گیا۔ سیکریٹری اسٹیبلشمنٹ کو سیکریٹری وزیر اعظم خرم آغا نے مراسلہ جاری کر دیا۔ اسٹیبلشمنٹ ڈویژن آئی جی پولیس اسلام آباد اور ڈپٹی کمشنر کی جگہ تعیناتی کے لیے پینل آف آفیسرز تجویز کرے،مراسلہ

25/12/2023

وزیراعظم آزاد کشمیر چوہدری انوار الحق کے دورہ میرپور کے حوالے سے ضلعی افسران کا مشاورتی اجلاس ڈپٹی کمشنر یاسر ریاض کی زیر صدارت منعقد ہوا۔اجلاس میں امن و امان کی صورتحال کو قائم رکھنے کے اور سیکورٹی کے فول پروف انتظامات کے حوالے سے افسران کو ہدایات جاری کیں۔
اجلاس میں ایس ایس پی کامران علی،ایڈیشنل ڈپٹی کمشنر جنرل یاسر محمود،ایس پی راجہ اظہر اقبال،اسسٹنٹ کمشنر راجہ زاہد حسین،اسسٹنٹ کمشنر اسلام گڑھ یاسر آفتاب گردیزی،افسر مال سید کلیم عباس شاہ،ڈی ایس پی ندیم عارف و دیگر نے اجلاس میں شرکت کی۔اجلاس میں وزیراعظم آزاد کشمیر چوہدری انوار الحق کے دورہ میرپور کے دوران مجسٹریٹ صاحبان اور پولیس افسران کو ذمہ داریاں سونپی۔

25/12/2023

وزیراعظم آزاد کشمیر کے سپیشل ایڈوائزر کرنل ریٹائرڈ محمد معروف کے صاحبزادے مغیث بن معروف ایڈووکیٹ کی شادی ولیمہ کی تقریب سیاسی اجتماع بن گی۔دعوت ولیمہ میں سابق وزیراعظم راجہ فاروق حیدر خان،مسلم لیگ ن کے صدرشاہ غلام قادر، وزراء حکومت چوہدری اظہر صادق، چوہدری قاسم مجید، سابق وزراء حکومت چوہدری محمد سعید، چوہدری رخسار احمد، چوہدری مسعود خالد، چوہدری علی شان سونی،چیئر مین حق خود ارادیت راجہ نجابت حسین(ستارہ امتیاز)،سابق امیدوار اسمبلی چوہدری ظفر انور، کمشنر چوہدری شوکت علی، ایڈمن آفیسر ادارہ ترقیات چوہدری امجد اقبال،وزیر اعظم کے سٹاف آفیسر محمد فیاض، پرائیویٹ سیکرٹری وزیر اعظم سیکرٹریٹ چوہدری محمد اسحاق، سابق سیکرٹری قانون محمد ادریس تبسم، سابق سیکرٹری لوکل گورنمنٹ بورڈ طاہر تبسم، ڈائریکٹر جنرل صحت عامہ فاروق احمد نور،ایم ایس ڈاکٹر عامر عزیز، ایس ای برقیات نذیر احمد مغل، سابق ایڈ منسٹریٹر ضلع کونسل چوہدری مشتاق احمد،سابق چیئرمین ضلع کونسل چوہدری عبدالمالک اورعوام علاقہ کی کثیر تعداد نے شرکت کی۔

25/12/2023

میرپور (پی آئی ڈی)25دسمبر 2023
سیکرٹری ہائیر ایجوکیشن آزاد حکومت ریاست جموں و کشمیر ظہیرالدین قریشی نے کہا ہے کہ انسانی معاشرے اور معیشت میں علم کی شمع کو روشن اور فروغ دیئے بغیر قوموں کی تعمیر و ترقی کا خواب کبھی بھی شرمندہ تعبیر نہیں ہو سکتا۔علم کا حصول مرد اور عورت کے لیے دینی اور قومی فریضہ ہے۔آزاد کشمیر کا لٹریسی ریٹ پاکستان کے چاروں صوبوں سے بہتر ہے۔تعلیم کے ساتھ ساتھ طلبہ وطالبات کی کریکٹر بلڈنگ میں اساتذہ، والدین اور علماء کرام اپنا کردار ادا کریں۔
ان خیالات کا اظہار انہوں نے کسگمہ ایجوکیشنل ویلفیئر ٹرسٹ بھمبر کے زیر اہتمام گورنمنٹ بوائز انٹر سائنس کالج گوجرہ میں سالانہ تقریب تقسیم انعامات سے خطاب کرتے ہوئے کیا۔ اس اہم اور قومی نوعیت کی پروقار تقریب میں ایلیمنٹری بورڈ بھمبر ڈسٹرکٹ، آزاد کشمیر تعلیمی بورڈ میرپور، میرپور یونیورسٹی آف سائنس اینڈ ٹیکنالوجی کے زیر انتظام امتحانات میں نمایاں پوزیشنز اور تحصیل و ڈسٹرکٹ لیول تقریری، نعت اور کھیلوں کے مقابلوں میں نمایاں پوزیشنز لینے والے طلبہ و طالبات کو شیلڈز دی گئیں۔ تقریب میں ناظم اعلی ایجوکیشن کالجز آزاد کشمیر پروفیسر ڈاکٹر خواجہ عبدالرحمن، ڈویژنل ڈائریکٹر کالجز پروفیسر ڈاکٹر نذر حسین،ڈسٹرکٹ ایجوکیشن آفیسر مردانہ بھمبر راجہ محمد شفیق اصغر، ڈسٹرکٹ ایجو کیشن آفیسر (نسواں) بھمبرمحمد وقاص صابر، ڈسٹرکٹ سوشل ویلفیئر آفیسر بھمبرآفاق احمد قریشی،اسسٹنٹ ایجوکیشن آفیسر بھمبرفضل احمد، اسسٹنٹ سوشل ویلفیئر آفیسر بھمبر راجہ اعتزاز نے بھی شرکت کی۔ تقریب کا آغاز تلاوت کلام پاک سے ہوا،نعت کی سعادت گورنمنٹ سکول گوجرہ کے طالب علم نے حاصل کی۔تقریب سے سیکرٹری ہائیر ایجوکیشن حکومت آزاد کشمیر ظہیر الدین قریشی، پروفیسر ڈاکٹر خواجہ عبدالرحمن، ڈاکٹر نذر حسین،جنرل سیکرٹری کسگمہ ایجوکیشن ویلفیئر ٹرسٹ طارق محمود چوہدری،ماسٹر ظہور
احمداور دیگر نے خطاب کیا۔اس تقریب میں بلدیاتی نمائندگان،میڈیا نمائندگان سمیت عوام علاقہ نے شرکت کی۔ مہمانان گرامی کا تقریب آمد پر کسگمہ ایجوکیشن ویلفیئر ٹرسٹ کے ممبران نے استقبال کیا،اس موقع پر مہمانان گرامی نے پوزیشن لینے والے طلبا اور طالبات میں شیلڈز تقسیم کیں اور ان کی حوصلہ افزائی کی گی۔
اس موقع پر مہمانان گرامی نے ٹرسٹ کے ویلفیئر کے کاموں اور اس تقریب کے انعقاد کو سراہا اور کسگمہ ایجوکیشن ویلفیئر ٹرسٹ کے ممبران اور ڈونرز کو خراج تحسین پیش کیا۔تقریب کے اختتام پر کسگمہ ایجوکیشن ویلفیئر ٹرسٹ کے ممبران نے مہمانان گرامی کو سوینئرز پیش کیں۔

25/12/2023

ازاد کشمیر کے وزیر مواصلات و تعمیرات عامہ چوہدری اظہر صادق نے چیف آف آرمی سٹاف جنرل سید عاصم منیر کے کامیاب دورہ امریکہ کے دوران مسئلہ کشمیر پر اصولی،حقیقت پسندانہ اور جراتمندانہ موقف اختیار کر نے کو زبردست الفاظ میں خراج تحسین کرتے ہوئے کہا ہے کہ اس سے کشمیریوں اور تحریک آزادی کو ایک نیا جوش اور ولولہ ملا ہے کشمیری عوام اس جراتمندانہ اقدام پر انہیں سلام پیش کرتے ہیں۔چیف آف آرمی سٹاف کے کامیاب دورہ سے پاکستان کی معیشت کو استحکام ملے گا اور بیرونی دنیا سے سرمایہ کار پاکستان میں سرمایہ کاری کریں گے۔
ان خیالات کا اظہار انہوں نے چیف آف آرمی سٹاف جنرل سید عاصم منیر کے دورہ امریکہ کے دوران امریکی حکومت اور اقوام متحدہ کے سیکرٹری جنرل سے ملاقات کے دوران مسئلہ کشمیر پر دو ٹوک موقف اختیار کرنے اور سماجی رابطوں کی سائٹ پر کشمیر ایشو پر حقیقت پسندانہ موقف کو سراہتے ہوئے کیا۔
وزیر حکومت چوہدری اظہر صادق نے کہا کہ پاکستان کے تمام سیاستدان سیاسی مفادات سے بالاتر تر ہوکر کشمیر ایشو پرا یک نقاطی سوچ اور لائحہ عمل اختیار کریں اور کشمیریوں کے حق خودارادیت کے حصول کے لئے عالمی سطع پر حمایت حاصل کرنے کی جدوجہد کو تیز کریں تاکہ مظلوم و محکوم کشمیری جو گزشتہ 76 سالوں سے اپنے مسلمہ حق خودارادیت کے حصول کے لئے جدوجہد کررہے ہیں وہ منطقی انجام تک پہنچ سکے۔انہوں نے کہا کہ مودی سرکار کی ہندوؤں توا پالیسی ناکام ہو گئی اور مقبوضہ کشمیر کے عوام اپنی منزل حاصل کرنے میں کامیاب ہونگے اس طرح بھارتی انتہا پسند حکمرانوں کا ریاست کی ڈیموگرافک تبدیل کرنے کا مذموم منصوبہ بھی ناکام ہو گا۔

25/12/2023

سماہنی پونا پوٹھہ پل حادثے میں شدید زخمی بس کنڈکٹر عنصر محمود جان کی بازی ہار گیا اللہ تعالیٰ مغفرت فرمائے آمین حادثہ اچانک بریک فیل ہونے کی وجہ سے پیش آیا عینی شاہد عثمان اعظم کہ مطابق بس کی اچانک بریک فیل ہونے سے ڈراہیور کہ کنٹرول سے باہر ہو گی ڈراہیور نے دلیری کرتے ہوے بس کو گہرے نالہ میں جانے سے بچا لیا اور پل کہ اوپر ہی بس الٹ گی ا

25/12/2023

سماہنی، آزاد کشمیر
پونہ پوٹھہ پل پر مسافر بس الٹ گئی
زخمیوں کو ریسکیو کیا جا رہا ہے۔

24/12/2023

سکول میں موسم کی صورت حال کے پیش نظر تعطیلات اب 5 جنوری تا 15 جنوری کئے جانے کا نوٹیفکیشن جاری۔

24/12/2023

میرپورآزاد کشمیر 24دسمبر 2023
آزاد کشمیر کے سیکرٹری جنگلات و اطلاعات انصر یعقوب خان نے کہا کہ انسانی زندگی کی بقاء کے لئے صاف اور آلودگی سے پاک ماحول اولین ضرورت ہے۔ محکمہ جنگلات نہ صرف درختوں کے کٹاؤ کی روک تھام کررہا ہے بلکہ یہ نہایت منظم طریقے سے نئے درختوں کی شجر کاری بھی کررہاہے۔ سبز درختوں کے کٹاؤ پر مکمل پابندی ہے۔ دیہہ آبادی کو قانون کے مطابق گری پڑی لکڑی بالن کے لئے استعمال کی اجازت ہے۔ غیر عمارتی درختوں کی شجر کاری کی حوصلہ افزائی کررہے ہیں۔ اس سے نہ صرف زمینداروں کو فائدہ ہو گا بلکہ معیشت کیلئے خام مال اور ریاستی محاصل بھی بڑھیں گے۔ وہ یہاں اپنے دوری میرپور کے دوران صحافیوں سے گفتگو کررہے تھے۔انہوں نے کہا کہ درختوں کے بیجا اور بے ہنگم کٹاؤ سے درجہ حرات میں اضافہ اور ماحولیاتی آلودگی سے سنگین مسائل پیدا ہو رہے ہیں۔ جس سے انسانوں کو بے وقت کے بارشیں سیلاب، خراب فصلیں موسم کی تبدیلی اور دیگر تباہ کاریاں کا سامناہے۔ انہوں نے کہا کہ قدرت نے ان مسائل کا حل درختوں کی افزائش اور ان کی حفاظت میں رکھا ہے۔ حکومت نے نسل انسان کی بقاء اور پر سکون زندگی کے لئے سبز درختوں کے کٹاؤ پر مکمل پابندی عائد کردی ہے۔ محکمہ جنگلات کا فیلڈ سٹاف اور افسران اس پابندی کے نفاذ اور عملدرآمد میں مکمل طور پرپر عزم ہیں اور تمام ذرائع اور وسائل بروئے کار لا رہے ہیں۔
سیکرٹری جنگلات انصر یعقوب نے کہا کہ راولاکوٹ ڈویژن کا علاقہ سفیدے اور اس سے مماثل دیگر غیر عمارتی درختوں کی شجر کاری کے لئے نہایت موزوں ہے۔ اس کی بہت جلد افزائشِ ہو جاتی ہے اور اس کی فروخت اور برآمد پر پابندی بھی نہیں ہے۔ گزشتہ سال راولاکوٹ سے 32 کروڑ کی سفیدے اور اس سے مماثل لکڑی برآمد کی گئی۔ زمیندار اس کی زیادہ سے زیادہ شجر کاری کرکے اپنی مالی حالت بہتر بنا سکتے ہیں اور صنعتوں کودرکار خام مال بھی مہیا کرسکتے ہیں۔ انہوں نے کہا جنگلات کے معاملات میں اصلاحات پرکام جاری ہے۔ اس سے ریاست کی عوام کو ترقی اور خوشحالی کے مزید مواقع ملیں گے جس سے ریاست میں کاروبار کو وسعت ملے گی اور محاصل میں بھی اضافہ ہو گا۔ انہوں نے کہا کہ محکمہ جنگلات جنگلات کی تجدید پر بھرپور توجہ دے رہا ہے۔ سونامی بلین ٹری پر کام جاری ہے۔ لیکن اس میں وفاق سے ملنے والے فنڈز میں کچھ معاملات ہیں جن کے یکسو ہونے پر اس میں مزیدبہتری آئے گی۔ انہوں نے کہا کہ یہ تاثر غلط ہے کہ محکمہ جنگلات درختوں کی حفاظت نہیں کررہا۔ ہمارا درختوں کی حفاظت اور نگہداشت کا مربوط نظام ہے۔ ہمارے پاس 926 اپنے محکمے کے اور 1100 نگہبان سونامی پراجیکٹ میں دستیاب ہیں انہوں نے کہا کہ صحافی حضرات جب چاہیں محکمہ جنگلات انہیں اپنی نرسریوں اور شجر کاری والے علاقوں کا دورہ کرائے گا۔ انصر یعقوب نے کہا کہ محکمہ جنگلات میں اصلاحات سے عوام کو براہ راست فائدہ ہو گا معیشت میں بہتری آئے گی اور روزگار کے نئے مواقع پیدا ہوں گے۔

24/12/2023

انتہائی افسوسناک حادثہ
ایبٹ آباد کے گاؤں ترھیڑی میں شارٹ سرکٹ سے گھر میں لگنے والی آگ کے باعث چھت گرنے سے ایک ہی خاندان کے 7 افراد جاں بحق ہو گئے جبکہ ملبے تلے دبے 2 مزید افرادکی تلاش کے لیے ریسکیو آپریشن جاری ہے۔

23/12/2023

فیصل آباد بھائی والا سٹاپ پر سروس اسٹیشن کے قریب ڈاکو بلا پان شاپ والے کو فائر مار کر فرار، ان ڈاکووں کی شناخت میں مدد کیجئے۔

23/12/2023

بھمبر آزاد کشمیر
ڈپٹی کمشنربھمبر مرزا ارشدمحمودجرال نے
ڈسٹرکٹ جیل بھمبر میں صاف پانی فراہمی کے حوالے سے واٹر فلٹریشن پلانٹ کا افتتاح کیا
سوکاسن سے فلاحی تنظیم سناء ویلیفئیر ٹرسٹ کی طرف سے صاف پانی فراہمی کے سلسلہ میں جدید ترین واٹرفلٹریشن پلانٹ عطیہ کیا گیا،ڈپٹی کمشنرمرزا ارشدمحمودجرال نے ایس ایس پی راجہ محمد اکمل خان،سپرننڈنٹ خواجہ ثناء اللہ ڈار،ڈپٹی سپرننڈنٹ راجہ عدنان خان،ڈسٹرکٹ انفارمیشن آفیسرعدنان مختار و دیگر کے ہمراہ افتتاح کیا،سناءویلفئیر ٹرسٹ کی انتظامیہ چوہدری بدرمنیر،چوہدری جبران، معروف کاروباری شخصیت چوہدری منور،چوہدری اشتیاق،چوہدری شبیر و دیگر کو سراہا گیا ،ڈپٹی کمشنرمرزا ارشدمحمودجرال نے فیتہ کاٹنے اور دعا کے بعد گفتگو کرتے ہوئے کہاکہ صاف پانی فراہمی کے لئے آر او پلانٹ عطیہ کرنے پرسناء ویلفئیراور انکی پوری ٹیم کے مشکور ہیں،اس کاوش سےایک ہزار افراد کو پانی کی سپلائی دی جاسکے گی،انسانیت کی خدمت کرنے والے ہر شعبہ سے تعلق رکھنے والے افراد کو خراج تحسین پیش کرتے ہیں۔یہ صدقہ جاریہ ہے،نیک نامی پیدا ہوگی۔صاف پانی فراہمی پر اس تنظیم کی کاوشوں کو سلام پیش کرتے ہیں،ایسے افراد دوسروں کے لئے مشعل راہ ہیں،جیل سپرننڈنٹ و ڈپٹی سپرننڈنٹ جیل نے معزز مہمانان و شرکاء کاشکریہ ادا کیا،واٹرفلٹریشن پلانٹ آٹومیٹک سسٹم کے ذریعے قیدیوں و سٹاف کو بلاتعطل پانی کی سپلائی جاری رہے گی۔

23/12/2023

سیہون شریف
سیہون شریف میں سیہون بار کائونسل کا ہونے آج ہونے والے الیکشن کا بائیکاٹ، وکلا برادری کے ایک پینل کی جانب سے ہونے والے الیکشن کا بائیکاٹ ایڈووکیٹ رفیق احمد ڈاھری پینل کے وکلا کی جانب الیکشن رولز کی خلاف ورزی کے باعث بائیکاٹ کرکے انتخابی عمل کو روک دیا گیا ہے، وکلا بردری کی جانب سے بائیکاٹ کے دوران بائیکاٹ، بائیکاٹ کے نعرے لگائے گئے،وکلا برادری کی جانب سے الزام عائد کیا جارہا ہے کہ بیلٹ پیپر پر ووٹرز کے نام لیجر نمبر اور شناختی کارڈ نمبر درج کئے گئے ہیں جو الیکشن رولز اور سندھ بار کائونسل کے احکامات کی خلاف ورزی ہے۔

23/12/2023

جعفرآبادمیں ڈیرہ اللہ یار کے قریب زمینی تنازعہ پر دو گروپوں کے درمیان جھگڑا
فائرنگ کا تبادلہ اور لاٹھیاں لگنے سے 10 افراد زخمی ہوگئے پولیس نے تمام زخمیوں کو ڈی ایچ کیو ہسپتال ڈیرہ اللہ یار منتقل کردیا،جن میں شدید زخمیوں کو فوری طبی امداد کے بعد لاڑکانہ سندھ ریفرکردیاگیا، پولیس ذرائع کے مطابق واقع رند اور سبایو قبائل کے درمیان پیش آیا، پولیس واقع کی مزیدتفتیش کررہی ہے۔

23/12/2023

وزیراعظم آزادکشمیرچوہدری انوارالحق نے بھمبر میں دو مزدوروں کےجاں بحق ہونے کا نوٹس لے لیا، سیکرٹری انڈسٹریز سے رپورٹ طلب، ڈی جی معدنیات بھمبر پہنچ گئے ڈپٹی کمشنرمرزا ارشد محمود جرال نے بتایاکہ واقعہ کے فوری بعد دفعہ 144 کا نفاذ اور کام غیر معینہ مدت کے لئے بند رہے گا، وزیراعظم چوہدری انوارالحق کے خصوصی احکامات پر بطور ڈی ایم عوامی جانوں کی حفاظت کے تناظر میں کان کنی پر تاحکم ثانی پابندی عائد کردی گئی ہے، ڈپٹی کمشنر بھمبر مرزا ارشدمحمودجرال نے مزید بتایا کہ ڈی جی منرل و مائنزنے موقع ملاحظہ کیاہے انسانی جانوں کی حفاظت کے پیش نظر ضلعی انتظامیہ کے بروقت ایکشن کو سراہاہے۔ سرنگوں سے مٹی، بینٹونائٹ نکالنے پر پابندی کے حوالے سے ڈیوٹی مجسٹریٹس کڑی نگرانی کررہے ہیں،اس سے قبل ایس ایس پی کی رپورٹ پربھی کاروائی عمل میں لائی جا چکی ہے۔

23/12/2023

بھمبر آزاد کشمیر
راجہ محمد اکمل خان سنیر سپرنٹنڈنٹ پولیس ضلع
ڈپٹی سپرنٹنڈنٹ پولیس سٹی بھمبر کی زیر نگرانی طارق محمود انسپکٹر ایس ایچ او تھانہ پولیس سٹی بھمبر نے معہ محبوب اختر IHC ,F امجد قیوم ، عمران خان کنسٹیبلان کے کاروائی کرتے ہوئے سرقہ بالجبر کے ذریعہ لوٹی گی رقم 27 لاکھ 55 ہزار روپے برآمد کر لی
ملزم واجد علی ساکن کوہاٹ چند دن قبل مسمی عبدالرزاق نامی ضعیف العمر شخص ساکن وارڈ نمبر کے گھر ملازمت کیلئے آیا اور مذکور نے موقع پا کر مسمی عبدالرزاق کو باندھ کر متذکرہ رقم سرقہ کر لی اور بعد ارتکاب جرم فرار ہو گیا.
پولیس کو اطلاع ملنے پر فوری کاروائی کرتے ہوئے جدید ٹیکنیکل ذرائع بروئے کار لائے گئے اور انتہائی حکمت عملی سے ملزم کا پیچھا کرتے ہوئے مذکور کی راولپنڈی سے گرفتار یقینی بنائی گی.
عوام علاقہ نے پولیس کی جانب سے فوری کاروائی کرتے ہوئے متذکرہ برآمدگی کے عمل کو بہت سراہا ہے.

23/12/2023

میرپور شاکر چوہدری سے.
تھانہ منگلا کی حدود چترپڑی میں چوری کی وارداتیں عروج پر۔ چور گھر کے باہر سے موٹر سائیکل اور گاڑی کی بیٹری لے اڑے، قانون نافذ کرنے والے ادراے شہریوں کو تخظ دینے میں ناکام۔
تفصیلات کے مطابق
میرپور کے نواحی علاقہ چترپڑی محلہ نگیال کے رہائشی عثمان عرف سانی کا موٹر سائیکل و سزوکی گھر کے باہر گھڑے تھے،رات کی تاریکی میں نامعلوم چور موٹر سائیکل زمکو ماڈل 2016 نمبر JML9485
اور سوزوکی گاڑی کی بیٹری نکال کر فرار،تھانہ منگلا میں مقدمہ درج. یاد رہے اس سے قبل پچھلے مہینے چوری کی متعدد وارداتیں ہو چکی ہیں، مقدمات بھی درج کروائے گئے مگر تاحال کسی ایک کا بھی سراخ نا لگ سکا۔عوام علاقہ نے روز نیوز سے بات کرتے ہوئے کہا کے ہم ایس ایس پی مسترٹر کامران علی سے مطالبہ کرتے ہیں کہ ہمیں مکمل تحفظ فراہم کیا جائے۔

23/12/2023

میرپور آرمی چیف کے مقبوضہ کشمیر کے حوالے سے دیے گئے بیان کا خیر مقدم کرتے ہیں اس سے کشمیریوں کے حوصلے مزید بلند ہوئے ہیں اقوام متحدہ کے سیکرٹری جنرل نے بھی آرمی چیف اور سیکیورٹی ایجنسیز کی امن و امان کے حوالے سے کوششوں کو سراہا ہے چوہدری ارشد حسین۔تفصیلات کے مطابق وزیر برقیات آزاد حکومت ریاست جموں و کشمیر چوہدری ارشد حسین نے کہا کہ چیف آف آرمی سٹاف سید عاصم منیر کی طرف سے دیے گئے بیان کہ جنوبی ایشیا میں اس وقت تک پائیدار امن قائم نہیں ہو سکتا جب تک مسلہ کشمیر کو اقوام متحدہ کی قراردادوں کے مطابق حل نہ کیا جائے اور مقبوضہ کشمیر کی عوام کی خواہشات کے مطابق پائیدار حل ہی کشمیریوں کے حق میں ہیں اس بیان کا خیر مقدم کرتے ہیں چوہدری ارشد نے کہا کہ آرمی چیف کے اس بیان سے مقبوضہ کشمیر میں بسنے والے مسلمانوں کے حوصلے مزید بلند ہوئے ہیں انہوں نے کہا کہ آرمی چیف نے مقبوضہ کشمیر کے سٹیٹس کو تبدیل کرنے کی کوششوں کی شدید الفاظ میں مذمت کی ہے اور کہا ہے کہ یہ اقدام اقوام متحدہ کی قراردادوں کے منافی ہے۔ اس حوالے سے گزشتہ دنوں سیکرٹری جنرل اقوام متحدہ نے پاکستان آرمی اور سیکیورٹی ایجنسیز کی امن و امان کے حوالے سے کی جانے والی کوششوں کی تعریف بھی کی ہے جو کہ خوش آئند بات ہے چوہدری ارشد نے مزید کہا کہ بھارت کی جانب سے کشمیر پر غیر قانونی اور غیر آئینی قبضہ کی شدید الفاظ میں مذمت کرتے ہیں اور اقوام عالم سے مطالبہ کرتے ہیں کہ مقبوضہ کشمیر کے رہنے والوں کو ان کی خواہشات کے مطابق حق خود ارادیت دیا جائے۔

23/12/2023

کھڑی شریف : دربار عالیہ کھڑی سے دن دیہارے موٹر سائیکل چوری کرنے والا ملزم سی سی ٹی وی کی مدد سے دربار انتظامیہ نے دھر لیا۔ملزم دوبارہ واردات کی غرض سے دربار آیا تھا۔دربار انتظامیہ نے ملزم پولیس کے حوالے کر دیا۔ویلڈن دربار انتظامیہ

23/12/2023

ڈیرہ اللہ یار کے قریب زمینی تنازعہ پر دو قباٸل میں جھگڑہ
8 افراد سے زاٸد زخمی زخمیوں کو فوری سول ہاسپٹل ڈیرہ اللہ یار میں طبی امداد دی گٸی
رپورٹ۔ راحت علی بولان

23/12/2023

تعطیلات کا نوٹیفیکیشن آ گیا۔۔۔

23/12/2023

سیہون شریف سے اہم ترین خبر:
نمائندہ روز نیوز، رشید احمد بہنبرو کے مطابق حضرت لعل شھباز قلندر رح کے توشہ خانہ سے تقریبن 1 کروڑ رپے سے زائد کی مالیت کا سونا چوری ہونے کا معاملہ ایک قدم آگے۔

ایڈمنسٹیٹر محکمہء اوقاف ارشاد علی سمو کی مدعت میں تھانہ سیہون شریف پر مقدمہ درج کرلیا گیا ہے۔

مقدمے میں مینیجر اوقاف درگاھ حضرت لعل شھباز قلندر زبیر بلوچ اور علی رضا گوپانگ کو نامزد کیا گیا ہے۔

مینیجر اوقاف زبیر بلوچ عتراف جرم بھی کر چکے ہیں۔

یاد رہے کہ ایک ماہ قبل درگاھ کے توشہ خانہ سے سونا چوری کیا گیا تھا۔