Ababeel News

12/06/2024

بجٹ 24-25کے اجلاس میں اپوزیشن کا احتجاج

10/06/2024

https://youtu.be/sqZYAzqVnUI?si=2XEm6SSlzbZZT9L5

90 lakh Pakistanis below the poverty line will become 1 crore in some time. If Nawaz Sharif did not assume the Prime Ministership, the PML-N would cease to e...

07/06/2024

‎امید ہے ایران میں نئے آنے والے صدر پاک ایران دوستی ،ترقی اور خوشحالی کےلئے ابراہیم رئیسی کی پیروی کریں گے۔ اسپیکر قومی اسمبلی ایاز صادق

ابابیل نیوز

اسلام آباد۔اسپیکر قومی اسمبلی سردار ایاز صادق نے ایرانی سفارتخانے کے دورہ سے واپسی پر پارلیمنٹ میں ایڈیٹر ابابیل نیوز رفیع شہزاد بھٹہ سے خصوصی گفتگو کرتے ہوئے کہا کہ مرحوم صدر ابراہیم رئیسی بہت بڑے اسکالر اور مدبر سیاسی رہنما تھے، ان کی ہیلی کاپٹر میں رحلت نہ صرف ایران بلکہ مسلم اُمہ کے لیے بڑا صدمہ ہےاور ناقابل تلافی نقصان ہے جسے مدتوں پورا نہیں کیا جا سکتا۔ امید ہے ایران میں نئے آنے والے صدر پاک ایران دوستی ،ترقی اور خوشحالی کےلئے ابراہیم رئیسی کی پیروی کریں گے۔ قبل ازیں اسپیکر قومی اسمبلی سردار ایاز صادق نےایرانی سفارتخانے کا دورہ کیا اور ایرانی سفیر سے مرحوم صدر ابراہیم رئیسی، ایرانی وزیر خارجہ اور ہیلی کاپٹر حادثے کے دیگر شہداء کے قیمتی جانی نقصان پر اظہار تعزیت کیا اور ان کے ایصال ثواب کیلئے فاتحہ خوانی کی۔

اسپیکر نے صدر رئیسی سے ان کے حالیہ دورہ پاکستان کے دوران ہونے والی اپنی ملاقات کا ذکر کرتے ہوئے کہا کہ یہ ملاقات انتہائی خوش گوار اور دوستانہ ماحول میں ہوئی اور بڑی مفید ملاقات رہی ۔اسپیکر نے کہا کہ انہوں نے صدر رئیسی اور مرحوم وزیر خارجہ کو پاک۔ ایران دوستی اور خطے میں مشترکہ ترقی اور خوشحالی کا داعی پایا۔

اسپیکر نے ایرانی عوام سے اظہار یکجہتی کرتے ہوئے کہا کہ دکھ اور مشکل کی اس گھڑی میں پاکستان کی پارلیمان اور عوام اپنے ایرانی بہن ، بھائیوں کے دکھ میں برابر کی شریک ہیں اور ان کے شانہ بشانہ کھڑے ہیں۔اسپیکر نے صدر رئیسی اور دیگر شہدا کے درجات کی بلندی کے لیے کی دعا کی۔ انہوں کہا کہ وہ سفر میں تھے جس کی وجہ سے پہلے حاظر نہیں ہو سکے۔

ایران کے سفیر نے ایرانی سفارتخانے آمد، مرحوم صدر ابراہیم رئیسی اور دیگر شہداء کی رحلت پر اظہار تعزیت اور ایرانی عوام سے یکجہتی کا اظہار کرنے پر اسپیکر کا شکریہ ادا کیا ۔انہو ں نے مرحوم صدر رئیسی کے مشن کو جاری رکھتے ہوئے ایران پاکستان تعلقات کو مزید مستحکم بنانے کیلئے کوششیں جاری رکھنے کے عزم کا اعادہ کیا۔اسپیکر قومی اسمبلی نے ایرانی سفارتخانے میں رکھی تعزیتی کتاب میں اپنا تعزیتی پیغام بھی قلمبند کیا۔

04/06/2024

امریکی جیل میں ڈاکٹر عافیہ سے جنسی زیادتی

ابابیل نیوز

ڈاکٹر عافیہ صدیقی کے وکیل کلاؤ اسٹیفورڈ اسمتھ نے دعویٰ کیا ہے کہ ڈاکٹر عافیہ کو جیل میں ایک بار پھر جنسی زیادتی کا نشانہ بنایا گیا ہے۔امریکا کی ریاست ٹیکساس کی فورٹ ورتھ جیل میں قید ڈاکٹرعافیہ کے بارے میں وکیل نے کہا کہ دو ہفتے پہلے ایک گارڈ نے ڈاکٹرعافیہ سے سزا کے طور پر زیادتی کی۔کلاؤ اسٹیفورڈ اسمتھ نے کہا ہے کہ امریکا کی فورٹ ورتھ جیل میں ڈاکٹر عافیہ صدیقی کو مسلسل جنسی ہراسانی کا نشانہ بنایا جا رہا ہے۔جیل میں ڈاکٹر عافیہ سے ملاقات کے بعد جیو نیوز سے ٹیلی فونک گفتگو کرتے ہوئے انہوں نے اس بات کا انکشاف کیا کہ ڈاکٹر عافیہ کے ساتھ جنسی زیادتی کا سلسلہ ابھی رکا نہیں ہے، جیل میں اب بھی ان کو ریپ اور مسلسل جنسی ہراسانی کا نشانہ بنایا جا رہا ہے۔

عافیہ صدیقی کے وکیل کلاؤ اسٹیفورڈ کا کہنا تھا کہ جمعرات اور جمعے کے روز ڈاکٹر عافیہ سے ملاقات ہوئی، درمیان میں شیشے کی دیوار حائل تھی، ملاقات کے دوران فون پر گفتگو ہوئی تاہم آواز صاف نہیں آ رہی تھی، ہم نے چیخ چیخ کر بات کی۔کلاؤ اسٹیفورڈ کا کہنا تھا کہ فون کی خرابی سے متعلق جیل حکام سے شکایت کی اور دو دنوں کے بعد دوسرا فون دیا گیا، اتوار کو ڈاکٹر عافیہ سے ان کی بہن فوزیہ کی ملاقات ہوئی تو عافیہ زار و قطار رو رہی تھیں۔انہوں نے کہا کہ ڈاکٹر عافیہ کے کیس میں کافی پرامید ہوں، پیش رفت ہورہی ہے، ڈاکٹر عافیہ کی رہائی سے متعلق کافی پرامید ہوں،کل واشنگٹن میں کچھ لوگوں سے ملاقاتیں ہیں، نام نہیں بتا سکتا، وہ لوگ وائٹ ہاؤس کو ڈاکٹر عافیہ کے سلسلہ میں آگاہی دیں گے۔

31/05/2024

وزیر اعظم کا سرمایہ داروں اور کاروباری افراد کا وفد چین ساتھ لے جانے کا فیصلہ

ابابیل نیوز

وزیراعظم نے سرمایہ داروں اور کاروباری افراد کا وفد اپنے ہمراہ چین لے جانے کا فیصلہ کیا ہے اور اس حوالے سے اہم جائزہ اجلاس میں ہدایات جاری کردی ہیں۔ وزیرِاعظم محمد شہباز شریف کی زیرِ صدارت وزیرِاعظم کے دورہِ چین کی تیاریوں کے حوالے سے آج صبح 7 بجے اہم جائزہ اجلاس کا انعقاد ہوا۔ وزیرِاعظم کی دورے کے دوران دونوں ملکوں کی نتیجہ خیز بزنس ٹو بزنس ملاقاتوں کے حوالے سے جامع پلان ترتیب دینے کی ہدایت کی

‏چینی انڈسٹری کو پاکستان میں صنعتیں لگانے کی ترغیب دینے کے حوالے سے لائحہ عمل بنایا جائے۔ وزیرِاعظم کی ہدایت

‏حکومت چینی صنعت کاروں اور سرمایہ کاروں کو ہر ممکن سہولیات فراہم کرے گی۔ وزیرِاعظم

‏وزیرِاعظم کو دورہِ چین کی تیاریوں کے حوالے سے تفصیلی بریفنگ

‏پاکستان سے صنعت کاروں، سرمایہ کاروں اور کاروباری افراد کا ایک وفد بھی وزیرِاعظم کے ہمراہ چین کے شہر شینزین جائے گا۔ بریفنگ

‏یہ وفد چینی کاروباری برادری سے ملاقاتیں کرے گا اور پاکستان اور چین کے درمیان بزنس ٹو بزنس تعلقات کے فروغ کے حوالے سے بات چیت کرے گا۔ بریفنگ

‏وزیرِاعظم کی چین میں تعینات پاکستانی سفیر کو پاکستانی کاروباری وفد کو چین میں ہر ممکن سہولیات فراہم کرنے کی ہدایت۔ وزیرِاعظم

‏اجلاس میں نائب وزیرِاعظم و وزیرِ خارجہ اسحاق ڈار، وفاقی وزیرِ تجارت جام کمال خان، وفاقی وزیرِ اقتصادی امور احد خان چیمہ، وفاقی وزیرِ صنعت و پیداوار رانا تنویر حسین، وفاقی وزیرِ اطلاعات و نشریات عطاء اللّٰہ تارڑ، وفاقی وزیرِ پیٹرولیم مصدق ملک، وفاقی وزیرِ نجکاری عبد العلیم خان، وزیرِ مملکت برائے انفارمیشن ٹیکنالوجی و ٹیلی کام شزا فاطمہ، وزیرِاعظم کے معاونِ خصوصی طارق فاطمی، وزیرِاعظم کے کوآرڈینیٹر رانا احسان افضل، ڈپٹی چیئرمین پلاننگ کمیشن جہانزیب خان اور اعلیٰ سرکاری افسران کی شرکت

‏وفاقی وزیرِ منصوبہ بندی احسن اقبال اور چین میں تعینات پاکستان کے سفیر کی اجلاس میں بذریعہ وڈیو لنک شریک ہوئے۔

30/05/2024

قبل’ریاستی اداروں کے خلاف بیرونی قوتوں کی مدد سے ’ڈیجیٹل دہشت گردی‘ کا مقصد فوج اور عوام کے درمیان خلیج پیدا کرنا ہے‘: فارمیشن کمانڈرز کانفرنسر

ابابیل نیوز

پاکستانی فوج کی قیادت کے مطابق ریاستی اداروں بالخصوص افواج پاکستان کے خلاف جاری شدہ ’ڈیجیٹل دہشت گردی‘، مذموم سیاسی مقاصد کے حصول کے لیے بیرونی سہولت کاروں کی مدد کے ساتھ کی جا رہی ہے، اس کا مقصد جھوٹ اور پروپیگنڈا کے ذریعے پاکستانی قوم میں مایوسی پیدا کرنا اور قومی اداروں بالخصوص افواج پاکستان اور عوام کے درمیان خلیج ڈالنا ہے۔
فوج کے شعبہ تعلقات عامہ یعنی آئی ایس پی آر نے فارمیشن کمانڈرز کانفرنس کا اعلامیہ جاری کرتے ہوئے کہا ہے کہ ملک کے وسیع تر مفاد میں لازم ہے کہ نو مئی کے منصوبہ سازوں، مجرموں، اس کی حوصلہ افزائی کرنے والوں اور سہولت کاروں کو انصاف کے کٹہرے میں کھڑا کیا جائے۔آئی ایس پی آر کے مطابق آرمی چیف جنرل عاصم نے جی ایچ کیو میں فارمیشن کمانڈر کانفرنس کی سربراہی کی جس میں کور کمانڈرز، پرنسپل سٹاف افسران اور فوج کے تمام فارمیشن کمانڈرز نے بھی شرکت کی۔اعلامیے میں کہا گیا کہ فورم نے اتفاق کیا کہ ملک ان مقاصد سے آگاہ ہے اور ان قوتوں کے ارادوں کو شکست دی جائے گی۔اعلامیے کے مطابق فورم نے افغانستان کی سرحد پار سے مسلسل خلاف ورزیوں اور افغان سرزمین کو استعمال کرتے ہوئے دہشت گردی کی منصوبہ بندی پر سخت تحفظات کا اظہار کیا ہے۔
ترجمان پاک فوج نے کہا کہ فورم نے تحفظات کا اظہار کرتے ہوئے کہا کہ پاکستان کے دشمن پاکستان کے اندر سکیورٹی فورسز اور معصوم شہریوں کو نشانہ بنانے کیے لیے افغانستان کو استعمال کر رہے ہیں۔
آئی ایس پی آر اعلامیے کے مطابق فورم نے دہشت گردی کے خلاف جنگ میں نئے ضم شدہ اضلاع کے عوام کی بیش بہا قربانیوں کا اعتراف کیا اور دہشت گردی کو فیصلہ کن شکست دینے کے لیے نئے ضم شدہ اضلاع کی ترقی کی اہمیت پر بھی زور دیا۔اعلامیے کے مطابق فورم نے بلوچستان میں سماجی و اقتصادی ترقی کی ضرورت پر بھی زور دیا تاکہ بیرونی طور پر پروپیگنڈہ کرنے والوں کا مقابلہ کیا جا سکے۔اعلامیے میں کہا گیا ہے کہ ’فورم نے کہا کہ پروپیگنڈہ کرنے والوں کی پشت پناہی غیر ملکی سپانسرڈ پراکسیوں کے ذریعے کی جاتی ہے تا کہ بلوچستان کے نوجوانوں کو امن اور ترقی سے دور رکھا جا سکے۔‘
اعلامیے کے مطابق فورم نے مشرقی سرحد پر موجودہ صورتحال اور انڈیا کے زیر انتظام کشمیر میں معصوم کشمیریوں کے ماورائے عدالت قتل کے تازہ ترین واقعات کا جائزہ لیا اور اقوام متحدہ کی سلامتی کونسل کی قراردادوں کے مطابق حق خودارادیت کے لیے کشمیریوں کی منصفانہ جدوجہد میں مکمل یکجہتی کا اظہار کیا۔اعلامیے کے مطابق فورم نے انڈیا میں سیاسی مقاصد کے حصول کے لیے بڑھتے ہوئے فاشزم پر اقلیتوں بالخصوص مسلمانوں کے ساتھ انسانیت سوز سلوک پر بھی تشویش کا اظہار کیا۔آئی ایس پی آر نے بتایا کہ فورم نے فلسطینی عوام کے ساتھ مکمل یکجہتی کا اظہار کرتے ہوئے غزہ میں انسانی حقوق کی سنگین خلاف ورزیوں اور جنگی جرائم کی مذمت کی۔فوج نے غزہ پٹی کے اندر رفح آپریشن اور دیگر تمام آپریشنز کو روکنے کے لیے عالمی عدالت انصاف کے فیصلے کی حمایت کی۔

30/05/2024

’قید تنہائی میں ہوں، اڈیالہ میں سب کچھ کرنل صاحب کنٹرول کرتے ہیں‘: عمران خان کا چیف جسٹس قاضی فائز عیسیٰ سے مکالمہ

ابابیل نیوز

پاکستان کی سپریم کورٹ میں جمعرات کو نیب ترامیم کیس کی سماعت کے دوران پہلی بار سابق وزیر اعظم عمران خان اور چیف جسٹس قاضی فائز عیسیٰ کے درمیان باضابطہ مکالمہ ہوا ہے۔عمران خان سے چیف جسٹس نے استفسار کیا کہ ’خان صاحب آپ خود دلائل دینا چاہیں گے یا خواجہ حارث پر انحصار کریں گے؟‘عمران خان نے کہا کہ ’آدھا گھنے دلائل دینا چاہتا ہوں۔‘
سابق وزیراعظم اور بانی پی ٹی آئی نے مزید کہا کہ ’مجھے تیاری کے لیے مواد ملتا ہے نہ ہی وکلا سے ملاقات کرنے دی جاتی ہے۔عمران خان نے کہا کہ ’میں قید تنہائی میں ہوں۔‘چیف جسٹس نے عمران خان کی بات سن کر کہا کہ ’آپ کو مواد بھی فراہم کیا جائے گا اور وکلا سے ملاقات بھی ہوگی۔‘عمران خان نے چیف جسٹس سے کہا کہ ’اڈیالہ میں سب کچھ کرنل صاحب کنٹرول کرتے ہیں۔بانی پی ٹی آئی نے کہا کہ ’پہلے بھی وکلا سے ملنا چاہتا تھا لیکن ممکن نہیں ہوا۔‘ عمران خان نے چیف جسٹس سے کہا کہ ’آپ وکلا سے ملاقاتوں کا حکم جاری کریں۔چیف جسٹس نے جواب دیا کہ ’آپ کے سامنے ہی حکم نامہ لکھوائیں گے۔چیف جسٹس نے عمران خان سے کہا کہ ’اگر آپ قانونی ٹیم کی خدمات لیں گے تو پھر آپ کو نہیں سنا جائے گا۔بانی پی ٹی آئی نے کہا کہ ’کسی قانونی شخص سے معاونت تو ضروری ہے تیاری کے لیے۔عمران خان نے کہا کہ ’خواجہ حارث اور ایک دو اور وکلا سے ملنا چاہتا ہوں۔‘ عمران خان نے چیف جسٹس سے کہا کہ ’آپ سے بات کرنے کا موقع شاید دوبارہ نہ ملے۔سابق وزیراعظم نے چیف جسٹس سے کہا کہ ’آٹھ فروری اور انسانی حقوق کی پامالیوں پر میری دو درخواستیں زیرالتوا ہیں۔چیف جسٹس نے کہا کہ ’آپ کے وکیل کون ہیں ان کیسز میں؟ عمران خان نے کہا کہ ’حامد خان میرے وکیل ہیں۔چیف جسٹس نے ریمارکس دیے کہ ’حامد خان کو معلوم ہے کیسز کیسے جلدی مقرر کرائے جاتے ہیں۔چیف جسٹس نے عمران خان سے کہا کہ ’آج کیس نیب ترامیم کے حوالے سے ہے۔‘ سپریم کورٹ نے نیب ترامیم کیس کی سماعت آئندہ ہفتے تک ملتوی کر دی عمران خان نے سپریم کورٹ کے سامنے زیر التوا مقدمات پر اپنا تجزیہ دیتے ہوئے کہا کہ ’یہ ملک کی زندگی اور موت کا مسئلہ ہے۔چیف جسٹس فائز عیسیٰ نے کہا کہ تاریخ کا اعلان شیڈول دیکھ کر کریں گے۔ وفاقی حکومت کے وکیل مخدوم علی خان نے اپنے دلائل مکمل کر لئے۔

30/05/2024

ایس ایم ای گرانٹس اورینٹیشن سیشن سندھ کی بزنس کمیونٹی میں جدت کا آغاز۔

ابابیل نیوز

30 مئی 2024:
یورپی یونین (EU) کی مالی اعانت اور UNIDO کے غربت کے خاتمے اور دیہی سندھ میں جامع ترقی (PAIDAR) پروگرام پر عمل درآمد کرتے ہوئے آج کراچی کے میریٹ ہوٹل میں اپنی بزنس گرانٹس اورینٹیشن تقریب کا کامیابی سے اختتام پزیر ہوا۔

چھوٹے اور درمیانے درجے کے کاروباری اداروں (SMEs)، کاروباری افراد اور ایسوسی ایشنز کو بااختیار بنانے کے لیے منعقد ہونے والے اس ایونٹ نے متنوع کاروباری شعبوں کی نمائندگی کرنے والے 77 شارٹ لسٹ شدہ درخواست دہندگان کی شرکت کو ممکن بنایا۔

یہ شرکا اب مضبوط کاروباری پروپوزل تیار کرنے کے لیے PAIDAR کی طرف سے مختص کردہ کمپنیوں کے ساتھ تعاون کریں گے۔

گرانٹ فنڈ میں جن شعبوں کا انتخاب کیا گیا ان میں شمسی مصنوعات، آٹو موٹیو انڈسٹری، ویسٹ مینجمنٹ، کنسٹرکشن، فوڈ پروسیسنگ، نمک کی کان کنی، ریٹیل، بائیو ماس پروسیسنگ، ٹیلی میڈیسن، رائس ہسنگ، اور ای کامرس وغیرہ شامل ہیں۔ اس تقریب میں خواتین کی ایک بڑی تعداد نے شرکت کی جس نے صنفی شمولیت اور خواتین کاروباریوں کے تعاون کے لیے PAIDAR کے عزم کو اجاگر کیا۔

کاروباری منصوبہ بندی کے لیے ماہرین کی مدد فراہم کرنے والی تین تکنیکی معاونت (TA) کمپنیاں سندھ انٹرپرائز ڈویلپمنٹ فنڈ (SEDF)، کرئیٹو انٹگریشن (ECI)، اور i-Consult ہیں۔ یہ معروف ادارے وسیع تجربہ اور خصوصی مہارت کی حامل ہیں جوکہ مضبوط کاروباری ترقی کو یقینی بناتی ہیں۔

نیشنل پروگرام کوآرڈینیٹر جناب بدر الاسلام نے حاضرین کو خوش آمدید کہا اور پروگرام کے اغراض و مقاصد سے آگاہ کیا۔ انہوں نے کہا، "یہ تقریب سندھ میں کاروباری برادری کو بااختیار بنانے کے لیے ایک اہم قدم ہے۔ یہ TA کمپنیاں جو تکنیکی معاونت فراہم کرتی ہیں وہ نہ صرف ان کاروباروں کو PAIDAR گرانٹس کے لیے درخواست دینے میں مدد فراہم کرے گی بلکہ انہیں اسٹریٹجک کاروباری منصوبے تیار کرنے اور دوسرے مالیاتی اداروں سے سرمایہ کاری کو راغب کرنے میں بھی بااختیار بنائے گی۔ میں ان کے لیے نیک خواہشات کا اظہار کرتا ہوں۔

سرمایہ کاری ڈیپارٹمنٹ کے سیکرٹری جناب راجہ خرم شہزاد عمر نے اقتصادی ترقی کے لیے SMEs کی اہمیت پر زور دیا۔ انہوں نے کہا کہ حکومت سندھ PAIDAR پروگرام کے پائیدار ترقی کے ماڈل کو تسلیم کرتی اور اس کی تعریف کرتی ہے، خاص طور پر PAIDAR کو اس اعتماد کے لیے سراہتی ہے جو اس نے سندھ میں تاجروں اور کاروباری برادری کو ضروری مالی مدد اور وسائل فراہم کیے ہیں۔

حکومت سندھ کے محکمہ پلاننگ اینڈ ڈویلپمنٹ کے سیکریٹری جناب خیر محمد کلواڑ نے اپنے اپنے خطاب میں UNIDO کو عوامی شعبے کے بنیادی ڈھانچے کی حمایت کے ذریعے غربت میں کمی کے لیے سندھ میں PAIDAR پروگرام کے نفاذ پر مبارکباد دی۔ انہوں نے مشترکہ اہداف کے حصول کے لیے PAIDAR کے ساتھ مل کر کام کرنے کے لیے کاروباری برادری کے لیے GoS کی حمایت کا اظہار کیا۔
تقریب کا اختتام نیشنل ٹیکنیکل ایڈوائزر جناب فاروق احمد صدیقی کے کلمات کے ساتھ ہوا، جنہوں نے تمام شرکا اور منتظمین کا شکریہ ادا کیا اور سندھ میں معاشی ترقی کے عزم کا اعادہ کیا۔

پیڈار ایس ایم ای گرانٹس مقامی کاروباروں میں نمایاں ترقی کرے گی جس کے نتیجے میں ملازمتیں پیدا ہوں گی، کاروباری سرگرمیاں بڑھیں گی اور SMEs کو معاشی ترقی کو آگے بڑھانے کے لیے ضروری آلات اور علم سے آراستہ کیا جائے گا۔

بزنس گرانٹس کے بارے میں:
بزنس ڈویلپمنٹ ونڈو کا آغاز سندھ بھر میں پائیدار روزگار کے مواقع اور پیداواری آمدنی پیدا کرنے میں کاروبار اور کاروباری اداروں کی مدد کے لیے کیا گیا تھا، جس میں خواتین اور نوجوانوں پر خصوصی توجہ دی گئی تھی۔ مجوزہ پروجیکٹ کی لاگت کے 50 فیصد تک لاگت کے اشتراک کے ساتھ، اور خواتین کی زیر قیادت کاروبار کے لیے 70 فیصد تک گرانٹس EUR 11,000 سے EUR 200,000 تک ہیں۔

30/05/2024

کھیلٹی 20 ورلڈکپ: نیویارک میں پاک بھارت میچ سے قبل دہشتگرد حملے کی خبریں سامنے آنے لگیں

ابابیل نیوز

آئی سی سی ٹی ٹوئنٹی ورلڈکپ میں نیویارک میں ہونے والے پاک بھارت میچ کے لیے سکیورٹی کا مسئلہ سر اٹھانے لگا۔میڈیا رپورٹس کے مطابق 9 جون کو ہونے والے پاک بھارت ٹاکرے سے قبل دہشتگردی کے حملے کی خبریں سامنے آنے لگیں جس کے بعد نیو یارک انتظامیہ نے دھمکیوں کے بعد پاک بھارت میچ کے لیے سکیورٹی بڑھا دی۔انتظامیہ نے دھمکی آمیز رپورٹس سامنے آنے کے بعد سکیورٹی بڑھانے کا فیصلہ کیا اور ثبوت نہ ہونے کے باوجود احتیاطی تدابیر اختیار کی جارہی ہیں۔نیویارک گورنر آفس نے اس حوالے سے جاری بیان میں کہا کہ دھمکی آمیز رپورٹس کے حوالے سے ابھی کوئی ثبوت نہیں ملا، صورتحال کو مانیٹر کررہے ہیں، انٹیلی جنس کے مطابق اس وقت پبلک کی حفاظت کے حوالے سے کوئی خطرہ نہیں ہے۔ گورنر آف اسٹیٹ کیتھی ہوچل کا کہنا ہے کہ انتظامیہ کئی ماہ سے سکیورٹی کو بہتر بنانے کے لیے کوشاں ہیں اور قانون نافذ کرنے والے اداروں کے ساتھ کام کر رہے ہیں، سکیورٹی بڑھانے کے لیے نیو یارک اسٹیٹ پولیس کو ایڈوانس نگرانی اور مکمل اسکریننگ کی ہدایت کردی گئی ہے۔

انٹرنیشنل کرکٹ کونسل نے بھی اس حوالے سے اپنا مؤقف دیتے ہوئے کہا کہ پورے ٹورنامنٹ کے دوران سکیورٹی کو مضبوط بنایا جائے گا، نیویارک وینیو کی سکیورٹی کو بھی دیگر وینیوز کی طرح مضبوط بنائیں گے، ہر کسی کی سکیورٹی اور حفاظت اولین ترجیح ہے، میزبان ممالک کی اتھارٹیز کے ساتھ مل کر کام کررہے ہیں۔ نیو یارک میں ایک تنظیم کی جانب سے حملے کی دھمکی کی رپورٹس سامنے آئی تھیں اور دہشتگرد گروپ نے حملوں کی دھمکی کے حوالے سے ویڈیو بھی جاری کی تھیں۔ ٹی ٹونٹی ورلڈکپ کے دوران نیویارک میں بھارت نے 4 اور جب کہ پاکستان نے 2 میچز کھیلنے ہیں جب کہ نیویارک نے 3 سے 12جون تک 8 میچز کی میزبانی کرنی ہے۔ ٹی ٹونٹی ورلڈکپ میں پاکستان اور بھارت کے درمیان ٹاکرا 9 جون کو نیو یارک میں ہوگا۔

30/05/2024

پاکستانبانی پی ٹی آئی عمران خان 9 مئی کے دو مقدمات میں بری

ابابیل نیوز

ڈسٹرکٹ اینڈ سیشن کورٹ اسلام آباد نے بانی پی ٹی آئی عمران خان کو 9 مئی کے دو مقدمات میں بری کر دیا۔جوڈیشل مجسٹریٹ عمر شبیر نے نے بانی پی ٹی آئی عمران خان کی دو مقدمات میں بریت کی درخواست منظور کی۔عدالت نے بانی پی ٹی آئی کو تھانہ شہزاد ٹاؤن میں درج 9 مئی کے دو مقدمات میں بری کیا۔ڈسٹرکٹ اینڈ سیشن کورٹ نے اپنے فیصلے میں کہا کہ پراسیکیوشن کی جانب سے ناکافی شواہد پر بانی پی ٹی آئی کو بری کیا گیا۔

29/05/2024

شاعر احمد فرہاد کی گمشدگی کا معمہ حل،لاپتہ شاعر کوآزاد کشمیر پولیس نے گرفتار کررکھاہے

وفاقی حکومت نے 15 روز بعد اسلام آباد سے لاپتہ شاعر اور صحافی احمد فرہاد کی گرفتاری ظاہر کر دی۔شاہد احمد فرہاد کی بازیابی سے متعلق کیس کی سماعت اسلام آباد ہائیکورٹ کے جسٹس محسن اختر کیانی نے کی۔احمد فرہار کی اہلیہ کی جانب سے ایمان مزاری عدالت میں پیش ہوئیں جبکہ وفاقی حکومت کی جانب سے اٹارنی جنرل پیش ہوئے۔

دوران سماعت اٹارنی جنرل منصور عثمان اعوان نے اسلام آباد ہائیکورٹ کو بتایا کہ احمد فرہاد گرفتار اور آزاد کشمیر پولیس کی تحویل میں ہیں۔اٹارنی جنرل نے تھانہ دھیر کورٹ آزاد کشمیر کی رپورٹ بھی عدالت میں پیش کر دی۔یاد رہے کہ شاعر احمد فرہاد 15 روز قبل وفاقی دارالحکومت اسلام آباد سے لاپتہ ہوئے تھے جن کی بازیابی کے لیے ان کی اہلیہ عروج زینب نے اسلام آباد ہائیکورٹ میں درخواست دائر کی تھی۔اسلام آباد ہائیکورٹ نے شاعر احمد فرہاد بازیابی کے لیے جمعہ 24 مئی کی ڈیڈ لائن دی تھی اور ڈیڈ لائن پر بھی احمد فرہاد کی بازیابی نہ ہونے پر عدالت نے گزشتہ سماعت پر آئی ایس آئی اور ایم آئی کے سیکٹر کمانڈرز کو طلب کیا تھا۔

29/05/2024

قاتلوں کا بیرون ملک پناہ لینا مشکل ،4 سال سے سنگین جرائم میں مطلوب اشتہاری ملزم سعودی عرب سے گرفتار

ابابیل نیوز

ایف آئی اے انٹرپول کی بڑی کاروائی سامنے آئی ہے۔

اب قاتل کے ملزم کا قتل کرکے بیرون ملک پناہ لینا بہت مشکل ہوگیا ہے۔ سنگین جرائم میں مطلوب اشتہاری ملزم سعودی عرب سے گرفتار

ملزم کو سعودی عرب سے گرفتار کر کےبذریعہ فلائٹ نمبر SV724 اسلام آباد ائرپورٹ منتقل کر دیا گیا

ملزم سفیان علی پنجاب پولیس کو مطلوب تھا

ملزم سال 2020 میں قتل کر کے بیرون ملک فرار ہو گیا تھا

ملزم کے خلاف تھانہ سٹی کامونکی، گجرانوالہ میں قتل کی دفعات کے تحت مقدمہ درج تھا۔

ایف آئی اے این سی بی انٹرپول نے ملزم کی گرفتاری کے لئے ریڈ نوٹس جاری کیا تھا۔

ملزم کو بعد ازاں پنجاب پولیس کے حوالے کر دیا گا

ملزم کی حوالگی انٹرپول اسلام آباد کی انٹرپول ریاض کے ساتھ قریبی رابطہ کاری کی وجہ سے ممکن ہوئی

29/05/2024

عدالت میں آمد پر پی ٹی آئی وکلا کابشریٰ بی بی کے سابق شوہر خاور مانیکا پرتشدد

ابابیل نیوز

اسلام آباد کی عدالت میں آمد پر پی ٹی آئی وکلا نے بشریٰ بی بی کے سابق شوہر خاور مانیکا کو تشدد کا نشانہ بنایا۔اسلام آباد کی ڈسٹرکٹ اینڈ سیشن کورٹ میں عدت میں نکاح کیس کی سماعت ہوئی جس سلسلے میں بشریٰ بی بی کے سابق شوہر خاور مانیکا عدالت میں پیش ہونے کے لیے آئے جہاں عدالتی احاطے میں موجود پی ٹی آئی کے وکلا نے ان پر تشدد کیا اور تھپڑ مارے۔خاور مانیکا پر وکیل کے تشدد کے بعد ان کے ساتھ موجود وکلا نے انہیں بچایا اور عدالت میں لے گئے۔عدالت میں جج کے چیمبر میں جانے کے بعد بھی پی ٹی آئی وکلا نے کمرہ عدالت میں خاور مانیکا کو بوتلیں ماریں۔واضح رہےکہ اسلام آباد کی ڈسٹرکٹ اینڈ سیشن کورٹ کے جج شاہ رخ ارجمند نے عدت میں نکاح کیس میں سزا کے خلاف عمران خان اور بشریٰ بی بی کی اپیلوں پر فیصلہ محفوظ کر رکھا ہے جو آج سنایا جانا ہے۔

22/05/2024

کمسن بچی کی سوشل میڈیا پر قابل اعتراض ویڈیوز وائرل کرنے کا معاملہ - اشتہاری ملزم گرفتار

سائبر کرائم سرکل اسلام آباد کی بڑی کاروائی میں آن لائن جنسی ہراسگی میں ملوث اشتہاری ملزم گرفتارکرلیا گیا۔ ملزم نے گزشتہ سال کمسن بچی کی قابل اعتراض تصاویر وائرل کیں۔ ملزم نے متاثرہ بچی کے نام سے جعلی فیسبک اکاونٹ بنا رکھا تھا۔ ملزم نے مذکورہ اکاونٹ کا استعمال کرتے ہوئے تصاویر وائرل کیں۔ ملزم نے قابل اعتراض مواد متاثرہ کے بھائی کو بھی بذریعہ واٹس ایپ شئیر کیا

ملزم شاریز ریاض کو راولپنڈی سے گرفتار کیا گیا۔ ملزمان قابل اعتراض مواد کی آڑ میں متاثرہ کو بلیک میل کرنے میں ملوث تھا۔ ملزم کے خلاف سال 2023 میں مقدمہ درج ہوا تھا۔ ملزم کی گرفتاری کے لئے متعدد بار چھاپے مارے گئے۔ ملزم کو گرفتار کر کے تفتیش کا آغاز کر دیا گیا۔

22/05/2024

ناروے نے فلسطین کو بطور ریاست تسلیم کرنےکا فیصلہ کرلیا

آئرلینڈ اور ناروے سے اسرائیل کے سفیروں کو فوری واپسی کا حکم

کوپن ہیگن، ڈنمارک ابابیل نیوز

اسرائیل کے وزیر خارجہ اسرائیل کاٹز نے آئرلینڈ اور ناروے سے اسرائیل کے سفیروں کو فوری طور پر اسرائیل واپس جانے کا حکم دیا ہے، کیونکہ ناروے نے کہا ہے کہ وہ فلسطینی ریاست کو تسلیم کرے گا اور آئرلینڈ سے بھی ایسا ہی کرنے کی توقع تھی۔

کاٹز نے کہا، "آئرلینڈ اور ناروے آج فلسطینیوں اور پوری دنیا کو ایک پیغام بھیجنے کا ارادہ رکھتے ہیں: دہشت گردی کی قیمت ادا ہوتی ہے۔"

انہوں نے کہا کہ یہ تسلیم غزہ میں قید اسرائیل کے یرغمالیوں کی واپسی کی کوششوں میں رکاوٹ بن سکتا ہے اور "حماس اور ایران کے جہادیوں کو انعام دے کر" جنگ بندی کا امکان کم کر دیتا ہے۔ اس نے یہ دھمکی بھی دی کہ اگر اس ملک نے بھی ایسا ہی موقف اختیار کیا تو وہ اسپین سے اسرائیل کے سفیر کو واپس بلا لے گا۔

اس سے قبل بدھ کے روز ناروے کی طرف سے فلسطینی ریاست کو تسلیم کرنے کا اعلان کرتے ہوئے، ناروے کے وزیر اعظم جوناس گہر سٹور نے کہا تھا کہ "اگر تسلیم نہ کیا جائے تو مشرق وسطیٰ میں امن نہیں ہو سکتا۔"

گرسٹور نے کہا کہ اسکینڈینیوین ملک 28 مئی کو باضابطہ طور پر ایک فلسطینی ریاست کو تسلیم کر لے گا۔ انہوں نے کہا کہ "فلسطینی ریاست کو تسلیم کر کے، ناروے عرب امن منصوبے کی حمایت کرتا ہے۔"

یورپی یونین کے کئی ممالک نے گزشتہ ہفتوں میں اشارہ دیا ہے کہ وہ تسلیم کرنے کا ارادہ رکھتے ہیں، یہ دلیل دیتے ہوئے کہ خطے میں پائیدار امن کے لیے دو ریاستی حل ضروری ہے۔

13/05/2024

کشمیر کی حالیہ صورتحال پر اجلاس!وزیراعظم نے 23ارب کی فوری فراہمی کی منظوری دیدی

ابابیل نیوز

اسلام آباد۔ وزیرِ اعظم پاکستان محمد شہباز شریف کی زیرِ صدارت آزاد کشمیر کی حالیہ صورتحال پر خصوصی اجلاس کا انعقاد آج اسلام آباد میں ہوا۔

اجلاس میں وزیرِ اعظم آزاد جموں و کشمیر، آزاد کشمیر حکومت کے وزراء اور اعلی سیاسی قیادت نے شرکت کی. اجلاس میں وفاقی وزراء اور اتحادی جماعتوں کے زعماء نے بھی شرکت کی.

اجلاس میں حالیہ صورتحال کا مفصل جائزہ لینے کے بعد وزیرِ اعظم محمد شہباز شریف نے کشمیری عوام کے مسائل کو حل کرنے کیلئے 23 ارب روپے کی فوری فراہمی کی منظوری دے دی.

کشمیری قیادت اور جملہ شرکاء نے وزیرِ اعظم پاکستان محمد شہباز شریف کا شکریہ ادا کیا.

10/05/2024

اے پی پی میں کرپشن مافیا اور کھاریاں کے کھسرے

دو حرف/رشید ملک

اللہ کرے پرورد گار کی رحمت ایزدی جوش میں آجائے اور وطن عزیز میں بسنے والے تمام خواجہ سراؤں کو پطرس ملک کے جلے ہوئے پروں کی واپسی کی طرح بلحاظ جنس انسانی عضو مکمل انعام ہو جائیں۔یہ کالم نہیں المیہ رقم طراز ہوں، اس کی ضرورت چنداں اس لیئے پیش آئی کہ کھاریاں پولیس نے چند روز قبل برہنہ بدن اور نہتے کھسروں کے ہاتھوں قلعہ نما تھانہ ڈنگہ یعنی اپنے گھر میں روح پرور ذلت آمیز چھترول کے بعد درجن بھر دہشت گردی غنڈہ گردی فحاشی جسم فروشی سمیت نا جانے کون کون سی دفعات کے تحت کھسروں کے خلاف ٹھوک بجا کر مقدمہ درج کرلیا۔اطلاعات یہ بھی ہیں کہ پولیس نے خواجہ سراء ورکشاپ سے اپنے سافٹ ویئر اپ ڈیٹ کرانے کے بعد کافی مستعدی کا مظاہرہ کیا اور کئی دہشت گرد،غنڈہ گرد کھسروں کو قلیل مدت میں ہی گرفتار کرلیا۔کیا شاندار کارکردگی کا مظاہرہ کیا ہے ڈنگہ پولیس نے، ایک اسلام آباد پولیس ہے کہ عدالت کے احکامات پر چھ دن سے 22اے کے تحت سرکاری خبر رساں ادارہ(اے پی پی) میں بلوہ کرنے والے ایک نام نہاد ڈاکٹر اور اس کے ساتھیوں کے خلاف مقدمہ درج کرنے سے معذور ہے۔نکتہ فکریہ یہ ہے کہ کیا پولیس اتنی منہ زور ہے کہ جج کے حکم کو پامال کردے؟۔اگر حکومت وقت ملک کو کچھ بہتری کی راہ پر رواں کرنا چاہتی ہے تو میں عاجزانہ مشورہ دوں گا کہ اسلام آباد اور پنجاب میں تمام پولیس میں انقلابی تبدیلی کرتے ہوئے کھسروں کو تعینات کردیا جائے انشاءاللہ مثبت نتائج یقینی برآمد ہوں گے۔کوئی خواجہ سرا کم از کم جج کے احکامات کی توہین تو نہیں کریں گا۔میں یہ تجویز پر عملدرآمد سے پہلے بتاتا چلوں ڈنگہ میں پولیس اور کھسروں کے درمیان ہونے والے مہا یدھ کی وجوہات یہ بتائی گئی ہیں کہ ڈنگہ پولیس جوان و مردان کھاریاں لالہ موسی، حتی کہ جہلم کے خوبرو خواجہ سراؤں کو بلا جواز زبردستی اپنے ساتھ نجی کمروں میں لے جاکر ان کا کئی کئی گھنٹے بلت کار کرتے، دعوت شیراز کیلئے دوسرے شہروں سے اپنے پیٹی بھائیوں سمیت عزیز رفقاء کو بھی مدعو کرتے جو انہیں درندگی کا نشانہ بناتے پھر پولیس جواں مردی کے جواہر دکھاتے ہوئے ان سے بھاری رقوم بھی بطور تاوان وصول کرتی۔ببلی عرف کاجل نے اس حوالے سے روتے ہوئے بتایا کہ ایک پولیس افسر نے دو دن تک نہ صرف اس سے غیر انسانی سلوک کیا بلکہ اپنے دوستوں کے ساتھ انگریزی سٹائل میں پوز بنواتا رہا،پھر اس کے دوستوں نے تو وہ کچھ کیا جو ہمیں بیان کرتے ہوئے لجا آتی ہے۔پروین عرف رانو نے بتایا کہ ایک پولیس والے نے اس کے پستان پر شدید کاٹا درد سے جب آنکھوں کا ضبط ٹوٹا تو تکلیف سے زور دار چیخ حلق سے نکل گئی جس پر پولیس والے نے وحشیانہ تشدد کا نشانہ بنایا اور کہا کہ میں چیک کر رہا تھا کہ تمہارے پستان اصلی ہیں یا سلیکون کے سرجری کیئے ہوئے ہیں۔پولیس کی یہ مشق جب روز کا معمول بن گئی اور سلسلہ دراز سے دراز ہوتا چلا گیا تو اس بارے اپنے گرو سےبات کی جس پر گرو نے معاملہ افسران سے اٹھایا۔پولیس نے بجائے خداکی اس مخلوق کو انصاف فراہم کرنے کے گرو کو ہی تختہ مشق بنا لیا۔جبر اور ظلم کا شکار کرنے کےبعد الٹا گرو کو حوالات میں بند کر دیا اور پھر ادھر سے گزرتے ہوئے اس پر آوازیں کستے "یہ گرو ہے، سنائو گرو خاطر میں کوئی کمی تو نہیں رہ گئی، موقع دو گے تو مزید سیوا کریں گے"۔۔۔۔۔وغیرہ وغیرہ۔ گرو کی تذلیل کا سن کر چیلوں کے تن بدن میں آگ لگ گئی اور چیلوں نے گرو سے وفا نبھانے کا عزم دھرایا۔اس کے بعد وہ ہوا جو سب نے دیکھا اور اس سے قبل دیکھنے کو نہیں ملاتھا۔پولیس ڈنگہ کو جو سبق کھسروں نے سکھایا اس پر پجاب بھر کی پولیس کے طعنے تشنعام کا جو سلسلہ شروع ہوا اس نے ڈنگہ کی مردانہ وار پولیس کی غیرت کو جگایا بھی اور جوش بھی دلایا۔جس کے بعد پولیس نے وہ کارنامہ کر دکھایا جو پنجاب پولیس میں سے کسی کے حصے میں نہیں آیا۔آئی جی صاحب تعجب ہے اتنا بڑا معرکہ ڈنگہ پولیس نے سر کیا دہشت گرد اور غنڈہ گرد کھسروں کو درجن بھر دفعات کے تحت محنت شبانہ کے بعد مقدمہ کا اندراج کرکے گرفتارکر لیا، نہ کوئی پریس کانفرنس نہ کوئی ڈنگہ پولیس کیلئے انعام کرام کا اعلان آپ کیسے آئی جی ہیں؟ حضور پر نور مد ظلہ آئی جی صاحب ان کھسرو کو بولنے اور اپنی عصمت کی حفاظت کیلئے آواز بلند کرنے پر ایسی سزا دی جانی چاہئے کہ کسی پولیس اہلکار کے پستان پر کاٹنے پر کوئی کھسرا رو سکے نہ چیخ بلند کر سکے اور فریاد بھی کسی افسر کے پاس نہ لے جا سکے بس ان مختصر گزارشات کو زیادہ سمجھ لیجئے ورنہ پنجاب کے اصل ہجڑے ان کھسرو کی تقلید پر نہ اتر آئیں۔ایک لائن میں، میں کھاریاں لالہ موسی ڈنگہ اور گردو نواح کے نیم مردوں کا نوحہ بھی لکھنا چاہوں گا جو یہ تماشا تو دیکھتے رہے مگر کوئی بھی پولیس کے ظلم پر اس ادھوری مخلوق کیلئے آگے نہیں بڑھا۔ مملکت خدا داد کو جھونک کی طرح چمٹی انسانی حقوق کی کسی تنظیم کی غیرت وحمیت نے کروٹ بدلی نہ سلوٹ سنواری۔ میری قلم کشائی کا دوسرا پہلو اے پی پی کرپشن سے متعلق ہے بس اس پر تفصیلی بات کے ادوار چلتے رہیں گے میں ایک ایک کارکن سے یہی اپیل کروں گا کہ اپنا پی ایف اور یتیموں مسکینوں کے ساتھ ساتھ بیواؤں کا پیسہ لوٹنے والوں کی رگوں سے یہ کروڑوں روپے کشید کرنے ہیں۔اور یہ سب خالی ٹک ٹاک، اچھا بہت اچھا ٹھیک بہتر گڈ ویری گڈ فیس بک یا سوشل میڈیا پر لکھنے سے نہیں ہو سکے گا۔وقت آگیا ہے کہ اس کرپٹ ٹولے کے سہولت کاروں کو بھی پکڑا جائے۔ ایم ڈی عاصم کھچی کی جرات کو سلام اور ان کی کاوشوں کو خراج تحسین پیش کیئے بغیر دو حرف پورے نہ ہوتے کیونکہ کرپشن کا نقاب آخر اسی مرد جری نے اتارا ہے ورنہ تو نہ جانے یہ مافیا گلبرگ،جناح گارڈن، ڈی بارہ بی سترہ میں کب سے پلازے محل ماڑیاں بنانے میں مصروف تھا اور چائینہ کٹنگ ہو رہی تھی۔آخر میں یہ جملہ لکھنے کو دل چاہ رہا ہے۔
"چور سب پھڑے جان گے"