News Buzz Pakistan

13/05/2023

07/05/2023

8 پولیس افسروں کے تقرر و تبادلے، علی ناصر ڈی آئی جی آپریشنز لاہور تعینات
May 07, 2023
پنجاب حکومت نے علی ناصر رضوی کو ڈی آئی جی آپریشنز لاہور تعینات کر دیا ہے جبکہ آئی جی پنجاب ڈاکٹر عثمان انور نے 8 پولیس افسران کے تقرروتبادلوں کے احکامات جاری کئے ہیں۔ تفصیلات کے مطابق پنجاب حکومت نے ڈی آئی جی آپریشنز لاہور افضال احمد کوثر کا تبادلہ کر کے ڈی آئی جی ریسرچ اینڈ ڈویلپمنٹ سی پی او پنجاب لاہور جبکہ سی پی او فیصل آباد علی ناصر رضوی کو ڈی آئی جی آپریشنز لاہور تعینات کر دیا ہے۔ آئی جی پنجاب ڈاکٹر عثمان انور نے احسان سیف اللہ کو اے آئی جی ڈسپلن سی پی او پنجاب لاہور، جویریہ محمد جمیل کو ایس پی انویسٹی گیشن اٹک، ایس پی سپیشل برانچ فیصل آباد احمد ارسلان کو سی پی او پنجاب لاہور رپورٹ کرنے، نعیم عزیز سندھو کو ایس پی سپیشل برانچ فیصل آباد، ظفر بزدار کو بٹالین کمانڈر پی سی لاہور، عاصم افتخار کو ریجنل آفیسر سی ٹی ڈی شیخوپورہ، فاروق احمد انور کو ایس پی انویسٹی گیشن اوکاڑہ جبکہ ایس پی انویسٹی گیشن گجرات محمد حسین کو تبدیل کر کے ایس پی انویسٹی گیشن ساہیوال تعینات کر دیا گیا ہے۔

لاہور محکمہ جیل خانہ جات پنجاب کے 13 افسران کے تبادلے و تقرریاں کر دی گئی ہیں۔ محمد عمیر اکرام کو سپرنٹینڈنٹ ڈسٹرکٹ جیل قصور، کامران حیدر اعوان کو سپرنٹینڈنٹ ڈسٹرکٹ جیل رحیم یار خاں اور محمد ایوب کو سپرنٹینڈنٹ بورسٹل جیل فیصل آباد تعینات کر دیا ہے۔ کاشف علی کو ایڈیشنل سپرنٹنڈنٹ سنٹرل جیل لاہور، فرخ رشید کو ایڈیشنل سپرنٹنڈنٹ سنٹرل جیل راولپنڈی اور عبدالصبور سکھیرا کو ایڈیشنل سپرنٹنڈنٹ سنٹرل ملتان سرفراز احمد کو ڈپٹی سپرٹنڈنٹ ہائی سکیورٹی بیرکس سنٹرل جیل لاہور، کاشف سیف کو ڈپٹی سپرٹنڈنٹ ایگزیکٹو ڈسٹرکٹ جیل قصور، جمشید احمد کو ڈپٹی سپرٹنڈنٹ جوڈیشل ڈسٹرکٹ جیل نارووال، کامران صدیق کو ڈپٹی سپرٹنڈنٹ جوڈیشل ڈسٹرکٹ جیل سیالکوٹ، طاہر بشیر کو ڈپٹی سپرٹنڈنٹ ڈویلپمنٹ سنٹرل جیل گوجرانولہ اور الفت نعیم کو ڈپٹی سپرٹینڈنٹ ایجوکیشن ریجنل آفس راولپنڈی تعینات کر دیا گیا ہے۔ محمد اظہر جاوید سپرٹنڈنٹ ڈسٹرکٹ جیل قصور کو انسپکٹوریٹ آف پنجاب پریزنز رپورٹ کرنے کی ہدایت کی گئی ہے۔

07/05/2023

مہنگائی سے تنگ تھانہ نارنگ میں تعینات اے ایس آئی نے استعفیٰ دے دیا
May 07, 2023
نارنگ منڈی ایس آئی جنید نے مہنگائی سے تنگ آکر اپنے عہدے سے استعفیٰ دے دیا ہے۔ استعفیٰ انہوں نے ڈی پی او شیخوپورہ کو ارسال کر دیا ہے جس میں موقف اختیار کیا گیا ہے کہ انکی تنخواہ 48ہزار روپے ہے، موجودہ دور میں اس تنخواہ سے گزارہ انتہائی مشکل ہو گیا ہے۔ میری تنخواہ سے زیادہ تو ایک رکشہ والا ماہانہ کمائی کرتا ہے۔ ٹی اے ایس آئی جنید احمد کا کہنا تھا کہ جو تنخواہ ہمیں محکمہ کی طرف سے ملتی ہے اس کا نصف ہم محکمانہ ڈیوٹی پر لگا دیتے ہیں۔ 14 سالہ سروس ریکارڈ بالکل کلین ہے کبھی بھی الحمد للہ کرپشن کا الزام نہیں لگا موجودہ کسمپرسی کے عالم میں استعفیٰ ڈی پی او شیخوپورہ کو ارسال کر دیا ہے اور استدعا کی ہے کہ ان کا استعفیٰ ہر صورت منظور کیا جائے۔ ٹی اے ایس آئی شیخوپورہ کے تھانہ نارنگ منڈی میں اپنے فرائض کی ادائیگی کر رہا ہے۔

07/05/2023

مخلوق خدا سے محبت کا چھوٹا سا عمل

اکثر لوگ چھت پر پرندوں کو دانا اور پانی ڈالتے ہیں، دانے میں زیادہ تر باجرہ ہی ڈالا جاتا ہے جو چھوٹے پرندے آسانی سے کھا لیتے ہیں

چھتوں یا منڈیروں پر آ کر بیٹھنے والے پرندوں میں سب سے بڑا پرندہ کوا ہے جو باجرہ شاید کھاتا ہی نہیں اگر کھاتا بھی ہے تو کم از کم میں نے کبھی نہیں دیکھا کوے کو باجرہ کھاتے ہوئے !

تو کوا بھی ایک جاندار یے، جسے پیاس بھی لگتی ہے اور بھوک بھی، پرندوں کو دانا ڈالتے ہوئے اس کا بھی خیال رکھیں

یہ وہی کوا ہے جو انسان کا پہلا استاد بھی ہے اور اپنی چونچ کی مدد سے قبر کھودنے کا طریقہ بتایا ۔

پرندوں کو دانا پانی ڈالتے ہوئے ایک برتن کا اضافہ کر لیں اور اس میں پانی ڈال کر بیچ میں بچی ہوئی روٹیوں کے ٹکڑے ڈال دیں، کوے یہ روٹی کے ٹکڑے نہ صرف رغبت سے کھاتے ہیں بلکہ چونچ میں دبا کر اپنے بچوں کیلئے گھونسلوں میں بھی لے جاتے ہیں !!

اگر آپ پرندوں کو دانا پانی نہیں ڈالتے تو آج سے ہی اپنا معمول بنا لیں، آپ اللہ کی مخلوق کے رزق کا ذریعہ بنیں گے تو اللہ آپ کے لئے رزق کے دروازے مزید کشادہ کر دے گا